المتابع للمنبر العام لسودانيز أونلاين مؤخرا يلحظ حملة مسعورة من بعض الأعضاء "شلة" في مواجهة زميل المنبـر حاتم ابراهيم
بداية فصول القصة عندما بدأ الزميل حاتم في إبداء أرائه في بعض الموضوعات وبدأ في مقارعة الناس الحجة بالحجة , بطريقه قد تكون غير معتادة وفيها كثير من القوة الحجة بطريقته الخاصه ... هذا الأمر أثار حفيظة الحرس القديم في المنبـر العام وقالوا أن حاتم هتك ستر الألقاب وتجاوز علي الرموز ولم يحفظ المقامات (تخيلوا مثقفي المنبر ) يقولون ذلك يرون في المقارعه بالحجة وعدم المجاملة وعدم التبجيل نوعا من عدم التقدير ويرون بأن هنالك أسماء لها ألقاب يجب الا يقارعها أحدا بالحجج والا يسعي أحد للدفاع عن وجهة نظره مقابل (أصحاب المقامات)....
بالعودة الي الحياة الإجتماعية السودانية التي فرض فيها المتعلمون السودانيون هذا السلوك وطالبوا المجتمع أن يعاملهم معاملة خاصه وأن تكون لهم إمتيازات إجتماعية وأنهم فوق المجتمع أنهم وجهاء القوم وأفندية المجتمع قام هؤلاء المتعلمون بنقل هذا السلوك الي الأسافيــر
لذلك لم يتحملوا إسلوب الزميل حاتم في عدم إهتمامه وزهده في الإحتفاء بالألقاب وأن هذا السلوك خطير علي المكاسب الإجتماعية التي يتمتعون بها . وكيف يتجرأ أحد علي أن يهز هذه العروش الوهمية وأن يظهرها بأنها قليلة المعرفه وأن طريقة تفكيرها قديمة وأنها متأخرة ...
هذه المقاومة من وجهة نظري طبيعية ومتوقعه من مثقفين يعكسون وعيا إنتهازيا , وهي نفس المقاومة التي يبديها المجتمع بشأن التغيير وأن حراس النظام الإجتماعي القديم يرفضون أي مساس بمكتساتهم الإجتماعية هذه الحالة الإجتماعية من المقاومة للتغير نشهد فصولها في المنبر العام لسودانيز أونلاين من قبل المثقفين الذين تداعي بعضهم للإحتشاد في مواجهة (عضو واحد) خرج عن الطوع وبدأ بسلوك غير مألوف وبدأ يخربش الزعامات وبدأ يداقش المقامات الكبيرة في هذا الفضاء طبعا هذه المقامات والزعامات (كلها وهم في وهم) ..
10-10-2017, 06:26 PM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
الناس ديل شغالين بيهاجموا في الزميل حاتم علي مرأي ومسمع من أعضاء البورد .... فقط لأنه قال لا
جردوا حملة تأديبية حشدوا لها المبتعدين من المنبـر والموقوفين , في مسعي للتضييق عليه في المنبر وقاموا بتفصيل بعض الأوصاف علي كل من يقول لهم "كدا غلط" والكلام دا عيب منكم (طوالي لصقوا ليه حوار حاتم)
أتوقع أن بعضهم الآن ورطان لي أضنيه في هذه الحملة\ بعد أن أنضم اليها أصحاب الغرض وأصحاب الغبائن ولأول مره في منبر سودانيز أونلاين تجتمع (النرجسية مع الغبينة)
10-10-2017, 06:33 PM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
إنتهاك الخصوصية من أشخاص يدعون بأنهم ديمقراطيين وعلمانيين ويؤمنون بالحريات العام أفهم أن يمارس هذا السلوك أمنجي تربي في مدارس الجنبهة الإسلامية أفهم أن يمارس هذا السلوك شخص لا يعلم أهمية الخصوصية وخطورة إنتهاكها
الغير مفعوم حقا أن يمارس بعض مثقفي هذا المنبر هذا السلوك دونما حرج أو إحساس بالذنب في إنتهاك صريح وواضح للخصوصية
المصيبة الكبري أنهم يدعون بأن اللي ما عنده شيء خايف عليه يخفي شخصيته ليه وينسوا بأن المعلومات الشخصية دي معلومات خاصة مفروض ما تحدسك نفسك بالبحث عنها إذا كنت فعلا تؤمن بأن لكل شخص حيز خاص يجب الا تتجاوز هذا الستار الي إذا سمح لك بذلك دونما ضغط أو إكراه أو إحتيال وفعلوة لتعرف معلومات خاصه عن شخص أخر
10-10-2017, 06:33 PM
امير بوب
امير بوب
تاريخ التسجيل: 01-02-2013
مجموع المشاركات: 1552
تعرف يا أميـر موضوع المطارد دا غايتو أسقط أقنعه كثيرة وكشف الكثير من الزيف , وأتوقع أنه كان إختبار حقيقي لوعي بعض المثقفين في المنبر وظهروا بلا وعي ولا حاجه أباطهم والنجم كل واحد خاتي ليه لقب ومدرق بيه وماشي يقدل في البورد حتي دخل حاتم وخج بخستة المنبر وبدأت السكلبه والكواريك ( ومن دخل دار أبي سفيان فهو آمن)
10-10-2017, 06:44 PM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
غايتو البحصل في البورد دا بيأكد أن الأزمة بين المثقفين السودانية عميقة جدا وتحتاج الي فتح مدارس محو أمية لكثير ممن يدعون الثقافه ويحتمون بالألقاب ويسقطون في أول إختبار
10-10-2017, 06:49 PM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
عندما تجتمع الغبينة مع النرجسيه عند مثقف موهوم القصة بتكون صعبة خلاص
لا يرضي من الغنيمة بالأياب لإنه بيحس بي خدش في كرامته وصورته الخايف عليها بدأت تتمايل وإيلة للسقوط عشان كدا بيطلع أسوء ما عنده وبيقوم بردود أفعال غريبه عن الصورة المهذبة المهندمة وسلوك الأستاذ دي كلها بتسقط في لحظة بيطلع الزول النرجسي الجواه الذي لا يقبل إلا بالإنتقام
ودا الحصل في موضوع مطاردة الزميل حاتم في المنبر
10-10-2017, 07:19 PM
فرح الطاهر ابو روضة
فرح الطاهر ابو روضة
تاريخ التسجيل: 10-22-2012
مجموع المشاركات: 11112
سلام يا عبدالعظيم لك التحية إدارة المنبر لها ضلع كبير فيما يحدث فمعظم ما يلاحق به حاتم موضوعات تتعلق بإدارة المنبر ومكانها ليس المنبر العام ثانيا تسقط كلمات الحق عندما يراد بها باطل
10-10-2017, 07:24 PM
امير بوب
امير بوب
تاريخ التسجيل: 01-02-2013
مجموع المشاركات: 1552
وجود مثل هذه التكتلات و الشلليات ، هي واحدة من اسباب تراجع المنبر في السنوات الأخيرة و عزوف الكثيرين عن التواجد فيه ، بعد ان حاول بعض الأفراد عنا السيطرة علي نواحي المنبر و حصر دوره في الونسات و لتبادل النكات و القفشات ثم مطاردة الأعضاء هنا و هناك متي ما شعروا ان في وجود هذا العضو الجديد تهديد و تعرية لوجودهم و دورهم السلبي ! يستميت بعض هؤلاء في الحفاظ علي المنبر كما يريدونه هم ساحة لتقضية الوقت قليل من البوستات المتواضعة التي لا تتجاوز حتّة قالوا و قلنا و تتبُّع خصوصيات الآخرين و ممارسة هواية البحث و التنقيب عن شئون الغير ! اعتقد ان أمثال هؤلاء لا يطيقون تواجد اي شخص يقدّم طرح جاد و علمي و مفيد للناس لانه ببساطة يكشف العمق الحقيقي لأزمتهم الداخلية التي يعيشونها و هذا الشخص كذلك يكشف عن احجامهم الحقيقية و يفضح الدور المعرفي المتواضع الذي يقومون به و لذلك ، تجدهم يتداعون و يحشدون بعضهم البعض و يشنّون حملتهم عليه حفاظاً علي مملكتهم الوهمية و إسهامهم الذي لا يُذكر ! اعتقد ان وجود حاتم او غيره من الزملاء القويين في طرحهم يمثّل تهديد حقيقي لمثل هذه الشلليات و وجوده فيه فضح لهم و لذلك تبدأ مهمة التعقّب و التطفيش حتي تخلو لهم الساحة لممارسة هرجلتهم !! ... فريق ال CSI الذي تم تشكيله مؤخراً ، ضم ّ بعض هذه النماذج ! بالإضافة لبعض ( الخساير) من معارك سابقة خاضها الزميل حاتم و كذلك بعض المؤلفة عقولهم ! و قليلين جداً تتفاوت دوافعهم ! و السؤال المهم و الذي يتبادر الي الذهن هو بأيّ صفة يقوم هؤلاء بمهمة التحقيق مع زميل في المنبر و محاولة إستنطاقه ؟ من اعطاهم الحق في البحث و التنقيب في خصوصيات الزملاء ؟ ما هي دوافعهم الحقيقية ؟ ما هي غاية ما يصبو اليه هؤلاء ؟
هل الغرض هو تطفيش حاتم من المنبر ؟ لماذا و من المستفيد و من الخاسر !
