|
|
|
 Re: السد العالي هدف عسكري مشروع ... (Re: Salah Zubeir)
|
والله دي عوجة لكن
السد العالي عديييييييييييييييل كده
وزي ماقال الراجل بعد داك الناس يقولوا
كانت هنا دولة
الشغلانية بالجد حتكون معقدة صاح
وأي حسابات غلط نتائجها وخيمة شديد
اللهم س نسألك الستر في الدنيا والآخرة
| |
 
|
|
|
|
|
|
|
|
Re: السد العالي هدف عسكري مشروع ... (Re: سيف النصر محي الدين)
|
| Quote: ما أظن السودان عنده اي قدرة للقيام بالعملية دي. |
إتا يا يا دكتور سيف ما عارف لكن المصريين عارفين ...
عارفين انو اذا إنطلقت رصاصة واحدة في اي إتجاه فمستقبل
مية مليون مصري صارت في كف عفريت ...
السودان فيهو جيش نظامي له تاريخ طووووويل في الحروب
داخليا" وخارجيا" ... غير كدا يا دكتور في حاجة اسمها الشعب
السوداني وهو الرهان ... إذا ال 35 مليون سوداني ديل كلو
واحد شال ليهو صباع دانميت ومشي حلفا بفرطقو السد فوق
راس المية مليون.
طبعا" يا دكتور دا كلام ناس نحنا ناس قريحتي راحت لكن
حقيقي البنقولو هنا لابد أنه درس وخطط له بعلم الطرفين.
ويعلم الطرفين قدرات كل منهما والأخر....
| |
|
|
|
|
|
|
|
|
|
Re: السد العالي هدف عسكري مشروع ... (Re: Salah Zubeir)
|
Quote: غير كدا يا دكتور في حاجة اسمها الشعب السوداني وهو الرهان
|
ياتو شعب سوداني البيراهن عليهو النظام ، و البيحلموا بالنهار ديل ؟
عاوزنهم يمشوا يكاتلوا ليهم تااااااني !
مُش كفاية الطلعوهم فطايس و قلوب أمهاتهم لسه ما بردت من الحرقة عليهم
| |
|
|
|
|
|
|
|
|
|
Re: السد العالي هدف عسكري مشروع ... (Re: kamal omer)
|
الحاجة (أختنا الكبيرة) متابعة البوست دا .... ضربت لي قبل
شوية قالت لي (وووووب عليك يا صلاح ود ابوي) قتا ليها
خير في شنو ... قالت لي المناضلين جووك في بوستيك ....
ههههههه يا كمال عمر الجاب سيرة النظام هنا منو .......
البوست رجاء" خاص بالسودانين في مقابل المصريين ...
أي نعرة نضال خاصة بالشيوعيين والكيزان وهلماجرا يرجي
توجيهها الي أي بوستات اخري.
| |
|
|
|
|
|
|
|
|
|
Re: السد العالي هدف عسكري مشروع ... (Re: Salah Zubeir)
|
يا صلاح حدث قبل حوالي العشرين سنة انو الجيش المصري
دخل حلايب و الشلاتين و ازال كل مظاهر الوجود الرسمي السوداني و أعلن
احتلال تلك المناطق رسميا و جيشنا ما حرك حتى إصبع واحد..
ياخي اسرائيل قصفت داخل السودان اكتر من مرة و ما كان في اي ردة فعل.
عشان كده ما تشكر لي الراكوبة في الخريف و انا في الحقيقة اقدر مشاعرك
الوطنية و لكنك متكل على حيطة مايلة يا اخوي.
اما الشعب فتوفعاتي انه سيرفض خوض اي معركة نيابة عن نظام القتلة و اللصوص.
| |
|
|
|
|
|
|
|
|
Re: السد العالي هدف عسكري مشروع ... (Re: سيف النصر محي الدين)
|
اذا هاجم اخوان السودان السد العالى واسقطوه
فالمية مليون مصرى ديل ح يجوك ويعيشوا معاك في السودان
فمعروف عبر التاريخ ان البشر يتحركون الى مصادر
المياه والاراضى الخصبة اذا لم يجدوا ما يسد رمقهم .
وامامك حل واحد هو استخدام السواطير لذبحهم كما
فعل الهوتو بالتوتسي في رواندا ...... سلام
| |
|
|
|
|
|
|
|
|
|
Re: السد العالي هدف عسكري مشروع ... (Re: درديري كباشي)
|
يا عمر تحياتي ....
الما قادر افهموا من جل المناضلين خلال الأيام الفاتت شايلين
الدلاليك والشتم ودايرين (المصريين) يكملو الست ضربات جوية
بتاعت ليبيا بي ستة ضربات اخري داخل السودان ضد (الاخوان)
التكنو اخوان السودان ديل معروف احداثياتم ولا الفهم يضرب
(سودان الإخوان) أما سودان المناضلين فهو خارج السودان ...
يا عمر يا اخوي إذا ضرب السد العالي ودمر لن يكون بواسطة
الإخوان وإنما بواسطة سودانيين صبروا طويلا" علي الصلف
والتعدي المصري علي بلدهم ....
| Quote: اذا هاجم اخوان السودان السد العالى واسقطوه |
| |
|
|
|
|
|
|
|
|
|
Re: السد العالي هدف عسكري مشروع ... (Re: Salah Zubeir)
|
يا صلاح كدي قول بسم الله
و أختكم الكبيرة ربنا يحفظها معاك تصلي على النبي
مناضلين شنو و الكلام الكبار كبار ده
نحنا ما انفكينا من حرب أهلنا البنكتلهم سنبلا سااااي كده
ومن البيجيبوهم لينا في ( صناديق ) من بره
كمان ( بتتمنى ) حرب تاني
و تصوم و تفطر على خير
| |
|
|
|
|
|
|
|
|
|
Re: السد العالي هدف عسكري مشروع ... (Re: Salah Zubeir)
|
Quote: الصراع بين مصر والسودان لن يتجاوز مرحلة ( فك وأنا بفك ) أي زي ما بيقولوها المصريين ( سيب وأنا أسيب ) العقل والواقع كمان يقولوا كدا
|
استاذنا الدرديري ... رمضانك سوداني ....
