الظلم يمشي على رجليه في السودان: نعم ما ناكرين.. الظلم يمشي على رجليه وحايم في المنبر العام: اكيد.. بعبع حايم في البوست ..اي ..نعم. وزعو الالقاب زي ما عاوزين...وان شاء الله يكونو قدرها..
عالم بطاااااااااااااااااااااااالة
02-06-2017, 10:33 AM
د.محمد حسن د.محمد حسن
تاريخ التسجيل: 09-05-2006
مجموع المشاركات: 15194
سلام الجميلة بسمات والله شايفين وسامعين وزي ما بقول واحد من كُبارات المنبر أظنو ود أبو سن كما أخاف أبهتو ( خاتين الخمسة في الاتنين.) بس صدقيني يا بسمات دي هرجلة ساكت ومرات بتكون مسيخة بلا طعم. بس بينك وبينك في النهاية ما يصح إلا الصحيح، والمويه تكدب الغطاس. مودتي بِنية عطبرة
02-06-2017, 10:55 AM
زهير عثمان حمد زهير عثمان حمد
تاريخ التسجيل: 08-07-2006
مجموع المشاركات: 8273
ز هير يا ريت كان ظلموني انا لكن ظلموا الاعز مني يا ابو الزهور....واتعلمت ابو الزهور منها وزي ما قال د.محمد حسن المنبر...اقصد المذبح اصبح الذبح فيه مشاعا للكل. ودمت
02-06-2017, 11:50 AM
Saifaldin Fadlala Saifaldin Fadlala
تاريخ التسجيل: 12-20-2015
مجموع المشاركات: 832
للاسف ان اميرة السيد لم تك وحدها التي هاجمت عثمان صالح بعنف,بل كان هناك اخرون هل لانها تعيش في امريكا وفي زمن ترامب؟حيث يقول المسلم نفسي نفسي!..اسوأ مافي قرار ترامب,ليس هو المنع,وانما حالة الانكسار والهزيمة وكأن الحياة ستتوقف بالمنع او الطرد من جنته.. تحياتي لك ولاميرة
02-06-2017, 11:43 AM
البرنس ود عطبرة البرنس ود عطبرة
تاريخ التسجيل: 01-09-2017
مجموع المشاركات: 1234
العطبراوية الاصيلة الاستاذة بسمات الشيخ الظُلم ظلمات ما عليك الا قول (حسبي الله ونعم الوكيل) وترديد (اللهم اني مغلوبه فأنتصر) كما دعا بها سيدنا نوح عليه السلام فأعزه ونصره وايده تحياتي الاستاذة الفُضلى
الحبيبة رانية الحاصل ان من ينتقد امريكا ،البقولوا عليها the greatest country in the world يكون مستواه التعليمي عنصرا لتشكيك البعض في النظام التعليمي الامريكي كله....مع ان بت السيد لم تدرس مراحلها الدراسية في امريكا ولم تدرس الجامعة في امريكا ولكنها درست في السودان وتحضر ماجستير ..فقط في امريكا...والسودانيين بقو اصبحوا ملكيين اكثر من الملك نفسه... وحننزل ليكي فيديو عن بروفيسور امريكي ، امريكي امريكي ، ما مهاجر جاي من بره، بيقول فيه America is no more the greatest country of the world يعني زمان امريكا كانت اعظم دولة في العالم لكن الان لا..لا ودمتي بالف خير
الحبيبة فاطمة الحاج فقدنا قلما جميلا سمحا...وفقدنا نكاتها الخفيفة ومنذ الامس لا تشعر بنا ...لانها كانت تعشق المنبر وتعشق دنيا سودانيز اون لاين ...ولكن..ماذا نقول فقد كانت تعشق بعمق احاديث البادية والريف وحكاوي ود الطيب وود البوش وود شيقوق وود كباشي... وعندها مكتبة كاملة فيها كنوز عن الشخصيات السودانية المشهورة وتعرف كل كبيرة وصغيرة عن اي شخصية اثرت في تاريخ السودان القديم والحديث...وكنا موعودين بحكايتين واحدة عن ادق تفاصيل تاسيس المملكة العربية السعودية ومواطن قوتها وضعفها....والثانية عن شخصية عسكرية فذة هو ابو كدوك الذي اذا كان موجودا اليوم لكان الجيش السوداني يشار اليه بالبنان.. وعزاءنا نحن في مجموعتها اننا سنقرا المسودات التي كتبتها .... ...معليش استرسلت في الحديث... والظلم الذي يمشي على رجليه في المنبر حرمنا من روائع قلم رائع.. ودمتي بالف خير وصحة وعافية
02-06-2017, 01:27 PM
ملهم كردفان ملهم كردفان
تاريخ التسجيل: 02-16-2013
مجموع المشاركات: 4742
منذ بوست بن لادن الذي أعتبره عمل خرافي .. إعتبرت أميرة وإخواتها الأميرات مثل بناتي تماماً .. عندما ارى أسمائهن أشعر بعاطفة الابوة وكأنهن بناتي تماماً قمت مرة بإختبار أميرة وخاطبها بالنوبية في بوست ولم أكن أتوقع أن ترد علي بلغة نوبية مجودة وأصيلة ..
هي والاميرات تشعر في حروفهن أصالة البلد ( كأنهن في حي أو قرية من قرى السودان) وليس في أمريكا مع أن البنت تتأثر بسرعة بما حولها ( زي بناتنا هنا في جدة _ شهادة عربية ) وعندما نشرت ضمن مداخلة أنني كنت في السودان وألحقت إبنتي بكلية القانون قدمت لي نصائح وتشجيع منقطع النظير .. لحظتها شعرت بعمق وإنسانية الاميرات ..
شكراً لبناتي .. و كما أكرر دائماً .. مشكلتي عندما أكتب عن جمع المؤنث ( ناس هي وهن ) ناس ترابلة خاصة باللغة العامية .. ( عربي دنقلا ) ضواحي الدنيا .. هههههه
أحلي حاجة في إحدى البوستات طلبت منها عدم المداخلة بعبارات نويية : ( موقو ووو اميرة ) ردت علي مباشرة ( مقوسيس ) بلغة مختصرة وجميلة وبليغة ..
شكراً بسمات .. واصلي في بوست عطبرة مع اخونا الشغيل وباقي الشلة ..
الاستاذ الكبير علي عبد الوهاب نشكرك على كل حرف سطرته هنا. ونشكرك للحقائق التي قلتها عن الانسانة بت السيد والحقيقة التي ربما لا تعرفها عنها انها تحب الخير لكل الناس... انا بكتب عن عطبرة لانها مسقط راسي وبلدي ومدينتي المفضلة والسرد الذي نسرده عن زهرة المدائن شفيناهو منك انت لمن تتكلم عن قريتكم الوادعة في شمال السودان...وبت السيد بتقرا لينا ما تكتبه عن التراث النوبي والتقاليد النوبية بصوت عالي وتشرح لينا ما غمض منها.... وانتو كنتو موعودين بحكايات قريبة لحكايات محمد بن عوض بن لادن زي ما وضحت في هذا البوست.ولكن يبدو اننا فقدنا معا قلما سمحا وقلما شيقا لان جزاري المنبر لا زالو يهرولون نحو الذبح... ودمت بالف خير وصحة وعافية
صحيح تعرضت بت السيد لإنتقادات قد توصف بانها عنيفة أحياناً ، وفي ظني المتواضع بانها (الديمقراطية) والتي من ابشع صورها أحيانا تستخدم حتى (الايادي) كما شاهدناه في برلمانات دول متقدمة ..
