|
|
|
 Re: الربة الربة حي انا (Re: عبدالله ود البوش)
|
اقوليك كلمة انا وانت وامثانا من العجايز عندو زخيرة كبيرة من الحكايات القديمة
لو ما طلعها بتعمل ليهو وجع وجدان
اها خير مكان لها هنا دا
عشان كل فترة ترجع ليها وتونس بيها روحك
ول شنو وحاتي ؟
| |
 
|
|
|
|
|
|
|
|
Re: الربة الربة حي انا (Re: عبدالله ود البوش)
|
والله يا ود الضهبان امس القريبة دي طلع لي موضوع في الفيس ذكريات قديمة قال لي كدا سيد الفيس
علي الليمان والرحمن اقرا واضحك اتقول كاتبو زول غيري
ونست ربقتي في امان الله
| |
|
|
|
|
|
|
|
|
|
Re: الربة الربة حي انا (Re: عبدالحفيظ ابوسن)
|
حليل مجلة النهج
كانت دوما تثقفنا رغما عن صعوبة التعابير واللغة
تقدم لك مجموعة كتب في دورية واحدة
كانت مجلة شهرية
من الدوريات التي اذكرها
الاستعمار الثقافي
او الاستلاب الثقافي
في ذلك الوقت لم يكن التطابق بين المصطلح وواقع السودان واضحا
ولكن تسارعت التغيرات الاجتماعية
ناس الطب بقولو الخلايا بتتقسم طول ماهي حية بشكل ثابت ومعروف .. لكن يحصل تصيب الخلية السرطان فيبدأ انقسام اشبه بالجنون .. تتزايد وتكثر مسببة ورما خبيثا يقود لموت الخلايا نفسها . وهو سريع الانتشار
اصاب المجتمع ذلك الوباء السرطاني
| |
|
|
|
|
|
|
|
|
|
Re: الربة الربة حي انا (Re: sadig mirghani)
|
هههههاي
قال عجايز
هوي يا عم ود البوش انا لا قدرك ولا لحم سدرك
شوف ناسك وألبس مقاسك يا جدو
تعرف مرات زاتي اقرا لي كلام لامن اتكيف ولا اضحك وما اصدق
الظاهر كديسة الابداع دي مرات ناسا بجوعوها وتشرد تندسا عندنا
نشربها لبنها وتنوم !! نصحي نلقاها رجعت لي ناسا
حقو كان نخليها . نربطها ونجوعها
جوعك كديستك تحبسك حبسة نفسا
| |
|
|
|
|
|
|
|
|
|
Re: الربة الربة حي انا (Re: عبدالحفيظ ابوسن)
|
ناكر أصلو للنار
من المقولات السودانية العريقة
اها نحن هسة نتكلم كلام كبار كبار عن الهوية والاصل
والهوية حقتنا يوماتي طاشة
تطش مننا زاتنا البنتكلم عن المحافظة عليها
تتطش مننا اولا بداعي التقليد
وما تكسر خاطر الوليدات
وليه ناقصين من الناس شنو
زينا وزي غيرنا
وكل مرة السرطان يمتد
النبت الشيطاني المنبت عن الواقع يخم ويجيب لينا
ونحن نمسك ونعرض بيهو
لامن الدرب راح لينا
| |
|
|
|
|
|
|
|
|
|
Re: الربة الربة حي انا (Re: عبدالحفيظ ابوسن)
|
ومسكنا دربنا
عمال الطمي الصحونا
خابرين الدروب
درب اليانكي
مرقوبنا فوق مشرع مسارب الضي
القدال
وشن فايدة مديدة الحلبة
والويقود بعيرات دخان
القدال
تكية الراس اجنبية
ختة الراس اجنبية
كبة الكاس اجنبية
رعشة الفركة اجنبية
رشة الخمرة اجنبية
والخوازيق عربية
حميد
| |
|
|
|
|
|
|
|
|
|
Re: الربة الربة حي انا (Re: عبدالحفيظ ابوسن)
|
اجمل الاوقات في السودان
ايام الاعياد
ايام الاعراس
يقول ليك لو داير تستمتع بالزيارة تعال ايام الاعياد
الناس قاعدة ومركلسة
وايام الاعراس
تجيب ليك الناس من الهوج ومن الشرق
من سافل ومن صعيد
من قبل الله الاربعة
ووقت الجية مربوط بمدي القرابة
البجي قبل اسبوعين والبجي قبل يوم
والزول ما بجي براهو
تتبعه اسرته كلها
والناس تتلم
ولمة الناس تزيد اواصر العلاقة
والمحبة
وتعلم الاطفال المحنة والواجب والاحترام
وتبين له العلاقات
ويعرف الجد والعم والخال
ويعرف متين مفروض يكون قاعد يشيل الابريق ويتناول زيادة ملاح ولا كسرة
ومتين يدق الصيوان
ومتين يتخلي عن كل تلك المسؤوليات يستحم ويتعطر ويقشر للربة
وفي الربة زاتها
يتعلم كيف يحترم بنات الناس
ويتعامل معاهن
ويحميهن
ويمنع التحرش
| |
|
|
|
|
|
|
|
|
|
Re: الربة الربة حي انا (Re: عبدالحفيظ ابوسن)
|
فعلا اباذر
والربة اشهر واحدة لسرعة ايقاعها وبساطته وهجيجها
الربة الربة حي انا
ثانوية خورطقت ما هنا
قالوا لي بتموتي
احي انا
وفي جزاير توتي
جمبنا
قالوا لي بتحبي
وووب انا
في السلاح الطبي ما هنا
| |
|
|
|
|
|
|
|
|
|
Re: الربة الربة حي انا (Re: عمر أبوعاقلة)
|
طيب تراك متذكر قايم في ود البوش مالك ؟
------------------------------------------
يا عمر ابوعاقلة يغبا من تغباهو نفسو
واقوليك الحقيقة الهي هو متهرب منها
انا غايتو الكبر دا اصلي ما باباهو لكن واضح للعيان
ود الضهبان دا اكبر مني بسنتين تلاتة
وانا عارفو دخل المدرسة قبل ثورة مايو خليهو ينكر
طبعا نكرنجي لكن واضحة
.