تعرف يالدرديري المرة دي بعد ما اتفكو الحكاية جابتلها لكيد شي في الجضوم وشي في البطن عشان كدي كلو واحد فيهم بقي يفتش يدي
الضربة القاضية وين .... المصري المعفن ما عارف الضربة حا تجيهو
كيف و وين ...
| |
|
|
|
|
|
|
|
|
|
Re: السد العالي هدف عسكري مشروع ... (Re: Salah Zubeir)
|
صلاح الزبير تحياتي. التفكير بهذا الشكل مدمر و خطر و مخيف و الخاسر الاكبر فيه هو السودان و اهل السودان. السد العالي الان يكاد يكون خارج الخدمة. و لكن قارن اذا ضربت مصر خزان سنار. يعني ذلك خروج اكثر من اثنين مليون فدان عن الخدمة و نفوق الملايين من الماشية و تعطيل كامل لما تبقى من الصناعات المرتبطة بالزراعة. في هذا الوقت من المهم ضبط الخطاب حتى ولو على المستوى الشخصي فالامر لم يعد يتقبل اطلاق الكلام بدون التبصر لعواقبه و تقبل تحياتي.
| |
|
|
|
|
|
|
|
|
|
Re: السد العالي هدف عسكري مشروع ... (Re: عبدالله محمد أحمد)
|
| Quote: السد العالي الان يكاد يكون خارج الخدمة |
مرحب بيك عبدالله ....
عبدالله بحيرة السد العالي بها 164 مليار متر مكعب من المياه العذبة
ويتحكم السد في تصريف هذه المياه للمواسم الزراعية موسم القمح
وموسم الأرز.... الخ إذا تم تدمير السد غايتو السيسي إلا يشركو ليهو
عند الشواطيء الإيطالية....
أخي عبدالله ما قام به المصريين في الأسبوع الأخير من عدوان مباشر
علي السودان بتسليحم لحركات دارفور ودعمها لاحتلال عواصم ولايات
دارفور الخمسة ومن ثم التوجه الي المركز من دارفور وجنوب كردفان
بواسطة قطاع الشمال وحلفائه في الحركة الشعبية وجيشها ... يعتبر
تدخلا" لتغيير نظام الحكم في السودان .... وبعد انكشاف المخططات
المصرية لجأ السيسي كعادته في قتل مسيحي المنيا كذريعة لضرب
الدواعش في ليبيا لمساندة حليفه حفتر وترك الباب مفتوح لضرب
السودان تحت اي ذريعة ...
لو ضرب السيسي كل الخزانات والكباري داخل السودان لن تمثل
10% من خسارة السد العالي ....
| |
|
|
|
|
|
|
|
|
|
Re: السد العالي هدف عسكري مشروع ... (Re: Salah Zubeir)
|
صلاح تحياتي مجددا. لا اختلف معك كثيرا و لكن تفكيرنا في ضرب السد العالي سيعرضنا لخسارة اكبر. لاحظ اننا حتى الان عاجزون عن استرداد حلايب و شلاتين كما اننا لا نملك دفاعات ارضية متطورة و لا رصد جوي دقيق و لا قوات جوية ضاربة. تخيل ان جسر بري و جسر النيل الازرق و جسر النيل الابيض قد خرجوا عن الخدمة بضربات جوية لا نملك لها ردا!!!!. من الافضل ان نمد رجولنا حسب طول لحافنا. تحياتي.
| |
|
|
|
|
|
|
|
|
|
Re: السد العالي هدف عسكري مشروع ... (Re: Salah Zubeir)
|
و نحن بالاكتر يا حبّة
يا صلاح ليه طيلة الصراع المصرى الاسرائيلى
اسرائيل لم تفكّر خليك من تحاول مهاجمة السد
و خاضة فى حرب 67 و قد اصبح هدفاً مكشوفاً
تمشى تحاول تهاجمو اسرائيل ح تطقطقك زى ما انا قاعد اطقطق صاحبك داك
ف نصيحة ليك انسى الحتّة دى نحنا ما قدرا
| |
|
|
|
|
|
|
|
|
|
Re: السد العالي هدف عسكري مشروع ... (Re: جلالدونا)
|
| Quote: سرائيل لم تفكّر خليك من تحاول مهاجمة السد و خاضة فى حرب 67 و قد اصبح هدفاً مكشوفاً |
يا جلال أكبر قنبلة تحملها الطائرات الحربية من لدن B52 الي اظنو B117 ممكن تكون واحد طن متفجرات .... السد العالي محتاج لي 30 قنبلة ام واحد طن ومحتاج علي أقل تقدير لي 30 طائرة تضرب في نفس الوقت ... يعني 30 طن متفجرات تنزل في أماكن محددة في جسم السد في توقيت متزامن
أو
تقوم بهذا العمل manually ... وكلو ممكن ....
ههههههه جاهزين يا عمك .... وإسرائيل موقعها الجغرافي للسد لم يسمح
لها حتي بالتهديد ....
| |
|
|
|
|
|
|
|
|
|
Re: السد العالي هدف عسكري مشروع ... (Re: Salah Zubeir)
|
ذكرتني هتافات الكيزان ايام حرب الخليج!
بالكيماوي يا صدام السد العالي يا صدام :)
كدي اليرجعوا لينا حلايب وحلفا! أول ..
هسي قريب دا مش إحتلوا قرى حلفا أمام عيونهم ومافي
زول قال بغم منهم! الآن كل أهلنا من قرى فرص ودبيرة،
وارقين شرق وغرب مروراً ببقية القرى حتى أشكيت
أصبحت داخل الحدود المصرية..
عموماً فكرة البوست تنم عن كراهية للشعب المصري نفسه
مش حكوماته فقط!!!
| |
|
|
|
|
|
|
|
|
|
Re: السد العالي هدف عسكري مشروع ... (Re: Ahmed Alim)
|
""السودان فيهو جيش نظامي له تاريخ طووووويل في الحروب داخليا" وخارجيا""
ده كلام فارغ ساكت ولا علاقة له بالواقع ولا الحقائق.
الجيش السوداني جيش بلا عقيدة، وهو جيش غير مؤهل عسكريا وتكتيكيا، وفي نفس الوقت يمتلك معدات عسكرية عتيقة لا تصلح حتى لحرب العصابات، ومعظم قياداته هي قيادات فاشلة وتنتمي الى حركة الاخوان المسلمين الفاشية. يكفي أن شخص أضحوكة مثل عبد الرحيم كان وزيرا للدفاع في السودان ولفترة طويلة جدا.
وعندما نسمع شخص مثل حميدتي قائد قواد مليشيا الجنجويد القبلية العنصرية، والذي لجئت اليه الحكومة السودانية لخوض حروبها القذرة في السودان، يسخر من إمكانيات الجيش السوداني ومقدراته، نعلم جيدا أن الجيش السوداني جيش منتهي ولم يعد قادر على شيء.
تاريخ الجيش السوداني هو عبارة عن إنقلابات عسكرية وخوض حروب أهلية داخلية.
| |
|
|
|
|
|
|
|
|
|
Re: السد العالي هدف عسكري مشروع ... (Re: Deng)
|
حتى اليوم اطلق الحوثيون اكثر من مائة صاروخ باليستي على أهداف جنوب المملكة السعودية
انا شخصيا شاهدت تلاتة واحد منهم وقع حطامه على بعد 800 متر من منزلي.
