|
Re: الشاب مأمون سوار الدهب تحليق رهيب في علا ل (Re: Osman Musa)
|
رمضان كريم يا عثمان
ربك الواهب العطاي أدا المصريين الأهرامات ، و أدا التليان البرج المائل الما عاوز يقع دا ، وادا ناس كومار تاج محل و أدا الولد مأمون خلطة استثنائية من الصوت البارتون بتاع سرور ، مع الصوت الباص بتاع ناس أبو داود و بيري وايت ، و برضو قدرة غير عادية للتحرك بين الطبقات الصوتية ( ملاحظة كتبا لي قبل شوية وجدي كامل حفيد أبو صلاح )
كل من في الكون ناما يا عثمان ، و اهو شعب السودان صاحي سقد ، في انتظار فجر الخلاص .. صاحي، و بستحضر ذاك اللقاء التاريخي بين عتيق و الحاج عبد الحميد يوسف
( لا تنسى عثمان حسين شيطان مقاشي ، كان عازف عود خلف الحاج عبد الحميد يوسف يوم لحن و غنا اذكريني يا حمامة )
بس لاحظ محن المشروع الحضاري بتاع إسلاميي قصر غردون : الرقيب الأمنجي عدو الجمال و هادم التصوير الشعري البليغ ، عدل النص بتاع عتيق البقول : حظي زي لون شعرك اسحم .. و خطبي زي ردفك مجسم ...
اللهم نساء لك اللطف، ياخي الأرداف دي هبة الله لعبادوا من نساء السودان .. لعنة الله على التنطع الأيدلوجي .. ود الرضي زاتو قال : سورة الأحقاف ، البقرة ، و قاف وفوق جدي الرام .. طير يا منام .. تلفان من الأجفان ...
كن بخير لك مودتي و تقديري
| |
|
|
|
|
|
|
Re: الشاب مأمون سوار الدهب تحليق رهيب في علا ل (Re: أحمد طراوه)
|
عزيز نا د / أحمد طراوة الباحث و الناقد الفني و حكيم الغناء الفذ . ليك ياخ القومة . والله سألني عن حالك في زواج بنت ابن عمنا هاشم محمد أحمد بخيت المصباح. سألني عنك الفنان الأرباب علي ابراهيم اللحو وسأل عن بوستك التاريخي ( تاريخ الغناء في السودان ) والكلام جر ه لأمن و صل حديثو لي بادي . ارجع ليك للشاب صاحب الحنجرة الذهب ود ناس سوار الذهب . عليك الله شفتو كيف نهز مقطع ( كل من في الكون نا ما . الولد البارح خلي العالمين تقول تعلموا الغناء ولو في السودان والصين . الشاب طلع لي آخر طوبى في الامبيراستيت ونزل وتأ ني طار ورجع . ياخ عين الحسود فيها عود . مبالغة
| |
|
|
|
|
|
|
Re: الشاب مأمون سوار الدهب تحليق رهيب في علا ل (Re: امجد الجميعابى)
|
سلامات عزيز نا أمجد ورمضان كريم مأمون عمل الدا يرو كلو في الأغنية . أدي المستمعين إحساس انهم سامعين الأغنية جايه من نواحي شمبات وهم قبالة بحر آب روف . و مرات الصوت يجي من آب روف قاطع و قاطع . غايتو ده ما شغل يوم وليلة . السواهو مأمون ده . دي حضارة عمرها الف الف سنة . ماشاءالله .