عندما تكون عضوا في مجال اسفيري كبير ومتنوع فبكل تأكيد تكون هناك خلافات كثيرة في الأراء ..
,اتفق معكـ هناك من يستخدمون اسلوباً (ضاغطاً) لمخالفة البعض وبعضهم يستخدم اسلوبا (ليناً) مهذباً وهكذا هم البشر .. وهذه عاداتهم منذ الأذل ..
يجب أن تكون أميرة قوية كفاية لتستمر و(لا) تستسلم .. ويجب أن تكون متفهمة للمعنى الكبير للأختلافات والخلافات وأثمانها ..
الإستسلام هو شيمة (الضعفاء) .. ولا نحسبها كذلكـ ..
كثيرون استسلموا وغادروا منذ سنين وسنين .. ولا زلنا نتحسر عليهم ونتمنى رجوعهم ..
حبيبنا يحي قباني قدم اقتراح ممتاز وهو باخذ فيرة راحة والعودة أكثر نضارة وتألق
كوني بخير انت وأميرة السيد
02-06-2017, 08:02 PM
nour tawir nour tawir
تاريخ التسجيل: 08-16-2004
مجموع المشاركات: 17638
رغم أننى لم أتابع ما حدث لآميرة.. ألا أن أول ما يلاحظه المرء فى شخصيتها.. هو القوة و الثبات و القدرة على المصادمات.. و فى هذا المنبر.. كلما قوى عودك تشتد العداوة.. و أميرة لا يجب أن يزعجها بغاث الطير ولا زبد السيل ولا قراد الخيل..(حقوق الطبع محفوظة لوّل أّبا كبر)... فالتركل كل هذا ورائها.. و لتستمر فى ابداع الخلق... و تأكيد كيانها.. و هى مسنودة بقوة روحها المتوهجة و الجميلة التى تضفى لمن حولها كل الآلق و الرونق.. صدقينى أنا لا أجامل.. و أصلا لا أعرف المجاملة.. فأن ما اقوله عن أميرة.. هو ما وصلنى منها منذ أول قدومها الى هذا المكان.. حتى لو أختلفنا 180.. بلغيها تحياتنا.. و قولى لها أنها أكبر من أن تهرب...
02-06-2017, 08:23 PM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 11327
نوارة المنبر بتنا بسمات الشيخ أتأسف لعدم متابعتي لمجريات الأحداث اتمنى من الاستاذة أميرة ان لا تتاثر بما حدث. اكيد الإنسان بيتأثر من بعض العبارات و الردود الخشنة و الجارحة. لكن ...الاصابع ما زي بعضها. المهم زي ما قال الألأخ قباني خليها تاخد وقت شوية تستريح فيه و تعود اكثر تألقاً... و ما تتوقف. فإنتي و هي من الأقلام المهذبة و المحترمة و الراقية. بلغيها تحياتنا و نحن في انتظارها بعد فترة استراحة المحارب. لكما التحية و الود و التقدير
02-06-2017, 08:29 PM
علي دفع الله علي دفع الله
تاريخ التسجيل: 08-31-2012
مجموع المشاركات: 2502
ممكن تحددي الظلم الوقع علي اميرة وين وشنو ومن منو؟؟؟؟ شايف الناس دي كووووولها اجمعت انو في ظلم حاصل ... يعني الشخص لو انتقد ليه اي زول التاني يحمبك ويجي صاحبو او صاحبتو تكب ليها كلام عاطفي والناس تأمن عليه ... دا بورد نقاش حر المراءة والرجل على قدر واحد من المسؤولية وتحمل تبعات رأيه والنقد والاعتراض على وجهات النظر في حدود الادب والاحترام ومن غير اساءة اظن دا ما بقود الشخص للانسحاب .. واي شخص ينسحب في حالة تعرضه لنقد يمشي يشوف ليه قروب عاءيلي يحرد يغادر يرجعوه تاني ..هنا نقاش ممكن يكون حاد وواضح لكن الهروب هو شغل عاطفي ليس الا.. اتمنى تواجد الاخت اميرة السيد وبقلمها ممكن تواجه اي راي بدل المناحة العريضة دي ... مع تحياتي واحترامي لي اميرة وبسمات وصاحبتهم امتثال..
معليش يا أميرة كل واحد بيعبر بكلامه عن البيئة الجا منها بتلقي نفس الكلام بيطلع من لسان جبل على التهذيب برداً وسلاماً ومن لسان الجُلاف ذي الطوب البفلع راسك لكن يكفينا إنه رسولنا الكريم قال : ما أكرمهن إلا كريم وما أهانهن إلا لئيم
علي دفع الله اذا انت بتقول بعضمة لسانك ان الناس كوووولها بتقول ان ظلم وقع على اميرة بت السيد ...طيب بتسالني لي شنو؟ احتمال انت ما كنت متابع البوست...لكن في ظلم وقع عليها ...وانت ذاتك قبل كده ظلمتها ووصفتها بانها داعشية وهي معروفة بانها اكثر واحدة بتكره داعش في الدنيا....وانت وصفتها بانها داعشية فقط لانها صدت شاتم الرسول وانتم ظننتم انها بتايد حكومة الانقاذ لذلك هرولتم بسكاكينكم لذبحها وعشان هي طالبت بوقف ذلك الذي شتم الرسول قررتم طردها من المنبر باية طريقة عقابا لها على ذلك ونجحتم في ذلك نجاحا باهرا....وهي تعارض حكومة الانقاذ اكثر منكم لانها تصفها دائما بحكومة اللصوص والحرامية...لكنها وجدت نفسها بين نارين.... فارحموها يرحكم الله... ....
02-07-2017, 02:11 AM
معاوية الزبير معاوية الزبير
تاريخ التسجيل: 02-07-2003
مجموع المشاركات: 7893
يا جماعة الخير قولوا خير الموضوع لا يستحق كل هذا الاصطفاف والتضخيم ما حدث مع الأخت أميرة في العموم هو أمر عادي لم يخرج من إطار الخلافات التي تحدث بالمنبر أخشن مداخلة كانت من الأخ حافظ بشير وقد أوضحها وفوق ذلك اعتذرَ عنها غير ذلك لا أرى أي مداخلة أخرى تستحق كل هذه الأوصاف التي أطلقها الفريق المصطف بجانب أميرة
لقد تجاوز رد الفعل بكثير جدا الفعل نفسه، خذوا على سبيل المثال هذه الأوصاف: الظلم الذي يمشي على رجليه.. المخلوعين بأميركا (بسمات) تحول المنبر إلى مذبح (محمد حسن) بغاث الطير وزبد السيل وقراد الخيل (نور تاور) لسان الجلاف وما أهانهن إلا لئيم (صباح حسين) في شنو هو؟؟ و فيم كل ذلك؟؟
يوما ما عندما تصقل التجربة الأختين أميرة وبسمات حا يستغربن من موقفن في هذا البوست ويعرفن كم أفادتن هذه التجربة وما فيها من نصائح من أناس في مقام آبائهن أو أخوانن الكبار أما الذين أطلقوا وأطلقن هذه الأوصاف السالبة الضخمة بحقِ وحشٍ متوهَّم فأرجو أن يراجعوا ويراجعن أنفسهم/هن للتأكد من أن الأمر يستحق كل ذلك
يا أميرة.. خدي وقتك .. اعيدي قراءة ما حدث بهدوء، ثم عودي لتقدمي للناس ما ينفعهم ويا كلكم.. صحيح أن لكل مقام مقال، لكن الوطن أجدر بكل انفعال يخرج منكم
02-07-2017, 02:15 AM
معاوية الزبير معاوية الزبير
تاريخ التسجيل: 02-07-2003
مجموع المشاركات: 7893
يا معاوية ما قصرت نحن على العهد ماضون و اي زول يكتب حاجة ما صحيحة حنطالبوا بالاثبات او الاعتراف بعدم صحة ما كتبه. و بعدين اميرة دي كتبت لعثمان كلمة لم يسبقها احد اليها ابدا قبل ذلك و عثمان في رده عليها لم ينزلق ابدا لمستوى تلك الكلمة.
