|
|
|
 Re: الي أهل الجزيرة .. حُلمٌ .. من أحلامِ الأرض � (Re: معتز الجيلي)
|
مدخل :
حُلُمي .. قُدْسيٌ .. بل (أخضر) ..
يستنشقُ عبقاً من ذكراي ..
وحُلوِ صباي
بين (النيل الأزرقِ) .. نِدّي
وبين حُقولِ الوعدِ (الأسمرْ)
فهناك نبَتُ .. كساقِ القمحْ
شربتُ الشمسَ .. كزهرِ القطنْ
وعندَ (حرازِ) الحُبِ كبُرتْ ..
أُعانقُ .. فرحاً .. يتبختر ...
والآن حقولي من أحزان
وضاع .. ويا أسفي الإنسان
لكن .. سنعود ..
وفي (كركوج) سنبذرُ أولَ إعلانٍ ..
أنا باقونْ ...
وسنعمُر أرض (جزيرتنا) ..
قُطناً .. وشُجون
ونلثم خد الأرض .. ونُقسم ..
أنا باقون ...
فيا (سودان) تبسم .. وابشِر
أبياتي مهداةٌ لأهلي الطيبين .. ولعل خطابي يجد من (تبقي منهم) بخير ..
وحلمي .. يا أهلي الطيبين .. أن تعود أرضنا كسابق عهدها .. وتعودون ، فرحاً للأرض ، فرساناً تحمي العرض ، وسواعد تعمُر.
| |
 
|
|
|
|
|
|
|
|
Re: الي أهل الجزيرة .. حُلمٌ .. من أحلامِ الأرض � (Re: معتز الجيلي)
|
كركوج الجزيرة .. هنا كانت بداية المشروع
لافتة صارت تجتر في الحلق غصة لاتنتهي ..
الله الله
أين كنا وإلام صرنا !!!!
مشروع الجزيرة ، او (الشجن الأليم)
- أمس كنت في زيارة لأخصائي الباطنية ، رجل محترم يلقاك بابتسامة ترحاب مريحة جداً
تجاذبنا بعض الحديث ، وعندما ذكرت له أني من (الجزيرة) قال الرجل سبحان الله .. (تصدق يا معتز أنا مشيت اول مرة الجزيرة قبل أيام لمناسبة)
وجدته مذهولاً جدا مما رأي من ترع وقنوات وأراضٍ (بور) ، وذكر لي أنه علق لمرافقيه (في زول عاقل بدمر مشروع زي ده !!!)
والقول فعلاً ما قال ..
لا يوجد عاقل يدمر (متعمداً) مشروع مصنف (كأكبر مشروع زراعي) علي وجه الأرض
| |
|
|
|
|
|
|
|
|
|
Re: الي أهل الجزيرة .. حُلمٌ .. من أحلامِ الأرض � (Re: معتز الجيلي)
|
والجزيرة قصةقديمة ..
فصولها كثيرة
كانت هي السودان ، بكل تفاصيلها
المشروع الناجح الذي كان يمثل تقريبا جل دخل الدولة
المجتمع المتسامح الذي جذب جميع قبائل السودان فصار اجمل نموذج للانصهار في مجتمع واحد اكسبه التصوف التسامح والتعايش بسلام
حكاوي الامهات والعاب الصبيان واهازيج الزراع ...
سهر المزارعين لري الارض ، و (لقيط القطن) او مواسم الفرح
كانت لوحة كاملة للعمل والنجاح ، للحياة والفلاح والكد للعيش
ودايما كانت تنتهي مواسمها باستلام المزارعين للعوايد والذهاب الي اسواق مدني (التي ماتت بموت المشروع) فتضخ الدماء الي الاسواق وتنشط الحركة التجارية ، وتدور مصانع النسيج التي كانت تعج بالاف العمال ، عالم كامل من العمل الدؤوب و(الورديات المستمرة).
عذرا ساعود مساءا باذن الله فانا اكتب بخاطر (مشتت) للغاية.
| |
|
|
|
|
|
|
|
|
|
Re: الي أهل الجزيرة .. حُلمٌ .. من أحلامِ الأرض � (Re: Abu Baker Ahmed Abdel Rahman)
|
سليمان ، ابوبكر ، مرحب بيكم ، وعارف الهم واحد .. الهم هم بلد
الجزيرة كانت قلب الوطن وروح الوطن ، دمروا المشروع في زمن العالم كلو بفتش يزرع وما لاقي واحد في المية من اراضينا البكر ..
في البال والله يا سليمان ، انتا والشفيع والكيك وبقية المهمومين بحال المشروع.
اكتبوا ، فانا هنا انثر خواطري فقط وقد اوفيتم قبلي في (عرضحال) المشروع والجزيرة وأوجاعها ..
