11:20 AM November, 08 2016 سودانيز اون لاين Osama Mohammed-England - United Kingdom مكتبتى رابط مختصرنصيحة من القلب والله مع انو شايف الراجل دة فايز فايز انا م كنت في بريطانيا ايام استفتاء البقاء ف اوروبا ( Brexit) وجيت بعد شهر وشوية والله لقيت الحال مختلف. بؤس وقلة حيلة وحقارة ف الشوارع بالاسبان او كل من له لكنة بمجرد ان يتلفظ بلغة بلده حتى لو كان بتكلم ف التلفون .الحكومة عديييييل بفت تحقر بالناس و بدت تطبق نظام الخصصة شوية شوية . وتم الغاء كثير من الاعانات للمجموعات او المؤسسات او الافراد.زي م بقولو الناس بقت متلفية حجج خصوصا بعد وصول كمية ( ما كبيرة) من السوريين لمختلف المدن.اما المسلمين دة موضوع تاني عاوز بوست براهو بس الحالة م بتسر .ترمب ولا طرمبة دة نفس افكار اليمين المتطرف ما ناقص لو ما زايد وكان مفتكرين انو ممكن يتراجع من كلامو م بقدر .وكمان مع السلاح الحاييم هبتللي دة والله الا تعملو حصون
محمد البشرى شكرا ع المرور. الشاهد انو موضوع FBI دة وقع لي طرمبة دة في جرح . معظم الامريكان الما عندهم حزب معبن كانو خايفين من كلينتون وهي ما قصرت استنادا على الماضي حقها . انا موضوعي كلو اليمين المتطرف. اخدت لي سنتين بعيد من بريطانيا وجيت م عرفتها والله والسبب انو الاستفتاء الفاز بيهو مجموعة الناس العاوزين يطلعو من اوروبا كأنو طلع المستخبي. والله والله الموضوع دة الا الما عاوز يشوفو م بشوفو لكن واضح وضوح الشمس . اما بالنسبة للمسلمين لو لقيت وقت بنزل بوست ان شاء الله عن الموضوع دة. اليمين المتطرف على حسب اطلاعي البسيط دايما بيحكم بعد اوقات صعبة وتغييرات ديمغرافية كبيرة ( على الاقل هنا في العالم القديم دة). موضوع ال FBI دة بالضبط بشبه موضوع اغتيال الناشطة الحقوقية ونائبة البرلمان جو كوكس وهي تم اغتيالها بدم بارد لتخويف الشعب البريطاني وما تفتكر انو الناس ديل بعملو حاجة ساكت دي خطة كانت مدروسة وعارفين اثرها بكون شنو على الناخب او المقترع البريطاني. ربنا يكون ف العون بالمناسبة كلنتون اسوأ من سيئة بس م بتفوت طرمبة دة ف العنصرية وعدم المبالاة غير انو راجل معروف بانو بدخل مشروعات بحقق فيها نجاح وبتفشل بعد مدة. وما تنسا دافع طرمبة لخوض الانتخابات: انو اذا العبــــد دة بقا رئيس ، انا ليه ما ابقا رئيس؟ لك الود
11-08-2016, 04:42 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
أنا يا اسامة متابع بتفاؤل بوست ابو نورة و الموصلي وكوستاوي و عتاة الديمقراطيين السودانيزينين و قبض ايد ضامن سقوط الزول النحس دا, لكن قرايتك جهجهة افكاري خاصة انويادوب قدمنا للوتري :)
11-08-2016, 06:35 PM
Osama Mohammed Osama Mohammed
تاريخ التسجيل: 04-02-2008
مجموع المشاركات: 4619
الاخ محمد البشرى انا والله اتمنى انو قرايتي تطلع غلط عشان كدة قررت اكتب بوست حتى الناس تعرف تعمل او ح تعمل شنو. ماف ضمان في امريكا اي شئ ممكن وانا خايف من دة. في خطاب عام حاييم ف العالم ليه فترة بخوف الناس من الهجرة و ( تغيير الشئ المتعودين عليهو الناس) ومضايقتهم في معايشهم وشغلهم وعلاجهم وحتى مدارسهم وجامعاتهم. هل تصدق انو الجيل التاني من المهاجرين الاسيوين على حسب الاستطلاعات في مدينة كبيرة زي بيرمنغهام فيها مساجد وجوامع ومدارس اسلامية يصوت قريب سبعين في المية منهم لصالح خروج بريطانيا من الاتحاد الاوروبي؟ ليه؟ والسبب شنو؟ مع انهم من خلفية مهاجرين ! السبب الحاجات الفوق دي المضايقة في المعيشة وووو.. وو الخ الخ العالم اسي عاوز توازن ودة داير سياسيين ومربيين زي فترة الستينات . او ثورة ثقافية وفكرية ودة مع الشايفو انا دة م بحصل قريب. ايطاليا واحدة من الدول الاولى الجوها مهاجرين للاعمال ( بزنس يعني) قبل فترة عرفت من ناشط ايطالي انو تم حرق عدد من المطاعم الصينية بواسطة اليمين المتطرف الفاشستي!!!! الفوضى قادمة لا محالة في نظري . ولو جاء طرمبة دة ح تكون بشكل متسارع ومخيف . قدم اللوتري م تخاف برضو بعد دة لانو في رب اسمو المدبر والمحيط واللطيف. ويمكن تكون دي هواجس مني ساكت او يمكن الناس ترجع لي عقلها اهم شئ انو الناس تصوت للشيطانة كلينتون وما تصوت لابليس طرمبة. لك الود
11-09-2016, 11:33 AM
Osama Mohammed Osama Mohammed
تاريخ التسجيل: 04-02-2008
مجموع المشاركات: 4619
وفعلآ دا الحصل ! التقارير الاولية تقول بان الناخب الاسود هو م اطاح بهيلاري. زي ما الباكستايين وبقية المسلمين صوتوا ضد اخوانهم المسلمين لخروج بريطانيا من الاتحاد الاوربي دا اسه الحصل في امريكا !!! يعني اي انسان بقي يقول يا رقبتي !!!
