|
Re: اكلت المعارضة الطعم الذي دسه الصادق المهد (Re: عبدالله الأسد)
|
الآخ الفاضل عبدالله الاسد..
فعلها عثمان الميرغنى من قبل.. حينما سلم التجمع للمؤتمر الوطنى.. والان الصادق المهدى يسلم الحركات المسلحة للمؤتمر الوطنى.. وكل هذا ينصب فى مصلحة الوطن ! لاننا عرفنا بما لا يدع مجالا للشك.. ان الاحزاب الطائفية هى احد ركائز الازمة السودانية! ولا مكان لهم فى مستقبل السودان..
| |
 
|
|
|
|
|
|
Re: اكلت المعارضة الطعم الذي دسه الصادق المهد (Re: عبدالله الأسد)
|
أكلت المعارضة الطعم ؟ الصادق المهدي متواطيئ مع الكيزان ! الصادق المهدي باع الحركات المسلحة للمؤتمر الوطني ! الصادق المهدي سوبر مان ! تجاوزه أيها المعارضون .... يا اخوانا لمن زول بالسوء دا ليه الناس ماسكة سيرتو ليل نهار ! وحدوا صفوفكم واتجاوزوه وكمان خلي الناس تمحاه من تاريخ السودان السياسي الحديث ! الكلام دا لو الناس بتقولوا من باب العشم ليس في شخصه بل لأنه زعيم لأكبر جماعة سياسية في الوطن فـ من الباب دا العشم والعتب كلووو مقبول والنقد الذي دا من أنواع ممارسة الضغط للنزول عند رغبة المُتعشم . غير كدا شخصياً ومنذ أن أدركت أنني أفهم في العمل السياسي دأبتُ على تكرارها ( يا اخونا اتجاوزه ما استطعتم إلى ذلك سبيلا ) . الواحد لمن يتكلم أو يكتب عن ما يجيش بدواخله على الاقل يحترم عقله قبل إحترامه لعقول الآخرين !! وبعدين يا سيد عبدالله أحزاب اليسار من شيوعي لبعث ما زالوا متمسكين برأيهم الذي نحترمه فيا اخي ادعموا اتجاههم بدل التشكيك في نوايا الآخرين فالتعتبر أن المعارضة المسلحة والمدنية أكلت طعم السيد الصادق فدعوهم يذهبوا للمؤتمر الوطني واسقطوهم جميعا .. ما الذي يمنع ؟ وبعدين من 89 شنو الاتعمل في مجابهة نظام الجبهة القاتل عشان نقول في انتفاضة ونزول شارع غير التجمعات الغير منظمة كردود أفعال واتقابلوا بالموت وعشان نقول في ترتيب صفوف لعمل جماهيري يااااااا استاذ شئنا ام أبينا هذه الحكومة عملت على إنتزاع الإحساس بالوطن من دواخل عدد كبير من الشعب السوداني وهذه حقيقة لا تُنكر .
وبعدين يا استاذة نور التاريخ عمروا ما بنسى المؤسسين على مستوى الشركات خليك من الأوطان حالياً سلفاكير طلع كل شيئ بطال في الجنوب فيغض النظر عن ما يؤول إليه حالهم لكنه يظل مؤسس الدولة مهما طال الامد سواء استمرت الدولة أو لم تستمر
| |

|
|
|
|
|
|
Re: اكلت المعارضة الطعم الذي دسه الصادق المهد (Re: إبراهيم محبوب الخيري)
|
التحية لك .. اخي الاسد .. ولضيوفك الكرام ..
ردآ علي ألأخ .. خيري : Quote: الواحد لمن يتكلم أو يكتب عن ما يجيش بدواخله على الاقل يحترم عقله قبل إحترامه لعقول الآخرين !! |
وعلي الآقل يحترم اراء الآخرين اخي خيري . الصادق المهدي كتير من الناس عندهم فيهو رأي حتي المثقفين من جنوده الانصار لدرجة التصدع ماذا قال الاسد عن الصادق غير كل الحقائق ... المريرة ! ابسطها لم يربي اهل بيته من ابنائه عن الوطنية ! ابنه مستشار مجرم الحرب الذي يقتل في اكبر معاقل ابيه ولاءآ غرب السودان ! والآخر امنجي لحماية نظام نفس السفاح المجرم .. هذا هو الصادق المهدي !!!! واذا اراد الصادق المهدي التغيير فليبدآ باهل بيته .
ولكم الشكر ,,,
| |