ابقوا قراب
| |
|
|
|
|
|
|
|
|
|
Re: الي أهل الجزيرة .. حُلمٌ .. من أحلامِ الأرض � (Re: معتز الجيلي)
|
في قلبي ، وخاطري ونفسي .. اني باذن الله ان مد في العمر سأشهد اعلان عودة الحياة لأرض الجزيرة ، وامتع ناظري بلافتة (كركوج الجزيرة) ترفع من جديد في اول الطريق المؤدي الي كركوج وطيبة ، وهذا ما يملأ فؤادي دوما بخاطرة العودة ، ولكل من يكره انا يري الجزيرة تعود اقول واكرر:
لكن .. سنعود ..
حتما .. سنعود ..
وفي (كركوج) سنبذرُ أولَ إعلانٍ ..
أنا باقونْ ...
وسنعمُر أرض (جزيرتنا) ..
قُطناً .. وشُجون
.
| |
|
|
|
|
|
|
|
|
|
Re: الي أهل الجزيرة .. حُلمٌ .. من أحلامِ الأرض � (Re: معتز الجيلي)
|
اصابني صداع شديد وانا اقرأ في الفترة الماضية ، المشروع وتدميره و (حقيقة) المؤامرة المؤكدة ، حراك ابناء الجزيرة ، ومنبر الجزيرة ، الاتهامات والصياح الغير مجدي ، استغلال بعض السودانيين من الغير وحقيقة ان بعضنا ذو نظرة قاصرة ورغم ذاك يتصدون للقيادة ، وعزوف العاقلين المخلصين عما يجدر بهم .. خواطر كثيرة تسافر بي ، طيبة وكركوج ، ولمن لا يعلم طيبة وكركوج هم (روح واحدة في جسدين) ، مشروع الجزيرة بدأ فعليا منذ ان اسس الشيخ دفع الله المصوبن كركوج ، ومنذ ان كد الشيخ يوسف ابو شرا بيده حتي قطع الغابة التي علي ارضها بدأت اول مزرعة تجريبية لمشروع الجزيرة ، بدا من قبول ازرق طيبة الشيخ عبدالباقي للتجربة في عهد الانجليز ..
- مشروع الجزيرة ، وكلية الزراعة جامعة الجزيرة كانوا قاب قوسين من ان يصبحوا (هارفارد) العالم في الزراعة ...
لا أنسي ابدا وانا طالب بجامعة الجزيرة كيف ذهلت عندما علمت ان عدد من يحلمون لقب (بروفيسر) في الزراعة ، ويعملون بالابحاث الزراعية بمدني ويقودون التدريس والبحث العلمي بكلية الزراعة كانوا 27 بروفيسر ، هذا غير حملة الدكتوراة والماجستير !!!! هل سمعتم ابدا اين وصلنا في البحث العلمي وتحسين الانتاج ؟
القصة تدمي القلب
| |
|
|
|
|
|
|
|
|
|
Re: الي أهل الجزيرة .. حُلمٌ .. من أحلامِ الأرض � (Re: معتز الجيلي)
|
الأخ / معتز الجيلي
فعلاً قصة مشروع الجزيرة تدمي القلم " لمن كان له قلب أو ألقى السمع وهو شهيد " مررت
في إحدى إجازاتي بالمشروع فوجدته يئن في صمت من وطأة العطش والتدمير الممنهج لا حول
ولا قوة إلا بالله ، أيعقل أن من دمروا هذا المشروع هم سودانيون ؟؟ من أم وأب سودانين ؟؟؟ لماذا
يكرهوننا ؟؟؟ لماذا كل هذا الحقد على السودان ؟؟؟
مررت وفي خاطري ذكريات الطفولة وأغنية : ( في الجزيرة نزرع قطنا نزرع نتيرب نحقق أملنا )
يا الله .. يا الله .... يا له من زمن ندي كانت الدنيا فيه تسير في هدوء وفي حب ، الكل يحب بعضه بعضا
حتى حكومات العسكر التي جاءت غصباً عن إرادة الشعب لم تكن تكره السودان كما هو الآن ...!!!
هذه الحكومة وإعلامها المضلل الذي يصور لك أمر المشروع وكأنه جنة الله في الأرض لا عطش ولا
مشاكل ري ، بل ويأتوك في إعلامهم بمزارعيين وأناس يتحدثون ويصورون لك بأن الأمور طيبة وكأن الخلل
في عيوننا نحن الذين لم نشاهد هذا الهراء الذين يروجون له ويسوقون .
شاهدت في حلقات ماضية برنامج : في الواجهة الذي يقدمه هذا الكائن الخرافي الكذوب المدعو أحمد البلال الطيب والذي يعكس
للناس صورة وردية عن المشروع تجعلك جاحظ العينين من هول الكذب الذي يبثه دون أن يرمش له أو للمسئولين الذين يستضيفهم
أي رمش ...!!! على من يكذب هؤلاء الناس ؟؟؟ وإلى متى يظل يكذب هؤلاء الناس ؟؟؟ بل من هم هؤلاء الناس ؟؟؟ لا حول ولا
قوة إلا بالله .
| |
|
|
|
|
|
|
|
|
|
Re: الي أهل الجزيرة .. حُلمٌ .. من أحلامِ الأرض � (Re: Othman Al-Hasan Babikir)
|
.
