|
|
|
 Re: اسمها اتبرا وللا عطبرة (Re: اباذر عبد العال)
|
| Quote: ضهاري اتبرا خشم بيوت. من وين كنور و لا خليوة و لا قوز الحلق.....إلخ؟ |
خليوه من عطبره تكله كداري ممكن تمشي ..تاخذها موزه بالمطاحن و ود فلاتي
ناس كنور قبل تشرق الشمس تلقاهم في عطبره
اما قوز الحلق دي ما من ضهاري عطبره دى تبع ضهاري الدامر...
لانها بالضفه الغربيه لنهر عطبره وانت ماشي على حلفا
وبعيده شديد من الدامر
| |
 
|
|
|
|
|
|
|
|
Re: اسمها اتبرا وللا عطبرة (Re: اباذر عبد العال)
|
اما بالنسبة للاسم
اصلا اسمها اتبرا.. حولوا التاء الى عين ..وبقت عطبره
وفي كثير من الروايات في اسمها ....
اصلا قبل تكون مدينة كانت عباره عن قرية ,,وهي قرية الداخلة ..حي الداخلة الحالي
| |
|
|
|
|
|
|
|
|
|
Re: اسمها اتبرا وللا عطبرة (Re: اباذر عبد العال)
|
ناس عطبرة ما عندهم ضهاري .... كلهم أولاد كار واحد...
حتى إنت يا ود الصايم .... تراك وأهلك كلهم درسوا معنا في عطبرة القديمة ...
تحياتي لأصدقائنا من ( الكراميش )...
أنت اللوري االضهب في ( الضهيرا ... مرقت منو كيفنن بالله )؟؟
.
| |
|
|
|
|
|
|
|
|
|
Re: اسمها اتبرا وللا عطبرة (Re: عبد العزيز محمد عمر)
|
Quote: أنت اللوري االضهب في ( الضهيرا ... مرقت منو كيفنن بالله )؟؟
|
متذكر الحادثة الشؤوم دي راحوا فيها اكتر من كم عشرين شخص
رحمهم الله جميعا.
صاحب اللوري من المقرن في التسعينات ..الله يرحمو
حكي لنا القصة واحد بلدايتنا كان في ناس الفزع ..مؤلم جدا
| |
|
|
|
|
|
|
|
|
|
Re: اسمها اتبرا وللا عطبرة (Re: اباذر عبد العال)
|
اصلا قبل تكون مدينة كانت عباره عن قرية ,,وهي قرية الداخلة ..حي الداخلة الحالي
.......................................................................................................................
شكرا ابازر للاضافات الرائعة ..
اوع تقول لى انت درست فى الخدمات وللا العمال ؟
وسكنت السكة حديد
تحياتى ي مواطن
| |
|
|
|
|
|
|
|
|
|
Re: اسمها اتبرا وللا عطبرة (Re: محمد عبد الله الحسين)
|
ضهاري اتبرا خشم بيوت. من وين كنور و لا خليوة و لا قوز الحلق.....إلخ؟
.........................................................................................................
انا من ام الطيور غرب اتبرا يعنى وات جاى من الخرطوم وراكب القطر المخصوص وقبال ما تدخل كبرى اتبرا اها ام الطيور تقع غرب مباشرة
وياااااااهو داك البنطون .
لى عودة
| |
|
|
|
|
|
|
|
|
|
Re: اسمها اتبرا وللا عطبرة (Re: معاوية عبيد الصائم)
|
Quote: شكرا ابازر للاضافات الرائعة ..
