|
دعواتكم لزميلنا المفكر د.الباقر العفيف بالشفاء العاجل
|
|
 Re: الى حبيبنا ود الزبير .. و كتابة على الجبص (Re: جلالدونا)
|
واحدصاحبنا سواق كارّو كان مجهجه اولاد الحلّة جهجهة شديدة خلاس
يوم رجلو انكسرت و جبصوها ليهو
مشيت ازورو ألقى ليك الجبص كلّو تعليقات
و سرحت فى القراية
من التعليقات الظريفة شباب جوهو و لقوهو نايم كتبوا
حضرنا و لم نجدك .. عقبال ما تنكسر الرقبة
| |
 
|
|
|
|
|
|
|
|
Re: الى حبيبنا ود الزبير .. و كتابة على الجبص (Re: وضاحة)
|
وكتين هو بخير مالكم قالعين منو الموبايل يا دكتورة ؟
يا جلال ياخي ترمس شنو مستشفي حمد فيه ما طاب ولذ من كل الاصناف والاجناس ..
أنا خوفي هو يماطل ويكتر القعدة ..
اجر وعافية يا ود الزبير كتابتنا دي على الجبس الليل جلالدونا دا .
| |
|
|
|
|
|
|
|
|
|
Re: الى حبيبنا ود الزبير .. و كتابة على الجبص (Re: جلالدونا)
|
يا الف مرحب بى مولانا الملك
Quote: وكتين هو بخير مالكم قالعين منو الموبايل يا دكتورة ؟
يا جلال ياخي ترمس شنو مستشفي حمد فيه ما طاب ولذ من كل الاصناف والاجناس ..
أنا خوفي هو يماطل ويكتر القعدة ..
اجر وعافية يا ود الزبير كتابتنا دي على الجبس الليل جلالدونا دا . |
الترمس يا ملك يعلو و لا يعلا عليه .. فعال .. مسل .. جبّار كسور و فوق ده لذيذ
بعدين اصلا هو بدا فى المماطلة , ما شايف العملية من الاحد ودوها التلاتاء
و رغم ده كلّو .. ارجع و اقول
حسب خبرتى كطبيب بالمشاهدة ... المشاهدة ما الشهادة ...
فى حالات اصابات الحواداث يكون التركيز الاول على انقاذ حياة المصاب نفسه
بالكشف الشامل للتأكد من وجود او عدم و جود نزيف داخلى
و الحمد لله اخونا معاوية اتجاوز الحتة دى
الخطوة التانية العمل على انقاذ الاعضاء المصابة من البتر
و برضو اقدر اقول اتجاوز الحتة دى برضو
اذ لا توجد سابقة طبية ببتر ضلعة او حوض مصاب
,, و بعدين كيف يعنى يبترو حوض زول ..
المرحلة التالتة التأكد من قدرة الاعضاء على اداء وظائقها
المرحلة الاخيرة التجبير و التجبيص ثم التأهيل
و دى الحتة الدايرين فيها الترمس ..
شوربة الحمام خليناها قد تكون متوفرة فى المستشفى
دكاترة المنبر كيف .. انفع اكون طبيب ؟
ان شالله استشارى
| |
|
|
|
|
|
|
|
|
 Re: الى حبيبنا ود الزبير .. و كتابة على الجبص (Re: جلالدونا)
|
يا سلام عليك يا جلالدونا
ربنا يطمنك
سمعنا من ود أب سن العملية يوم التلاتاء
والترمس يا الملك لا يعلى عليه
طبعاً أنا زولاً مجرِّب؛ ما ني طبيب
أسألني منو: أنكسر حوضي بفضل الله والترمس مرقت يا قول حبوبتي
ذي الشعرة من العجين ولله الحمد
نتمنى على الجميع موالاة ود الزبير بدعواتهم الطيبة
____
الحليلة
| |
|
|
|
|
|
|
|
|
Re: الى حبيبنا ود الزبير .. و كتابة على الجبص (Re: elhilayla)
|
عليكم السلام اخانا الحليلة
مالك جيت ايدك فاضية ... وين التمر
تعرف مع البروتين الكامل فى الترمس
و المنجنيز و المعنيزيوم و النحاس و الكبريت و البوتاسيوم و الكالسيوم ال فى التمر
اخونا معاوية ده يبقى فلز عديل كده
و يا ريت لو واحد فيكم سخا و جاب مديدة الدخن
شوربة الحمام قالوا فى المستشفى فى
مافى داعى تجيبوها
| |
|
|
|
|
|
|
|
|
|
Re: الى حبيبنا ود الزبير .. و كتابة على الجبص (Re: جلالدونا)
|
حبيبنا جلالدونا .. كيفك يا رائع ..
