|
|
|
 Re: باركوا لينا .. كندا ستصدر جوازات للجنس الث� (Re: يحي قباني)
|
سلامات عم يحي .
واسمح لي عبر هذا البوست الطيب المبارك أن أبعث بالتحايا لموسى هلال ، وحميدتي .... وكما لا يفوتني أن أطلب - برجاء - من السيد عبدالرحيم حمدي أن يبشرنا بالخير في موضوع الدولار .
وآمل صاااادقآ أن توفر الأدويه ( المنقذة للحياة فقط ) !! .
........
دول تفكر في النوع التالت .
ودول لا تفكر في البحث عن طريق تالت .
تبآ لك يا أيوه العم يحي .
| |
 
|
|
|
|
|
|
|
|
Re: باركوا لينا .. كندا ستصدر جوازات للجنس الث� (Re: Abureesh)
|
تحياتي قباني
وضيوفه
ثم بدأت اتشكك في عقلانية امريكا ..
الجنس جنسين ما دايرة درس عصر . ذكر و انثي . خصائص الذكر كيت وكيت وخصائص الانثي كيت وكيتا
التفريق ضروري للتعامل وفق التشريح الجسدي
آي صحي في واحدين عندهم الجهازين وديل انحراف وليس ظاهرة
لكن ان يتم التفريق علي اساس الاهتمام الجنسي ويكتبوها في اوراق رسمية دة شغل برجعكم لدول العالم الثالث اللاعقلانية من اجل المكاسب السياسية
زمان بسموهو شذوذ جنسي قبل ان تتطور السياسة وألاعيبها
هسة بقوا مثليين
وتاني قالوا ممكن يعرسو
أياهو شذوذ انحراف عن الطبيعة
والحمد لله الطبيعة لا تشبه البشر كان نهت العالم كلو كما نعرف
الغنماية بدل تفتش التيس تلقاها بترضع في اختها
| |
|
|
|
|
|
|
|
|
|
Re: باركوا لينا .. كندا ستصدر جوازات للجنس الث� (Re: حاتم إبراهيم)
|
صرف النظر .. قبولنا او رفضنا لهذه الظاهرة الكونية، يطيب لي ان أهنيء دولة كندا علي خياراتها المتصالحة مع النظام الكوني.
نحن... كدول عالم نامي ما مفروض ندفن روؤسنا في الرمال كما تفعل النعامة ونعاين بعيونا ونحن واقفين من علي كوم من العادات والتقاليد الجامدة!!
إثنين لاثالث لهما:
١/ إما ان نرفض هذا الواقع جملة وتفصيلا ودا عايز منا ان نكون اقوياء ونمتلك القوة، التعليم، تكنلوجيا، عسكريه، إقتصاديه..إلخ لكي نؤثر علي الحراك العالمي.
١/او ان نقبله علي علاته ونسعي لتوظيفه ليتناسب مع واقعنا المحلي بشرط ان نحرك ذلك الواقع من جموده ودا يحتاج منا ان نقبل الآخر ونعيش معاه تحت مظلة القانون!
ادناه مداخلة كتبتها ببوست سابق ٢/٢٠١٧:
"لأجيال ستكتشف في مشوارها القريب علي انو، مافيش معوق أكثر إعاقه لتطور الإنسان الحرّ غير الأسره والأديان(هنا أقصد التطور الروحي والإنعتاق من قيود التلقين والتقليد).
كثير من منظوماتنا القيّٓميِّه سيطالها التغير .
- نظام الأسره التقليدي والمكون من أب وأم!
- الزواج التقليدي(بين رجل وإمرأه).
- الجنس(دا ذكر ودا أنثي)
- نظام التعليم(المدارس التقليديه).
- الأوطان!
- السكن التقليدي!
- الطاقه.
أضف لماسبق:
ستكون أكبر جريمه يعاقب عليها القانون هي عملية تلقين الأطفال لتعاليم الدين، بل ستضمن في الچارتر بتاع الكون المتحد الذي يحل محل الأمم المتحده ورصيفاتها"!
| |
|
|
|
|
|
|
|
|
Re: باركوا لينا .. كندا ستصدر جوازات للجنس الث� (Re: muntasir)
|
هههه واقعة يا منتصر
وقاصدها تصدق .. عولمة ياخ كما قال راسين في طاقية !