اوع تقول لى انت درست فى الخدمات وللا العمال ؟
وسكنت السكة حديد
تحياتى ي مواطن |
تسلم يا مواطن يا ابن العم
فعلا درسة في الخدمات...بس ما سكنت السكة حديد ....لكن الصفاره طوالي نسمعها ههههه
تعرف استاذ ازهري مهدي درسني
| |
|
|
|
|
|
|
|
|
|
Re: اسمها اتبرا وللا عطبرة (Re: اباذر عبد العال)
|
Quote: تعرف استاذ ازهري مهدي درسني
|
أخونا الفاضل اباذر سلامي
الاستاذ ازهري مهدي اللغة الانجليزية بتاع الشرقي ولا واحد تاني ؟؟؟
والاخ معاوية كاتب البوست سلام ورحمة الله
و مرحب بام الطيور شمال ووسط وجنوب والحسبلاب وما جاورها
هم اصدقاء دراسة في المدارس والجامعة واصدقاء غربة
رد الله غربتنا لعطبرة الجميلة
| |
|
|
|
|
|
|
|
|
|
Re: اسمها اتبرا وللا عطبرة (Re: Ahmed Elsadig)
|
| Quote: وممكن تاخده تحتانية وبالسكة حديد ، تغمد وتفتح الا انت جوه المحطة وبالسمنه وكده |
هههههه تراك خابر الدرب التحتاني....بالمناسبة دربك ده قريب جدا خاصة كداري
بس ما تنزل تحت على السيالة ةلا معمل الالبان..
ما بالسمنه عثمان أنس ههههه عبد الكريم عبد الفراج الان لواء ...النقيب .. بتاع النظام العام الذي منع هذه العباره في المحطة
| Quote: درسنا اللغه الانجليزية في الشماليه المتوسطة |
انا كان استاذي في الخدمات المتوسطة... حليل الزمن الجميل
| |
|
|
|
|
|
|
|
|
|
Re: اسمها اتبرا وللا عطبرة (Re: Ahmed Elsadig)
|
المواطن معاوية عبيد الصايم
بالمناسبة مسمى أتبرا وعطبرة فيها أقوال كثيرة وحكاوي عن سبب التسمية ومبذولة في الإنترنت ... لكن المعلومة العاوز أملكك ليها أنو الانجليز أخذوا مسمى عطبرة / أتبرا وسموه لشارع عندهم .
والكلام ده أكيد وممكن ناس المنبر الموجودين في بريطانيا يؤكدون لنا هذه المعلومة .
| |
|
|
|
|
|
|
|
|
Re: اسمها اتبرا وللا عطبرة (Re: الهادي الشغيل)
|
ياسلام يا اباذر
ازهري ود حلتنا شقيق استاذ طلحة الذي درسنا بالخدمات لغة انجليزية وهو من نصحني بالتخصص في اللغة الانجليزية لما بلغت مرحلة الجامعة ( جامعة الزقازيق)
عانوا كثيرا من هذا النظام اعتقالات ومساءلات
لهم التحية
| |
|
|
|
|
|
|
|
|
|
Re: اسمها اتبرا وللا عطبرة (Re: حيدر حسن ميرغني)
|
فاتني ان أحي صاحب البوست وضيوفه
أخي الهادي
استاذ ازهري مهدي علمنا الانجليزية كما ينبغي تتدرج معنا من الصف الاول الى الصف الثالث متوسط
وكان أخوه طلحة وزوجته البريطانية على ما أظن بيتريشيا ضيوف دائمين عندنا
في الصورة أعلاه استاذ أزهري يشبهه شيخ الامين ههههههه
| |
|
|
|
|
|
|
|
|
|
Re: اسمها اتبرا وللا عطبرة (Re: Ahmed Elsadig)
|
Quote: أخونا الفاضل اباذر سلامي
الاستاذ ازهري مهدي اللغة الانجليزية بتاع الشرقي ولا واحد تاني ؟؟؟
|
عليكم السلام يا برنس
ياهو زااااتو...بتاع الشرقي ...الاساتذة هم كتار ..لكن ازهري له بصمات واضحه وموافق رجوليه تحسب له
| |
|
|
|
|
|
|
|
|
|
Re: اسمها اتبرا وللا عطبرة (Re: معاوية عبيد الصائم)
|
Quote: أبو ذر
أحمد الصادق
