|
|
|
 Re: المغترب بعد رجع لقي وكيلو ود عمو أكلو � (Re: Osman Musa)
|
يحمد الله انهم ما باعوا ليهو قطعة الواطة ..
قالوا بقرة الغايب تلد تور وابدا مابتجيب عجله .. والتور ذاااتو يكون ضالع .. 
بعرف ناس مغتربين باعوا ليهم قرايبهم ..
ومن الدرجة الأولى بيوتهم وخلوا خشمهم ملح ملح ..
أب مغترب ولده شباب بي غادي ..
الأب اشترى قطعة أرض كاربه .. ختا فيها شقى الغربة كلو ..
سافر بي جاي الولد ضرب توكيل لي نفسه وباع الواطه ..
فرتق القروش عربات وصرمحة ..
حضر الأب بعد سنتين تفاجأ بي بيت معتبر في القطعة بتاعتو ..
الولد كب الزوغة وعمل يع .. ..
والخوازيق ما تديك الدرب ..
أها هاك دي كمان واحد مغترب رسل أبوهو يعقد ليهو ..
الأب متشبب وروحو عاجباعو اتقدم لي أهل العروس ..
افتكروهو هو العايز البنيه .. وافقوا .. الأب ما صدق خبر ..
طوالي خشا وقطع رحط العروس ....
المغتربين ديل ناس مساكين ساي ..
بيتخموا بالساهل ..
لانهم بيبنوا صورة متوهمة وما ليها أي دخل بالواقع ..
| |
 
|
|
|
|
|
|
|
|
Re: المغترب بعد رجع لقي وكيلو ود عمو أكلو � (Re: جمال ود القوز)
|
الفيلم دا اتكرر كتير
العجلة في شنو
القروش بالريال او الدولار احفظ لقيمتها و قيمة الارض
و متى ما جيت نهائي تعال ابنيها
و الله بنائين الزمن دا بقو زي ناس ياجوج و ماجوج في اسابيع يسلموك البيت بحديقتو
لا تتعجلو
بالمناسبة توجد بيوت كتيرة في الخرطوم مضى على بنائها عشرات السنين (سوست عديل) و لم ياتي اصحابها للسكن فيها
و لا اظنهم ياتون حيث ان العيال و امهم مكجنين السودان و رافضن السكن فيه بالله و واحد
و (اب شنب) دخل في الثمانينات من عمره و صار رهينة لهم و لا يستطيع المجي وحده
| |
|
|
|
|
|
|
|
|
|
Re: المغترب بعد رجع لقي وكيلو ود عمو أكلو � (Re: عوض محمد احمد)
|
عزيزنا كابتن القوز
سلامات
عندنا صاحب من الاصحاب العديدين . أشتري قطعة أرض من أول خمسة سنين غربة في اليمن
وتزوج في نص الخمسة سنين . وترك اليمن الي القاهرة ومعاو المدام والبنية . بعد سنتين
ضرب عرض البحر الي اليونان . قعد في اليونان 13 سنة . الصاحب مرض وساق الأسرة ورجع .
قطعة الأرض الود عمو قالو عنها شطبلو فيها الطابق التالت لقاها حوش فيه نيمة .. يعني أكلو نيم ههههها
| |
|
|
|
|
|
|
|
|
Re: المغترب بعد رجع لقي وكيلو ود عمو أكلو � (Re: Osman Musa)
|
يحدث فيني صديق من الأطباء المساكين المنتشرين في أيرلندا .
قال لي لما كان الزمن سمح قبل الطاعون في نهاية الستينات الوالد كان شغال سفرجي مع أمير في الرياض
وكان يحول لي جدي بي أنتظام .
قال لي جدي أشتري لي الوالد 3 قطع في الكلاكلة أي قطعة ألف متر وبناها وأجرها وقاعدة الحمد لله لي يوم الليلة .
لكن تعال شوف المهندس صاحبي عمل في الأمانة حقتي شنو .
| |
|
|
|
|
|
|
|
|
|
Re: المغترب بعد رجع لقي وكيلو ود عمو أكلو � (Re: Osman Musa)
|
قال لي المهندس صاحبي رسلتلو سنة 2009 مبلغ 50 ألف دولار .
عشان يشتري لي قطعة كانت معروضة للبيع في كافوري . قال لي صاحبي في الليلة وفي بكره
لاحدي ما أرتفعت أسعار كافوري . وبعد سنتين أشتري لي قطعة في الوأدي الأخضر علي بعد أمتار من
مهاوي ومجاري السيل .
قال لي قروشك تكفي القطعة والبنيان . مشيت لقيت القطعة حوش جالوص ودأخل الحوش لوري قديم خربان .
وغرفة ساكن فيها زول بي المجان .
| |
|
|
|
|
|
|
| |
Osman Musa
جمال ود القوز
Hani Arabi Mohamed
Hatim Alhwary
فيس بوك
تويتر
انستقرام
يوتيوب
بنتيريست