هل غرض هؤلاء هو توصيل معلومة انو حاتم سرق مقال زول تاني ؟!! أها و بعدين !! و ماذا إذن عن بقية البوستات و المواضيع التي تداخل فيها و طرحها ؟ هل سيقوم هؤلاء بحملة بحث و تقصّي عن جميع مساهماته عسى و لعل ممكن يكون سارق من زول تاني كمان !!! ما هو الغرض برضو ؟ هل إحراجه مثلاً حتي يحرد و يغادر ؟!! ام كسر عينه ام ماذا ؟!!
ياخ دا برنامج بيض و زمن أبيض !!
من أنتم يا ناس ؟ لماذا انتم معنيين بسلوك زميل خارج المنبر أكثر من تركيزكم فيما تكتبون و تقدِّمون للبشرية ! لماذا إدمان المطاردات و الأجواء البوليسية دي ؟! من اعطاكم الحق في البحث في ضمائر الناس و نبش خصوصياتهم و تتبّعهم ؟! هذه هي الحقيقة التي لا تخطئها عين او مراقب محايد ! مهما حاولتم ان تتجمّلوا و تستتروا بحكاية البحث عن الحقيقة و باقي الشعارات دي !
... متي يستطيع هؤلاء الفصل بين ما هو شخصي و ما هو عام ؟!! و التفريق كذلك بين التواجد في منبر حوار عام و بين شلليات الفيسبوك و قروبات الواتساب !!
... الناس الطفشت من المنبر ليها حق و حتماً سيتبعهم اناس جدد ! ...
10-10-2017, 08:21 PM
جمال ود القوز
جمال ود القوز
تاريخ التسجيل: 01-25-2013
مجموع المشاركات: 5925
سلامات عبد العظيم .. أدين وبشدة ما يحدث من مطاردة للزميل حاتم .. وحتى الأسباب التي يتم تقديمها واهية جدا .. وغير مقنعة فضلا عن انها مجرد غطاء .. ويتم اتخاذها كساتر لتبرير مطاردة حاتم .. شنو يعني الناس تقعد تلوك في شبهة سرقة .. لموضوع واضح جدا إنه من كتبه .. في ذلك الموقع هو نفسه الزميل حاتم ابراهيم .. حتى وإن كان بيوزر آخر معروف او علي ماهر .. وين المشكلة ؟ هذا حقه يكتب بالاسم الهو عايزه .. أو حتى لو عايز بيوزرين تلاتة .. طالما في موقع تاني بعيد عن سودانيز .. الغريبة ولا واحد في المطاردين ديل .. اتخزّم وفكّر مجرد تفكير إنه يجي يناقش المادة .. التي حوتها المداخلة التي تم جلبها للمنبر .. .. كان عرف من طريقة المناقشة وفهم حاتم للمادة .. إنه هو نفسه كاتبها ولم يسرقها اصلا .. الناس بتتغابى ودافنه راسها في الرملة وبتقول .. حاتم سرق الموضوع .. يأخي تخ .. هههه .. طيب ما تجي تناقشه عشان تعرف .. هل هو سارقو ولاّ مشتريهو من السوق .. .. يا عظيم ديل ماصدقوا مسكوا ليهم في شطر ميت .. عايزين يسكوا بيهو حاتم فش لغباينهم ومراراتهم .. لانهزامهم في نقاشات سابقة مع حاتم .. ولغيرة تتآكل البعض الآخر الجاي بدون غبينة .. لانهم مستكترين على حاتم كيف يسحب البساط .. ويفحمهم ويسكتهم بهذه الطريقة المذلة .. فطوالي الواحد فيهم يجي جاري ونفسو مطقوع .. ويفتح بوست ويقعد يسكلب ويشكتي .. من الاشباح المنبرية والسرقات الادبية .. طيب البوديك اصلا تقابض وتهابش .. وتدخل أصبعك بين ضروس الشبح شنو ؟!! ..
غايتو جماعتك ديل ذكروني نكتة ادروب .. لمن دقاهو الفلسطيني وعدم الحيلة اليسويها .. طوالي جري ووقف بعيد وقال للفلسطيني .. ( فلسطيني إسرائيل كيف ) .. مع تحريك يده بطريقة غير لائقة ...
يأخ ديل بيفتشوا ليهم زمن وجوا ناكتين ليهم .. موضوع ليهو 7 سنوات .. تخيّل .. هل شفت ليك جنس مرارة قدر دي .. ههههه .. الله غايتو يعينهم على نفوسهم الامّارة بالسوء .. ونرجسيتهم وأناهم المتضخمة .. التي أعمت بصيرتهم .. و سدت عليهم عقولهم وضللتهم عن الحق ..
مقدما يا جماعة .. مافي زول يجي يسألني من أسماء وكده .. القدره الطاقية وعلى مقاسو يلبسها من سكات ..
10-10-2017, 07:32 PM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
دي نماذج من تعليقات المطاردة ويظهر فيها السعي المحموم لإنتهاك خصوصية الزميل حاتم
Quote: حسب البروفايل يا ود البشرى فان معروف تم إيقافه من ذلك المنتدى ويبدو أن بكري بتاعهم برضه بوقف وبحذف ويخوف الأدمن بتاعهم في أحد من البوستات هدده وحذف له مداخلات لأنه تطاول على أحد قدامى الأعضاء ( تقرأ الموصلي بتاعهم هههه) وحتى المدعو صابره يبدو أنه متخصص في مجاله ( دكتور جامعي) ، لكن حاتم بتاعنا غالطو وأستفزاهو باصرار عجيب وفي بوست قبله كان عنده خلفيات احتكاك مع صابر ومع آخرين، وعنده مغالطات عقائدية فيما بعد أعتقد هي الأدت لايقافه
Quote: Yasir Ahmed
من الاسماء البستخدما حاتم هنا .. بس علاقه بوب بي حاتم دي العاوزه شويه بحث
Quote: شبحيتكم هي جزء لا يتجزء من مساهماتكم والجو الغريب الخلقتوه وحقيقة العلاقات بين عدة أسماء وهمية خاصة في خانة الفيس بوك مع حاتم ماهر ناصر معروف عبدالعظيم ناصر زينب الخ الخ
Quote: خلي حركات التهرب يا شبح وعارف نفسك شبح إتحداك أكتب عنوانك هنا وأنا بكتب عنواني دي لو كنت جاد عاوز تثبت إنك ما شبح أو أتحدك قول إتخرجت من ياتو كلية وياتو سنة وأنا سأفعل المثل
Quote: بس لكن هنا بتهمنى صفة معروف ابو الحسن فى حال كونه حاتم هل هى صحيحة او غير صحيحة
Quote: بس لكن هنا بتهمنى صفة معروف ابو الحسن فى حال كونه حاتم هل هى صحيحة او غير صحيحة
Quote: ٬ فدفاعك المستميت عن الشبح العالق محفَّز بمنفعة تتمثل في كونك قد وجدت في معارك الشبح الأداة المناسبة للنيل ممن لاتستطيب وجودهم هنا. هذا فضلاً عن أنّك تعلم علم اليقين أنّ وجودك السايبري رهين ببقاء الشبح حتى لو كان ذلك بمحاولة قلب الحقائق الماثلة لإظهار الشبح في سمت المنتصر
10-10-2017, 07:35 PM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
Quote: سلام يا عبدالعظيم لك التحية إدارة المنبر لها ضلع كبير فيما يحدث فمعظم ما يلاحق به حاتم موضوعات تتعلق بإدارة المنبر ومكانها ليس المنبر العام ثانيا تسقط كلمات الحق عندما يراد بها باطل
سلامات يا أبو روضه
أكبــر علامة إستفهام أمامنا الآن هو عودة عثمان محمد صالح في هذا التوقيت بعد خطابات المنفي التي كان يرسلها قايل نفسه سعد زغلول من المنفي أو مروان البرغوثي من السجن وخرج والي أرض المعركة مباشرة (ركب قطر الفلول)
من طبائع الأشياء ان يهاجموا" الشهادة الجامعية"بضراوة وهم للمفارقة يحملونها، تماما كذكي الفؤاد الذي يسبّ نفسه وهو يحسب أنه يسبّ الآخرين. يا للشهادة الجامعية التي ليس لها وجيع . إن مسلكهم يدل على أن حيازتهم للشهادة الجامعية لم ترتفع بهم قيد أنملة عن السوقة وعصب الشفّاتة. هذه الثلّة من البورداب يتجلى خبثها ورغبتها في إجلاء من لاينتمي لعصبتهم من المغضوب عليهم، في المنهج الذي اتبعوه في تناهش الأستاذ الموصلي حتى غادر المنبر بعد ان الحق بهم الهزيمة النكراء .هاجموه ثم أما أعيتهم الحيلة سعوا بتصويره كسارق لنوتة موسيقية. نفس التكتيك طبقوه بحذافيره على الاستاذ أسامة الخواض. يتربصون بالمغضوب عليه٬ حتى يسهو٬ يتحرشون به٬ ويثيرون عليه التراب حتى يهتاج٬ بعد ان يكونوا قد دفعوه إلى حافة الغضب٬ واخرجوه من طور الوقار، ليجدوا الثغرة التي منها ينفذون إلى غايتهم الوضيعة مهللين ملوحين للجمهور المستثار زاعقين: انظروا٬ هو ذا مليككم عار.