ولكم الشكر ,,
11-09-2016, 12:29 PM
Osama Mohammed Osama Mohammed
تاريخ التسجيل: 04-02-2008
مجموع المشاركات: 4619
الاميرة منى طبعا دي واحدة من الحاجات المحيراني انو مهاجر يصوت لي ناس ضد الهجرة . وبعدين اسمي اسامة . في مناطق مقفولة بتاعت افريكان امريكانز سمعت في الاخبار انهم ما مشو يصوتو زاتو.
11-09-2016, 12:37 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
مشاركة الناخبين السود كانت 12% فقط مقابل 70% من البيض رغم الجهود التي بذلها بيرني ساندرز لدعم كلينتون,الا ان كثير من مؤيديه لم ينسوا مؤامرة الحزب الديمقراطي علي مرشحهم لذلك انزوت مجموعة مقدرة من هؤلاء كمراقبين فقط من بيوتهم الاف بي اي لم تكن بريئة قط وهي توجه رصاصة الرحمة لكلينتون حيبة امل الناخب الاسود في اوباما وفي النظام الامريكي عامة,جعلهم لا يأبهون لشهر ليس لديهم فيه نفقة..ايضا المجتمع الذكوري المسيطر,لم يرق له فكرة ان تكون امرأة بدونballs رئيسة عليه..حقيقة احزنني بشدة هزيمة هيلاري الانثي,,ان تختم حياتها السياسية الحافلة بهزيمة قاسية علي يد رجل بذئ بكل ما تعنيه البذاءة من معني
11-09-2016, 07:17 PM
amin siddig amin siddig
تاريخ التسجيل: 07-21-2007
مجموع المشاركات: 1489
Quote: زي ما الباكستايين وبقية المسلمين صوتوا ضد اخوانهم المسلمين لخروج بريطانيا من الاتحاد الاوربي
الكلام ده ما صاح ، الأقليات العرقية كلها صوتت بي فرق كبير لبقاء بيرطانيا في الإتحاد الأوروبي
-----
هيلاري كلينتون و قبلها أوباما ما أحسن من ترامب بي كتير
أوباما كذب على الناخبين، يجي نفس الناخب الأسود الإتغشى تمانية سنين زاد فيها معدل فقره و إنتهاكات البوليس لي حقوقه يصوت لي نفس الناس ؟ و كل مرة يخوفوه بإنو ده أفضل السيئين
خيار الناخب الما صوت جدر بالإحترام من السذج الأبديين
هيلاري كلينتون أخطر على السلام العالمي من ترامب الإنكفائي
11-09-2016, 07:48 PM
Saifaldin Fadlala Saifaldin Fadlala
تاريخ التسجيل: 12-20-2015
مجموع المشاركات: 832
لم تك الهجرة وحدها,او الارهاب هما سبب لانتصار ترامب كثير من مناطق الولايات المتحدة خلت تماما من المصانع التي تم نقلها للصين,اما الاعمال التي بقت فاصبحت في صراع مرير مع المنتج الصيني الرخيص,,قللت الاجور وزيدت ساعات العمل.. وتجنبت النقابات التي دجنت في عهد ريغان الحديث عن بيئة العمل.. ومع كل هذه الاجراءات لم يتوقف نزيف مقاعد العمل الامريكية لصالح الصين.. وجه العولمة القبيح ادي لبروز اشخاص مثل ترامب يطرحون انفسهم كمنقذين. ظهور هتلر لم يختلف كثيرا عن ظهور ترامب,,كلاهما كالا الاتهامات للنخب السياسية المجيدة للكلام
11-10-2016, 10:02 AM
Osama Mohammed Osama Mohammed
تاريخ التسجيل: 04-02-2008
مجموع المشاركات: 4619
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Osama Mohammed
محمد البشرى الخضر
Munir
مني عمسيب
Saifaldin Fadlala
amin siddig
فيس بوك
تويتر
انستقرام
يوتيوب
بنتيريست