شاهدت أفلام هوليود وبوليود وتوليود كلها .. والأفلام العربية والأجنبية والهندية والمكسيكية جت * كل ما شاهدته حافظه صم .. الأسماء .. الأبطال .. المخرجين .. الممثلين .. باختصار كل الفلم .. مشهد مشهد .... لقطة لقطة .. بطلة بطلة .. زنقة زنقة ، إلا البت دي ما صادفت عيني قبل كدة .. ولا خطرت ببال أحد.
دحين عايز فاعل خير يعرفني عليها أو يديني الفيها الخير قصادها، أصلها، فصلها، عمرها، حالتها الاجتماعية والفنية، رقم تلفونها، ..الخ أصلن الأيام دي قايم لي فوق مشروع حضاري وكدة ..
للأمانة صورة البت (وما اظنها بت) جاتني في ايميل مع النكتة التحت دي .. فعجبتني (النكتة) شديد : الكمساري يكورك مورده مورده فجأة جات واحده سمحه سماحة شديده وعيونا كبار زي الفي الصورة دي.. قالت للكمساري لو سمحت الحافلة دي ماشه الشنقيطي الكمساري فتح خشمو وماقدر يقول حاجه بقي يهز في راسو فوق وتحت، البت طوالي ركبت وبقي يكورك شنقيطي شنقيطي شنقيطي الجماعه الراكبين نزلو وقالوا ليهو يازول انت موش قلت الموردة، قال ليهم وهو بعاين للبت انتو ماسمعتو بي ( عيونك فيها شي يحير يغير اتجاه الزول) اتخارجوا شوفوا حافلة تانيه شنقيطي شنقيطي شنقيطي يااااا
.. .. * أيوة بعترف إني مدمن أفلام، وأرجو من الحكومة إنها تعالجني من الإدمان ده.
(عدل بواسطة عمر التاج on 07-28-2016, 10:12 PM) (عدل بواسطة عمر التاج on 07-29-2016, 11:18 AM)
07-28-2016, 09:42 PM
عمر التاج عمر التاج
تاريخ التسجيل: 02-08-2008
مجموع المشاركات: 3749
ليل الخير يا منتصر .. وكل عام وانت بخير.. انت برضو عجبتك النكتة صاح؟ طيب وين حقها، ان شاء حبة تعب بي قوقل ايرث .. وبعدين الشنقيطي ما بعرفه، ومابتذكر شفتو وين لانه من ساعة كدة مسحت أي حاجة قديمة. دقق في النكتة وأرجو المحاولة مرة أخرى.
مراااحب منتصر .. نان ات باقيلك دا شكل بت ؟ مالنا نحن البنوت مابنعرفن .. يمين حافظنهن صم ... لا خلينا بنات الحلة ولا بنات المدرسة ولا بنات الهارت ولا بت الشيرية ولا بت الذين ولا بت ابرق ولا بت الناس ولا بت الكلب ولا بت ال .... الفي الصورة دي كان بت ديلاك يبقن حيط.. ولا شنو؟ وبعدين ماذكرتني بالشنقيطي ده منو .. اوع يكون سيد المنبر البحذف الصور داك؟
07-29-2016, 07:16 AM
سيف الدين محجوب سيف الدين محجوب
تاريخ التسجيل: 01-18-2013
مجموع المشاركات: 680
Quote: كان عندك دغت وسكري وركبينك زي حقات ود المدير احسن تجلي الموضوع حتتلبش من مثيلاتا أفضل تخمين لهذه الصورة: iran girls
الركبين علاقتن بالبلح شنو يا امحمد أخوي، ريسنا المبجل الله يرحمه كل يومين كان بغير ركبة ، وبعد ده حكم 27 سنة ومات عنده مرتين وسخلة، وكان ما بفوت حفلة ولا جرتق الا تلقاه ينطط في نص الدارة. . . أها قلت لي الشي دي من ايران عديل كده .. أنا والله من ما شفت اسمك بحرف الu عرفتك بتوديني التوج .. وتدعونني إلى دين جديد يدعو الى نكاح المتعة والغلمان. والله أقولك .. يازول مرااحب بنسابتنا الشيعة الجدد، بس حدد لي الشي دي من ياتو حسينية؟
07-29-2016, 08:06 AM
عمر التاج عمر التاج
تاريخ التسجيل: 02-08-2008
مجموع المشاركات: 3749
Quote: ماشاء الله والله دي مش تودي بالشنقيطي دي تودي الناااااار عديل سبحان الله الخالق العظيم
نار منقد والله
يلا ايدك معانا يا سيف، شد حيلك في البحث والتنقيب ، وانت في طريقك ما تنسى تغشى موقع قوقل جكس google chix ممكن تلقى عندهم الخبر اليقين .. وإذا وفقت في مسعاك الكريم .. ف سنزوجك اثنتان من أخواتها الصغار ، إذا ما عندك اعتراض في الدبل.
07-29-2016, 11:46 AM
عمر التاج عمر التاج
تاريخ التسجيل: 02-08-2008
مجموع المشاركات: 3749
تبا لكم يا ناس سودانيز .. لقد شهدت مائة مسرحية او زهاءها، وما بقي في جسمي موضع إلا وفيه فلم او قصة قصيرة، وها أنذا أموت في المنبر عشان أعرف البت دي منو وحتى الآن لاأعرف، فلا نامات أعينكم أيها الجبناء.
07-29-2016, 01:10 PM
عثمان عووضة عثمان عووضة
تاريخ التسجيل: 06-02-2004
مجموع المشاركات: 461
عمر التاج وشركاه العنوان والاسم والسي في والكاريير ومكان السكن والمعلومات ..كلو موجود .. إندينا لكن انت عايز تعرف ليه؟ لاحظ اللوحة المعلقة في الخلف مكتوب فيها شنو
07-29-2016, 07:21 PM
عمر التاج عمر التاج
تاريخ التسجيل: 02-08-2008
مجموع المشاركات: 3749
Quote: البت دي قطع شك واحدة من اتنين اولا ممكن تكون بت الهناي العندو قرون والطلع ابونا ادم و امنا حوا من الجنة😈 او ثانياً دي تعال ليها بعدين
مالك تضيق واسعا ياعثمان .. اتنين بس. ياخ انا في البداية قلت واحدة من السبعين .. بتاعة الجنة مش الطلعوا ابونا من الجنة.. غايتو خياراتك دي انا عرفت التاني .. بت الشجرة.
07-29-2016, 07:39 PM
عمر التاج عمر التاج
تاريخ التسجيل: 02-08-2008
مجموع المشاركات: 3749
Quote: العنوان والاسم والسي في والكاريير ومكان السكن والمعلومات ..كلو موجود .. إندينا لكن انت عايز تعرف ليه؟ لاحظ اللوحة المعلقة في الخلف مكتوب فيها شنو
ألحقنا سرييييع بالرابط ينالك مليون ثواب .. اللوحة المعلقة ما فهمتها بار ولا دار ولا شنو .. هو انت ذاتك قدرت تشوف ورا كيف؟ المهم أنا الشمار كاتلني، 10 دقائق بفتش بي قوقل Image وما جاب خبرها .. .. .. الجماعة البقولو ما بت يامنتصر مايروح خيالهم بعيد، بنجيبها ليهم بكل اكسسوارتها الانثوية وبقتنعوا..
07-29-2016, 07:47 PM
عمر التاج عمر التاج
تاريخ التسجيل: 02-08-2008
مجموع المشاركات: 3749
الخيار الراجح كلام اخونا محمد حسن فوق .. فارسة من بلاد فارس، الفرس القطعنا علاقتنا معاهم الله يقطع ركبيك يا البشير.. ما قريت تاريخ ولا دين، ما سمعت ببنات بني الأصفر الخيار التاني فاتنة من باكستان أو تايلاند أو الهند ... ياهم عاد شبه السماحة. كلامات موهومين بقولوا (اتس قاي) .. يقلقل عويناتهم ان شاء الحساد. حورية جنة طاشه مافيها كلام. . . . هلم بنا ياقوم نستشهد على تخوم بلاد فارس .