| |
|
|
|
|
|
|
Re: الشاب مأمون سوار الدهب تحليق رهيب في علا ل (Re: علي عبدالوهاب عثمان)
|
لازم نشكر عمك قدور
على تقديم الشاب مامون سوار الدهب
ونسأل الله له التوفيق والنجاح في اسعاد هذا الشعب المغبون خلقـة
ولكن العمالقة من المثقفين الذين يكتبون لا بد لهم من تقديم النصح للشاب
أن يبعد عما يدمر الفن والفنانين ويلتزم جانب تطوير اداءه على أساس عالية ويقدم أعماله واغنياته الخاصة به
وأن يستعين بالكبار للتدقيق في النصوص التي يغنيها ويهبها التوزيع الموسيقي الصحيح
ليت الأخ الموصلي يتعهده بالرعاية
هذا صوت ينبغي ألا يضيع في ترداد كلمات هابطة وقصائد ركيكـة
أحمد الشايقي
| |
|
|
|
|
|
|
Re: الشاب مأمون سوار الدهب تحليق رهيب في علا ل (Re: أحمد الشايقي)
|
Quote: وأن يستعين بالكبار للتدقيق في النصوص التي يغنيها ويهبها التوزيع الموسيقي الصحيح ليت الأخ الموصلي يتعهده بالرعاية |
كدة حيضيع، إن كان لديه ما يقدمه بالفعل | أسوأ ألبومين من حيث الانتشار للفنان محمود عبد العزيز (سكت الرباب) و(خلي بالك) للتنظير غير الرشيد في الألبومين.
بينما نجحت ألبومات البدوي والسناري وبمجهودات القديل وغيره. |
| |
|
|
|
|
|
|
Re: الشاب مأمون سوار الدهب تحليق رهيب في علا ل (Re: Ahmed Yassin)
|
اجمل ما فيهو بيغنى مرتاااااااح لامن انت ذاتك ترتاح معاهو و عندو ثبات ما عادى لى زول فى متل سنّو هادى و مظهرو سودانى عادى ما زى ناس الجلبطة ديلاك لو فى محلو بلجأ لى عازف العود احمودى ك راعى لى و للتوجية و المتابعة و بمشى على المعهد للدراسة و بقول ليهو .. ما تستعجل على النجومية هى براها بتجيك و من متابعتى ليك فى رمضان ده شايف مهاب منشرح معاك و مهاب رضو بنرجى منّو الكتير فى دنيا الفن خليك معاهو ماب تجيك عوجة خليك معاهو .. ملب تجيك عوجة تب
| |
|
|
|
|
|
|
Re: الشاب مأمون سوار الدهب تحليق رهيب في علا ل (Re: جلالدونا)
|
سلامات عزيز نا جلادونا انا اليومين دي قاعد في السودان يا جلادونا . يمكن 70 × المية من الأمة السودانية أجمعت علي جمال صوت الشاب . الفرحة العمت الشعب بعد اكتشاف مأمون نفس الفرحة العمت السودان بعد ما مثل المنتخب السوداني السودان في أولمبياد ميونخ .
| |
|
|
|
|
|
|
Re: الشاب مأمون سوار الدهب تحليق رهيب في علا ل (Re: Ahmed Yassin)
|
أمس في الحلقة 8 الأمة كلها بكت لما مأمون طلع بي اغنية عبدالوهاب الصادق . حولا الأستاذة عازفة الكمان في الفرقة قربت تجد ع الكمان و تبكي مع الأمة الباكية. زي مأمون ده قالوا يظهر في مكان واحد في العالم كل 100 سنة . الحمد لله الظهر عندنا و من عندنا ح ينطلق الي العالم .
