|
|
|
 Re: البديل جاهز لإستلام السلطة في الخرطوم ... (Re: عبدالله محمد أحمد)
|
Quote: كل مؤشرات الوضع السياسي في الخرطوم تدل علي إنطلاق الثورة الكبري والمنتصرة بإذن الله ضد النظام الإسلاموي المتسلط علي رقاب البلاد والعباد لاكثر من خمسة وعشرين سنة. عاث فيها فساداً وأهدر دمائاً وأزهق أرواحاً بلا حدود.
ومن ثم سقوط النظام اليوم أو غداً أو بعد سنة أمر كائن لا محالة,
واكثر ما يثير غيظي وحنقي هو السؤال الذي يطلقه المحبطون والمتشائمون والمتخاذلون والمنفنسون والإنتهازيون والجبناء : البديل شنو ؟
صحيح البلد في انهيار كامل في كل المرافق إنهيار اقتصادي ,إنهيار صحي , إنهيار رياضي , إنهيار سياسي , إنهيار اخلاقي ولكن ...برضو التغيير قادم والبديل الذي سيغير مجري التاريخ في هذه البلاد الطيب اهلها إلا الكيزان موجود بكل تأكيد .
وبنفس منطق السؤال البديل شنو؟؟؟ هل يعقل هكذا شعب عظيم لا يوجد فيه من يدير أمره بكل إقتدار حتي قيام نظام ديمقراطي حر متكامل يحكم فيه الشعب نفسه بنفسه.
البديل أنا وأنت وكل شريف وكل حادب علي مصلحة البلد ولنا من الكفاءات الكبيرة والمقتدرة في المجالات المختلفة المنتشرة في بقاع الدنيا ما يكفي لتحويل السودان لدولة عظمي بما يملك من موارد ذاتية وانسان قادر علي قهر المستحيل.
فلنتحرك اليوم قبل الغد لوقف معاناة الشعب السوداني تحت وطأة هذا النظام واقتلاعه من جذوره وليذهبوا الي مذبلة التاريخ. |
كلام يوزن بالذهب والله
ربنا يديك العافية أستاذ أحمد عز الدين
| |
  
|
|
|
|
|
|
|
|
Re: البديل جاهز لإستلام السلطة في الخرطوم ... (Re: محمد علي البصير)
|
حبيبنا وحبيب البلد الكلس .. أحمد ود عزالدين ..
تسلم وتسلم البطن الجابتك يا خيي .. ويسلم الوطن بشعبه .
| Quote: البديل أنا وأنت وكل شريف وكل حادب علي مصلحة البلد |
نعم البديل ونعم الرجال البشرفوا السودان واهل السودان
السودان بخيره ورجاله وامثالكم ايها الاعزاء في المهاجر علي
قفا سودانا ما يشيل ومنتظرين لحظة الخلاص .. التحية لكم
ولجميع الشرفاء خارج وداخل الوطن المقدس ..
والثورة مستمرة ,,
ولا نامت اعين الجبناء ..
************************
حرية سلام وعدالة
والثورة خيار الشعب .
| |
|
|
|
|
|
|
|
|
|
Re: البديل جاهز لإستلام السلطة في الخرطوم ... (Re: مني عمسيب)
|
البديل جاهز نعم ولمثل هذا اليوم انا لعاملون
تبقي فقط ستارة اخري يحاول النظام الآيل للسقوط الاحتماء بها الا وهي الخوف من صوملة السودان وظهور سوريا اخري في السودان
وجب تمزيق هذه الستارة فالسودان غير
عروهم بغرس مفهوم ان البديل جاهز والسودان له رب يحميه وبنوه كذلك
| |
|
|
|
|
|
|
|
|
|
Re: البديل جاهز لإستلام السلطة في الخرطوم ... (Re: مني عمسيب)
|
ا
الكنداكة سليلة الملوك وبنت العز والشرف الاخت الحبيبة مني بت عمنا عمسيب
لك تحية الثورة وروح الثورة وعبق الثورة
الكل يتابع وبكل فخر ما تقومين به من جهد جبار نحو شعب مغلوب علي أمره ووطن ينوء ويئن تحت وطأة اوغاد ليس لهم دين ولا مبدأ ولا واعز ولا أخلاق.