الأستاذ أزهري صديق شخصي من أنبل وأكرم وأشجع من عاصرت معلم جهبذ وشقيق للأستاذ طلحة وخالد بالسعودية والتيمان بعطبرة ... يسكن حي الامتداد الشرقي |
تحياتي الشغيل
والتحية الخالصة الى استاذي ازهري مهدي..الرجل بمعني الكملة ...طلحة مهدي درس اخي الكبير..نحن كان بجينا مشرف توجيه من ادارة التربية
الصورة شكلها زمن الخنفس ...والزمن الجميل
| |
|
|
|
|
|
|
|
|
|
Re: اسمها اتبرا وللا عطبرة (Re: اباذر عبد العال)
|
Quote: ياسلام يا اباذر
ازهري ود حلتنا شقيق استاذ طلحة الذي درسنا بالخدمات لغة انجليزية وهو من نصحني بالتخصص في اللغة الانجليزية لما بلغت مرحلة الجامعة ( جامعة الزقازيق)
عانوا كثيرا من هذا النظام اعتقالات ومساءلات
لهم التحية |
ايوااااااا يا حيدر اليوم سكننا في البوست ده لانه عاد لنا ايام الصبا الماضي ..
فعلا هم ميلوهم السياسي شيوعي ..وشجعان..
واعتقد ايضا اصلهم من غرب عطبره ام الطيور .يعنى ما ود الصايم براهو شيوعي من الضهاري
| |
|
|
|
|
|
|
|
|
|
Re: اسمها اتبرا وللا عطبرة (Re: معاوية عبيد الصائم)
|
الهادي ياعزيز
امين اوتو ود السيد شقيق محمود وقاسم كان رجل شهم بمعنى الكلمة عمل بالتدريس في المراحل الابتدائية والمتوسطة .. كان مولع باللغة الانجليزية ودائما كان يستضيف سياح اجانب في منزلهم ويقرأ رويات انجليزية حقيفة حبب لينا اللغة
كان يدرس مادة التربية الاسلامية رغم اتهام من يبادلونه العداء بالشيوعية ..
امين قتلته شجاعته بلاشك لانه يرضى الذل .. لذلك الامنجية القتلة في محاولة الاتتصار لنفسهم هشموا صدره واكيد بعد صراع طويل لا اشك مطلقا انه صرعهم جميعا
امين كان لو لقى نفرين بتشاكلوا مع شخص واحد كان يوزن كفة الشكلة وبعد داك يتعرف على الزول الدافع عنه
فقد كبير للرجالة والشهامة والاخلاق العالية التي يفتقدها كيزان الشوم من مؤسس تنظيمهم لاصغر كوز تافه
الكتابة عن امين تحتاج زمن ورواقة بال ياحبيب
اعجبني الراحل نقد حين سجل زيارة لدار امين عند زيارته لعطبرة .. واعجبت اكثر حين كرموا والدته في المؤتمر قبل الاخير للحزب الشيوعي
الف رحمة نور تتنزل على روحه السمحة
والخزي والعار لقاتليه السفلة ..
| |
|
|
|
|
|
|
|
|
|
Re: اسمها اتبرا وللا عطبرة (Re: حيدر حسن ميرغني)
|
فعلا من ام الطيور
تعرف حلتنا كان تسعين في المئة منهم من الزيداب والعالياب والباوقة وام الطيور والعكد والسلمة
ايام الاعياد الحلة كانت بتفضى عديل
نكاد نعرف قرايبهم كلهم من شدة الترابط الشديد في الحلة
اسرة استاذ طلحة كان ارتباطهم كبير بأهلهم هناك وكذلك جارهم علي سيد احمد لاعب الامير السابق " علي جن"
يالها من ذكريات ياخ
رفعتوا من معنوياتنا والله
الله يمتع كل من طريناهم بكمالات الصحة والعافية
ويحفظ كل اهل مناطقنا دي من كل شر
| |
|
|
|
|
|
|
|
|
|
Re: اسمها اتبرا وللا عطبرة (Re: Basamat Alsheikh)
|
تواصلت مع الحبيب ازهري مهدي ودعوته واطلع على البوست وعرف طلابه فردا فردا وطبعا حيدر ده ود حلتهم مايحتاج وقد كتب لكم هذه الرسالة ممهورة باسمه :
.....................