| |
|
|
|
|
|
|
Re: الشاب مأمون سوار الدهب تحليق رهيب في علا ل (Re: Osman Musa)
|
.. هذه الشاب مامون محمد الفاتح سوار الذهب... هذه صوت فريد لايشبه اى صوت غنائى من قبل..وليس يخضع الى اى تصنيف علمى موسيقى .فى تدرجات تصنيف الاصوات..الرجالية من كاونترتينور ثم تينور باريتون باس باريتون ثم باس و هذالصوت مريج وجمع كل هذه الطبقات الصوتية فى درجات تردد الصوت البشرى والمساحة الصوتية التى يغطيها صوت مامون وقدرة المزج بين القرار والجواب ..وحلية ربانية تعطى الصوت نكهة وطعم فيه كثافة التطريب وقوة الاداء العريض.. هذه المامون فلتة نادرة جدا..مرجعيته فى اداء انشاد المدائح اتاحت له ذلك التنغيم الرهيب..فى اسناد قوى للاداء الموسيقى للعازفين... هذه يحتاج الى حلقات كاملة له فى اغانى واغانى بدون اى شراكات اخرى..هذه الشاب لديه مقدرة شاذة وعالية فى ة هبش الدواخل واستدرار العواطف والتاثير الذى يفضح كل المشاعر الانسانية..ويكفى انه عندما غنى ست الريد ابكى كل من ود البادية وعم السر قدور ..والعازف الموسيقار ود المبارك وعازف الايقاع المليجى..والموسيقار بت شحاته..وخلف تاثير بليغ .واقر مدوى.. هذه الشاب ربنا يحفظه وهو لا يزال صغيرا يجب ان يعتنى به..فقد فرض وجوده بتمكن وقدرات واداء فذ وصوت قوى وفيه شحنات التطريب العالية.. هذه الصوت يتخللك ويسكن فى دواخلك بلا استئيذان ويبقى فيك صدىء ترديده.. ربنا يحفظك يا مامون سوار الذهباااااا
| |
|
|
|
|
|
|
Re: الشاب مأمون سوار الدهب تحليق رهيب في علا ل (Re: Osman Musa)
|
.. هذه الشاب مامون محمد الفاتح سوار الذهب... هذه صوت فريد لايشبه اى صوت غنائى من قبل..وليس يخضع الى اى تصنيف علمى موسيقى .فى تدرجات تصنيف الاصوات..الرجالية من كاونترتينور ثم تينور باريتون باس باريتون ثم باس و هذالصوت مريج وجمع كل هذه الطبقات الصوتية فى درجات تردد الصوت البشرى والمساحة الصوتية التى يغطيها صوت مامون وقدرة المزج بين القرار والجواب ..وحلية ربانية تعطى الصوت نكهة وطعم فيه كثافة التطريب وقوة الاداء العريض.. هذه المامون فلتة نادرة جدا..مرجعيته فى اداء انشاد المدائح اتاحت له ذلك التنغيم الرهيب..فى اسناد قوى للاداء الموسيقى للعازفين... هذه يحتاج الى حلقات كاملة له فى اغانى واغانى بدون اى شراكات اخرى..هذه الشاب لديه مقدرة شاذة وعالية فى ة هبش الدواخل واستدرار العواطف والتاثير الذى يفضح كل المشاعر الانسانية..ويكفى انه عندما غنى ست الريد ابكى كل من ود البادية وعم السر قدور ..والعازف الموسيقار ود المبارك وعازف الايقاع المليجى..والموسيقار بت شحاته..وخلف تاثير بليغ .واقر مدوى.. هذه الشاب ربنا يحفظه وهو لا يزال صغيرا يجب ان يعتنى به..فقد فرض وجوده بتمكن وقدرات واداء فذ وصوت قوى وفيه شحنات التطريب العالية.. هذه الصوت يتخللك ويسكن فى دواخلك بلا استئيذان ويبقى فيك صدىء ترديده.. ربنا يحفظك يا مامون سوار الذهباااااا
| |
|
|
|
|
|
|
Re: الشاب مأمون سوار الدهب تحليق رهيب في علا ل (Re: Osman Musa)
|
..
