|
دعواتكم لزميلنا المفكر د.الباقر العفيف بالشفاء العاجل
|
|
 Re: الفرق بين السويد والسعودية فى الكفالة (Re: سيف اليزل سعد عمر)
|
حبيبنا سيفو .. تحياتي واشوااق .
ومشكور علي هرد المرارة !
بالله دى حالة دى!!!!
طيب وقت عارفها ما حالة في داعي
للمشاكل وكمان تقارن لينا الكفار بالمسلمين ؟
ههههههههههههههه
والله ما حالة .. وهولندا نفس النظام وقلناها من
قبل في الدول العربية انجبنا لنربي اطفالنا من
ناحية اتعاب مادية ةفي دول الغرب انجبنا اطفالنا
عشان يربونا من الناحية د ي .. فطوبي لكل من
علم بذلك واتي لدول العدالة والحقوق وضمان
المستقبل .
ولك الشكر ,,
وشوشة :
للجمييع اجتهدوا للذهاب لدول الغرب انها دول
المستقبل والامن والامان والطمانئنة .
| |
 
|
|
|
|
|
|
|
 Re: الفرق بين السويد والسعودية فى الكفالة (Re: مني عمسيب)
|
سلام الحبيبة بت عمسيب
تسلمى إنتى من هرد المرارة مع إنو فشفاشنا هو الإنهرد...
بمناسبة مقارنة السويد والسعودية فى نظام الكفالة والمقارنة بين دار الكفر ودار الإسلام نهديك هذه الطرفة من بوست لخالد العبيد:
سوداني في استراليا اتصل بي ابوه تلفونيا
ـ يا ابوي انا عرست استرالية
ـ يا ولدي كيف الكلام الكلام ده ... يقولوا عليك راجل المرة الكافرة
ويقولوا ولد فلان عرس البت الكافرة
ولو جبت ليك عيال يقولو ولد المرة الكافرة
يا ولدي مالك علينا !
!!!
بعد فترة اخونا اصطحب زوجتو وعلى السودان
بعد اسبوع ساب مرتو مع ابوه وامو وسافر مدني
ابو الولد عندو سكري
والعروس " الكافرة" متخخصة تمريض
اهتمت بي ابو زوجها
من الصباح بدري تدي الراجل كباية موية
بعد نص ساعة تقيس الضغط
بعد ساعو ونص تديه حقنة السكري
بعد ربع ساعة تسلق ليه بيضة وشوية بطاطس
وهكذا البرنامج ماشي زي الساعة
الولد رجع من مدني
ومن الباب قال لي ابوه:
اها يا ابوي "الكافرة" كيف؟
رد ابوه سريع:
والله يا ولدي الكافرة امك
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: سيف اليزل سعد عمر)
|
تسلم يا سيف ..
ههههههههههههههه
اها يا ابوي "الكافرة" كيف؟
رد ابوه سريع: والله يا ولدي الكافرة امك
وازيد ليه والله كفارة انا دي ذاتي ههههههههه .
يا سيف انا مصدقة قاطع انهم هم المصلحون وسوف
يرثون الارض والدليل بلادهم المستقرة والعدل والمساواة
ودي من مقومات ايراث الارض .
ومشكور يا فردة .
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: مني عمسيب)
|
| Quote: بلادهم المستقرة والعدل والمساواة |
خلافا لنظام الكفيل فى السعودية والذي اراه نوعا من انواع إستعباد بنى آدم...ربما يأتى اليوم الذي يخرج علينا فيه من السعودية هاتفا: متى إستعبدتم الناس وقد ولدتهم أمهاتهم أحرارا....
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: سيف اليزل سعد عمر)
|
تتكفل دولة السويد برعاية أي مواطن لا تسمح ظروفه المؤقتة للعمل بما يحفظ كرامته. حيث يتلقى الفرد ما يعادل 350 دولار فى الشهر للأعزب و 500 للمتزوجين غير دفع تلكلفة السكن.
فى العام الماضي بلغت جملت الاعانات للمحتاجين واحد بليون دولار لمساعدة 415000 محتاج....
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: سيف اليزل سعد عمر)
|
حبيبنا سيف .. مودتي ..
يا دوب الواحد عرف ليه تجازف بعمرها عبر المتوسط
صدقني يا سيف في السبعينات ونحن كنا معلمين .. واحدة سويدية إسمها
مارقريت جاءت متطوعة في المستشفى عندنا في ضواحي الدنيا قرية اسمها البرقيق
المرة كانت طيبة شديد ومحبوبة من أهلنا جلست سنين طويلة جداًَ ولمن كبرت خالص رجعت للسويد
كانت تزورنا في البيت دائماً ..
كتبت قبل كده مقالة عنها إذا وجدتها سوف أنزلها هنا ..
آخر الكلام .. كيف نصل السويد .. 110 دولار
مودتي .. للجميع ،،
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: muntasir)
|
سلامات سيف اليزل وضيوفه الكرام ..
مشكلة السعودية الرئيسية هى المفارقات الرهيبة فى الدخل الذى يتراوح بين بضع مئات الريالات وعشرات الآلاف .. هذا عيب كبير..
لكن حتى تكون منصفاً مفروض تنظر لإنعدام الضرائب حيث ينعم العامل الوافد والمواطن بدخله كله مع حرية التحويل المالى لأى بلد كما يشاء.. زد على ذلك الدعم الكبير لكل السلع الأساسية والخدمات وهو ما يجعل الحياة رخيصة جداً حيت ٤٠٠ ريال فقط (١٠٠ دولار) تسوى شغل..
قارن ذلك بالضرائب الباهظة والإستقطاعات المفروضة على العامل الأوروبى التى قد تقارب الـ ٥٠% من مرتبه .. وزد على ذلك الضرائب المضافة على السلع كالوقود مثلاً حيث تصل الضريبة لما يقارب الـ ٧٠% فى دول أوروبا الغربية .. هذه الضرائب تذهب لدعم الخدمات العامة ودعم المواطن الذى ليس له عمل واللاجئين وووو .. مرة سألت صديق سويدى إن كانوا يتضجرون من هذه الضرائب فقال أبداً طالما أنها تذهب للفقراء فتقلل مستوى الجريمة ..
ولكن طبعاً نرى الآن تمدد اليمين المتطرف المعادى للأجانب لأنهم يرون أنهم إقتطعوا من أرزاقهم حيث أن أغلب الأجانب يعيشون على هذا الضمان الإجتماعى ويتكاثرون للحصول على هذه الـ١١٠دولار عن كل طفل التى ذكرتها أنت.. خاصة وأنهم يرون أن المزيد منهم يستميتون لعبور البحار للعيش فى أوروبا..
الغباء السعودى أراد تعويض التدهور الإقتصادى بإقتطاع أرزاق الغلابا الوافدين، فى حين أنهم كان يمكنهم سلوك السياسات الغربية طالما انتهى زمن الرخاء فيطبقوا نفس سياسة الضرائب الغربية، وحينها سيعرف أى مغترب إن كان يستطيع البقاء فى السعودية أو المغادرة..وذلك بدلاً عن هذه الرسوم على الأطفال التى تتيح المقارنة بين الغرب العادل الإشتاكى مع العربى الثرى الظالم .. !!!
| |
|
|
|
|
|
|
|
|
Re: الفرق بين السويد والسعودية فى الكفالة (Re: muntasir)
|
سلام سيف المجوس ديل اوع يكون بعد الإقامة بدوك قروش العفش عشان الواحد يقوم يجيكم طاير
سلام عليكم
تصدق بدوك هههههههههههههههههههه hemutrustning دي حاجة كدة عبارة عن سلفية للعذابة تقريباً 1500 دولار و للعوائل اذا نفرين تقريباً 2000 دولار و كل ما زاد واحد تزيد 500 دولار
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: سيف اليزل سعد عمر)
|
فى أمريكا تطبق إجراءات شبيهة بالسعودية
لا يسمح بإستقدام الزوجة والأطفال أو الأقرباء (للإقامة) إلا لأصحاب الدخول
المتوسطة والعالية اصحاب الدخول المحدودة عليهم إحضار كفيل مقتدر مالياً
يلتزم بتكاليف المستقدمين (زوجة وأطفال) يتكفل بعلاجهم وكل مصاريف إقامتهم
(ذا عجز الزوج) .. وألا يستفيديوا من المساعدات الصحية والمعيشية
التى تقدمها الحكومة الأمريكية للفقراء.
وأيضا فى نظام الهجرة باللوترى .. فالمحظوظ الذى يقع عليه الإختيار عليه
أن يكون محظوظاُ فى إيجادر شخص مقيم أو أمريكى مقتدر مالياً ليكفله
فى كل أموره الصحية والمعيشية ولا يلجأ لنظام مساعدات الحكومة!
* ملحوظة: شرط الكفالة أعلاه لا يطبق على اللاجئين السياسين (تحميهم القوانين الدولية)
كما أن التعهد بالكفالة لا يعنى إستخراج بطاقة كفيل وتحكم فى من يكفلهم،
فهو إلتزام مالى على الكفيل
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: نادر الفضلى)
|
سلام باشمهندس منير
مشتاقين ياااخ ومرحب بيك كثير..
شكرا على المداخلة التوضيحية من زول يعرف الكثير عن السويد..
نظام الكفالة السويدية، او النظام السويدي مبنى علي مبدأ دولة الرفاهية بحيث تقوم الدولة برعاية وخدمة المواطنيين.
وهي مبنية على إحترام حقوق المواطن بنص الدستور. وكما أوضحت يا منير فإن هذه الرفاهية تمول من إقتصاد قوي يقدم خدمات
صحة وتعليم ورعاية إجتماعية لكل المواطنين خاصة الضعفاء منهم. وكما أوضحت يمول كل ذلك من الضرائب المفروضة علي الدخل
والخدمات. وبما اننا نتحصل علي خدمات ممتازة فلا نتضجر من ان يذهب قرابة نصف الدخل والأرباح إلي الضرائب..
