|
دعواتكم لزميلنا المفكر د.الباقر العفيف بالشفاء العاجل
|
|
 Re: الصينيين غنوا نحن جند الله ... الراجنها شنو (Re: صباح حسين طه)
|
صباح يا صباح الخير ...
و الله حلويييين ... لكن ابهاتهم و اماتم ما بنقدروا ...
و الله كان ما عاسو الكسره و باعو الدكوة ما أكون اسمي قباني ...
اتذكري كلامي ده ...
_______________________________________________
مشيت مصر في 2010 ... قاعد في بيت أخوي دق الباب واحد صيني ...
طلع حلاق ... الحلاقين في الشارع الوكت داك بي عشرين جنيه في محلاتهم ...
الصيني حلق لينا بي خمسة جنيه و في البيت ...
سأل اخوي قال ليهو زوجتك ما دايره تعمل شعرها ؟ اخوي قال ليهو لكن ما معاك عندك واحده ؟
و حاتك طلع الموبايل و في 10 دقايق كانت صينية بي عدتها في البيت ...
____________________________________________________
ماري بي شارع شفت لي شافع صيني بي جلابية في المعادي بلعب كورة شراب في الحلة ...
سألت اخوي ده شنو كمان ؟ قال لي المصريين وقعوا عرس في الصينيات ...
ما في تكاليف عرس و عفش و الكلام الفارغ داك ...
ازوجزك الصينية بي بلاش و ادوك معاها مروحة هدية .. ههههه
| |
  
|
|
|
|
|
|
|
|
Re: الصينيين غنوا نحن جند الله ... الراجنها شنو (Re: يحي قباني)
|
أنا زاوية شوفي مختلفة
أؤيد الاندماج الاجتماعي
وجود صينيين في سوق العمل السوداني حيأثر إيجاباً على البلد
أديك مشكلتين بس عندنا نحن كسودانيين كمثال
مافي أي اهتمام بجودة الخدمات .. بتاع الخدار تسألو عن السعر تلقاهو قاعد في كرسيهو يعاين ليك من فوق لي تحت وممكن ما يجاوبك ذاتو أو يجاوبك وهو بقرأ في الجريدة بي تحت نخرته لمن تحس إنه خداره دة ما للبيع
بتاع الملابس تقول ليه نزل لي القميص داك اشوفه يقول ليك ياخوي انت داير تشتري ولا تتفرج ساي ؟
باختصار أي بياع عندنا في السودان مركب مكنة وزير عشان كدة المصريين اتفسحوا في المحال التجارية بابتسامتهم وترحيبهم المبالغ فيه .. تمشي مطعم ولا مقهى سوداني يسلوا روحك لحدي ما طلبك يجي بينما المصريين يستقبلوك من باب الشارع وتلقى في 3 بخدّموا عليك
المثال التاني أعمال البناء .. أي زول تابع بنيان في السودان بعرف مآسي البنايين السودانين وكيف بموسروك عز الضحى .. تتفق وتدفع على حاجة ويشتغل ليك حاجة تانية تسألوا دة شنو يا ود الناس ؟ يقول ليك (البياض بجيبها) .. دة غير إنه عادي تجي الساعة 9 تلقى البنايين ما جو تمشي تفتش ليهم تلقاهم سابوا ليك بيتك محفر ومسكوا شغل تاني
بصراحة يا يحيى نحن محتاجين نحتك بشعوب تانية .. محتاجين نغير من طريقة تعاملنا في السوق ودة ما بحصل إلا بمواكبة العالم والصينيين حمير شغل بنتعلم منهم قيمة العمل
اوربا وامريكا برحبوا بالهجرات وعاملين ليها برامج عشان كدة بلادهم انتعشت ونحن لو قعدنا نقول بلدنا حقتنا برانا ما عاوزين فيها شريك يانا الحاتلين في حفرتنا دي
| |
|
|
|
|
|
|
|
|
|
Re: الصينيين غنوا نحن جند الله ... الراجنها شنو (Re: اميرة السيد)
|
يا بتنا ... كيفنك ...
