|
دعواتكم لزميلنا المفكر د.الباقر العفيف بالشفاء العاجل
|
|
 Re: الحكومة نامت علي موضوع امريكا (Re: عبدالحفيظ ابوسن)
|
نبحونا نبيح بالاستهداف
والحصار كون اننا لن ترضي عننا لا اليهود ولا النصاري
سبحان الله !!
الاتنين هسة نحن عاضين عراريقنا وساكين رضاهم
مش كدة وبس
اسرائيل التي نحمل جوازتنا السودانية هي الدولة الوحيدة المذكورة فيهو
كل الدول عدا اسرائيل
واسرائيل ذات نفسها هي الحنست امريكا عشان يرفعوا عننا الحظر
المهم ما علينا بالسياسة نحنو ناس عنقالة ساكت .. ناس كلو واشربو معايش بس
بنفهم السياسة من خلال قفة الملاح وورشتة الدواء
صدعونا
انو لازم نتحمل الحصار
نحن الشعب وليس اهل السلطة اصحاب حفلات الزواج الالف ليلة وليلية
الشماعة جاهزة
الكهربا تزيد عشان الاسمو إيه دة
البترول نازل وعندنا طالع لأنو ما انتو عارفين في داعي كل مرة أكرر
اصلنا ما بنفهم وشحادين وكسلانين وجابت ليها عدم مسؤولية
ونحنو كشعب مؤمن .. والمؤمن صديق
بنسمع كلام الحكومة
وبنتبع كل توجيهاتها
ومنطقها
المنطق وان جافي المنطق زاتو
لأننا شعب طيب و بسيط وساذج
قالوا
الاستهداف
والحظر
يعني نومونا علي كدة
مجبورة ام كنيش علي التدورو والتابا
راجل امها تقولو يابا
وحسب كلام الصديق فيصل بقينا نقول
لولا الحصار كان طرنا السماء
| |
 
|
|
|
|
|
|
|
|
Re: الحكومة نامت علي موضوع امريكا (Re: حماد الطاهر عبدالله)
|
مرحب حماد
و
عملت رايحة
الحكومة احتفلت برفع الحظر . وتبارو في إدعاء الفضل
رغم انو رفع الحظر أربكهم
أتاهم بغتة وعلي حين غرة
ونحن زاتنا احتفلنا معاهم
مانا صابرين عمرنا كلو يرفعو الحظر والامور ترجع لما كانت عليه قبل الحظر اللعين
النصيحة ليك يا الله فرحت
وبقيت مواطن صالح ونسيت كلو حاجة
وبقيت في امريكا التي دنت جنتها وربيبتها اسرائيل
وكنت راجي
زي ما قالت لينا الحكومة
أنتفت الاسباب للضائقة
ما اصلو ما كان في سبب غيرو
يحكمنا القوي الامين
لكن ايدو مغلولة بسبب الحصار الجائر
بلعنا داون داون يونس حسن
وامريكا دنا عذابها
وخيبر خيبر يا شنو كدة ما عارف
وبقيت راجي الحكومة تقول لينا
كتر خيركم
صبرتم ونلتم
وتعلن حزمة اقتصادية جديدة زي دييييك لكن بالموجب
| |
|
|
|
|
|
|
|
|
|
Re: الحكومة نامت علي موضوع امريكا (Re: نعمات عماد)
|
ههههه
حالتنا دي نحن متقين الله
الجوامع فول يوم الجمعة لامن نصلي في الحراية
قالوا ارتفاع الاسعار غضب من السما علينا
نحنو دايرنهم يصحو لينا شوية يعملو rest للنظام بعد اصلاح العطل
وممكن يرجعوا يقيلو تاني
ان شاء الله مقيل جدي داك
| |
|
|
|
|
|
|
|
|
|
Re: الحكومة نامت علي موضوع امريكا (Re: أحمد الشايقي)
|
قالوا ارتفاع الاسعار غضب من السما علينا
نحنو دايرنهم يصحو لينا شوية يعملو rest للنظام بعد اصلاح العطل
وممكن يرجعوا يقيلو تاني
------------------------------------
اتق الله يا رجل !