لسنا إقتصاديين ولكن نحاول نقدم تجربة السويد لتوسيع مدارك الناس حول دور الدولة وما يمكن ان تقدمه لمواطنيها وللضعفاء منهم.
المقارنة هنا كيف للسعودية وهى دولة مقتدرة ماليا أن تأخذ من المهاجرين مبالغ شهرية من أطفالهم وأسرهم؟ وهم الذين يساهمون فى
تسيير الخدمات فى هذا البلد؟ ثم لا تعطيهم مقابلها خدمات؟ في السويد:
١- التعليم مجانى. مجانى عديل كده يعنى الدولة هي التى تدفع اية حاجة حتى الأكل والشراب حتى المرحلة الثانوية
٢- العلاج شبه مجانى لأي مواطن (تساهم بمبلغ محدد فى العام بعدها تتعالج مجانى لمدة عام وكذلك الدواء)
٣- أذا اصبحت عاطل عن العمل تتحصل علي ٨٠ فى المائة من مرتبك لمدة عام
٤- للأم والأب الحق فى رعاية طفلهم لمدة عامين بمرتب ٨٠ لكل منهما
والقائمة تطول
تمدد اليمين بسبب الهجرة حقيقة مزعج جدا بالنسبة لينا كمهاجرين او سويديين لأنه بهدد حقوق أساسية قد يكون التفضيل بينها
مستقبليا علي أساس العرق والتعنصر. لكن فى المقابل الهجرة مهمة جدا لدولة كالسويد من وجهة نظر إقتصادية. فلازلنا فى حوجة ماسة
لمهنيين فى مجال الطب والتمريض والبناء والبحث والكثير من القطاعات الخدمية،
معلومة أساسية داير أقولها هنا ربما تغيير بعض المفاهيم عن الرعاية الإجتماعية وهي أن السلطات الإجتماعية السويدية أسوأ من جهاز الأمن
السودانى للتحقق من حوجة المحتاجين لهذه الإعانات. وأن العمل، مهما كان صعوبته او عدم ملاءمته للمؤهلات، أفضل مليون مرة من الإعتماد
علي مكتب الرعاية الإجتماعية. لانه فى أيضا هناك مزايا كثيرة جدا غائبة عن الناس بخصوص ميزات العمل. دي بحاول أوضحها فى مداخلة ثانية.
أجمل التحايا
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: سيف اليزل سعد عمر)
|
حبيبنا سيف و ضيوفه
عساكم بخير
ابتداءاً من الأول من شوال 1438هـ
على كل مقيم أن يدفع ما يسمى بـ " المقابل المالي للمرافقين"
المقصود بالمرافقين هم الزوجة و الأبناء)
لكل فرد من المذكورين مبلغ 100 ريال شهرياً
يعني لو معاك زوجتك و 4 أطفال مثلاً عليك دفع 500 ريال شهرياً كـ مقابل مالي للمرافقين
بمعدل 6000 ريال في السنة
يعني لو لو عايز تجدد إقامة او عايز تنقل كفالة او عايز تعمل تأشيرة
او لاي سبب آخر يتعلق بوزارة الداخلية و الجوازات
عليك ان تدفع أولا ثم تقوم هذه الجهات الحكومية بعمل ما تطلبه منهم
لكن لابد ان تدفع أولا
هذا المبلغ المذكرو 100 ريال شهرياً للفرد يتزايد بمتواليه هندسية
من موعد تطبيق القرار
يعني :
ابتداءاً من الأول من شوال 1439هـ الـ 100 ريال تصبح 200 ريال للفرد
و ابتداءاً من الأول من شوال 1440هـ الـ 200 ريال تصبح 400 ريال للفرد
يعني ان تدفع للاسرة المكونة من 5 اشخاص زوجتك و 4 أبناء 6000 ريال ثم 12000 ثم 24000 ريال
و الموضوع ما وقف على كدة يا سيف
ما تنسى رب الاسرة نفسه
ابتداءاً من الأول من محرم 1438هـ يدفع رب الاسرة مبلغ 400 شهرياً
لكن بمتوالية عددية المرة دي
400 ريال 600 ريال 800 ريال شهرياً للسنوات 1438هـ و 1439هـ و 1440هـ
يعني رب الاسرة يدفع في السنة الأولى 4800 ريال ثم 7200 ريال ثم 9600 ريال
يعني
نجي نحسبها بطريقة تاينة يا سيف
100+1000+100+100+100+400 = 900 ريال شهرياً 10800 ريال في العام 1438هـ
200+200+200+200+200+600 = 1400 ريال شهرياً 16400 ريال في العام 1439هـ
400+400+400+400+400+800 = 2800 ريال شهرياً 33600 ريال في العام 1440هـ
و لاحظ
معظم الأجانب يعملون في شركات صغيرة
و الشركات الكبيرة قد تحمل جزء من هذه الرسوم
لكن الشركات الصغيرة لا تتحمل و لا ريال واحد
و على العامل الأجنبي ان يتحمل ذلك
و لاحظ دا كله يذهب للحكومة السعودية فقط
فقع مرارة
لي عودة
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: عماد الدين الطيب عمر)
|
بما أن السعودية ليست مصنفة كبلاد هجرة فإنها بإجراءاتها الأخيرة تنوى إفراغ المملكة من الأسر حتى لا يتحول المقيم إلى مستوطن بأسرته ، طالما هو أتى للعمل فقط .. فهى تريد عمالة وليس مستوطنين بأسرهم .. فهل يحق لها ذلك ؟؟ وهل هناك مبررات لرسوم الوافدين الجديدة هذه؟ ..
فى إعتقادى أنها فقط انتهجت طريقة خاطئة تضعها فى مقارنة تظهرها غير إنسانية بالنسبة للدول الغربية مثل المقارنة التى نحن بصددها الآن..!.. بينما كان يمكن أن تؤدى الضرائب ــ والزكاة ــ لنفس الغرض من فرض هذه الرسوم !.. بل كان يمكن أعطاء المقيم معونة طفل مثل السويد وغيرها ولكن مع فرض ضرائب متلتلة على العمالة والمواطن كما تفعل السويد وغيرها.. الدول الغربية تعطى معونات للطفولة حتى تشجع مواطنيها على الإنجاب، إذ أنها تعانى من إنخفاض معدلات التكاثر، لكن الغربيين لا يرغبون فى الإنجاب أكثر من طفل طفلين وبالكثير تلاتة .. ولكن هذه المعونة هى ذاتها محفز أساسى للإنجاب عند الأجانب وخاصة المسلمين.. إذن النمو الديموغرافى أرادته الدول الغربية لمواطنيها لكنه أتى بنتائج عكسية فإزداد النمو الديموغرافى للأجانب، حيث ظهرت مقولة أن الإسلام هو الديانة الأكثر نمواً فى الغرب .. السبب واضح ..
رأيت فيديو لأحدهم يقول أنه لو كان دخلك فى السعودية أقل من ٥ألف ريال فيجب أن تتخارج خروج نهائى .. يعنى ٥ألف ريال ــ أو حوالى ١٢٠٠ دولار ــ تعتبر دخل عالى بينما تعتبر فى الغرب حد الكفاف .. وذلك لأن الحياة تدعمها الدولة فى السعودية ، بينما فى الغرب الدعم جاى من الضرائب التى يدفعها المواطن بالإضافة للضرائب المضافة على السلع ..
ياخ أنا مثلاً أدفع ٣٠٠ يورو للكهرباء والغاز شهرياً ــ لاحظ شهرياً دى ــ بينما فى السعودية مثلاً الشقة تكون كهربتها ومكيفاتها شغالة ٢٤ ساعة وكهربتها فى الشهر لا تتعدى مئة ريال (٢٥ دولار)!!! .. جالون البنزين هنا بمـا يقارب ٥ دولار (٢٠ ريال) بينما فى السعودية رخيص واقع فى الواطة..
غايتو !! ..
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: Munir)
|
تعرف يا منير
كما قلت و قال المتداخلون
الوجعة تكمن في ان الرسوم الجديدة المفروضة على الأجانب لا مقابل لها
المقابل الوحيد لهذه الرسوم هي وجودك في بلد يوفر ليك عمل
ما زي بلدنا
الدنيا كلها خريجين و عاطلين
و ساسة يتشدقوا كل يوم بافتتاح جامعة جديدة
هنا بتلقى ليك عمل و لو باقل الرواتب
يعني في الاخر أخير من العطالة في بلدنا
لكن الأيام دي و بعد فرض الرسوم دي على الأجانب بدوا الناس في المغادرة بعد حسبوها و لقوها بايظة
يعني الواحد بعد الحسبة دي يلقى نفسه يدفع في الشهر الواحد اكتر مما يدخر و كمان اكتر مما ياكله هو و اسرته في الشهر الواحد
و ارباب الاسر بدوا فعلاً في انهاء اقامات اسرهم
و لو قريت المشاركة بتاعتي فوف ح تعرف المقابل المالي بالتفصيل المفترض دفعه من كل اسرة كي تظل في المملكة
و لو كان في مقابل ممكن نقول الرسوم ما فيها حاجة
لكن المشكلة انك تدفع و بس
او تغادر
و في النهاية مسالة طرد لكن بصورة مؤدبة
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: Munir)
|
التحية لكم اخوتي ..
ردآ علي الصديق العزيز المنير :
ياخ أنا مثلاً أدفع ٣٠٠ يورو للكهرباء والغاز شهرياً ــ لاحظ شهرياً دى ــ
بينما فى السعودية مثلاً الشقة تكون كهربتها ومكيفاتها شغالة ٢٤ ساعة وكهربتها
فى الشهر لا تتعدى مئة ريال (٢٥ دولار)!!! .. جالون البنزين هنا بمـا يقارب ٥
دولار (٢٠ ريال) بينما فى السعودية رخيص واقع فى الواطة..