درسونا زمان امريكا الشمالية وامريكا الجنوبية .. وكندا في قارة امريكا
بتفرق لو قلت الولايات المتحدة الامريكية
بعد كبرنا حتي عرفت انو امريكا اللاتينية دي امريكا الجنوبية
يعني هسة لو جو راجلين اصطلاحا وقالوا هم اكس لو سألت بالتحديد عشان افرزهم ممكن ولا لا
| |
|
|
|
|
|
|
|
|
 Re: باركوا لينا .. كندا ستصدر جوازات للجنس الث� (Re: Elawad Ahmed)
|
الاخ العوض احمد
X option لايعنى اكس ا(الكروموسوم) وانما لانه متغير فى ذاته يحمل داخله تصنيفات كثيره حسب الميول
المثليين G*y and Les***n ,واصحاب الميول المزدوجه Bi
والنوع الثالث (Ts) فعلا فيه الشيميل رجل فى مظهر امراه او امراه فى مظهر رجل مثل حاله (Buck Angel) امراه فى مظهر ذكورى صارخ.
التحيه لصاحب البوست وضيوفه .
| |
|
|
|
|
|
|
|
|
|
Re: باركوا لينا .. كندا ستصدر جوازات للجنس الث� (Re: يحي قباني)
|
Quote: سلامات عم يحي .
واسمح لي عبر هذا البوست الطيب المبارك أن أبعث بالتحايا لموسى هلال ، وحميدتي .... وكما لا يفوتني أن أطلب - برجاء - من السيد عبدالرحيم حمدي أن يبشرنا بالخير في موضوع الدولار .
وآمل صاااادقآ أن توفر الأدويه ( المنقذة للحياة فقط ) !! .
........
دول تفكر في النوع التالت .
ودول لا تفكر في البحث عن طريق تالت .
تبآ لك يا أيوه العم يحي . |
ايمن يا حبيب ...
و الله موسى هلال عمل إضافة جديدة في قاموسنا ...
يعني حسي يجي زول يرد لي بي خفة كده ... أقول ليهو خلي القالو موسى هلال و انعدل ...
| |
|
|
|
|
|
|
|
|
|
Re: باركوا لينا .. كندا ستصدر جوازات للجنس الث� (Re: جلالدونا)
|
يعني بقت على الجواز يا قباني؟
الناس ديل من زمان ماخدين حقوقهم بالكامل .... أي إشارة سالبة ليهم بتعادل الإشارة على أساس اللون أو الإعاقة أو الجنس .... إلخ.
زمان حكوا لينا عن واحد قضى فترة في أمريكا ولما رجع سألوهو رجعت مالك؟ قال لما مشيت أمريكا كان الشذوذ شئ منبوذ، شوية شوية المجتمع إتصالح معاهو والقانون سندو. بعد شوية بقوا يتظاهروا يطالبوا بحقوقهم. دحين أنا رجعت قبل ما يبقى إجباري.
الله ليكم
| |
|
|
|
|
|
|
|
|
|
Re: باركوا لينا .. كندا ستصدر جوازات للجنس الث� (Re: محمد أبوالعزائم أبوالريش)
|
Quote: تحياتي قباني
وضيوفه
ثم بدأت اتشكك في عقلانية امريكا ..
الجنس جنسين ما دايرة درس عصر . ذكر و انثي . خصائص الذكر كيت وكيت وخصائص الانثي كيت وكيتا
التفريق ضروري للتعامل وفق التشريح الجسدي
آي صحي في واحدين عندهم الجهازين وديل انحراف وليس ظاهرة
لكن ان يتم التفريق علي اساس الاهتمام الجنسي ويكتبوها في اوراق رسمية دة شغل برجعكم لدول العالم الثالث اللاعقلانية من اجل المكاسب السياسية
زمان بسموهو شذوذ جنسي قبل ان تتطور السياسة وألاعيبها
هسة بقوا مثليين
وتاني قالوا ممكن يعرسو
أياهو شذوذ انحراف عن الطبيعة
والحمد لله الطبيعة لا تشبه البشر كان نهت العالم كلو كما نعرف
الغنماية بدل تفتش التيس تلقاها بترضع في اختها
|
انا كنت زيك تمام .. لغاية ما يوم لقيت في السي ان ان خبر عن زول كتل الكلب حقه لانه بفتكر انو (Gay)
و بعدها جابو فلم توثيقي على الهوموسكشوالتي في مملكة الحيوان ...