مش كويس ما طردوكم بالملايين زي ما حصل
للشعب السورى . وبالمناسبة دي ممكن بكل سهولة
يبدلوكم بشعب آخر ؟ لكن طلعوا ناس عندهم شوية
رحمة وقبلوا بيكم كدا .
احمدوا ربنا على النعمة دي وموتوا من سكات .
| |
|
|
|
|
|
|
|
|
|
Re: الحكومة نامت علي موضوع امريكا (Re: أحمد الشايقي)
|
قالوا يا الشايقي
واحد اسمو فند من المخنثين شغال مع عائشة بت سعد بن ابي وقاص
بلبس هدوم طويلة ..
مرة عشة رسلتو يجيب ليها جمرة تولع بيها النار .. قبل الشعلة الذاتية والكهربا زاتو
اها مشي يجيب النار ليها .. وهو ماشي يجيب النار لاقا ليهو قافلة تجارية ماشة الشام .. وهو في المدينة
والقافلة طبعا مهرجان
طوالي اندرع معاهم . السفر والجية بتم سنة
مشي الشام ورجع مع القافلة بعد سنة وخاتي في بالو المرسال
من وصل المدينة ساي شال ليهو جمرات نار وجاري عشان ما يتأخر
وصل البيت وجلابيتو طويلة عترت ليهو وانكفا علي قدمو
اها بعد وقع قال
العجلة تطير
لكن قالها بلغة فصيحة كون انو الدارجية لسة ما اكتشفت قال
تعست العجلة
أها نحن هم زاتم قالوا لينا
العجلة تطير
وقريت في موقع نبض انو
الوزير قال 2019 سيتم رفع الدعم عن كل السلع
يعني لو ما فكو الحصار كان ضبحونا عديل
اطالب ب
عدم رفع الحظر
خربانة خربانة
كما قال
زعلانين كدة التقول عندنا دولار
| |
|
|
|
|
|
|
|
|
|
Re: الحكومة نامت علي موضوع امريكا (Re: عبدالحفيظ ابوسن)
|
تعرف يا عمر يا اخوي
قاعد في السوق شايف بنات واولاد في بداية العشرينات .. شايلين ليهم مراهم وزيوت . نسيت هم هنود
لافين يبيعو .. استغربت . بضاعتهم دي ما بتجيب تمن تذكرة السفر من الهند ناهيك عن انهم يستفيدو
اتذكرت طوالي الصينين الكانوا لافين بالفكس في ميدان الامم المتحدة ثم دخول الصين بكل ثقلها الاقتصادي
وهسة مزرزرننا قالوا يا قروشنا ولا ادونا واطة
اها الصين خليناها
الهنود ديل إلا يعملو لينا سودابليود ونمثل العورا
الاحلال والاستبدال حصل
بقينا في زمن بقينا فيهو جالية
| |
|
|
|
|
|
|
|
|
|
Re: الحكومة نامت علي موضوع امريكا (Re: عبدالحفيظ ابوسن)
|
حزمة اجراءآت وافقت عليها رئاسة الجمهورية تصدر بنهاية العطلة .