من الملاحظ النسبة محفوظة لو عاينت لي دخلك ودخل العامل في السعودية اي
جميع محدودي الدخل .. لانه في اوربا الدولة بتساعد اصحاب الدخل المحدود
بمعني بتدفع نصف الايجار لمحدودي الدخل وفي دعم اخر من بعض المنظمات
متنوعة التسميات وبتقوم كلها بدعم مرتبك .. اضيف لي كدا الضرائب النحن ..
بندفعها لا اسفآ عليها بالرغم من انها كتيرة لكن طيلة ما بتشوفها في الخدمات
الصحية والنفسية ليك ما بتستكترها عليك .. وفي النهاية الضرائب بترجع ليك
سنويآ حتي لو ربع المبلغ البتكون دفعته . اما بالنسبة لي انا يا منير للكهرباء
بدفع اقل منك شهريآ وهم بحتفظوا بيهو لما يشوفوا استهلاكي السنوي طلع كم
برسلوا فورم اوريهم انا استهلاكي كان كم ؟ تصدق لو كان ناقص عشرة سنت
برسلوها لي لكن عادتآ برجعو لي في حدود ستمائة ايرو سنويآ لانه بكون دا
استهلاكي . النظام في حدو ذاته ذكي ودراسة اقتصادية شاملة لدولة بتعرف تجيب
القروش كيف ومتين وترجع لاسيادها متين .. مع العلم يا المنير تحت اي لحظة
اسيب الشغل الدولة متكفلة بي لغاية اخر لحظة في عمري وطبعآ حاليآ في ناس
من غير عمل وعايشين بنفس النظام . نسأل الله ان يصلح حالنا وحالنا جميع الدول
والشعوب المستضعفة ... مافي اعظم من العدالو والمساواة دي البتخلي السجون
تغلق زي ما حصل في هولندا اغلاق كتير من السجون لعدم المجرمين بلد فيها
ستاشر مليون وتغلق ابواب سجونها يا لها من عظمة ولا تحصي ولا تعد .
ولكم التقدير .
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: مني عمسيب)
|
مرحبتين بالعزيزة منى ..
Quote: من الملاحظ النسبة محفوظة لو عاينت لي دخلك ودخل العامل في السعودية اي
جميع محدودي الدخل .. |
طالما النسبة محفوظة إذن نقول السعودية مثل السويد ولا حوجة للمحاججة .. :)
أنا ضربت المثل لأقارن مستوى الدعم الرهيب الذى تقدمه الدولة السعودية لهذه السلع ــ اقصد الكهرباء والوقود ــ مقارنة بالغرب .. وبالمناسبة ذوو الدخول المرتفعة فى الغرب إذا انتقلوا للسعودية فسيتلقون أكثر من دخلهم فى الغرب وبدون ضرائب ومع نفس الدعم السريع على السلع التى يتمتع بها المقيم فى السعودية ..
الخلاصة هى: النظم الغربية نظم إشتراكية تتحقق فيها العدالة الإجتماعية حيث يستند الضعيف على القوى، بينما فى السعودية مثلاً موارد الدولة فى يد الأقوياء ولا عزاء للضعفاء .. وذلك هو الفرق الأساسى ..
طبعاً أنا هنا تكلمت عن نظام الضرائب الذى يغطى الفجوة بين الفقراء والأغنياء فى الغرب، ولكن الضرائب دى ذاتها فيها رأى مقارنة بالزكاة ، ولكن محل نقاشه ليس هنا ..
وبالمناسبة قال لى زميل عمل سابق بلجيكى أن الموظفين ومحدودى الدخل هم الذين يكتوون بالضرائب بينما الشركات الكبرى تدفع مبالغ قليلة وذلك لأن أموالها تودع فى ملاذات آمنة فى لكسمبورج وسويسرا . إلخ .. وسابقاً قال لى بروف سويدى بحسرة وكنا نتونس عن البزنس فى السويد : in this country you can not be rich. .. وذلك بسبب الضرائب العجيبة..
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: Munir)
|
نادر
النظام الامريكي افضل لان المهاجر لديه حقوق
ال
Affidavit of Support
ليس صعب
يعني ممكن يكون دخلك يمون عشرين الف في السنه وعادي تقدم لزوجتك
وحتي لو ما عندك هذا المبلغ ممكن شخص اخر يساعدك
وايصا هنالك
Exemption
في بعض الحالات
وايضا المهاجر ممكن بقدم للمساعدات العامه قبل ان يصبح مواطن
والشرط الوحيد الحصول علي ال 40 وحده من
ال س س ان
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: عماد الدين الطيب عمر)
|
سيف اليزل سلام
ياخوي بعيد عن انظمة الكفالة وحق المواطنه
اذا كان بتتكلم عن هجرة من اجل الاسرة والابناء والعمل علي
تنشأتهم التنشأه السليمة المعافاه تراها دول الخليج دي
علا اكان تقولي نظام جماعتك الاوربيين والامريكان البدفعو لي وليداتك اعانات
وتعليم مجاني لامن يكبرو تلاقيهم اتلحسو هم وامهم وخلوك اباطك والنجم تتلفت زي
المانصيح
ياتكتل قلبك ده وتبقي زي النعيجه وتقعد تعاين بي عويناتك ساي
زادو الرسوم والضرائب عليك بتضرب حساباتك خارجت معاك تقعد
ماخارجت تخارج وليداتك للسودان وتقعد او انت ذات نفسك تتخارج معاهم
وفي النهاية القرار بيدك وحدك وحسب امكاناتك
هناك كدي افتح خشمك وبي طرف لسانك ساي قول سودان
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: عمر عثمان عبد الوهاب)
|
| Quote: يا دوب الواحد عرف ليه تجازف بعمرها عبر المتوسط |
مرحب استاذ على عبد الوهاب
لأ اعتقد ان الناس بتجاذف بروحها من اجل هذه الميزات، بل هربا من جحيم الموت والقتل والتعذيب فى بلدانهم وبلداننا...
وحقيقة لا أنصح اي شخص بركوب البحر اذا كان هدفه الهجرة فقط وليس هربا من جحيم الحروب، فهى لا تسوي...
اتمنى الحصول علي المقال الذي كتبته عن مارقريت يا عمر..
إلتقيت بسويدية عاشت فى ابوحراز وجدتها سودانية حتى النخاع لما تتحدث معاك باللهجة السودانية ما بتقول عليها سودانية...
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: عماد الدين الطيب عمر)
|
سيف اليزل سلام
ياخوي بعيد عن انظمة الكفالة وحق المواطنه
اذا كان بتتكلم عن هجرة من اجل الاسرة والابناء والعمل علي
تنشأتهم التنشأه السليمة المعافاه تراها دول الخليج دي
علا اكان تقولي نظام جماعتك الاوربيين والامريكان البدفعو لي وليداتك اعانات
وتعليم مجاني لامن يكبرو تلاقيهم اتلحسو هم وامهم وخلوك اباطك والنجم تتلفت زي
المانصيح
ياتكتل قلبك ده وتبقي زي النعيجه وتقعد تعاين بي عويناتك ساي
زادو الرسوم والضرائب عليك بتضرب حساباتك خارجت معاك تقعد
ماخارجت تخارج وليداتك للسودان وتقعد او انت ذات نفسك تتخارج معاهم
وفي النهاية القرار بيدك وحدك وحسب امكاناتك
هناك كدي افتح خشمك وبي طرف لسانك ساي قول سودان
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: عمر عثمان عبد الوهاب)
|
كعادته عمر عثمان خارج النص :
يا عمر عثمان يا نشاذ ! القال ليك الكلام دا منو ؟
اذا كان بتتكلم عن هجرة من اجل الاسرة والابناء والعمل
علي تنشأتهم التنشأه السليمة المعافاه تراها دول الخليج دي
بعدين بتمني منك تسيب الجلافة والتجريح وتتكلم بموضوعية وتهذيب
وبعدين انت العرفك بانه ابناء ما قادرين نربيهم منو ؟ واشمعنا دول
الخليج دول للتربية واوربا لا ؟ دول الخليج مستعبداكم ومستعبدة عيالكم
ولقوكم ساهلين وبتستاهلوا البحصل ليهم منكم ! يا اخي سيب الحقد السذاجة
وحاجة انت ما عارفة ما تتكلم عنها لانه كتير من الزملاء هنا ديل في الدولة
الغربية فالتزم باداب الحديث وسيب التهريج وقول خير او اصمت !
ولو سمحت خليك في خليجك دا ومبروك عليك .
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: مني عمسيب)
|
الكلام دا ابقي راجل مسلم بالجد واكتبه هنا
واجه بيهو السعدوية ودول الخليج الانت عايش
فيها عشان بكرة ترجع مكلبش يا متخلف !
لكن بين وبينك اولاد اليومين دي البعرسو ويركعو
يبوسو ايادي عروساتهم قدام الله وخلقو ديل ممكن العيشة
والاستقرار في اوربا وامريكا دي تخارج معاهم
السعودية والامارت خلوا الاسلام ومشوا مع الصهاينة
والامريكان ابقي مسلم وبتخاف فقط من الله وافتح بوست
بكدا ولا تكون جبان وتاني ما تعمل لينا فيها مسلم .
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: مني عمسيب)
|
Quote: فى أمريكا تطبق إجراءات شبيهة بالسعودية
|
يا نادر مافى علاقة. أي شخص ممكن يتكفل بعلاج نفسه او غيره او يكون ضامن لدفع التكاليف متى ما إحتجاج المكفول لذلك.