07-29-2016, 08:08 PM
محمد قسم الله محمد محمد قسم الله محمد
تاريخ التسجيل: 06-13-2011
مجموع المشاركات: 2793
استغفر يا ود المك أخوي .. استغفر الدنيا قبايل عيد وربنا ما برضى بالظلم، اكيد عنده العوض قدام .. حور عين كاعبات ناهدات .. ماهن عصي زي الفي الصورة دي .. وبعدين يامحمد أخوي لوك الصبر .. أو خت طوبتك وأقيف في الصف...
07-29-2016, 09:14 PM
عمر التاج عمر التاج
تاريخ التسجيل: 02-08-2008
مجموع المشاركات: 3749
Quote: البت دي سودانيه؟؟؟؟!!!!! ما قلتو بالشنقيطي!!!!!
يا اللخو الناس وصلت القمر وانت يا دوبك في الشنقيطي ، في بورداب أسع قاطعين على الشرق الأوسط ، بحثا وتنقيبا عن الكنز. وبعدين الدخل البت في الشنقيطي شنو؟ يا اخوي انت شكلك لخبطت القصة مع الفلم مع البت ولخبطت راسنا زاتو معاك.. أسع نحن وصلنا وين ما عارفين .. كدي نزلنا هنا وخلينا ننتظر أخونا أحمد يس قال جايينا بالخبر النسابة جت.
07-29-2016, 09:17 PM
Muhamed Hassan Abdalla Muhamed Hassan Abdalla
تاريخ التسجيل: 01-30-2016
مجموع المشاركات: 163
كلنا نستغفر المافي شنو؟ مع انو يا ملك انا وانت من المولفة قلوبهم😉😉 .... غايتو يا عمر دي ياها بت هناي ذاتو القلتها ليك في اضانك ياخ انت مالك بقيت نساي كدا😉😉
07-30-2016, 00:47 AM
جلالدونا جلالدونا
تاريخ التسجيل: 04-26-2014
مجموع المشاركات: 9661
عييييك الحكاية عايرة و ادّوها سوط يمين الله و قعت لى فى جنس كنز شى يالنضارة و شى مغمّدة ياخى مغمّدة لامن هيمانة و حالمة امّا الصارّة فيها.. وجهها الصبوح .. ديك حقو الواحد بجيبا ليكم عشان كلّكم بى سلامتكم و ملكّم ترقدو تحت التربيزة
07-30-2016, 00:57 AM
عثمان عووضة عثمان عووضة
تاريخ التسجيل: 06-02-2004
مجموع المشاركات: 461
Quote: دحين عايز فاعل خير يعرفني عليها أو يديني الفيها الخير قصادها، أصلها، فصلها، عمرها، حالتها الاجتماعية والفنية، رقم تلفونها، ..الخ أصلن الأيام دي قايم لي فوق مشروع حضاري وكدة ..
عمر التاج ...
دي دينا خالد ...
في شي بعيد ؟
07-30-2016, 09:36 AM
عمر التاج عمر التاج
تاريخ التسجيل: 02-08-2008
مجموع المشاركات: 3749
شكرا لرأيك السديد أخونا المناضل يحي قباني .. فدينا خالد -رد الله غربتها للمنبر - تعلو ولا تعلوا عليها .. إلا البت دي. رغم جيل الفاتنات الجدد في بوليود إلا أن الهند لن تنجب إلا أشواليا واحدة .. حتى الآن أحسبها أيقونة الثقافة الجمالية في الكون ..
.. .. علا ما وريتنا رأيك في المصيبة دي؟ ولا جبتنا لينا (البكاية) دينا خالد تصرح برايها..
07-30-2016, 03:46 AM
على محمد على بشير على محمد على بشير
تاريخ التسجيل: 08-07-2005
مجموع المشاركات: 8648
Quote: جلة ياخي انتو في بلدكم ديك عندكم الحاجات دي على الهوا مباشرة وعلى قفا من يشيل. مضايقننا حتى في الصور
صحي على قفا من يشيل ومصداقا لكلامك يا ود عووضة مرة لقيت واحد اخونا وحبيبنا من اعضاء المنبر الله يطراه بالخير الحقيقة ماشي مع واحدة كبيرة وبكركر فيها .. وليس لديها اما يشفع لها باي ملامح من ملامح الحلا والجمال حتى في الماضي البعيد زي ماقال صلاح مصطفى بعد السلام قلت ليهو دي منو دي حبوبة الجماعة؟ قال لي ( اسكت .. دا الورق بتاعي)
07-30-2016, 09:13 AM
عمر التاج عمر التاج
تاريخ التسجيل: 02-08-2008
مجموع المشاركات: 3749
اصبحنا واصبح الملك لله خالق الجمال و(البغال) والعسل والنحل .. نسال الله في هذا الصباح ان يهديك يا احمد يس لما فيه خير البلاد والعباد .. ويتوب عليك بعد أن قد صبأت وبعت إخوتك وخنت الأمانة .. يا أخي في داعي للغتاتة دي .. يعني إلا نقول ليك الشنقيطي بالنص .. ولا الثروة بالتلتين عشان تلحقنا المولد مع الزفة.. أسع الظاهر قطرنا صفر .. وأخونا جلالدونا عتر في الكنز وخم البيض كله ..
أسع انت لا قعدت معانا نوزع ليك ولا فكيت الآتو .. ونحن ما طلبنا غير من التعارف .. اتواضعنا وقلنا حسبنا من الغنيمة فقط بالرابط .. وان زدت في العنوان والتلفون وبعض اللقطات فذلك فضل خير من بلدك العايش فيها ومدفقة عسل وجمال
.. .. المهم اسع عندنا أبو الجلاجل العظيم ده .. خلوني انحصلوا سريع قبال يتلحس.
جلالة الملك جلال الدين جلالدونا الشهير بالأمير جلجل .. ملك البحرين والبرين والرايات التسعطاشر .. قدس الله سره ورفع شأنه .. أما بعد .. فأنت تعلم حال العباد والرعية في هذا البوست .. بعد أن رأوا ما رأوا من العذاب الأليم .. واضرب مثال بشخصي الأمير الصغير .. عندما قرأت النكتة ضحكت حتى سالت دموع الناس جداول .. وعندما شاهدت صورة الشي دي بكيت بدل الدموع موية شطة وليمون.. فهداك الله يا أميرنا المفدى .. هلا جدت بفيض كرمك وتورينا الزيت شنو؟
Quote: عييييك الحكاية عايرة و ادّوها سوط يمين الله و قعت لى فى جنس كنز شى يالنضارة و شى مغمّدة ياخى مغمّدة لامن هيمانة و حالمة امّا الصارّة فيها.. وجهها الصبوح .. ديك حقو الواحد بجيبا ليكم عشان كلّكم بى سلامتكم و ملكّم ترقدو تحت التربيزة
أدينا واحدة ان شاء الله بالنقاب عشان الجماعة تآااامن .. ولا تخبر صديقك الغتيت ابوحسنين يقوم يسرق الكنز ويغتس حجر الرابط.
