الكتابة في المنبر.

Quote: شكرن كتيرن!

Quote: تصدق - قبل كم يوم طريتك من ضمن بورداب كتير غائبين .

Quote: غايتو اصلا حروفك ما وحشتني لاني مدمنها عالفيس حتي بالامارة اليوم ربيع عبد العاطي طلع صديقك 😃😃 عموما قنب طولا

Quote: يا ألف مرحب بالزول الكتاب حبيب نورة طولت شديد لكن تاني ما تعملها

Quote: مرحبتين حبابك و اليوم السعيد الليلة جابك

Quote: نعل دينك ياخ ... _________ ده يا ياسين واحد صاحبي شديد الله يطراو بالخير ... لامن نغيب من بعض زمن ... اول ما يشوفني يسب لي الدين ... طوالي بعرفو الشوق كاتلو زي ما كاتلني ... و نتقالد و نضحك و ما بنكفر بعض ... :) ياخ و الله بشتهيك شهوة عديل كده ... شهوة شوقي لي شوفة امي ... و بشتاق لي قلة ادبك البتشبه قلة ادبي ... قليلين الفي الدنيا الممكن تتوافق معاهم ... و انت واحد منهم ... حلفتك بالّتي و الّتيي ... ما تمش تاني ياخ ...

Quote: حبابك حبيب نورا

Quote: ها زول . وين بلدك ؟ والله مشتاقين . و ما ليك خبر . كنت دايرك تكتب عن الفنان الراحل العظيم سعيد صالح عليه الرحمة . والله عودتك جد مفر حة والناس منتظرين عودتك . سلامات

Quote: سعيد برؤية اسمك يزين البورد

Quote: أشعر بغربة شديدة، ولكن السلام عليكم.

Quote: الأديب الأريب الحبيب تحياتي ‏ لم نعاصرك في البورد(مش صغر سن و كده)‏ و لكننا كنا نتابع من خارج السور اتذكر كتاباتك عن ذكريات وجودك في القاهرة كانت كتابات رائعة استمتعت بها بحق ما أطوِل عليك ألف مرحب بعودتك

Quote: يا سلاااام يا حبيبها .. زمن ياخ لامن نسيناك عديل كدا

Quote: عليكم السلام ورحمة الله وبركاته يعنى رجعت مع فك الحظر ؟ البركة فى ترامب الرجعك لينا

Quote: اااااا سين يا نيل يا فرات يا دانوب حللت نهلا وسهلا واهلا كيفك بالله

Quote: بركة الجيت شديد و طيب اهلاً بيك تاني و من زمان

Quote: قرأت لك (كتيرن) وحين اصبحت ضمن الاعضاء وجدتك غائباً فياخي لا تكتر غيابك تاني عشان ما يبقى عادي

Quote: ظن يا حبيب نورة ، ومن تعليقاتك الظريفة دي، انت من الناس الدمهم شربات،،، ومحظوظة نورة دي،،،، حسدناها عديل،،،

Quote: حبيبها .. الف مراحب بيك طولت الغيبة .. نشتاق لقلمك المترع بالجمال .. لك المعزة آدم العشــــــــــ

Quote: سلام يا حبيب نورا ويا مراحب بعودتك الحميدة

Quote: اووووه ازيك يا عمك.... مشتاقوووون يا وغد.... اخد ليك كم يوم كده بس كحل وافهم الحاصل..... البورد بقى مليان دقق...دقق دي من كلام حبوبتي خجيجة... ما تجدع نصيحتي دي بتنعك للزمان.....

Quote: بفتش ليك النص الغيماوى داك انا قايل انا قاعد الملم الحاجات دى يمين بالله مفرزعه ساى فى اسافير الله والرسول

Quote: الكتابة في المنبر.

Quote: تزداد جمالا بوجودكم.

Quote: قريبا من ذات المكان بين خد المساءٍ ورمش النجمة، تواعدنا جهرا قال القمر: قوموا إلى عشقكم يرحمكم الله فقمنا كان طعمها أزرقًا مثل نوايا الغيمة حين تهم بعناق الطين كان الوقت بلا طعمٍ ولا لون، فقد فضحته لمعة الحزن فى العينين، وما عاد يحالف سوى الفراغ، كبل الفراغ بكل ما فيه من سفور وتعب لا يصادق إلا العتمة قمنا ونحن فى كامل سذاجتنا الخضراء، مثل "شتلات نيم" صبية تحلم بأعراس العصافير العاشقة وبفساتين النسمات المزركشة بالعطر قمنا توارى الوقت خلف وجهه ، ثمة قلقِ كان يربض فى خاطرِ الهواءِ وبعض ضيقٌ، حسرة ربما، فى صدرِ السماءِ قلتُ يا سيدتى خبئى هذا الليلَ فى عينيكِ، وأنا سأخبئ الأحلام فى "مخلاية" القصيدةِ قلتُ، ونحن على أهبةِ الدخول إلى فناء النشيد، والتهيوء للرجوع إلى مشيمةِ البدءِ هتفت سراً فى آذان المصابيح الطروبة غداً نلتقى يا ايها الضوء الصديق فقط دع هذا التعب، يتعب قليلا، وموعدنا مشرقِ الأرواح ف حى على البقاءِ حى على الرجاءِ ثم ولما تمطى ليلُ النشيدُ لينامَ تأهبَ القمرُ لإحتضان ظلال الساهرين، أشرع نوافذَ الضياءِ و"تحكر" فوق فضته الوثيرة كان كحل الشوق فى عيون الأغنيات يتوهج مثل ضحك الزهرات أمام مرآة الشمس كان موغلاً فى الفرح، و كنت مستغرقا فى موتى قلتُ يا سيدتى كيفَ بعدها المزار، وكل هذه الدروب معبأة بحصى النشيجِ يا سيدتى كيفَ الصباحُ غريبٌ هكذا، وكيفَ تخاصمنا محطات الوصول، تشيح بوجوهها والقلب باسط دفقاته بوصيد الأمنيات يا سيدتى لمى إليكِ جدايل هذا الأصيل وأغزلى لنا أمنيةً من عسجد الشفق، فهذا الليلُ لم يعد وفياً كما كان من قبل لم تعد النجوم على عهدها القديم يا سيدتى قد اصبح، والله، هذا العشقُ أطلالاً من وميضٍ لا تستطيع الصمود بين نيرانِ القبيلة والأمل معلقٌ على مشاجبِ الغيوم، فلا السيفُ أصدقُ ولا الكلام بل العشقُ أولاً يا سيدتى قتل اصحاب القلوب، النار ذات ال ---- وجفنُ القصيدة يرفُ ويراقبُ الصباح وما تبقى من نبوءة لا رائحة فيها تتمتم غداً شروقُ شمسكم عدم غداً غروبُكم جراحْ إذن خذى بقوة ما تبقى من وعثاء هذا الغناء ودعينى استريح قليلا فوق موقد الإنتظار فقد تشابه علينا الزهر والجمر

Quote: ( عشقت سادن )

Quote: قضيت معاك اجمل ايام في المحروسة مصر ياليت لو تتكرر ولو يويم واحد فيها (خصوصا يوم طنطا)

Quote: سمعت أنك في بلاد الفرنجة عودا حميد

Quote: كل ما اسمع الامام ابوداؤد بتذكرك وطبعا يومى لازم اسمع هذا الامام اى والله انازاتى طولت من المنبر المهم أدنى اضانك تلفونى فى البروفايل منتظرك .