.
واتا ذاتك المبسوط من كلامو دا اياك زولنا
ما تعمل فيها قاشر بشارلستون والجزمة نفس اللون يا ييا يا
الربة الربو وووب انا ثانوية خورطقت ووب انا
| |
|
|
|
|
|
|
|
|
|
Re: الربة الربة حي انا (Re: عبدالله ود البوش)
|
ولبعدين الغايظني في ود الضهبان دا عامل فيها مثقف وبتونس مع الناس المثقفين
ومرات بحفظ ليهو كلمتين تلات ثقافيات ويجي يقشر بيها علينا هنا
شاحد الله يلم فيك زول مثقف جد وازردك زردة كديس في ماسورة تاني علا تتكلم في حلاوة طحنية والبتيخ
قال وجع وجدان قال ول شنو هي نسيتا والله
ولبعدين مرات عندو قلقصة في التلفون يتكلك يتكلم ويقوليك يلا حقت الشباب ديك
يلا داير اربط العجلة
زول زنقد ساهي ولا لامي في المثقفين ولا رضيان بينا نحن ناس انا وناس ود عكر وموسى ود العجب
| |
|
|
|
|
|
|
|
|
|
Re: الربة الربة حي انا (Re: عبدالله ود البوش)
|
اها جطت ليك بوستيهو دا وبعد كدا ما يعرف ليهو راس من قعر
عشان تاني في الهينة والقاسية تجيب سيرتي بالتعجز
انا الكبر ما ناكرنو لكن دايرك تعترف معاي
اعجز ليكم براي يا عولق
حالف افضحكم معاي جت
عشان تعرفو حاجة
| |
|
|
|
|
|
|
|
|
 Re: الربة الربة حي انا (Re: معاوية المدير)
|
عليك آمان الله الناس في نضميهُن دا الخمسين يفكوها ؤ فوووووو يواصلوا في النضمي زي الماحصل شي !...
---------------------------------------------------------
جكي بمعنى اي هههههههههههه
الزمن دا الناس مهودة ساكت في العيشة تجر منهم الخمسين لمن تفتر
.
.
اتا ذاتك يا ود المدير بتسدر سريع
اسدرك ؟ ول اكضضك
| |
|
|
|
|
|
|
|
|
|
Re: الربة الربة حي انا (Re: عبدالله ود البوش)
|
شن جاب لي جاب يا ابوعاقلة
انا بالي حاضر وماني مودر
علا عمك ودالبوش دة بالع حراساتو ومهود ساي
بقا ينضم بدون كنترول
زي نكتة الزول السلم علي عمتك العجوز وقال ليها دحين ما عرفتيني انا ود نفيسة صحبتك
وورتو العرفة الجد جد
اها ما تغرق معاهو
المثل قال
من وكد وكدوهو
| |
|
|
|
|
|
|
|
|
|
Re: الربة الربة حي انا (Re: عبدالحفيظ ابوسن)
|
اتا يا ود البوش موهدب ساهي
الثقافة نحن اومن جابا
الثقافة دي عوجة لسان
اعوج لسانك علي الجزيمة ما تتطاقع تاني
الزول قالوا خنيتة ساهي . وولدو عازم ليهو ناس . وعارف ابوهو بشتر ساي وبحب النضمي
قال ليهو
لتيخ ليتيخك وبعد تنتهي قول ليهم دة راي وفي راي تاني
اها انت جدع ساي زي الزول البشتر في شدرة لالوب يدلي الني والنجيض
وامسك في
دة قول علا في قول تاني
بس اوعاك تجيب القول التاني
| |
|
|
|
|
|
|
|
|
|
Re: الربة الربة حي انا (Re: عبدالحفيظ ابوسن)
|
اقيف شيل بزتك يا عماد
----------------------------
بزة شنو وحلاوة حلي شنو ؟
قوليهو صنقر اقعد وغني دردق بي يا اللوري دردق بي
اي زول بجيك هنا اياهو ود حفرتك
اقرص فيك لمتين انا ؟
ديل جت ناسك يا حاج ما تستحي
بعد العشا مافي اختشا
| |
|
|
|
|
|
|
|
|
|
Re: الربة الربة حي انا (Re: عبدالحفيظ ابوسن)
|
هههههههههههههههههه
ما قت ليك بلف راسك وبخليك زي ديك الرحول ما تعرف عدلتك من قلبتك
.
.