الشكر الجزيل للأبناء الأعزاء علي جهدهم الكبير . الحديث في هذا الموضوع كان جاذب وشيق . لهم كل التقدير والاحترام . ترجع أصول الأسره الكريمه التي أنتمي لها إلي قبيلة الجعليين العمراب الصالحاب نحن من قرية المكنيه المنطقه التي حوت سوق الثلاثاء الشهير والذي يرتادها التجار من الدامر كل أسبوع وكذلك من شندي والدتنا عليها ووالدنا رحمة الله من قرية مجاور شديد لقرية المكنيه تسمي الحليله.
اخوكم ازهري مهدي
| |
|
|
|
|
|
|
|
|
|
Re: اسمها اتبرا وللا عطبرة (Re: الهادي الشغيل)
|
بربار حسب علمي من ام الطيور
ومعرفته بعطبرة لا تتعدى احد احيائها فقط
كل الهيلامنة دي عشان قعد فيها سنة واحدة فقط
دايرين نعرف يا بربار فرج ابو روضة وعلي ود دفع الله درسوا وين؟؟؟
مع التحية للجميع
ودالباوقة التي تبعد عن عطيرة 66 ك شمالا
| |
|
|
|
|
|
|
|
|
|
Re: اسمها اتبرا وللا عطبرة (Re: الهادي الشغيل)
|
ياسلام يالهادي
عجبني انك استكتبت ازهرينا العزيز
خالد والتيمان اصحابي جدا .. باعدت بينا ظروف الرحول والمعيشة لكن لازالوا في البال والخاطر
لهم التحية
والرحمة والمغفرة لوالديهم
_
مرة قابلت استاذ طلحة في سوق الشرقي في واحدة من اجازاتي اثتاء الدراسة في مصر
حزنت لما علمت منه ان الامنجية داهموا منزلهم وعبثوا بدولاب الملابس الخاص به وبزوجته بحثا عن بيان
كنا قبلها بيوم فاجأنا نس الامن بمظاهرة بعد صلاة العشاء
حضروا في الساعات الاولى من صباح نفس اليوم واعتقلوا استاذ طلحة وازهري ودكتور الخطيب وشقيق مبارك بترول
واقتادوهم لمطار عطبرة وربطوهم في اعمدة التلفونات
يا إلهي من تلك الايام التي كان يرأس فيها زميل الدراسة في مصر الامنجي القذر محمد تبيدي جهاز الامن في عطبرة
لكننا اتعبناهم تعب السنين .. كنا لاتثق في اقرب اصدقاءنا الذين تماهوا مع الانقاذ .. رغم مصادقتنا واحتكاكنا اليومي بهم .. نأخذ التعليمات من لمات القهاوي في السوق الكبير والاندية الرياضية .. ونربك الامنجية بحركاتنا في الساعات الاولى من الصباح .. نكتب في الحيط باللون الاحمر ونشتت بيانات في مواقف الباصات ..
يالها من ايام عرفتنا بمعادن الرجال الشرفاء لا الخونة المتلونين كالحرباء.
لهم التحية اينما كانوا
| |
|
|
|
|
|
|
|
|
|
Re: اسمها اتبرا وللا عطبرة (Re: حيدر حسن ميرغني)
|
كان يرأس فيها زميل الدراسة في مصر الامنجي القذر محمد تبيدي جهاز الامن في عطبرة
..................................................................................................................................
القذر تبيدى
معليش بس القذر دا ..مارس التعذيب البدنى والنفسى مع الكثير من شريفات وشرفاء اتبرا ..اذكر منهم ..عبد القطى ...عادل الجعلى . بثينة امام ...واخرون ..وي حيدر التبيدى دا كان لقبو اب تكة ...