يا عثمان
Quote: أيعقل أن من دمروا هذا المشروع هم سودانيون ؟؟ من أم وأب سودانين ؟؟؟ لماذا
يكرهوننا ؟؟؟ لماذا كل هذا الحقد على السودان ؟؟؟ |
تصدق يا عثمان ! ولدوا ونشأوا وترعرعوا من أكتاف الجزيرة وخيرها السابغ آنذاك ، من يا عثمان في السودان كله لم يناله من خير الجزيرة ؟
ولكنه قصر النظر ، فأعمي القلب المتجرد من الانسانية ، المسكونة روحه بالحقد ، هو أعمي البصيرة أيضاً ومريض يستحق الشفقة.
الجزيرة استهدفت منذ أن غادر الإنجليز السودان ، علي مر كل الحكومات الوطنية وهذا لعمري هو "الغباء" بعينه وعمي البصيرة.
لو كانوا يفقهون لما باعوا أصول المشروع ودمروها ، ولو عرف المسئولين منذ الإستقلال قيمة هذا المشروع لقاتلوا دون ان يصيبه مكروه.
لم ينتبهوا لمعني القوة الاقتصادية ، الصين هزمت أمريكا فعلياً ولم تطلق رصاصة واحدة ، هذا كله بالإقتصاد الناجح
مشروع الجزيرة كان (الضمان) لاستخراج بترول السعودية !! واين هو الآن
والآن صار مجرد خراب ، وذكريات مريرة
.
| |
|
|
|
|
|
|
|
|
|
Re: الي أهل الجزيرة .. حُلمٌ .. من أحلامِ الأرض � (Re: معتز الجيلي)
|
.
Quote: ررت وفي خاطري ذكريات الطفولة وأغنية : ( في الجزيرة نزرع قطنا نزرع نتيرب نحقق أملنا )
يا الله .. يا الله .... يا له من زمن ندي كانت الدنيا فيه تسير في هدوء وفي حب ، الكل يحب بعضه بعضا |
فعلاً يا عثمان ، كنت دايماً اتابع اخبار المشروع ، فوالدي رحمة الله عليه كان يعمل بالمخازن والإمدادات (بالري)
كنا نعلم منه حين يبدأ موسم تنظيف القنوات وتجهيز المشروع لدورة جديدة.
جل أهلي علي اتصال دائم بالمشروع
كان تلفزيون الجزيرة يبث أغاني الحصاد والفرح ، ومن قلب المحنة ومن أرض الجزيرة
حتي معلمينا الأجلاء كانوا دايماً ما يلقنوننا العمل ، كانت الدنيا تسير بهدوء و (فرح)
في كل قرية كان هناك فرق رياضية ودورات ، وكل (ديوان) فيه لمة وونسات.
الناس تسير بين القري للواجبات الاجتماعية علي أرجلها أحيانا ، ولكن عند كل كنار ، وخلف كل مصرف ، وفوق كل كبري حركة دؤوبة لاتنتهي
كان في القناطر والقضيب ، صوت القطر ، ريحة الزرع ، وناس (تدوبي) بلا حزن !!!
.
خليني أسلم علي أولاد وبنات حبوباتي آمنة والتاية بنات دفع الله ود حمد النيل في كركوج ، وعيال خالتي سعاد بت التاية رحمة الله عليها.
تحياتي ليكم كلكم بدون فرز ، وان شا الله نتلاقي هناك في كركوج.
وسلامي لشيخ محمد في الطلحة ، وناس طيبة ومهلة وحلة دفع الله
.
| |
|
|
|
|
|
|
|
|
|
Re: الي أهل الجزيرة .. حُلمٌ .. من أحلامِ الأرض � (Re: عبدالله ود البوش)
|
الجزيرة الجميلة تستحق منا التوثيق لها على الاقل
ود مدني السني
بركات
الاقسام الزراعية
المكاتب
المدن
القرى
الحلول
الكنابي
.
.
خزان مكوار
الترعة الرئيسية
الكنارات الكبيرة والجنابيات
الترع
امات عشرينات
والكراكة ام دلو
.
.
السلوكة والجراية
الفوادين والهرسي
.
.
الدوستنتاريا والمستراح والضبان اللخدر
.
.
اللستبتالة والشفخانا ونقاط الغيار والحكيمباشا
.
.
العرس والطهور وود اب تشا والقاشيت
اللك والدحش اب ضنبا مقطوع
.
.
العمد والمشايخ وحل الشبك
ود اللمين وابو عركي وخلف الله حمد وسيد خليفة واحمد المصطفي ومصطفى سيد احمد
.
.
الشكينة وابو حراز وطيبة وسرحان وود الفادني وام ضوا بان
.
.
الفطرة في الصقيعة والعيد والرحمتات
كورة الشراب وكورة التنس والكورة ام بوز وسيد الاتيام
اللنداي والدوبيت والبصل اب عروق ومعتوق وقوز الرهيد وكنبو البان
.
.
عنصرية ما شفناها الا في الزمن العلينا دا
الحلة فيها كواهلة وتاما وجعليين ونوبة وحلاوين .... الجزيرة لمت السودان كلو في حلة واحدة
| |
|
|
|
|
|
|
|
|
|
Re: الي أهل الجزيرة .. حُلمٌ .. من أحلامِ الأرض � (Re: عبدالله ود البوش)
|
.