قرود و طيور ... غايتو
http://www.telegraph.co.uk/news/worldnews/northamerica/usa/1343532/Man-faces-jail-for-killing-dog-he-thought-was-gay.html
الظاهر الحكاية ما ود ابن ادم براو يا صديقي ...
| |
|
|
|
|
|
|
|
|
|
Re: باركوا لينا .. كندا ستصدر جوازات للجنس الث� (Re: حاتم إبراهيم)
|
Quote: يخلوا المفتشين أيضا يكون من الجنس الثالث.
لكن عنوانك خلعني عديل كده, قلت الزول ده طلع من الجنس التالت ولا شنو لمن نبارك ليهو؟ لكن لمن قريت مادة البوست فهمت الحاصل.
|
ههههه
طلعت سليمة قلت لي ... ههه
انحنا الحمد لله دودتنا بقت في يدنا بس ... الحريق و ما ادراك ما الحريق ...
| |
|
|
|
|
|
|
|
|
|
Re: باركوا لينا .. كندا ستصدر جوازات للجنس الث� (Re: يحي قباني)
|
Quote: صرف النظر .. قبولنا او رفضنا لهذه الظاهرة الكونية، يطيب لي ان أهنيء دولة كندا علي خياراتها المتصالحة مع النظام الكوني.
نحن... كدول عالم نامي ما مفروض ندفن روؤسنا في الرمال كما تفعل النعامة ونعاين بعيونا ونحن واقفين من علي كوم من العادات والتقاليد الجامدة!!
|
مش كده يا محمد ادم ...
لكن البفهم ليك كلامك ده منو ؟
| |
|
|
|
|
|
|
|
|
|
Re: باركوا لينا .. كندا ستصدر جوازات للجنس الث� (Re: يحي قباني)
|
Quote: صباحاتكم بخير طبعاً من الشرق
بعدين يفترض يكون في إحتجاج من الرجال وضع علامة X محجف في حقنا لأنو الإناث XX و الذكور XY ووضع علامة X فيهو إنا!! مفروض نص من هنا ونص من هناك
وجه ضاحك |
سلامات يا العوض ...
ردك قدام عند عاصم ...
التحية ليك و ليهو ...
| |
|
|
|
|
|
|
|
|
|
Re: باركوا لينا .. كندا ستصدر جوازات للجنس الث� (Re: نادر الفضلى)
|
سلام مربع
يحيى وضيوفه الكرام
عبد الحفيظ ود اب سن... الجنس ما جنسين في جنس تالت حتى في الإسلام وله فتاوى في الميراث .. أها ما شغلتنا
بس هنالك جنس لا هذا ولا ذالك
يعني شخص مولود بجهازين تناسليين تسميه شنو ؟
شخص مولود بعضو ذكري ولكن بقية ملامحه وصدره وتقسيمة جسمه وصوته كلها أنثوية خلقة ربنا بدون تدخل بشري هرمونات وخلافه دا يكون مع ياتو ؟
واحدةعندها شنب وعضلات وليس لها صدر يعني نهود ولا أي علاقة بجسم المرأة لكن فقط ولدت بعضو تناسلي أنثوي ولا تميل حتى للإناث من حيث الرغبة الجنسية أها دي تكون مع ياتو من الجنسين ؟
هذه القضية موجودة منذ الأزل ولكن لم يعطيهم المجتمع حقهم وآن الأوان أن يطالبوا بحقوقهم .. المشكلة وين ؟
أنظروا للموضوع من ناحية إنسانية !
مع تحياتي
عاصم فقيري
| |
|
|
|
|
|
|
|
|
|
Re: باركوا لينا .. كندا ستصدر جوازات للجنس الث� (Re: قصي محمد عبدالله)
|
مرحب عاصم
وحبابك
اي في جنس تالت ومعروف طبيا الامر مربوط بالميول ناهيك عن التشريح
هنا قباني بتحدث عن العلاقية المثلية والاعتراف بالميول الجنسية لدرجة تضمينها في اوراق رسمية
حديث قباني عن المثلية في الحيوانات لاقاني قبل كدة ويعد انحراف . وبنسبة ضئيلة
شفنا الحيوانات العايشة معانا في السودان . الامر كلو في تقديري دراسات يدعمها مثليين
| |
|
|
|
|
|
|
|
|
|
Re: باركوا لينا .. كندا ستصدر جوازات للجنس الث� (Re: عبدالحفيظ ابوسن)
|
كدي نخرم بيكم شوية ...