عاين لي جاي
تعال نحكي قصص حبنا اللواني عليك النبي ... القصص دي لذيذة زي حلاوة لكوم
عشان نوري الاجيال الجديدة كيف كان الحب عند اجدادكم القدماء
وبرضو نحكي ليهم حكاية الرجال العشرة البلهاء وحضران القيلة هههههههههههه
| |
|
|
|
|
|
|
|
|
|
Re: الربة الربة حي انا (Re: عبدالله ود البوش)
|
اها نجي ل
الاستلاب الثقافي
في تقديري الشخصي
الهوية أياها تعابيرنا وعاداتنا وسلوكنا اليومي الاعتيادي
الناس الماشين في الشارع ديل . بتكلمو كيف وبلبسو كيف وبتعاملو مع المواقف كيف . المواقف كلها . التي تتبع لرتابة الحياة او التي تظهر فجأة او مخططا لها
اكان افراح ولا اتراح
تراثنا الذي وصلنا بالتواتر زي ما بقولو ولا بالانسياب السلس الطبيعي
لامن يكون في زول ولا زولة داير يعرس . البحصل شنو
من العريس ولا العروس
اهل العريس ولا اهل العروس
الجيران والمعارف
لا شذوذ ولا استغراب
حتي الموت معروف طقوسو
التعابير لل التهنئة ولا المواساة
تهاني العيد
الحاجات البتخليك تشعر انك في السودان
دة السودان البتعرفو
العادات والسلوك بتغيرو لكنهم يتغيروا بشكل طبيعي دون تغيرات سرطانية !
قوانين تطور المجتمعات يعمل بشكل طبيعي
يولد الجديد من القديم
يشبهه ولا يشبهه
البقاء للاصلح كما قال داروين
ما كل القديم قبيح فيهو ما يصلح
اها الحاجات دي كلها تعلمناها بالمشاهدة والتجربة .. تعلمناها دون قصد
رسخت دون قصد
نفس الحاجات الخلت الناس هنا زي ودالبوش يعتبرها ذكريات بالية واندثرت
هي اندثرت نعم
ولكن بفعل فاعل
| |
|
|
|
|
|
|
|
|
|
Re: الربة الربة حي انا (Re: عبدالحفيظ ابوسن)
|
السم في الدسم
الدعوة براقة
خليك متمدن
خليك عصري
ما تخليك اهالي
ما تخليك اقليمي
وبدأت عاداتنا في التغير
عاداتنا التي تميز شخصيتنا
تحدد هويتنا
وبقينا نحن ما نحن
استلفنا كل شئ من الخارج شجعت السلطة علي ذلك
السلطة التي تري انها ذات رسالة بعث حضار ولا مشروع حضار
استلفنا الفكر
والمنهج
واللبس
والعادات
وبعضها ألبسته السلطة ثوب الدين ووضعته في ميزان الحلال والحرام
قفلت الطريق حتي علي نقاشه
وبل عدت مجرد فكرة نقاشه تضعك بين الاسلام والكفر
| |
|
|
|
|
|
|
|
|
|
Re: الربة الربة حي انا (Re: عبدالحفيظ ابوسن)
|
أتابع الانسياب في الفكرة (انسياب دي كيّه في ود البوش)
أقول الانسياب من (في ذلك الزمان
الزمان الذي من غرابة الواقع كأننا لم نعشه واختلقناه اختلاقا )
لغاية (وبدأت عاداتنا في التغير
عاداتنا التي تميز شخصيتنا
تحدد هويتنا
وبقينا نحن ما نحن)
دعنا نهبّش هذه الحاجات يا صديقي حتى لا ترتاح في وضعها الشاذ هذا
وتصبح واقعا مقبولا
خلينا أهالي
خلينا إقليميين
خلينا سودانيين
| |
|
|
|
|
|
|
|
|
|
Re: الربة الربة حي انا (Re: معاوية الزبير)
|
زمان يا عجايز الريدة كان عندها طعم وفيها مغامرة شديدة
كونك تريد وللا تحب دي زاااتا مصبةً ضكرة بالحيل وعيب عديييل كدة
اها لذة الريدة وطعامتا دي جاية من الصعوبة في التواصل بينك وبين حبيبتك
طبعاً مافي طريقة للتواصل في بداية المحبة دي الا المقربات من بنات الاهل
والبتثق في انها ما تمرق السر او بالاصح الفضيحة دي
اها تقوم ترسلا للبنية وتكلما بي ريدتك دي وبعد البنية توافق تقوم ترسلها جواب
مع مرسال الريد دي زاااتا لكن في الجواب بتكون شارح لي زولتك كيفية التواصل
من هنا ولا قدام وتمرق بت اهلك من الموضوع دا نهائياً وتبين ليها انو الموضوع فشل
عشان ما تمسكو ليك زلة
في الجواب الاول بعد تبثها اشواقك ومشاعرك وغالباً بي عبارات شترا جداً
تقوم تشرح ليها وسيلة التواصل الجديدة وهي غالباً توصف ليها مكان قريب
من بيتهم ودايماً بكون تحت عُشرة وللا دراريب حيطة مكسرة جنبهم تدفن تحتها
الرسالة في يوم معين ووكت معين والمصيبة انك لازم تلبد في مكان تراقب فيهو
رسالتك دي لأنو لو عتر فيها شافعاً شليق تبقى فضيحتك بي جلاجل
اهااا تقوم تجي ست الريد وتشيل جوابك بي وهي متكبكبة وخايفة يشوفا زول من ناس الحلة
وتاني يوم في نفس الوكت تمشي تتلبد لامن تبحت مكان الرسالة وتشيل الرد وبرضو بتلقى
معاهو جوابك زااااو كنوع من التأمين والاطمئنان انو ما يروح منها ويقع في يد زول يعملك مشاكل