ود البوش سلام
ووجعنا كتيييير ياخوي فات حد الوصف والله
تعرف ياخوي انا دايما كنتا بحكي عن كل حلة زرتها في الجزيرة
اكتر شي كنتا بقول للناس ، الجزيرة كلها بحلالا ، ما شفت لي حكومة بنت فيها مدرسة ولا سوت طريق لا صهريج ولا شفخانة
اهلنا في الجزيرة كانوا سابقين الناس في الوعي ، كل شي قام بالعون الذاتي ، البيارة والشفخانة ، والمدرسة والزلط و ...
الحكومات يا ود البوش مصرت الجزيرة مصر ، وناس الجزيرة يموتوا بالملاريا والبلهارسيا ، والواحد يزرع وتلقاهو في اللقيط هو واولاودوا ومرتو وبناتو (ويمرقوهو مطالب) ويقلعوا محصولو بالسلاح
يا ود البوش الظلم ظلمات ، والظلم بدوهو من الاستقلال في ملاك اراضي المشروع ، الانجليز انصفوهم ، اجروا منهم بريال زمن الريال ليهو شنة ورنة ، وكان زرعتا واطاتك زااااتا المأجرا ما بخصمو منك ومن ايجارك (عشان كلو بدربو) شفتا كيف !
أها مما مسكوا ناس البلد ومرقوا الانجليز الريال ده تقول ريال دهب ما زادوهوا لاصحاب الارض ، والظلم جاب الظلم ياخوي
أهلنا ديل ليهم الله بس
راجين جيتك
.
| |
|
|
|
|
|
|
|
|
|
Re: الي أهل الجزيرة .. حُلمٌ .. من أحلامِ الأرض � (Re: معتز الجيلي)
|
ودالبوش ومعتز والجيلي سلامات
تعرف يامعتز يوم بالصدفة وانا ماشي
علي الخرطوم من عبور ودالمجزوب عمك
كبير في السن من المزارعين الكبار طوالي
فتحت سيرة المشروع والله يامعتز لو شفت
الحسرة البتكلم بيها تبكي بي دموعك قالي
ياولدي المشروع دا لو كان استاجرو ليهو ناس
عشان يخربوهو ماكان خربوهو كدا ياخي ديل
بالغو فيه عدييل قمت سالتو هل في امل ان
يعودالمشروع عملاق مرة اخري اجاب انو طول
الناس الدمرو ديل قاعدين ماحتقوم ليه قائمة
تعرف يامعتز البنية التحتية للمشروع كلها
انتهت واتباعت الان المشروع ارض جدباء لاغير
لاسكة حديد لامكاتب لااليات يعني عشان يقوم تاني
عايز مال قارون وصبر ايوب وناس صادقين همهم مصلحة
المصلحة العامة مش اي واحد عايز يضرب ويمشي
غايتو ربنا يصلح الحال بس
| |
|
|
|
|
|
|
|
|
|
Re: الي أهل الجزيرة .. حُلمٌ .. من أحلامِ الأرض � (Re: سليمان القرشي)
|
.
Quote: ياولدي المشروع دا لو كان استاجرو ليهو ناس
عشان يخربوهو ماكان خربوهو كدا ياخي ديل
بالغو فيه عدييل |
والله يا ود القرشي كلنا بنقول كده ، وما يجي زول يقول ليك انتو موهومين بنظرية المؤامرة ساي ، ياخ المشروع ده ده كان مال واصول (النار ما تاكلا) !
كدي شوف معاي:
شبكة الري بالجزيرة طولها حوالي 150,680 كيلو متر و هي بدورها تتكون من :
* قناتين رئيسيتين طولهما معاً 260 كيلو متر
*11 قناه فرعية ، (تعرف محلياً بـ”الميجر”) ، و طولها 650 كيلو متر
* 107 قناة كبرى ( و تعرف محلياً بـ “الكنار”)و طولها 1,650 كيلو متر
* 1,570 قناه صغرى ( و تعرف محلياً بـ “الترعة”) و طولها 8,120 كيلو متر
* 29,000 ابو عشرين و طولها 40,000 كيلو متر ، و اخيراً
* 350,000 ابو ستة و طولها يبلغ حوالي 100,000 كيلومتر.
يعت أصول مشروع الجزيرة وقيمتها 43 مليار دولار تفاصيلها كالأتي:--
1- بيع سكك حديد الجزيرة بمساحة 1300 كلم.
2- الهندسة الزراعية بعدتها وعتادها.
3- بيع 14 محلج ، 7 بمارنجان 6 بالحصاحيصا وواحد بالباقير.
4- بيع أكبر عمارة تابعة للمشروع بلانكشير ببريطانيا.
5- بيع 3 عمارات و150 منزل ببورتسودان تابعة لمشروع الجزيرة في مساحة 300 فدان بالإضافة لبيع كل ما بداخلها من مستودعات ومخازن فاقت المائة.