أنتي أختي الحبيبة مني من علمتنا الثبات علي المبادئ والجهر بها والدعوة للحق وعدم الإستسلام للظلم والسحق والقتل وفي النهاية لابد لليل أن ينجلي ولابد أن يستجيب القدر.
أنها لحظات تاريخية أختي مني تاريخية بكل معني الكلمة إنها ساعة الكلمة للشرفاء إنها ساعة الحسم للوطنيين الأحرار إنها ساعة النصر. ودماء الشهداء هي المهر الحقيقي للثورة .
| |
|
|
|
|
|
|
|
|
|
Re: البديل جاهز لإستلام السلطة في الخرطوم ... (Re: talha alsayed)
|
الاخ الكريم الأستاذ/طلحة
أحييك واتفق معك تماماً علي ما سردته من سيناريوهات لسقوط النظام وضرورة السند والحماية من طرف القوات المسلحة لأي بديل قادم , حيث المتوقع المقاومة العنيفة من الكيزان وهم عملوا حسابهم تماماً من حيث تسليح أفرادهم ووضع الخطط للإلتفاف حول الثورة ولمقامة , بدون أدني شك الإنقاذ فقدت كل مقومات البقاء في السلطة وغاية ما نتمناه أن يحقنو الدماء ويسلموها بصورتها للشعب . وإلا فالمواجهة سوف تحدث والدماء سوف تسيل والارواح سوف تزهق والركة كلها علي الشرفاء من قواتنا المسلحة.
| |
|
|
|
|
|
|
|
|
|
Re: البديل جاهز لإستلام السلطة في الخرطوم ... (Re: أحمد عزالدين)
|
البديل يا بتاع هبي هبي يا اكتوبر (( ما زول)) لازم يكون( برنامج) واضح يتناول كل الانهيارات القلتها دي ويطرح بديل مكتوب وواضح يكون جزء من وعي الناس البتمرق دي
اذا ما عندك بديل
اعتمد برنامج نيفاشا ودستور 2005...لانها نهت عمليا ولايةالبشير نفسه بالمادة 57 من الدستور عشان يدعمك العالم
لانه منصور خالد قال ده خراطة الطريق الوحيدة للدولة المدنية الفدرالية الديموقراطية الفارقنها زمن الانجليز بسبب رعاع مصر والمستلبين عروبيا الشهوو السودان ذى الكيزان ديل بي الظبط
ومافي زول هسة في جمهورية العاصمة المثلثةبتاعتك دي اذكى من جون قرنق ولا وعي من منصور خالد
البرنامج السياسية في السودان موجودة من الاستقلال
وتكتر تقلل بدل غوغاتك دي بنزلا ليك
وما عندها ادنى علاقة بي عقاب الشيوعيين والكيزان في البورد وفي السودان ديل
عندي ليك سؤال
الناس المرقت لي جون قرن بالملاييين2005 مشت وين ؟؟؟
| |
|
|
|
|
|
|
|
|
|
Re: البديل جاهز لإستلام السلطة في الخرطوم ... (Re: adil amin)
|
الاخ الاستاذ/ عادل أمين
شاكر لك مرورك وكل يوم ازداد يقيناً بأن المواجهة مع النظام باتت وشيكة وبأنه لابد من إستحداث خطط للمواجهة والأستعداد للعهد الجديد من كافة طوائف الشعب السوداني بنظريات جديدة وطرح سياسي جديد وليكن التغيير شاملاً بكل معني الكلمة.
| |
|
|
|
|
|
|
|
|
|
Re: البديل جاهز لإستلام السلطة في الخرطوم ... (Re: د.محمد بابكر)
|
الأخ الدكتور محمد بابكر
التحيات الطيبات لك والشكر الجزيل علي مرورك
أتفق معك تماماً بأن بقاء النظام يعني مزيداً من العذاب لهذا الشعب المغلوب علي أمره.