اقول لك حاجة: ولا واحد قدر يصيب اي هدف!
قال السد العالي قال
(سجل عندك مناضل في المعاش)
رمضانك كريم انت والحاجة
| |
|
|
|
|
|
|
|
|
|
Re: السد العالي هدف عسكري مشروع ... (Re: MOHAMMED ELSHEIKH)
|
ربنا يكرمك يا ود الشيخ ورمضانك سوداني ....
يا زول صواريخ شنو وطيارات شنو .... الناس تمشي كداري
شايلين شنط الضهر ابو 10 كيلو دنميت يعني كلو مية شنطة
تعمل واحد طن يعني 3000 بيعملو 30 طن ... يخشو بعد كدا
ناس الهندسة المفروض حددوا وين توضع المتفجرات ومعاهم
ناس الكهرباء والتمديدات لتوصيل زر التفجير مع ال load ...
الشغلانه ما دايرا درس عصر ......
اهو الناس ألفي المعاش ديل قالو يرسلوهم في اللول عشان
تقوم فيهم الألغام ... هههه تعيش وتحيا مناضلا" صنديدا" ...
| |
|
|
|
|
|
|
|
|
|
Re: السد العالي هدف عسكري مشروع ... (Re: Deng)
|
| Quote: ده كلام فارغ ساكت ولا علاقة له بالواقع ولا الحقائق. |
البرادعي وووووب علينا جد جد .... يردو عليك وووب يرشوك
وووبين ... خلينا نرد عليك وإذا جابت ليها كلام زيادة نتعامل
معه في حينه ...
والله يا دينق أعلم تماما" إنك إتا دا لا علاقة لك بأي واقع أو
حقائق تخص الجيش السوداني ... معلوماتك عن عقيدة الجيش
وتسليحو واداوه معلومات قديمه جدا" ... ياخي قوقل عشان
تعرف وتتعلم وتعمل updating ...
يحسب للقيادة العسكرية للجيش السوداني استعانتها بالدعم
السريع في حسم حرب العصابات في دارفور ولو كانت حرب
الجنوب مستمرة لكان الدعم السريع انجع علاج.
| Quote: تاريخ الجيش السوداني هو عبارة عن إنقلابات عسكرية وخوض حروب أهلية داخلية. |
دا نتيجة لي عيوب في النظام السياسي السوداني ... الجيش
أداة من ضمن أدوات الدولة استعملت استعمال سيء من قبل
القيادات السياسية في البلد ايا" كان مصدر هذه القيادات من
الأحزاب ام الجيش نفسه ...
| |
|
|
|
|
|
|
|
|
|
Re: السد العالي هدف عسكري مشروع ... (Re: Ahmed Alim)
|
| Quote: عموماً فكرة البوست تنم عن كراهية للشعب المصري نفسه مش حكوماته فقط!!! |
دي جديدة اووووي ... النيكست ستب حا تقول لي إتا واحد خائن لأنك
بتكره الشعب المصري .... إحساس الكراهية للمصريين المفروض يكون
إحساس أصيل عند النوبيين السودانيين عطفا" علي التاريخ والجغرافيا.
| |
|
|
|
|
|
|
|
|
|
Re: السد العالي هدف عسكري مشروع ... (Re: Salah Zubeir)
|
Quote: البرادعي وووووب علينا جد جد .... يردو عليك وووب يرشوك وووبين ... خلينا نرد عليك وإذا جابت ليها كلام زيادة نتعامل معه في حينه ... والله يا دينق أعلم تماما" إنك إتا دا لا علاقة لك بأي واقع أو حقائق تخص الجيش السوداني ... معلوماتك عن عقيدة الجيش وتسليحو واداوه معلومات قديمه جدا" ... ياخي قوقل عشان تعرف وتتعلم وتعمل updating ... يحسب للقيادة العسكرية للجيش السوداني استعانتها بالدعم السريع في حسم حرب العصابات في دارفور ولو كانت حرب الجنوب مستمرة لكان الدعم السريع انجع علاج.
|
المعلومات الموجودة في الوكبيديا غير دقيقة، وواضح جدا أن مصدرها هو النظام الحاكم في السودان، ومشكلة الوكبيديا هي أن أي زول ممكن يمشي يكتب فيها معلومات تخدم أهدافه.
طبعا أنت بتكون ما بتعرف حاجة عن حرب الجنوب، موضوع المليشيات هذا تم أستخدامه في حرب الجنوب ولكنه فشل.
هل تتزكر المليشيات الجنوبية التي كانت تقاتل الى صالح الحكومات المتعاقبة في الخرطوم؟
هل تتزكر مليشيات قوات المراحيل؟
أي معركة يدخلها الجيش السوداني ضد الجيش المصري تعتبر إنتحارا.
| |
|
|
|
|
|
|
|
|
|
Re: السد العالي هدف عسكري مشروع ... (Re: Salah Zubeir)
|
Quote: دي جديدة اووووي ... النيكست ستب حا تقول لي إتا واحد خائن لأنك
بتكره الشعب المصري .... إحساس الكراهية للمصريين المفروض يكون
إحساس أصيل عند النوبيين السودانيين عطفا" علي التاريخ والجغرافيا. |
:)
ثقافة الكراهية دي هي الجديدة على الشعب السوداني!
في فرق بين الشعب السوداني وحكومته الدموية وبين كل
شعوب الارض وحكامها!!فيا خينا، حاول اكتفي بالكراهية
دي لروحك بس، وما تحاول تفرضها على النوبيين او غيرهم!!
وكمان لو تخلصت منها فدا يكون شئ جميل :) تحياتي
| |
|
|
|
|
|
|
|
|
|
Rem: السد العالي هدف عسكري مشروع ... (Re: sadig mirghani)
|
| Quote: أي معركة يدخلها الجيش السوداني ضد الجيش المصري تعتبر إنتحارا |
غايتو المصريين لو سمعوك حا ينططو عيونم ويهزوز راسم وما بعيد
يعتبروك امريكي ما فاهم حاجة وبمشوها ليك ....
دينق ابوي الله يرحمو رقيب مدرعات قضي وقت طويل جدا في الجنوب
فالعارفو انا عن الجنوب كتير وكثير جدا"....
ود الشيخ كنانة كانت حفر لكن دي لو ما اتاكدتا إنو التفجير تم طالع وين؟
| |
|
|
|
|
|
|
|
|
|
Re: السد العالي هدف عسكري مشروع ... (Re: sadig mirghani)
|
| Quote: من يدافع عن السودان في وضعه الحالي فهو منافق |
امش خش في البوست دا عشان تهري فشفاشك ... واحد بيحتفي بي
مصطفي الفقي العايز يحتل السودان في يومين ... والتاني الحاقد بتاع
قطيع الشمال ..... غايتو بوست مش يخليك تفتح بوست بتاع تفجيرات
ديل لو لقيتم العضعيض في نص الرأس.