6- بيع 2500 وحدة سكنية بالمواد الثابتة ببركات ومارنجان والحصاحيصا والباقير والتفاتيش وغيرها.
7- بيع 375 سرايا مساحة السرايا 5 فدان.
8- بيع 84 منزل حكومي بالحي البريطاني بمدني
أها ، وين ألاف العربات والآليات الثقيلة والكراكات ، وين مؤسسة أعمال الري والحفريات ، وين اصولا ؟
والله عمك ده أداك النجيضة
ربنا يهون يا سليمان
.
| |
|
|
|
|
|
|
|
|
|
Re: الي أهل الجزيرة .. حُلمٌ .. من أحلامِ الأرض � (Re: معتز الجيلي)
|
عاينو جاي
احمد البلال الطيب عندو لقاء مع وزير الزراعة يوم السبت الجاي بتلفزيون السودان برنامج في الواجهة
رسلت ليهو رسائل صوتية مخاطبا الوزير بانو الحكومة قصدت تدمير المشروع
ونفس السؤال لمقدم البرنامج قبل بث الحلقة رد لي قال انا ماشايف في قصد
ووعدني بانه سيوجه السؤال للوزير
هاكم واتساب احمد البلال الطيب واهروا الوزير هري بالاسئلة الساخنة
00249917788133
نجضو نجاض قبورة
الله لا غزا فيهم بركة ولا كسبن بركة من جعل محمد نبي
.
.
سليمان القرشي مشتاقين ياخ
| |
|
|
|
|
|
|
|
|
|
Re: الي أهل الجزيرة .. حُلمٌ .. من أحلامِ الأرض � (Re: عبدالله ود البوش)
|
الحبيب معتز
الحبيب ود البوش
وكل من أدلى بدلوه
لكم تحية الود والتقدير ،
والعزاء موصول للأخ معتز في رحيل الوالد ، نسأإل الله له الرحمة والمغفرة
حقيقة تباينت مشاعري وأنا اتصفح اليوست وأقف عند كل عبارة وقوف شحيح ضاع في الترب خاتمه
بوست ملئ بالشجن والأهات والأحزان والألم ونحن نقف على أطلال الأمل الذي تسرب من بين يدينا ونحن نعجز أن نمسك به ،
في محطات أخرى نستشعر شحنة امل ورجاء وتفاءل نحسها فقط من رغبة أبناء الأرض الباكية في كفكفة الدموع
طالما هناك روح تسري في أجسادنا لن ندعهم يكملوا فصول المؤامرة
نعم الدمار وصل مدى غير محتمل ولكن سنظل نتمسك بخيوط الأمل
فهناك رب للعباد يرصد كل صغيرة وكبيرة وله نبتهل ونتضرع لردع كل ظالم وكل مفسد
وحتماً يأعود
| |
|
|
|
|
|
|
|
|
Re: الي أهل الجزيرة .. حُلمٌ .. من أحلامِ الأرض � (Re: معتز الجيلي)
|
كنت قايل تنزيل الفيديو دا ما بقدر عليهو زول علا اكون تفتيحة ومقددا
جربدنية بس بعبصت يمين يسار لقيتو ليك كلام فاضي ساهي
اولا بالتبادي تمشي على اليوتيوب .... حلو
تعزل الفيديو المحرق روحك وداير تنزلو
تخليهو شغال في شغلو ما خساك بيهو
طق واحد كلك يمين
تظهر ليك قائمة مسندلة ....... منسدلة دي لذيذة خلاس
تقوم يا سيد اللمنتي ليك تختار من القائمة دي
copy embed code
دي دايرة ليها درس عصر كان ما عماكة مني ساهي
اخترتها ؟
تخلي الفيديو في وطاتو دي وتمشي على بوستيك وفي الدلجا محل داير تكتب القرقر حقك
بس وفي بطن المداخلة تسوي
paste
خلاص قضينا
وتغني الليلة وين لي وين يا عينا انا
لاخمننا فيديو فيديو وتسعل اللمين البشاري اسوي ليك رسومات وكتلوجات وملاح لبن
اصلو هو فيديو ول عرس
اها البوست دا سبيل لتعليم الفيديو لكن اعملو حسابكم ما تقوموا تخومو من طرف ولبعدين نبقى في حاو وهش
http://sudaneseonline.com/board/440/msg/1373926525.html
| |
|
|
|
|
|
|
|
|
|
Re: الي أهل الجزيرة .. حُلمٌ .. من أحلامِ الأرض � (Re: Othman Al-Hasan Babikir)
|
ود البوش كيف امسيت
تعرف المشكلة القاصدا الموقع بقي ما برفع الصور رغم انو الحجم اقل من الحد الاقصي
ها هسي بقيت بكتب من موبايلي هاك الفيديو ده جيهو لينا
شليل دي كانوا بجيبوها في التلفزيون بصوت طفلة زمااان الا ما لقيت الفيديو
دحين يا ود البوش ما بلقي عندك ؟
.
| Quote: https://youtu.be/j53I09U3tGc[/QUOTEhttps://youtu.be/j53I09U3tGc[/QUOTE]
| |
|
|
|
|
|
|
|
|
|
Re: الي أهل الجزيرة .. حُلمٌ .. من أحلامِ الأرض � (Re: معتز الجيلي)
|
.