ياخ انا سعيد حتى الدهشة بحضور قبيلة العطبراب ..حقيقة سعيد ولى عودة ..
| |
|
|
|
|
|
|
|
|
|
Re: اسمها اتبرا وللا عطبرة (Re: معاوية عبيد الصائم)
|
ود الباوقة تاخذ اوسكار في مداخلتك
هل مشكلتنا يا ود الصايم...انك تكون من عطبرة او من ضهاريها....بمهمنا شي واحد االبخليك شنو شيوعي لحدي هسة
بعد ماتت السكة الحديد وانتهت اكذوبة القوى الرجعية المرتبطة بي الاستعمار وجاء جون قرنق السمح الفات الكبار والقدرو الخرطوم2005 وخرجت ليه الملاييين في المركز المازوم وكمان سجل 18 مليون في الاقاليم المهمشة
وتتطاول على الختمية وتقول المقعدهم في القصر الجمهوري شنو ..وتنسى البروز المالينو هسة ديل ..لا اصل ولا فصل ...
انت شيوعي ليه ؟؟؟يا بتاع ام الطيور القاعد في السعودية
هسة ولو كنت انصار سنة كان افيد ليك ولي ام الطيور
تشوف ليك سعودي من النوع الشايل مسواك ومكحل وخريج ام القري..تقول ليه التنصير انتشر في ام الطيور...ويديك 10 مليون ريال تبني مسجد...وتصلح العيادة والمدرسة بالباقي..وبعد داك نتقسم الباقي انا وانت بقانون جستا= الحجر على مال السفيه...قبل يجو الامريكيين يلهفوها ..
الليلة بس نضقل بيك انا وود الباوقة ونكرهك اليوم الفتحت فيه البوست ده ...قال ضهاري عطبرة قال
مفروض ناس ام الطيور ديل يا يكونو ختمية او حركة شعبية بس اي حاجة غير كده ما بتنفع ياخ الشيوعية حتى اولاد ام درمان المترفين خلوها ناس كمال الجزولي والشفيع خضر..وانت دابا وصلتك في ام اطيور
لاريكس(1)
عاش ابو هاشم...حوض العاشم
| |
|
|
|
|
|
|
|
|
|
Re: اسمها اتبرا وللا عطبرة (Re: الهادي الشغيل)
|
يا سلام على عطبرة .. مراتع الطفولة
بالله تحياتي لحي المعلمين ومدرسة الشمالية الابتدائية - الداخلة - حيث درست حتى السنة الرابعة - سوق الداخلة ، نادي الوادي - نادي الوطن - الرست هاوس - حي العمال - السكة حديد - عمال الدريسة
كانت مدينة تضج بالحيوية والعطاء ، وناس حلوين ، الحاجة اللسة راسخة في ذهني واعتبرها غريبة بعض الشيء ، بشكل ايجابي بالطبع ، انني لم اتشاجر مع طالب في المدرسة طوال اربع سنوات ولم يتم عقابي بالجلد سوى مرة واحده !
ولا انسى ابدا الناظر الخواض والاساتذة هاشم ربيع - عزالدين - السراحمد عيسي ، يرحمهم الله احياءً او امواتا ..
الاستاذ هاشم ربيع ده حصل لي معاهو موقف جميل لا انساه ، حسب ما اتذكره كان شاب نحيف ، اصفراني ، بيلبس نظارة وتعلو وجهه ابتسامة دائمة ..
المهم ، كنت في سنة اولى ابتدائي ، 1978م الزمن داك ناس سنة اولى كانوا بيدرسوهم ويصححو ليهم جوه الفصل وما بحتاجو يمشو اي مكتب تاني ، كما يتذكر الجميع شخصية المعلم كانت مهيبة ، احيانا زيادة عن اللزوم ، محمد اخوي كان في سنة خامسة وحدث ان تعرض لوعكة فطلب مني ان اخبر مرشد فصلهم بانو ما ح يقدر يجي ، مشيت مكتب الاساتذة ، وقفت قدام المرشد وانا ارتجف :
استاذ محمد أخوي عيان ..