وافقت مؤسسة الرئاسة على حزمة القرارات المقدمة من وزارة المالية والبنك المركزي بهدف وضع حد للتدهور المستمر للعملة السودانية تجاه العملات الاجنبية ... والتي وعد بها المسئولون في وزارة المالية والبنك المركزي ... غير ان بعض التحفظات التي ابدتها مؤسسة الرئاسة على بعض النقاط ساهمت في تأخير صدورها حتى تم تعديلها واعتمادها بالصورة التي ترضي رئاسة الجمهورية ... وتحصل قروب *الإصلاح* على اهم النقاط التي ستحدث هزة على المستوى الاقتصادي .. اليكم بعضها :-
فيما يخص البنك المركزي 👇:-
1. *تعديل سعر الصرف الرسمي للجنيه مقابل الدولار في البنك المركزي والبنوك التجارية والصرافات ليصبح موحد 8.28 شراءاً ، 8.37 بيعاً*
2. *إلغاء مقاصة النقد الاجنبي و تصفية جميع الارصدة التي في الحسابات الجارية للعملاء وإمهال البنوك فترة اسبوع عمل لشراء الارصدة بالسعر المعلن و بعد انقضاء الفترة يقوم بنك السودان بشراء المتبقي وإغلاق الحسابات والتعامل بين البنوك عبر حساباتها طرف المراسلين بالخارج بديلا" للمقاصة الداخلية*
3. *تحويل جميع حسابات النقد الاجنبي الخاصة ( منظمات. شركات بترول . مرتبات عاملين . سفارات .الخ ) لحسابات مقيدة بالعملة المحلية ويتم تحويل مشترياتها لصالح بنك السودان المركزي بنسبة 100%*
3. *يتم شراء جميع حصائل الصادر في البنوك التجارية لصالح بنك السودان المركزي بما فيها حصائل الذهب بنسبة 50% وللبنك التجاري بنسبة 40% ولحساب الادوية بنسبة 10%*
4. *يتم تعديل في اجراءآت ضمانات الصادر بأخذ شيكات ضمان بقيمة كل حصيلة صادر وفي حالة تأخر الحصيلة يفتح بلاغ جنائي بقيمة الشيك ضد العميل ( يبقى إلي حين السداد) و يفرج عنه بعد وصول الحصيلة المتأخرة من الخارج*
5. *السماح بتصدير الذهب بكل انواعه ( خام , مشغول ، سبائك) بكل طرق الدفع الخارجي بعد إستيفاء ضوابط الصادر على ان يتم بيع الحصائل لصالح بنك السودان المركزي بنسبة 100% بالسعر الرسمي المعلن*
6. *إيقاف ايداع و سحب النقد الاجنبي من جميع الحسابات بما في ذلك الحسابات الخاصة بكل انواعها*
7. *ايقاف الاستيراد من موارد العملاء الذاتية سواء عبر التوريد النقدي او عبر التحاويل الواردة او الاضافة بحساب البنوك بالخارج ويتم الاستيراد فقط عبر موارد غرفة النقد الاجنبي بالبنوك التجارية او عبر المبالغ المباعة من غرفة البنك المركزي لصالح البنوك التجارية*
8. *ايقاف استيراد اصناف بعينها وفق قائمة الاصناف السلبية التي من اهمها ( السيارات بكل انواعها ماعدا الشاحنات وسيارات النقل العام والباصات ، الالبان بكل انواعها ما عدا لبن الاطفال، العاب الاطفال، المعلبات بكل انواعها ، السكر ، الاواني البلاستيكية، اشجار الزينة، الاحذية البلاستيكية ، الخضروات والفواكه بكل انواعها ، الاثاثات بكل انواعها ، الاسبيرات المستعملة*
9. *إعتماد سياسة تحفيز المغتربين على التحويل عبر المنافذ الرسمية للبنوك والصرافات وذلك بمنحهم موافقة لاستيراد سيارة معفاة من الجمارك اذا زادت قيمة تحويلاتهم خلال العام عن مبلغ 10 الف دولار او السماح لهم بأدخال بضائع للاستخدام الشخصي معفاة من الجمارك في حدود قيمة تحويلاتهم عبر المنافذ الرسمية*
10. *حظر جميع الشركات التي يمتلكها او يساهم فيها اجانب من العمل في مجال الصادر ما عدا التي لديها اتفاقات وعقود مع حكومة السودان تحت مظلة الاستثمار الاجنبي*
11. *حظر المسافرون لخارج السودان من حمل مبالغ بحوزتهم تفوق مبلغ 5 الف دولار او ما يعادلها*
فيما يخص وزارة المالية 👇:-
1. *اعفاء كافة المحاصيل الزراعية من الرسوم المحلية والرسوم الولائية و رسوم العبور بكافة اشكالها وانواعها*
2. *اعفاء قطاع التعدين الاهلي في الذهب من الرسوم المحلية والرسوم الولائية و رسوم العبور بكافة اشكالها وانواعها*
3. *منح المصانع المحلية التي تقوم بتصدير منتجاتها لخارج السودان اعفاءآت من الضرائب السنوية بقيمة ما تم تصديره سنوياً تصل لحد الاعفاء الكامل من الضرائب لمن فاقت قيمة صادراته السنويه مبلغ واحد مليون دولار*
4. *إعفاء قطاع الثروة الحيوانية من كافة الرسوم المحلية والولائية و رسوم العبور بكافة اشكالها*
5. *منح اراضي زراعية استثمارية لفترة 5 سنوات تنزع في حالة عدم استغلالها لكل من يعمل في صادر المحصولات الزراعية وتفوق قيمة حصائله السنوية مبلغ 500 الف دولار*
| |
|
|
|
|
|
|
|
|
|
Re: الحكومة نامت علي موضوع امريكا (Re: عبدالحفيظ ابوسن)
|
المسنوح ود ابوسن...