10-11-2017, 06:27 AM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
Quote: وجود مثل هذه التكتلات و الشلليات ، هي واحدة من اسباب تراجع المنبر في السنوات الأخيرة و عزوف الكثيرين عن التواجد فيه ، بعد ان حاول بعض الأفراد عنا السيطرة علي نواحي المنبر و حصر دوره في الونسات و لتبادل النكات و القفشات ثم مطاردة الأعضاء هنا و هناك متي ما شعروا ان في وجود هذا العضو الجديد تهديد و تعرية لوجودهم
نعم يا أميـر تراجع المنبر كثيرا بعد تم سيطرت عليه الشللشلية والعلاقات الإجتماعية , عشان أول سؤال قبل كل شيء الزول بتعرفوا من ويـن ؟ قريت معاه , قريبك , بتعرف مكان سكنه ياخي والله الأمنجية خلوا طريقة التفكير السقيمة دي..
وهي نفس العلة المجتمعية التي تسيطر عليها الشلة علي صناعه القرار وتراجعت التنافسيه علي حساب العلاقات وتراجع كل شيء في البلد ومن أسباب ذلك طريقة تفكير المثقفين وإستعلائهم علي المجتمع
10-11-2017, 06:37 AM
امجد الجميعابى
امجد الجميعابى
تاريخ التسجيل: 01-08-2013
مجموع المشاركات: 2623
ما في مطارد حاتم و لا حاجة حاتم قبض بالثابتة سارق عديل كدا دا و لمن طالبوه بالاعتراف بسرقته و الاستغفار لذنبه جيتوا انت يا عبد العظيم و امير بوب و معاكم كم واحد اختلقتوا مسألة المطاردة دي كدي خلي زولك دا يجي في بوست جلالدونا يبرأ ساحتو اول حاجة و بعد داك نشوف وضوع المطاردة دا خلي بالك القفز فوق الاشياء هنا ما بيظبط و حاتم بدل تلتصقبو حكاية لص اسفيري و التي سوف لن تسقط بالتقادم احسنلو يجي يقول يا جماعة تبت لله و الرسول
عبد العظيم بصراحة شكلك بقى مش و لا بد
10-11-2017, 06:34 AM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
عثمان لا تكن عاطفيا تنشد الأحلام! انتقدنا الكرتونيات من واقع أنها لم تغير من واقعنا المزري وأنها لم تعدل من نسبة 50% هي أمية الأمة التي تضج بعلماء الكرتون وصححنا من مفهوم حملتها وظنهم بأنها سدرة منتهى العلم والتعلم والتعالم
يمكنك أن تستمر في الهتاف كدأبك لكن هذا لن يغير من الحقائق الماثلة وبالتأكيد الاعتراف فضيلة ونقد الذات أول الطريق لتصحيح الخطأ.
10-11-2017, 06:43 AM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
Quote: بعد "اللاحَولَلة"٬ أي الاستعانة بلاحول ولاقوة إلابالله مما هالني بسبب السوقية ، التي تقطر من لغة الحكاية٬
بعدين يا عثمان تعال هنا يعني شنو لغة سوقية؟ وليه إخترتوا السوق لتسقطوا عليه الوضاعه والسقوط يا مثقفين زمن الغلفه إنت بتكرر في نفس العبارة دون التفكير حتي في أنها صور من صور الإستعلاء علي رواد السوق وأهل السوق والذي يتكسبون الرزق من السوق شفت جنس التأفف دا هو المطلع عينا ومخلينا نختها قرض مع كل متأفف ومترفع ومستعلي موهوم ...
قمتوا فصلتوا لي نفسكم برج عاجي كأدباء وإختروا لنفسكم لغه تناسب هذا المكان , وأسقطكم كل ماهو قبيح ووضيع علي حديث العامة وحديث الأسواق وإنت هنا ناقل للعبارة التي قيلت قبل آلاف السنين دون حتي أن تشغل تفكيرك وهذا الفخ يقع فيه جل المثقفين (إستخدام عبارات محنطة) بغرض القشرة
وبرضه تقولي ليه حاتم ينتقد حملة الكراتين
10-11-2017, 06:42 AM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
يأخ ديل بيفتشوا ليهم زمن وجوا ناكتين ليهم .. موضوع ليهو 7 سنوات .. تخيّل .. هل شفت ليك جنس مرارة قدر دي .. ههههه .. الله غايتو يعينهم على نفوسهم الامّارة بالسوء .. ونرجسيتهم وأناهم المتضخمة .. التي أعمت بصيرتهم .. و سدت عليهم عقولهم وضللتهم عن الحق ..
نعرف يا ود القوز سقوط المثقف يحدث دويا هائلا معقولة في ناس ممكن تحفر للدرجة دي ووين في منبـر عام !! ديل غايتو الشعب السوداني إرتاح منهم وبقوا ما عندهم شغله بي مصالحه , صدقني نفس سلوك الكيزان في الجامعه وبنفس التكتيك انا زمان كنت بتخيل أن سلوك إنتهاك الخصوصية دي خصلة كيزانية يبدو أني كنت مخطيء .. المهم إنه الواحد يقدر يفهم طريقة تفكير المثقفين الموهومين ديل عشان يقدر يتعامل معاهم بصورة تناسب الأزمة اللي بعيشوها
10-11-2017, 06:59 AM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
يا عثمان محمد صالح أنت كتبت في أولي مداخلاتك بعد ما بكري فك وثاقك ورفع عنك الحظر الآتي:-
Quote: هو انسان ولكن لا احد يعرف له 1بيانات تدل عليه تتصل بالميلاد او السكن او الدراسة او الاقامة. عليه فإن اعوان المدعو حاتم ابراهيم مطالبون اكثر من سواهم 2 بالتقدم لنفي صفة الشبح عنه . فهل فيهم من يتقدم الصفوف - واخص بالذكر منهم امير بوب وعبد العظيم عثمان ومحمد الأمين موسى- ويخطئوني؟.
يا يتو حق يا عثمان تقعد تلصص علي زميل في المنبر وتبحبت عن معلوماته الشخصية؟
وأنت بذلك تتعتمد إنتهاك خصوصيته وتطلب منا أن نقوم بهذا الشيء
أين كان عقلك يا عثمان وأنت تكتب هذا الهراء
10-11-2017, 07:03 AM
Mohammed Ahmed Saeed
Mohammed Ahmed Saeed
تاريخ التسجيل: 12-19-2005
مجموع المشاركات: 690
النخبة المثقفة وتُعرف كذلك باسم الانتلجنسيا (باللاتينية: intellegentia) هم طبقة اجتماعية تشارك في عمل ذهني معقد يهدف إلى توجيه ونقد، أو لعب دور قيادي في تشكيل ثقافة المجتمع وسياسته.[1] قد تشمل الانتلجنسيا الفنانين ومعلمي المدارس، الأكاديميين والكتاب والصحفيين وغيرهم ممن يُطلق عليهم بشكل واسع، مثقفين. دورهم في تنمية المجتمع محط جدلٍ واسع ولم يكن إيجابياً في حالات تاريخية كثيرة، قد يساهمون بدفع المجتمع إلى مستويات تقدم كبيرة، وقد يلعبون دوراً في تعزيز حركاته المتخلفة.[2] ظهرت هذه الطبقة بمعناها الاجتماعي في بولندا بداية، خلال عصر تقاسمها. وقد اُستعير المصطلح من جورج هيغل في أربعينيات القرن التاسع عشر لوصف فئة متعلمة ومهنية من البرجوازيين الوطنيين الذين أصبحوا قادة روحانيين في بلد خاضع لقوى أجنبية
منقول بالنص من ويكيبيديا
10-11-2017, 06:52 AM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
Quote: كدي خلي زولك دا يجي في بوست جلالدونا يبرأ ساحتو اول حاجة و بعد داك نشوف وضوع المطاردة دا
يا أمجد غايتو موقف مساندة الفلول في مطاردة حاتم دا موقف غريب جدا الفلول بي غبينتهم فيهم الملسوع من حاتم وفيه الشالوه ودقوا الواطه في المنبر قدام الناس وقام يتنفض وأكلها في حنانه ديل كلهم عندهم بق غباين شايلنها في رأسهم وشيء من نرجسيه
Quote: تعال في البوست دا و الذي سيظل قميص عثمان انت قايل المسائل دا بتمر مرور الكرام لا و الله
يا أمجد الموضوع البهناك داك موضوع منتهي قلبوا ونسه الموضوع من البداية عباره عن غبينة ومطاردة وإنتهاك خصوصية عشان كدا ولد ميت وبقي حائط مبكي كل واحد من الفلول يجي يفك ليه بكية ويطلع يمشي يشوف أشغاله ... موضوع منتهي أسمعها مني
للأسباب الثلاثة الذكرتها ليك فوق : غبينة+مطاردة + إنتهاك خصوصية
كلمهم يا أمجد يرفعوا بيت البكاء بتاعهم دا ويأكلوها في حنانهم زي كل مره ويشوفوا ليهم شغله
10-11-2017, 07:10 AM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
Quote: ليس حاتم شبحا. وهو رجل مساواتي ( اقاليتاريست). ويعني هذا انه اشتراكي صميم لايضع وزنا للالقاب والمراتب، فكل الناس عنده سواسية. Re: نحو سيموطيقا للفضاء العام-حامد داباشي-ترجRe: نحو سيموطيقا للفضاء العام-حامد داباشي-ترج
وعاد يناقض نفسه هذا المرتجل! لا يؤخذ لعثمان رأي.