رد الاستاذ بعد ان تفحصني بنظره بلهجة صارمة : مين محمد اخوك ده ، محمد وردي ؟
انعقد لساني ولم استطيع الكلام ، لاحظ الاستاذ هاشم ربيع الموقف ، فجاء وانحنى حتى قارب رأسه راسي ثم سألني بلطف شديد : انت اسمك منو ، فأجبته ، فتوجه للاستاذ الآخر منبها بأني اقصد محمد ادريس ..
كانت مدرسة رائعة جدا رغم انو فصلنا في سنة اولى كان مبنى من البروش والحطب ..
تحياتي للعطبراوية كلهم
| |
|
|
|
|
|
|
|
|
 Re: اسمها اتبرا وللا عطبرة (Re: الهادي الشغيل)
|
طبعا يالهادي استاذ طلحة حفظه الله من خريجي بخت الرضا ان لم تخني الذاكرة وتخصص في اللغة العربية لكنه عشق اللغة الانجليزية وابدع فيها تدريسا
يكاد يكون اكثر استاذ حلل راتبه ( ماكان بغيب ابدا) :))
تصدق كان عندو كورسات تدريبية في بريطانيا وعلى وشك المغادرة لاحد هذه الكورسات .. جو الجبهجية العواليق اعداء النجاح الغوا سفره ..
طلحة كان بارع في اشياء كثيرة .. كان يحل محل مدرس التربية الاسلامية اذا غاب .. والعربي كذلك
يحفز الشاطرين ماديا داخل الفصل اثناء الحصة
له التحية
| |
|
|
|
|
|
|
|
|
|
Re: اسمها اتبرا وللا عطبرة (Re: الهادي الشغيل)
|
كتب أستاذ أزهري كلمات في حق أخيه أستاذ طلحة ما يلي :
أخي الحبيب والذي غرس فينا من القيم ما نحيا عليها . هو أستاذي درست علي يديه وأنا طالب بمدرسة الخدمات المتوسطه بنين . وظل مرجعيتي حتي تم تعييني معلما وكنت محظوظأ بأنه من قام بتدريبي بمعهد التأهيل التربوي .فهو والدنا الآن بعد وفاة الوالد رحمه الله .
هو من مواليد مدينة عطبره . درس الابتدائي بمدرسة الجنوبيه .والمتوسطه بالاميريه المتوسطه بنين وعطبره القديمه الثانويه .ظل طموحا شغوفا بالعلم وبخاصة اللغه الانجليزيه حتي ذهب لانجلترا ونال درجة الماجستير بجامعة لانكاستر وعمل بجامعة وادي النيل كلية إعداد المعلمين والمعلمات وجامعة السودان المفتوحه وله إرث من مؤلفاته في تدريس اللغة الانجليزية تدرس الآن بالجامعات . كماذكر أخونا الهادي بأنه آثر البقاء بمدينة عطبره عن الاغتراب خارجها داخل وخارج السودان . فهو رياضي وإداري مطبوع بنادي النسر عطبره ومن مؤسسي نادي الرابطه عطبره وأول من وضع دستور النادي . وهو من قيادات الحركة السياسيه بمدينة عطبره ورقم ﻻ يمكن تجاوزه بالحزب الوطني الاتحادي .الكتابة عن أخي الحبيب تطول أسأل الله أن يديم عليه نعمة الصحه والعافيه ويحفظه بأبنائه وأسرته الكبيره والصغير ويجعله نبراسا ينير الطريق للحق .