وكذلك إحتمالات تشظي الوطن تصير واقعاً لا محالة وبالتالي لابد من التخلص من هذا النظام
ونسال الله العظيم أن يقتلعهم من جذورهم ويريحنا منهم بأقل الحسائر .
| |
|
|
|
|
|
|
|
|
|
Re: البديل جاهز لإستلام السلطة في الخرطوم ... (Re: أحمد عزالدين)
|
مشكور استاذ احمد انا اعتقد ان الذى قيل فى هذا النظام فى كفه وكلامك وحده فى كفه امل ان لا تتراخى الجهود والدفع الى الامام هو المكسب الحقيقى
الطغمه الفاسده ترتجف وتتهاوى فلنقف جميعا صفا واحدا حتى لا يتاثر برياح الانقاذ الهوجاء فهم الان كاللص عندما تقفل نوافذ الغرفه التى دخل فيها
حتما سينقض عليه اصحاب البيت
اكرر شكرى وتقديرى لك ولكل المتداخلين الكرام
| |
|
|
|
|
|
|
|
|
|
Re: البديل جاهز لإستلام السلطة في الخرطوم ... (Re: السنجك عثمان)
|
أهم حاجه الإيقاع الثوري ما يقيف والناس ما تستسلم
وعلينا دور من هنا نتابع ونكتب ونكشف وندعم بأي صورة يحتاجونها
........
........
لن يستطيع أي إنسان بعد تجربة الإنقاذ وسقوطها بإذن الله
أن يستغلنا مرة أخري أو أن يعلن عن برنامج ولا يحققه
تحياتي لك ولزوارك
| |
|
|
|
|
|
|
|
|
|
Re: البديل جاهز لإستلام السلطة في الخرطوم ... (Re: Muna Khugali)
|
الأعزاء مني خوجلي وعثمان السنجك ...
لكما تحية الثورة الماضية بإذن الله نحو التغيير الجذري والشامل وهذه النقطة بالذات هي مربط الفرس لأنو كلما تزايد الأيقاع تزايدت فرص النجاح وكلما استمر الأيقاع دخل الرعب في نفوس الكيزان وكبتو والنصر حليف الشعب السوداني.
| |
|
|
|
|
|
|
|
|
|
Re: البديل جاهز لإستلام السلطة في الخرطوم ... (Re: أحمد عزالدين)
|
| Quote: البديل جاهز لإستلام السلطة في الخرطوم |
بوست ساذج ..
إنتو قايلين التغيير ده إنو حكام الخرطوم يتغيروا؟؟ ..
المشهد معقّد من أقصى شمال دارفور لغاية أبييى ، والجميع شايل سلاحه وراجيها تجوط وتفلت قبضة القوات المسلحة عن الأمن ..
تجوا إنتو ياالأفندية الهاربين من الحارّة منتظرين الطلاب و البسطاء يموتوا وتعم الفوضى عشان تتفرجوا على أخبار الموت فـى الفضائيات ؟؟ ..
أنزع سلاح المليشيات ووحّد القوى المتصارعة وأقنع الجماهير والجيش إنهم لحمة واحدة بعدين تعال إتكلم عن بديل ..
| |
|
|
|
|
|
|
|
|
|
Re: البديل جاهز لإستلام السلطة في الخرطوم ... (Re: Munir)
|
البديل جاهز
وبزوال احد اهم مسببات الحرب تنتهي الحرب
الانقاذ وسياساتها الخرقاء
هي اساس بلا الشعب السوداني
ومافي خراب ودمار حاصل اكثر من ما هو حاصل الان
من يعتقد بان هناك فوضى وترهل ستحصل اكثر من ما هو حاصل الان
اما ساذج او مشفق على هذا النظام من قدره المحتوم
| |
|
|
|
|
|
|
|
|
|
Re: البديل جاهز لإستلام السلطة في الخرطوم ... (Re: أحمد عزالدين)
|
| Quote: نحترم وجهة نظرك بنفس السذاجة... |
شكراً ليك ..