10-11-2017, 07:27 AM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
Quote: صراحة خيبت ظن الكثيرين ممن كانوا يتوقعون أن تأتي وتفترع بوست عن حرية التعبير وتوضح لأعضاء المنبر موقفك وتشرح موضوع أيقافك بهذا الدخول ومباشرة تركب قطر الفلول يا زميل دا بعني إنك عاوز تدفع الفواتير أولا (فاتورة الوساطة أو أي فاتوره أخري ) تبر بها من أسهم في عودتك للمنبــر وفك وثاقك بعد تصفيدك ومنعك الكتابة في المنبر
دا موقف غريب يا عثمان وصادم ويحتاج الي تفسير وشرح
يا عثمان طلبت منك تفسير لهذا الهجوم المباشر علي الزميل حاتم (في أول مداخلات بعد رفع الحظر عنك ) موقفك دا محتاج الي تفسير أتمني تمتلك الشجاعه وتشرح
10-11-2017, 07:27 AM
امجد الجميعابى
امجد الجميعابى
تاريخ التسجيل: 01-08-2013
مجموع المشاركات: 2623
يا عبد العظيم حاتم رجل موضوعي و محاور جيد لكنه يبحث استعداء الآخر و شخصيا متابع بوستاتو و مستمتعبا بس حكاية معروف دي حارقاني شديد و الله فيا ريت حاتم يجي و يقول كلامو او يفتح بوست بذات الموضوع
المهم حكاية ابعاد حاتم من البورد دي ما في ول عاقل بيقيف معاها و الاهم من كدا انو تعرفوا ما في زول مطاردو و لا حاجة
10-11-2017, 07:30 AM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
Quote: المهم حكاية ابعاد حاتم من البورد دي ما في ول عاقل بيقيف معاها و الاهم من كدا انو تعرفوا ما في زول مطاردو و لا حاجة
يا أمجد اذا ركزت في ما يدور في المنبر خلال الفتره الماضيه بدأت حملة منظمة في مطاردة حاتم ووصفه بالشبح والتشكيك في شخصيته وبنش خصوصياته من بعض من زملاء المنبــر .. موضوع المطاردة موجود وباين يا أمجد
10-11-2017, 07:37 AM
محمد المسلمي
محمد المسلمي
تاريخ التسجيل: 08-08-2009
مجموع المشاركات: 11831
Quote: بالمناسبة إيقاف حاتم من المنبر سيكون بمثابة خسارة كبيرة لمالك المنبر ..
يا صبري ديل ما بهمهم يخسر المنبر أو يتراجع الحوار أو تتنسف جودة المحتوي المنشور في المنبر كل همهم أن يتم ردع أي زول يخالف البيش بتاعهم وأن يتأدب كل من يتطاول علي العروش الوهمية
10-11-2017, 08:06 AM
محمد المسلمي
محمد المسلمي
تاريخ التسجيل: 08-08-2009
مجموع المشاركات: 11831
Quote: بعد انتهاء الغرض والتوضيح ارجو حضور الاخ حاتم في بوست جلالدونا واغلاق هذا البوست فوراً وعاجلاً
مالك خايف وعاوز تداري الفضيحة بتاعتكم دي بي سرعه؟ هل إشتركت في هذه المؤامرة؟ ما سبب إتصالك بالزميل محسن لتنبيه عن مداخلات الزميل حاتم؟ شمشرة ساي منك ولا عندك أسباب إنت مطالب بهذه التوضيحات
10-11-2017, 08:14 AM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
Quote: اتصل علي بابكر عباس، صنفته سابقا أنه هامان، وقال لي إنو الزول دا ممكن يساعدك في رفع البرنامج على الموقع تاني، قلت ليه أبدا، ما بعرفو. يعني لا أعلم من هو، كي لا يقرأ أحد كلامي له بإرسال البرنامج كأنني أعرفه، والبرنامج رفعته بنفسي ولم يساعدني فيه أحد
يا مسلمي ممكن توضح سبب إتصالك بالزميل محسن والحديث معه عن الزميل حاتم المحشرك شنو؟ عدمت الشغلة للدرجة دي لغاية ما تقعد تبحبت وتتصل بالتلفون
10-11-2017, 08:34 AM
محمد المسلمي
محمد المسلمي
تاريخ التسجيل: 08-08-2009
مجموع المشاركات: 11831
Quote: اتصل علي بابكر عباس، صنفته سابقا أنه هامان، وقال لي إنو الزول دا ممكن يساعدك في رفع البرنامج على الموقع تاني اتصل علي المسلمي لأول مرة في حياتي، وسألني قال لي إنت شفت مداخلات ليه قبل كدا، قلت ليه أبدا، ما بعرفو. يعني لا أعلم من هو، كي لا يقرأ أحد كلامي له بإرسال البرنامج كأنني أعرفه، والبرنامج رفعته بنفسي ولم يساعدني فيه أحد. بالمختصر هو شيطان، مثله، ومثل غيره من المالين المكان دا.
ياعبدالعظيم او اي كان اسمك ده كلام محسن خالد واضح وصريح
عليه ارجوا اغلاق البوست فقد انتهي الغرض منه
10-11-2017, 08:45 AM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
Quote: اتصل علي بابكر عباس، صنفته سابقا أنه هامان، وقال لي إنو الزول دا ممكن يساعدك في رفع البرنامج على الموقع
تاني اتصل علي المسلمي لأول مرة في حياتي، وسألني قال لي إنت شفت مداخلات ليه قبل كدا، قلت ليه أبدا، ما بعرفو. يعني لا أعلم من هو، كي لا يقرأ أحد كلامي له بإرسال البرنامج كأنني أعرفه، والبرنامج رفعته بنفسي ولم يساعدني فيه أحد.
