|
|
|
 Re: المصريين سرقوا الآبريه ... تاني فضل شنو ؟ (Re: يحي قباني)
|
النوبة في جنوب مصر جزء من الثقافة السودانية
نفس العادات والتقاليد
وتوجد قبائل حدوديو كثيرة بين مصر والسودان منهم العبابدة والكنوز
والجعافرة والبشاريين والبجا والانصار وغيرهم
انا في رمضان الماضي شربت ابري في منزل ابن عمي المصري الجنسية
في منطقة الرقبة تبع دراو .... ونفس الصينية السودانية لم يتغير منها شئ
اذن كلمة سرقة غير وارد لانهم منذ عشرات السنين يشربون الابري
انت كنت وين الزمن ده كله ...........
صلاح غريبة - بشرب ابري في القاهرة
| |
  
|
|
|
|
|
|
|
|
Re: المصريين سرقوا الآبريه ... تاني فضل شنو ؟ (Re: Salah Zubeir)
|
سلام يحي،
الخبير الفوق ده قول ليهو، الآبري ليس جزء من ثقافة النوبيين السودانيين، ناهيك عن المصريين.
زي ما انتقلت القراصة من شمال السودان إلى الخرطوم، إنتقل الآبري إلى مناطق النوبة، فالعيش الذي ينتج الزريعة وبالتالي الآبري ليس في ثقافة النوبيين، فطعامهم قمح وليس ذرة.
بماسبة السرقات المصرية، قبل فترة كان عندي جار مصري، مرة شافني ضارباني نزلة، دخل بيتو وجاب لي قزازة فيها (شئ أحمر) وقال لي حط عليه سكر واشربه كويس أوي أوي للنزلة ..... أنا جبتو من مصر إسمو (كركريه)
قلت ليهو ............. عاشت مصر
| |
|
|
|
|
|
|
|
|
|
Re: المصريين سرقوا الآبريه ... تاني فضل شنو ؟ (Re: محمد أبوالعزائم أبوالريش)
|
Quote: سلام يحي،
الخبير الفوق ده قول ليهو، الآبري ليس جزء من ثقافة النوبيين السودانيين، ناهيك عن المصريين.
زي ما انتقلت القراصة من شمال السودان إلى الخرطوم، إنتقل الآبري إلى مناطق النوبة، فالعيش الذي ينتج الزريعة وبالتالي الآبري ليس في ثقافة النوبيين، فطعامهم قمح وليس ذرة.
بماسبة السرقات المصرية، قبل فترة كان عندي جار مصري، مرة شافني ضارباني نزلة، دخل بيتو وجاب لي قزازة فيها (شئ أحمر) وقال لي حط عليه سكر واشربه كويس أوي أوي للنزلة ..... أنا جبتو من مصر إسمو (كركريه)
قلت ليهو ............. عاشت مصر |
كلام سليم يا دفعة ...
و والله ما عندنا أي مشكلة يعملوا إعلانات و برامج و ماركتنج ...
بس حفظ الحقوق او ذكر الأصل كان الأفضل بدل ما يتشربكوا ساكت كده ...
____________________________________________
ياخي انحن نكُد في الدوم عمرنا كلو ...
المصرين استلموها و سوقوهو ...
ولدي جاب عصير دوم من السوق هنا صناعة مصرية ...
انحنا الماركتنج عندنا زيرو ...
| |
|
|
|
|
|
|
|
|
 Re: المصريين سرقوا الآبريه ... تاني فضل شنو ؟ (Re: Hassan Farah)
|
سلامات صديقى يحى وقريبى حسن وضيوف الخيط ,
كما ذكر ابو الريش وحسن , الابريه والحلومر فى الاصل سودانى ومن مناطق الوسط وليس السافل. انتقل للمناطق النوبيه و محافظة اسوان منذ زمن بعيد, ربما فتره الاستعمار التركى_ المصرى. كذلك كلما مانعرفه بالملاح الطبيخ والمحاشى الخ... انتقلت الينا فى المدن السودانيه والوسط من المطبخ العثمانى
زرت اسوان وانا طفل عام 63 عندما كان والدى المرحوم الجمرى ابونوره يعمل كمامور للنقل النهرى بين حلفا _ اسوان. كان مركزه فى اسوان. كانت اسوان انذاك اقرب لحلفا وبربر منها لقنا واسيوط والقاهره. كانت غالبية اسوان من قبائل موجوده فى السودان مثل الكنوز وهم اسياد البلد الاصليين, الجعافره, العبابده, الفديحا, الحريباب, البصاوله, العقيليين بل وازيدك شعرا ياحسن. فى رباطاب مصريين هم من اقارب اهلنا ال شكاك وشبيكه ومالك, لم يرجعوا مع اهلنا اسرى توشكى للسودان مثل جدنا بابكر بدرى وجدنا دفع الله شبيكه الذى كان طفل انذاك وظلوا باسوان.اما الاكل فكان سودانى بامتياز بالاضافه لرغيف البصاوله البتاكل اصابعك وراه. وافران العيش كانت فى البيوت.طبعا كل شئ اتغير فى اسوان من كارثة بناء السد العالى.
مع ودى
(عدل بواسطة Elmoiz Abunura on 06-05-2017, 06:45 PM)
| |
|
|
|
|
|
|
|
|
|
Re: المصريين سرقوا الآبريه ... تاني فضل شنو ؟ (Re: يحي قباني)
|
ما فوكا حاجة
جميع مأكولاتنا هي نتجية تلاقح إجتماعي , نشترك مع المصريين والشوام في الكثير من المأكولات نسبة لتأثير الحقبة التركية العثمانية على المنطقة مثل البامية والملوخية والفول و الكباب والكفتة والشاورمة وكمان ومع الهند كوجبة السامبوسا ونشرب القهوة والشاي مثلنا مثل غيرنا فكون البرامكة في السودان يشتهرون بشرب الشاي لا يعني أنهم رواده ومصدره
برنامج عادي
ما فوكا حاجة
وحلايب سودانية
| |
|
|
|
|
|
|
|
|
|
Re: المصريين سرقوا الآبريه ... تاني فضل شنو ؟ (Re: Frankly)
|
سلامات يا هندزة
انا زرت قرى نوبية مصرية اكثر من مرة و اكلت كسرة و بامية و ملوخية مفروكة
و بعض النسوان بلبسن التياب و في رمضان بعوسوا الابري و بشربوه و الحافلات
حقتهم مشغلة اشرطة الكاشف و ابوداؤود و محمود عبد العزيز و جمال فرفور و في اعراسهم
لا يغنون الا غنى سوداني.
يازول اسوان و قرى التهجير شمال كوم امبو بلاد سودانية خالصة.
| |
|
|
|
|
|
|
| |
يحي قباني
ghariba
Salah Zubeir
محمد أبوالعزائم أبوالريش
Hassan Farah
Elmoiz Abunura
Frankly
سيف النصر محي الدين
فيس بوك
تويتر
انستقرام
يوتيوب
بنتيريست