|
دعواتكم لزميلنا المفكر د.الباقر العفيف بالشفاء العاجل
|
|
 Re: البحر قايم،،،،، (Re: عثمان عووضة)
|
في ثقافتنا الكوشية الشعبية بنقول
لوكت الدميرة البحر قايم
دا لمن. النيل يفيض ومويتو تبقى عكرة
والقلوق يبدأ يقلب وياخد لونو اكان احمر ولا
اصفر...،الخ
يتبع....
| |
 
|
|
|
|
|
|
|
|
Re: البحر قايم،،،،، (Re: عثمان عووضة)
|
اهاااا...الزول المجنتر ولا فاطي شبكة بي لغة اولاد
العصر الحديث نحنا بنقول ليهو بحرو قايم بي لغة العصر الكوشي
وانا الليلة قمت من الصباح بحري قايم على دفء حضن امي
الله يرحمها
عشان كدا ورغم بقية آلام القلبة قلت اقوم اتوكل واسافر
ليها
بمشي واحضن قبرها الدافئ واسال الله لها الرحمة
يتبع....
| |
|
|
|
|
|
|
|
|
|
Re: البحر قايم،،،،، (Re: عثمان عووضة)
|
كانت ساحرة ...كانت ساخرة
وديتها الدكتور في احدى المرات
الدكتور قال ليها يا حاجة امشي يقيسوا
ليك الدغت وفحص الدم للسكري
قالت ليهو ياولدي ما تضيع زمنك
نحنا لا قاعد يجينا سكري لا دغت
نحن بحرنا بس قاعد يقوم ..راسنا قاعد يمرق
من نحنا سغار يا كافي البلاء
| |
|
|
|
|
|
|
|
|
|
Re: البحر قايم،،،،، (Re: عثمان عووضة)
|
ابوي الله يرحمه عاش في مصر سنين طويلة.
لمن جاء للاستقرار. في البلد لقى ليك الحكاية بايظة
الناس نسوهو وبقى اسم امنة نصر هو السائد... اولاد امنة نصر
جنينة امنة نصر...بيت امنة نصر ...الخ
عمك زعل زعلة شديدة
مشى جاب ليهو كرو وقال يربيهو عشان بس يقولوا
كلبة شيخ عووضة
الجماعة برضو شبكوهو كلبة امنة نصر.
يا دي النيلة ... وبعدين؟
الکلب قام عضی ولد شیخ الحلة
الجماعة جو لي امنة نصر
قالت ليهم بري الكلب دا ما حقي
وعمك ما جايب خبر
امنة نصر نادت لي ابوي:
يا حاج الكلب دا حق منو ؟
عمك قال ليها بي زعل: الكلب حقي كمان دايرة تتصلبتي
فوقو ... ؟
قالت ليهم. يلا ورونا اكاج كرعينكم انتوا وسيد الكلب...
فتكم بي عافية
| |
|
|
|
|
|
|
|
|
|
Re: البحر قايم،،،،، (Re: عثمان عووضة)
|
ربنا يرحم والديك ويغفر ليهم و من اصحاب اليمين ان شاء الله
فى طريقك لحضن قبرها كتّر من الدعاء ليهم
لو عندك باقى مصاريف زايدة اكرم بيها المحتاج و الفقير
| |
|
|
|
|
|
|
| |
عثمان عووضة
جلالدونا
Ali Abdalla
حمد عبد الغفار عمر
احمد حمودى
وضاحة
عمر دهب
فيس بوك
تويتر
انستقرام
يوتيوب
بنتيريست