لكن أن تأخذ الدولة قيمة مادية شهرية تتزايد كل عام هو الغريب. راجع مداخلة عماد الطيب أدناه.هناك فى السعودية حتى نظام مساعدات حكومي غير موجود للمحتاجين.
ناس السعودية ممكن يوضحوا أكثر من أجل الفائدة العامة..
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: مني عمسيب)
|
Quote:
واشمعنا دول
الخليج دول للتربية واوربا لا ؟ دول الخليج مستعبداكم ومستعبدة عيالكم
ولقوكم ساهلين وبتستاهلوا البحصل ليهم منكم ! |
اتي ياوليه بتفهمي بي وين؟؟؟؟
انا اقصد بين اجواء التربيه هنا واروبا او امريكا
لقونا ساهلين كيف يعني؟ مافي واحد غصبوهو يغترب هنا او هناك
والله انتو المهانين ومستعبدنكم وماسحين بيكم الواطه
غير كده يجي يوم يستعبدوكم ويملطشوكم فلذات اكبادكم
بكان تقبلو ماتعرفو
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: عمر عثمان عبد الوهاب)
|
يا راجل انت !
لقونا ساهلين كيف يعني؟ مافي واحد غصبوهو
يغترب هنا او هناك والله انتو المهانين ومستعبدنكم
وماسحين بيكم الواطه
ونحن غصبونا نهاجر عشان كدا هاجرنا واستفدنا نحن واولادنا
الحمد لله اتعلمنا وعلمنا اولادنا احسن تعليم وفي الناس بجوا من
من دولكم العايشين فيها عشان يتعلموا هنا بقروشهم اها رأيك شنو ؟
نحن ما مهانين ولا مستعبدين والدليل عايشن بجنسيتهم ولنا نفس
الحقوق كما لهم وهذا من فضلهم وانسانيتهم وتربيتهم السوية المستقيمة .
اللهم اجعل المسلمين في قلوبهم الرحمة كما جعلتها في قلوب الشعوب
الاوربية . وكما ذكرت في منزل كتابك الكريم .
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: مني عمسيب)
|
لك التحية اخي المحترم الراقي المهذب سيف .
البتخاطب فيهو دا دا مستواه التربوي ! وبنتقد
التربية في الدول الغير مسلمة !!
هذا هو مستواه التربوي والاخلاقي الداير ينافس
بيهو الدول المحترمة القائدة الدول العايش ومربي
فيها !!! يا لهم من جهل وانفلات اخلاقي !
عمر عثمان قليل من الاحترام لا يضر
فى الحوار مع الآخر...
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: عمر عثمان عبد الوهاب)
|
Quote: سيف اليزل سلام
ياخوي بعيد عن انظمة الكفالة وحق المواطنه
اذا كان بتتكلم عن هجرة من اجل الاسرة والابناء والعمل علي
تنشأتهم التنشأه السليمة المعافاه تراها دول الخليج دي
علا اكان تقولي نظام جماعتك الاوربيين والامريكان البدفعو لي وليداتك اعانات
وتعليم مجاني لامن يكبرو تلاقيهم اتلحسو هم وامهم وخلوك اباطك والنجم تتلفت زي
المانصيح
ياتكتل قلبك ده وتبقي زي النعيجه وتقعد تعاين بي عويناتك ساي
زادو الرسوم والضرائب عليك بتضرب حساباتك خارجت معاك تقعد
ماخارجت تخارج وليداتك للسودان وتقعد او انت ذات نفسك تتخارج معاهم
وفي النهاية القرار بيدك وحدك وحسب امكاناتك
هناك كدي افتح خشمك وبي طرف لسانك ساي قول سودان |
كلام مع احترامي غير صحيح ولا دقيق وفيه من الإساءة والتعالي الشيء الكثير..... عشنا في السودان والخليج ورأينا الكثير من النماذج السيئة جداً لأناس تربوا في المكانين وأوضح مثال الزمرة الحاكمة في بلدنا. عموماً إذا كانت رغبتك الوجود في مكان يتيح لك السيطرة على أبنائك وخياراتهم و توجيهها حسب رؤيتك فهذا شأن يخصك ولك مطلق الحرية فيه لكن كنت أتمنى عدم الإساءة للغير خاصة وأنني أعرف العديد من شباب السودان الذين تربوا في بريطانيا وكندا وأستراليا وهم قمة في الأدب والاحترام وحب السودان بالرغم من عدم عيشهم فيه. ختاماً الصالح والطالح في كل مكان والتربية والقرب من الأبناء والدعاء لهم هي الأساس والحافظ الله.
وتقبل مروري،،،،،،
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: عمر عثمان عبد الوهاب)
|
Quote: جي نحسبها بطريقة تاينة يا سيف
100+1000+100+100+100+400 = 900 ريال شهرياً 10800 ريال في العام 1438هـ
200+200+200+200+200+600 = 1400 ريال شهرياً 16400 ريال في العام 1439هـ
400+400+400+400+400+800 = 2800 ريال شهرياً 33600 ريال في العام 1440هـ
|
حقيقة يا عماد قرار لا يسنده أي منطق وده إستغلال بشع جدا للمغتربين فى السعودية...أنا أفهم انه شخص يمكن الاستغناء عن خدماته فى الشركة ودفع مستحقاته لكن ان يُرغم شخص على دفع قيمة مالية عن كل فرد من افراد اسرته وبذلك يتضطر الي ترحيل اسرته فهذا أسلوب مجحف وظالم وقاسي..
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: عمر عثمان عبد الوهاب)
|
نرجع للب البوست .
مشكور العزيز المنير وردآ علي :
أنا ضربت المثل لأقارن مستوى الدعم الرهيب الذى تقدمه
الدولة السعودية لهذه السلع ــ اقصد الكهرباء والوقود ــ مقارنة بالغرب ..
يا المنير الدعم البتقدمه السعودية كان ممكن يكون اكتر من كدا
بكتير لو تمت المقارنة بدول الغرب .. دول الغرب بتدعم كل من
فيها حتي اللأجئين دعم متساوي .. لكن هنا مقارنتك جاءت مخلة
لانه منعدمة للنسب ! نسبة تدعم شعب بأكمله ما زي لما تدعم شعب
معين , بمعني السعودية بتدعم السعودين وكل الموجودين فيها ديل
ناس شغالين . اوربا بتدعم الكل شالين وغير شغالين دا هنا الفرق .
وبتمني الرسالة وضحت ..
ولك الود .
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: محمد أبوالعزائم أبوالريش)
|
سلام يا عمر عثمان
Quote: كان بتتكلم عن هجرة من اجل الاسرة والابناء والعمل علي
تنشأتهم التنشأه السليمة المعافاه تراها دول الخليج دي
|
حقيقة أنا ما بتكلم هنا عن الهجرة لأوربا، فى البوست ده بحاول فقط أناقش الأتوات التى فرضت علي المرافقين فى السعودية وبقارن بيها وبين
الأوضاع فى السويد. مسألة التنشئة دي ليست موضوعنا وهي أيضا تختلف النظرة ليها من شخص للتانى. يعنى مثلا انا شايف أن حصاد
التنشئة فى دويلة الإنقاذ هو خسارة كبيرة جدا وتدنى في الأخلاق ومستوي التعليم.
كلامك للأسف ليس لديه سند فى مسألة العلاقة بين الطفل ووالديه لما يكبر فى أروبا. الدولة هى التى تتكفل برعايتك حتى عند الكبر. يعنى بتكون إنت وأباطك
والحكومة، تسكنك، تعالجك تدفع ليك حق التكسي للمستشفي. تجيب ليك ممرضة في البيت ترعاك صحيا. دي عندنا هنا ليست مسؤولية أطفالك.
ياخى كلنا بنعرف معاناة الأسر التى ترسل أطفالها للسودان وياما إتفتحت بوستات بهذا الخصوص فى المنبر. هنا علي الأقل أولادك معاك ولو
غلبك تعيشهم كمان يساعدوهم ليك..
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: سيف اليزل سعد عمر)
|
معليش حبيبنا سيف .. على تغيير مسار البوست ..
مارقريت السويدية كانت معانا في ضواحي الدنيا ..
إنسانة طيبة .. ما كان باقي ليها إلا تتكلم النوبية ..
هذه بعض الخواطر :
=======================
مارقريت السويدية ..