يا مسلمي الؤال لا يزال قائم سبب إتصالك بالزميل محسن خالد والحديث معه عن الزميل حاتم شنو؟ ودي أول مره في حياتك ترفع التلفون وترضب لي محسن معقولة في شلاقة أكبر من كدا وفي عدم شغلة أكثر من كدا
إنت مطالب أمام أعضاء المنبر بتوضيح سبب هذه المكالمة في هذا الجو المشحون بمطاردة الزميل حاتم
10-11-2017, 08:48 AM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
الكلام الفوق بيفضح بعض الزملاء في حشد الناس ضد من يطاردونه في هذا المنبر ويفضح الشغل البتم برا المنبــر بالتلفون عشان مافي زول يجي يقول موضوع المطارد دا ما حقيقي مداخلة وكلام الزميل محسن خالد واضجه فوق ما بتحتاج الي شرح
عشان تعرفوا الحفر والتضييق علي زملاء المنبر بيتم بياتو طريقة
ديل سقوهم لا قاع له
10-11-2017, 08:49 AM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
الكلام الفوق بيفضح بعض الزملاء في حشد الناس ضد من يطاردونه في هذا المنبر ويفضح الشغل البتم برا المنبــر بالتلفون عشان مافي زول يجي يقول موضوع المطارد دا ما حقيقي مداخلة وكلام الزميل محسن خالد واضجه فوق ما بتحتاج الي شرح
عشان تعرفوا الحفر والتضييق علي زملاء المنبر بيتم بياتو طريقة
ديل سقوهم لا قاع له
10-11-2017, 08:54 AM
محمد المسلمي
محمد المسلمي
تاريخ التسجيل: 08-08-2009
مجموع المشاركات: 11831
الموضوع ياعبدالعظيم ابسط مماتتخيل وجدت تلفون محسن خالد هنا اتصلت سلمت عليه سالته من البوست وان الزميل حاتم قال برفع ليه البرنامج وهل تعرفه فقال لايعرفه بعد ذلك استمرت المكالمة قريب ساعة 60 دقيقة في موضوع كونه يحي ابن زكريا وعن الخلق والبعث وعن المقامات وكلام كثير وضرب لي عدة امثلة من اعتقاده وشرح لي الكثير من القران واتفقت معه في بعض الكلام واختلفت معه في اخر علي امل ان اقوم بزيارته في اهله
-------
ارجو اغلاق البوست فقد اتتهي غرضه
10-11-2017, 08:51 AM
امير بوب
امير بوب
تاريخ التسجيل: 01-02-2013
مجموع المشاركات: 1552
حقيقة لم اتداخل مع الاخ حاتم الا مؤخرا وطبيعة عملي بالخلاء لم تسمح لي متابعة مناكفاته مع الاخوة حقيقة انا سعيد بمعرفته والاطلاع علي ما يكتب وقد ادهشتني غزارة معلوماته المناخيه والجغرافيه وقد لفت انتباهي في بوست اخوي ود المدير (رشاشي الجديد) او باسم نحو ذلك وكنت اعتقد انو متخصص موسيقي ودراما ودا اهتمامه الوحيد وعزز ذلك عازف الطرمبيطا الذي يزين به بروفايله ... حقيقة أخري انا ومنذ دخولي عالم الاسافير لم اكن انزعج او اهتم كثيراً بما يسمونهم الاشباح او المتبلمين منذ زمن موضة انتشار منتديات الترتر بما انهم محترمين ولم يصدر عنهم ما يزعج خصوصيات الاخرين خاصة وفي منتديات الترتر كان يزعجنا المتبلم الذي يتعدي الخطوط الحمراء مع الحرمات أو مع العوين كما يطلق عليهم اهلنا البقاره حقيقة اخيره لفت انتباهي المقتبس اعلاه لما يحمله من ذكاء ساخر ومهذب وقالب درامي للتنكيت والتبكيت وقلب الطاوله علي الخصوم وهم يضحكون من هنا اناشد الاخوة عبد العظيم وامير بوب باعتمادي عضو برابطة المعجبين بالاخ حاتم متي ما توفر مقعد ... : : : : : : : مع التحيات لله الزاكيات
10-11-2017, 08:55 AM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
ما بتحتاج يا عبد العظيم أي موضوع ينزل في المنابر النشطة بيتم حفظه في غوغول وممكن ترجع ليهو بسهولة فلو كتبت مثلا (مرحباً بعودة ع.م. صالح سودانيز) حيجيك في أول نتيجة وبتلقى نهاية العنوان المثلث دا (▼) دوس عليهو وحتظهر كلمة (Cached) اضغطها وحيطلع ليك الموضوع بآخر تحديث عمله غوغول.
الجيد أن المداخلة المقصودة في البداية.
___ وجزاك الله خير يا قوقل.
10-11-2017, 09:02 AM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
1- الخواض يتصل بي بكري عشان يرفع الحظر عن عثمان محمد صالح والأخير يجي واقع بي وشه في قطر الفلول ....
2- المسلمي يتصل بي محسن خالد عشان ينبهه لي مداخلة حاتم في موضوعه
بعد الكلام دا خلي واحد يجي يقولي مافي مطاردة للزميل حاتم في المنبر الفلول بعدا الكلام الفوق دا مفروض تمشوا تشوفوا ليكم صرفه مع مؤامرتكم ضد الزميل حاتم لأنو فضيحتكم بقت بي جلاجل في المنبر وفي الأسافيــر
10-11-2017, 09:03 AM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
والبوست بتاعك دا ذاتو اتحفظ لغاية مداخلتك القلت فيها (عندما تجتمع الغبينة مع النرجسيه عند مثقف موهوم) ممكن تفتشو بالعنوان وحتصل للنتيجة دي وجايز تختلف حسب السيرفر جغرافيا، أي سيرفر ممكن يحتفظ بجزء متفاوت ويمكن في الساعات الجاية يتعمل تحديث للكاشي بتاع غوغول، بس يستحسن تحفظه عندك الآن بهيئته دي إذا عايز غالبا حيتمسح بسبب تداخلي مع أمير بوب فوق وبسبب التوضيح العملتو ليك دا.
الكلام دا ينبطق حتى على البوستات القديمة جدا.
10-11-2017, 09:12 AM
محمد المسلمي
محمد المسلمي
تاريخ التسجيل: 08-08-2009
مجموع المشاركات: 11831
شوف ياعبدالعظيم انا بوستات حاتم استفدت منها وعندي حاتم وجوده هنا مهم جدا جدا وماعندي اي مشكلة معاه في اي حاجة وبعتبره مميز جدا بس بختلف عنك انني لست تابع لاحد ولا باخد المسالة مثلك اتتصار وخلافه
------ بعدين مسالة اغلاق وانتهي البوست دي رد علي لياقتك الهناك
10-11-2017, 09:14 AM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
Quote: سالته من البوست وان الزميل حاتم قال برفع ليه البرنامج وهل تعرفه فقال لايعرفه بعد ذلك
المسيلمي كيفك؟ ما بالضرورة محسن يعرفني عشان أساعده تقنياً ما ياهو أنا عندي على الأقل بوستين للمساعدة للجميع، وصفحة مخصصة في موقعي لنفس الغرض! انت اتصلت على محسن عشان تسأله بيعرفني ولا لا ودا معنى كلامك الفوق ودا تصرف غير مناسب طبعاً فانت اتصلت عشان تجمع معلومات ومن الشخص غير المناسب، وطلع ناصح وفضحك.
عايز تعرفني اسألني مباشرة ياااااخ، الإيميل عندك! simply put.
10-11-2017, 09:24 AM
مني عمسيب
مني عمسيب
تاريخ التسجيل: 08-22-2012
مجموع المشاركات: 15691
معقوله !!! .. أوصل الحال بنا إلى هذا القاع .. حقو أي زول مشارك في مهزلة المطاردات دي .. يراجع نفسه ويحاسبها ويشوف هو واقف وين ؟ .. ومع منو ؟ ..والفريق البيدعموا بيعمل في شنو ؟ .. أيوافق على هذه الترهات والكلام الفارغ البيعملوهو ده ؟ .. ده اقتحام سافر لخصوصيات الأعضاء . ونبش في حياتهم وأسرارهم .. عضو منبر بيناقشك في المنبر العام .. وفي مواضيع عامة لو عندك دراية وفهم .. أمامك المجال واسع لتناقشه وتدحض حججه .. البيوديك تتلصص على حياته الخاصة وخصوصياته شنو ؟ عيب والله البيحصل ده وادانتي التامة له .. لا أحد يملك حق النبش والتبحيت وراء الاعضاء .. وانتهاك خصوصيات حياتهم في محاولة للنيل منهم .. كل هذا يحدث بعد ان عجز هؤلاء .. واعيتهم الحيلة في النقاش أمام الملا .. فطفقوا يبحثوا بلا هوادة عن حياة العضو حاتم .. علهم يجدوا ما يشفي غليلهم .. سبحانك ربي ..
