السودانيين اخلاقم بقت ضيقة شديد ...!!!

Quote: ضيق المعايش بجيب ضيق الأخلاق

(عدل بواسطة ناذر محمد الخليفة on 04-12-2017, 09:58 PM)

Quote: دي سنة واحدة يا حبيب ناس ايمن دياب وش يقولون الله يهداك شفت شلون

Quote: السلام عليكم ورحمة الله وبركاته هذا شيْ طبيعي لسوء التعليم . مخرجات هذا التعليم بدات بالظهور والقادم أسوأ وهو قادم بسرعة كان لدينا أمل إختلاط الأجيال ولكن هجرة العقول والخبرات من الاجيال القديمة ستعجل من إنهيار قيمنا تلك . نسال الله اللطف ببلدنا

Quote: يا حليل دارنا بقت عذاب القمر والنجم غاب رحم الله الشاعر والنعام آدم مابندور نبقوا زي العربي القال بعد ان ضاقت به الدنبا بما رحبت حيث قل ايراده عبر وسيلته الوحيدة في نقل التراب فتأوه في حسرة: كان الله فرجا فرجا( فرجها) وكان ما فرجا ابنيع حماري دي اب نفرجا----- لغة حمر غرب كردفان

Quote: مافى شى اتغير ولكن المغتربين مواليد الخمسينات والستيبات والسبعينات والثمانينات وانا منهم ومغترب من متصف الثمانينات عشنا حياة محبه ورخاء عشان كدة لمن نرجع فى الاجازات بنشوف الناس اتغيرك ودا زمن ناس التسعينات والالفينات لوكو الصبر بسسسسسسسسسسسسسسسسسسسسسسس

Quote: أولاً حمدلله على السلامة يا باشمهندس وان شاء الله لقيت الأهل طيبين ، يا سيدى ليس هنالك شعب أرهق كما أرهق الشعب السودانى فى الثلاثين سنة الاخيرة هذى لكن اطمئن يا عزيزى نحن بس يفوتوا مننا اولاد الليل ديل و نرجع تمااام و يزول أثرهم بزوالهم الذى نتمنى الا يبقى لهم اثرا.

Quote: يا ناذر ازييك وكيفك وكيف لقيت تلاتة ؟ والله دي ملاحظة لكم كمان لمن تترصد الناس في اكلها وشرابها وكمان تخوفهم بتعمل اكتر من كدة لانو الناس بكونو فاقدين الامل وما شايفين في حل لانو حيلتهم قليلة . الموضوع واضح بس انت يا دوب شفتو لانك بعدت من مركز الحث وجيت تشوفو ك outcast كيف الصديق العزيز ناصر والاخوان والاخوات والاسرة الكريمة

Quote: غياب قانون العدالة .... وسيادة قانون الغابة يساوى اختلال فى موازين العدالة الاجتماعية والاقتصادية والتنموية ..... والمحصلة النهائية ثلث الشعب فى المصحة العقلية ..... والثلث ضيق فى الاخلاق فى طريقهم إلى الجنون ...... والثلث الأخير مصاب بالسادية يتلذذ بمعاناة الآخرين ..... اما المغتربين الفارين من جحيم لظى عليهم الاختيار للانضمام لإحدى المجموعات الثلاثة او ان يكونوا غرباء كما كانوا .....يا جماعة شيلوا الفاتحة .... السودان كان بلد طيب حدادى مدادى الله يرحمه ...... يلا قوموا قسموا الورثة كل واحد ياخد نصيبه .... دى حال الدنيا ما دوامة ..... ما تبكوا وتجرسوا هذا من صنع أيدينا ...... البكاء على الميت حرام...... ارفعوا الفراش بارك الله فى من زار وخفة

Quote: كل ابن ادم معرض للغضب والزهج فالوضوء يزيل الاحتقان والغضب ويريح البال والقلب كل ما تشعر بالغضب توضأ فقط سترجع كما كُنت إن شاء الله