الصادق تحياتي ...
| |
|
|
|
|
|
|
|
|
|
Re: السد العالي هدف عسكري مشروع ... (Re: Salah Zubeir)
|
لو أنت بتفتكر أنو أنت عندك جيش ولا قوات من الممكن أن تهزم الجيش المصري، فذلك يوضح لنا لماذا خرب السودان في عهد الكيزان.
ياخ أنت عندك وزير دفاع كان يتحدث عن الدفاع بالنظر، وأنو الطائرات المهاجمة كانت بتطفي أنوارها وبتجي وقت الصلاة!
ده غير حرامي الحمير البقا فريق وصار يفتي حتى في مقدرات الجيش ويتهكم عليها.
حميدتي في أحدا تصريحاته قال في ما معناه:
الحكومة جاتنا وقالت عاوزة مساعدة، ولمن يبقى عندها جيش خليهم يجوا يشيلوا المسئولية.
| |
|
|
|
|
|
|
|
|
|
Re: السد العالي هدف عسكري مشروع ... (Re: Deng)
|
| Quote: لو أنت بتفتكر أنو أنت عندك جيش ولا قوات من الممكن أن تهزم الجيش المصري، فذلك يوضح لنا لماذا خرب السودان في عهد الكيزان. |
يا أخونا دينق الذي كان سودانيا" يوما" ما .... أي سوداني علي قناعة تامة
إنو الجندي السوداني لا مثيل له في كل الدول من حولنا ودي حقيقة شاء
من شاء ... ونزيدك من الشعر بيت ... في عهد الفريق عبدالرحيم محمد حسين سوف يذكر تاريخ الجيش السوداني أن التصنيع الحربي تطور
وصار يصنع كل احتياجات القوات من رصاص المسدس الي مقذوفات
المدافع زنة 500 كيلو وتم تصنيع حاملات الجنود والمدرعات بجميع
انواعها كما تم تصنيع طائرات الاستطلاع بدون طيار وطائرات الهجوم
بدون طيار وجاري تطويرها .... والكثير الكثير المثير الخطر .... انا ما
قتا ليك امشي زاكر في قوقل ....
طبعا" شتيت الكورة بتاع إني كوز ما حا يفيدك لأنك لو كنتا وزير
دفاع بهذه المنجزات كتا قلتا كرموني.
| |
|
|
|
|
|
|
|
|
|
Re: السد العالي هدف عسكري مشروع ... (Re: Salah Zubeir)
|
الحاجة الوحيدة الناس ح تتذكر بيها الهطلة دة
| Quote: في عهد الفريق عبدالرحيم محمد حسين |
هو الذفاع بالنظر هههههههههههههها
وبعدين لو الموضوع رجالة حلايب دي محتلنها جبهة النصرة ؟
فوق يا راجل فوق اصحا صحصح .
م متخيل انو السودانيين بقو يحبو الدمار ك\ة وبعد دة كلو يجو يقولو امريكا ليه م ترفع الحظر ؟
انت قايل كلامك دة م بصل المخابرات المصرية وبترسلو للمخابرات الامريكي؟
وكلامك بتاع بنصنع وبنعمل وعندنا خاتبني لي شنو ؟ اهو ديك حلايب ولا شلاتين ؟
وما استعملتو ف اليمن ليه ؟ ضبحوكم زي الجداد .
ياخ انتو عجيبين والله وعندكم قوة عين وكذب ونفخة؟؟؟؟؟؟؟ الله يطقكم كلكم.
| |
|
|
|
|
|
|
|
|
|
Re: السد العالي هدف عسكري مشروع ... (Re: Salah Zubeir)
|
كلامي كلو فطيتو ومسكت في يطقكم دي
طيب انت بفهمك الانتحاري دة فهمت يطقكم دي على هواك ... اقرا الكلام القبلها ( نفخة) وكان ما بتفهم افهمك الله (يطق نفختكم)
ويظهر كضبكم وخوفكم من المصريين دة .
قال السد العالي هدف مشروع
انت بتحلم ؟
السد العالي دة فاكة ساكت زي سماكم المستبيحاهو الطيارات من كل الدول ( امريكا - اسرائيل ومصر دي القلت عاوز تفجر سدها دة )
ودي الكلام التحت دة لي اسيادك
السد العالي مراقب باقمار صناعية من نهاية التسعينات
طبعا غير الكاميرات الامنية والاستخبارات
يلا امش حاول فجرو .
| |
|
|
|
|
|
|
|
|
|
Re: السد العالي هدف عسكري مشروع ... (Re: Osama Mohammed)
|
| Quote: م متخيل انو السودانيين بقو يحبو الدمار ك\ة وبعد دة كلو يجو يقولو امريكا ليه م ترفع الحظر ؟ انت قايل كلامك دة م بصل المخابرات المصرية وبترسلو للمخابرات الامريكي؟ |
دا كلامك الفطيتو .... إذا إتا سوداني حقو ترجل شوية تبطل الجقلبة دي.
| Quote: قال السد العالي هدف مشروع انت بتحلم ؟ |
أيوا يا سيدي من حقي أحلم بإزالة السد العالي عشان يرجع حق بلدي
السودان السرقوهو اولاد بمبة من قري ومدن وناس اتشردت وتاريخ
اندثر وسوف أظل اسعي لتحقيق هذا الحلم حيا" وميتا".
| Quote: ودي الكلام التحت دة لي اسيادك |
ماهو عشان اشتغل ليك ماسنجر حقو اعرف انتا بتت############ لأي جهة بالظبط.
| Quote: السد العالي مراقب باقمار صناعية من نهاية التسعينات طبعا غير الكاميرات الامنية والاستخبارات يلا امش حاول فجرو. |
امشي قول لي الرسلك بالكلام دا مادام السد موجود علي حدود
السودان ... سوف يقوم شعب السودان بتفجيره متي ما قرر ذلك
ولن تعصمك الأقمار الصناعية أو الكاميرات أو المية مليون
زلنطحي القاعدين وراهو.
another gariba is shining
| |
|
|
|
|
|
|
|
|
|
Re: السد العالي هدف عسكري مشروع ... (Re: Salah Zubeir)
|
يعني الواحد ما يشغل عقلو معاكم؟
اذا كنت انت شبيه فرنكي ولا جن احمر داك لازم تشوف اي زول بتكلم بي عقل زي غريبة .
اما قصة مرسلك دي جد ضحكتني الحمد لله لا بمجد عصابة وحرامية قتلو الشعب وسرقوهو ولا منتمى لاي حزب ولا جماعة ولا طائفة .