السؤال موجه للسودانيين و السودانيات العايشين في أوروبا و الامريكتين ....
لو ولدك او بتك في سن المراهقة كده جاكم او جاتكم و قالوا ليكم انا بقيت مثلي ..
رد الفعل شنو ؟
رجاء ...
السؤال موجه فقط لمن لهم أبناء و بنات و عايشين في أوروبا و الامريكتين ....
| |
|
|
|
|
|
|
|
|
|
Re: باركوا لينا .. كندا ستصدر جوازات للجنس الث� (Re: يحي قباني)
|
يبدو انو الموضوع في تطور كبير ..
بالتأكيد النظرة للموضوع هي انسانية ..
زائد فهم رائع لتسامح الانسان مع نفسه وهذه اهم خطوة لمجتمع متسامح يعيش في سلام ..
هكذا يتم حفظ جميع حقوق المواطنين ..
واضح من هذا الخبر الامر تقدم بخطوات كبيرة على التحفيظ الشخصي وتوعية المجتمع
وتشجيعه على قبولها كحالات عادية وليست مرضية ..
والان يتم ترسيخها بصورة اكبر بحيث اي مواطن كندي وعند تقدمه لملئ اي فورم رسمي
سيجد ثلاثة خيارات في خانة الجنس ..
هكذا يتم التحول السليم في المجتمع بطرق حضارية تراعي حقوق الجميع بعد التقيد بكل الخطوات المهمة ..
ولمن يعتقد او يتخوف من ان مثل هذه القوانين تشجع المثلية الجنسية لا مبرر لخوفه وهذا اعتقاد خاطئ
لأن المجتمع منفتح ولا يعاني من اي شكل من اشكاى الكبت الجنسي او غيره ..
وهذه الخطوة في حد ذاتها تربية وطنية على ان لا تكون المواطنة مرهونة للميول الشخصي ..
او ان لا يحدد الميول الشخصي طبيعة الحياة.
.
| |
|
|
|
|
|
|
|
|
|
Re: باركوا لينا .. كندا ستصدر جوازات للجنس الث� (Re: عثمان عمر صالح)
|
كل الخير لك يا عم يحي .
* رجعت لإرشيفي ( 2012 ) - لقيت علاقه بالموضوع وهو اتجاه اميركا واروبا وكل الدول اللبتهتم بالحقوق الإنسانيه يعني زي ما قال زميلنا التصالح مع الكونيات ، وآخر هنا برضو ذكر اتجاه اروبا لخيارات اضافيه غير ( ذكر وانثى ) وابلمناسبه موجوده في كثير من الابلكيشنس لكتير من البرامج والوظائف ( هل انت ذكر ، انثى ، other ) وبرضو في اسئله ما هي اهتماماتك الجنسيه ... ولربما نلقاها في بعض التطبيقات الليها علاقه بالخليج وانا شخصيآ لقيتها من ايام في ابلكيشن لدوله عربيه ( لييييييييه ؟ ... لانها على علاقه بشركه عالميه ) .
* وطبعآ المرفق يتحدث عن خيار برضو ليهو علاقه بالموضوع ، وهو ضرورة تضمين خيار ( ألديك أب ؟؟ ) في الدول الفيها برنامج تلقيح ، أو بنوك للسائل المنوي من غير معلومات عن لمن يكون هذا السائل ، بالتالي لا يمكن معرفة أب للطفل .