بالله شفتو المعاناة دي .. لكن والله سمحة سماحة ولمن تلقى ردها مدفون في الرملة
قلبك يقرب يقع رب في الحفرة دي زااااتا والربا الربا احييي انا
اسع الحكاية جاطت وبقى الكلام صورة وصوت وشي تنهدات واهات واشياء أُخر
عليك الله يا ود البوش شفت سماحة الريدة والاخلاص دا
ملم نديدك دا وقولو يخلي الفلفسة دي وتعال نحكي
تحياتي يا ود ابسن وقاصد اشتر ليك البوست
اعفى لي يا عمووو😂😂
| |
|
|
|
|
|
|
|
|
|
Re: الربة الربة حي انا (Re: عبدالحفيظ ابوسن)
|
شكرا ود اب سن
الناس ديل عقدوا لينا الأمور ساكت
كانت كلها ربة يوم يومين والعريس يسوق عروسه والشباب يملوا العدة والكراسي
وكل قرد يطلع جبله
عقدونا وعقدوا حياتنا
أحمد الشايقي
| |
|
|
|
|
|
|
|
|
Re: الربة الربة حي انا (Re: أحمد الشايقي)
|
شوف المفارقة يا معاوية
المصريين والاحباش والهنود من زمان قاعدين في السودان
لو تتذكر يا صاحب النقادة الفي كوستي والهنود
ليهم عاداتهم في الافراح والاتراح ولنا عاداتنا
لاهم فكروا يحاكونا ولا نحن فكرنا
فجأة كدة مع بزوغ شمس هذه السلطة تلك الشمس السوداء ! ظهرت لينا الزفة المصرية والجلسة الحبشية . بقت جزء من طقوس الزواج وراحت يا عديلة يا بيضا والليلة شويم بي قدرة الله
وشوووووبش
يقولو ليك الليلة جلسة عربية وبكرة جبنة حبشية والزفاف مصري
كلو في الصالة . لا شافع يغسل ليك يدك وتحكها معاهو
لا ناموسية يقجوها ليك في نص الحوش
ولا ونسة
تطلع من بيتكم تجي الصالة ممكن تجي واهل العرس ما جو زاتو
الناس البكونو واقفين قدام الصيوان ديلك . تبارك ليهم ويعرفوك ويسألوك .. والشفع زي الصقور بعاينو ما قعدت كويس مدو ليك الحلاوي والخبيز . وتسألو وتكون عرفت ان فلان عندو ولد بقا راجل
يا صديقي
ذكريات افراح زمان انتهت
البنات البدقن اسبوع في الدلوكة
والشباب البتكابسو قدام البنوت البسون الشاي
والعيال البتعلمو اكرام الضيف واستقبالو
مافي
بيت العرس بقا ما اياهو
ولا ضبيحة الخرفان وعليقها في حلق باب الشارع وجيب المفراكة وانفخ
اي بيت فيهو زول بعرف يضبح ويسلخ
بيت العرس لا تستطيع ان تميزه من غيره
ناس العرس زاتهم ضيوف زيك في الصالة
يقدمو ليهم الاكل والشراب زيك
وامكن يمرقو قبلك من الصالة
| |
|
|
|
|
|
|
|
|
|
Re: الربة الربة حي انا (Re: عطا المنان احمد)
|
اها النوريك يا الشايقي
زمان تخطب وتجيب دبلة وشبشب وفستان وتدي قولة خير مبلغ ولا عليك بيهو
تودي الشيلة ومال معقول
هسة
قولة خير براها شيلة
تشيل القروش وتمشي البنك لو بتعرف بانكير او زول يعرف بانكير
القروش تجيبها فئات مختلفة جديدة . تديها لي زول متخصص يعمل ليك بيها اشكال والارضية مرايا نص متر في ربع متر اقل شي . وتتغطي زي الخيمة بقماش ملون شفاف اظنو شفون ولا حرير . القروش تتعمل حسب فنيات الفني وبياخد اقل شي مليون في الهيافة دي .
بحكي لي زول قال ابو العروس رجع المال
ليه
قالوا ليهم المال 30 مليون
وبعد فرتقو لعب العيال دة لقوهو عشرة مليون
شوف دة المال الكان بتربط بي استك بقا موضوع وفتشو زول بشتغل كويس وفنان
اخش ليك غريق ولا كفاك تعقيد
| |
|
|
|
|
|
|
|
|
|
Re: الربة الربة حي انا (Re: عبدالحفيظ ابوسن)
|
هوي يا منعم
اتفكفك مني
شنو طوالي رادفني معاك
ههه
اشكرك للفيديو قطعا لا استطيع مشاهدته
لكن اياهو رقيص الرقبة
فرجي خلق الله واتني
ورشي عبيرك فينا
و
هي اقدلي وسكتي الخشامة وانزلي في العوازل كي
هسة بقا الرقيص سلولي حق السينما داك وكمان يمكنك تقبيل العروس
وبدل رش اللبن بقا حمام حمام
تملا قدومك بالعصير وتكضكض العروس في خشمها
تعرف تكضكض
اها بعد شوية بجينا الفالس و التانغو
عليك امان الله حضرت عرس الزفة مصرية
وقاعد في الصيوان ومبارين العروس في الشاشة من الكوافير ولامن العريس قادا للمسرح . وطفو الانوار وشغلو الوان من الاضاء الخافتة امك ولعت امك طفت . وهاي لايت في شكل قلب علي العرسان . ويقول كدة يمسكها من نصها ويجرها عليهو وهي نامت في كتفو
اوريك يدو كانت وين !!؟؟
والنسوان يزغردن
حرم الواطة دايرة تبلعني
العيال ديل خيسونا تب
| |
|
|
|
|
|
|
|
|
|
Re: الربة الربة حي انا (Re: عطا المنان احمد)
|
كسلا بعيدة والمسافة سنه
بريينسه أسوقا أنا
الدعوة انتهت إلى غير رجعة يا ابو سن
