|
دعواتكم لزميلنا المفكر د.الباقر العفيف بالشفاء العاجل
|
|
 Re: انتكاسات ازواج في بلاد الغربة (Re: عباس الدسيس)
|
عبس يتجلى
غايتو يا عبس البيقع فيك بتنقي شعيرو ....... ههههههههه ...
واصل يا حبيب ومن غير فواصل بالله ..
غايتو انا بقيت اهم لو صدقة لاقيتك ودرب حلتنا جابك يوم .................... شايفك حايم في حلتنا قبل يومين
تحياتي : ياسر العيلفون ........
| |
 
|
|
|
|
|
|
|
|
Re: انتكاسات ازواج في بلاد الغربة (Re: أيمن دياب)
|
الحبيب اللبيب ايمن دياب تشر على الملاحظة الجيده ولكن اشرح ليك السبب وهو انو الاخ عبس كما يحلو لي ان اناديه الموضوع يا ايمن انو اخونا عباس لما يلاقيك بيبدا يحكي ليك الحكاية وما بتمها ليك ولما ييفتح بوست بتجي تلقايهو بيحكي في الحكاية زاتها علشان كده بتلقى نفسك جيت جاري علشان تعرف نهاية الحكاية الما تمت المرة الفاتت ..
مع تحياتي لك ولصاحب البوست يا حبيب
ياسر العيلفون ,,,,,,,
| |
|
|
|
|
|
|
|
|
|
Re: انتكاسات ازواج في بلاد الغربة (Re: اسامة عثمان السيد)
|
Quote: عبس يتجلى
غايتو يا عبس البيقع فيك بتنقي شعيرو ....... ههههههههه ...
واصل يا حبيب ومن غير فواصل بالله ..
غايتو انا بقيت اهم لو صدقة لاقيتك ودرب حلتنا جابك يوم .................... شايفك حايم في حلتنا قبل يومين
تحياتي : ياسر العيلفون ........
|
Quote: إذا كتب عباس الدسيس.. فانتظر المداخلة الأولى من الظريف ياسر العيلفون..
اصلك ما بتخيب الظن..
أحبكم الجوز
|
صديقي العزيز ياسر الرجل الخلوق
حبيبنا ايمن دياب الكوارع وما يتبعها.....
ايمن عندي موقف مع ياسر حصل اول امس عارف انت المستشفي التخصصي بتاع ناس ياسر حكمة الله اكون ماشي المستشفي لازم اقابل ياسر
اها لتعترني المدام عندها ارتجاع مري وحصاوي في المراره مشينا نقابل الاخصائي بعد الفحصوات حددو لينا مواعيد لمقابلة الدكتور عشان العملية واحنا طالعين قابلنا حبيبنا ياسر.
سألني مالكم قلت ليهو مقابله مع دكتور ما كنت عايز اقول ليهو الحاصل شنو خايف احساس داخلي ياسر ممكن اشوت لي مع المدام كلمة تغطس حجري.
اها يا زول انا اشكر ليها في المستشفي ومقتنعه بيهو مليون في الميه مع الونسه قالت لي ياسر عايز اعمل عمليه اخونا ياسر انبهل ليك فيها ....
يازوله عملية شنو البتعمليها هنا الناس ديل انا شغال معاهم اصلو ما مقتنع بيهم دي مستشفي كلام فارغ وللاثباتات طلع ليها من جيبو روشتات لمستشفي تانية شايفا انا شغال معاهم وما بتعالج معاهم....
ياخ انا قعدته اتصبب من العرق ما لقيت طريقه اغمز ليهو اقرب منو اعفصو في كراعو مع السخانه قميصي رقد مويه واتوترت دخلت في ورطه عجيبه!!!
واحنا ماشين ختمها ليها ...بعد ما بعرفو حاجة كمان مستشفي غالي انتو وقت عندكم التامين جايين هنا ليه.
فارقناهو والشكله قامت الزوله قالت انا عايز اتخلص منها جايبها مستشفي زي دا ومسكت في كلام ياسر وتعال يا نقه ياخ انا قربت ادخل لي في بتاع كامري وهي تنق وتكورك
وانا اقول الله لا كسبك يا ياسر ما كنت ازوغ منك ولي حسي القيامة قايمة ...
اتذكرت زول الكوارع
| |
|
|
|
|
|
|
|
|
|
Re: انتكاسات ازواج في بلاد الغربة (Re: عباس الدسيس)
|
يا عبس والله شعرت بيك لكن اليوم داك انا كنت ممغوس من ناس المستشفى ده مغسة شدييييدة خلاص عشان كده قلت اتفشى فيهم معاكم وبعد ما مشيت منك خطوتين والهل براااااي كده قلت الليلة انا ورطت عباس وطته شديده خلاص بي كلامي ده وحاولت اتصل عليك الطف الجو لكن لقت الجوال خارج التغطية لانو انا دخلت الباركنج والشبكة فيهو لا تعمل واتوكلت على الحي الدائم وقلت غايتو الله عبس بكون لي هسي يسب ويلعن في اليوم اللاقاني فيهو ده هههههههههههههههههه ... ويا عبس معليش ما كان القصد اشوت ضفاري لكن جات كده وانا عارفك بتلقى ليك مخرج يا حريف والمرة الجاية لو لاقيتك انا بزوغ طواااالي بكتل الملف بس ما تقول لي فوق الحلة دي انا تاني ما بجي ,,,,
تحياتي لكما الاثنان يا احباب ...
ياسر العيلفون ......
| |
|
|
|
|
|
|
| |
عباس الدسيس
ياسر السر
اسامة عثمان السيد
الطيب عباس
ANWAR SAYED IBRAHIM
فيس بوك
تويتر
انستقرام
يوتيوب
بنتيريست