Quote: سلامات يا هندسه اكل العيش والمعايش ضاغطه عليهم شديد المهم يلموها ولا يعبه الكثير بانها حلال ولا حرام

Quote: غايتو يا ناذر البلد انتهت خلاص وكل العادات والتقاليد والخصال السودانية السمحه انتهت واصبح السودان بلد بلا هوية ولا مميزات اجتماعية او ثقافية او اقتصادية كل شي ا صبحت معالمه مطموسة لا ادري بفعل فاعل ام بعل الزمن والظروف الضغوطات المعيشية الحاصلة وانا متاكد اجازتك الجاية الوضع بيكون ازفت من الان والله المستعان ... على العموم عودا حميدا مستطاب يا حبيب وادينا طلة في الرياض اذا لقيت وقت ..... لانو عايزين نسالك عن اشياء كثييييييرة لا يتسع المجال لذكرها الأن ..

Quote: الأخ مدثر لخص ليك المشكلة في المقتبس أعلاه .. اضف الى ذلك حرارة الجو في معظم السنة ... التي تغير المزاج الى الأسواء .. نسال الله ان يهدي الجميع .. وتتحسن الاوضاع الى الاحسن . .تحياتي ,, عااالم بطااالـــــــــــــــــــة ,,

Quote: أقول يا باشمهندس بعد السلام والتحيات والف حمدالله علي سلامتك وعودتك سالما غانما طبعا جيت وجبت الغبرة تاني لنواحي الغربية وجزء من المنطقة الوسطي .. الشاهد ...

Quote: وتحية للأخ ناذز والمتداخلين .. وياناذز حركتك دى ذاتها من وهمات المغتربين الفتحت ليها بوست .. ده حالتك سنة واحدة غربة فى السعودية القريبة دى .. أمّال الناس القرعتهم راحت فى الغربة يقولوا يا منو ؟؟..

Quote: لكن أخونا ناذر احتمال بس يكون عشان غاب عن الحاجات دي سنة .. زي لما تغيب عن الشمس يوم وتجي تاني يوم لو طلعت فيها ولو الدنيا برد حتقول سخانة شديدة خلاص :)

Quote: أخلاق الناس تغيرت وبقى الهم هم (الكنجالات) وبأى طريقة لأنو وبكل أسف الحكومة مشاركة المواطن فى قوت يومه ودونك أصحاب المهن المتواضعة فمثلاً ستات الشاى هذه الشريحة من النساء الضعيفات تفرض عليهن الرسوم وإيجارات الكراسى من المحليات زى دى تبيع كم فى اليوم لكى تطعم أسرتها أم تطعم عتاولة المحليات فبالله كيف ماتتغير أخلاق الناس فى بلد دا حالها من سنين ياخى فى حاجة ماقادر أستوعبها لحد اللحظة وهى أننا شعب (دفيع ) أى حاجة فيها رسوم نرضاها ولا نسأل ولا نناقش أها دى نسميها شنو؟ ياباشمهندس (لا يغير الله مابقوم حتى يغيروا مابأنفسهم ) وعموماً حمداً لله على سلامتكم ولاحظ نزولك للسودان بعد سنة واحدة فقط تغير شنو ولا شنو كن بخير يازول

Quote: المغترب ده عامل زي العربية المقرشة . . برجع البلد وقايل الدنيا واقفه في اخر نقطه . . عشان كده بتلقى المغتربين دايما نكاتم قديمه . . لكن كمان بتلقاهم محتفظين بي عادات قديمة حلوة . . والتغيير ده حصل من زمان بس ناذر ما لاحظ الا بعد شاف الصورة من بعيد . . ياخي السودانيين من شدة العصره بطلو القطيعه