|
|
|
|
|
|
Re: اكلت المعارضة الطعم الذي دسه الصادق المهد (Re: عبدالله الأسد)
|
ليك التحية يا منى وللسيد عبدالله وللأستاذة نور وكلك الذين مروا على هذا البوست قراءةً ، لستُ في حلة دفاع عن السيد الصادق لكني أتعجب من انه سوبرمان لدى المعارضة ولم تتجاوزه حتى تاريخه سيما وإنو السيد عبدالله قال منذ بداية حياته السياسية وقبل دا بالطبع رأي الآخرين فوق الراس وغصباً عن العينين وبنستميت في دفاعاتنا عشان الآخرين يدلوا بآرائهم ، وبعدين اسي انتي بطريقة غير مباشرة قلتي الصادق المهدي زول ديمقراطي لانك جيتي وقلتي ما ربى أولادوا و التربية اللهي انتي قاصدة بيها التنشئة السياسية ودا في حقو محمدة وبدي الآخر إنطباع عن إنو زول ديمقراطي يخالفه ابنه ويُشارك القتلة وسيُحاسبه التاريخ والشعب السوداني معاً .
تحياتي
| |

|
|
|
|
|
|
Re: اكلت المعارضة الطعم الذي دسه الصادق المهد (Re: tasneem)
|
مساء الخير
الحالة السودنية واضحة لهؤلاء جميعا ولذك يحاولون ايجاد مخرج باقل خسائر
انجاز "انتفاضة" شعبية أو ثورة مسلحة تقلع الانقاذ من جذورها لا يمكن انجازه دون مساعدة اقليمية او دولية وذلك لسبب بسيط...الانقاذ لم تترك ورائها اي مؤسسة سودانية مدنية كانت او عسكرية تصلح لان تكون سندا او ضمان لانجاز تغيير شعبي وبالتالي اصبحت الاحزاب المعارضة او التيارات الشبابية مكشوفة الظهر تماما امام نظام الانقاذ الامني العسكري
ولذلك لا اعتقد ان تنجز انتفاضة شعبية دون سند دولي وفقط دولي حاليا...لان الوضع الاقليمي اضعف من ان يتدخل تكفيه مشاكله
امامنا مثلا نموذج ليبيا وهو اكثر نموذج شبيه للسودان لم يتم اقتلاع نظام القذافي الا بتدخل قوي دولي سند ظهر الثوار الليبيين ومالم تتدخل اوربا ...كان القذافي ومليشياته سحقت الثوار النموذج الليبي شبيه بالانقاذ...لان النظام اصبح هو الدولة والدولة هى النظام...
مصر تختلف...لان لديها مؤسسات مدنية وبنية عسكرية تتمتع بقدر من الاستقلالية عن النظام الحاكم ولذلك وقفت "مؤقتا" مع الجماهير الثائرة...وسندت الثورة حفاظا على الدولة ...وبعد اداء المهمة نكصت علي عقبيها ..وسرقت مجددا السلطة من الشعب
الوضع في السودان ليس كمصر...لانه لا يوجد مؤسسات مدنية او عسكرية تتمتع بنوع من الاستقلالية عن النظام ...
وهنا ياتي تعقيد الوضع
الاتفاقيات والعهود لن تفكك الانقاذ بل تطول من عمرها
الانقاذ دمرت كل شئ في السودان...ورهنت مصيرها ومصير السودان للارادة الدولية
| |

|
|
|
|
|
|
Re: اكلت المعارضة الطعم الذي دسه الصادق المهد (Re: د.محمد بابكر)
|
لك التحايا اخي .. ابراهيم خير ..
يعني يا خيري الا اكتبها بالواضح علمت اولادك الانتهازية وحب السلطة والجاه وعلي حساب اي شئ وفي نظركم ما مهم ؟ هههههههههههههه
Quote: وبعدين اسي انتي بطريقة غير مباشرة قلتي الصادق المهدي زول ديمقراطي لانك جيتي وقلتي ما ربى أولادوا و التربية اللهي انتي قاصدة بيها التنشئة السياسية ودا في حقو محمدة وبدي الآخر إنطباع عن إنو زول ديمقراطي يخالفه ابنه ويُشارك القتلة وسيُحاسبه التاريخ والشعب السوداني معاً . |
واتمني ان تقبل هذا الكاركاتير المرفق مع الرد .
| |

|
|
|
|
|
|
|