| |
|
|
|
|
|
|
|
|
|
Re: اسمها اتبرا وللا عطبرة (Re: حيدر حسن ميرغني)
|
كتب حيدر :
Quote: المعذرة ان احتوت مداخلتي على معلومات خاطئة فيما يتعلق بمراحل تعليمه وسفره الى لندن
|
لا يا حيدر انت صحيح فأستاذ طلحة أتته كورسات تدريبية عديدة ولكنه حورب ومنع من السفر لكنه سبق وأن درس ببريطانيا وحاز على درجة الماجستير .. يعني مافي تناقض بين ماكتب أزهري وبين ما كتبت
تحياتي ،،،
| |
|
|
|
|
|
|
|
|
|
Re: اسمها اتبرا وللا عطبرة (Re: الهادي الشغيل)
|
ياسسلام عليك يامواطن ..
اتبرا .. الحبيبة ..
عطبرة الجميلة بلد الحبايب
أدي قعده في هذه الدوحة الجميلة ..
التحية ليكم .. ولي الأستاذ النبيل العم طلحة والأستاذ أزهري .. وللأخ الصديق خالد مهدي ، فهم اهل وقرايب .. جمعتنا المكنية ارض الأجداد .. وعطبرة أرض النضال ..
فهم صامدون في وجه الطغيان كما الجبال لاتهزهم ريح.. لهم المجد ولكل الشرفاء
أما أم الطيور فهي أحبابنا وأهلنا .. دعوني اترحم على الراحل خالد ( شلن ) من أم الطيور .. كان مع الوالد في الجزارة .. فتحنا عيونا لنجده أمامنا .. نسعد عندما نزروهم وهم كذلك .
لكم مني الف تحية وتقدير ،
أخوكم / خالد الأرباب
| |
|
|
|
|
|
|
|
|
|
Re: اسمها اتبرا وللا عطبرة (Re: Khalid Saeed)
|
البشاري وود الباوقة
المواطن ده
ام الطيور قريبه من عطبره بس بينهم النيل بنطون ومراكب مدوره في اى وقلت توصلك وسط المدينه في زمن بسيط.. والان بالكبري ..طول عرض
ام الطيور متنفس لمدينة عطبره...بها جنايين للرِحل في المواسم.والاعياد ..منها اللبن و الفواكهة برتقال ام الطيور في سوق عطبره مميز..جنب الى جنب مع برتقال الزيداب
الا يكون المواطن ما سكن ام الطيور كثير لانهم طالبهم مدارسهم في عطبره ما عدا الاساس..وعلاجهم في مستشفيات عطبره..وتسوقهم في عطبره.. الكلام ده زممان هسه احتمال بها كل الخدمات..خاصة خام الاسمنت من عندهم ..والان مصنع اسمنت في منطقتهم
وكهربتهم لا تقطع لانو جزء منهم منورين مع ماسبيو المصنع
| |
|
|
|
|
|
|
|
|
|
Re: اسمها اتبرا وللا عطبرة (Re: اباذر عبد العال)
|
الهادي الشغيل
بلغ تحياتنا الخالصة الي استاذنا ازهري مهدي ...وطلحة مهدي.. من طالبهم في مدرسة الخدمات
درس العصر كان مجاني دون مقابل يقومون به الاستاذه...وتعاقب إن لم تحضر درس العصر
الان الدورس صباح ومساء بقت بالقروش
| |
|
|
|
|
|
|
|
|
|
Re: اسمها اتبرا وللا عطبرة (Re: اباذر عبد العال)
|
اختنا بمسات لماذا سحبت مشاركتها في هذا البوست
خير خير !!!
..................................................
اعتقد ي مواطن بسبب البوست حقى المفتوح للصديق عثمان محمد صالح والله اعلم
تحياتى ي مواطن وعبرك للمواطنة بسمات
| |
|
|
|
|
|
|
|
|
|
Re: اسمها اتبرا وللا عطبرة (Re: معاوية عبيد الصائم)
|
كتب المواطن معاوية :
Quote:
اختنا بمسات لماذا سحبت مشاركتها في هذا البوست
خير خير !!!
..................................................