بس برضو أخد كلامى بجدية ..
إن لم يتخلى المسلحون عن السلاح فلا تضمن عدم إنفلات الأمن إلى الأبد ..
إشتعال الحرب ساهل جداً ، عكس إستتباب السلام ..
دعاة الديمقراطية والحريات سرعان ما رموها وراء ظهورهم فى مصر وقبلها فى العراق ـــ بل إنهم فى مصر رفضوها عديل وأطاحوا بحكومة منتخبة وارتضوا ديكتاتورية السيسى..
| |
|
|
|
|
|
|
|
|
|
Re: البديل جاهز لإستلام السلطة في الخرطوم ... (Re: Munir)
|
كدى ياأخ أحمدعزالدين عشان نكون عمليين أكتب لينا سيناريو ما بعد إنهيار الحكومة ..
من سيحكم فى فترة إنتقالية؟ وكيف ؟ وماهى آلية إنتقال السلطة من الحكومة الحالية لهذا البديل الجاهز؟؟ ومن هو هذاالبديل الجاهز؟؟!!!
كدى عليك الله أرسم لى السيناريو الفى راسك .. يمكن أنا فايتة على حاجة ..
| |
|
|
|
|
|
|
|
|
|
Re: البديل جاهز لإستلام السلطة في الخرطوم ... (Re: Arif Nashed)
|
Quote: بان رؤية الزعيم الراحل (السودان الجديد) افضل حل لمشاكل السودان .
|
انت يا عارف الجبت النجيضة....فعلا لابد من مرجعية واحدة بس تلتف حولها القوى الديموقراطية الحقيقية في السودان والكتلوج الوحيد البرجع السودان دولة مدنية فدرالية ديموقراطية هو اتفاقية نيفاشا ودستور 2005
وهي الحد الادنى لرؤية السودان الجديد التي خرج لها الملاييين في الخرطوم لاستقبال قرنق ولكل السودان وسجل ليها 18 مليون سوداني في انتخابات...وفر منها هؤلاء لفاشلين بتاعين هبي هبي يا اكتوبر -خردة السودان القديم...ناس جمهورية العاصمةالمثلثة ديل ادمنو الفشل ومستمرين فيه
اولا العودة لدستور 2005 ستلزم البشير بالتنحي عن ولايته الثالثة المضروبة حسب المادة 57 من الدستور
يجب ضغط القضاة التسعة (المعفنين وغير المحترمين )في المحكمة الدستورية العليا لتفعيل عمل المحكمة الدستورية او التنحي او الاستقالة...
هذه هي بداية الثورة الدستورية ...ان يكون المواطن ان خرج ليه
بعد داك بتجي الاشياء الجوهرية في تغيير السودا كله
1- الغاء الولايات واستعادة الاقاليم واجراء انتخابات ثلاثية تباعا -انتخابات اقليمية - انتخابات مركزية -انتخابات راسية
2- تفعيل الحريات الاربعة والجنسية المزدوجة مع دول الجنوب ...استعادة الوضع الكونفدرالي
3- مسالة الالم القبيح بتاع القوميين العرب واستعادة علم الاستقلال-استفتاء شعبي
4- وجود السودان في جامعة الدول العربية -استفتاء شعبي
ومن هسة اهل القانون يقعوا يعملو دستور لدولة مدنية فدرالية ديموقراطية مكونة من ستة اقاليم ...
