|
دعواتكم لزميلنا المفكر د.الباقر العفيف بالشفاء العاجل
|
|
 Re: انعل دين فرنسا زاتوا........ (Re: Osman M Salih)
|
يا صادق ...
هسي ود قباني مالو ؟
و الله قرفان زيي زيك تمام ...
اما قصة دينق شابك في ود قباني ... ما عليك ...
هو بس ما فهم البوست ... و ما داير يتراجع من مخاشنته ... و ما بحب يقول انا غلته ...
طبعاً دينق ما بيغلط ابداً .. للعلم بس ...
فشنو ... حيقوم يترصدني شوية كده ... و انا ما فارقه معاي ...:)
ما تدقق يا صادق ... انحنا برضو قعدنا لوج و قعدنا زنكي في سينما الحلفايا ...
و برضوا خشينا زقاق وطنية امدرمان ... مرة نخش يمين و مره نخش السينما ...
| |
  
|
|
|
|
|
|
|
|
Re: انعل دين فرنسا زاتوا........ (Re: Osman M Salih)
|
و برضوا خشينا زقاق وطنية امدرمان ... مرة نخش يمين و مره نخش السينما ...
هههههة
والله بذكر,كت قاعد مستمخ اخر استمخاخ ومتابع للفيلم واظنو الامبراطور الاخير
واحد جنبي كرهني الفيلم,كل مرة يقوم علي حيلو ويقبل لورا وباعلي صوتو
الترجمة يا لو....ي! كررا اكتر من دشليون مرة,,اها,وبعبْ الطالب المثقف حاولت اشرح ليهو
يا ابو الشباب يا ابو الشباب,الترجمة دي بتجي مع الفيلم جاهزة وبتاع السينما ماهو البكتبا..
توقعت ان اجزي خيرا علي مجهودي التثقيفي,حتي ولو بكلمة شكرن يا معلم!
يا فردة ات ما جاهز ولا شنو..عاوز تورينا انك مسخفاتي(مثقفاتي) مكملا..
كان الامر ينذر بحرب برية لولا تدخل ولاد الحلال والجودية..لملمت اطرافي واتخذت مكانا قصيا..
اها وانا في محاولة استرجاع استمخاخي بالفيلم,,حسيت بلكزة خفيفة في ضهري..
وصوت انثوي رقيق..يا اخو يا اخو لو سمحت..قبل ان اجيب..كانت تدس طفلا رضيعا في حجري..
وقبل ان احتج..دقيقة بس واجي راجعة..وهوب!تلاشت بين الصفوف..وحيدا تركتني,هواجسي والرضيع
واظنها,وبعض الظن اثم,,انها من صويحبات يمين السينما.,
الرضيع كان هادي ووديع وغير مكترث,واظنه قد تعود علي نزق امه وعدم اكتراثها,اي حجر او جحر يلقي فيه.
الدقيقة بقت خمسة دقايق,عشرين,نص ساعة..بدا الشيطان يلعب في عبي,وتخيلت وانا احمل الرضيع وادخل القسم الاوسط
والمتحري والاسئلة,والدنيا ليل واحتمال يقولو لي خليهو معاك للصباح ,ما عندنا ليهو مكان هسع لانو البوكس طلع في كشة!
وده حصل لواحد صاحبنا لقا ليهو شافع تايه يتنخج,,بمروة قام بيهو للقسم,,وكان نفس زمن هواجسي,,سوقو معاك وتعال بيهو الصباح بدري!
يا جماعة انا ساكن في بيت عزابة! يعني دايرنا نبيتو في الحراصة مع الشفوت.,لم ينقذه الا دخول ابو الشافع لفتح بلاغ
سيك سيك معلق فيك والهواجس..
شكرن يا اخو تعبناك معانا.بردا وسلاما صوتها علي,,وبنفس سرعة الالقاء,حملت طفلها المستكين للدردرة والدغمرة,وهي في طريقها
التفتت الي,ولوحت بيدها ملقية في حجري,كيس فول حاجات..
يا حليل الوطنية يا قباني
ويا جماعة هناك جفاف وفظاظة غير عادية في هذا المنبر,الناس بتشب في حلوق بعض لاتفه الاسباب..
اما معي او نرقدا قرض.,لذا اصبح الناس حذرين ككتالي القبور(الجراد)
| |
|
|
|
|
|
|
|
|
|
Re: انعل دين فرنسا زاتوا........ (Re: sadig mirghani)
|
اخونا عثمان محمد صالح
ياخي كل عام وانتم بخير وكل سنة وانت طيب.