يا عثمان ذهاب من اضاعوه يعني البداية فقط،
الجزيرة كمشروع قومي يجب ان يحمي بنص اي دستور وطني قادم ، واهل الجزيرة يجب ان يعوا جيدا كيف يبنون قوتهم ، كيف يختارون من يمثلهم في اتحاد المزارعين ، قوة المزارعين ووحدة كلمتهم هما فقط ما يخيف ويردع الفاسدين ، والفاسدين سوف ياتون ، في زماننا او زمان من يأتي بعدنا
اما كيف نبني قوتنا ووحدتا فهذا ما يجب ان يكون همنا الآن
.
| |
|
|
|
|
|
|
|
|
|
Re: الي أهل الجزيرة .. حُلمٌ .. من أحلامِ الأرض � (Re: عبدالله ود البوش)
|
الشاعر محمد طه القدال
"شليل"
----------------------
بقول غنوات .. بقول غنوات
فى البلد البسير جنياتها لقدام ..
وفى الولد البسل ضرعاتو فى العرضة ويطير فى الدارة صقرية ..
ولو السمحة تلت إيد و مدت جيد تقوم شايلاه هاشمية
يشيل شبال ختة ريد .. وفرحة عيد .. و غيمة روح .. وحمرة عين و ايدية
وفى الولد البشيل مدقاقو قولة خير على القمرة
يقابل الجاية متحزم ويقابل الجاية متلزم
سلام فاسك على أرضك يبقى عديلة يا بيضاء
ويبقى زفاف غنت ليه قمرية
قبال حول تغيم غيمة قبلية
ترش الدارة و الحدبة الصعيد الحلة
يا مرحب حباب الصفقة فى النسمة الصعيدية
يا هجرة نهار الليل
لما الليلة بدرية
فحيح جنياتنا فى الحدبة الصعيد الحلة
يا قمحاتنا هو لبلب
يا تمراتنا هو لبلب
و يا اللوز الفتق فى الوادى هو لبلب
ويا سمحاتنا يا قمحاتنا هو لبلب ..
ويا البحر الطمح مدادى هو لبلب
ويا حجواتنا يا دعواتنا هو لبلب
سألتك بالذى ركز الأرض معبد وسوى الناس عليها مقام
سألتك بى حجى الأمات ودعواتنا
سألتك بى قميراتن و دمعاتنا
شليل وين راح ..
يكون خير الخريف فاتنا
وزى برق السماك الجاية دغشية
وزى زغرودة للبطن الكبارية
مرق من شامة القمرة
ومجرتق بوداعة الله
ومقدم بالعديل يبراك
أبشروا تعالوا ياجنيات
شليل ما راح .. شليل ما فات
شليل عند المسور مرق بقالو حصاد
شليل فوق التقانت قام خضار و بلاد
شليل مشوار.. شليل مسدار
شليلنا أرضنا يا جنيات
شليل ما راح .. شليل ما فات
حرازنا شليل .. شليلنا دليب
شليلنا دليل على البلدات بعد درب التبلدية
شليل ما راح .. شليل ما فات
شليل قايم نصايص الليل يتمتم ليلو وردية
مزارع بات على عشقين تراب بلدو
وسماح فوق بت مزارعية
| |
|
|
|
|
|
|
|
|
|
Re: الي أهل الجزيرة .. حُلمٌ .. من أحلامِ الأرض � (Re: معتز الجيلي)
|
معتز وباقي الشباب
صباحكم سعيد
البوست دا عاقدين عليه أمال عرض
أنو يساهم بقدر وافر في تسليط الضؤ على أكبر ماساة يعيشها الوطن
فدحين أرخو يدكم شوية لو مشيتو كترتو من الفيديوهات ، البوسط بكون طارد للأعضاء والمتصفحين
لانو كثرة الفيديوهات بتشغل حيز كبير من السعة المخصصة للبوست
ودا بكون سبب في بطء شديد في التصفح
ولو عايزين مثال أتصفحوا بوست هشام هباني بعنوان ( العضو عمر دفع الله أنت شخص غير محترم .......... )
وحتماً سأعود
| |
|
|
|
|
|
|
|
|
|
Re: الي أهل الجزيرة .. حُلمٌ .. من أحلامِ الأرض � (Re: معتز الجيلي)
|
كان اكثر ما يشدني لتلفزيون (الجزيرة) أهازيج الحصاد في موعدها المعلوم ، ومن قبلها ما يبث من أهل الارشاد الزراعي للمزارعين
كانت شاشتنا في غاية البساطة ، ولكنها ذات نكهة لا تدركها قنوات اليوم ،
كانت قصائد "بقول غنوات" ، و"في الجزيرة نزرع قطنا تتربع علي عرش الشاشة الصغيرة"
كنا صغاراً ولكن تحرك ههمنا ونفوسنا ما نراه من أهازيج ، وأحاديث في كل منتدي وما يتواتر من أخبار يومية عن الزراعة و"الرش" والباشمفتش وزياراته
وقصص كثيرة كثيرة عن انتاجية "حواشات" فاقت المتوقع
كان الكل يحكي عن الزراعة و"الموسم" و"اللقيط"
كان تلفزيون الجزيرة يبث ما يبث
كنا نري في الشوارع "عربات" المشروع و"كراكات" الري ، ونلاحظ "القطر" وهو يحمل "بالات" القطن
كنا نري التعب علي عيون أبائنا من "لهلهة" الزراعة ونستمع لاحاديثهم
كانت كل حياتنا تدور في فلك المشروع ، والعمل ، والانتاج ...