07-30-2016, 09:33 AM
سيف الدين محجوب سيف الدين محجوب
تاريخ التسجيل: 01-18-2013
مجموع المشاركات: 680
يا جماعة الخير لحدي اسه ما في زول جاب لينا النجيضة وورانا العسل دا مدلوق من وين بعدين ينوبكم ثواب واحد يعمل كوبي للصورة ويلصقا لينا تاني تحت يعني ياريت لو بعد كل رد يلصق لينا الصورة واكلف الاخ جلالدونا بهذه المهمة عشان تعبنا من الطلعة والنزلة عشان نلقي نظره كل مره وتبقى قريبة لينا ونكحل عيونا بالجمال الرباني حالة سعبه حلاس سبحان من سواها وتجلى في خلقها
08-02-2016, 01:09 PM
عمر التاج عمر التاج
تاريخ التسجيل: 02-08-2008
مجموع المشاركات: 3749
سلاماتي اخونا صاحب الاسم المقفأ .. علي محمد علي وشكرا للفيديو العسل .. انا غايتو ما حا أمد يدي للوطن .. لكن لناس بره .. ممكن أيدي وأمد رجلي.. وأمد كراع بشة ذاتووو.
07-30-2016, 10:18 AM
عمر التاج عمر التاج
تاريخ التسجيل: 02-08-2008
مجموع المشاركات: 3749
مرحب بيك فردوس جامع في جنة فردوس المنبر .. حيث الجمال والألق والوجه العسل..
Quote: ما عارفة ليه بس لما فتحت البوست ده حسيت كأني بفتح لي في بوست فيسبوك لي ود أختي المراهق و عامل فيها شفت... تنوع مميز في مواضيع البورد
النصيحة البت كساااارة :) و تحياتي لصاحب البوست و جُموع المُدشدشين
الحكاية ومافيها يا فردوس أن عزيزي القارئ في سودانيز لماح جدا في فهم النكات وتذوقها بالإضافة لطبعه المحب للجمال والحلا .. واقولك سر .. الصورة الفي البوست دي ما الأصلية، فيها حبة تشويش وضبابية .. لو نزلنا الصورة الاصلية النضيفة المنبر دا احتمال يطش، والنت بتلجن ويلخبط كل الايبهيهات.. وفي كتير من الأجهزة ما بتتحمل الضغط الغالي حا تحرق على طول.
07-30-2016, 10:52 AM
عثمان عووضة عثمان عووضة
تاريخ التسجيل: 06-02-2004
مجموع المشاركات: 461
والله يالصادق اخوي أبدعت و قربت .. لكن ما جبتها بس كويس لقيت بنات العم .. صحيح مشيت في الطريق الصحيح لكن لسه ماوصلت .. بناتك ديل زي بت اخونا Muhamed Hassan Abdalla وكلهن ماشاء الله فيهن الشبه لكن ما زي الأصل .. الأصلي ما منو تاني في الأرض، وقع (بب) من السماء .. وانت كان راااجل وركبيك ثابتات -ما زي حقات البشير -جيب صورة الشيطانه دي مقبلة علينا جاي .. وحات نظري ..المنبر ده كان ما انكشح في الفيس بوك والشاشات براها عملت Shut down ، أغرق في الخليج الفارسي.
07-30-2016, 11:37 AM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
في داعي هسي .. للدموع السايلة مني دي وحرقتني وخليتني اجري واجيها راجع واعاين في صورها واتحقق فيها يا الناعسات عيونك .. لي عينا سهيدة .. تضرب بنبالك ارواحنا و تصيدا وبى كلامك الموحى : من اوصاف عديدة ظهرت لي قوافي .. وسالت مشاعري جداول ويا ها القت عليك قصة العباسي مع البنية العشرينية عند حدائق جيرون ونسمع عمر التاج وهو ينوح هائنا في الارجاء وينشد اشواق كتيرة و دموع شهودا .. وابواب الوصال لام خدود موصودا ويزداد نواحه وبكائه المر ثم ما لبث ان خطرت له فكرة ما وهدأ قليلا واا به يرفع عقيرته بالغناء ويحاولد ان يقلد صوت وردي في طبقة صوتية متوسطة وهادئة: وكان غرساً سقيتو بكا وقبضت الريح
07-30-2016, 12:33 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
نصيحة كلام الصادق دا ما يخمكم وعايز يقنعكم ان الشقيقات الايرانيات ماهلاقا و راحيل و اريزو بنات جابري سيد الاسم ورثن الجمال من امهن وقاعدات في كلفورنيا وماعارف شنو الكلام دا ماصاح وعاينو (النخرين) بس ركزوا في النخرة صاحبة عمر التاج نخرتها زك مدافع الريان عري رسمها وبعدين انت يا ودالتاج عايز الدمار الشامل يجيك كدة بالبارد وبى كليك واحد لازم تتعب وتصبر وتعوعي وتكورك وتولع وتتبشتن وتحوقل
07-30-2016, 01:03 PM
عمر التاج عمر التاج
تاريخ التسجيل: 02-08-2008
مجموع المشاركات: 3749
Quote: نصيحة كلام الصادق دا ما يخمكم وعايز يقنعكم ان الشقيقات الايرانيات ماهلاقا و راحيل و اريزو بنات جابري سيد الاسم ورثن الجمال من امهن وقاعدات في كلفورنيا وماعارف شنو الكلام دا ماصاح وعاينو (النخرين) بس ركزوا في النخرة صاحبة عمر التاج نخرتها زك مدافع الريان عري رسمها وبعدين انت يا ودالتاج عايز الدمار الشامل يجيك كدة بالبارد وبى كليك واحد لازم تتعب وتصبر وتعوعي وتكورك وتولع وتتبشتن وتحوقل
كلامك صاح يا احمد ود يس .. بنتنا 24 حصان .. وبنات الصادق نصف حصان .. في فرق واضح في السرعات والمقاسات سيدي الرئيس .. وبعدين أسلحة الدمار الشامل حا تجي لمن نلقى باقي الصور بتاعة المصيبة دي .. علي الحلال تجيك لقطة طايرة من الخلف .. ولا واحدة مارقة من الغرفة الداخلية ..ماتعرف الجاتك لقطة ولا طلقة . يازول مهلاقا شنو وراحيل منو .. واشواريا وبريانكا وديبيكا .. وانجلينا جولي و وماريون وجوليا وجارليت وجيسيكا ديل طلعن أي كلام .. . وبعدين يا اخ القال ليك نحن ما سعينا منو؟ يا اخ سمع اضاني في واحدين يجهزو في السيرة لي طهران .. لكن نحن يادوب بنشاور، وعندنا حبة ملاحظات وشروط .. ورغم كدة كتبنا من الأشعار ما لم يكتبه مجنون الفارسية .
07-30-2016, 01:18 PM
عمر التاج عمر التاج
تاريخ التسجيل: 02-08-2008
مجموع المشاركات: 3749
Quote: لكن ما بالغو ركاب الحافلة .. نزلو ؟؟؟!!! الموردة بتاع شنو .. ما يومي ماشين ليها ..!
هههه .. والله كلامك صحي.. عندنا واحد صاحبنا كان مسافر مدني .. ما لقى إلا بص ماشي بورتسودان وفيهو مقعد فاضي فركبوه بنصف القيمة.. في مدني الكمساري قالو أنزل غمت ليه 10 جنيه وقال ليهو واصل القضارف .. لمن وصل القضارف تاني أداهو عشرة وقال ليهو غيرت راي واصل معاكم بورتسودان .. لمن وصل بورتسودان ، قامت المزة الكانت راكبة جمبو نزلت من البص .. نزل وراها وقلب راجع في اول بص ماشي مدني. . . فصحي كلامك في محلو .. جماعة الشنقيطي ديل لو كانت جاتم البت دي كانوا لي أسع مانزلو
07-30-2016, 01:34 PM
Muhamed Hassan Abdalla Muhamed Hassan Abdalla
تاريخ التسجيل: 01-30-2016
مجموع المشاركات: 163
سلامات أخونا محمد حسن .. الاتحشرت في نص المداخلة شنو ؟ ما تكون البنية المطلوبة حية أو ميتة ؟ البت دي وهدبتنا يا اخ وبقت علينا قصة المسطول السمع الشيخ بقول حديث لو دخلتم جحر ضب.. الخ..ويختم بقوله اخرجه البخاري. المسطول ساله: اخرج الضب .. الشيخ رد عليه : لا اخرج الحديث . المسطول ساله تاني: اخرج الحديث من جحر الضب؟ الشيخ طش شبكة و قالوا اسع بقى شيعي.