في اجازتي الأخيرة حضرت عرسين لناس قريبين جدا لي
كنت متمني متين الحفلة تنتهي عشان أشتت
زمان لما الفنان قريب الصباح يقول يا حمامة مع السلامة الحفلة كلها تجري عليهو عشان يديهم غنية غنيتين
طبعا دا غير المسخ والمساخة الاعترت مجمل الحياة
صعب ترجع وقدر ما تحاول تقنع الناس إنو البعملوا فيهو دا خطأ وإنو الدنيا دي بتستاهل المحنة والمطايبة
ما في فائدة
| |
|
|
|
|
|
|
|
|
|
Re: الربة الربة حي انا (Re: حمد عبد الغفار عمر)
|
ودور بينا البلد داك
احرق الجازولين يا الوابر جاز
وسواقنا زينة
وحالف ما يدلينا
صحي يا حمد
زي ما قال ود الرضى
يا حليل شمش المحنة
الغربت طاحت
مسخ مشوه والده الشرعي هذه السلطة
بحكي لي صحبي جا من اوربا معاهو اولادو صبيان
قال لي حضرنا راس السنة
الشفناهو في الحفلة في اوربا مافي
اولادي الاتربو برة استهجنو البحصل
بقينا نسخة مشوه من تراث ناس كتار دون ان تكون لنا اي مساهمة
حليل الحفلة ولم الكراسي وقديم البنات
وشراب الشاي مع اللقيمات في نص الصيوان الصباح
ونوم الواطة
ونوم الكراسي
| |
|
|
|
|
|
|
|
|
|
Re: الربة الربة حي انا (Re: عبدالحفيظ ابوسن)
|
بدو لينا بالرهيفة
الافراح التي تكون فيها المرأة عامل اساسي في طقوسها
المرأة السودانية وفي بالنا وضعها ومكانتها في المجتمع . المرأة هي من تحدد طقوس الزواج وتصر عليها . داعبوا احلام الفتيات . متابعة يومية لقنوات التلفزيون توضح لأي مدي وصلنا
اعلانات شريط طيلة اليوم يغلب عليها الدعوة لادوات التجميل وكريمات تفتيح البشرة
| |
|
|
|
|
|
|
|
|
|
Re: الربة الربة حي انا (Re: عبدالحفيظ ابوسن)
|
دخلت علينا كتير من العادات وبشكل متسارع وفترة وجيزة
وتفشت معاها كتير من السلوكيات والجرائم التي لم نشهدها سابقا
انفرط عقد الاسر بفعل اللهث وراء لقمة العيش . واضافت السلطة هموما اخري . رفعت يدها عن التعليم والصحة . وازدادت اسعار الخدمات الحكومية . موية وكهربا وغاز ورسوم نفايات . الاوراق الثبوتية
صار رب الاسرة مكدودا منهكا ذهنيا وجسديا
لا يصدق انتهاء يومه بسلام والا انتابه القلق من بكرة
التلاجة قالوا اهم للمسكين من الغني . صار سعرها خرافيا مقارنة بمستوي الدخل
وقديما لم تكن رخيصة ولكنها مع مستوي الدخل مقدورا عليها
كل ذلك وغيره خصم من رعاية رب الاسرة لأسرته . وحرم اطفاله من التشرب بقيم المجتمع . القيم التي كانت في تناسق بين البيت والشارع والمدرسة . وصار الشباب نهبا للصرعات والموضات والاستلاب . الشباب الاكثر سرعة للتغيير وتقبله . لابديل لهم سوي ماهو مطروح
المطروح براق ويخلب النظر .
| |
|
|
|
|
|
|
|
|
|
Re: الربة الربة حي انا (Re: عبدالحفيظ ابوسن)
|
كويس إنو الكلام دا جاء منك انت يا أبو سن
لأنك قاعد في السودان قعاد حقيقي
تمشي في الأسواق وتجوب الأحياء ؤ تكتل الحفلات
يعني مافي زول في المنبر مصنفك معارضة فنادق ولا شيوعي ولا مستلب
مداخلتك الأخيرة على وجه الخصوص تكشف الوجه الحقيقي لنتائج المشروع الحضاري
الذي دعا إليه ونفّذه نخبة الكيزان الإسلامويين الأكاديميين في السودان
من لدن الترابي وحسن مكي والتيجاني عبد القادر والطيب زين العابدين
وعبد الوهاب الأفندي وغازي صلاح الدين وغيرهم من معطوبي الأخلاق أمثال
علي عثمان ونافع والجاز ومصطفى إسماعيل والوفد الإعلامي المرافق
الذي كان له "القدح المعلى" في نشر هذه الأفكار الفاسدة المفسدة
كتبنا وتكلمنا وتحسرنا كثيرا على انهيار القيم والأخلاق في السودان
وقلنا إن ما أكله الكيزان من ثروات السودان هين وممكن تعويضه
لكن الكارثة الكبرى التي لا يمكن تجاوزها إلا بعد عقود طويلة من رميهم في المزبلة
هو هذا الدمار الشامل الذي لحق بأسس وأركان القيم والأخلاق في المجتمع السوداني
| |
|
|
|
|
|
|
|
|
|
Re: الربة الربة حي انا (Re: جلالدونا)
|
صدقت معاوية
الانهيار كارثيا
واياها الهوية بذات المعني الاكاديمي والفكري
هويتنا التي تناثرت
ومش كدة وبس بعد ان خطى المجتمع خطوات متقدمة في تجاوز القبلية والعنصرية . هاهو ينكص علي عقبيه بفعل السلطة
القبيلة مطلوبة في الوثيقة الرسمية المعتمدة
يجب ان يكون لديك شاهد من اسرة والدك عملا بالمثل