لا أدري كيف جاءت هذه السويدية الى مستشفى البرقيق لماذا تترك واحدة من اجمل بلاد العالم وأرقى المجتمعات تقدماً ورفاهية لتعيش في ضواحي الدنيا حيث الحر القائظ والاتربة وحشرة النتما والعقارب .. ليس تقليلاً من شأن قريتي البرقيق ولكن مقارنة بالسويد فإن أرقى احياء العاصمة لدينا بالنسبة لمدينة مثل (استوكهولم) تبدو كالسكن العشوائي .. فالخالق جلت قدرته يخلق كل شيء ليتكيف مع بيئته في تناغم وانسجام دون نشاز او نفور إلا من فرض نفسه على بئية غير مهيئة له شكلاً ومضموناً فالمجمتع الاسنكدنافي المتميز بلون الجليد الابيض والشقراوات من الحسان .. بكل خفة ورشاقة انطلقت مارقريت في خدمة اطفالنا داخل عنابر المستشفى ليلاً ونهاراً بدون مواعيد أو ساعات عمل محددة تجلب الدواء والمساعدات من المنظمات الاوربية . لم تقتصر نشاطها داخل اسوار المستشفى بل إمتدت بعلاقاتها الاجتماعية ووطدت عرى الصداقة والمعرفة مع كل سكان القرية ، شاهدتها يوماً في منزلنا تجلس بالقرب من الوالدة داخل الحوش على حافة العنقريب وهي تشاهد اسراب الدجاج بصحبة ذلك الديك المميز ذو الشعر الذهبي وقد نال هذا الديك الكثير من اعجاب هذه الشقراء السويدية مما دعاني في لحظة تجلي ان اهديها هذا الطائر الجميل ولكنها اعتذرت بكل رقة لأنها لا تريد ان يفارق هذا ديك عائلته .. عندها عرفت القيمة الانسانية عند هذه السويدية التي تركت نعيم اهلها وجاءت تعيش وسط هذه البيئة القاسية .. اصطحبتها الى باب الحوش بعد أن أنهالت عليها الوالدة بالدعوات بالبيت السعيد والحياة الرغدة والصحة والعافية وهي تتوسل بالفقرا والمشايخ (الشيخ منور.. وسيدي الحسن ) وفي إعتقادها ان كل الناس مسلمون في هذه الدنيا فالمقياس عندها هي القيم والمثل وحسن السلوك .. عند عتبة ذلك الباب العتيق وجدت ( ساتي الولي ) وهو من سليل الزياداب من بيت اشتهر بالزهد والتصوف طويل القامة غائر العنين نحيف الجسد ويعتقد اهلنا انه من أولياء الله ويتفاءلون بمقدمه ويتبارون في ارضائه وإطعامه .. وكان دائماً ما يتقمص شخصية الطبيب وتجده يتجول داخل المستشفى وقد اكتشفت انه في حب وهيام بهذه السويدية ولكنه حب عذري لا يبوح به لأحد .. وساتي الولي مشهور بالتشبب بالنساء في القرية وما حولها ولكن العولمة ارتقت بذوقه من حب (بنات الحلة) والوله بهن الى الهيام والشوق بمارقريت.. وأثناء مداعبتها بعض الاطفال في الشارع ألقت بالتحية على ( ساتي الولي ) الذي كاد يذوب من شدة الوجد والصبابة واختفي صوته الهادر وصار حشرجة مكبوته وجحظت عيناه الغائرتان وأتكأ على جزع شجرة هو يتابع بنظراته خطوات هذه الشقراء الساحرة .. وما إن ابتعدنا قليلا من ( ساتي الولي ) حتى رفع عقيرته بالغناء وصار يشدو بالدوبيت المعروف من ثراث الشاعر الشعبي عبدالسيد شرشورة (يا بنوت أللقية .. اللابس الشف مع الوقية ) وظل يرددها حتى اختفت مارقريت بين أزقة الحي وصدى صوت الولي ساتي فقير يتبعنا .. لقد رجعت مارقريت من حيث اتت بعد أن بلغ بها العمر ما بلغ ورحل ساتى فقير من هذه الدنيا الى رحمة مولاه .. تخيلوا هذه الانسانة الرائعة تترك استكهولم وتعيش معانا في ضواحي الدنيا ..
مودتي الحبيب سيف .. آسف للاطالة ...
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: سيف اليزل سعد عمر)
|
يامنى إنتى بتقارنى بين حالتين مختلفتين .. حالة المغترب وحالة المهاجر..
المغترب بيمشى السعودية والخليج بإفتراض أنه ماشى يشتغل لمدة محددة فى بلد الغربة حسب عقد عمل ويرجع .. وبين المهاجر الذى إنتقل بأى وسيلة كانت بغرض البقاء الدائم فى بلد الهجرة.. دعينا نمحص ونفرز النوعين عشان الكلام يكون مجيه ..
فى الحالةالأولى (المغترب) فإن بلد الغربة ليست ملزمة بأكثر من ما ينص عليه عقد العمل والتى قد تشمل تذاكر سفره وإجازته له ولأسرته لأنه يعتبر يقيم إقامة مؤقتة وليس مواطناً .. وفى خلال مدة إقامته ممكن يأتى بأسرته ويستفيد من خدمات الدولة والتى هى السبب الذى جذبه للغربة .. يعنى خدمات رخيصة ومرتب يتناسب معه ويمكنه من التوفير للإستفادة من مايوفره حين يرجع لبلده .. دى الغربة..
فى الجانب الآخر تجدى دول الهجرة تعتبر المهاجر أحد مواطنيها فتحتضنه إن جاء لاجئاً حتى يكون ضمن المواطنين من حيث الحقوق والواجبات .. يعنى الزول يبقى مواطن خلاس ولايكون هناك إعتبار لدولته الأم ، يعنى مابيقطعوا ليهو تذاكر مثلاً فى الإجازة هو وأسرته عشان يسافر بلده ويرجع .. وبصفته اصبح ضمن منظومة المواطنة فإنه يعامل مثل المواطنين حيث يوفرله الحد الأدنى للعيش من مأوى ومسكن وتعليم أبناء وعلاج .. الحد الأدنى لإحتياجات الحياة .. السعودية ليست ملزمة بإحتياجات الوافدين بالكامل لأنها متعاقدة مع الوافد فقط وهو ليس مواطنها ..لكن رغم ذلك المغترب مستفيد فائدة كبيرة من الدعم الحكومى للحياة وكما ذكرت لك مثل أسعار الطاقة والوقود والسلع ورخص العيش عموماً هناك .. وبما أن المملكة ظلت فاتحة للعمل فقط وليس الهجرة لذلك أعتقد أنها الآن فرضت هذه الرسوم على المرافقين لأنها رأت أن الناس أصبحت تريد الإستيطان ..
إذن الفرق جوهرى بين نوع المقيم فى السعودية والسويد .. فهذا جاء مؤقتاً فيعامل معاملة المؤقت،وذاك جاء ليستوطن فيعامل معاملة المواطن ..
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: Munir)
|
الأخ عماد الدين الطيب عمر سلامات..
كما ذكرت فى مداخلتى السابقة فإن السعودية تعتبركل وافد قد جاء بإقامة مؤقته.. لكنه رغم ضعف المرتب فإن تكاليف العيش رخيصة ولذلك ظلت الغربة ذات جدوى لذوى الدخل العالى والمتوسط ، وحتى لذوى الدخل المنخفض فإنها توفر له عيش مريح مقارنة بشقاء الوطن .. لكن الـ ٤٦٠مليار الدفعوها لترمب دى جابت الهوا وستدمر السعودية .. قإن كانوا يريدون توفير مليار كل سنة من جباية الرسوم دى فإنهم لن يعوضوا مادفعوه قبل ٤٦٠ سنة ..
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: Munir)
|
| Quote: اما البتزوجو خواجيات ويجونا قاشرين بيهن ديل ملصو هديماتوم وقعدو في السهله ساي |
بتبالغ يا عمر عثمان.
ياخى دي الإسلام زاتو قال إن خلقناكم شعوبا وقبائل لتعارفوا. والزواج أحد وسائل التعارف هذا.
دي مسائل شخصية جدا وشايفك فى نفس المداخلة بتشتكي كيف يقبل الزوج يد زوجته. بتبالغ..
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: سيف اليزل سعد عمر)
|
إعانة السكن
تتكفل الدولة فى السويد بدعم تكلفة الإئجار للأسر الفقيرة ذات الدخل المنخفض. كما تعطي إعانة السكن للشباب بين الفئة العمرية من ١٨ إلي ٢٨ عاما. إعانة السكن موجهة فى الأساس لمساعدة الأطفال حتى بلوغهم سن ١٨ عام. بعد إنتهاء فترة إعانة الأطفال عند سن ١٦ عاما تدفع له الدولة إعانة مالية دراسية شهرية.
إعانة السكن تدفع حسب الدخل المتوقع عند بداية العام. فى نهاية العام وبناء علي الإقرار الضريبي يتم حساب القيمة الحقيقية لإعانة السكن. فإما تكون الدولة قد دفعت ليك إعانة أقل فتقوم بدفع الفرق عند نهاية العام او دفعت لك اكثر مما تستحق وعندها يجب عليك دفع هذه الزيادة فورا للدولة.
إعانة العمل الصيفي
فى كل عام تقوم مجالس البلدية بتوفير عمل لعدد كبير من الطلاب بين الفئة العمرية ١٦ الي ١٨ عاما ولمدة تترواح بين ثلاثة إلي أربعة أسابيع يتحصل فيها الطالب/العامل علي مبلغ يتراوح بين ١٥٠٠ دولار إلي ١٩٠٠دولار
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: سيف اليزل سعد عمر)
|
شيئ مؤسف ومحيط
زول واحد ممن قرأت لهم قال نصلح السودان ونرسى فيه قواعد الحق والعدل ما فى. الكل عاوز يسيب السودان ويمشى أوروبا عشان يلمح العطايا التى فى حقيقتها أداة قاتلة للطموح ومدمرة للضمير. من يأكلون هذا السحت (من غير المحتاجين حقيقة) ضميره مات.. فتجدهم يقضون الوقت فى لعب الورق والغيبة والنميمة مثل الحريم.
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: Abureesh)
|
يا أبو الريش ياخي البورد ده كله عن كيفية إصلاح حال السودان وإرساء قيم العدل. للأسف النظام مجرم وقاتل وفاسد..وحتى ال ٥٠ ألف الرجعوا من السعودية قبل كذا يوم الانقاذ قالت ليهم انا ما جمعية خيرية عشان أشغلكم...
البوست مقارنة فقط بين نظام الكفالة بين السويد والسعودية من اجل رفع الوعي بمهام ووظيفة الدولة....
ياخى سيب الناس تمشي فى مناكب الارض و أن يأكلوا من رزقه وإليه النشور...
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: muntasir)
|
سلامات جميعا
طيب بعد المقارنه بين السويد والسعوديه دخلو السودان في المقارنه
ده حتلقو السعودية رغم الرسوم الاخيره دي بتظل افضل حالا من
العمل في السودان راتب الموظف في السودان رغم ضعفو مافي
شي ما اتخصم منه فلسطين دعم الطلاب دعم الجريح دعم وبدون
استشارة صاحب الشان تاني شي السعودية بتظل هي الخيار المتاح
لاغلب الناس ولعدة اسباب , واحده منها انو اسهل طريق
للخروج من النار للرماضه
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: مني عمسيب)
|
نرجع للب الموضوع :
يا المنير يا حبيب .. بعد التحية .