الحقيقة ماقصدت احد بعينو لكن بس حاجات كانت عالقة في الذاكرة
منها انوا ود المشرف قال في واحدة من البوستات كتا عاوز اكتب حاجة
لكن اتذكرت الهجمات الاجتاحت المتبر وقررت انوا ما اتداخل
النقطة دي في حد زاتها المزعلاني كونوا الواحد يحجم عن الكتابة
في مايراه مناسبا خوفا من الفهم الخاطيء او ماشابه
ذوقك عالي وروحك رياضية وتسلم على المرور
لو البوست دا ماجاب الا تعافيك لي ود المشرف بس
كفاية
ياربت الباقين كمان يتصافوا
عشان نخش 2017بي هدف واحد وموحد
| |
|
|
|
|
|
|
|
|
|
Re: انعل دين فرنسا زاتوا........ (Re: sadig mirghani)
|
تحياتي يا صادق
في قولك | Quote: والمسلمي خلاها ليهم خلا عشان قال ما اريكم الا ما ارى |
أظنك و الله أعلم عكست الآية هنا
فا المسلّمي قال ما رأى فحسب لكن الجماعة القاموا عليه هم من قالوا له (لا نريك إلاّ ما نرى)
| |
|
|
|
|
|
|
|
|
|
Re: انعل دين فرنسا زاتوا........ (Re: Deng)
|
تحياتى ي مواطن
المستنير المفترض دا بدون مواخذة هو الجانى وصبرت عليهو لامن فضيت ليهو ...
انا ي طويل العمر بصبر على الجانى 3 شهور ب الهجرى العربى .بتوقيت ام القرى .بس المستنير
جانى وعامل مجنون ....لكن اكرامـــــا ليك ي ( sadig mirghani )هسى دا من دربى بمشى على البوستات وبكلم بكرى يشيلن ناوووووا
بس يختا دربى هذا المستنير..
شكرا ..وكل عام وانت وكل قبيلة البورداب ب الف خير
| |
|
|
|
|
|
|
|
|
|
Re: انعل دين فرنسا زاتوا........ (Re: معاوية عبيد الصائم)
|
صادق مرغني
ما بنقدر نزيد فوق كلامك ولا كلمة...
الا ...انعل دين سويسرا ذاتو...(وش باسم ومكشر في نفس الوقت).
طبعا حتسال وليه ما جبنا سيرة امريكا؟..ليه انت ما عارف الحيكون
رئيس امريكا منو يوم ٢١ يناير...مش ممكن يكون عندهو جدادات الكترونية
بتترصدنا...
يا ربي وين ثقافة التسامح وطولة البال ...
والله يديك الصحة والعافية
| |
|
|
|
|
|
|
|
|
 Re: انعل دين فرنسا زاتوا........ (Re: sadig mirghani)
|
كدي اوّل شي النمرُكُن إنت واللميرة من الوكرة عشان الدواعش بِقو ترفع طوبة
تلقى تِحِتا وآحد.
غايتو فرنسا دي عندها دِيّك، عِلآ سويسرا دي ما بخبرا.
عموماً اللعن هو الطرد من رحمة الله، عازنا الله وإياكم من ذلك، ورحمة الله
وسعت كل شئ، أما رحمتكما أنتُما فمحدودة وواضح في كلآمكُما الضمير
(نا)، فمن أنتم !، المسعلة دي زي طلآق الخُرتُميّة لا تجوز كما طلآق الخُرتُميّة
لا يقع.
هذه الفتوى من صميم فقه التحلُل...
| |
|
|
|
|
|
|
|
|
|
Re: انعل دين فرنسا زاتوا........ (Re: معاوية المدير)
|
هههههاي!
قال ود المدير يطلع من البنبر!
ده، إن شاء الله، ح يكون من آخر الطالعين، أما لوع ملها وطَلَع ..! فــ قول يا حلاة " ذيل الاستنارة"
ينعدللو الدّرِب ال بي تحت، وال بي فوق.
الأخ الصادق الميرغني (الأخو ختـمي أم خاتف لونين؟)، عامك سعيد وأيامك أسعد، وحمدِلللالك بالسلامة
أهو طلعلك بوست، مع إنّو سب الدِّيك، أبقى وأأمن من سب البتاع (!) يكون عنواناً ( بالله شوووف! ومع ذلك
جينا سالّين ما تبقّى لنا من سيوف وخناجر صدئة! وقليلٍ من فَرّامات أكل عليها لحم الأبقار النافقة ربما! وشَرب كمان..ها.
الأخ سيف فضل الله، ياخ بالغتا؟ هو بالله ده انتا ال في ليلة دييييك؟!