الجمل بقودو من رسنو
فالشخص ينسب لقبيلة والده
ومش كدة وبس بل يوجد افراد يعملون مع مكتب الشرطة ممثلين لبعض القبائل البعيدة وبي اسم العرفيين دة للزول الماعندو ود عم . يا العرييف بعرفو ولا هو قادر علي اثبات قبيلته بالتحري معه ومطابقة معلوماته
ولا اقرأ واسمع زعيم القبيلة الفلانية يستقبله الرئيس
ولا احتفال القبيلة الفلانية
كوقف فردي وطوباوي رفضت الانضمام لكيان قبيلتي وبل ارفض حتي التصريح بأسم قبيلتي . وصرحت بها مكرها للحصول علي الاوراق الثبوتية
اها شوف بنتراجع كيف يا معاوية وبفعل السلطة
قبيلة يعني عودة التفاضل بينهم
وفتحو الباب لعاطلي المواهب للتنكيت عن القبيلة وبل صاروا نجوما وعندهم مقاطع فيديو وشرايط كاسيت وجزء من برامج التلفزيون الترفيهي
| |
|
|
|
|
|
|
|
|
|
Re: الربة الربة حي انا (Re: عبدالحفيظ ابوسن)
|
مرحب جلال
عودا احمد
وصورة الوالدة منورة البروفايل تقبلها الله
سكيتك و زوغت
تعرف
اقل صالة لي ليلة واحدة ايجارها 20 مليون . دي صالة بس حق الاكل والشراب والفنان والمأذون برة منها . اكل في صالة يعني برستيتج مش تور يضبحوهو ويظبطو ام فتفت حقتو بالليل ولي ذكريات مع ام فتفت الليل ومؤامرات . يضبحو بعد الكراع تخف بالليل عشان اللحم يكون طازج لشغل الصباح ولا يحتاج تلاجة . وياهن النسوان في فطور العرس ملاح روب ابيض و شرموط ولحمة ودمعة بيض وفول وطعمية وصحن شعيرية وسكسكانية ومشبك ومديدة تمر ولا حلبة
كنت بتكلم مع زول
ايجار الصالة دة صين بيهو البيت . قال صانو
طيب اشتري بيهو عفش سراير كراسي .. ولا ان شاء الله تغير بيهو التلاجة وتشتري شاشة
ايجار صيوان مقفل ما بفوت ال 2 مليون قدام البيت
العصر ياخد رشة من التراب
شباب الحلة يرصو الكراسي
واها فرصة للمة والونسة وتخزين الذكريات
العرس ماعندو طعم جلال
تمرق من بيتكم تمشي الصالة . تشوف كرسي تقعد فيهو وتقنب تتلفت زي مروحة التربيزة تفتش اهل العرس ولا زول تقصر معاهو الوقت
يلفو عليك عمال لاكرامك . داير ولا ما داير
مافي زول بحلف عليك تاكل ولا تشرب
بي طريقتك
اهل العرس زيك وواحد الفرق انهم دافعين
قعدت مشيت زول شغال بيك مافي
مافي زول بقدم البنوت
يركبو عرباتم ولا يشوفو ليهم امجاد
توصيلة مافي
عرس مرسوم رسم
| |
|
|
|
|
|
|
|
|
|
Re: الربة الربة حي انا (Re: عبدالحفيظ ابوسن)
|
علي بجملة الايمان يا ود الضهبان
شكلة شفع في ضلف يوم العرس وفي الاخر الضلف تختفو حدية
لاتعادله اجعص حفلة في اجعص صالة
اتا قايل شنو ؟
قول لي كيف ؟
اخخخخخخخخخخخ اخدر
الربة الربة ووب انا ثانوية خورطت وووووووب انا
.
.
والله يا جنا بقيت مثقف ثقافة جد
وكلامك ممتاز تيزة جد
| |
|
|
|
|
|
|
|
|
|
Re: الربة الربة حي انا (Re: عبدالله ود البوش)
|
عرس مرسوم رسم
------------------------
عرس خالي خالد انا كنت متابعو من يوم الخطوبة والشعيرية وشاهي اللبن وحلاوة لبان لخطيبتو اللقية
جبتهم بيدي دي من دكان حاج بشرى والباقي قال لي شيلو اشتريت بيهو جبادة
ومن اليوم داك متابع كل الخطوات لحدي يوم القيلة
الهادي ود عمي عبدالله انصاري سنة قال لعلي اخوي تعال ابقى معانا
قاليهو سمح لكن بعد عرس خالي خالد
| |
|
|
|
|
|
|
|
|
|
Re: الربة الربة حي انا (Re: عبدالحفيظ ابوسن)
|
كلامك دة يا ودالبوش ما ياها الثقافة
اتا قايل الثقافة دي شنو ما اياهو عشان نعرف نعيش ونستمتع
الكلام الكبار داك كلو اياهو قولك دة
رد اخوك دة براهو بوست ثقافي
هههه
الضلافين ديل وقت يتنضفن وتديهن بخة جمر وتحت الصوف .. وتلقط ليك بهارات من البيت وتختهن في حلة وتنساها لامن ينجضن اسكت ساي
ود اخوي متخصص خصي ألات خرفان .. بالطوة كمان
| |
|
|
|
|
|
|
|
|
|
Re: الربة الربة حي انا (Re: عبدالحفيظ ابوسن)
|
لضلافين ديل وقت يتنضفن وتديهن بخة جمر وتحت الصوف .. وتلقط ليك بهارات من البيت وتختهن في حلة وتنساها لامن ينجضن اسكت ساي
-------------------------------------------------------------------------------
الله يازاك يا ود الضهبان ازاي في عمرك خسيت لذة الضلف نهائي
ضلف شنو البصبرو عليهو لحدي يسوا ليهو الطماطيق دي كلها
الضلف من سكينو تختفو وبردلب فوق الجمر وصوفو يشطشط في خشمك
.