المالك الحصري لمصطلح ( نقونتود ) .. مودتي ..
اسلوبك حكيم في التعامل مع أصاب حبيبنا ودالزبير ..
طريقة تثير الحيوية والامل وترقى بالنفس فوق الالام ..
يا سلام جلالدونا .. تجاوزت أسلوبنا التقليدي .. بكائيات .. ودعوات الشفاء بصوت
مرتفع في حضرة المريض حتى يظن المريض أنه في حالة ميئوس منها ..
لقد لا حظت نفس الطريقة مع بدرالدين الامير عند مرض الفنان محمد السني .. عندما
فتح بوست عن مرض السني بدأ بمزاح ونكته وعكننه إخوانية ..
فلفسة رائعة تذهب الأذى والمرض ..
مودتي حبيبنا جلالدونا ..
| |
|
|
|
|
|
|
|
|
|
Re: الى حبيبنا ود الزبير .. و كتابة على الجبص (Re: علي عبدالوهاب عثمان)
|
النقونتود على
حبابك يا صاحب وشاكر و مقدر للتقريظ
مشكلة الكسور يا اخونا على ما الكسر ذات نفسو
المشكلة فى الرقدة الطويلة و مملة بى حكم التجبيص
اها قلنا نخفف عليهو
و تكتب ليهو فى الجبص الاسفيرى ده
بى ونستكم معاهو اكيد بيلقى حبة تسلية و بعض ذهاب للملل
للملل
عليك الله شوف عكلتة الكلمة دى
من حرفين بس
لام و ميم
لكنها تفعل الافاعيل فى الانسان
__
شاكر مرورك الكريم يا على و بالتأكيد معاوية شاكرك اكتر منّى
| |
|
|
|
|
|
|
|
|
|
Re: الى حبيبنا ود الزبير .. و كتابة على الجبص (Re: جلالدونا)
|
شكرا جلالدونا والأعزاء.. على كل شيء
(( الحمد لله والشكر له على تخفيف قضائه، هذه نعمة عظيمة وعظة رقيقة تستوجب مزيدا من المحبة والتقدير له والتبجيل الحمد لله وقع الحادث بأخف الضرر، وجرت العملية الجراحية بأفضل ما يمكن
وبعد فضل الله كان الأثر الكبير لدعواتكم واتصالاتكم ورسائلكم وزياراتكم المباشرة ولا أقول عنها أكثر من أنها أعطتني حياة جديدة في كل شيء
الآن أتعافى وأتعلم المشي من جديد من بين أشياء اخرى كنت أحسبها هينة لا تستحق الالتفات إليها فإذا بها في نظري اليوم عظيمة مثل إنزال قدمي من السرير والمشي خطوات، ومراقبة حركات الناس العفوية، اشتهاء تدخين سيجارة،
حمل ابني على كتفي وهو الذي فغر عيناه عجبا من عجزي، ومزيد من التقدير لتفاني زوجتي في تكريس الأيام الماضية في رعايتي مثل وليد، والوقوف في الشارع أمام المنزل والنظر إلى السماء،،،،
سأعود أقدّر كثيرا هذه التفاصيل وكذلك ما هو أصغر منها وشكرا لكم كثيرا حتى فرصة أخرى)).
| |
|
|
|
|
|
|
|
|
|
Re: الى حبيبنا ود الزبير .. و كتابة على الجبص (Re: جلالدونا)
|
كنا نتابع تقدمك بلهف .. سعينا وراء تلفونك .. أرسلنا لك الواتسابات محملة بالدعاء
لم نجد رداً .. ولكن وجدنا اطمئناناً على أنك بخير .. وهذا وحده كاف
عموماً طبت وطابت أيامك
والتحية عبرك لصاحب هذا الجبص والذين مروا من هنا للكتابة عليه
| |
|
|
|
|
|
|
| |
جلالدونا
محمد أبوالعزائم أبوالريش
حمد عبد الغفار عمر
وضاحة
محمد على طه الملك
elhilayla
عمر دهب
الطيب عباس
معاوية المدير
معاوية الزبير
علي عبدالوهاب عثمان
عمر أبوعاقلة
عبدالحفيظ ابوسن
فيس بوك
تويتر
انستقرام
يوتيوب
بنتيريست