ويملأ صخب العمل وأصوات الماكينات محيطنا
وفجأة توقفت عجلة الحياة
ملأت الحسرة نفوس أبائنا وامهاتنا
عم اليباس والخراب أراضينا
جفت قنواتنا !!!
وتسابق شبابنا للهجرة
صارت قرانا حزينة
نزورها فقط للواجبات الاجتماعية
ضاع الصخب
وسكنت الضحكات
وضاعت منا حتي الآهات
من كان يكرهنا لهذه الدرجة !!!!!
الله أعظم وأقوي
.
| |
|
|
|
|
|
|
|
|
|
Re: الي أهل الجزيرة .. حُلمٌ .. من أحلامِ الأرض � (Re: معتز الجيلي)
|
.
في صغري ، كان يعجبني جدا شكل طائرات الرش الصغيرة ، نهرول جميعا لرؤيتها ما ان نسمع صوتها .. كنت اتعجب ببراءة الاطفال من براعة الطيار وكيف لا يسقط رغم انه يكاد يلامس بها اسقف المنازل!
كانت هذه الطائرات تتبع لمشروع النيل الازرق الصحي ، منحة كان من حكومة اليابان للمساعدة في مكافحة البعوض والافات
اين ذهب هذا المشروع ؟
حل المشروع ، وكل ما سمعناه حينها ان الحكومة طالبت بان تسلم ادارة المشروع ، رفض اليابانيون فهم كانوا يديرونه بواسطة كوادر وطنية ويتكلفون بكل شئ حتي مرتبات العاملين. عند حل المشروع قاموا بمكافأة كوادر المشروع الوطنية ووزعوا عربات المشروع عليهم.
هل ما زال بينكم من يسأل عن صحة البيئة ؟
مشروع لم تخسر فيه الدولة مليما ، وكان خط الدفاع الاول للسودان من الملاريا ، وليس للجزيرة وحدها.
اما يحق لي ان اسأل من يكرهنا لهذا الحد !!!!!!؟
.
| |
|
|
|
|
|
|
|
|
|
Re: الي أهل الجزيرة .. حُلمٌ .. من أحلامِ الأرض � (Re: معتز الجيلي)
|
.
Quote: - مشروع الجزيرة ، وكلية الزراعة جامعة الجزيرة كانوا قاب قوسين من ان يصبحوا (هارفارد) العالم في الزراعة ...
لا أنسي ابدا وانا طالب بجامعة الجزيرة كيف ذهلت عندما علمت ان عدد من يحلمون لقب (بروفيسر) في الزراعة ، ويعملون بالابحاث الزراعية بمدني ويقودون التدريس والبحث العلمي بكلية الزراعة كانوا 27 بروفيسر ، هذا غير حملة الدكتوراة والماجستير !!!! هل سمعتم ابدا اين وصلنا في البحث العلمي وتحسين الانتاج ؟
القصة تدمي القلب
|
إلي من دمروا المشروع ، وإلي من يقرأنا الآن ...
| Quote: هل سمعتم ابدا اين وصلنا في البحث العلمي وتحسين الانتاج ؟ |
هل سمعتم عن الأصناف المحسنة ، عن البحوث العلمية الناجحة التي أنتجت بذوراً محسنة وأخري مقاومة لأمراض وآفات بعينها (مثل البودا) ،
لم أقل كادت تصير (هارفارد) العالم في الزراعة عن فراغ
مئات العلماء الوطنيين عملوا وسهروا حتي صنعوا بذوراً وأصنافاً زراعية محسنة مقاومة للأمراض ، كلهم وجدوا في المشروع بيئة "البحث العلمي" الخصبة
عباقرة كلهم ، أنتجت عقولهم الميزة وقلوبهم المخلصة عشرات الأصناف
قاوموا أمرض الزرع ، وزادوا الانتاج الي حد يفوق الوصف ...