الخروج من دولة الراعي والرعية والريع والرعاع -المشروع المصري القاعد في راسنا من الاستقلال انقلاب القوميين 1969 وانقلاب الاخوان المسلمين 1989يعني تجاوز نخب السودان القديم المؤدلجة من عقاب الشيوعيين والقوميين والاخوان المسلمين والعودة الى نموذج وست منستر والاحزاب السودانية الحقيقية والشعب مصدر السلطات عبر الانتخابات والاستفتاء في كل حاجة
وتوجيه بوصلة السودان نحو الاتجاه الصحيح -افريقيا- ونموذج الجارة المحترمة اثيوبيا -الدولة المدنية الفدرالية الديموقراطية من سنة 1990
بعدين اكتوبر ذاتا ما كانت ثورة ولم تكن هناك اصلا ثورة حقيقية في السودان من الاستقلال والدليل انك لحدي هسة - مع -نفس الناس - والسودان بقى معااااق حركيا
هسة ذى ابوعيسى القال نقيب المحامين العرب ..المحامين العرب قدمو ليه شنو او لي السودان ...والله ما نزح من مصر و العرب ديل ما تقوم لينا قائمة لي يوم الدين
وحياك الله يا واعي .....
| |
|
|
|
|
|
|
|
|
|
Re: البديل جاهز لإستلام السلطة في الخرطوم ... (Re: Arif Nashed)
|
الاخ الكريم /عارف
تحياتي وإمتناني
عندما طرحت هذا البوست للحقيقة وقفت طويلاً وفكرت ملياً وإستصحبت كل أحداث المنطقة من حولنا , من عدم إستقرار امني وإحتراب وتشرد ونزوح وقارنته بالواقع السوداني المعاش وجدت كل ذلك ينطبق علينا تماماً
نحن في حالة عدم استقرار وثلثي شعبنا نازح ومشرد والحرب تغطي أجزاء كبيرة من الوطن العزيز وآلة الحرب اللعينة تحصد أرواح و دماء الأبرياء ليل نهار , هذا غير الفقر الذي طل الشعب بسبب سياسات الحكومة .
والأمراض الخطيرة التي إستشرت كالنار في الهشيم في جسد الشعب السوداني بصورة غير مسبوقة , نهب منظم وسرقة في وضح النهار لثروات البلاد , وكثير من البلاوي التي يصعب الصبر عليها غير الجوع والعطش
وبإختصار لم يتبقي سبب واحد لبقاء هذه الحكومة لإدارة شئون البلاد , لذلك ها نحن نطالب بالتغيير وبالتأكيد عشان نغيير لابد من بديل صالح يحمل الرؤية والبرنامج واكثر من هذا الدعم من الشعب بكل كياناته لوقف التدهور اولاً
ومن ثم معالجة المشكلات في كل مناحي الدولة , بالقطع التغيير سوف لن يكون يسيراً وسهلاً ولا الكيزان سوف يسنسلمون بسهولة لهذا البديل الجاهز الذي نتكلم عنه يتكون من خط دفاع اول من الشرفاء في قواتنا المسلحة الغير مؤدلجة
وهم موجودون وهم الذين سيحمون الثورة ويحمون الشعب بشرط العودة الي ثكناتهم بعد إستتباب الامن وهدوء الاحوال , الشباب هم فرس الرهان في هذا التغيير , والبديل البديل يجب أن نكون نحن جميعاً أحزاب و تنظيمات شبابية و نقابيًة و كل قوى الشارع الحيًة المتضررة من وجود النظام....طالما أننا اتفقنا على أن البديل نحن جميعاً..، إذاً البديل موجود فينا – نحن - من يساهمون في ذهاب هذا النظام من يخلقون الأرضية المشتركة التي تجمعنا جميعا ( البديل ) الذي نرضاه و يكون في هذه الحالة متفقاً عليه..
| |
|
|
|
|
|
|
|
|
|
Re: البديل جاهز لإستلام السلطة في الخرطوم ... (Re: ود الباوقة)
|
أخونا ودالباوقة مع انو خوتكم كعبة
نرد لك التحية باحسن منها
سمعت النكتة دي ولا لسه ؟؟؟
قاالو يا ود الباوقة في مسطول سمع الأغنية الوطنية بتاعة الكاشف " شمسك أشرق نورها وبقت شمسين "
قام قال ليهم " أنا زاااااتي قلت السخانة دي ما ممكن تكون من شمس واحدة أبداً"
أها نظهر ليك بوين مع السخانة والجبخانة الحية دي والدولار اللحق 13500 جنيه دا.