10-11-2017, 11:05 AM
فرح الطاهر ابو روضة
فرح الطاهر ابو روضة
تاريخ التسجيل: 10-22-2012
مجموع المشاركات: 11112
Quote: الموضوع ياعبدالعظيم ابسط مماتتخيل وجدت تلفون محسن خالد هنا اتصلت سلمت عليه سالته من البوست وان الزميل حاتم قال برفع ليه البرنامج وهل تعرفه فقال لايعرفه بعد ذلك استمرت المكالمة قريب ساعة 60 دقيقة في موضوع كونه يحي ابن زكريا وعن الخلق والبعث وعن المقامات وكلام كثير وضرب لي عدة امثلة من اعتقاده وشرح لي الكثير من القران واتفقت معه في بعض الكلام واختلفت معه في اخر علي امل ان اقوم بزيارته في اهله
يا مسلمي تبريرك فطيــر جدا أن تتحدث مع الزميل محسن خالد في أفكاره أو أي شيء يخصه دا موضوع خاص بيك .. الزميل محسن ذكي جدا ولماح ووضح بجلاء أنها أول مره في حياته يتحدث فها معاك .. إنت حاشر الزميل حاتم في تلفونك معاه ليــه؟
هل تحدثت مع زميل أخر في هذا المنبــر بخصوص الزميل حاتم أتمني أن تكون عندك الشجاعه وأن تفصح عن هذا الأمر وأتمني أن يكون للزملاء شجاعه محسن خالد في كشف هذا الأمر
10-11-2017, 02:18 PM
محمد المسلمي
محمد المسلمي
تاريخ التسجيل: 08-08-2009
مجموع المشاركات: 11831
----- بعدين انا لو متضرر عندي بكري قاعد بمشي ليه ولو رفض عندي القانون طويل عريض يجيب من اي بلد انت قايل القصة طالقة ساهي احسن تفك خبري ممكن اصل اي مكان معاك لاني لم اخطي عليك ولا علي الشبح حويتم السراق
10-11-2017, 02:19 PM
محمد المسلمي
محمد المسلمي
تاريخ التسجيل: 08-08-2009
مجموع المشاركات: 11831
سلام للاخوة المحترمة هنا يا جماعة ببساطة شديدة في ناس المنبر دا يشكل كل حياتها وعوالما ..... ويعتقدوا مخطئين ان لولاهم لما كان هذا المنبر العملاق.... وهم شلة وكادوا ان يتحولوا لأصدقاء ان لم يكن فعلوا وهذا امر جميل بس الماجميلين هو اعتقادهم انهم الكل في الكل والبقية ناس الله ساكت اها نحن كشعب سودانيزونلاين كنا مطولين ليهن الحبل وهن افتكروا انهم أساس المنتدى بالمناسبة افكارهم ضحلة وكتابهم مغتغت وفاضي وخمج بس دا قسمتن ااااهااااااا يقوم يجي للمنبر واحد شفت وفقري ومقرم وفوق دا بنك معلومات ومثقف ضليع ومتواضع ومهذب وود ناس حاتم دا من عمق الشعب السوداني واهم ما يميزه الا لا كبير عنده ولا حتى الجمل وساخر لآخر مدى ولا يبدأ اي هجوم او استفزاز ولكن البحاول يهبشوا بنجموا نجام قبورة وافضحوا فضيحة السواد واللواد يساعده في ذلك ما عنده من إمكانيات في الكمبيوتر والنت واللغة السودانية الحلوة المعبرة اااااهاااااا الفلول اصابتهم الغيرة وهم يَرَوْن ان الأنظار التفت لواحد بسيط ومهذب وما من الشلة قاموا يفعلوا ما ترونه من مطاردة والنتيجة صفر كبير وكل يوم همومهم تزيد هموم وخلاص اتفضحوا واللي كان كان ...... ويظل حاتمنا جبلا للصدق والحكمة والعلم ويظل رقما مهولا وتظل الفلول تحوم جول نفسها وتحترق طبعا انا معجب كبير بحاتم ولا اخفي هذا أبدا وبصراحة حاتم اكتر واحد استفدت منه في هذه الاسافير واكتر واحد يصنع لي يوميا ساعات جميلة من البهجة بكتابات غاية في السخرية وغاية في كل حاجة غاية وأقول الفلول موتوا بحسرتكم خلاص هذا زمن حاتم بنانا وسلام وشكرا جزيلن....
10-11-2017, 02:22 PM
Osman M Salih
Osman M Salih
تاريخ التسجيل: 02-18-2004
مجموع المشاركات: 13081
Quote: بعدين انا لو متضرر عندي بكري قاعد بمشي ليه ولو رفض عندي القانون طويل عريض يجيب من اي بلد انت قايل القصة طالقة ساهي احسن تفك خبري ممكن اصل اي مكان معاك لاني لم اخطي عليك ولا علي الشبح حويتم السراق
طيب وقت إنت بتفهم ما تكسب فينا أجر وتكلم الفلول يبطلوا التشهير بالزميل حاتم .. ويتصلوا بي بكري (أذا حاتم خرق اللائحه) أو يمشوا القضاء ... ما قادر تقول كلامك بي هناك مالك
10-11-2017, 02:47 PM
محمد المسلمي
محمد المسلمي
تاريخ التسجيل: 08-08-2009
مجموع المشاركات: 11831
Quote: عبدالعظيم عثمان اكرر لك انا خارج القصة دي ولو عندك معاي موضوع ولا مشكلة وريني ليها
لا عندي معاك مشكله ولا مع غيرك انا قضيتي الرئيسية إنتهاك خصوصية الزميل حاتم ومطاردته من قبل بعض أعضاء المنبر إنت حظك العاثر هو الرمي بك في هذه المعمعة وتحشرك بين حاتم ومحسن خالد (دا عملته بيدك)
كان إنت خارج القصه الله معاك وخلي الباب مفتوح
البوست دا سيظل عالي حتي يعرف الناس المؤامرات في هذا البورد وكيف يتم التضييق علي زملاء المنبر بكل السبل والطرق
10-11-2017, 02:58 PM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
Quote: الفلول اصابتهم الغيرة وهم يَرَوْن ان الأنظار التفت لواحد بسيط ومهذب وما من الشلة قاموا يفعلوا ما ترونه من مطاردة والنتيجة صفر كبير وكل يوم همومهم تزيد هموم وخلاص اتفضحوا واللي كان كان
إنت جبتها يا منعم الفلول دخلتهم خوفه وماسكاهم رجفيبه وعاوزين الفنان محمد تروس يعمل لينا حلقة إسمها
(حاتم يضرب الفلول في منبر سوادانيز أونلاين)
10-11-2017, 03:52 PM
قسم الفضيل مضوي محمد
قسم الفضيل مضوي محمد
تاريخ التسجيل: 01-08-2013
مجموع المشاركات: 2608
يا عبد العظيم المنبر ده ياها حالتو من يومو.. الناس بتتونس بما يحصل فيهو خارجه وبمارسوا كل الاعيب السياسة من شحن وتحريض وتأثير على الرأي العام وتربيطات وخلق تحالفات دائمة وموسمية وجمع معلومات استخباراتية وتصنيف باختصار كل شي، فما عارف انت بتتكلم عن الحاجة دي كأنها ظاهرة جديدة وأول مرة تحصل ليه؟ ارجع لي ارشيف المنبر وحتلقى كمية من بوستات من هو فلان واين يعيش علان والبعرف فرتكان يرفع ايدو.. الخ. كلامي ده ما تبرير لي اي شي بس هو توصيف للواقع اللا انت ولا غيرك حيقدر يغيره لذا اعمل بمبدأ دعه يعمل دعه يمر، اي هوجة بتبدا عالية وبتخفت تدريجيا ثم تنتهي.
10-11-2017, 08:58 PM
جلالدونا
جلالدونا
تاريخ التسجيل: 04-26-2014
مجموع المشاركات: 9387
بوست شللى تكتلى بى امتيار و نفس الكهنة الما جابت مريسة تام زينو بى غادى جيتو تخمروها هنا غليل و مطاردة و خصوصية و... و الخ فاتحين ليكم بكا و ما عارفين تبكو على شنو بصرف النظر عن المات منو هسى عليك الله ده بوست يفتحو زول عندو ذرة فهم فى حقوق الملكية الفكرية ولّ يفتحو زول بيخلط بين الحاجات كده لدرجة انو ده شغل امن و كيزان تنجر فى الاحكام ساكت كده و تفترضا و تبنى عليها مواقف و احكام انتو البوست ال بى غادى ده وكت حكمتو عليهو بى شطر ميت ,مالو نفسكم قايم كدى لى درجة فتحتو زريبة جديدة عشان تثغو و تخورو و تتمأمأو فيهو مأمأة من ينتظره الذبح البوست البى غادى واضح و التوضيح المطلوب واضح و الدليل موجود وين المساسكة و الغبينة و المطاردة و انتهاك الخصوصية و الغرض الفاتح ليهو الزريبة لو كان كل الكلام الكتبتو هنا و هناك صادر من حاتم يمين الله ارد عليهو و افندو ليهو حرف حرف بى اعتبار انو البوست انكتب عن موضوع يخصه ,بس انت و من لف لفك لا تستحقون عناء الرد لكن نفاقك الاسفيرى ده يستحق ان يلجم و هنا و اكرر هنا حتى تستوعب ان انطلاقتك دى مهمن انطلقت .ليها لجام تلجم به ____ ما أهلك الله ابن نوح و قومه الا اصرارهم على الباطل لاعاصم لا عاصم لا عاصم
10-11-2017, 09:16 PM
جلالدونا
جلالدونا
تاريخ التسجيل: 04-26-2014
مجموع المشاركات: 9387
