الفنان ياسر مبيوع في برنامج مساء جديد (النيل الأزرق)

سودانيز اون لاين
محمد أبوالعزائم أبوالريش-
مكتبتى
رابط مختصر

ياسر الفنان .... الصوت التريان والأداء الرفيع

ساسر يُحسِن اختيار الكلمة ويموسقها فيحيلها إلى لوحة من

الإبداع المسموع ..

ياسر ما طولت مننا ياخ ؟

المبدع دوما الدكتور الفنان مبيوع

صدفة (تشرين)

خاطرة نهديها لصديقنا دكتور ياسر سليمان مبيوع

من تسميات شهور السنة السايدة في العالم ، الشهور السريانية ، وهي شمسية ، (كانون اول/ديسمبر ، كانون ثاني/يناير ،لغاية التشرينات ، تشرين اول/اكتوبر ، تشرين ثاني/نوفمبر)..وكنت استخدم هذه الطريقة في ايام الشباب لتوريخ الخواطر والشخبطات والجوابات التي كنت ارسلها لصديقاتي واصدقائي..ووقتها كنت عامل فيها قاطع حاجة من راسي..او بالعدم تسويق ثقافة ..المهم..!

وانا اتابع حوار صديقنا الفنان دكتور ياسر مبيوع في قناة النيل الأزرق ، ادهشتني مفارقة (صدفة تشرين مع اخونا ياسر)..فالحوار ، لو الناس لاحظت الشريط ح تلقى انو الحوار كان في يوم 25 تشرين ثاني/نوفمبر 2015.

قبلها بسنتين بالضبط ، في 21 تشرين ثاني 2013..كان لصديقنا ياسر مبيوع حوار جميل للغاية في برنامج (همزة وصل/ تقديم محمود المسلمي) بهيئة الإذاعة البريطانية (بي بي سي العربية)..!

صديقنا ياسر درس الجامعة في اللاذقية بسوريا المنكوبة ، والجامعة اتأسست في 1971 باسم جامعة اللاذقية ولكن تم تغيير اسمها الى جامعة تشرين..والتسمية بترجع لحرب 1973..وقاعدين يشيروا ليها بحرب التحرير..وكانت 6 تشرين اول/اكتوبر 1973 ، والمصرين بيقولوا عليها حرب 6اكتوبر ، والسوريين بيقولوا عليها حرب تشرين..!!

في يوم 16 تشرين الثاني/نوفمبر 1970 كان انقلاب حافظ الأسد على نظام صلاح جديد ، وتم تعيين الأسد رئيس مجلس وزراء ووزير دفاع في 21تشرين الثاني 1970.

حافظ الأسد اتولد في 6تشرين الأول/اكتوبر 1930.

غايتو لو تاريخ ميلاد ياسر مبيوع كان في واحد من التشرينات..تبقى حاجة مدهشة للغاية..

انا سجلت في منبر سودانيز اونلاين في 2 تشرين ثاني 2002..!

وتظل تجربة ياسر مبيوع ..تجربة متميزة للغاية..الألحان مختلفة ، والمفردات مختلفة..وانا من اشد المعجبين بلحنه لأغنية (ما غريبة)..ومتابع للتجربة كلها..!!

ياريت يا ابو العزايم تشوف لينا طريقة لرابط حوار البي بي سي مع ياسر مبيوع..عشان الناس تشوف الفرق بين المحاور المحترف بتاع البي بي سي..ومداقشة البنيات في حوار (مساء جديد)..فرق السماء للأرض..!!

في الوكت البيسألوا فيهو ناس البي بي سي..عن دور الفن في التنمية..جماعتنا هنا يملوك فقر ما انزل الله به من سلطان..!!

ودمتم..

كبر

بالمناسبه عندى لقاء تانى مع بى بى سى مع المسلمى فى تشرين الاول 2015 بتلقاهو فى صفحتى فى ساوند كلاود soundcloud

https://soundcloud.com/mhl60sj09txxhttps://soundcloud.com/mhl60sj09txx

انا ما اتولدت فى تشرين لكن اخوانى الاتنين مولودين فى تشرين هههههه

بالنسبه لحوارى الاول مع بى بى سى 2013 موجود فى يوتيوب

https://www.youtube.com/watch؟v=EFMd1gt3m2Mhttps://www.youtube.com/watch؟v=EFMd1gt3m2M

https://www.youtube.com/watch؟v=SsVsuvQdwy4https://www.youtube.com/watch؟v=SsVsuvQdwy4

تعرف يا كبر كتير جدا بنزل اغانى فى منتديات وافاجأ بانو لاتعليق... يعنى صمت مطبق وكنت بحاول القى تفسير...

هل لانوالناس بيخكمو على الفنان الجديد بدون ما يسمعو والا بيسمعو والكلام مابيدخل فى دماغهم

لانهم بيتخيلو انوتانى ما حيجى فنان زى البيحبوهو

اشكرك جدا على الهدية الجميله واتمنى المزيد من التواصل ....

ؤ كل شئ بأوانه، المهم ما قدمته في هذه العُجالة

يعتبر نموذج لأعمال كثيرة مكتملة قطعاً ستكون

إضافة قوية للغناء السوداني بعد أن تزول عنه

هذه الغمامة السوداء العالقة في سماءه .

شكراً لإمتاعنا،

الكثير من الاعمل المكتمله لم تجد طريقها للناس بعد

واول الغيث البوم شجن ماطر .. وكان بودنا لو شجعنا الناس لننتج الذى يليه...

مازال الامل موجود فى محبى الفن الرصين .. وانت منهم