استاذ عثمان موسى.. مامون سوار الذهب.. هو احد مزامير داؤود..خصه الخالق العظيم بصوت قوى فيه تطريب عالى جدا..وفيه قدرات تموج فى ارتفاعه وانخفاضه فى تجاوب طروب بين القرار والجواب..وبشكل اداء كورالى مموسق ومنضبط ومتنجانس وكما ذكرت من قبل صوت فيه ميزة الاسناد الموسيقى للموسيقى والموسيقيين .. فى هارمونى فطرى ومتجانس فى جملته اللحنية الادائية (راجع الادء فى ست الريد) وهذه صوت يمتلك خصوصية وخصائص وهو صوت عريض قوى مبطن له قدرة فذة ,,ومامون بخبرة فطرية ومستمدة من اداء المدائح فى روحانيات ايقاعاتها تنبجس منها حالة ذلك التوافق الصوتى والاداء الجيد ومخارج الحروف ..وقدرة الابراز بتمكن فطرى وموهبة عظيمة اتمنى هذه الشاب ان يلتقى بموسيقى وملحن بارع يستطيع ان يوظف كل امكانيات هذه الصوت فى اداء موسيقى متميز..ومامون ادى اصعب ا لالحان تحس بالفرق بين الذى يؤديه ومشاركة الاداء فى اى دويتو تدرك فارق السماء من ارض..وتحس بانك امام خامة صوت جبارة وطاغية.. يطول الحديث عن هذه الشاب الفلته..النادر.. نتكنى له كل الخير..ومستقبل ..باهر..اااااا
| |
|
|
|
|
|
|
Re: الشاب مأمون سوار الدهب تحليق رهيب في علا ل (Re: عصمت العالم)
|
استاذ عصمت سلام واحترام وتقدير و شكر جزيل علي كل ما تكتب في حقل الفنون . أمس يا اخ عصمت كنت سعيد ب الفطور و حضور الحلقة الكاربة في حي العمدة . الحي الذي ترعرع فيه الشاب سوار الدهب . ما انفصل الحديث عن مأمون إلا لحظة صلاة المغرب . وتأ ني دور الحديث . لا عند بداية الحلقة . لحظة جا دور مأمون المفرشة كانت في صمت عجيب . مأمون شغل الدنيا .
| |
|
|
|
|
|
|
Re: الشاب مأمون سوار الدهب تحليق رهيب في علا ل (Re: Osman Musa)
|
سلام صاحب الذوق الرفيع عثمان موسي
تحية رمضانية لك و لضيوفك الكرام
لما سمعت صوت الابن مأمون لأول مرة تصورت أنه فيه شئ من الجيلي الصافي و شئ من
ليونيل ريتشي ... اتخيل لو مامون و ريتشي اجتمعوا و غنوا اغنية سودانية - انجليزية ..ههههه
معليش أعذرني لهذه الشطحة الفنية . واصل في الموضوع الجميل .
| |
|
|
|
|
|
|
Re: الشاب مأمون سوار الدهب تحليق رهيب في علا ل (Re: نعمات عماد)
|
بتنا العزيزة أستاذة نعمات سلامات ورمضان كريم . رمضان السنة دي يختلف بوجود سوار الدهب . الشاب فلتة . بالغ في تمويج صوتو البديع في اغنية ست الر يد . وبتخيل الشاب عندو الكتير من الدهب المدخور . ياريت لو امكانيات البلد ب تسمح بي مساعدة الشاب .
| |
|
|
|
|
|
|
Re: الشاب مأمون سوار الدهب تحليق رهيب في علا ل (Re: Osman Musa)
|
عثمان مساء الخير
مولانا عصمت العالم رمضان كريم
مولانا عصمت اول مرة اعرفك متخصص في علم الأصوات كلام جد جميل ورائع و بمهنية متميزة جدا وكل ما قلته عن هذا المامون يستحقه تماما
يا عثمان
اذكر مولانا مرتضى حامد عن بوست عن الجمال كان بوست رائع جدا و الناس بدت تكتب عن معايير الجمال وقد تباينت وجهات نظر جميع المشاركين عما هو الجمال؟
اذكر مرتضى بكتاباته الزي حلاوة مولد و تعرجات شوقي بدري قال لينا ( بالله شوفوا الفنان ود اللمين لما يكون في حالة سكون شين كيف (لاكيييييييييييييييييين) شوف الجمال و النور المشع من وجهه عندما يمسك العود و يدندن )
نفس الولد مامون دا يا عثمان انا اول مرة شفتو قلت الشغيل دا شنو كمان لكن لما غنى تغيرت لي كل ملامحه والله
| |
|
|
|
|
|
|
Re: الشاب مأمون سوار الدهب تحليق رهيب في علا ل (Re: Osman Musa)
|
يا دوب بقيت استمتع ببرنامج أغاني وأغاني بعد سماعي للشاب الفنان الموهوب مامون سوار الدهب... لديه إمكانيات رهيبة بس يختى التقليد ويشق طريقو ويخلق انتاجو ويبتعد من الغرور والمساحيق والرتوش ويكون على طبيعتو... الى الأمام ابننا الفنان مامون ... اوعك من الغرور ...
| |
|
|
|
|
|
|
|