الإصطفاف يا معاوية هو البخلي العين السليمة تشوف وتنتقد وصفي للسان الخشن (لاحظ اللسان يعني الكلام) يعني الفعل مش الشخص نفسه بالفعل الجلف ووصف الحبيبة بسمات لما حدث بالظلم وتفط النظر عن المداخلة القبليها البوجه فيها أحدى حماة الدار لزميلة مفردات من مثل
Quote: يعني الشخص لو انتقد ليه اي زول التاني يحمبك او صاحبتو تكب ليها كلام عاطفي واي شخص ينسحب في حالة تعرضه لنقد يمشي يشوف ليه قروب عاءيلي يحرد يغادر يرجعوه تاني هنا نقاش ممكن يكون حاد وواضح لكن الهروب هو شغل عاطفي ليس الا.. بدل المناحة العريضة دي
ويصفها آخرون بتكرار ممل بأنها جاهلة ويذهب أحدهم لحد دلق كلام معناه أنها عار على المؤسسة الجامعية التي تدرس بها الله في وكأن أصحاب العقول الكبيرة هؤلاء (أو كما يظنون) لم يقوموا بما سموه بحردان المنبر لسبب أو آخر لا يزيد جرحاً للنفس الكريمة عما لاقته أميرة
______________________________________
علماء النفس بيقولوا كلنا قد يتعرض لما يضايقه كل يوم وكلنا يستطيع تجاوز ذلك إلا في حالة من إثنين عندما يحدث ذلك مرة واحدة لكنها حادة جداً أو قليل الحد ولكنه كالمطر من هنا وهناك وهذا وذاك نعم هذه بالظبط ما يفعله حكماء هذه القبيلة كوك كوك كوك كوك كوك كوك ..ياخ انتوا ما بتفتروا
(عدل بواسطة صباح حسين طه on 02-07-2017, 03:51 AM) (عدل بواسطة صباح حسين طه on 02-07-2017, 04:23 AM)
02-07-2017, 03:43 AM
علي دفع الله علي دفع الله
تاريخ التسجيل: 08-31-2012
مجموع المشاركات: 2502
الاخت صباح حماة الدار دي بتذكرني مدرج العاطلة وبقية التنميط الجندري السخيف للرجل السوبر مان انتهى الشكل دا من حياة الناس واصبحت المراءة في كتير من الاحايين تتقدم الرجل وتتفوق عليه احيانا ..فالدار تحمى بالمراءة والرجل فسيبك من الكلام الكلاسيك دا اولا. ثانيا مالها المفردات القلتها لبسمات حتى توصفيها بالجلافة معقولة بس هي كلها عاطفة وتجي تفمهميها جلفة الحاصل شنو انتي عندك قلبنة مصطلحات ولا شنو ..انا قلت البوست مبني على العاطفة بين بسمات واميرة ... دا شنو دا ؟؟؟؟؟
حلوة تمدن دي يا صباح هههههههههههه .. مشيت ارد لعادل امين في بوست #الدعشنة لقيت بكري ابو بكر طبلو ... دا ردي ليك يا عادل امين 👇👇👇
Quote: هههههههه عادل يا صديقي قبل كم يوم مش اتشاكرنا واتصاحبنا اليوم مالك قبلت علي ... شوق يا عادل قشعم شفت شغل القطيع والقطيعة والقولات والمانسجرات دا علي الحلف انا ما زولو تب الداير اكتبو بكبو شووووووو ومحل ما ترسى ترسى .. اما بخصوص بضاعتي العارضا اظن واضحة مش زي بضاعتك القادينا بيها دي ومصر تعمل ليها اعادة تدوير لمن بقيتها مسيييخة جدد يا اخي .. شفت المناطقية البتتكلم بيها دي تتم عن قنطور مثقف اقرب ارضة بتختك واطة 😂😂😂 بتعرف القنطور والارضة يا بتاع خان الخليلي و وست مستنر . تتصور بعد المعط الشغال فيه دا عندي ليك في نواحي البطين الايسر مكانة
02-07-2017, 02:51 AM
يحي قباني يحي قباني
تاريخ التسجيل: 08-20-2012
مجموع المشاركات: 18742
نعم يا علي دفع الله مفرداتك تتسم بالجلافة والخشونة غير المبررة فقط لانها تصدت لمن قام باهانة النبي الكريم وسبه...وقد اقتبس البعض هذه الجلافة من اسلوبك ورسموا كاريكاتير لاميرة وهي متبلمة زي الانتحاريات الداعشيات ووصفوها بالاميرة المنبرية الداعشية....عليك الله ده وصف... تركتم قضايا الوطن وهمومه وقبلتم على اميرة لانها تجرات وصدت من شتم النبي وتجرات وجرحت شعور الذين يعشقون امريكا ويعتبرونها نهاية الدنيا....وبدا الانتقام والذبح....فانعم بطول حكم يا الانقاذ... ودمت بخير
والناس بقى يطربها السب والشتائم والاساءات يا عمنا يحى قباني وما بيطربها روائع الجابري...وزي ما قال د. محمد المنبر العام في سودانيز اون لاين اصبح مذبح.. مذبح للروائع ومذبح للاقلام الشفافة الرائعة ومذبح لكل جميل.. وما بنقدر نقول شئ غير نردد ورا مجيدو عالم بطااااااااالة
02-07-2017, 04:40 AM
معاوية الزبير معاوية الزبير
تاريخ التسجيل: 02-07-2003
مجموع المشاركات: 7893
توضيح دعوتي لعدم فتح خلافات جديدة لا تعني منع من ورد اسمه في الاقتباسات من حق الرد مع التأكيد على أنني اقتبست ما رأيتها ردود فعل مبالغ فيها مقارنة بالفعل الأصلي
البورد دا يا بسمات حصلت فيهو عكات ومعارك وصلت لحدي القضاء دا غير الوصلت فيهو حد الاشتباك باليدين والرجلين زاتو ومافي واحد من الاطراف الاشتبكت قانونياً او باليدين غادر او صوح بالغادرة احتجاجاً على ما حدث في المنبر او ما اصابهم من سباب او شنم او غيره هذه الخلافات يا بسمات هي ملح هذا المكان وبهاره وهي ما نستفيد منه لانه كما اسلفت في بوست دكتور سيف ان النقاشات وشدة تدقيقالزملاء على صحة المعلومات تدفعك دفعاً الى البحث فهذه هي الفايدة