المهم في موضوعات زي الجنس التالت ، وأطفال التلقيح بتحتم ، والاهتمامات الجنسيه حقو يتم النقاش حولها طالما العالم بقى مفتوح ، والحاجات مرتبطه مع بعضها والحياة كلها اتعولمت وتتجه للعلمنه ( شئنا أم أبينا ) .
https://www.0zz0.com
| |
|
|
|
|
|
|
|
|
|
Re: باركوا لينا .. كندا ستصدر جوازات للجنس الث� (Re: ايمن الصادق)
|
كدي خلونا من قصة انو المثلية ما مرض وناس يقولو عبارة وراثة وتغير في الكرومزومات وشكل الدماغ وناس يقولو مكتسب
بصراحة
خلونا من القبول
هل الزول بكون راضي لو ابنو طلع مثلي ؟ بتتعامل عادي مع الخيار دة ولا بتتمني العكس؟
القبول وعدمو برة مربوط بمجموعة الضغط عشان صناديق الاقتراع في نظري
لو الطبيعة بقت مثلية لانعدم العالم زاتو
المثلية ضد طبعية الاشياء
لاحظت الرجال المثليين بتشبهو بالنساء . لبسا وسمتا . التركي ولا المتورك
| |
|
|
|
|
|
|
|
|
|
Re: باركوا لينا .. كندا ستصدر جوازات للجنس الث� (Re: عبدالحفيظ ابوسن)
|
السلام عليكم اخونا عبدالحفيظ
كان في الحي موجه تربوي ولدو مثلي وكان عمرو 17 سنة
وهو عرف ومتضايق وما عارف يعمل شنو
سالني لو ولدك مثلي حتعمل ليهو شنو ، حتكتلو ولا حتطردو
قال لي يا ولدي الحاجة دي ما بتتصلح شفت ليك واحد مثلي تاب ولا بطلها ،حاقبل بالامر الواقع بس
الواحد ما بكون راضي لكن تعمل شنو تكتلو يعني
| |
|
|
|
|
|
|
|
|
|
Re: باركوا لينا .. كندا ستصدر جوازات للجنس الث� (Re: عبدالحفيظ ابوسن)
|
السلام على الجميع
يا اب سن الحكايه اصبحت فيها تعقيدات كتيره مش مثليه الرجال ....هنا فى السودان تفشت ظاهره المثليه الجنسيه بين النساء لكنها
غير ملحوظه او لافته للنظر عند النساء الا لمن عاش فى الخارج وصادف حالات كهذه او مصادفه حاله تلبس .
.
اوباما فى خطاب النصر فى شيكاغو 2008 ذكر الشواذ ضمن قطاعات الشعب التى اسهمت فى نجاح الانتخابات
.
الشذوذ امتد حتى الطبقه السياسيه وحواشيها واذكر بوست الاخ عرفات عن الشريك الجنسى لرئيس وزراء لوكسمبورغ الذى وقف ضمن زوجات قاده حلف الاطلنطى.
ايضا اوباما كان احد سفرائه المقربين من المثليين وقد كان ضيفا عليهم فى بالم سبرنغز-فلوريدا فى عطلته بعد مغادرته حفل تنصيب ترامب.
الشغله بقت جايطه على الاخر ومامعروف الايام الجايه تورينا شنو !!!!
.
بوست الاخ عرفات
هذا رجل زوج رئيس وزراء لكسمبورغ "كزافييه بيتل"هذا رجل زوج رئيس وزراء لكسمبورغ "كزافييه بيتل"
| |
|
|
|
|
|
|
|
|
|
Re: باركوا لينا .. كندا ستصدر جوازات للجنس الث� (Re: Asim Ali)
|
سلام قباني
ممكن تصحيح للاخ عبدالحفيظ
هذا القانون لا يشمل الميول الجنسي. فقط للناس البسموهم ترانسجندرس او الذين يحملون الهرمونات الانثوية و الذكورية وحسب شهادة الميلاد كانو مصنفين كذكر او انثي.
الان عندهم الخيار يختارو اكس بغض النظر عن شهادة الميلاد.
لكن في تقديري كان الانسب ان يشيلو خانة التنصنيف تماما من الجواز عن الكل.
| |
|
|
|
|
|
|
| |
يحي قباني
حيدر حسن ميرغني
جلالدونا
ايمن الصادق
Abureesh
عبدالحفيظ ابوسن
aosman
حاتم إبراهيم
Mohamed Adam
Elawad Ahmed
Asim Ali
Khalid Basheer
محمد أبوالعزائم أبوالريش
نادر الفضلى
Asim Fageary
عثمان عمر صالح
ابراهيم عبد الوهاب
Mahjob Abdalla
فيس بوك
تويتر
انستقرام
يوتيوب
بنتيريست