ازمات السودان كتيرة وابرزها الازمة الاقتصادية الطاحنة التي تمر بها البلاد هذه الايام نسال الله الفرج احد الازمات اليومين دي ازمة الدواء وكلنا يعلم اهميته ولا يمكن الاستغناء عنه من اجل البقاء علي قيد الحياة وكل حديث الناس شح الدواء او ارتفاع سعره المدهش في هذه الازمة والمعاناة جعلت اهل السودان حتي اطفالهم يعرفون مسميات الادوية ونوعها وتصنيفها حدثني احد الاصدقاء وهو يسترق السمع لنساء في المواصلات كبار في السن يتحدثن عن الامكولان والفنتلين و الايبلين الخ ديل مهمات شديد يبقي السؤال هل هذه الازمة خلقت ثقافة وعي بالادوية دي ولا نحن اصلا شعب صيدلاني بالفطرة غايتو ياعمر هبشت السودانين في حتة دي ممكن تجيب اجلك
11-23-2016, 05:36 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
سلام اسامة وحبابك تعرف الفنوتلين ممنوع في السودان ليهو سنوات في كوستي تحديدا بنستعين بمغتربي الرياض .. اي زول جاي يجيب معاهو كم بخاخ ممنوع ليه ما عارف الاموكلان نار حمرا وحقن السامبكسون نار احمر من ديك علاج الملاريا نارين بنحفظ غصب اقول ليك مريض بي كوستي بستعمل التيقرتول بشكل يومي شاب عندو مشكلة في الراس .. بنرسل ليهو برة ومعاهو دواء تاني انا الوسيط مرات بجيبو تيقرتول ساي وهو بستعمل تبقرتول ار 200 بمشي الصيدلية ابدلو وادفع الفرق برفضو لانو الشركة ما مسجلة في السودان رغم انو الدوا موجود ولو لقوهو ممكن يقفلو الصيدلية as simple as that
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
اسامة عثمان السيد
عبدالحفيظ ابوسن
فيس بوك
تويتر
انستقرام
يوتيوب
بنتيريست