. . أخونا سيف كيف حالك وماك طيب .
Quote: الله لا كسبكم جميعااكان دايرين تدفنونا حيينغايتو يا التاج تب ما سويت فينا خيروالله يسون زهايمرخاصة ست الاسموحالتا بدون مكياجياربي بصلن في ياتو حسينية ؟
الصبر يا سيف يا اخوي .. الصبر طيب وانت زاتك طيب .. أسع دي بت بمكيجوها يا سيف، المكياج زاااتو يختو ليها وين .. المكياج بعملنو بناتنا عشان يضارن نيشن ودقنوسن .. أسع انت عايز قمرنا تضاري راسها ولا وشيها من شنو؟ بالعكس ياخي.. أنا شايف اذا في أي بت من بنوتنا (دا كان عندنا بنات وعندهم بنات) وكانت بتنا عايزة تمرق ممكيجة ، فما عليها سوى تقيف دقيقة قدام صورة بتنا دي وتتامل في صورتها وتمرق مترعة من عندها حتى يغازلها الناس في الشوارع .. الحقوق محفوظة لكاتبنا المبدع بشرى الفاضل. أما بخصوص الحسنية .. فما تخاف. . فلقد بلغنا ان هناك مساعي رئاسية حثيثة تسعى ل(سنسنة) الفتاة ... او اعادة العلاقات الدولية مع طهران ايهما أسهل.
ليك علي يا التاج إن سنسنتها لينا الا نسويلا زاوية متل حقت شيخ اللمين وننصبا شيخة علينا وعلى طوايفنا كلنا ونبقى ليها حيران وهي تلحقنا وتنجدنا حتى المولد نسويلنا فيه خيمه
يلا يا عووضة ابدا في تسجيل الحيران من اسد
07-30-2016, 07:04 PM
عمر التاج عمر التاج
تاريخ التسجيل: 02-08-2008
مجموع المشاركات: 3749
اقتراحك جيد يا سيف .. أها سجل يا عوووضة .. واكتبني رقم اتنين لأني أول واحد شافها . طبعا نمرة واحد معروف وما في داعي نزاحم الريس . سيف الدين انت عليك إدارة اللقاءات وتحديد الداخل والخارج للشيخة وعوضة مدير علاقات خارجية . وجلالدونا الغتيت ده نمسكو الصحة . أنا وأعوذ بالله من أنا متخصص سكرتارية خاصة. وبقية العضوية مساعدين ونواب رؤساء .. وبكري أبوبكر حقه محفوظ .. مديرا للعلاقات البينية.
07-30-2016, 07:12 PM
عمر التاج عمر التاج
تاريخ التسجيل: 02-08-2008
مجموع المشاركات: 3749
محمد حسن عبد الله بناتك ما فيهن كلام .. آخر حلاوة وطحنية .. خاصة الفي النص على كل حال هي محاولة طيبة وستقربنا الى الهدف خطوة . . . أخونا منتصر .. ماقلت في خبراء .. وين الخبراء؟ خبراء بتاع فنيلتك؟
07-30-2016, 08:42 PM
حمد إبراهيم محمد حمد إبراهيم محمد
تاريخ التسجيل: 08-20-2009
مجموع المشاركات: 5198
الشي دي مالك صعبتها شديد يا الصادق، لحقتها انقلاب تركيا عديل كده .. مهم جدا ترجع الصور لأنه في مقارنات مهمة ستأتي بعد قليل ..
.. .. اخونا منتصر البتاعة دي شكلها غاتسة جوة .. كان جاء وود البشرى ولا عمك بيل غيتس زاااتو ما اظن يقلعها سوفت من النت . أنا غايتو عندي صوره هاردوير بالجنبة، ومابنزلها إلا يأتيني ود البشرى من المنبر أو ود الذين امنوا من القراء.. بصورة الكترونية لها بحيث تظهر فيها بنتنا هذه :
مكرة مفرة مقبلة مدبرة معا ..
والجائزة 200 دولار للفائز الأول.
07-31-2016, 05:37 PM
امير بوب امير بوب
تاريخ التسجيل: 01-02-2013
مجموع المشاركات: 1552
سلام سيد البوست و ضيوفه الكرام من زمرة البكايين ! محمود درويش زماااان قال : النهد هو أعلي قمة في الأرض ! غايتو البنية سمحة في وشيها و تقاطيعها ... لاكين من الناحية ديك مشطّبة تَب !
تحياتي
07-31-2016, 05:39 PM
عمر التاج عمر التاج
تاريخ التسجيل: 02-08-2008
مجموع المشاركات: 3749
نعود لتعليقات الاخوة والاخوات ومن غير نظام (هي البنية دي خلت فيها نظام؟)
Quote: يا ربي اجمل حاجة في صورة البنية دي شنو ؟
اكتر شيء لفت نظركم شنو ؟
اكيد الناس مكسرة في العيون و الخشم و النخرة ( حسي دي نخرة نصاح دي ) ووو ... حتى الاباط عنده حيرانو ...
انا غايتو البطينه الظاهرة دي مع مزعة البنطلون محل الزرارة ... ممكن اقرط على كده باقي عمري الفضل ...
عاد يا قباني عايزنا نقسم لحم البت دي حتة حتة ونشتت أعضاءها بين القبايل ولا الفهم شنو؟ غايتو كان قباني بجلالة قدره اكتفى ببياض البطين الصغمتوتي المندس ده أنا .. بكفيني من البت دي أيدها بس ..أطلبها في بيت الطاعة وقت ما ألم فيها.. الباقي اتقسموا براكم .. ان شاء الله كل عضو من سودانيز ياخد خيرررراية ... أقصد سبيباية. . . وبالمناسبة دي يا اخ يحي قباني .. وبما نعرفه عنك كخبير فني واسع الاطلاع بالسينما والمسرح وملم بشكل ووجوه نجمات العالم .. نرجو منك ترشيح + تجربة تقييمية لترشيحي وترشيح من يرشح، لأجمل النساء المشهورات ... على أمل أن نصل في النهاية لمنافسة حقيقة لذلك الملاك . ولنبدأ بهذه الخيارات الشخصية ..
07-31-2016, 06:50 PM
عمر التاج عمر التاج
تاريخ التسجيل: 02-08-2008
مجموع المشاركات: 3749
مرااااحب امين الطيب .. جايك صادي للجمال المكتوب منك ده .. ونجيه ومعانا سيد الجمال زاتوو
مرااااحب امير بوب
Quote: سلام سيد البوست و ضيوفه الكرام من زمرة البكايين ! محمود درويش زماااان قال : النهد هو أعلي قمة في الأرض ! غايتو البنية سمحة في وشيها و تقاطيعها ... لاكين من الناحية ديك مشطّبة تَب !