ثم يا بسمات يا بتي ما الذي كانت تتوقعه بتنا اميرة او اي عضو/ة عندما انضمت لسودانيز اونلاين هل كانت تتوقع انو الجميع سيتفق معها ويصفق لها هل ستسفيد شي عندما تجد ان كل ما تكتبه لن تجد كن يخالفك الراي هذا المنبر اخد كل هذا الزخم والرواج لانه غني جداً بالرأي والرأي الاخر لانه يحتوي على تعدد حقيقي في كل النواحي السياسية منها والدينية وايضاً تعدداتنا الاثنية في السودان كل هذا موجود هنا كل هذا الوجود يا بسمات يشكل تحدي لكل الاعضاء وامتحان حقيقي لنا في تقبل الاخر برغم كل رزاياه وان يتقبلك الاخر بكل رزاياك هذا هو المحك
اذا كانت اميرة تريد ان تستفيد وتصقل تجربتها في النقاش واثبات الخقوق فعليها الاستمرار وان تكون متأكدة انها ستجد من يخالفها ومن يشتمها ومن يتفق معها ويدافع عنها هكذا هو مجتمع هذا البورد وكل نجاح او تقدم في كل المجالات يتطلب التحمل والتغاضي عن بعض ما بضايقنا وما نظنه انه شتم وسب وغيرنا شايفو عادي
الحصل دا كلو انا عن نفسي ما شايف انو يستحق زعل اميرة ولا حتى غضبتك انتي وبتنا صباح ولكن الواحد بالتأكيد يجد لكم العذر فحساسية الناس وتقديراتهم تختلف من واحد الى الاخر او نحنا جلدنا بقى تخييين هههههههه
اتمنى ما اكون كترت الكلام واتمناكم جميعاً بخير
تحياتي
02-07-2017, 06:56 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
المسنوحة بسمات وضيوفها الحديث ليس عنك ولا عن اميرة ابدا فلو كان الحديث عنك لأطنبت في مشاعر المحبة والتقدير والاحترام ليكم صداقتي معك لا تعني موافقتك في كل ما تقولين . فالانسان يتعلم من غيره ما لا يعرفه ويصحح له غيره خطأه الذي لايراه لوجوده داخل الدائرة التعلم دة ليس المعرفة فقط بل السلوك والصفات الشخصية والقيم والعادات وحتي الطعام نحن احوج للمختلف منا من الذي يشبهنا ان اردنا ان نرتقي بإنسانيتنا .. يضيف لك من يختلف عنك لم اتابع ذلك البوست ولكن قرأت ما حدث في ثنايا هذا البوست الخلاف لم يكن حول بوست عثمان بل حول بوست يتحدث عن امريكا وتمت مراجعة وتدقيق بعض المعلومات واختلف الاسلوب ارجو ان يصححني احدهم ان فهمت غلط الاسلوب الخشن فعلا مزعج . وهذه تكتيك في النقاشات لهزك الرك علي الامكانيات الشخصية في تجاوز الخشونة والاهتمام بالموضوع او الانصراف عن الرد اميرة لاخلاف حولها ارجو ان تراجع موقفها وان لاتترك مكانة انتزعتها بجهدها ومثابرتها لن اترك مقعدي لأحد فأنا لا أكتب من اجل احد ولا لاحد
هيثم هواري نحن ما قلنا صفقوا ليها ووافقوها في كل ما تكتب وتقول ولكن رد عليها بالمنطق وليس بالشتائم والاساءات ... وانت بالذات يا هيثم ردودك تجاهها كانت قاسية جدا عليها وفي بوست شاتم الرسول ما خليت ليها جنبة تنوم عليها وبقيتوا تصفقوا لذلك الشخص الذي سب وشتم الرسول واخر مداخلة ليك الان في موضوع انتقاد امريكا وصفتها بالجهل وعدم الاستنارة .. افلا يدل قولك بان هذا المنبر اصيب بهزال شديد وبنفتش في المستنيرات وما بنلقاهن هلى ذلك.. ...صحيح ان بت السيد ما مستنيرة بالمعنى الذي تقصدونه ولكنها ليست جاهلة كما يصفها البعض هنا... ..وكنا نظن انك اشتراكي يساري علماني وذلك من شدة دفاعك لشاتم الرسول وهجومك على بت السيد ولكنك الان تدافع عن بلد الراسمالية ،الولايات المتحدة الامريكية،ووقلناها هنا بالاسم الكامل احسن ناس دينق ما يزعلوا اذا اختصرنا اسمها،فهي اقوى دولة في العالم اقتصاديا وعسكريا واذلت روسيا ومعسكرها الاشتراكي واقتلعت المانيا الشرقية وضمتها للغرب... وتخليتم عن مبادئكم يا هيثم وبداتم الانتقام من بت السيد لانها طالبت بطرد الذي شتم النبي من المنبر حتى تطردوها هي ايضا ونجحتم في ذلك ، ومبروك عليكم... وانت بدل تطفي النيران المولعة حولينها وتقول للناس يا جماعة براحة على اميرة بت السيد فهي لم ترتكب جرما سوى انها تنتقد وتهاجموالرئيس الامريكي المنتخب، صاحب القرارات الصائبة التي تصب في مصلحة المواطن الامريكي وحمايته من ارهاب المتطرفين الاسلاميين والحافظ لحقوق الاقليات والمهاجرين ، نقول هذا ارضاءا لدينق وشلته العاشقين للولايات المتحدةوالامريكية،.. واذا رجعت لتعليقات الكثيرين يا هيثم خلال الحملة الانتخابية الرئاسيةوفستقرا لهم انتقادا حادا للرئيس الامريكي المنتخب المستنير دونالد ترامب ولكنولم يتصد لهم احد ... .ودمت بالف خير
اها وعشان اريحك يا دينق بقول ليك ان امريكا هذه التي تعشقها هي اسوا بكثير مما وصفت اميرة... ....وبعدين يا دينق يحى قباني ما من شلتك لسبب بسيط جدا لانه ما مقيم في امريكا ...انا بقصد المقيمين في امريكا وشايفين الحاصل امام عيونهم ولكنهم يتغاضون عن كل ذلك لسبب ....لا اعلمه ...وانت عارف
02-07-2017, 01:08 PM
Deng Deng
تاريخ التسجيل: 11-28-2002
مجموع المشاركات: 52687
بسمات الشيخ. موضوع أميرة السيد هذا لا يحتاج الى كل الضجة اللي هي أنت وهي عاملنها للناس في المنبر.
أميرة السيد كانت بتكتب في معلومات غير صحيحة عن أمريكا، ولقد نبهتها الى ذلك في أكثر من مرة، ولكنها تعمدت في نشر تلك المعلومات. كونها تقوم تحرد المنبر، فذلك شئ يعود اليها هي.