Quote: أتفق مع الأخ مدثر صديق فى أن السبب الرئيسى هو إزدياد الزحمة مع نفس الخدمات المحدودة القديمة .. إدارة المدن وتخطيطها ورفدها بالخدمات لبلوغ حد أدنى من رضا المواطن ليس أمراً هيناً .. الناس زمان قانعة بأقل القليل لا تلفزيونات لا ثلاجات لاتلفونات ولا مواصلات ولا ولا وكان مستوى الرضا والقناعة مرتفعينئ والناس سعداء رغم شظف العيش والكِسرة والويكة وو.. فجأة إنفجرت العاصمة وبلغ الناس هلع الدنيا وحب الإستحواذ وإمتلاك المتاع فإستعر التنافس على الدنيا.. وصدق الرسول الكريم فى قوله (والله ما الفقر أخشى عليكم، ولكنِّي أخشى أَنْ تُبْسَط عليكم الدُّنيا كما بُسِطَتْ على من كان قبلكم، فتَنَافَسُوها كما تَنَافَسُوها، وتهلككم كما أهلكتهم) .. حيجى واحد يقول لى وينها الدنيا الإنبسطت ، وأقول قارن مستوى عيش أجدادنا وشباب اليوم .. إذن، فإن إزدحام المدن يجعل المنافسة شرسة .. وكما أشار الأخ مدثر، لاحظ المستوى العام لأخلاق المصريين بالسودانيين .. تجد أن تكدس أغلب سكان مصر فى الدلتا جعلت الشعب المصرى فى حضيض سوء الخلق ..

Quote: والله يا ناذر ومهما السودانيين بقت اخلاقهم ضيقة لكن هم على الرغم من ذلك اطيب شعب في الدنيا واذا اي شعب تاني مر بالظروف المر بيها شعب السودان كانو عملوا الهوايل..لكن شعب السودان هو الشعب الصابر على المكاره ولا يستحق كل هذه الابتلاءات التي يمر بها... هناك الف والف سبب لضيق الاخلاق ..ولكن السودانيين هم ذوي المروءة والكرم والنخوة السودانية الاصيلة... ودائما بعد الكرب فرج

Quote: الأخ ناذر تحياتي التغيير سنة من سنن الحياة، والمجتمعات لها خصائص ونفس زي البشر بالضبط فالمجتمع السعودي ترك فيك أثرا بسبب عيشك فيه لمدة عام، ثم ما لبثت ان عدت للسودان فلمست التغير الهائل مما يتطلب منك ( التهيئة) - Adabtation لفترة قد تطول أو تقصر وبالتالي فإن إجازة شهر واحد غير كافية لهذه النقلة المعرفية فلا تبتئس يا صديقي فطول سنوات غربتك وترحالك بين هنا وهناك ستكون مثل ( لا مؤاخذة) ديك السوق، تمشي ( مدلدل) وترجع ( مدلدل) وبالتالي لن تجد تفسير لأمور كثير هنا وهناك.... فالله يعيننا ويعينك على ما نحن فيه........

Quote: ناذر سلام ما اعتقد خلال سنة واحده اختلفتت اخلاق السودانيين ولكن الاختلفت تجربتك من خلال تعامل مع بيئه مختلفه وناس اسلبوبهم مختلف في التعامل عشان كده ظهرت قدامك ضيق اخلاق السودانيين ودي صفه قديمة لكن ما بنحسها الا لما نغترب

Quote: من الضيق العليهم يا صاحبي .

Quote: شكرا ناذر يا عزيز على اثارة الملاحظة لو سقت العربية في الخرطوم كمان تلاحظ انه أقل لفة يمين ولا شمال ممكن تدخل في مشاجرة السواقة الذوق انتهت والشباب السايقين عربات وغيرها في ضيق شديد ومصارعة وخطف الطريق والسماح بالمرور كلها أصبحت في خبر كان نسبة حمل السلاح الأبيض والناري كذلك في ازدياد وكثيرا ما ينصحني الأصدقاء بضرورة اصطحاب المسدس ... أصلا العكاز في الضهرية الخرطوم لم تعد الخرطوم وللأسف مع كل الزيادات السكانية يا ليت لو الخرطوم بقيت كما كانت بالعكس هي تتناقص وكل يوم والتاني تسمح بمصادرة ميدان والبناء عليه بنايات خاصة ومساجد الجماعات إياها (عليكم بالوضوء) أحمد الشايقي