النواحي التانية دي يا بوب لسة ما جينها .. نحن لسه في تمهيدي الجمال العام ولسه ما اتخصصنا .. غالبا ما تكون المرحلة الجاية مختصة ببقية التضاريس والحتت، وحاتشوف ب(عيني أمك) لما ننزل الصور التانية.. وتأكيدا لهذا الوعد حا نبدأ بذكر جميلات العالم (جملة لا تفصيلا).. بمعنى أن الجمال هنا يرتكز على الوجه والكفين الى الكوعين ( فوق الصدر ودون الارداف الى الكعبين)، وذلك لأن الصور التي انتقتها أغلبها محتشمة ولا تخدش الجمال العام ولكن ليك علي .. لمن نجي لمرحلتك الصعبة ديك حا نجيب الصور من جوه .. . . نبدأ بالعرب .. نفط السودان والصومال ، ونختار من الجمال العربي المصريات .. وفي راي أن الأجمل عبر مسيرة جمالها هي الممثلة نورهان ( مثلت دور الزوجة الخامسة للحاج متولي) نمرة اتنين محتار ما بين جمال الممثلات: ليلى علوي وفاتن حمامة ولكن أظنها الممثلة حنان ترك: جميلة الجميلات ..
.. .. نستمع لكلام خبراء الجمال .. ونعرج في المرحلة الثانية بجميلات بوليود .. حيث الجمال الهندي (هذا اذا لم تخني حصتي اليومية من المداخلات) وهكذا إلى أن نصل لضالتنا الحورية .
07-31-2016, 07:40 PM
عمر التاج عمر التاج
تاريخ التسجيل: 02-08-2008
مجموع المشاركات: 3749
الهنديات هن الرقم الأصعب في الجمال والفتنة .. جمال في كل شيء .. بدءا من الظفر وحتى أعلى سبيبه من الشعر .. هن الأجمل في العالم بلا شك ، فهاهي اشواليا راي و بريانكا شوبرا قد تربعتا على ملكية جمال العالم في بواكير ظهورهما .. اشواليا هي الاجمل في العالم ( بعد بتنا فوق طبعا)
الثانية في بوليود هي بريانكا شوبرا ..
تنافسها كارينا كابور وبريتي وكاترينا.. ولكني اميل للنجمة الرائعة في كل شي دبيكا ..
غدا ان شاء الله نكحل عيونكم بجميلات هوليود ، حيث الجمال الأمريكي والاوربي الشفيف .. ونختم من تركيا وايران.. ونظل ننتظر واياكم بلاد فارس الفتية و معها جائزة ال200 دولار .
07-31-2016, 08:35 PM
امير بوب امير بوب
تاريخ التسجيل: 01-02-2013
مجموع المشاركات: 1552
الأخ العزيز عمر التاج يا زول والله جيهتنا تب ! قلت لي الشغلانة مراحل و تصفيات و تخصصات و ماشين من برّه لا جوَّه ! ياخ الظاهر عليك انت النوع الكاتل الجدادة و خامي بيضا نحن غايتو في الإنتظار و لمّن الشغلانة تدخل العضم ، بنجيبو ليك حي ! كدي انتهي لينا من المسح الطوبغرافي دا و التشطيبات الخارجية دي سريع و شوف لينا البِنيات الأساسية معانا مهندسين زي ناس قباني ممكن نحتاج ليهم في حتة حساب المرتفعات و التضاريس و تصميم الخلفيات انا خلو لي البروزات و المناور ... !
تحياتي
08-01-2016, 01:58 PM
عمر التاج عمر التاج
تاريخ التسجيل: 02-08-2008
مجموع المشاركات: 3749
مساء الخير يا امير .. الجيهه التمام مساء اليوم بعد ما ينوم الخونة .. ليك علي .. الزيت كله يتكبا هنا هههه
Quote: يا زول والله جيهتنا تب ! قلت لي الشغلانة مراحل و تصفيات و تخصصات و ماشين من برّه لا جوَّه ! ياخ الظاهر عليك انت النوع الكاتل الجدادة و خامي بيضا نحن غايتو في الإنتظار و لمّن الشغلانة تدخل العضم ، بنجيبو ليك حي ! كدي انتهي لينا من المسح الطوبغرافي دا و التشطيبات الخارجية دي سريع و شوف لينا البِنيات الأساسية معانا مهندسين زي ناس قباني ممكن نحتاج ليهم في حتة حساب المرتفعات و التضاريس و تصميم الخلفيات انا خلو لي البروزات و المناور ... !
قلت لي المسح الطوبغرافي والتشطيبات الخارجية .. ان شايف في ناس ما بتحملو . وفي واحدين مستعجلين عايزيننا نسقف على كدة ..
أما حساب التضاريس والمرتفعات والمنخفضات والخلفيات دي بالذات حا تكون آخر مرحلة ..
نحن لسة في الوجهه الأمامية .. الملهم الحقيقي للشعراء مثل اخونا وائل حيدر .. شوفو كاتب من الفيس بوك شنو؟
Quote: وشها حلو .. لكن نهودا صغار وعندها كريشة
يا وائل يا اخ اتفائل خيرا .. لسه في حاجات ما كشفنا عنها الكتاب .. واحتمال كبير زي ما قال الشاعر للواعدة الصغيرة (في حاجات بتظهر مع الزمن).
08-01-2016, 03:14 PM
سيف الدين محجوب سيف الدين محجوب
تاريخ التسجيل: 01-18-2013
مجموع المشاركات: 680
هووووووووي ياجماعة ما دايرين مُقارنات ودخيلات البوست دا حق شيختنا بس وإن جبتو لينا مني ديك ما بنقارن ولا شئ عشان كده سوقوا عوينكم بعيد والرسول فجولا تلعب ست البنات لي حدهن
عووضة ،،،، أقرع الحروم ديلن
لكن القال حنان تُرك دا بالغ جنس بوليغ طمبجا طمبجة السواد والرماد
مودتي للحيران جميعاً
08-01-2016, 04:14 PM
عمر التاج عمر التاج
تاريخ التسجيل: 02-08-2008
مجموع المشاركات: 3749
البنات ديل يا سيف للمقارنة ليس الا.. والقرين بالمقارنة يقترن .. والشبه بالضد يظهر .. وشبه بتنا مافي .. وجمالها غير. بس المهم حنان ترك دي مالها ياخ.. دي ما عسل عديل كده.. وانا كنت بحبها حب في الله.. قبل ما تمسك درب الله.. الا بالحق كنت عايز اصنفها اولا لكن صراحة نورهان دي لمن تبتسم انا بقطع موية ونور.
08-01-2016, 04:32 PM
سيف الدين محجوب سيف الدين محجوب
تاريخ التسجيل: 01-18-2013
مجموع المشاركات: 680
تاجو حنان خفيفة الطل ودمها عسل خاصة دورها في مسلسل لن أعيش في جلابية أبوي داك لكن كبودي ما عندها التكتح ،،، عصاية وسووو ليها فـصـ ...... نورهان نعم بالذات عندما طلت لأول مرة في نفس المسلسل لكن بعد داك ضبلنت وجقجقت وعيك راحت في الباي باي وطالما جينا للجقق ،، مالا هيفاء عيبها شنو ،، إعترف قول نسيتا
أقنعتني بقصة المقارنة من أجل المقارنة ودا طبعاً في صالح شيختنا الله يطول عمرها
تخريمة : أخونا أمير بوب خلينا من قول محمود دروبش أنت ما قريت ( طفولة نهد ) لنزار قباني دا ما ياهو القالو فيه الطاعن دابة وبهدلني وجنن العزابة
مودتي للحيران أجمعين
08-01-2016, 06:35 PM
عمر التاج عمر التاج
تاريخ التسجيل: 02-08-2008
مجموع المشاركات: 3749
تعرف يا سيف نحن مركزين حاليا لى الوجه والكفين لأننا مازلنا في المراحل الأولية من البوست .. وراح نجي لباقي البودي و (القمم) في المراحل العليا .. هيفاء على مستوى الأنوثة ما فيها كلام خاصة على مستوى نضافة الشاسي .. عيونها زي صفية العمري لكن الباقي تاماهو جلع.. طبعا الصدور دي يا شباب قتلناها بحثا من قبل في هذا البوست انجذاب الرجل الى صدر المرأة هل هو عريزة أم قلة أدب وندعو الجميع للاطلاع عليها نظريا ريثما نصل مرحلة التطبيق العملي المرحلة المتوسطة من هذا البوست .. ههههه.