بعدين عبارات زي أنا بعشق أمريكا وكلام من النوع ده فهوا لن يفيد الحوار في شئ، لو عندكم حجة وحقائق أكتبوها، ولكن تجوا وترموا الكلام هنا ساكت ومن غير أدلة فده يبقى تضليل للناس وتقديم معلومات غير صحيحة للقراء.
02-07-2017, 01:46 PM
أيمن الفاضل أيمن الفاضل
تاريخ التسجيل: 01-12-2013
مجموع المشاركات: 1013
بسمات ... وضيوفك .. سلام انا لي مدة ما متابع الحاصل في المنبر .. لاسباب خاصة .. الا انني قدرت اجمع معلومات عن الحصل لاميرة السيد من خلال سردك .. وفي راي ان لا تحرد اميرة المنبر لمجرد ان شلة معينة اختلفت معها في الراي واحتدوا معها في النقاش .. هذه مسائل عادية .. وهذه الاختلافات والمناكفات .. سوف تقويها لمواجهة اي مناوشات قد تحدث مستقبلا.. واكيد ان اميرة رقيقة وعودها طري ( زي ما بقولوا ) ولو كانت سليطة اللسان وما بتخاف من العيب لما تجراء اي شخص ان يفكر مجرد تفكير في مناكفتها .. اتقاءا لشرها .... بلغيها تحياتي .. وخليها تسيب الحردان وتواصل في الكتابة وتسن قلمها سنييين .. وتتسلح بالعلم والمعرفة ... وتعرف كيف ترد رد قاسي على( هواة قتل الشخصية ) و كل من يتطاول عليها ...
عااالم بطااالـــــــــــــــــــــــــة ...
02-07-2017, 03:26 PM
يحي قباني يحي قباني
تاريخ التسجيل: 08-20-2012
مجموع المشاركات: 18742
Quote: بسمات ... وضيوفك .. سلام انا لي مدة ما متابع الحاصل في المنبر .. لاسباب خاصة .. الا انني قدرت اجمع معلومات عن الحصل لاميرة السيد من خلال سردك .. وفي راي ان لا تحرد اميرة المنبر لمجرد ان شلة معينة اختلفت معها في الراي واحتدوا معها في النقاش .. هذه مسائل عادية .. وهذه الاختلافات والمناكفات .. سوف تقويها لمواجهة اي مناوشات قد تحدث مستقبلا.. واكيد ان اميرة رقيقة وعودها طري ( زي ما بقولوا ) ولو كانت سليطة اللسان وما بتخاف من العيب لما تجراء اي شخص ان يفكر مجرد تفكير في مناكفتها .. اتقاءا لشرها .... بلغيها تحياتي .. وخليها تسيب الحردان وتواصل في الكتابة وتسن قلمها سنييين .. وتتسلح بالعلم والمعرفة ... وتعرف كيف ترد رد قاسي على( هواة قتل الشخصية ) و كل من يتطاول عليها ...
عااالم بطااالـــــــــــــــــــــــــة ...
و ده حالتك ما متابع ليك مده يا محمد مجيدو ؟
و الشلة المعينة ديل منو يعني ؟.
و ليه تبني رأيك من معلومات استقيتها من سرد بسمات هنا ؟
مش العقل بقول لو ما سمعت جميع الأطراف او قريت كل شيء ... ما اطلق حكم عشوائي ؟
غريب ...
02-07-2017, 05:32 PM
عبدالعزيز الفاضلابى عبدالعزيز الفاضلابى
تاريخ التسجيل: 07-02-2008
مجموع المشاركات: 8199
Quote: عثمان فيرده عليها لم ينزلق ابدا لمستوى تلك الكلمة.
سلام ياسيف ,, غايتو ياسيف البِدُّروهو بتسموهو بخيت ,, ما انزلق شنو ياسيف ده انزلق نامن جاه غضروف فى انزلاق اكثر من سبه للرسول؟ يعنى ياسيف عاوزين تدوهو كريديت بتأدُّبه مع أميرة وتمسحوا ليهو سبه للرسول؟ ******** بنتى بسمات لاتحزنى أميرة يكفيها انها اميرة ,, بعدين حتى ولو ذكرت معلومات عن امريكا غير صحيحة فهذا لايجعل الغلظة معها عذراً فمن رأى انها أتت بمعلومة غير صحيحة له فقط أن يصحح المعلومة مش يعمل فيها ألْفَة المنبر ... لأن الاصل من تواجدنا فى هذا المنبر هو أن نتبادل المعرِفة لا ليعلوَ بعضنا على بعض ويا أميرة ده طلب خاص منى : عودى وانثرى الجمال والمعرفة فى المنبر ولاتدعى الإحباط يسيطر عليك. كنت قد اتخذت القرار بالمفارقة ولكن حبى للكثيرين وثقتى فى عطائي جعلنى اعدل عن حماقة المت بى ساعة غضب ,, وإن انت فارقت المنبرظناً منك ان القبح لايوجد الا فيه يكون ظنك فى غير محِلَّه , فالدنيا: جُبِـلَت على كـــــــدرٍ وأنت ترجوها خُلْواً من الأكْدارِ ومُكَلِّف الأيام ضد طباعها مُتَطلِّبٌ في الماء جذوة نار
الظاهر تشابه الاسماء بيني والزميل حاتم الهواري تدى الى سوء الفهم الذي احتواه ردك على مداخلتي في الحقيقة لم اهاجم الاخت اميرة بتاتاً رغم اختلافي الشديد معها في موضوع الاستاذ عثمان محمد صالح
لم اكتب اي شيء من العبارات المنسوبة الي في مداخلتك ربما ولا اجزم انها مداخلات الزميل حاتم وهو كما عودنا له اسبابه ومنطلقاته التي يستطيع ان يعلل بها ما يكتبه
فارجو مراجعة مداخلاتي التي تخلو من اي هجوم على اي شخص في موضوع ع م ص وذلك حتى تتاكدي من صحة كلامي
المسنوح ود ابو سن.. كيف تقول انت ما مرحب بيك!! انت الخير والبركة كلها. بنتعلم منك الصبر على الشدائد واتعلمنا منك كظم الغيظ والرد بالحسنة على الكلام الشين والقبيح..لكن بصراحة الكلام الخشن بقى كتير على اميرة بت السيد... والكلام كله مربوط مع بعض يا عبد الحفيظ ..وكنا نتمنى تزور امريكا الانت قريت عنها وعن جغرافيتها وسياساتها في المدرسة عشان تعرف الحقائق على الطبيعة وليس على الورق....تعرف طبيعة اقوى دولة في العالم من كل النواحي...بلد الفرص وبلد الحريات العظيمة وبلد حقوق الانسان وخاصة حقوق الاقليات وخاصة السود...فحقوقهم محفوظة وهم على العين والراس ويشغلون اعلى الرتب الوظيفية ولا يوجد بينهم عاطل حتى وان رئيس البلد نفسه كان اسود.... وعندي ليك هدية عبارة عن فيديو حننزله هنا قريبا عشان تعرف ان الولايات المتحدة الامريكية اعظم دولة في العالم the greatest country in the world وتحياتنا لبت كوستي سلافة.. ودمت بالف خير وصحة وعافية بسمات
02-08-2017, 05:09 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