ربما لم تسمعوا بالبروفيسور محمود "ود احمد" أبو الذرة في السودان
لكن البعض ربما سمع بصنف الذرة المحسن "ود احمد" الذي توصل اليه ، وما زال يزرع مع عشرات الأصناف الأخري التي انتجها علماؤنا
"طابت" ، "قدم الحمام" ، "الدبر" ... وأخر
- لم أكن من طلاب كلية الزراعة ، وان كنت أغبط زملائي علي ما أراه من محصلة علمية رفيعة
فقط إقرؤا من موقع البحوث الزراعية "الآن":
Quote: تمتلك هيئة البحوث الزراعية (ARC) تراث غني للبحوث الزراعية في السودان(اكثر من مائة عام) في مجالات المحاصيل الحقلية-الغابات والموارد الطبيعية لها 13 برنامج وطني و43 برنامج فرعي
يوجد الهيئة عدد 26 أستاذ باحث-68 استاذ مشارك-102 استاذ باحث مشارك-61 مساعد باحث-240 تقني-628 فني-361 موظف-1525 عامل |
أضف لكل هذا ما تراه من شبكة ري أدناه:
كيف سولت لهم أنفسهم المريضة وأد كل هذا النجاح !!!!!!!
كيف تنهض الأمم وهي تدمر ما تملكه !!
أين هم أهل "التخطيط الإستراتيجي" في السودان ؟؟؟
أم هي مجرد الرغبة في التدمير و"الحقد" الأعمي !!!!!!
أليس فيكم رجل رشيد !!!!
.
| |
|
|
|
|
|
|
|
|
|
Re: الي أهل الجزيرة .. حُلمٌ .. من أحلامِ الأرض � (Re: معتز الجيلي)
|
.
ويأتي بعد كل هذا من يتحدث عن "فشل الموسم الزراعي بمشروع الجزيرة" و "فشل الزراعة بالجزيرة"
لم اذن لم تفشل من قبل ؟
لم نجح المشروع منذ انشائه وغير الكثير من ميزانية الدولة الي الوضع الإقتصادي للمواطنين الذين يقبعون الآن في سابع خط تحت خط الفقر !!
نجاح الجزيرة من قبل أولد "التميز" و"البحث العلمي" والمجتمع المتوازن" علاوة علي اعتماد اقتصاد السودان عليه لعشرات السنين.
ثم يأتي من يحدثك عن فشل المشروع ، بعد أن دمروا بنيته التحتية وباعوا أصوله وأوسعوه "عطشاً" ، ثم أتوا بالتقاوي الفاسدة والمبيدات الخبيثة المنتهية الصلاحية.
ما أغربكم !!!!
.
| |
|
|
|
|
|
|
|
|
|
Re: الي أهل الجزيرة .. حُلمٌ .. من أحلامِ الأرض � (Re: معتز الجيلي)
|
لا تخطئ العين ...
ولا يغيب عن فطنة كل ذي عقل ،
ان من سعي "لاعدام" مشروع الجزيرة كان "متعمدا جدا"
دمر أصول المشروع "تماما" حتي لا يدع اي خط رجعة للبناء "او هكذا يظن" الي حد بيع حتي منازل موظفي المشروع ببركات ..
نحن اهل الجزيرة نعي تماما ان تدمير المشروع كان عن سبق "اصرار" و "تعمد" ونية مبيتة منذ سنين ، ومخططات حيكت بليل و"متواطئين" صنعوا وزرعوا في اللجان والاتحادات ، هذا بالاضافة الي ما جري تمريره من قوانين
ولكن ، أبشركم .. فأهل الارض باقون ، وما لغير الله من سلطان عليهم.
| |
|
|
|
|
|
|
|
|
|
Re: الي أهل الجزيرة .. حُلمٌ .. من أحلامِ الأرض � (Re: معتز الجيلي)
|
.
وفوق ذاك كله ، تأكدوا بأن أهل الجزيرة لن يهدأ لهم بال ولن يقبلوا باقل من:
- محاكمة كل الفاسدين المتسببين في تدمير المشروع ، ليس بأقل من تهمة "الخيانة العظمي" للوطن.
- إعادة كل مليم من ال 43 مليار دولار الي "الجزيرة" ، كل من نهب فاغتني معلوم للجميع ، ستنتزع منهم بالقانون انتزاعا ، او ممن كنزوها لاجلهم.
- حماية المشروع بنص اي دستور قومي قادم.
- حماية حقوق الملاك وتعويضهم عن سنوات الظلم.
واتقوا غضبة الحليم
.
| |
|
|
|
|
|
|
|
|
|
Re: الي أهل الجزيرة .. حُلمٌ .. من أحلامِ الأرض � (Re: معتز الجيلي)
|
علاوة علي "النشاط" الذي لا يهدأ ، و"لوحة" الكد والعمل اللذان كانا يميزان الجزيرة ، خلقت حالة الانشغال الدائم بالعمل ، اضافة الي ما نتج عن الاستقرار المعيشي ، حالة من التوازن النفسي ، قويت بالخلفية الدينية والاجتماعية المتسامحة ، فانتجت مجتمعا كان فيه النموذج الحقيقي للمجتمع السوداني ، او ما يجب ان يكون عليه ، بناءا علي ما توارثناه من "قيم" اخلاقية
| |
|
|
|
|
|
|
|
| |
سليمان القرشي
Abu Baker Ahmed Abdel Rahman
Othman Al-Hasan Babikir
عبدالله ود البوش
محمد علي البصير
فيس بوك
تويتر
انستقرام
يوتيوب
بنتيريست