بدينا التجهيز لاجازة الاولاد في السودان امهم قالت لي ما حنشيل هدوم كتيرة شنطتين بس لكن عايزة ثلاث شنط تانية اشيل فيها الاكل قلت ليها انت مودية شيلة !! اكل شنو كمان !قالت لي يا زول انت ما قاعد تمشي معانا و ما عارف الحاصل ...حنشيل مكرونة و تونة و صلصة ورز ودكوة دكوة دي خلعتني صراحة قلت ليها عايزة تشيلي فول سوداني ترجعي السودان !! دي ما ياها اكون بيلو ذاتها ( للماعرفين بيلو دا شحن ملح لبورتسودان ) لكن اتذكرت جبال الدكوة المكشوفة في سوق بحري قلت ليها خلاص شيلي الدكوة قالت لي في حاجة تانية حنشيلها بس ما تتخلع ... قلت ليها بعد الدكوة دي ما في شيئ بخلع قالت حنشيل بصلة محمرة جاهزة لانها انضف و ارخص من بتاعة السودان ارخص دي سكتتني شوية قلت ليها خلاص و انتو راجعين من السودان جيبو معاكم طين بحر مافي شيئ غيره يجي من السودان
في المطار لاقينا زوجة صديقي و اولادها مسافرين السودان سألتها شايلة معاك دكوة ؟ (قلت اشوف الفهم دا عام ولا فلهمة من مرتي ) قالت لي للاسف ما شلتها لكن خميت الصلصة و لبن البدرة و المكرونة والكورنفلكس .... ارخص لينا من السودان
07-24-2016, 02:46 PM
محمد جبره محمد جبره
تاريخ التسجيل: 01-12-2013
مجموع المشاركات: 940
العزيز محمد جبرة تحياتي نفس الحال يتطبق علي الأسر المسافرة من بريطانيا إلي السودان وتقريباً نفس المواد الغذائية لكنها أرخص سعراً وأفضل جودة من السلع الغذائية المعروضة في السودان وهو أمر محزن فعلاً
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد جبره
محمد الحسن حمدنالله
فيس بوك
تويتر
انستقرام
يوتيوب
بنتيريست