اعتقد ي مواطن بسبب البوست حقى المفتوح للصديق عثمان محمد صالح والله اعلم
تحياتى ي مواطن وعبرك للمواطنة بسمات |
تخيل يا مواطن أنا كتبت وبينت السبب وهو ما ذكرت أنت أعلاه وأرسلته في الخاص لأبي ذر وطالما أنت كتبت فاليك ما كتبته في الخاص :
Quote: سبب سحب بسمات لما كتبته في بوست أتبرا واضح . وهوعدم رضاها عن ود الصايم بعد أن رأت منه ميلاً لتمجيد شاتم الرسول عثمان محمد صالح حيث بالغ معاوبة الصايم في فتح بوستات له ورفعه في هام السحب وتصويره أنه مظلوم .. وطبعا أساسا المداخلة المسحوبة سألت فيها معاوية وبينت أنها أول مرة تعرف أنه من عطبرة وكده .. وعندما جنح ندمت على التداخل معه وسحبت المداخلة .
أنا فهمت كده وربما أكون مخطيء |
| |
|
|
|
|
|
|
|
|
|
Re: اسمها اتبرا وللا عطبرة (Re: معاوية عبيد الصائم)
|
Quote: تخيل يا مواطن أنا كتبت وبينت السبب وهو ما ذكرت أنت أعلاه وأرسلته في الخاص لأبي ذر وطالما أنت كتبت فاليك ما كتبته في الخاص :
|
الشغيل قول بسم الله
ارسل ايه في الخاص...انا سألت هنا في العام عشان لقيت المشاركة ممسوحة.... ود الصيام رد في العام الجاب الخاص هنا
انا في المنبر ده ما عندي خاص مع زول..بجي مره مره اشخبط وامشي....خلينا متابعة المنتديات من فترة طويلة... بما انك جديد فيها..لا تتسرع....الا يكون كتب في الخاص لي زول تاني
| |
|
|
|
|
|
|
|
|
|
Re: اسمها اتبرا وللا عطبرة (Re: الهادي الشغيل)
|
ايوااااااا فعلا ما فهمتك لانو ما شفت الخاص..
وما عارف انت ارسلت لي توضيح في الخاص ...
الموضوع بسيط..انا فاكر في زول زعلها هنا في البوست ده ...
تحياتي لكم جميعا ود الصيام وبسمات وانت...كلكم اولادنا
| |
|
|
|
|
|
|
|
|
|
Re: اسمها اتبرا وللا عطبرة (Re: osama elkhawad)
|
تحياتي أخي معاوية
والتحية لكل المتداخلين هنا من الأتبراويين
كتبتُ ذات بوست هنا، بأن معظم أهلنا بورش السكة حديد من عمال وملاحظين وصناع وسائقي قطارات البخار والديزل ، وموظفي السكة حديد بالقيقر والسودنة وأم بكول وزقلونا والحصايا والفكي مدني والداخلة ، كلهم كانوا ينطقون الإسم ( أتبرا ).
أحدقدامى الأتبراويين قال : أن الإسم أصلا : أتى براه ( يعني أتى لوحده )
ولكن تفسيره ضعيف : بحيث لا يمكن أن تكون الكلمة مكونة من جزئين : الأولى بالفصحى والثانية بالدارجة السودانية.
يعني كان ممكن تكون : أتى وحده ، أو جا براه
وقال آخرون : عطا برة ( بمعنى كرم شامل ) وهذا أقرب للإسم . والذين يقولون ( أتبرا إنطلاقا من هذا التفسير ، ينطقونها بطريقة تبداوية ...
والله أعلم
| |
|
|
|
|
|
|
| |
معاوية عبيد الصائم
محمد عبد الله الحسين
اباذر عبد العال
حيدر حسن ميرغني
الامين موسى البشاري
adil amin
Abdullah Idrees
Khalid Saeed
osama elkhawad
ابو جهينة
فيس بوك
تويتر
انستقرام
يوتيوب
بنتيريست