و مصر دي اهو اهلي في حلفا القديمة ما حصل مشيتها ولا عديت بوابة الميناء ولا داير امشيها في حياتي لاني عاشرت المصريين وعرفتهم بس ما بتمنى موتهم بالطريقة الهمجية بتاعتك دي .
فلو في زول عندو حق انا من الناس العندهم حق لكن الحمد لله نحن النوبيين ناس مسالمين وما بنتمنى ندمر الناس ولا نقتلهم عشان خاطر عصابة وشوية صعاليق البني ادم عندنا كائن مقدس مهما كان .
ولو انت بتفهم في واحد فوق وراك بالضبط الممكن يحصل .
بدل المهاترات دي قلنا ليك عندك اهو ديك حلايب وشلاتين امشي عليهم بدل الاحلام والهلوسة دي .
زايغ من الحتة دي مالك انتا الراااااجل دة امشي حلايب بطل انت جقلبة .
قال السد هدف عسكري مشروع !!!!!!!!!
| |
|
|
|
|
|
|
|
|
|
Re: السد العالي هدف عسكري مشروع ... (Re: Osama Mohammed)
|
Quote:
يا أخونا دينق الذي كان سودانيا" يوما" ما .... أي سوداني علي قناعة تامة إنو الجندي السوداني لا مثيل له في كل الدول من حولنا ودي حقيقة شاء من شاء ... ونزيدك من الشعر بيت ... في عهد الفريق عبدالرحيم محمد حسين سوف يذكر تاريخ الجيش السوداني أن التصنيع الحربي تطور وصار يصنع كل احتياجات القوات من رصاص المسدس الي مقذوفات المدافع زنة 500 كيلو وتم تصنيع حاملات الجنود والمدرعات بجميع انواعها كما تم تصنيع طائرات الاستطلاع بدون طيار وطائرات الهجوم بدون طيار وجاري تطويرها .... والكثير الكثير المثير الخطر .... انا ما قتا ليك امشي زاكر في قوقل .... طبعا" شتيت الكورة بتاع إني كوز ما حا يفيدك لأنك لو كنتا وزير دفاع بهذه المنجزات كتا قلتا كرموني.
|
"التصنيع الحربي" السوداني في عهد الكيزان من المكن أن تحاربون به بعض قوات المعارضة في السودان، ولكن لا يمكن أبدا أن تدخلون مع دولة جيشها محترف ومسلح بأحدث أنواع الأسلحة الأمريكية والعالمية.
من السهولة جدا أن تقوم مجموعة طلبة جامعين بتصنيع دبابة، أو طائرة من غير طيار وتعمل بالرموت كنترول، ولكن الشئ الذي يختلف هنا هو نوع التكنلوجيا المستخدمة في هذه المعدات العسكرية، يعني مثلا هل تستطيع مصانع أسلحة الكيزان أن تصنع مثيلة لدبابات الجيش المصري الأمريكية؟؟
بعدين أنت قايل أي طائرة من غير طيار خلاص هي نفس الطائرة التي يستخدمها الجيش المصري مثلا؟؟
كلامك البتكتب فيهو ده فضيحة.
| |
|
|
|
|
|
|
|
|
|
Re: السد العالي هدف عسكري مشروع ... (Re: Osama Mohammed)
|
| Quote: اذا كنت انت شبيه فرنكي ولا جن احمر |
الله يسامحك يا جلال ... بكرة يجيك المستنير يقول ليك ود فرانك. | Quote: بدل المهاترات دي قلنا ليك عندك اهو ديك حلايب وشلاتين امشي عليهم بدل الاحلام والهلوسة دي |
حلايب وشلاتين وابورماد وكل القري جنوب خط 22 حول نهر
النيل الي جبل العوينات وانسحاب كل عملاء الإستخبارات
المصرية من السودان وتحرر السودان من كل التبعات المصرية
في السياسة الخارجية والاستثمار وفتح التفاوض من جديد في
توزيع مياه النيل ..... كل دا مع أي إضافات أخري في مقابل
التوقف عن استهداف السد العالي. it's one package
دا ما تراهو احلام وهلوسه وبكرة تشوف الجد جد ....
| |
|
|
|
|
|
|
|
|
|
Re: السد العالي هدف عسكري مشروع ... (Re: Salah Zubeir)
|
الايام دي انا شغال جادي شديد
اي واحد يقول لي حلايب سودانية اقول ليهو ياها ديك حلايب اطلع امشى حررها
وهسع اقول ليكم ياهو داك السد العالي امشو اضربوا
يعني مش نقعد نتناقش في امور مسكوت عنها ...........
الواضح ما فاضح ................
حولو ناس حميدتي لحلايب
وحولو كل الاسلحة من كل الجبهات للسد العالي
وكدة الموضوع انتهى ......
| |
|
|
|
|
|
|
|
|
|
Re: السد العالي هدف عسكري مشروع ... (Re: كمال عباس)
|
| Quote: كسوداني أطالب بإستعادة حلايب وشلاتين بكافة الوسائل المشروعة ! وأقف ضد العقلية الخديوية والفوقيةالتي يعاملنا به البعض في مصر ! |
دا هو الموقف المطلوب يا استاذ كمال حكاما" كنا أو محكومين....
البشير وحكومته حاله مؤقته سوف تزول ويبقي الوطن ...
| |
|
|
|
|
|
|
|
|
|
Re: السد العالي هدف عسكري مشروع ... (Re: ghariba)
|
غريبه ... نفهم إنك مش مصري ولا سوداني يعني ... واقف في
الحياد .... دا ما بحلك وحا ينكشف المستور عما قريب ...
| Quote: يعني مش نقعد نتناقش في امور مسكوت عنها ........... الواضح ما فاضح ................ حولو ناس حميدتي لحلايب وحولو كل الاسلحة من كل الجبهات للسد العالي |
بطل هضربه ... بقيت كوماندر كمان تحرك الجيوش علي مزاجك ....
والموضوع ما حا ينتهي ... يا دابك دا رأس جبل الجليد ....
| |
|
|
|
|
|
|
|
|
|
Re: السد العالي هدف عسكري مشروع ... (Re: Salah Zubeir)
|
شايفك سويت روحك زي المتفق مع كمال عباس برغم انك فطيت الحتة المهمة
دي من كلاموا !صدقني لو شلت الكراهية من راسك حتقرأ وحتفكر كويس :)
Quote: ** إستعادة حلايب وشلاتين أولي من ضرب السد العالي والذي إنهار لأي سبب سيغرقمصر شمال ويتعدي ذلك لشمال السودان الأقصي ! ناهيك
قتل الأبرياء والعزل في البلديين!* إن كان للحكومة قدرة فلتستعيد ترابنا المغتصب بواسطة مصر وغير مصر ولتوقف إنكسار الرئاسة التي تمنح
مصر أراضي زراعية وأبقار وتغدق العطايا للعيبتها..... |
| |
|
|
|
|
|
|
|
|
|
Re: السد العالي هدف عسكري مشروع ... (Re: Ahmed Alim)
|
تحياتي أستاذ أحمد عليم ...