يامنى إنتى بتقارنى بين حالتين مختلفتين .. حالة المغترب وحالة المهاجر..
انا بتكلم من ناحية عامة ومن ناحية مقارنة بين دولة في امكانها تكون زي
دول المهجر . والبمنع شنو ؟ السعودية امكانياتها اضخم من دول الغرب .
حتي في امكان السعودية تلغي حتت الكفالة دي وتخلي الناس يجوا مباشر
بواسطة الدولة . لكن في النهاية بنرجع وبنقول التخلف والجهل لهولاء الاعراب
وصل عالمهم للدرجة دي من انحدار ! بالمناسبة يا المنير البحرين بتجنس
وليك نفس حقوق المواطن والدولة مستفيدة من الاجانب بذات من ناحية امنية
لان معظم الاجانب في الهئية العسكرية دي بالنسبة ليهم مكسب لو اتبعته
السعودية كان استفادت اكتر ... في النهاية الحالتين المختلفتين كانوا ممكن يكون
في عامل مشترك بيناتهم لانه معظم المغتربين بذات السودانيين ليهم عشرات
السنين وبنوا السعودية من كل ناحية لو كان خبرة ولا اخريات . ولو في عدالة
زي ما بنتمني كان هولاء اخدوا الجنسية ولا كوفئوا بالدعم المباشر من قبل
المملكة ! بدعم ولو القليل لدعم اطفالهم المولودين هناك علي الاقل ! لكن في
غياب العدالة والرحمة يكون حالنا هكذا والدليل الوضع الراهن !! واهو زي
ما شايفين استغنوا عنهم واحتمال كبير من حقوق !
ولك الشكر ,,,
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: مني عمسيب)
|
كدى يامنى أول شئ لا تتجاوزى الفرق الجوهرى الذكرته ليك عن الفرق بين الهجرة والإغتراب !..
طبعاً متفق معك فى غياب العدالة الإجتماعية وقسمة الثروة والسلطة فى دول الخليج عامة وووو ــ دى بديهية ــ ، لكن زيما قلت ليك بما أن المغترب جاى بعقد عمل فالدولة ملتزمة فقط بعقد العمل المؤقت .. كونه المغترب يجيب أسرته تبقى على مسئوليته والسعودية ليست ملزمة إلاّ بالأساسيات مثل إتاحة التعليم الأساسى وغيره.. وأكررأن المغترب ليس مواطناً ، ومهما طالت مدة إقامته فإنه ليس موعود بالإقامة الدائمة أو التجنس .. دى من صميم خيارات الدولة .. .. دى سياسة الدولة كده .. لو فتحوا باب زى ده فالمملكة ستمتلئ بجميع الأجناس من كل بقاع الأرض .. بنقالهنودباكستانمصرينسودانييننيجيريينخواجاتمغاربةإلخ + الحجاج والمعتمرين ووو..
الدول الغربية عندها كوتات محددة لإستيعاب الأجانب ولذلك شايفة الإتحاد الأوروبى مجقلب من الهجرة.. وهذه الكوتة محددة للسكن والإعاشة لعدد محدود ولا يمكن أن تفتح إلى مالانهاية وإلاّ فستنهار هذه الدول وينهار نظام الضمان الإجتماعى الذى يضمن السلام الإجتماعى ومكتسبات المجتمع الذى يتمتع بها الغنى والفقير .. حينذاك سيزداد الضجر من دافع الضرائب وتتصاعد المشاعر المعادية للأجانب والتى وصلت مرحلة حرجة أولريدى .. !!
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: Munir)
|
الكلام الكتبو نادر الفضلى كلام مهم برضو .. يعنى السعودية زى أمريكا من حيث سياسة الكفالة المالية ..
وعشان نكون حقانيين خلونا نسأل المغتربين فى السعودية ودول الخليج عن إمتيازات المواطن السعودى وعموم المواطنين الخليجيين فى بلادهم ؟..
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: Munir)
|
وخلونا نقارن إستحقاقات المواطن السعودى فى السعودية مع إستحقاقات المواطن السويدى فى السويد مع الأخذ فى الإعتبار دعم الدولة للخدمات الأساسية والسلع الحيوية .. بعيداً عن السلبيات والإيجابيات فى النظم السياسية ..
ثم بعد داك نشوف موقع السودان من الإعراب .. :)
يللا يا جمهور المغتربين نورونا عن امتيازات المواطن السعودى وتكاليف الوقود والطاقة كيف ..
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: سيف اليزل سعد عمر)
|
ياسيف أرجو أن تعيد قراءة مداخلاتى الأخيرة .. قلت قارن إمتيازات المواطن السعودى بالمواطن السويدى وإستثنيت ليك النظام السياسى ..
ما تقارن الأجنبى فى السعودية الذى جاء بعقد عمل مؤقت مع الأجنبى فى السويد الذى احتضنته السويد وآوته .. فى السعودية هناك عقد عمل مؤقت وفى السويد هناك إيواء وتوطين .. فى السعودية المواطن السعودى لا يدفع ضرائب بينما السويدى يدفع مابين ثلث ونصف دخله كضرائب .. فى السعودية أى شئ رخيص بينما فى السويد الأسعار نار.. التعليم مجانى فى السعودية كما السويد .. ووووإلخ إلخ ..
بعد داك لوعاوز ممكن تقارن بين سويدى مرتبه ٥٠٠ دولار مع مقيم فى السعودية مرتبه ٥٠٠x٤ = ٢٠٠٠ ريال مع التذكيربأن جالون البنزين فى السعودية بـ بضع سنتات وفى السويد بـ ٥ دولار .. !!!
ياخ إذا كانت تذكرة البص فى السويد بـ أكثرمن دولارين فما قيمة الـ ٥٠٠ دولار ؟؟ إنها تكفى للعيش نعم ولكن عيش الكفاف !!!.. الـ ألفين ريال من السعودية دى شايلة حمل تقيل فى السودان ..!!!
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: Munir)
|
جميل يا منير
أنا المقارنة عندي هى الضمانات الإجتماعية التى تقدمها السويد للمواطن وغير المواطن من المقيمين وحى العمالة الوافدة
موضوع الضرائب ده هو أساس بناء دولة الرفاهية العايشاها السويد. وانت بتقول إنه رفاهية المواطن فى السعودية هو عدم وجود الضرائب
ودعم السلع الأساسية. المرتبات فى السويد حدها الأدنى ليس ٥٠٠ دولار. أما أذا عايز تقول إنه المرتب فى السعودية أربعة أضعاف المرتب فى السويد
فده حاجة ثانية. نظام الكفالة فى السويد، إذا إستخدمنا كلمة كفالة دي، هو بمثابة شبكة ضمان إجتماعية لأي فرد حتى الحيوانات زاتو..
ناخذ مثال. نتخيل زول فقير واقف قدام محطة وقود ما قادر يا كل ولا يسكن ولا يأكل أطفاله فى السعودية. هل دعم الوقود بحل مشكلته؟ أخذ فى الإعتبار
أن جالون البنزين (أربعة لتر) بدولارين فى السعودية.
نفس الزول الفقير ده واقف قدام محطة وقود فى السويد ما قادر ياكل ويشرب ويسكن. البنزين فى السويد غير مدعوم البتة وبكلف ٢ دولار (للتر الواحد).
يعنى جالون البنزين عندنا ب ٨ دولار. لكن فى واحد من الإثنين دولار ديل بتروح لخزينة الدولة عشان المسكين او الفقير ده يأكل ويشرب بكرامة بل يعتبره حق ليهو
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: سيف اليزل سعد عمر)
|
طيب ياسيف .. أنا عشان كده قلت المغتربين ينورونا عن نظام الضمان الإجتماعى للمواطن السعودى وليس الوافد ..
أنا ماقلت إنو المرتب ٤ أضعاف، لكين لو مرتبك فى السويد ٣ ألف دولار ممكن تدفع أكثر من ألف دولار ضرائب وبعد داك تمشى تدفع ٨ دولار لجالون البنزين، مع الكهرباء الغالية وووو .. بينما نفس المرتب فى السعودية تاخده بدون إستقطاعات ومع ذلك تستمتع بالوقود والطاقة المدعومة ووو..
على أى حال نظام الضرائب طبعاً معروف يحقق العدالة الإجتماعية، بأن يؤخذ المال من الأغنياء ويُنفق على الفقراء ..وهو إعادة توزيع للثروة .. (وهو ما تحققه أيضاً حكمة الزكاة بطريقة أكثر إنصافاً) .. لكن هناك حدود لإنفاق هذه الدول ولإستيعاب مزيد من الأجانب تحت مظلة الضمان الإجتماعى ..
قبل فترة أخبرنى واحد مغربى يعيش فى هولندا إنو الحكومة الهولندية خيرت المواطنين من أصول مغربية فى أن يرجعوا المغرب وتقوم هولندا تدفع ليهم مرتبات هناك !!!! .. قال لى العرض فشل لأنو مافى مغربى رضى يرجع المغرب..
المهم ديناميكا البشرية ماشة فى تغير زى حركة السحاب فى سماوات أوروبا الآن :).. تشحن من هولندا وتكب فى فرنسا .. :)
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: Munir)
|
Quote:
وخلونا نقارن إستحقاقات المواطن السعودى فى السعودية مع إستحقاقات المواطن السويدى فى السويد مع الأخذ فى الإعتبار دعم الدولة للخدمات الأساسية والسلع الحيوية .. بعيداً عن السلبيات والإيجابيات فى النظم السياسية ..