تسلمي بسمات قصدت امرقك من الجو دة في فلم توثيقي عن امريكا محزن جدا . ما قدرت اتمو . عن الفقر وفي حادثة الزولة المشهورة وثرية وشاهدت امها بتاكل في الكوشة في كتير يا بسمات واقول لم تحدثني نفسي ابدا وانا يافع زمن السفر ليها ساهل لم تحدثني بزيارتها بخاف منها من زمان ان تفقدني براءة الحياة وعفويتها لكن في مستوي الحكم صحيح في فساد . ولو وضعنا كل دول العالم في قائمة عن صلاح انظمتها ومؤسسيتها بنلقي امريكا في العشرة الاوائل في فساد في ظلم لكن لايوجد افلات من القانون وبالقانون توجد محاسبة توجد آلة عالمية مستقلة ف شنو عدالة اجتماعية لا توجد . توجد فرص متاحة كلو موجود في العالم الرأسمالي ممكن يصادروا بيتك وتتشرد عشان تسدد الضرائب
02-08-2017, 05:17 AM
يحي قباني يحي قباني
تاريخ التسجيل: 08-20-2012
مجموع المشاركات: 18742
الامر لا يحتاج اي "ظن" او تنميط او قوالب جاهزة...يا بسمات
اولا تحياتي ومساء الخير
لم اتداخل في هذا البوست من قبل او او اتداخل بخيط الزميل ع م ص سبب هذه المشكلة...الا ان يكون هناك لبسا بيني وبين اخرين يشبهون رسم اسمي ويشبهون خطي...لان حتى العزيز هيثم الغالي لم اقرا له مداخلات تبرر ردك اعلاه
المهم
القضية هنا هى "حرية التعبير" والدفاع عنها...ع م ص...من حقه ان يعبر عن أرائه حتى ولو كانت صادمة للبعض وبصراحة استغرب من لوائح منبر "عام" تصادر حقه في التعبير وبنفس القدر ادافع عن حق "اميرة" في التعبير عن ارائها واعتقادها بالكلمة والمنطق وليس بالانفعال والشتم والكراهية واستباحة دم الاخر المختلف...وقمعه واسكات صوته وطرده
تحياتي
02-08-2017, 05:29 AM
محمد مجيدو محمد مجيدو
تاريخ التسجيل: 07-06-2013
مجموع المشاركات: 2392
ما غريب الا الشيطان ... ردك سخيف ومستفز .. وما اتوقعتو منك ... انا ما قصدتك انت ولا اعتبرتك من الشلة ... ولو انت معتبر نفسك معاهم .. هذا شانك انا كنت ملم بقصة اميرة رغم ابتعادي عن المنبر .. وبعدين لما المتداخلين قالو في نفس الموضوع : تحول المنبر إلى مذبح بغاث الطير وزبد السيل وقراد الخيل لسان الجلاف وما أهانهن إلا لئيم ليه ما علقت عليهم ؟؟؟ وعملت غمران ... وجاااي هنا تتفلسف علي !!!!! يا ريت ... تخلي شعرة الاحترام البيناتنا ما تنقطع ....
عااالم بطااالــــــــــــــــة ...
02-08-2017, 02:45 PM
يحي قباني يحي قباني
تاريخ التسجيل: 08-20-2012
مجموع المشاركات: 18742
ما غريب الا الشيطان ... ردك سخيف ومستفز .. وما اتوقعتو منك ... انا ما قصدتك انت ولا اعتبرتك من الشلة ... ولو انت معتبر نفسك معاهم .. هذا شانك انا كنت ملم بقصة اميرة رغم ابتعادي عن المنبر ..
اول شي اثبت لينا الى رأي واحد
مرة قلت بعيد و ما ملم و مونت فكرة من سرد بسمات في البوست ده
و جاي هسي تقول انا كنت ملم بقصة اميرة رغم ابتعادي عن المنبر
بعدين لما الزول يسألك ( بكل احترام ) كيف تهاجم الناس و انت قاري و سامع من طرف واحد ( حسبما كتبت بي يدك )
كان ممكن ترد بأسلوب فيهو احترام برضه بدل مستفز و سخيف و غمران و الكلام الما عديل ده
يا زول أقول ليك كلام ... واضح انك ما جاي لي نقاش ... فشنو ... الله معاك ...
02-08-2017, 05:38 AM
ابراهيم عبد الوهاب ابراهيم عبد الوهاب
تاريخ التسجيل: 08-20-2015
مجموع المشاركات: 609
ارجو من الاخت اميرة ما تهتم كثير بالعوالم الاسفيرية عيشي حياتك وكملي دراستك بدون منقصات هنا يوجد مجموعة من الفشله العجايز ماعندهم حاجة غير مصاقرة النت 24 ساعة لا شغل لا مشغلة وانت شابه صغيره المستقبل فاتح ليك كل ابوابه وعندك مستقبل مزهر ان شاء الله ، وعندك ملكه في الترجمة وامكانايتك كبيرة وانت حيكون عندك شان كبير الله يوفقك في حياتك العلمية والعملية الله معاكم
02-08-2017, 06:19 AM
Shueib Medani Shueib Medani
تاريخ التسجيل: 02-06-2013
مجموع المشاركات: 168
ارجو من الاخت اميرة ما تهتم كثير بالعوالم الاسفيرية عيشي حياتك وكملي دراستك بدون منقصات هنا يوجد مجموعة من الفشله العجايز ماعندهم حاجة غير مصاقرة النت 24 ساعة لا شغل لا مشغلة وانت شابه صغيره المستقبل فاتح ليك كل ابوابه وعندك مستقبل مزهر ان شاء الله ، وعندك ملكه في الترجمة وامكانايتك كبيرة وانت حيكون عندك شان كبير الله يوفقك في حياتك العلمية والعملية الله معاكم
Quote: أميرة السيد كانت بتكتب في معلومات غير صحيحة عن أمريكا، ولقد نبهتها الى ذلك في أكثر من مرة، ولكنها تعمدت في نشر تلك المعلومات
ويعني شنو لو نشرت معلومات غير صحيحة عن امريكا ؟؟ مش رئيس امريكا ذاتها نشر معلومات غير صحيحة عن العراق وبموجبها غزاها وغير خارطة العالم وحول المنطقة الى جحيم ؟؟؟ مش مخابرات امريكا جابت معلومات غير صحيحة ودمرت مصنع الشفاء الذي كان ينتج البندول وحبوب الملاريا ولم تثبت حتى الآن انه كان ينتج مواد محظورة ؟؟؟ يعني عادي ناس ينشروا معلومات غير صحيحة عن الرسول ودي تبقى حريات وجناب امريكا هو المصان والمعصوم عن الخوض فيه ؟؟؟ زمان قلت ليكم ديمقراطية الليبراليين دي زي اصنام العرب ، اذا سكروا بالوا عليها وحين الجوع ذبحوها واكلوها طازجة وان جاءهم نبي سجدوا لها وقاتلوه دونها !! الحرية لهم في شتم العقائد والديانات والرسل والله ، والعكاكيز تشتغل لمن واحد يتنقد هؤلاء او ينشر معلومات قد لا تكون كلها دقيقة وربما يشوبها الخطأ . وانت ذاتك يا دينق قبل كدا جايب ليك تغريدة عن شيخ ابوزيد والشاب الأمرد بتاع الكورة ، المعلومة كانت مفبركة والشيخ أصلا لا يعرف تويتر ولا سمع بيها ناهيك ان يكون لديه حساب يغرد او يتابع كورة ، وبالرغم من ذلك كنت ناشر كلامك دا في بوست وعصرناك فيهو !!! يعني نشر المعلومات الغير دقيقة عن خلق الله حلال عليك وحرام على غيرك ؟؟ تلك اذن قسمة ضيزى . بس نقول شنو مع ديكتاتورية البروليتاريا دي ؟؟ تحياتي لصاحبة البوست وضيوفها .
