|
Re: الأستاذ عووضة أفضل من كتب في الجوطة الأخي� (Re: طلحة عبدالله)
|
و الله يا طلحة يا اخوي ممكن اعتباره أفضل من كتب فقط قياسا لكتابة الآخرين و الا فكتاباته هذه ما فيها ريحة الفضل. ماله هو و مال واحدة راشدة و مال رقصها من عدمه و هل هذا موضوع تكتب فيه الصحف؟ و هل لابد ان تكتب حتى لا يزايد عليك الإنقاذيين و عشان تقول ليهم انا برضو بتاع قيم و ثوابت؟ شمائل النور ما قالت الا الحق و هو في مقاله هذا لم يفعل شيئا سوى المشاركة في الحملة ضدها و التحريض عليها. تعرف يمكن اختار الهجوم على لبنى التي نسي الناس موضوعها بدلا من الهجوم بحدة على شمائل لأنو بيعرفها مثلا او لانه شايفها لطيفة او لانها قريبة واحد صاحبو او اي كلام فارغ زي كده و ليس انطلاقا من اي مبادئ هي ليست موجودة أصلا .
| |
|
|
|
|
|
|
Re: الأستاذ عووضة أفضل من كتب في الجوطة الأخي� (Re: سيف النصر محي الدين)
|
للاسف يا طلحتوف الزول دا طلع بندق دلاقين ساي
اسع عليك الله الفرق شنو بين افكارو وافكار الجزولي
بس عشان ما جاب سيرة الردة والمحاكم والجنة والنار
نفس المنصة البنطلق منها الجزولي للاسف انطلق منها صلاح عووضة
و كمان ما نسى يغشى لبنى احمد حسين ليكيل لها ولأهلها من جديد
غايتو الحكومة نجحت في تدجين كثير من الصحفيين الكانو زمان كويسين
تحياتي طلحة - دكتور سيف
| |
|
|
|
|
|
|
Re: الأستاذ عووضة أفضل من كتب في الجوطة الأخي� (Re: طلحة عبدالله)
|
سلام دكتور سيف وهيثموف بنطلون الأخت الإسمها لبني قوم الدنيا على رجل واحد ولم تقعد إلا لما هاجرت فنسيت ونسي الناس كأنو ما كان في إية حاجة في أية حاجة . وهاهي أخت تانية بدأت الدنيا تقوم لها ولا أعرف متي تقعد بس الفريق انو دي أخطأت الوسيلة كونها هبشت حتة حساسة في مشاعر الناس وسخرت من الذين يصلون وقدرتهم في تربية الجيل ودا في حد ذاتو خطل لو افترضنا حسن النية بخصوصو فيمكن اعتبار صاحبو غير جدير بالتوجيه والإرشاد ودي أقل حاجة تقال كرد على كلاما . ملاحظ انو كل الذين هاجموا الحكومة في المنبر سكتوا عنها بمجرد الوصول إلى مبتغاهم .. وكان الحكومة تحولت في غمضة عين من شيطان إلى ملاك .. دا طبعا بخليني أنا كمتابع ما أثق في أي معارض لكن في نفس الوقت الكلام دا لا يعنيني لا من قريب ولا من بعيد لأن كل زول حر في مواقفو .. بس أكيد بكون عندي راي لو المسألة جرت للتعدي على العقيدة والمسلمات الدينية التي أؤمن بها .. باختصار مبدأ الغاية تبرر الوسيلة يجب أن كون بعيدا عن الشعائر الإسلامية. بس.
| |
|
|
|
|
|
|
|