ثم بعد داك نشوف موقع السودان من الإعراب .. :)
يللا يا جمهور المغتربين نورونا عن امتيازات المواطن السعودى وتكاليف الوقود والطاقة كيف .. |
الأخ منير سلام،،،،
لاتوجد امتيازات مكتوبة ومحددة للمواطن السعودي وإنما يعتمد الأمر على جودية الحاكم وظروف الزمان والمكان، لكن عموما يحظى المواطن بتعليم مجاني حتى الجامعة وأحيانا لما بعد الجامعة (بصرف النظر عن الانتقادات لمستوى هذا التعليم) اضافة إلى العلاج المجاني في المستشفيات والمستوصفات الحكومية، كما يستفيد من دعم الكهرباء والوقود واسعار الخدمات الحكومية المخفضة في أعماله التجارية والأهم من ذلك الحماية بالقانون من منافسة الأجانب له في الوظائف والتجارة. لكن المشكلة في السعودية تتمثل في النمو السكاني المفرط وتعود السكان على نموذج الدولة الراعية مما تسبب في تدهور جودة الخدمات بشكل ملحوظ والأسوأ من ذلك هو تركز الخدمات الصحية والتعليمية الجيدة في المدن الكبيرة ووجود قوائم انتظار طويلة لها مما لا يبشر بالخير في المستقبل على الرغم من جهود الدولة لتوسيع نطاق تقديم الخدمات.
بالنسبة للأجانب كان اغراء السعودية يتمثل في انخفاض تكلفة المعيشة مما يساعد على التوفيرالمادي لكن ذلك بدأ يتلاشى بسرعة، يعني بلغة الأرقام الأسرة المكونة من زوج وزوجة وطفلين في التعليم المبكر وتعيش في العاصمة الرياض وترغب في العيش بمستوى لائق و جيد واشدد على الكلمة تحتاج شهريا لما يتراوح بين سبعة الى عشرة آلاف ريال (تقريبا ٢٥٠٠ دولار) موزعة بمعدل ٢٥٠٠ ريال كمعدل للإيجار وحوالي ٧٠٠ ريال أسبوعيا للخضار واللحوم والحليب وغيرها و ٥٠٠ إلى ٨٠٠ ريال شهريا للاتصالات وبين ١٠٠٠ الى ١٥٠٠ شهريا للترفيه والترويح عن الاسرة وخاصة الأطفال وهذه الناحية ضرورية جدا في السعودية. ايضا التعليم هاجس كبير للمغترب حيث متوسط تكلفة المدرسة العالمية حوالي ٢٢ الى ٢٥ الف ريال سنويا للطالب الواحد ومبلغ مماثل للإجازة السنوية بافتراض السفر لمرة واحدة. صحيح كل المبالغ المذكورة لا تقارن مع تكلفة المعيشة في الغرب ولكنها تعتبر عالية جدا بالنسبة لمستوى الدخل في السعودية وتتزايد باستمرار مع بدء برامج رفع الدعم وزيادة الرسوم.
خلاصة الكلام السعودية حاليا في الوقت بدل الضائع من مرحلة كونها بلد الايزي موني والمتغيرات كبيرة وسريعة جدا عما كان يحدث سابقا والطرفين المواطن السعودي والأجانب سوف يتضررون ضررا بليغا مما سيحدث.
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: طارق عبد الله)
|
| Quote: يا سيف ياخ بتاعين السويد ديل كفار ساكت ..... سيبك منهم |
الناس ديل دفن الراس فى الرملة ده ما بخارجهم يا ابو ابو العزائم..
لا مبادئ لهم ولا دين...يفعلون السبعة وزمتها فى داير الاسلام
والناس اصبحت تهرب لديار الكفر طلبا للسلامة...
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: طارق عبد الله)
|
سلاماتأخ طارق عبدالله .. شكراً على التنوير بهذه المعلومات .. غايتو سيف اليزل فتح موضوع تثقيفى يجعلنا نفتح لنرى العالم الغاطسين فيهو ده ..
ياريت واحد يؤكد لينا هذه الأرقام التى ذكرتها .. لأنو فكرتى عن الإيجارات وتكاليف العيش أقل من كده بكثير، وأعتقد ذلك يعتمد على نمط العيش للفرد .. وإلاّ فما جدوى إغتراب عمال آسيا مثل البنقالة مثلاً حيث هناك من يعمل براتب أقل من ٢٠٠٠ ريال ؟؟ ..
عموماً ذكرت بأن العيش اللائق يحتاج لـما يعادل ٢٥٠٠دولار وذلك يقارب متوسط دخل الفرد لكثير من أغنى دول أوروبا.. يصبح فرق الرفاهية يكمن فى فرق دعم الدولة للسلع الحيوية ..
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: Munir)
|
حبيبنا منير
انا أقول ليك
* التعليم مجان في جميع المراحل
تتصور جميع المراحل الى ما فوق الدراسات العليا مع تنظيم منح سنوية لطلاب العلم
و هذه المنح تشمل الطالب و اسرته اذا كان متزوج
و أتوقع انك تكون سمعت عن هذه المنحة الملكية في الجامعات في جميع انحاء العالم بتنسيق مع الملحقيات الثقافية السعودية و وزارة التعليم العالي ...
* الضمان الاجتماعي مكفول لجميع فئات المجتمع و خصوصا اليتامي و ذوي الدخل المحدود و الارامل و ديل بتزل ليهم رواتب شهريا من صندوق الضمان الاجتماعي
و كذلك الطلاب الجامعيين بنزل ليهم دعم شهري و ارباب المعاشات
* تحديد الحد الأدنى للأجور للسعوديين بمبلغ 4500 ريال كحد ادنى
* الزام جميع شركات القطاع الخاص بتوظيف و زيادة نسبة السعودة في الشركات و الا تعرض الشركات للعقبات و تحديد نشاطها
* العلاج مجااااااان مما كانت قيمته في مستشفيات حكومية على مستوى عالي
* اضف على يا منير المكرمات الملكية للمواطنين السعوديين في أي مناسبة اكنت
* البنوك فاتحة القروض للسعوديين لجميع الأغراض من زواج لبناء منزل و شراء سيارة و تاثيث بيت و خلافه
* نشاطات وزارة الإسكان في تقديم المباني و الخطط السكنية للمواطنين
* و دا كله غير دعم المواد الغذائية و الاستهلاكية و هنا تنشط الجميعات الخيرية المدعومة من الحكومة و من رجال الاعمال في منح بطاقات الشراء المجانية للاسر حسب حجم و دخل كل اسرة
و ما عارف اذا اتذكرت تاني حاجة بجي راجع ليك
طيب يا الحبيب وريني وين تلقى الكلام في السودان ؟
اديني بند واحد من المذكور فوق دا
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: عماد الدين الطيب عمر)
|
التحية للجميع .. ويا المنير صباح الخير يا وش الخير .
اما بعد :
كدى يامنى أول شئ لا تتجاوزى الفرق الجوهرى
الذكرته ليك عن الفرق بين الهجرة والإغتراب !..
لو انت فرعت ليك فرق جوهري من رأسك ودايرني اتابع خيطك
بقول ليك ( ابييييييت ) ههههههههه . الفرق الجوهري هو المقارنة
يا صديق . يعني سيف دا لما فتح البوست للفروقات الشاسعة بين
السعودية بلد العبادة وسنتر الاسلام الحث علي بيت المال للفقراء
والرحمة والتراحم ! اللهو ما بعمل فيها غير الكفار وزي ما انت
شايف وعايش في هذه البلاد ! والجوهر الجيت بي دا بقول ليك
هذه المصوغات ليست دهب هههههههه لانها من اساسه لاتصلح
للمقارنة لافتقار النسب لما تتكلم لي عن كفار بجنسوك ومسلمين
بطردوك .. دي السلافة ياصديق .
ولك وافر الود ,,,
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: مني عمسيب)
|
وإلاّ فما جدوى إغتراب عمال آسيا مثل البنقالة مثلاً حيث هناك من يعمل براتب أقل من ٢٠٠٠ ريال ؟؟ ..
====================
حبيبنا منير .. مودتي ..
معظم العمالة الاسيوية في المكاتب والمولات والاسواق
وخاصة ( بنغال ونيبال وباكستان وهنود ) رواتبهم |قل من 1000 ريال
أمس أنا سالت عامل نيبالي في أسواق المزرعة وهي من الاسواق الضخمة
قال لي رابته في الشهر 750 ريال وهذا راتب عادي للعمال تلآسيويين .. لجنسيات العربية يعني 1500 ريال
أما حكاية 2000 ريال ده ترف لكثيرين في بعض المهن ..
الكثير من السودانيين في المهن غير المتخصصة رواتبهم في حدود 2000 ريال
بدون علاج أو بدلات والبعض يدفع رسوم الاقامة 2600 ريال في سنة + تأمين طبي ممكن أقل من 1000 ريال لوكان شباب
من بداية عام 2018 سوف يفرض على كل عامل 300 - 400 ريال شهرياً في السنة ما بين 4000 - 5000 ريال
أحد الزملاء كان عليه رسوم عائلة 5 أفراد ( 6000 ريال ) بعد دفع الرسوم وتجديد الاقامة بأقل من شهر
حدثت مشكلة في الشركة وقام الكفيل بفصله بخروج نهائي هكذا يكون خسر المبلغ ولا يحق له الاسترداد
المبلغ المدفوع للتغطية وجوده في المملكة لمدة عام .. وعند إنتفاء السبب لابد من رد المال ..
مثال عند الوفاة ، أو الاعاقة ، او المغادرة .. الخ
مودتي لصاحب البوست سيف ..
كلامك خلانا نشجع فريق البنات السويدي ضد أيطاليا لكن الايطاليات
جابوا هدف في الدقيقة 85 وإنتهت المبارة 3-2 لايطاليا ..