طرف الخيط: نام نمایشی: كامليا جنسیت: زن وضعیت تأهل: مجرد تاریخ تولد: 9 اردیبهشت 1374 (21 ساله) محل تولد: تهران زندگی با: با خانواده سیگار: میکشم مدل گوشی: ندارم مدل خودرو: گرفتم ميگم هدف از عضویت: پیدا کردن دوست جدید، وقت گذرانی در وب، پیدا کردن دوستان اینترنتی اخلاق: خوش اخلاق، جدی، شوخ طبع درباره من: خودم بگم اينو دوستان لطف كنن بگن
08-01-2016, 07:54 PM
عثمان عووضة عثمان عووضة
تاريخ التسجيل: 06-02-2004
مجموع المشاركات: 461
لا خلاس يا عمر دي معلومات مهمة و كافية طب بالله هي مولودة في شهر ارديبهشت يعني في نفس الشهر المولود فيهو جلالدونا😉 بس. مدل خودرو كرفتم ميكم دي انا شاكي فيها بالله اتاكد لينا منها😂
08-01-2016, 08:11 PM
عمر التاج عمر التاج
تاريخ التسجيل: 02-08-2008
مجموع المشاركات: 3749
يا عثمان يا اخوي كان تعبت شوية وترجمت الكلام المكتوب ده كان ختيت كراعك معانا في أول الطريق .. بس ما تمشي لمترجم قوقل .. بضيعك. أقل شيء خش كورس سريع للغة الفارسية .. أسبوع بدون معلم .. وكان غلبتك اقع اللغة البنغالية .. قريبة منها .. ولو كله ما وقع لك .. انتظرنا أسبوع ونكب الكلام كله .. وباللاوندي التي تجيدها ..
08-01-2016, 08:30 PM
عمر التاج عمر التاج
تاريخ التسجيل: 02-08-2008
مجموع المشاركات: 3749
اخونا سيف الدين محجوب سلام قلت لي انت تبع طفولة نهد ... الظاهر عليك بتحب القرمبوز! ياخ والله جنّي وجن المرا الما ماليه ستيانتا ، بتبقي لي زي العسكري الما مالي قاشو الحاجات دي برضو الاحجام و المقاسات فيها مفصليّة .... عمر التاج شنو يا خوي الحكاية ؟ شغل الواجهات دا ماااااا بأكّل عيش ، أي مقاول جربندي ممكن يقوم بيه التخصصية مطلوبة ... خش لينا في التصميم الداخلي ، الطوابق العليا، الخلفيات ، انشالله بير السلّم زاتو أنجزوا لينا بالله ، بعدين بنجي للّمسات الأخيرة و التشاطيب نقزقر بيها.
Quote: العنوان والاسم والسي في والكاريير ومكان السكن والمعلومات ..كلو موجود .. إندينا
دة لبس فنيلة ميسي
الصورة ما حقة ممثلة مجرد wallpaper عادية من بتاعة مجلات الموضة والجمال أها الشباب والشابات بقوموا بعملوا حسابات وهمية في مواقع التعارف وبلصقوها بدل صورهم .. والله صحي أكان داير زي عنوانك دة بجيب ليك 16 واحد وبي روابطهم
08-01-2016, 08:56 PM
عمر التاج عمر التاج
تاريخ التسجيل: 02-08-2008
مجموع المشاركات: 3749
نمر على الجمال التركي الأصيل ونضرب مثال بالفاتنة توبا بويوكستون : ونسقف على الجمال الفارسي ونمر على مثالين فقط نسبة لضيق الباندويث فهذه فسانة باكرو الإيرانية: ومواطنتها ماهلاقا جابري ..
08-01-2016, 09:14 PM
عمر التاج عمر التاج
تاريخ التسجيل: 02-08-2008
مجموع المشاركات: 3749
شكرا لكل الشباب الذين حضروا لبيت البكاء متأخرين .. فليتفضلو ويشربو من قهوة الصور مايناسبهم حتى يرووا والعذر موصول لكل المتخلفين عن العزاء .. فقد شغلتهم الدنيا ونعلم أن أغلبهم ما سرق بس جاء يعاين، ونعد الحضور بأننا سنرفع الفراش بكره أو بعده.. ولكن قبل ذلك لابد ان نوفي الجمال العربي حقه .. وكذلك الأفريقي ونوصيكم بالخليط منهما ( السودنيات) فهن نعم الرفيق والحريق. وخير ختام نماذج عربية قحة. ولا ننسى أن نورد فيها من الجمال العربي المخبوء ..الذي لا استطيع البوح باسمه وأنا بالصور ما بفسر وما داير واحد يقصر.
08-01-2016, 10:45 PM
عثمان عووضة عثمان عووضة
تاريخ التسجيل: 06-02-2004
مجموع المشاركات: 461
يا اهلنا خلونا نتامل في اللون الابنوسي شوية ... فاجل جميل فوق في سما افريقيا ... انتو ما شايفين انو معظم ذوي اللون الابيض من اوروبيين وامريكان وغيرهم يجووو ناطين وغازيين افريقيا ليتعرضوا للشمس الحارقة وتغيير لونهم الماعاجبهم ..! فالجمال الاصلي افريقي اااااي تعنصرا ساكت ... وهاكم دي واحدة من جيرانا الاثيوبيين :
08-02-2016, 04:53 AM
MOHAMMED ELSHEIKH MOHAMMED ELSHEIKH
تاريخ التسجيل: 03-21-2008
مجموع المشاركات: 11848
يا ود التاج بتكم دي باقي ليك بتحصل بتنا بتاعت شارع واحد؟ اها الكمساري جاي يطقطق وفجاتن عينو وقعت في عينها لمان اندهش لمان مدت ليهو القروش قال ليها:" معقول بالحلاوة دي نشيل منك فلوس"
قامت ابتسمت. الكمساري قال ليها:" اكان كدى انتي عايزة مني باقي"
08-02-2016, 05:50 AM
جلالدونا جلالدونا
تاريخ التسجيل: 04-26-2014
مجموع المشاركات: 9661
اها شوف عين مو قول قايل لايف زى شوف العين لى الاضان و الله لم ترونها الا كالبنت فى خمارها ياخى ده لما قالت كدى و جات طالعة من حوض السباحة !!! حبيبتى القاعدة جمبى طوالى ختت ايديها فى عيونى لكن بعد شنو بعد ماشفتها لابسة من غير هدوم الا من طفق تستر به عورة ما بين رقراق الاصابع تابعتها و هى مقبلة و هى مدبرة اللغة العربية دى ذاتا بت كلب .. هسى الحتات دى عورة يا حليلكم و ما عندى ليكم غير سفّو وقارنو و الشوف قسمة و نصيب
08-02-2016, 07:33 AM
حمزاوي حمزاوي
تاريخ التسجيل: 10-10-2002
مجموع المشاركات: 11622
Quote: اها شوف عين مو قول قايل لايف زى شوف العين لى الاضان و الله لم ترونها الا كالبنت فى خمارها ياخى ده لما قالت كدى و جات طالعة من حوض السباحة !!! حبيبتى القاعدة جمبى طوالى ختت ايديها فى عيونى لكن بعد شنو بعد ماشفتها لابسة من غير هدوم الا من طفق تستر به عورة ما بين رقراق الاصابع تابعتها و هى مقبلة و هى مدبرة اللغة العربية دى ذاتا بت كلب .. هسى الحتات دى عورة يا حليلكم و ما عندى ليكم غير سفّو وقارنو و الشوف قسمة و نصيب
أيه الكلام الكبار ده يا جلجل ... انت بتذاكر من ورانا ولا ايه ؟ عن من تتحدث ياهذا الجلالدونا .. وفي من هذا الوصف المزعزع للكيان الصهيوني؟ اوع تكون شفت البت بالحالة الموصوفة هذه .. سيعلن عليك الحرب يا اخي .. وربما يقام عليك حد الخيانة العظمى ان لم تشرك الآخرين ... لذا وجب عليك التكفير عن بعض ذنوبك هذه .. بأن تخت لينا الوجه على الأقل هنا .. وجها لوجهنا وجه لوجه في البوست والبادئ أظلم.
08-02-2016, 12:50 PM
عمر التاج عمر التاج
تاريخ التسجيل: 02-08-2008
مجموع المشاركات: 3749
عصر الخير اخونا عثمان عوووضه.. رغم انه البوست ده سواقته في الظلام لكن أحيانا الواحد بختلط عليه اختصاص النهار والليل ويقوم يرد.. واللخبطة بتحصل لاي واحد شاف البوست ده ، زي لخبطتي في الصور في المداخلة الأخيرة لفاتنات العرب .. نطت معاهن واحد تركية.. اسع أنت ذاتك لخبت في البوستات ، دخلت السياسي في الديني في الثقافي في الاجتماعي ..
Quote: غايتو البيباري عمر التاج شنو كدا ما عارف يمين الله بي هناك في بوسظيك رشونا ليك رشة السواد امنت بالله
أما بخصوص الرش فاتحمل ياخ .. الخريف على الشبابيك 😉😋 وبعدين ما تبقى حساس محمد حساس .. البت دي بتروح عليك كان اتحسست.
08-02-2016, 01:14 PM
عمر التاج عمر التاج
تاريخ التسجيل: 02-08-2008
مجموع المشاركات: 3749
تحية وتحيات للحبيب أمين الطيب ... وشكرا لجلب الجمال المقروء للبوست ليزدان جمالا على جمال ملكة البوست. قصيدتك دي دي أيمن أن ادخرتها للاخر عشان تبقى لينا مارشات عسكرية تسبق خروج الملكة لتلتقي بمحبيها قريبا ..
Quote: بفرح بيها .. بفرح بيها ... البنية الهاجدة في احضان خواطري ..البشتهيها بفرح بيها .. بفرح بيها البنية اللامست ايد السعادة وضجت الاشواق عليها بفرح بيها.. بفرح بيها الحبيبة . .الايقظت نبض الحروف بقلوب صدر الكلام القريبة .. الزيي لي في عيونها برتاح الهيام
دي الشوقها نص الليل بصحي غامض الغمضة وجليها
بفرح بيها..بفرح بيها
ليها بتحن القوافي ... بيها تندسى المرافئ
الجمال الشايفه فيها في رحاب دنيتنا مافي جاية من فوق البنية
ولامست إيد السعادة .. وضجت الأشواق عليها
بفرح بيها بفرح بيها
08-02-2016, 01:28 PM
عمر التاج عمر التاج
تاريخ التسجيل: 02-08-2008
مجموع المشاركات: 3749
تحيات زاكيات طيبات اخونا احمد محمد عمر .. وصبرا جميلا والله المستعان ما تقول .. وصبرا ثانيا فان موعدكم حور الجنة ..
Quote: دة لبس فنيلة ميسي
الصورة ما حقة ممثلة مجرد wallpaper عادية من بتاعة مجلات الموضة والجمال أها الشباب والشابات بقوموا بعملوا حسابات وهمية في مواقع التعارف وبلصقوها بدل صورهم .. والله صحي أكان داير زي عنوانك دة بجيب ليك 16 واحد وبي روابطهم
وول بيبر بتاعة فنيلتك يا محمد .. يا اخ دي بت من لحم ودم وحاجات تانية .. وبعدين البيانات الجبنهاها ما قلنا بتاعة البت .. قلنا ده طرف الخيت. لحدي ما تصل لي نص الطريق محتاج تمسك في البيانات وتقارنها بالصورة المعاها وتواصل فضيلة التحري السري حتى النهاية .. حا تصل للكنز المخبوء في خدره باذن الله .
08-02-2016, 01:28 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12500
حبيبنا عمر .. مودتي .. ليت الشباب يعود يوماً فأخبره بما فعل المشيب .. الحكاية بقت عندنا جايطة وإختلت المقاييس والمعايير لتحديد الجمال .. آه يا زمن .. ههه أذكر زمان سواقينا في دنقلا .. الواحد كان يمشي عشرة سواقي عشان يشوف وحدة ( جميلة ) ما عارف ليه زمان كان كل حلة أو ساقية بالكاد تلقى واحدة بكل مقاييس الجمال .. والباقيات ( نص نص ) بعضهن السماحة تظهر بعد الزواج ..
صدقني زمنكم دا حلو .. بناتنا ما شاء الله سمحات للآخر ..
مودتي عمر .. بوست خفيف الظل .. نطلع شوية من زحمة الشغل والكفيل
08-02-2016, 01:54 PM
عثمان عووضة عثمان عووضة
تاريخ التسجيل: 06-02-2004
مجموع المشاركات: 461
لا لا يا عمر ياخ ياخي انا ما اتحسست دا انا اتنيلت بستين نيلة😂 ..... بعدين يا عمر يا قمر حساس ومشتقاتها دي لو سمعوا بيها المغاربة بيشيلوا حسنا ياخي دي اخير منها معنى كلمة المكوة عند الكويتيين😞😞
08-02-2016, 03:02 PM
سيف الدين محجوب سيف الدين محجوب
تاريخ التسجيل: 01-18-2013
مجموع المشاركات: 680
يا جماعة يا حيران انا شابف البوست إنحرف عن مسارو وبقى كله يغرد خارج السرب عشان كدا رجعونا شارع الشنقيطي وبيدا تاني من الأول نرجع لي ست البنات لي حدهن
تخريمة : بالله ناس المقارنات دي يسوو ليهم بوست تاني ويشيلوا صورم دي من هنا البوست دا حصري لصورة شيختنا بس وحلاتا ستهم بالكاجول لا مكياج ولا سواريه ولا يحزنون أطال الله عمرها
Quote: لا لا يا عمر ياخ ياخي انا ما اتحسست دا انا اتنيلت بستين نيلة😂 ..... بعدين يا عمر يا قمر حساس ومشتقاتها دي لو سمعوا بيها المغاربة بيشيلوا حسنا ياخي دي اخير منها معنى كلمة المكوة عند الكويتيين😞😞
ود عووضه شكلك اتنيلت فعلا في ستين نيلة . . أو الحب خلاص خش العضم ... لذا أشك انك بقيت تلخبط بين البوستات .. أسع يا ربي ده بوست الرش ولا الكنس والمسح؟ وبعدين كلمة حساس دي فوقها شنو؟ المغاربة ديل ما عندهم حساسات في سياراتهم؟
08-02-2016, 08:25 PM
عمر التاج عمر التاج
تاريخ التسجيل: 02-08-2008
مجموع المشاركات: 3749
Quote: حبيبنا عمر .. مودتي .. ليت الشباب يعود يوماً فأخبره بما فعل المشيب .. الحكاية بقت عندنا جايطة وإختلت المقاييس والمعايير لتحديد الجمال .. آه يا زمن .. ههه أذكر زمان سواقينا في دنقلا .. الواحد كان يمشي عشرة سواقي عشان يشوف وحدة ( جميلة ) ما عارف ليه زمان كان كل حلة أو ساقية بالكاد تلقى واحدة بكل مقاييس الجمال .. والباقيات ( نص نص ) بعضهن السماحة تظهر بعد الزواج ..