و يا حاتم البوست الحايم فيهو ده و تمارس فيهو الانتقاء فى الردورد يا ريت تتكرم ترد على دى معروف ابو الحسن فتح بوست سنة 2010 حاتم ابراهيم استفتح بوستا له و كتب نفس المداخلة الاولى لمعروف عام 2014 كل المطلوب توضيح هل معروف ابو الحسن هو حاتم ابراهيم ام شخصين مختلفين على ماهر ماشى عليهو و طال ما اتهمتونى بالمطاردة المطاردة ستبدأ من هنا و ارجو ان لا تفوت على فطنتك كلمتى سنة و عام و موقعهما فى متن المداخلة دى فهى مقصودة و فرق بين الخير و الرمادة تعال غالطنى فيها عشان نعتبرا مدخل للرد المطلوب يا جماعة الفلول ارجو شاكرا التوقف عن اى مشاركة حتى لا نتوه فى الفلولية
10-12-2017, 03:31 AM
Osman M Salih
Osman M Salih
تاريخ التسجيل: 02-18-2004
مجموع المشاركات: 13081
هذا البوست عني انا الفقير الى الله..وقد عجبت لما كتبتيه. فحاتم ابراهيم، الذي الذي يقرع له الطار أعوانه، محدثين بذلك ضجيجا اسفيريا صبيانيا غير مسبوق ، اقول ان حاتم يتجنب السياسة، ولايدخل كفه في بحرها الملتهب، فكيف جاز لك ان تخلعي عليه لقب مجهجه اي مزعزع الامنجية والخردجية؟. من هم الامنجية؟ ومن هم الخردجية، وما معنى الخردجية قبل كل شيء؟. عثمان محمد صالح
10-12-2017, 06:48 AM
Abdulgadir Dongos
Abdulgadir Dongos
تاريخ التسجيل: 02-09-2005
مجموع المشاركات: 2609
+ شكرا للأخ عبدالعظيم علي هذا المنشور واضح جليا ألمؤآمرات واللعب ألخشن تجاه ألاخ حاتم. غض ألنظر عن معرفة شخصية حاتم ومكان أقامته، هذا البوست يعكس مدي ألتكالب ألعنصري تجاه ألاخ حاتم.ألناس دي لمست أن حاتم هذا خطر علي توجههم وتوجه ماهية ألسودان لذلك هو مستهدف. لمست من فكرة ألاخ حاتم أنه غير راض عن وضع ألسودان ألراهن، من منا راض عن ما وصل إليه حال بلادنا؟ هنا أثتثني حارقي ألبخور وحملة ألمباخر لنظام "ألمؤتمر ألوطني". ألعجاج ألقايم في ألمنبر بسبب زعزعة "أفكار حاتم " "للإعتقادات ثابتة" في مجتمعنا. والواضح أن حاتم لا تهمه هذه "الإعتقادات" لان فكرته أعمق، ونظرته أشمل وأوفي. ألتقيته في أفكاره وما أعظم من أن تلتقي ألبشر فكرا. وهنا لا أخفي أني إلتقيت آخرين أنت منهم. ألمتابع لكتابات حاتم دون غرض، يلمس روح ثورة التغيير. حاتم رجل أنجبه ألمجتمع ألسوداني بكل تعقيداته، لكنه شب بفكره عن طوق ألروتين ألممرض. ملاحظاتي في ألفترة ألأخيرة، هناك جيل جديد فكرا يري أننا نكرر ألغلط مجتمعين ولا نبالي. هذا الجيل ألحديث، سمحت له ألظروف أن يخاطب ألعالم عن طريق سبل ألتواصل ألحديثة. فاحتك بالعالم وبات يري وضعه بين الأمم. للأسف كنت شاهدا بأم عيني مساجلة غير كريمة بيين شاب يانع "ذكي" ووالديه. لمست أنه يحتقرهما لانهما "جهلة" أورثوه ألتخلف والعادات ألبالية. أليوم نحن في مشكل مجتمعي عميق يتدحرج بسرعة تجاه هاوية. بدلا عن ألتكالب ألغرضي هذا، حاولوا أن تفهموا ألرجل ومنطلقاته. حاتم ما "شيطان رجيم"، هو إنسان مثلكم له عالمه ألذي إرتضي. كثير من ألمطاردين لحاتم يجهلون صراع ألاجيال، تجد ألفرد منهم يعاني فهم ألحياة مع "فلذة أكباده" لكنه في منبر سودانيزأونلاين مصارع بارع ومناكف لا يشق له غبار. لذك ألتكالب لامحالة منه، لكن حتما "طبيعة ألاشياء" ستسحق كل ذي غرض. ألبقاء لمن عمل صالحا.
دنقس.
10-12-2017, 09:38 AM
جلالدونا
جلالدونا
تاريخ التسجيل: 04-26-2014
مجموع المشاركات: 9387
عثمان محمد صالح تحياتي وسعيد جدا برجوعك للمنبر فمرحبا بك وبعيد من ما كتبته الكنداكة منى عمسيب صحيح بأن حاتم بعيد من تناول أي شأن سياسي ولكن الاتصالات التي تمت بغرض التنبيه لمشاركات حاتم والدعوة لقفل الموضوع وظهور أعضاء بعد غياب طويل وبعد التحية مباشرة تتوجه آقلامهم للمشاركة في في ملاحقة حاتم أمر يدعو للدهشة والاستغراب ليس بالضرورة الاتفاق حول ما يطرحه حاتم ولكن أن يكون هناك تشرذم واستهداف بغرض إزاحة حاتم من المنبر أمر مرفوض ولك كل الود
10-12-2017, 11:13 AM
محمد مجيدو
محمد مجيدو
تاريخ التسجيل: 07-06-2013
مجموع المشاركات: 2392
يا عبدالعظيم .... يااخ انتا جايط الموضوع جوووطه شديده ... انا شخصيا وكما بعض الاعضاء المحترمين ( الفلول كما تسمونها ) ما بهمنا حاتم دا يكون منو ولا يطلع شنو ولا قراء وين ... وهواياتو شنو ( سوى كان فلجة او دبلوماسي ) كل البهمنا انو يكون انسان محترم وبس ويتداخل مع الزملاء بكل أدب واريحية وعدم استفزاز وتعالي عليهم ... ( دي مشكلتو الوحيدة اليعاني منها الزملاء ) والبوستات كتيرة شاهده على تداخل هذا اللايوق اللذج والتي عاس فيها عوساتو وتم استفزاز من يعارضه .. وشوف في البوست حقك دا ... استفز الجميعابي كيف لما قال ( ابو عراقي دا منو ؟؟ ) .. وقبل كدي استفزاني وقال ابوعمه دا منو ؟؟ اها بعد كل قلة الادب والفصاحة دي ... زولكم دا يطلع حراامي نت ... امانه ما وقع وما تسمى عليه ... ( ولما يقع الجمل تكتر السكاكين ) لذلك تجد كل من له غبينه او اتلسع منو اتفشى فيه ... وهذا من حقهم ... وكما ما هو معروف يوجد في المنبر اشباح كتيره بيكتبوا بادب واحترام .. ليه الناس ما جرت وراهم وانتهكت خصوصيتهم ...كما تدعون ؟؟؟ حسي انتا زاتك ما شبح ... في زول سأأألك ولا اشتغل بيك الشغلة .. ولا فتش خصوصيتك ؟؟؟ يعني موضوع بوستيك دا والخصوصية والكلام الني دا .. شطر ميت .. ومعفن كماان ...ويتم اغلاقه بعد الدفن .. ( مش هذه عباراتك المتكررة في بوست بيت البكاء الغلبك تقفلو ؟؟)
اها خلي شيخكم دا يكون يكون عندو الشجاعة الكافية ( وما اظن ذلك ) يجي هنا ويجاوب على السؤال الهام ... لنقفل الموضوع نهائي ...
Quote: حاتم انت متهم بسرقة مقال من موقع آخر .. توجد معروضات مادية إحترامك للمنبر يستوجب عليك الرد على هذا الإتهام ....
بلا انتهاك خصوصية .. بلا بطيخ معاكم .. وناس جو داخلين وما عارفين السالفة شنو زاتو .. بس خالف تعرف ...
ودي احدى مقاطعك السمجة الاغرقت بها البوست الما عجبك داك ... يااخ جايب ليك اكتر من 12 مقاطع سخيفة ما ليها علاقة بالموضوع بس لتشتيت الكورة .. عملتها واضحة يا عظممـــة .... اخشى ان يكون عندك مصلحه كبيره معاه .. وخلي يديك دبوووره ....
وبما انك من هواة المقاطع السمجه... بهديك هذا المقطع .. وهو يتماشى مع بوستيك المهبب دا ...
قال خصوصية قاال .... قوووم لف ...
عااالم بطااالـــــــــــــــــــة ,,,
10-12-2017, 11:52 AM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
غايتو مجيدو ختاها ليهم في بطن يدهم .. والله صحي .. جابها ليهم على بلاطة كده .. فمافي أي زول يفرفر لينا بعد ده .. الحاصل ده كله شغل بتاع فش غباين .. ليس الا .. طبعا ماكل الناس .. بعض السناير حاتم واجعهم لشيء في نفوسهم .. والشغلة مآكلة معاهم جنبة .. فمتلبّطين في حكاية سرقة اسفيرية .. كشماعة ميته وهم في قرارة نفوسهم .. عارفين انه ده ما حاااصل ولا حاجتين .. لانه ده ما موضوع بالبساطة .. لدرجة أي زول من طرف يسرقوا .. ويجي ينسبو لنفسه بالمنبر .. لأن سرقة زي دي ليها تبعات ما ساي .. والناس أكيد حتجي تسألك وتزرزرك .. فانت مجبر تناقش نقاش زول عارف وفاهم .. والا كان المنبر ده اتملا مواضيع منقوله .. الزول الماسيد الموضوع من أول سؤال .. حيقعد يتلفّت وحيغلبوا يجاوب .. أها الكلام ده لو ما حاصل .. يبقى مافي سرقة اسفيرية ولابطيخ حمضان .. وبالتالي ما حيكون في اعتراف ولايحزنون .. يبقى يفضل للفلول شنو؟ .. يفضل إنه حاتم ده يجي ويوريهم هو منو .. يعني يتبقى لهم فقط اقتحام خصوصيته .. الزول العامل ليهم السافوته والكبسيبة ده .. لازم يتعرف هو منو وإلا لازم يتم التضييق عليه .. لامن يشرد او بكري يقوم بطرده من المنبر .. والى حدوث ذلك الزول ده حرامي وسرّاق اسفيري .. كان بالصاح كان بالغلط .. فيا جماعة الشغل بتاع البحيت والتنقيب .. ورا خصوصيات الاعضاء شايف فنياتو كترت ..