سيف الحبيب نحن ناس ضواحي الدنيا .. الكتابة بالعامية عشان المذكر والمؤنث متعبة جداً
مودتي ..حظكم مع السويد
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: علي عبدالوهاب عثمان)
|
حبيب الكل أستاذنا علي عبدالوهاب عثمان .. السلام يغشاك ..
كلامك مأساوى والله وهو يؤكد إشارتى فى مداخلتى الأولى عن الفجوة الكبيرة فى الأجور بين العاملين ..
قلت لى راتبه الشهرى ٧٥٠ريال ؟ يعنى ١٨٨ دولار فقط فى دولة نفطية ملياردية !!!.. كيف تسمح دولة محترمة بهذا الحد الأدنى من الأجر وهى تعطى حد أدنى لمواطنيها ٤٥٠٠ ريال ؟؟ !!.. ألا تخشى من إنفصام السكان والشعور بالغبن وعدم الرضى عند هؤلاء العمال؟؟ ..
ربما أرادت المملكة إنهاء هذه الإزدواجية بقطع عيش الفقراء مرة واحدة بهذه الرسوم الجديدة !!!..
ماذا عن باقى دول الخليج ؟؟..
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: مني عمسيب)
|
| Quote: وقالت ليك ان كندا فيها نفس نظام السويد |
اولا كل التحية والإحترام لخالتك يا إمتثال..
نعم كندا من الدول التى قطعت شوطا بعيدا فى مسؤولية
الدولة تجاه مواطنيها والمهاجرين إليها. فوزير هجرة كندا
مهاجر من أصول صومالية...ووزير دفاعها من اصول هندية وحكومتها يتساوي فيها عدد الرجال مع النساء..
بينما نجد دولة كالسعودية تفرض الجزية المضاعفة حتى علي المسلمين فى وقت كان من المفترض ان تسخدم مواردها المالية لتقديم نظام حكم عادل حسب اساس الرسالة المحمدية التى إنطلقت من أراضيها....
مرة اخري اجمل التحايا ليكم...
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: مني عمسيب)
|
ياصديقتى العزيزة منى .. صباح الإشراق ياصبوحة ..
لو ماعايزة تاخدى الفرق القلته ليك الـ أى مغترب عارفه دا، خليك على راحتك .. هههه ..
بعدين عايز أنبهك لنقطة صغيرة تنبيه شديد اللهجة .. وهو أنك فى أغلب مداخلاتك تكيلى المدح الشديد للكفار والذم الشديد للمسلمين .. أعملى حسابك ما يتدهور الوضع وينقلب للمقارنة بين الكفر والإسلام وتذمى الإسلام وتمتدحى الكفر .. فخليك حريصة وما تخلى عمايل المسلمين تكرهك الإسلام وأعمال الآخرين تحبب ليك الكفر .. الجمهور واثق منك، لكين ماتخلى حرارة القلب تفور دمك لامن يندلق ويتدفق ساى زى لبن الشاي :):):) ..
وكويس أنى شايفك لسه بتتكلمى عن الرحمة والتراحم وبيت المال فى الإسلام والتى تجدينها عند الأوربيين مقابل العنف والفساد عند المسلمين .. لكن ربما تعلمى أن إبتداع معونة الأطفال أبدعها سيدنا عمر بن الخطاب (ض) .. ثم إنك يمكن ماعارفة إنو الـchild allowance حتى فى السودان موجود للموظفين الحكوميين حسب ما أذكر، لكين طبعاً مابجيب حلاوة مصاصة .. وتذكّرى أنه فى أحد عهود الإسلام الأولى يذكر التاريخ أنه لم تصرف الزكاة من بيت المال لأنه لم يكن يوجد أحد محتاج للزكاة زاتو..
الخلاصة هى: بالنسبة للسعودية فإن دخلها يمكنها أن تصبح أكثر دولة مرفهة فى العالم إذا توجهت الموارد فى إتجاهها الصحيح وليس لجيوب الحكام والأمراء .. تخيلى حكام دولة يقرروا من أنفسهم دفع ٤٦٠مليار لدولة أخرى من أجل حمايتهم !!!.. ولكن رغم ذلك فإن التأمين الإجتماعى للمواطن السعودى يتفوق على التأمين السويدى بدون أن يفرض ضرائب على المواطن .. وبالنسبة للأجانب فزيما قلت ليك إنه يأتى بعقد مؤقت ويعامل معاملة المؤقت لكنه يستفيد من خدمات الدولة وعدم الضرائب وهو عارف أنه ليست له كل حقوق المواطنة .. بينما الأجنبى فى أوروبا يعامل كمواطن فقط حينما يتم قبوله كمواطن قبل ذلك يتم إيواؤه فقط لحين تقرير مصيره سواء بالقبول أو الرفض الذى يتبعه تسفير .. التسفير هو البعبع الذى يهابه الجميع ..
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: عماد الدين الطيب عمر)
|
العزيز عماد الدين الطيب عمر .. شكراً على التنوير التفصيلى عن إمتياز السعودى فى بلده .. إن كان التعليم الجامعى مجان برضو فإن السعودية بذلك تتفوق على السويد ، إذ أن تكاليف الإعاشة والسكن للطالب السويدى يأخذها كديون عليه تسديدها فى المستقبل .. ومقدار المبلغ السنوى تحدده عدد الكورسات الذى يدرسها الطالب فى عامه الدراسى .. وهذا النظام ــ الديون ــ معمول به فى كل هذه الدول بما فيها أمريكا .. وبذا قاليك الطالب الأمريكى عند التخرج يكون مديون عشرات آلاف الدولارات .. فى السويد التكاليف الشهرية للطالب حوالى ٨٠٠ ــ ١٠٠٠ دولار .. أحسب كم تعادل فى ٤ ــ ٥ سنوات ..
عموماً أعتقد أن السعودية أرادت أن توفر لشعبها رفاهية تشابه شعوب أوروبا الغربية ولكنى أرى أنه رغم أن السعودى مرتاح نوعاً ما إلاّ أنه مفروض يكون مرتاح أكتر من كده بكتير، لكن معظم الدخل النفطى السائب تستمتع به العايلة المالكة التى تنفق أموال الشعب على الشعب بمسمى إكراميات !!.. وزيادة على ذلك فإنها تتصرف فى أموال النفط المهولة فى حماية نفسها.. تأمل فقط هذه الـ ٤٦٠ مليار الذى دفعتها لترمب.. ما معقول !!! ولاحظ كيف انعكس ذلك على الفقراء الأجانب الكانوا جالبين البركة وبهم يرزقون ..
غايتو الواحد مندهش من هذا التحول السريع فى أحوال العباد ..
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: Munir)
|
أخونا منير فقط أردت التعقيب أن التعليم الجامعي في السعودية بالرغم من مجانيته الا أن هناك الكثير من المعوقات التي تتلخص في عدم كفاية الجامعات والمعاهد القائمة لاستيعاب أعداد الطلاب المتزايدة بشكل مهول من الطلاب والطالبات حتى مع افتتاح العديد منها مؤخرا وخاصة ايّام المرحوم الملك عبدالله مما يجبرهم على البحث عن خيارات اخرى كما أن معظم الجامعات تقتصر على تخصصات غير مطلوبة في سوق العمل و ذات مخرجات ضعيفة وغير مواكبة في الغالب باستثناء جامعة البترول والمعادن (المصنفة ضمن أفضل ٣ جامعات عربية) مما يفاقم من نسب البطالة المرتفعة أصلا. لا أعلم عن الجامعات في السويد لأتمكن من المقارنة ولكن في أستراليا يتم تقسيم الجامعات والكليات وتخصصاتها بحسب احتياجات المنطقة المحيطة بالجامعة وسوق العمل، كما أن القرض الدراسي student loan واجب السداد في حال تجاوز دخلك السنوي ٧٣ الف دولار لعام ٢٠١٧ اما اقل من ذلك فلايجب السداد. عموما انت أصبت كبد الحقيقة بقولك السعودي مرتاح الى حد ما ولكن كان يمكن ان يكون الوضع أفضل بكثير، وطبعا لامقارنة بين وضع الدول الغربية والسعودية من جهة ووضع السودان من جهة أخرى.
| |
|
|
|
|
|
|
|
|
|
Re: الفرق بين السويد والسعودية فى الكفالة (Re: muntasir)
|
| Quote: وهو أنك فى أغلب مداخلاتك تكيلى المدح الشديد للكفار والذم الشديد للمسلمين .. أعملى حسابك ما يتدهور الوضع وينقلب للمقارنة بين الكفر والإسلام وتذمى الإسلام وتمتدحى الكفر |
سلام يا منير..
اولا شكرا علي هذه المشاركات الثرة فى إثراء الحوار والنقاش..
واسمح لي اساهم فى الحتة دى رغم إنه مداخلتك موجهة لمنى عمسيب...
اتفق معاك ان البوست ليس لمقارنة اديان او الحكم عليها..
ده موضوع كبير وعلم واسع نحن ما قدروا. هنا بنقارن نظام الكفالة بين السعودية والسويد خاصة الجزية التى فرضتها السعودية علي العمالة الوافدة..النقاش تتطرق لمقارنات كثيرة فى الصحة والرعاية الاجتماعية والتعليم وغيرها...التصنيف الموجود لدولة كالسويد عند الغالبية العظمى من السودانيين انه السويد بلد كفر والسعودية بلد اسلام. هذا هو اعتقاد الغالبية العظمى..
عن أذنك داير احصل الجمعة فى المسجد الكبير فى مدينة استكهولم...اشوفك بعدين
تحياتى
| |
|
|
|
|
|
|
| |
سيف اليزل سعد عمر
مني عمسيب
علي عبدالوهاب عثمان
Munir
اسامة محمد ابوبكر
نادر الفضلى
Muhib
محمد أبوالعزائم أبوالريش
Abureesh
فيس بوك
تويتر
انستقرام
يوتيوب
بنتيريست