عمّنا فلان، رحمه الله تعالى، كان قد أرعبنا بما يُمكن أن يقع للواحد في تلك الجخانين
ومع كل تلك الارتعابات، فهاهــو "سردك العليم" رائقٌ ومونِق، فشُكرا
وعلى الرغم ممّا بقيَ معي من كلام لبقية الإخوة والأخوات الكرام، مُشاركي "الشِّيْلة" الصادقابية هذي،
إلّا أنني أحياناً بشتغل بي قولنا: الكتير مسيخ
وسلام وتحايا وتهنئات بالعام الجديد، فالجديد شديد .. وقد قيل: شِـدّة وُ غسيل عِدّة.
| |
|
|
|
|
|
|
|
|
|
Re: انعل دين فرنسا زاتوا........ (Re: محمد أبوجودة)
|
اخ ابوجودة
اللتاريك كتااااب يالممسوخ
الا كيبورضك دا بجي مشكل يعني بالتشكيل ولا انت بتكتب وتشكل
غايتو لو التانية نفسك طويل وبالك واسع انا زاتي شلت ليك هم
اللخو زي ماقال استاذنا المرحوم دكتور كامل ابراهيم
انصاري جناح عبدالخالق
ههههههههه
تسلم
عندي ليك معلومة بخصوص بوست معبر اشكيت
| |
|
|
|
|
|
|
|
|
|
Re: انعل دين فرنسا زاتوا........ (Re: sadig mirghani)
|
الصادق الميرغني
لك التحيه
ده حالنا و نحن في منبر ، بالله كيف اكون الحال لما اكون في يد الواحد السلطه و المال
لابد من نشر ثقافه سودان يسع الجميع و سيادة القانون .
تخريمه : سيف فضل الله انت مشروع كاتب مبدع بس ما تطفش زي رانيه الشيخ و مها عبدالمنعم كانتا مشروع في كتابه الروايه بس طفشن .
الزبير الختمي
| |
|
|
|
|
|
|
|
|
 Re: انعل دين فرنسا زاتوا........ (Re: الزبير بشير)
|
| Quote: التفتت الي,ولوحت بيدها ملقية في حجري,كيس فول حاجات.. |
أوعك تكون أكلتو يا السيف !، غايتو اكان أكلتو
رظالتك يِتخاتُوبا ؤ سيرة اللكِل دي بس تحفرلها ؤ تدفِنا
وأصلك ما تجيبا لزول خاسةً في حوش بكري دا.
غايتو زول دقسوهو نفر دِقيستك دي من الله خلقني
ما شُفتو !...
| |
|
|
|
|
|
|
|
|
|
Re: انعل دين فرنسا زاتوا........ (Re: الزبير بشير)
|
الزبير اخوي
ان شاء الله طيب
والله انا بقول كدا برضو
انت عارف مرة داخل مستشفي
الدايات زيارة انا واخوي جيت بالباب
لقيت واحد لابس بدلة اشتراكية وخاتي كباية الجبنه ولابس فريم
خلاني لامن دخلت جوه وقام كورك لي انت هوي يازول جيتو راجع
مالك قال ليهو الدخول بالبوابة الغربية هنا ممنوع قلت ليهو انا اساسا هسي داخل المستشفي
قال لي يازول امرق بس زعلت لامن غلبتي اشوف يعني حقارة ماليها حد
قمت قلت ليهو هسي بالله دي شغلة رجال دي قام يتنفض وهاج واخوك اداهو ضهروا
الشاهد انوا اي زول بدوهو منصب بتحكر وبعمل فيها نيرون
| |
|
|
|
|
|
|
|
|
|
Re: انعل دين فرنسا زاتوا........ (Re: sadig mirghani)
|
أوعك تكون أكلتو يا السيف !، غايتو اكان أكلتو رظالتك يِتخاتُوبا ؤ سيرة اللكِل دي بس تحفرلها ؤ تدفِنا وأصلك ما تجيبا لزول خاسةً في حوش بكري دا. غايتو زول دقسوهو نفر دِقيستك دي من الله خلقني ما شُفتو !...
هههه والله ضحكتني يا ود المدير
كيفن ما كلتو؟ما مهجوم من البشتنة والدردرة الحصلت لي
كيس فول الحاجات داك اعتبرتو كرامة وسلامة
يا خوي كيس اللبوة ولا لداحة البوليس
ياخي داك عالم غريب جد جد
اصحاب اللقاشي والتسالي والسجاير والتنباك
واليمينيات القاهرات وعراك العشاق المزعومين
سينما وطنية فايتا الوطنية
| |
|
|
|
|
|
|
| |
Omer Abdalla Omer
Osman M Salih
يحي قباني
Saifaldin Fadlala
محمد البشرى الخضر
Deng
معاوية عبيد الصائم
معاوية المدير
محمد أبوجودة
الزبير بشير
MOHAMMED ELSHEIKH
فيس بوك
تويتر
انستقرام
يوتيوب
بنتيريست