.
شن عرفتكم باللكل السمح
عولقا بالغبا
| |
|
|
|
|
|
|
|
|
 Re: الربة الربة حي انا (Re: عبدالله ود البوش)
|
علي بجملة الليمان يا ود الضهبان الحكاية دي حصلت في صقيعة سلامة
في عرس بخيتة بت سكين الجوع ... العرس كان مغترب وقال داير يسوقا الفندق
ابوها وقف واو احمر وحلف بالتقطعو بخيتة ما تمشي الفندق وتبقى ليهم فضيحة لي جنا الجنا
.
.
في الاخر الاجاويد اتدخلو وبعد تعب واقفو لكن العروس اشترطت يمشي معاها عبدالرحيم اخوها
هههههههههه
وحتكمان مشوا فندق النخيل القاعد دا في السوق العربي
وناس صقيعة سلامة جت لمن يمشوا الخرطوم بسعلوا منو عشان يشوفو الفندق الفيحة دا
.
.
حليل ابوي
| |
|
|
|
|
|
|
|
|
|
Re: الربة الربة حي انا (Re: عبدالله ود البوش)
|
ههه يا ودالبوش
زمان العريس بعسل قبلو مع نسابتو
يدوهو اوضة ولا قطية طرف
وما بمرق الا يقطع الجمار
دلكة وخمور ومسوح زيت .. يمشكوهو بالزيت يوت
والنسيبة تتفاخر نسيبها مرق وتوب وسخان من الزيت مع الغبار . مافي غسيل لازمن التوب يطلع وسخان ويقطر دهن
فندق بس
اكل ونوم وشمش مافي
العريس يطلع نديان وشحمان ولونو فاتح ولامع
هسة بقو يأجرو شقق بدل الفندق والعريس يووت ماشي جاي من المطعم
حليل ابوي
| |
|
|
|
|
|
|
|
|
|
Re: الربة الربة حي انا (Re: عبدالحفيظ ابوسن)
|
هازول ها كيف ما بعرف الضلافين المشويات .. اسمها النيفة
علا اتا ما جربت سليقة الضلافين
عندنا زول كان في كوستي
دافن ليهو برمة تحت شدرة جمب سيدي الحسن في البحر
بجيب الضلافين الصباح ويرميهن جوة الزير . ويديهن بهاراتن وبصلن .. ويقفل خشم الزير بالطين القريرة . يلقط العويش وفروع الشدر ويوقد فيهن النار
الزير مدفون والنار من برة ليهو
وما يجي صاد لي زيرو الا العصر
النار هبدت ويخم الضلافين في طشت غسيل ويجي لافي في الحلة
النيييفاااا ياااا
الضان بي قرش
والعجالي ما بعرفو ما قاعدين نشتريهو غالي كان
وحات الله لي الليلة طعامة النيفة دي ما لاقتني
فرن ياخ
ضلافين بالفرن
شن عرفتك بالاكل اتا
اياها لوبتك دي . تاكلها قايلة وتتجوغر موية وتتندل الا جمب الزير
| |
|
|
|
|
|
|
|
|
|
Re: الربة الربة حي انا (Re: عبدالحفيظ ابوسن)
|
احكي ليك نكتة الدغور مع الحرامي ولا بقولو سفيه
----------------------------------------------------
هوي ها اعقل
سفه الشيخ لاحلم بعده
.
.
الواتساب دا سوهو لشنو يا ود الضهبان ؟
ورسل معاها حقت ابو البعار
| |
|
|
|
|
|
|
|
|
|
Re: الربة الربة حي انا (Re: muntasir)
|
يا حفيظ حبيت بي مجلة سمر ولا لا
----------------------------------------
مجلة سمر شنو يا منتصر الله يهديك ؟
عاين لي جاي
ود الضهبان دا بالميت بكون حب بكتاب الرسائل المكتوب عليه
ارسل سلامي اذا مر بالجبال هداها
قال مجلة ميكي قال ههههههههههه
.
.
احكي لي دي مرة وانا صبي تحت البلوغ ركبت مع جدي أمحمد فوق جمل زي الفي البروفايل حقي دا
كان ماش مدني .... وانا في بالي اشتري كتاب الرسائل المذكور اعلاه
قت لي جدي داير لي كتاب
قال لي الكتاب دا نلقاهو وين
قت ليهو في المكتبة
سعلنا زول وصف لينا كشك قريب حق جرايد وكتب
وقفنا قدام الكشك والجمل خت رقبتو فوق ضهر الزكنية وحك رقبتو لمن الكشك وصاحبو بقوا يرجفو
جدي قاليهو ادنا كتاب
قال كتاب شنو ؟
قال يا جنا كتاب شنو ؟
خفت من جدي يدقني لو قلت كتاب رسائل الحب
قت ليهو اي كتاب اللجيبو
اقمسبلاي اداني كتاب حرب النجوم هههههههههه
WAR OF STARS
عليك دينك شوف الزول المضر دا
اقرا فيهو الاجازة جت ما فهمت حاجة
.
.
يا منتصر هوي شوف الناس القروا بالجلاليب وين ناس حمد سلخ الخروف والخروف سلخ حمد
نحن ناس بدر قرأ وامل ما قرأت
امل قلما راح لكن في النهاية لقتو وكتبت الله الوطن .... الهلال هههههههههه
غايتو جنس طرطشة وكترة كلام .......