الحكومة الامريكية الرفعت الحظر عن السودان هي حكومة
الراجل الطيب اوباما القلبه على شعب السودان المغلوب على
امره....لكن الان الحكومة هي حكومة المجنون ترامب....
وهسع هو مشغول بحكاية يمنع المسلمين من السودان والعراق
وليبيا وسوريا والصومال واليمن وايران من دخول امريكا ..وبعد.يومين
ثلاثة حيلغي قرار اوباما وحيشدد العقوبات على السودان..وهو اساسا
بدا من اول يوم يلغي في قرارات اوباما وبدا بالغاء نظام التامين الصحي
الاسمه اوباما كير....
يعني حكومتنا الرشيدة ما تحرق مراكبها ساكت تجدع الشريحة القديمة
لان ترامب جاي ..جاي.. والمصيبة ان قراراته الارتجالية ستصيب السودان
في مقتل...بل قل حتصيب السودانيين في مقتل....
وبعدين كيف تكون عايز بونطلون جينز امريكي مع سخانة السودان المولعة
نار....وطبعا احسن ليك البونطلون السويسري او الفرنسي مع درجة حرارة
السودان الفايتة ٥٠ درجة....
والله يديك الصحة والعافية
| |
|
|
|
|
|
|
|
|
|
Re: الحكومة نامت علي موضوع امريكا (Re: اميرة السيد)
|
ماسورة يا ود اب سن كالعادة!
الناس بقت تكتب أمانيها خلّي بالك
الشي التاني اي خبر ما لقيته من مصدر حكومي اقل شي سونا - حتى الجرايد العادية بقت تلفح وتليّس التقول بورداب - ما تعوّل عليه او انتظر حتى ضحى الغد
اسّي من امس حايم خبر الغاء الداخلية للتجنيس و منع تجديد جوازات المجنّسين قدر ما كست المواقع الرسمية وموقع الداخلية وسونا ما لاقاني شي
اسّي الهلال عنده مدافع عاجي راجي بيه التجنيس شهر خمسة الجاي, خير زي دا مش ببوّظ أعصابنا ساي :)
| |
|
|
|
|
|
|
|
|
Re: الحكومة نامت علي موضوع امريكا (Re: محمد البشرى الخضر)
|
المسنوحة اللميرة بت اللمير
ماذا قدم اوباما للشعب السوداني
لاشئ
هو قاعد كم سنة ليه ما فك الحظر طيلة المدة دي . وسارع في آخر اسبوع ليهو بإستعجال القرار
تعست العجلة
القرار دة
خلع الحكومة
خلع المعارضة
وخلعنا نحن زاتنا
ما سر الفجاءة دي
| |
|
|
|
|
|
|
|
|
|
Re: الحكومة نامت علي موضوع امريكا (Re: عبدالحفيظ ابوسن)
|
انا غايتو اتعضرت ! ليكم
الخبر لافي فعلا
واحد رسلو لي في الواتس علي خلفية البوست
غايتو لو كان ماسورة
بتكون ماسورة جيدة الصنع سيئة المنشأ !
لا استبعد انها تأطيرية حكومية
غايتو فيصل خليل مسكني عكاز
ألابع بيهو من طرف
| |
|
|
|
|
|
|
| |
عبدالحفيظ ابوسن
عماد قريش
حماد الطاهر عبدالله
عمر دفع الله
نعمات عماد
محمد البشرى الخضر
فيس بوك
تويتر
انستقرام
يوتيوب
بنتيريست