والله الواحد بيشكر الاخ مجيدو .. القدر تخطى حكاية أب عمة المباريني ده منو .. كاستفزاز ومرق الحقيقة .. ودي أعتقد ان دلت فتدل على إنه زول حقاني .. وحتى كان شاكلتو مابتخاف يبهتك .. او يقول فيك المافيك كانتقام .. فبتكون متأكد إنه كزول كويس .. حيجي يمرق النصيحة .. كان ليهو كان عليهو .. تسلم مجيدو يا حقاني .. باقي الناس البتكاتل في الباطل ديل .. يشوفوا ليهم غراب يجزوهو ..
بعدين في نقطة مهمة .. وهي محاولة ابتزاز اختنا منى عمسيب .. هل مستكترين عليها يكون عندها رأي مخالف ! .. ليه ؟ شي عجيب يأخ .. الأخت منى حرة تشوف موضوع .. مطاردة حاتم بالطريقة التعجبها .. وفعلا البيحصل ده .. شغل استخباراتي وأمنجي على مستوى .. ومحاولات مُدانة في اقتحام خصوصيات الاعضاء .. والماشايف كده يراجع نفسه .. فمع الاخت منى في انها تقول .. الرأي الشايفاهو صاح كحق أصيل لها .. وأي زول ما عاجبو يمش يبلّط البحر .. أو يمش ياكل بالوظه ..
10-12-2017, 07:29 PM
حمد عبد الغفار عمر
حمد عبد الغفار عمر
تاريخ التسجيل: 06-06-2008
مجموع المشاركات: 7662
أنا المحتار ليهو يا عبد العظيم إنو حاتم صاحب الشأن بارد جدا تجاه الموضوع دا وللآن ما أساء لشخص بسببه ودا بوضح الجانب الإيجابي في حاتم إنو زول مرتب في طرح حاجاتو حتى ولو كان عنف في وجه المخالفين قد يكون مقتنع بمشرعية السؤال لكن رافض يجاوب لأنو ممكن يكون كون فكرة عن مآلات البوست وما يمكن أن تذهب إليه وممكن اجابتو يكون فيها خذلان للمدافعين عنو بشراسة حيرتو هو في نفسو معقول يا عبدالعظيم تكرس نفسك لمدة شهر تدافع عن زول يمتلك أدوات الدفاع عن نفسو ومحاور ذكي زي حاتم دا ، دفاع بشتيمتو وزي ما قال ليك سيف النصر فوق دا المنبر من يوم بدينا نتعامل معاهو
منى عمسيب دي بنديها البنفت أوف دوات ونقول قاصدة معركة خط التاريخ الدولي بين حاتم وفرانكلي
10-12-2017, 07:52 PM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
Quote: فما عارف انت بتتكلم عن الحاجة دي كأنها ظاهرة جديدة وأول مرة تحصل ليه؟ ارجع لي ارشيف المنبر وحتلقى كمية من بوستات من هو فلان واين يعيش علان والبعرف فرتكان يرفع ايدو.
سلامات يا أبو السيوف معاك في أنه الموضوع ما جديد بس برضه ياهوا بنشتغل نسلط الضوء علي عقد ومشاكل الشخصية السودانيه وعدم وعيها بأهمية إحترام الخصوصية وعدم إنتهاكها والسعي الغريب في جمع المعلومات الخاصه عن الناس (في كثير من الأحيان بكون من غير سبب عوارة ساي) وفي بعض الأوقات بكون لغرض أمني , أو بعض الأمنجية العيانين بكونوا أدمنوا مطارده خصوصيات الناس وجمع المعلومات , وديل طبعا إفرازات الدولة البوليسيه ... من الباب دا يا سيف ضروري جدا التصدي لكل من يحاول أن ينتهك خصوصيات الأخرين وحتي لو أن الأمر أصبح طبيعي لكنه خطأ ويجب التصدي له
تحياتي
10-12-2017, 07:59 PM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
Quote: ملاحظاتي في ألفترة ألأخيرة، هناك جيل جديد فكرا يري أننا نكرر ألغلط مجتمعين ولا نبالي. هذا الجيل ألحديث، سمحت له ألظروف أن يخاطب ألعالم عن طريق سبل ألتواصل ألحديثة. فاحتك بالعالم وبات يري وضعه بين الأمم. للأسف كنت شاهدا بأم عيني مساجلة غير كريمة بيين شاب يانع "ذكي" ووالديه. لمست أنه يحتقرهما لانهما "جهلة" أورثوه ألتخلف والعادات ألبالية. أليوم نحن في مشكل مجتمعي عميق يتدحرج بسرعة تجاه هاوية. بدلا عن ألتكالب ألغرضي هذا، حاولوا أن تفهموا ألرجل ومنطلقاته. حاتم ما "شيطان رجيم"، هو إنسان مثلكم له
سلامات يا دنقس ليت الناس تفهم نحنا في مسار التغيير محتاجين أكثر من حاتم ومحتاجين ناس كتار بفكروا برا الصندوق الصممه المستمعمر ومحتاجين حتي للفلول المطاردين لحاتم لينهض هذا البلد شريطة أن تتغير المفاهيم , ودي طبعا عملية شاقة جدا وطبيعي أن نشهد جنس الورجغه البعلموا فيها الفلول في هذا المنبر ودا بعكس شريحة من أبناء السودان تفكر بهذه الطريقه وترفض التغيير وتقاتل في حماية القديم وتتمترس حول المكاسب الإجتماعية وهو نفس صراع الهوية في بوست عبدالله عثمان هنالك يأخذ شكل آخر ولكن في النهاية رهاني كبير مثلك علي القوى الجديده المتحررة من هذه الأوهام
تحياتي
10-12-2017, 08:03 PM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
باعتباري خضتا اشرس معارك اغتيال الشخصية في هذا الفضاء، فمن الدروس المهمة الطلعتا بيها، كيف لو ربنا قاسم لي خطابك يصل، فطوالي بجندك ليك احدهم من ذوي النفوس الصدئة، الكلها حسد، غيرة او خبث!
فمها بدا ليك هذا المخلوق شر مستطير فاعلم انو خير محض!
الغريبة بعد زمن عرفتا السر ده او بقيت اقرقر جواي لما يجي ذاك الجمل، فاقول لي روحي منتشي، دعه يابشاشا فهو مامور!
نعم احيانا افضل جنودك هم اشر خصومك!
نعم بخدمو طرحك من حيث لاتدري، ولايحتسب هو!
امنتو بامون!
فعلا صفي نيتك، وارقد حداها!
نعم تعاليم امنا MAAT منذ اكثر من 5,000 سنة، اللي رمزها ريشة النعام البتشوفا مسجوجة علي رؤوس البسطا من اهلنا في جنوب كردفان او في دارفور او هم برقصو رقيص روحي!
عليكي السلام يا امنا Maat الحتوزن قلوبنا يوم الحساب!
حاتم زول نضيف، اي قلبو صافي مش "ابيض"!
10-13-2017, 06:15 AM
فرح الطاهر ابو روضة
فرح الطاهر ابو روضة
تاريخ التسجيل: 10-22-2012
مجموع المشاركات: 11112
غايته يا صديقي جلال اها تقبلو وين وتحكو الوجعة الشرك للمره المليون هبر اسالني الله حاتم ده التقول فيه شي من أهل الله الصالحين خارج السطر بشاشا وعودة فخيمة تحياتي يا زول يا جميل
لم أر أحداً من منتقدي حاتم ابراهيم يطالب صاحب الموقع بايقاف حاتم عن الكتابة كما كان الأمر معي عندما تجمهوروا وتوعدني بعضهم وطالبت إحداهن بايقافي إلي آخر السيناريو الغائب الآن في حالة حاتم ابراهيم.فكيف تدلل إذاً على أن هناك "تشرذم واستهداف بغرض إزاحة حاتم"؟.
أما فيما يتصل بعودتي فقد حدثت لأن بعض أعوان حاتم سخروا من أصدقائي الذين عاونوني، مشكورين، في نشر رسائلي أثناء فترة إيقافي . فلم هنالك بعد من العودة حتى لا أثقل على أصحابي بمزيد من الرسائل، وأجعلهم هدفاً للساخرين.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة