|
|
|
 Re: الانقاذ وقائدها..... شامه في جبين الامه (Re: عمر عثمان عبد الوهاب)
|
Quote:
قائد المسيرة ،
فخامة الرئيس عمر حسن أحمد البشير ،
رئيس جمهورية السودان ،
رجل مُخلص يحمل هموم الوطن الغالي ،
ليلاً و نهاراً ،
أجمع الجميع علي وطنيته ،
و شجاعته و بسالته ،
الرجل الذي لا يخاف أبداً ،
الأسد النتر ،
|
وهو كذلك اخي الفحل
نحنه اهل ثقافة ان شكرتلك زول معناته بتنافقو او منتفع
وارزقي وطبال
حاربو الحكومه دي لامن فترو والنتيجه التفاف وتلاحم
الشعب مع الثورة وقائدها
| |
 
|
|
|
|
|
|
|
|
Re: الانقاذ وقائدها..... شامه في جبين الامه (Re: عمر عثمان عبد الوهاب)
|
قبل كم يوم وبعد كل هذه السنين واحد بيترحم علي النميري ويعدد في انجازاته
لو قعدنا نعدد في انجازات هذه الحكومه والله لي باكر ماتخلص
بس الفرق اننا حنترحم عليها قبل مرور شهر فقط
وماسمعنا يوم واحد اترحم علي ديمقراطيه تالته ولا سابعه ولا علي
حزب ولا احد من رموز هذه الاحزاب مهما كبرت عمامته وحنن لحيته وزركش
واوسع في عباءته
سمعنا الناس تترحم علي عبود وعلي نميري وستترحم من بعدهم
علي البشير
فالي ان تنجض الاحزاب وتنجض المعارضه وترتقي
ياهم رجالات الجيش والكليه الحربية ديل
هم عضدنا وهم حزبنا وصائني كرامتنا وعزتنا
| |
|
|
|
|
|
|
|
|
|
Re: الانقاذ وقائدها..... شامه في جبين الامه (Re: د.محمد حسن)
|
Quote:
ونحن بدورنا نحي الرئيس شامة
عاشت ثورة الكوليرا
اعتذر الاسهالات المائية |
حدثت وتحدث في اغني وارقي الدول والمجتمعات يادكتور
الاوبئة لاتطرق بابك ليؤذن لها بالدخول
من الممكن احد المتسللين من اي دولة مجاوره
ان يتسبب في كارثه وهلع لشعب بحاله
ولا اتو بس قاعدين علي الواحده
لكن وحتي هذه وان كانت فكما عودتنا هذه الحكومه دائما
تبقي ازمه عابره يتم معالجتها وتعدي ان شاءالله
| |
|
|
|
|
|
|
|
|
|
Re: الانقاذ وقائدها..... شامه في جبين الامه (Re: ابراهيم عبد الوهاب)
|
Quote:
الشامة هي مجموعة من الخلايا الصباغية التي تبرز على سطح الجلد. شامة عادية في حد ذاتها ليست خطيرة، لكن الميلانوما، سرطان الخلايا الصبغية (Melanoma) ، وهو نوع من سرطان الجلد، يظهر أحيانا كشامة "بسيطة"، وبالتالي فالكشف المبكر قد ينقذ الحياة.
ما هي الشامة؟
الشامة، هي عبارة عن تكاثر خلايا التي تدعى "وحمة"، والتي تنتج عادة اصباغ. عندما تشكل خلايا كهذه مجموعة، يتكون انتفاخ في الجلد وتدعى عمليا شامة.
كيف تتكون الشامة؟
تتكون اي شامة غالبا، بسبب وجود عنصر وراثي، اي انه بغض النظر عما يفعل الشخص - اذا كان لديه استعدادا وراثيا لتكون الشامات في جسمه، فستتكون لديه شامات. المكون الثاني هو بيئي ويرتبط بموضوع التعرض لاشعة الشمس.
هل الشامة خطيرة؟
الشامة هي ورم حميد وشائع جدا لدى الكثيرين منا. المشكلة تبدا عندما يظهر نوع من سرطان الجلد يسمى الميلانوما، وهو خطير جدا لانه لا يوجد له علاج حتى الان، والذي يبدو في البداية وكانه مجرد شامة "عادية" والخوف هو ان اكتشافه في وقت متاخر يمكن ان يعرض حياة الانسان للخطر.
كيف نميز بين الميلانوما وبين شامة "عادية"؟
يتم اجراء التشخيص من قبل طبيب الامراض الجلدية بواسطة جهاز يسمى Dermatoscope. هذا الجهاز يحتوي على عدسة مكبرة تكبر 10 مرات، والذي يعطي ضوء قوي دون اشعاع. ينظر طبيب الامراض الجلدية من خلال العدسة المكبرة ويعرف - وفقا لشكل ومبنى الشامة – اذا ما كانت شامة عادية، شامة ذات خصائص مشبوهة التي يوصى بمراقبتها، ام ميلانوما.
|
| |
|
|
|
|
|
|
|
|
|
Re: الانقاذ وقائدها..... شامه في جبين الامه (Re: السنجك عثمان)
|
عمر عثمان عبدالوهاب..
ومن لف لفه...
لا بد لنا ان نعطي الرجل حقه
فقد سطر اسمه بالذهب الخالص في تاريخ السودان قديما وحديثا
عاني ماعاني وتحمل فوق مايتحمله الرجال الصناديد في سبيل اعلاء
راية هذه الامه وقد كان
...
واحد من أتنين..
يا تكون مجنون...
ويا تكون مجنون..
عمر البشير نفسه معترف بكل حاجة..
بس البيقنع الديوك فى منبر بكرى منو ؟
الله يلعن المصالح الشخصية..
| |
|
|
|
|
|
|
|
|
Re: الانقاذ وقائدها..... شامه في جبين الامه (Re: عزالدين عباس الفحل)
|
عمر عثمان عبد الوهاب
عمر ود الباوقة
عزالدين عباس
انتو من ياتو طير؟
هل انتو عشتو طفولة عادية ما فيها كبت وحرمان؟ وهل اتدرجتو في المراحل الطلابية كطلاب عاديين زي بقية الطلاب؟
صراحة الواحد ما عارف يتضامن معاكم كبني آدميين اصحاب احتياجات خاصة، ول يتعامل معاكم كوباء زي الكوليرا وما شاكلها من أمراض العالم المافي..
| |
|
|
|
|
|
|
|
|
|
Re: الانقاذ وقائدها..... شامه في جبين الامه (Re: Haytham Ghaly)
|
شكيناكم علي الله البشير وعصابتو وكل زول ينافق ويبدل كلمة الحق !
حسبي الله فيكم يا انتهازيين يا نفعيين !
البشير ماب يشكرو الا زول مخبول زييو ! وزول مستفيد ولاغف وبالع ومتسبب في معاناة الناس الغلابا !
والله البشير دا ما ينفع يحكم كورة دافوري ! يوم الشوم الخلاهو أصلا يتولد في السودان !
أمانة ما راجيكم يوم - يوم الحق - تقدروا تعيدوا نفاقكم وكذبكم دا هناك ؟
كرهتونا حاجة اسمها وطن - وعملتوهو مسخ ومسخرة الله يقطعكم .
يا منتصر تعليقك عينة ( أوسكار).
ست البنات.
| |
|
|
|
|
|
|
|
|
|
Re: الانقاذ وقائدها..... شامه في جبين الامه (Re: عمر عثمان عبد الوهاب)
|
Quote:
عز الدين الفحل انت زول ممل ..مش لانك كوز حتى الكيزان مرات دمهم خفيف امثال الطبال ود الباوقة بس
انت الملل ذات نفسو وتقلة الدم والعوارة ..حتى في الكوت بتاع التعزية المكبشرو ممل ...
عندي سؤال انت عندك اصحاب ؟؟؟
|
طبعا لازم يكون في نظركم ممل
وانتم وماتهببونه في المنتديات هي خفة دم وزوق ومفردات جميله
ورنانه تعتبرونها معارضه بهرطقات عفا عنها الزمن ورماها الشعب
خلف ظهره وتعداكم ونصب اعينه الشد من ازر القائد واعانته
في الطريق الي الرخاء والنماء
| |
|
|
|
|
|
|
|
|
|
Re: الانقاذ وقائدها..... شامه في جبين الامه (Re: عمر عثمان عبد الوهاب)
|
Quote:
"احقر الرجال، هم الذين يقبضون ثمن نذالتهم"
مقولة مأثورة |
ماثوره ومؤكده
ولعنة الله عليهم دنيا واخره
بس لما تشوف كم مليون في الساحة الخضراء يهللون ويكبرون وينادون
بحياة القائد والالتفاف حول الثورة ساعتها امسك وعد كم منتفع وكم حقير
مشكلتكم ومصيبتكم انو اي شخص موالي لهذا النظام هو منتفع وارزقي
فذاكرة الشعوب ابدا لاتنام اخي الكريم
والمثل بيقول( النسي قديمو تاه)
| |
|
|
|
|
|
|
|
|
|
Re: الانقاذ وقائدها..... شامه في جبين الامه (Re: عمر عثمان عبد الوهاب)
|
Quote:
واحد سيف انقاذي والتاني شامة
نحنا ندخل في ط...ز منو يالله يامولاي. !!!!
....
|
مولاك هو الله ياعثمان ياعووضه
فلك ان تطلب منه سبحانه ماتشاء وبتأدب وخشوع
هذه هي نوعية مفردات ماتسمونها معارضه
كل متنفذ من راس الدولة ورمزها للوزير لوزير الدوله
وضابط جيش ومدير مؤسسة او ناظر مدرسه وبسبب نضالكم الهزيل الهابط
عرفنا اسماء زوجاتهم وابنائهم والتشهير بهم والبيدخن فيهم والبسف صعوط
| |
|
|
|
|
|
|
|
|
|
Re: الانقاذ وقائدها..... شامه في جبين الامه (Re: عمر عثمان عبد الوهاب)
|
Quote:
انتو من ياتو طير؟
هل انتو عشتو طفولة عادية ما فيها كبت وحرمان؟ وهل اتدرجتو في المراحل الطلابية
كطلاب عاديين زي بقية الطلاب؟
|
كما كل طيور البلد ياياسر ياطيفور
عشنا طفولة كما كل طفل سوداني ودرسنا وتدرجنا في كافة مراحل التعليم كاي طالب
قطعنا الكباري كداري للوصول لمدارسنا
ولما نسمع تنكر بترول في الغاطس في بورسودان كنا بنقيف بالاربعه والخمسه
يوم في الطرمبات عشان جالون بنزين
وبقية الاسبوع بنكمله في صفوف المخابز عشان كم رغيفه
ونلف العاصمه المثلثه لامن نحفي عشان كيلو عدس
تقطع الموية بالاسبوع والكهربا بالاسبوعين تملا خشمك
تراب وتسكت وترفع ايدك تشكي لي الله
رفعنا شنطنا واهل بيتنا في الكارو للمطار عشان نسافر
عشرات المرضي يموتون امام اعين الاطباء المغلوبون علي امرهم
ولايقدمون لهم سوي الدعاء بالرحمه
كفاك ولا ازيدك؟؟؟؟؟؟؟؟؟؟؟؟؟؟
اها ورينا اتا طفولتك كانت كيف؟؟؟؟
| |
|
|
|
|
|
|
|
|
|
Re: الانقاذ وقائدها..... شامه في جبين الامه (Re: عمر عثمان عبد الوهاب)
|
أخي عثمان السلام يغشاك
أخي يمكنني أن أفهم دعمك ومُساندتك لاي نظام حكم
اسلامي فهذا حقك، ولكني لا استطيع أن أفهم دعمك
ومُساندتك لنظام عسكري تدثر بدثار الدين وثبت فساده
للقاصي والداني. أن الخراب الذي حدث للبلد وانهب الممنهج
لخيراته وأضح للعيان، وكل يوم عندنا فضيحة جديدة. والاشارة
إلى رجالات الانقاذ الاشاوس فانا لم افهم من تعني منهم الذين
تحللوا أو الذين لم يتحللوا بعد.
أما قولك أن الرئيس فخر البلاد وفي كل المحافل الاقليمية والدولية فقد
أعجبني لأن القائد الهمام لا يستطيع أن يتواجد أصلاً في المحافل الدوليه
أما الاقليمية إن وجد فيها فهو وجود من الابواب الخلفية.
ودُم بخير
| |
|
|
|
|
|
|
|
|
|
Re: الانقاذ وقائدها..... شامه في جبين الامه (Re: عزالدين عباس الفحل)
|
نفاق لا يوصف
شعب يقدر بثلاثين مليون
يتصدره هؤلاء الأنجاس التعساء
ماذا تبقى حتى يكون شامة أو (حبن) أو (دبرة) كمان ؟؟
آيات المنافق كم وشنو ؟
عساكم تجدون له واحدة منها لا تنطبق عليه ؟؟
أرحموا أنفسكم يا هؤلاء التاريخ لا يرحم والديان لا يموت والساكت عن الحق كوز شيطان أخرس وأبكم وكمان .............
الشفيع
| |
|
|
|
|
|
|
|
|
|
Re: الانقاذ وقائدها..... شامه في جبين الامه (Re: Alshafea Ibrahim)
|
Quote:
البشير دا اردا رئيس مر على السودان تعايره باي معيار تلقاهو فاشل
كان دين كان اخلاق كان رجالة ساي برضو ساقط فيها
|
حاتم هواري سلام يغشاك
عليك الله لو البشير اردأ رئيس يمر علي السودان ! يبقي ياتو رئيس هو الاحسن؟؟؟
اذا كان كثير من الدول و دول الجواريشيدون بحنكة وفطنة البشير فماذا نحن قائلين
رضينا ام ابينا فالبشير ومنذ ان رفعنا علم استقلالنا هو الرئيس الوحيد الذي اتفق عليه
كل السودانيين , نسال الله ان يطيل في عمره المديد وان يسدد خطاه لما فيه خير البلاد
والعباد
| |
|
|
|
|
|
|
|
|
|
Re: الانقاذ وقائدها..... شامه في جبين الامه (Re: عمر عثمان عبد الوهاب)
|
نعتكم لكل موالي لهذه الحكومه بالمنافق والكوز والمنتفع ووووو قد ولي زمانه
ووصلنا الي قناعات انكم لكم اجنداتكم الخبيثة ليس تجاه هذه الحكومه
تحديدا ولكنها اسطوانه ظللنا نسمعها لكل من دخل القصر حاكما ان كان
عسكريا او مدنيا
شبكتو الناس كيزان كيزان اخوان اسلامويون وكوزنتو خلق الله وما خليتو ليهم صفحة يرقدو
عليها من السب والشتم بالحراميه والمفسدين والعصابه
اكان سرقو اليسرقو, ماهو نحنه طول عمرنا وحكومه وري حكومه بسرقو فينا وماكنا شايفين
ليهم عمار , حكومه تدخل بي هنا وتطلع بي هناك تاركة وراءها ديون متلتله علي البلد وفي ضهر الخلق
اقلاها ناس الانقاذ ديل اكان بيسرقو بيعملو للبلد برضو, وانجازاتهم تغطي عين الشمس
لا ينكرها الا جاحد , وبلد محكومه ورجال يسهرون ليل نهار لامن المواطن والوطن وصون الممتلكات
| |
|
|
|
|
|
|
|
|
|
Re: الانقاذ وقائدها..... شامه في جبين الامه (Re: عزالدين عباس الفحل)
|
طبعا هكذا انجازات صناعية كانت ام عسكريه, وتشفيا في هذه الحكومه تصبح مادة دسمة للسخريه والتريقه
ياتي يوم (وهو قريب )يكون فيه السودان في مقدمة الدول العربية والافريقية وفي شتي وكافة المجالات
هذه الثورة ومنذ قيامها جاءت ليس كحكومه حل ازمات انيه فقط
فمع تكالب العالم عليها ومحاصرتها استطاعت ان تخرجنا من كافة اذماتنا المتراكمه وان تضع اللبنات الاولي لسودان المستقبل
سودان العزة والكرامه والذي سوف تجني البلاد ثمراته في المستقبل القريب ان شاءالله
| |
|
|
|
|
|
|
|
|
|
Re: الانقاذ وقائدها..... شامه في جبين الامه (Re: Othman Al-Hasan Babikir)
|
Quote:
عز الدين الفحل انت زول ممل .. مش لانك كوز حتى الكيزان مرات دمهم خفيف امثال الطبال ود الباوقة بس
انت الملل ذات نفسو وتقلة الدم والعوارة .. حتى في الكوت بتاع التعزية المكبشرو ممل ...
عندي سؤال انت عندك اصحاب ؟؟؟
والله بامانه ياعثمان اثقل وأمل منك مافي
اتا ماحافظ غير السطرين ديل؟؟؟؟؟؟؟؟
اقلاها السيد الفحل عندو وطنية
وانسان غيور علي بلدو وزول مجامل
اتا مع شنو؟؟؟
البوست بوستيني انا يازول
وكل كلامو بارد علي قلبي
اتا الحشرك شنو؟؟ |
| |
|
|
|
|
|
|
|
|
|
Re: الانقاذ وقائدها..... شامه في جبين الامه (Re: عماد الدين الطيب عمر)
|
وطن امن مستقر يرتقي ويرتقي يوما بعد يوم
وحاكم حكيم موحد ومؤمن وابن بلد , لايخاف لومة لائم
ولايتهاون بثوابت الوطنية والوطن والمواطن
نذر نفسه مقاتلا جسورا لانتشال البلاد من عزلتها ومن الفوضي
التي كانت تضرب اطناب البلاد شرقها وغربها شمالها وجنوبها
وطن كان منعزلا و خارج المنظومة العربية والافريقية والدولية منكفئا علي نفسه
ويعاني الجوع والمرض والتخلف والحروب التي تفتك بابنائه
شوارعه تملأه صيوانات العزاء وصيدليات ينعدم فيها الدواء
ومستشفيات تفوح منها رائحة الموت وشعب يركض وراء
خبز الرغيف
فاين نحن اليوم من تلك الحقبة السوداء في تاريخ بلادنا ان كان
حديثا او ماضيا؟؟؟
فلك التحية سيدي الرئيس وانت تحمل علي عاتقك هموم الامه
والوطن تبتغي في ذلك مرضاة الله سبحانه وتعالي والايفاء بما
وعدت شعبك .
سدد الله خطاك ووفقك في مسعاك
والله اكبر والعزة للسودان
ولا نامت اعين الجبناء الحاقدين
| |
|
|
|
|
|
|
| |
عزالدين عباس الفحل
د.محمد حسن
محمد البشرى الخضر
علي دفع الله
Abd Alla Elhabib
ابراهيم عبد الوهاب
محمد أبوالعزائم أبوالريش
الجنيد حمد
السنجك عثمان
nour tawir
elsawi
عمر الفاروق عبد الله الشيخ
منتصر صلاح
على محمد على بشير
عثمان عووضة
Yassir Tayfour
حيدر حسن ميرغني
Hatim Alhwary
ست البنات
جمال خضر
Fatima Alhaj
محمد احمد القاضي
Othman Al-Hasan Babikir
وائل حمزه الزبير
فيس بوك
تويتر
انستقرام
يوتيوب
بنتيريست