02-08-2017, 08:13 AM
فرح الطاهر ابو روضة فرح الطاهر ابو روضة
تاريخ التسجيل: 10-22-2012
مجموع المشاركات: 11112
تحياتي بسمات ^ وزوار البوست كمان الاميرة المنبرية الداعشية دي كتبتها انا وبما أنه الموضوع موضوع محاكمات ومظالم انا شايف هنا الناس البتحاول تدافع عن أميرة بمحاولة مدارة الحقائق بتظلم أميرة لا أكثر خاصة وهي أعلنت مغادرة لهذا المنبر أولا حكاية انه الناس تتكلم عن إخوان وفاطمة وإخوان أم شلخ مواسا ديل ما موفقين في دفاعم نهايي لأنه إخوان فاطمة ديل البتنصورم هم حماة الولية هم نفسهم الممكن يقمعوها ويشتروها بأقرب ضقل لو رفعت صوته ولو بكلمة حق ناهيك من أن تقف وسط دارة وتقول لي زول انك حمار أو تصدر بيان تدعي فيه بأن أسرته أعلنت جنونه فانحنا وين وإخوان فاطمة وين والله انحنا في وقتنا الراهن ده وبالسخونة إلفينا دي بالنسبة لإخوان فاطمة ديل مقامنا عالي ففكونا من القصص ألما معضية دي مافي زول أجحف في حق أميرة والكثيرين هنا تحدثوا عن أن أميرة قلم جيد ومتميز ونشيط بما فيهم على دفع الله الهسي بطال ده في نظر مجموعة دفاع أميرة خلاصة القول لا زلت اقول بأن الدفاع عن رسول الله لا يتم بالأسلوب الذي اتبعته أميرة مع مجموعة من الظلامين ومثلما لعثمان واجب إعتذار ومراجعة وضرورة التمييز بين النقد والإساءة على أميرة ومجموعتها تلك أيضا اعتذار هذا مجرد رأي ليس فيه أي إساءة أو توصيف لإنسان بالجنون أو تجريد أميرة من الإنسانية كما فعلت هي مع عثمان وللاسف هنا تتم محاكمة من انتقدوا أميرة أو أبدوا راي وفي نفس الوقت يتم تمييع مواقف أميرة ومحاولة تمريرها باسلوب لا يرتقي لمستوى المرافعات المنصفة التي يمكن أن يستفاد منها كتجربة مرت بهذا المنبر الإصرار على شبطنة بعض الآراء هنا وتصوير الآخر كما المسيح المصلوب خطأ عاب البوست الكثير من المداخلات وبرضه ده مجرد رأي كسرة بالمناسبة يا بسمات أميرة ما سكتت على حكاية الاميرة المنبرية الداعشية دي جات في بوست اجتماعي قالت ليها كم مطاعنة كده ومشيناها يعني الزولة شديدة ولضيضة ومن هنا ليها ليك ولكل المرور تقدير واحترام بعيد من العك واللت والعجن
نعم هناك إستهداف للأخت اميرة السيد بعد وقفتها المشرفة في وجهه شاتم الرسول (ص) ، إستهداف ماعاوز ليهو ضوء بطارية . أاي الاخت أميرة تنقصها التجربه في بعض ردودها لكن مافي إنسان كامل الكمال لله وحدة فالانسان العمرو عشرين سنة مازي الانسان العمرو خمسين سنة عرك الحياة وعركتة . أميرة إنسانة مثقفة متعلمة ومجتهدة لو أخطاءت في بعض المتداخلات الناس تقومها بالتي هي أحسن ما بسل السكين لزبحها موقفها من ع م ص اؤيدها فيهو وابصم لها بالعشرة ونضر الله وجهها .
الاخت أميرة السيد قرارك بالابتعاد عن المنبر هروب ليس الا عودي ودافعي عن ارائك بكل ما اوتيتي من قوة بس بطلي الطيبة الزائدة دي وأحترام الناس أكثر مما يجب . السايبر دا عن نفسي كل مرة أجلد نفسي واقرر عدم الدخول في معارك وان اكون مثالي في ردودي علي الاخرين لكن بعد تفكير عميق توصلت لنتيجة واحدة أن اقول كلمة الحق حتي ولو علي نفسي وما أدخل السايبر دا الا وعكازي في يدي ، المحترم لا يجد مني الا الاحترام والعاوز يعمل غاغات ماعندي ليهو الا العكاز في نص راسو . أتمني أن ترتاحي شوية يا اميرة وتعودي لتنثري الفرح فأنتي إنسانة تنثر الفرح اينما حللتي ومفخرة لكل مكان تتواجدي فيهو .
02-08-2017, 11:27 AM
Nasruddin Al Basheer Nasruddin Al Basheer
تاريخ التسجيل: 12-08-2005
مجموع المشاركات: 4083
اميرة مصطفى السيد نعم شديدة ولضيضة فقط فيما يتعلق ما يمس ثوابت عقيدتها وما يمس النبي الكريم ...ما عدا ذلك فهي تحترم كل الاعضاء في المنبر العام وتخاطبهم بمنتهى الاحترام والتوقير ... وعلى كل فلن تسمعوا منها شيئا فهي غادرت المنبر نهائيا ..ولذا ارجو ان تكف عن الاساءة اليها لانها غير موجودة كما انتم تطالبون بالكف عن الاساءة ل ع.م.ص لانه غير موجود على الرغم من انه بيكتب عادي جدا في المنبر وكانه موجود
02-08-2017, 01:21 PM
Deng Deng
تاريخ التسجيل: 11-28-2002
مجموع المشاركات: 52687
والله يا دينق انت اسوا من يكتب في هذا المنبر ... امشي قول للناس البيدافعوا عن شاتم النبي الكريم نفس هذا الكلام عشان يوقفوك عند حدك...وطبعا انت ما بتقدر وما حتتكلم لانك طبعا فرحان شديد بكلامه...