يا سيدي انا بطالبك إنتا برضو بالتفكير والقراءة الصحيحة ....
أنا اقتبسته من كلام كمال الشيء المتفق معه فيه لا أكثر أو أقل
وباقي مداخلتي قصدت بها التعالي فوق اختلافتنا اذا وجدت
والتوجه نحو الوطن .... بعدين شنو موضوع الكراهية الساكيني
بيهو دا ....
| Quote: صدقني لو شلت الكراهية من راسك حتقرأ وحتفكر كويس |
منو القاليك الكراهية عاملا لي بعبع لي درجة انو ما بفكر واقرا
كويس .... يا زول اشكرك علي النصيحة الصادقة وبالتأكيد أنا
أكره بي سبب واضح زي كل الناس وأبرز ذلك الكره في ساعته
واذهب لحياتي بدون اي مؤثرات.
تحياتي
| |
|
|
|
|
|
|
|
|
|
Re: السد العالي هدف عسكري مشروع ... (Re: خالد حاكم)
|
| Quote: دعوة النظام للمصريين بالتوسع جنوبا ( السودان ) لحل مشكلة ضيق اراضيهم وانفجارهم السكانى بحجة شمال السودان خالية من السكان ( والنقطة دى بالذات انا كررتها ليك كثير ) ولم اسمع منك اى تعليق بمستوى وحجم الكارثة |
خالد ... سلام ...
ما تكمل جميلك وكملينا المعلومة ... هل يوجد مصريون اليوم في
شمال السودان استوطنوا أو موجودون بشكل مؤقت ....
اتفق معك في ظروف إحتلال مثلث حلايب وما تبعه من انبطاح كامل
لي حكومة البشير كاحساس بذنب اقترفوهو ... لكن لو ذهبت حكومة
الكيزان اليوم هل سوف نري انسحاب مصري من الأراضي السودانية
المحتلة وانسحاب عملاءهم من السودان ومعاملة السودان وشعبه
بالندية والاحترام الواجب ..... لن يفعلها المصريين ... لن يرضخ
المصريين ما لم يشعروا بجدية شعب السودان في مطالبه وعلي
شعب السودان استغلال الوسائل الكفيلة بتحقيق مطالبه.
| |
|
|
|
|
|
|
|
|
 Re: السد العالي هدف عسكري مشروع ... (Re: خالد حاكم)
|
يا خينا صلاح،،
ياخ انت بتدعو صراحة لإبادة شعب كامل بجريرة
نظامه الدموي الشبيه بنظام البشير، ودي مشكلتي معاك!
فبنفس المنطق دا ما تلوم اي زول من مناطق الحروب في السودان
لما يقول بضرورة إبادة الجلابة لان الحكومة حكومة جلابة :)
مصر وأطماعها ومؤامراتها تجاه السودان انا شخصياً وغيري كتبنا
عدة بوستات عنها وحذرنا منها منذ عشرة سنوات في المنبر دا، وجو
نطو لينا في حلقنا ناس يا اخت بلادي وشتمونا! فأسمائنا موجودة
ودونك الارشيف!! لكن شايف الناس التابعين للحكومة بقوا يزايدو على
الناس بوطنية زائفة!! انا ما بعرفك لو كنت كوز من عدمه فهو أمر يخصك
لكن برغم تحذيرنا من المصريين ما كتبنا لإبادة الشعب المصري ولا دعينا
لكراهيته كما جاء في رأيك بشأن النوبيين أو لإغراق الشعب المصري!!
للاسف الأمر دا يادوب ناس كتار إنتبهوا ليها بعد ما بقى موقف رسمي
لمجرم الحرب البشير وحكومته!! عموماً ياخي الكريم أنا بتفق معاك في أغلب
كلامك فيما يخص التأمر المصري على السودان بغض النظر عن حكومته ولكن
كلام ضرب السد العالي دا بصراحة كلام محتاج تراجع نفسك فيه!
يا كمان اقنعنا بفكرتك لضرب السد العالي وإغراق الشعب المصري وآثار حضارتنا
الكوشية الكمتية في مصر اليوم :)
مع التحية
| |
|
|
|
|
|
|
|
|
|
Re: السد العالي هدف عسكري مشروع ... (Re: Ahmed Alim)
|
شايف موسي هلال بهناك موجه خطاب الي أهله من عساكر الدعم السريع .... أن أرجعوا الي أهلكم وأن لا تحاربوا من أجل نخب المركز التي تستخدمكم في حروبهم القذرة ..... سبحان الله موسي هلال هو أول من أستخدمه المركز في قتل
أهله ..... الليلة جاي بتعتذر من بعد ما فات الاوان .... يا جماعة السودان يهرول نحو القاع بسرعة الضوء .... فليصل القاع حتي تقوم له قائمة ومن ثم حلايب وشلاتين بيجوا والفشقة ذاتها بتجي فما تحرقوا رزكم في الفاضي ..... وكان البشير
وجماعته عندهم نية يحرروهم الان ...... فديك حلايب جارت شلاتين وكمان حتي الفشقة ما بعيدة منهم كلو في الهم شرق ..... ويسهل الطريق للقاع .......
ونحن هاهنا منتطرون .........
كسرة
________________________
قال يضربوا السد العاااالي قال ......
| |
|
|
|
|
|
|
|
|
 Re: السد العالي هدف عسكري مشروع ... (Re: Ahmed Alim)
|
| Quote: ياخ انت بتدعو صراحة لإبادة شعب كامل بجريرة نظامه الدموي الشبيه بنظام البشير، ودي مشكلتي معاك! |
يا اخ احمد إذا إتا بتتكلم عن (حرب) بين مصر والسودان تأكد من
انو أي مصري يتمني إبادة كل الشعب السوداني وكذلك اي
سوداني يتمني إبادة كل الشعب المصري ..... وتدمير السد
وتسميم مياه النيل تعتبر أهداف عسكرية واجبة التنفيذ ...
دي هي الحرب ... ما ينفع يكون إتا سوداني وعندك 1%
ولاء أو عاطفه تجاه مصر والمصريين.
| Quote: فبنفس المنطق دا ما تلوم اي زول من مناطق الحروب في السودان لما يقول بضرورة إبادة الجلابة لان الحكومة حكومة جلابة :) |
هههههه مع انو مافي تعريف محدد لكلمة جلابي لكن ليك علي
توريد ما يكفي من الكيروسين لزوم تجويد الشغل.
| Quote: يا كمان اقنعنا بفكرتك لضرب السد العالي وإغراق الشعب المصري وآثار حضارتنا الكوشية الكمتية في مصر اليوم :) |
يا احمد عالم دي حرب يباح فيها كل شيء .... إذا كان عندك
أهل بي غادي يا تجمع عليهم يا تجيبم عندك .... ما ينفع
المصري يضرب خزان مروي وانا اقعد اتفرج واهلك بي
هناك يصفقو ليهو .... بعدين مالك داير تجيب لينا النبذ
تاني آثار شنو وكوش شنو البي هناك دا كلو بتاع فراعنة
والعندنا بي هني (مثلثات الجبنة) برضك تابع للفراعنة ....