صدقني زمنكم دا حلو .. بناتنا ما شاء الله سمحات للآخر ..
مودتي عمر .. بوست خفيف الظل .. نطلع شوية من زحمة الشغل والكفيل
أظن يا شيخ علي في زمنكم داك الشوف كان شوف رهاب ساكت .. لقطات صغيرة عابرة من بعيد .. طرف قميص .. لفحة توب .. سبيبة شعر جافلة .. والكلام زاتو كان عندكم في تلتلة .. كلمة على الطاير نصها يشيلها الهواء .. وريقة صغيرة تزازي شهر كامل عشان تغمتها في ايد حبيبتك وما تقدر . إلا زمنا ده غير .. ده ما زمن الاندياح والانفتاح .. الشوف بالكامل والاعادة بالعرض البطئ .. الونسة دقاقة عبر الأثير والجمبك ما تعزمو .. الكلام ده طبعا متوفر عند ناس البلد، .. أما نحن في الغربة عاد بقت علينا حكاية الشاب الماشي يغترب مع عمه لأول مرة .. وهم ماشين على الباخرة الشاب سأل .. أنت يا عمي السعودية فيها بنات حلوات بنشوف جسمهن وشعرن عادي؟ عمه قال ليه ( كدي عاين للغنماية ديك .. شفتها) الشاب قال ليه آآي شفتها .. قال ليه ( ده آخر شعر انثى حا تشوفو تاني في حياتك )
08-02-2016, 10:10 PM
عمر التاج عمر التاج
تاريخ التسجيل: 02-08-2008
مجموع المشاركات: 3749
Quote: وانت قالوا ليك بنات الـ wallpaper ديل بنات ام لعاب
خلاص يا أحمد تعال خش بالباب وكب العندك .. شغل الخلفيات ده نحن مالينا فيهو نصيب. أنا عارفك بتتهاوش كده لانك حايم حول الحمى . وأخشى أن تقع فيه .. لكن بس غرق لينا شوية .. لأنه عينة الفيديو ده مرينا فيهو كم مرة وماجاب حقه.
.. .. شبابنا سيف الدين وجلالدونا ..
Quote: يا جماعة يا حيران انا شابف البوست إنحرف عن مسارو
يعني خلاص طلعتو البوست منحرف .. يا اخ البوست كان ماشي عديل .. بس الناس فترت وما استخدمت القرائن الدالة على الحالة.. ولحدي الان انا شايفه ما انحرف شديد .. ممكن يكون شبه منحرف لكن زواياهو مازالت قائمة .. طيب نسوي شنو عشان نستعدلو .. ونعيدو لي جحرو .. اقصد مسارو. في رأي الشخصي نجتهد شوية ..ونهتف معا .. شبابنا هيا إلى المعالي ... هيا اصعدوا شوامخ الجبال .. ولحدي بكره ان شاء الله الزيت بطلع .. ويكون يوم الجازة .. أو الطوفان.
08-03-2016, 04:58 AM
عثمان عووضة عثمان عووضة
تاريخ التسجيل: 06-02-2004
مجموع المشاركات: 461
تخفيفا لأعباء المعيشة عن المواطن سنوضع أربعة خيارات لوحدة من صور البنت ربما توصل جمهور الشباب لنهاية الطريق وقبل ذلك نذكر بصاحبة الحسن والجمال .. المحتفى بها عن قرب، لنتأمل للمرة الأخيرة جمال الوجه الطبيعي بكل مكوناته وتضاريسه الخلابة.
08-03-2016, 07:18 PM
عمر التاج عمر التاج
تاريخ التسجيل: 02-08-2008
مجموع المشاركات: 3749
ننبه الى ان الوقت المفتوح للجائزة انقضى قبل حوالي 12 ساعة .. ولم يفز بالجائزة أحد .. ولكن لن نرجع العاشقين بخفي حنين .. ستكون جائزتهم الكبرى يوم أن نفصح عن الإجابة الصحيحة ونبهل بقية الصور الحقيقية، منذ الصغر وحتى بعد 5 سنوات من الصورة الأولى .. وقبل ذلك نذكر أن هناك أكثر من عشرة صيونات منصوبة لهذه البنية .. غير هذه التكية.. ففي ايران - ست الاسم -قام أحدهم بفتح سرداق ضخمة لبكاء شباب فارس .. وألف قصيدة غزلية معبرة جاء فيها : تنها شدم سکوت برایم بشارتیست
از انتهای مجلس رفتن اشارتیست
من در سلول گوشه چه مسرور وبیکسم
در انتظار خویش بماندم مهارتیست
در هر کجایی غصه خبر گیر من بود
رسم وفا به دوش کشاندن اسارتیست
رنگ قلم به پاکی کاغذ فروختم
دفتـــر برای خامه خریدم تجارتیست
اندر میان سطر کتاب جهان همیش
مهــر و امید و کار چه زرین عبارتیست
ممنون لحظه های خموشی منــــم کنون
برجان سرد گوشهء ما خوش شرارتیست (الترجمة لاحقا) .. كما بكاها الشباب بعفوية .. فقال فيها أحدهم: Unbelievably beautiful. This is proof of pain in the center of pleasure. Like looking straight at the sun. Too much...Almost. وقال آخر : hope she doesn't have #### for a personality cuz that would be a waist of the prettyest face I've ever seen. kinda looks like Mila Kunis.The look in her eyes says "unintelligent" I hope this is misleading. Also,too bad she's not white. بينما قال أحدهم: i wish u were n my country/state ......the "angel eyes" u r a "Girl" of a kind...؟ it a magic some1 should beleive me لمزيد من التعليقات راجعوا رابطها الفارسي هذا:
أخيرا وليس آخرا نهدي هذا الموقع لجميع القراء .. beauty-around.com هذا الموقع فيه ترتيب جمالي لكل فاتنات العالم .. مصنفا بالدول والقارات والمهن .. أدعو كل عضو يعرف الجمال ان يبدأ مشواره العلمي من هناك .. كما أدعوا كل عضوة في سودانيز للدخول الي الموقع فربما تجد صورتها مصنفة هناك .. الموقع كما قلنا مهني محترف، له مقايس عالمية للجمال، ويعتبر اللون الأسمر احد مقايس الجمال .. بدليل ان الكاتوقري الخاص بالتصنيف العام لجميلات العالم وضع أربعة سمراوات ضمن العشرة الأوائل .. (كلام حمد إبراهيم فوق ما وقع واطه) كما أنه وضع اعلاميات مغمورات وعارضات في مراتب متقدمة للجمال في بلادهن .. الغريبة أن جميلات العالم المائة لم تدخل فيهن أي من اللائي يمتهن السياسة أو يتحدثن فيها ( الكلام ليكن يا المنططات عينيكن) تمثيل .. غناء .. أزياء .. وبعض ربات المال. كما أن معايير الموقع احترافية .. مش زي نظرتنا التكسيرية للبت دي .. يعني مثلا زي جمال هيفاء وهبي ( والكلام ليك يا سيف الدين) العامله بيها هيلامانه ومافي أجمل مني يارجب .. صنفها الموقع نمرة 17 في لبنان .. ناس نوال الزغبي خشن التصنيف قبلها .. وقس على ذلك بقية جميلات العالم .. وللحديث عن جميلات السودان في الموقع لنا عودة.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عمر التاج
Muhamed Hassan Abdalla
سيف الدين محجوب
عثمان عووضة
Ahmed Yassin
محمد قسم الله محمد
محمد على طه الملك
جلالدونا
فردوس جامع
يحي قباني
على محمد على بشير
الصادق عبدالله الحسن
Amin Eltaib
MOHAMMED ELSHEIKH
علي عبدالوهاب عثمان
فيس بوك
تويتر
انستقرام
يوتيوب
بنتيريست