02-08-2017, 01:36 PM
Deng Deng
تاريخ التسجيل: 11-28-2002
مجموع المشاركات: 52687
انت ايضا تكتب عن امريكا معلومات مغلوطة وانا زانقك بي هنااااااااك ؟؟؟ سيب الناس تكت زي ما انت بتكتب يا(د . م) وكل زول حر وكل زول بيميز الصادق من الكاذب والحقيقة من الشتل
02-08-2017, 03:04 PM
فرح الطاهر ابو روضة فرح الطاهر ابو روضة
تاريخ التسجيل: 10-22-2012
مجموع المشاركات: 11112
الدافعو عن الرسول بشدة ولضة يا بسمات مواقفم مثبتة هنا وتظل منارات للوعي والمعرفة أما الشتم والإساءة والأكاذيب تذهب كما كل مداخلة أبو بوست مهاترات ليس له قيمة أما حكاية محاولة الالتفاف بأن أميرة انبرت لشاتم الرسول وو والله دي دلاليك ورل على قول اهلنا ما يجقلب وراها إلا المهترين ما قصدته في شديدة ولضيضة انها استطاعت الرد على أميرة الداعشية بطريقة أو بأخرى يعني مافي داعي للتدوير ثانيا في شي مهم لانه اامظالم يجب ان لا تستثنى حكاية تبادل كلمات المرور في وقت أحداث جنون البقر تلك برضه عمل صبياني آخرق لا يتماشى مع لوائح وروح المنتديات التي نعرفها فأرجو الإنتباه في المرات القادمة حتى لا تتشابه علينا المواقف
(((((في شي مهم حكاية تبادل كلمات المرور في وقت أحداث جنون البقر تلك برضه عمل صبياني آخرق لا يتماشى مع لوائح وروح المنتديات التي نعرفها فأرجو الإنتباه في المرات القادمة حتى لا تشابه علينا المواقف)))))
هههههههه
طيب هسع البكتب منو يا أبوروضة؟
02-08-2017, 03:34 PM
فرح الطاهر ابو روضة فرح الطاهر ابو روضة
تاريخ التسجيل: 10-22-2012
مجموع المشاركات: 11112
والله بواقع التكتل الإرهابي ده ومحاولة تشكيل رأي لنصرة الباطل وبمكابرة وعناد لا مثيل له اتوقع ان يكون ود عطبرة نعم الظلم موجود بهذا المنبر وما كل ظالم مستعد لتسليم رقبته للقصاص عشان كده ياها الحقلبة دي
02-08-2017, 05:14 PM
AMNA MUKHTAR AMNA MUKHTAR
تاريخ التسجيل: 07-31-2005
مجموع المشاركات: 13702
لاحظت إنتي وصحبتك أميرة بتكتبوا عن أميركا بكراهية شديدة جدا ، بل أن أميرة توعدت في بوست لدينق على ما أعتقد ..توعدت بأن في حال فوز ترمب سيتحول كل المسلمين لدواعش !! كما ذكرت بأنه لو فاز يكون أحسن عشان ترجع السودان . طيب المانعكم شنو ما قادرة أفهم ؟!! والجابركم شنو تقعدوا في بلد بتكرهوها للدرجة دي ؟!! وطالما شايفين أميركا سيئة كدا ..طيب ما تجو تعيشوا في السودان أو السعودية مثلا .. خاصة أني لاحظت أن أميرة معجبة جدا بالمملكة ..والجيش السوداني ..والصادق المهدي ..ألخ :
Quote: وكنا موعودين بحكايتين واحدة عن ادق تفاصيل تاسيس المملكة العربية السعودية ومواطن قوتها وضعفها...
وتيب !!
حقيقي أنا بستغرب من المسلمين البيهاجروا أو يعيشوا في دول الغرب ..وفي نفس الوكت هم بيكرهوها وبيحتقروا قيمها وكل ما تمثله .. بستغرب جدا ( الجابرهم شنو ) إنهم ما يرجعوا يعيشوا في بلدانهم الأم .. وبالتالي ( شيل دا عن دا ..يرتاح دا من دا ) ويا دار ما دخلك شر ..!!
02-08-2017, 04:26 PM
محمد حيدر المشرف محمد حيدر المشرف
تاريخ التسجيل: 06-20-2007
مجموع المشاركات: 20440
بس انتو روقو كده واحلوا وخليكم كوووول .. والله صحي !! اي موضوع او بوست كتبتو بخلفية محتقنة أتى بنتيجة عكسية, ولذلك أعتقد ان الاستمرار في هذا البوست غير مفيد....
..... ما تسمعوا كلام على دفع الله عن حماة الدار وبتاع... لتجدونه أقرب اليكن من حبل الوريد .. هو وكل الاخوان هنا.
..
احمد المصطفى .. ولاميرة السيد ... ع م ص .. حافظ بشير .. دينق .. حاتم .. هيثم (رجلي الاخيرين فوق رقابهما) .. ولصباح وآخرون
البرنس لا .. "لو ضغطتو على بضمِنو)
02-08-2017, 04:42 PM
Deng Deng
تاريخ التسجيل: 11-28-2002
مجموع المشاركات: 52687
نعم يا دينق بنكتب من كمبيوتر واحد وما عندنا غيره...وفي الحقيقة من تلفون واحد وما عندنا قدرة نشتري تلفون تاني...ومتشاركين في تلفون واحد.... وبعدين عندي كلمة ما قلتها ليك في البوست الثاني والسالتك فيه عن سبب كراهيتك لينا يا دينق.. والكلمة هي بدل ما تحب وتعشق امريكا امشي حب واعشق بلدك ودافع عن بلدك فهذا سيكون افيد واجدى لانك وحتى ولو اكتسبت الجنسية الامريكية بالتجنس فسوف لن تكون امريكيا ...فانت سوداني سوداني....لكن اولادك او احفادك المولودين هنا او الحيتولدوا هنا ممكن يكونوا امريكان ويدافعوا عن امريكا ام انت ..فلا...
02-08-2017, 05:48 PM
سيف النصر محي الدين سيف النصر محي الدين
تاريخ التسجيل: 04-12-2011
مجموع المشاركات: 8995
نعم يا دينق بنكتب من كمبيوتر واحد وما عندنا غيره...وفي الحقيقة من تلفون واحد وما عندنا قدرة نشتري تلفون تاني...ومتشاركين في تلفون واحد. __________________________________________________________________________ ؟
قفلت هذا البوست من اجل ان يلتفت الناس هنا لمشاكل الوطن وهمومه وليتركوا اميرة في حالها وليتركونا في حالنا...واذا حبينا امريكا فهذا قرارانا واذا كرهنا امريكا فهذا قرارنا....وكنت اريد ان اختم البوست بفيديو عن استاذ امريكي تحدث عن امريكا ...ولم استطع... ولكن الى هنا فكفى .. وقد رجوت الاستاذ سيف ان يقفل البوست الذي فتحه عن اميرة ويتركوها في حالها وهي قد غادرت سودانيز اون لاين نهائيا وللابد ولم تعد عضوة هنا... فاملنا ان يستجيب سيف الدين ويقفل البوست حتى يتوقف السباب والشتائم في حقها...وربما وبعد هدوء هذه العاصفة وهذه الكراهية الموجهه ضدها ربما تعود اكثر القا وروعة... ودمتم بالف خير وصحة وعافية
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
د.محمد حسن
Fatima Alhaj
زهير عثمان حمد
Saifaldin Fadlala
البرنس ود عطبرة
ملهم كردفان
علي عبدالوهاب عثمان
nour tawir
محمد عبد الله الحسين
علي دفع الله
معاوية الزبير
سيف النصر محي الدين
يحي قباني
عبدالحفيظ ابوسن
Deng
أيمن الفاضل
محمد مجيدو
عبدالعزيز الفاضلابى
Hatim Alhwary
ابراهيم عبد الوهاب
Shueib Medani
فرح الطاهر ابو روضة
عادل الباهي عبدالرازق
Nasruddin Al Basheer
محمد حيدر المشرف
فيس بوك
تويتر
انستقرام
يوتيوب
بنتيريست