دا كلامم ....
| |
|
|
|
|
|
|
|
|
|
Re: السد العالي هدف عسكري مشروع ... (Re: Salah Zubeir)
|
ود الزبير رمضانك كريم .. ولضيوفك الكرام ..
السؤال : ؟
هل يوجد جيش وطني ولا كلهم مرتزقة النظام
البمشوا يحاربوا بالوكالة وبعد قتلهم بياكلهم الطير
في الصحاري ؟
وزي ما قالوا ليك يا صلاح الكلوس الشرفاء مدوا
ارجلكم قدر لحافكم .. لانه لو فيكم حيل كان استرديتوا
ارضكم المحتلة من قبل المصرين وليها سنين ! بدل
الجعجعة الجوفاء دي !!
نكرر هل في جيش وطني ولافقط المرتزقة البمشوا
يحاربوا بالفلوس ويقبضوا حقهم كبار المفسدين ؟
بتمني اجد اجابة جادة .
ولكم الشكر علي الموضوع الحماسي .
| |
|
|
|
|
|
|
|
|
|
Re: السد العالي هدف عسكري مشروع ... (Re: مني عمسيب)
|
الكنداكه بت عمسيب ... الله اكرم وتصومي وتفطري علي خير ...| Quote: السؤال : ؟ هل يوجد جيش وطني ولا كلهم مرتزقة النظام البمشوا يحاربوا بالوكالة وبعد قتلهم بياكلهم الطير في الصحاري ؟ |
السعال دا ما صعب شوية .... ناس اكلم الطير يكونو جيش كيف .... بس
دايرة تديني بونيه بأي شكل ....
| Quote: وزي ما قالوا ليك يا صلاح الكلوس الشرفاء مدوا ارجلكم قدر لحافكم .. لانه لو فيكم حيل كان استرديتوا ارضكم المحتلة من قبل المصرين وليها سنين ! بدل الجعجعة الجوفاء دي !! |
ممكن أعلق علي كلامك دا بعد رمضان ...
| Quote: ولكم الشكر علي الموضوع الحماسي |
تحياتي واحترامي ....
| |
|
|
|
|
|
|
|
|
|
Re: السد العالي هدف عسكري مشروع ... (Re: Salah Zubeir)
|
Quote:
يا اخ احمد إذا إتا بتتكلم عن (حرب) بين مصر والسودان تأكد من انو أي مصري يتمني إبادة كل الشعب السوداني وكذلك اي سوداني يتمني إبادة كل الشعب المصري ..... وتدمير السد وتسميم مياه النيل تعتبر أهداف عسكرية واجبة التنفيذ ... دي هي الحرب ... |
مبالغة لكن مبالغة!!
كلام متهور وغير مسئول زي ده لا يمكن أن يصدر من شخص عاقل.
| |
|
|
|
|
|
|
|
|
|
Re: السد العالي هدف عسكري مشروع ... (Re: Salah Zubeir)
|
منقوووووول من الواتساب .....
Quote: *بعد ايه يابيه*
*قوم لف نيله تنيلك*
القاهرة استبدلت اللهجة العدائية بلهجة دبلوماسية تلبس قناعاً مزيفاً مؤقتاً..لكن استراتيجيتها تجاه السودان لم تتغير. هم حسبوا الخسارة بدقة فوجدوا أن اقتصاد مصر سوف ينهار سريعاً لو توقفت العلاقات التجارية مع السودان. ومن جانب آخر هم يخبئون العصا تحت الطاولة بالتنسيق مع سيدتهم اسرائيل والولايات المتحدة. ويبدو أن توقيت العداء ضد السودان هو توقيت خاطيء ولهذا وصلتهم الإشارة لتهدئة اللعب فاتجهت التهديدات والتلويحات نحو قطر وليبيا.
ويبدو أن وزير خارجيتنا سوف يهرول للقاهرة السبت القادم ليمسح بكرامة السودانيين الأرض. ألم يكن من باب حفظ الكرامة أن يأتي وزير خارجيتهم معتذراً للخرطوم؟ لا تحدثني عن الدبلوماسية وضرورة أن يرد وزيرنا الزيارة لوزيرهم فمصر تخلت عن الدبلوماسية منذ زمان بل وتخلت عن قناع الزيف وأسفرت عن وجه العداء.
نحن نحتاج أن نغلق الحدود والسفارات والتعامل التجاري وغيره مع مصر لمدة عشر سنوات على الأقل حتى تعود العقلية المصرية إلى رشدها وتعلم أن السودان دولة مستقلة ذات سيادة وقانون وحدود ودستور وأن السودان ليس مصر ولا جزءا من مصر ولا هو الشقيق الأصغر ولا هو الأخ في العروبة أو حوض النيل ولا جميع الشعارات التي آذت بلادنا وشعبنا أيما أذى. نريد أن تكف مصر عن سايكولوجية الاستعلاء والاستغباء لشعب السودان وأن تعيد النظر في جميع معاملاتها مع.السودان إن أرادت أن تحظى بالسلام في مقبل الأعوام. نحن شعب أدرك أنه كلما ابتعد من مصر استعاد عافيته وكلما اقترب من براثنها أصابته سمومها في مقتل. مصر الرسمية حية رقطاء لا تؤمن غوائلها ولا عهد لها ولا ذمة. |
| |
|
|
|
|
|
|
|
|
|
Re: السد العالي هدف عسكري مشروع ... (Re: Salah Zubeir)
|
Quote:
ود الزبير والمتداخلين سلام ورمضان كريم
المصريين يعلمون جيدا اذا دخلو في حرب مع
السودان اول حاجة حنفكر فيها ضرب السد
علما بان هذا السد رهيف وينقد من طرفو قبال
نصو
وقد تعرض هذا السد لتلفيات وتشققات منها الذي اعلنو عنه
ومنها نصحهم الروس بالسكوت عنه
يعني اربعه قعونجات من سلاح المهندسين يلغمو ابوهو و بجيبو
عاليهو واطيهو وخلي اقماركم الصناعية ترصدوم
اما عن حلايب وشلاتين فان لم تعود الي حضن الوطن في عهد الانقاذ هذا
نستعوض الله فيها ساي |
| |
|
|
|
|
|
|
|
|
|
Re: السد العالي هدف عسكري مشروع ... (Re: Salah Zubeir)
|
سلام وتحية للجميع،،،
تحليلي الخاص للوضع الراهن بأن البشير ارتضى أن يلعب دور مخلب القط لقطر ضمن إطار حربها غير المعلنة مع النظام المصري والسماح لوسائل الاعلام السودانية بالهجوم المكثف على مصر بخلاف مايحدث سابقاً، وكالعادة يشيل وجه القباحة من دون ما يلقى شيء ويهرول لاحقاً لإصلاح ما أفسده وبتنازلات أكبر وطبعا لا أبرئ العنجهية المصرية والعقلية الخديوية التي لا تزال تدير مصر على أساس أنها أم الدنيا والتي جن جنونها لمجرد أن يتخذ السودان موقفاً مخالفاً لها.