| |
|
|
|
|
|
|
|
|
|
Re: البديل جاهز لإستلام السلطة في الخرطوم ... (Re: أحمد عزالدين)
|
| Quote: واكثر ما يثير غيظي وحنقي هو السؤال الذي يطلقه المحبطون والمتشائمون والمتخاذلون والمنفنسون والإنتهازيون والجبناء : البديل شنو ؟ |
غايتو (البديل) بالضرورة يجب أن يتمتع بسعة أفق وشجاعة فكرية و بقدر كافي من الروح الديمقراطية يستوعب كل أشكال الأسئلة المشروعة و يجد لها إجابات وافية بلا غيظ و لا حنق و بدون اللجوء للتصنيفات المعلبة و الشتم الجماعي. البديل يصنع الاجماع او على الأقل يطمح لذلك.
البديل لا يعقد محاكم تفتيش لضمائر الخلق بناء على لا شيء سوى رأي متحفظ أو حتى سلبي.
ده البديل اليبدو مقنع في تقدير الكثيرين من أبناء نفس الشعب.
اكتفينا جدا ربع قرن من الوصاية و الإقصاء.
لا أظن البديل الناجع سيحمل المزيد من الوصاية على العقول.
| |
|
|
|
|
|
|
|
|
|
Re: البديل جاهز لإستلام السلطة في الخرطوم ... (Re: أحمد عزالدين)
|
التحية لكي بت خوجلي ..
Quote: لن يستطيع أي إنسان بعد تجربة الإنقاذ وسقوطها بإذن الله
أن يستغلنا مرة أخري أو أن يعلن عن برنامج ولا يحققه
|
وهذا المطلوب اثباته .. دستور يحترم الجميع .
الثورة مستمرة ..
******************
حرية سلام وعدالة
والثورة خيار الشعب .
| |
|
|
|
|
|
|
|
|
|
Re: البديل جاهز لإستلام السلطة في الخرطوم ... (Re: أحمد عزالدين)
|
لها التحية الكنداكة الفيسبوكية مني مدني ..
واقول ليك يا حبيتي وطوق نجاتي وبلسمي .. وكما قلتي :
لافرق بين المعارضين برة ولاجوة وهم تكملة لبعضهم البعض ولو لا
معارضين الداخل لما كانوا معارضين الخارج . ودمتي اختي الثائرة .
Quote: Mona Medani
تصتيف المعارضين بره وجوه ، احدي استراتيجيات نظام الانقاذ لاضعاف المعارضيين ، البره بره لكن قلوبهم وهمهم مع الوطن
، I am here but I am there' و البره طلعوا بره لانوا الكيزان ما تركوا ليهم ااي فرصه للعيش الكريم ، الكيزان عملوا علي تمكين
نفسهم في كل مراكز الدوله و الخدمه المدنيه و قاموا باقصاء كل من يخالفهم الراي والمذهب ، والبره هم شايلين الجوه بالتحويلات ،
يشتغلوا ليل ونهار و يصرفوا علي اكل وشراب وعلاج وتعليم اسرهم ، .......اسال ااي اسره سودانيه( ح يكون حالكم شنو لو ما عندكم
زول بره ) وشوف الرد ح يكون شنو ، اااي زول عايز النظام ده يمشي مفروض يحارب كل الاستراتيجيات البتبعوها الكيزان لاضعاف
المعارضه (1 ) بره وجوه (2 ) الامن و الخوف من الصومله (3 ) البديل منو .......
أعجبني · رد · 7 ساعة |
| |
|
|
|
|
|
|
| |
أحمد عزالدين
محمد علي البصير
مني عمسيب
عمر الفاروق عبد الله الشيخ
فرح الطاهر ابو روضة
talha alsayed
adil amin
د.محمد بابكر
السنجك عثمان
Muna Khugali
Munir
Arif Nashed
ahmedona
Gasim Alnoor Aly
فيس بوك
تويتر
انستقرام
يوتيوب
بنتيريست