انا دخلتها المحوّل ... و كتبت
I am great, thanks
الحمد لله الأخيرة دي مني زيادة محبة بس ... :)
بعدين المشاط مالو .؟ ليه ال 140 دولار بس ههههه
على فكرة ... الصينيين البغيرو شاشة الآيفون و الآيباد في خمسة دقايق ديل ...
الله قال بي قولنا بي غادي ...
| |
|
|
|
|
|
|
|
|
|
Re: الصينيين غنوا نحن جند الله ... الراجنها شنو (Re: يحي قباني)
|
سلام يايحي قباني،
اولست ذلك المحتج على تفشي العنصرية في السودان فمابالك اليوم تمارسها ضد الصينيين مؤلبا عليهم المشاعر البدائية؟!. والأكثر مدعاة للتعجب هو أنك من السودانيين الذين هجروا ديارهم ومع ذلك تعارض هجرة الصينيين للدول الأخرى .
أحلال عليك يايحي وحرام على الصينيين؟!.
أما " النشيد الوطني" فلابد ان يطاله التغيير في سودان يسع الجميع
لأنه نشيد خاص بفئة خاصة من المسلمين المهوسين بدينهم حتى أنهم يدعون أنفسهم جند لله. هذا النشيد لايعبر عن بقية السودانيين.
| |
|
|
|
|
|
|
|
|
|
Re: الصينيين غنوا نحن جند الله ... الراجنها شنو (Re: عمر دفع الله)
|
مرحب بالمواطنين الصينيين كمهاجرين شرفاء
يمكن لوطننا ان يستفيد من خبراتهم الكثيرة الجمة
ومرحبا لاستثماراتهم الصناعية والزراعية
ولكن...
لا والف لا ان يستغلوا ضعفنا وهواننا بسبب حكامنا
ويستقطعوا من اراضينا الزراعية كما شاءووا
تغطية لديون استخدم جلها في شراء السلاح الصيني
لزرع الموت والخراب في ربوع اقاليمنا المنكوبة
وتحياتي للطفلتين البريئتين..صوت الكناري
وتحياتي قباني والاخوة الزوار
| |
|
|
|
|
|
|
|
|
|
Re: الصينيين غنوا نحن جند الله ... الراجنها شنو (Re: عمر دفع الله)
|
Quote:
يا ود قبانى ياخى بطّل تشويش وحركات ...
الكيزان قعدوا 28 سنة ، قاموا رجعوا السودان للخلف مية سنة
ياخى ادّوا الصينيين فرصة يمكن يجعلوه علم بين الامم !
لا ترحمونا لا تخلوا رحمة الصينيين تجينا ؟ |
عمر دفع الله يا فنان
و الله ما عندنا اي اعتراض لو حيقدموا البلد
لكن لو حيعصروها و يشيلوا الفضل ... و يقاطعوا في أرزاق الناس
لا دايرنهم لا شي ...
| |
|
|
|
|
|
|
|
|
|
Re: الصينيين غنوا نحن جند الله ... الراجنها شنو (Re: يحي قباني)
|
Quote: مرحب بالمواطنين الصينيين كمهاجرين شرفاء
يمكن لوطننا ان يستفيد من خبراتهم الكثيرة الجمة
ومرحبا لاستثماراتهم الصناعية والزراعية
ولكن...
لا والف لا ان يستغلوا ضعفنا وهواننا بسبب حكامنا
ويستقطعوا من اراضينا الزراعية كما شاءووا
تغطية لديون استخدم جلها في شراء السلاح الصيني
لزرع الموت والخراب في ربوع اقاليمنا المنكوبة
وتحياتي للطفلتين البريئتين..صوت الكناري
وتحياتي قباني والاخوة الزوار |
الخوف من التانية دي يا سيف ...
ما لقيت لي أي سبب يخليني اثق انه الحكومة دي جايبه الناس ديل لمصلحة البلد
تاريخ بقول مصلحتهم الشخصية هم بالاول و من بعدهم الطوفان ...
| |
|
|
|
|
|
|
| |
يحي قباني
aosman
Osman M Salih
علاء سيداحمد
عمر دفع الله
Saifaldin Fadlala
محمد الأمين موسى
عماد الشبلي
nour tawir
فيس بوك
تويتر
انستقرام
يوتيوب
بنتيريست