خلاصة الكلام الموضوع كله زوبعة في فنجان من الطرفين و الموضوع بكرة يتلملم والأمور ترجع عادي وأتوقع أن دول الخليج (عدا قطر) سوف تضغط على الطرفين للتهدئة.
| |
|
|
|
|
|
|
|
|
|
Re: السد العالي هدف عسكري مشروع ... (Re: طارق عبد الله)
|
| Quote: تحليلي الخاص للوضع الراهن بأن البشير ارتضى أن يلعب دور مخلب القط لقطر ضمن إطار حربها غير المعلنة مع النظام المصري والسماح لوسائل الاعلام السودانية بالهجوم المكثف على مصر بخلاف مايحدث سابقاً، وكالعادة يشيل وجه القباحة من دون ما يلقى شيء ويهرول لاحقاً لإصلاح ما أفسده وبتنازلات أكبر ... |
تحياتي أخ طارق ....
مخلب قط لي قطر ..... هههههه ياخي دي ما واسعة شوية ... محلية
شرق النيل أكبر من قطر .... الحاصل بين مصر والسودان بدأ في فبراير
الماضي بي (حتي) السودان أوقف استيراد الفواكه المصرية والتداعيات
معروفة ... قطر شنو ...
| |
|
|
|
|
|
|
|
|
|
Re: السد العالي هدف عسكري مشروع ... (Re: Salah Zubeir)
|
Quote: خالد ... سلام ... ما تكمل جميلك وكملينا المعلومة ... هل يوجد مصريون اليوم في شمال السودان استوطنوا أو موجودون بشكل مؤقت .... اتفق معك في ظروف إحتلال مثلث حلايب وما تبعه من انبطاح كامل لي حكومة البشير كاحساس بذنب اقترفوهو ... لكن لو ذهبت حكومة الكيزان اليوم هل سوف نري انسحاب مصري من الأراضي السودانية المحتلة وانسحاب عملاءهم من السودان ومعاملة السودان وشعبه بالندية والاحترام الواجب ..... لن يفعلها المصريين ... لن يرضخ المصريين ما لم يشعروا بجدية شعب السودان في مطالبه وعلي شعب السودان استغلال الوسائل الكفيلة بتحقيق مطالبه.
|
وعليكم السلام صلاح الزبير
يعنى انت عايزنا نتكلم ونحتج ونستنكر بعد ما المصريين يستوطنوا والامر يكون واقع؟
يا اخى مجرد التفكر فى مثل هذا الموضوع من نظام الانقاذ او اى نظام قائم فى الخرطوم جريمة فى حق الشعب السودانى ناهيك من انهم جهروا بالقول وفى عقر دار المصريين لاكثر من مرة و بلسان الحكومة والبشير شخصيا !
مفاتيح التعامل بالندية ليست فى يد الشعب بل فى يد الحكومة وامثال حكومتنا القائمة لا تسمع لصوت الشعب ولن تسمع لصوت الشعب الا بمقدار ما يخدم مصالحها الشخصية والحزبية
| |
|
|
|
|
|
|
|
|
|
Re: السد العالي هدف عسكري مشروع ... (Re: خالد حاكم)
|
يا صلاح.. اولا هذا تفكير لجرائم يدعو لارتكاب جرائم حرب ضد المدنيين. حتى الفلسطينيين لا يسعون بإبادة اليهود.
الشعب المصرى فى صعيد مصر هم اهلنا ويحسون بعمايل حكوماتهم.. ودعواتك هى بإبادة النوبة والصعايدة لان الفيضان حين يصل القاهرة سيكونوا فركتوا وضربوا الصحراء. وفى اليوم التالى سيكون السودان فى خبر كان.
| |
|
|
|
|
|
|
|
|
|
Re: السد العالي هدف عسكري مشروع ... (Re: Abureesh)
|
هلا بيك ابوالريش وبركه الشوفا بعد غيبه ...
ياخي عنوان بوستي اصلا" مافي زول ناقشني فيهو ...
هل السد العالي هدف عسكري مشروع ؟ من وجهة نظري
إذا اندلعت حرب بين مصر والسودان بعلم الطرفين ... نعم
يعتبر السد العالي هدف عسكري مشروع يعلم السودان كيف
يدمره ويعلم المصريين تبعات تدمير السد ....
يعني الموضوع صلاح الزبير لا يحمل الريموت الآن لتدمير
السد العالي وفكرة البوست اساسا" ما هي الخيارات المتاحة
لشعب السودان للتعاطي مع المصريين إذا اندلعت الحرب
وأقصر الطرق لهزيمتهم.
وإذا بدأت حرب بين البلدين فالخيارات متاحة للجميع
أين يذهبون ... نسأل الله أن يجنبنا الحرب وشرورها.
تحياتي ..
| |
|
|
|
|
|
|
|
|
|
Re: السد العالي هدف عسكري مشروع ... (Re: فؤاد إبراهيم)
|
مرحب فؤاد ...
| Quote: السد أصلا إنتهى .. |
طبعا" الكلام دا غير صحيح ... السد ممكن يكون لا يعتمد عليه
كثيرا" في توليد الكهرباء الان لكن بحيرة السد (أكبر بحيرة في
العالم) تحجز مابين 164 الي 184 مليار متر مكعب من المياه ...
يصرف منها يوميا" كميات ضخمة من المياه للمواسم الزراعية
صيف شتاء خريف ربيع .... إذا أزيل السد العالي يمكن أن نقول
كان هناك دولة اسمها مصر ....
| |
|
|
|
|
|
|
| |
Salah Zubeir
معتصم سليمان
سيف النصر محي الدين
kamal omer
عمر دفع الله
ناصر حسين محمد
جلالدونا
Ahmed Alim
Deng
MOHAMMED ELSHEIKH
Osama Mohammed
ghariba
كمال عباس
خالد حاكم
سامي عطا المنان
مني عمسيب
طارق عبد الله
Abureesh
فؤاد إبراهيم
فيس بوك
تويتر
انستقرام
يوتيوب
بنتيريست