تحياتي للجميع
| |
|
|
|
|
|
|
|
|
 Re: الربة الربة حي انا (Re: عبدالحفيظ ابوسن)
|
يا منتصر رغما انو الوالد امي لكن مجلة سمر والكواكب ممنوعات رسميا للدخول
اخوك كان بحب بي ضراعو جنس تعابير
ما قلت ليكم زرزروني بعد تبت
ودالبوش دة قرا الوسطي بالعمة والجلابية
حولاااااا
اوووو دشكا ادشكا نحن ما صعاليك اووو
طلعت داوودي
| |
|
|
|
|
|
|
|
|
|
Re: الربة الربة حي انا (Re: عبدالحفيظ ابوسن)
|
ود اب سن سلام
يا اخوي شايف ود البوش مستلم الداره تب
لكن انت بتبكي على الربه وعصير الكوز وسانويه القوز ما هنا
وجابو لي رساله شوف عين ما قواله وحاجه كده ام جلاله
يا أبوي ابكي زمن العرس والخمج وجار سرور لا انت بتعرفه ولا ود البوش شرب بقنيته
تعرف الجار سرور دا يسوا فيه العسليه والبقنيه والجمبقلي و الشريوت عيش وتمر المريسه
بالله الذي الناس تردس في الحم اسبوعين قبل يوم البوش والتكفاه الا بالقدح ابو خروس
كما المشروبات تقول تكيه
الربا الربه القريبه دي شن نفرها في زمن كنا ندمبل فيه السديس والرباع والقشاشي لناسنا الجايين مقطع يومين وضحوه من السافل
لحم ساكت والبرام مزبده رغوه والعبار مطفح ذي طرور الدميره وسط ام فججو
بكره بكمل ليك الربه
تحياتي لجميع ضيوفك الكرام
| |
|
|
|
|
|
|
|
|
|
Re: الربة الربة حي انا (Re: عبدالحفيظ ابوسن)
|
الربا الربه القريبه دي شن نفرها في زمن كنا ندمبل فيه السديس والرباع
----------------------------------------------------------------------
اك يا جرادة
أها جاك التمساح الببلع جب
قال حي انا قال
سجم امك يا الخزين
ابردو يا موسى ولا تخذك به رحمة كلو كلو الجنا المفلفس دا
| |
|
|
|
|
|
|
|
|
|
Re: الربة الربة حي انا (Re: عبدالله ود البوش)
|
يا موسي
الجمبقلي والقشاشي ديل الا الفقران
العرس يلحق الاسبوع . الجيران زول بيوقد نار مافي
البقنية والمريسة براميلا برة الحوش وليها غوفة
عنمول مشيت عرس ود عمتي في البطانة . مشيت قبل يومين
لقيتهم شادين الشربوت برميلين كبار
تاني يوم قلت ليهم ادوني النضوق .. ابو .. قالو لي الا يوم العيزومة . لو ضقتو بتفتح لينا باب
ليلة العيزومة متقريف ليهو شلت منو كوز
اخييييي
فطير وعولق ساي
قلت ليهم دة لا ينفع شربوت لا عصير
الحل
قلت ليهم جيبو لي رغيفة . وحتة دلقان نضيف
جابو لي رغيفتين ربطت كل واحدة في دلقان عشان ما تتماص ورميتهم في البرميل
تاني يوم نصة نهار الادوهو كلو قال دبلو لي
ود عمتي شاكلني
ما كان تحدثنا
قلت ليهو لو ضوقتوني من اول يوم لومك علي ناسك ديل انومو في الصيوان الحفلة الا تعملها تاني يوم
| |
|
|
|
|
|
|
|
|
|
Re: الربة الربة حي انا (Re: عبدالحفيظ ابوسن)
|
ود البوش
عاين لي جاي
ناس الحكومة قالت اطبقو العرس التقول حنة
علي بالجزيمة الفريد ويحيدة دة تخليك تصرخ جااااك
الكلام المشال يشيلكم الشال جدي داك
-------------------------------------------------
هههههههههههههههه
الغلبك ياتو فيهن يا ود الضهبان ؟
غلبك مليان العران ول مليان المصران ؟
اعترف قول
وكمان شايفك فتحت ليك بوست جديد سفاهة وفاحشة ورزالة وقلة حيا
مالك يا اخوي الليام دي شايفك ماك اياكا
خرف ول كرف ول قرف ؟
| |
|
|
|
|
|
|
|
|
|
Re: الربة الربة حي انا (Re: عبد المنعم سيد احمد)
|
البوست ده ليهو اسبوع و لسه ما وصلنا قطع الرحط
و الملاية ام دم
عاين جاى
ناس ود البوش ديل بعد يقيلو بالاضالفين و الشربوت والفلاش
ساعة اللعبة يتمددو فوق قيزان الرملة و يضربو النوم
اها ديك ساعة ورق الكراسات و الكيريتة
نقشط الورقة بين اصابعين الكراع و نوقد فيها النار
و هاك يا فليل .....
بعد قطع الرحط فى شنو
| |
|
|
|
|
|
|
| |
عبدالحفيظ ابوسن
عبدالله ود البوش
زهير عثمان حمد
اباذر عبد العال
بدر المعارف محمد المساعد
عمر أبوعاقلة
معاوية المدير
اسامه العريفي
معاوية الزبير
أحمد الشايقي
عبد المنعم سيد احمد
حمد عبد الغفار عمر
جلالدونا
abas
فيس بوك
تويتر
انستقرام
يوتيوب
بنتيريست