اســــــــــتشـــــــــــارة كيبل؟

Quote: فرغت من بناء منزلى فى العام 2004 ، أذكر أننى اشــتريت الكابل بنفسى ، الكابل كان طوله حوالى عــشرين مترا(من العمود و حتى الطبلون داخل المنزل) يعنى حتى العام 2004 ما كان الزاميا أن تـشــترى الكابل من شركة الكهرباء، لســت متأكدا إن كان هذا قد تغير و صار لزاما على الشخص أن يشــترى منهم الكابل. لكى تكون مطمئنا أرى أن تتصل عليهم تلفونيا أو تكلف أحدا من معارفك بالســودان ليســتفســر عن الأمر قبل أن تشــرع فى الشــراء

(عدل بواسطة Siddig Elghali on 08-08-2016, 07:57 PM)

Quote: سلام عليكم يا عمر التاجالسودان بلد بلا قانون ولا رحمه ، اذا عندك استعداد تدفع رشوة يمكنك احضاره من الخارج بأفضل من مواصفات الداخل وتستطيع أن تستخدمه ، الشيء الثاني الأكثر تسهيلا وضع قبيلتك فى خارطة السودان ، قد تستغرب على هذا القول والله عدت منذ أسبوع من جدة ووجدت اخوة قدموا من السودان وحكوا لي تجاربهم ولولا قبيلتهم لما خرجوا من السودان . أرد اليك كسائل عن أفضل الحلول ، فاذا كنت جعلي أو شايقي أو دنقلاوي لا خوف عليك حتى لو تأتي به من جزر الواق واق خاصة فى الخرطوم ، أما الولايات فليس للحكومة سطوة والسطوة هي سطوة القبيلة أقول هذا وأشهد الله على ما مررت به من تجربة شخصية دفعتني للخروج من السودان ، جاء رجال أمن من منطقة حجر الطير لاعتقالي وسط أفراد قبيلتي وفى النهاية أنا الوحيد الذى خلصتهم منهم .عفوا للاطالة ولكن هذا هو الواقع الآن ، "قل لي قبيلتك لأقول لك ماذا تفعل " بالطبع لا أريد معرفة قبيلتك لكن أسأل وأجب نفسك

Quote: عندك مشاكل في الكهرباء او عندك هيكل تحت التشييد اكيد حلك عندنا مع اكبر مجموعه من مهندسي الكهرباء العامه و الPLC والقدرة مع ضمان الجودة الاستفسار 0114605791 او0924158377

Quote: اذا كنت من الكرور رقم كم في اللستة؟

Quote: والله يا الطيب حيرتنا ذاتو انت سمسار ضبح ولا كيبلات😜😜 عندي ١٥٠ فدان غرب ام درمان للبيع حق السمسرة عشرة في المية😜😈

Quote: والله الواحد. في البلد دي ما فضل ليهو الا يبيع شراباتو😈

Quote: عمر التاج انت من الكرور ولا لا اذا كنت من الكرور رقم كم في اللستة؟ الإجابة علی الاسئلة دي مهم جدا لانو انا عندي تلاتة لفات كيبل جبتهم من الامارات فاذا كنت من اللستة والمواصفات ظبطت معاك بديك ليهم بي سعر الفاتورة(دون تكاليف شحن وجمارك) واذا اسمك ما في اللستة فرجاء تحل ان سماي

يلا نخش في التقيل .. قلت لي لفات لفات ولا باقي لفات .. عشان عندي شغلين تاني غير داك ..
اسع دي جاتني تكلفة كهرباء لي بيت تاني في جبرة 19 بمبلغ 20 الف شاملة الكيبل..
ودي عايزة عاجل الان عشان البيت يجهز قبل الضحية
أديني الفيها النجيضة ومواصفات الكيبل عشان أختار سريع..
وبعدين الأرض الزراعية كان مالقيت مشتري بشتري نصها ..
لاني بفتش في ارض زراعية في حدود 600 الف لكن الاولوية خاتيها لي بحري وشرق النيل.
وتنكر هيثرو ممكن نخته في البيعة، شكلك زول بياع
كدي نبدأ بالكيبل الصغير.

Quote: مطلوب حضور ود التاج توجد كيابل للبيع ساقطه بدون جمرك وبدون شحن بي راس مالها بالله (حقنا برة هههههههههه )

Quote: اخ عمر التاج من كلامك الواضح ان مسافة بيتك من اقرب عمود بعيدة جدا وتوصيل كيبل بهذة المسافة مكلف ماديا بالاضافة للمشاكل الفنية التي يمكن ان تحصل مستقبل . اي اذا حصل عطل في الكيبل . برضو بتدخل في تكاليف تغيير كيبل و صيانة . لذلك الاقضل لك من ناحية اقتصادية و فنية هو تقريب المسافة بواسطة اعمدة ليكون اخر عمود مقاصد ( موقع تركيب العداد و طبلون الكهرباء ) كدا المسافة بتقل كتير وبتكون حوالي 10 - 15 متر و كذلك التكلفة سوف تنخفض الي اقل من النصف

(عدل بواسطة عمر التاج on 08-23-2016, 11:40 AM)

Quote: ماسنجر شنو يا الطيب انت اشتغلت مع ود الباوقة ولا شنو😜😜 اسمع اكتب عندك. برضو مزرعة. ١٥٠ فدان غرب ام درمان فيها تلاتة ابيار واوضتين. بالبلوك وصهريجين. تمنهم ١٤٠ مليون دا كلو اكان ينفع

Quote: كلام زول راجع أبوظبي

Quote: الكيبلات اظن ٣ ملي ما عارف تنفع لتوصيلاتك دي ولا ضعيفة

Quote: اسمع. برضو عندي اعمدة كهرباء. تنفع

Quote: يمين الله ياعمر الشيخمش زاد وبس بقی زاد المجاهد عدیل کد

السيخ انا اشتريتوا بي 8.5 قبل اقل من شهر ورفعتو ومتوقع الصبة خلال اسبوع، بس مايكون الخرصانة الجاهزة زادوا رسومها برضه.
والسيخ ما تكون زيادتو كتيرة لاني حا احتاج لي 10 طن بعد شهرين ان ربنا سهل. زمان كان سعره ماشي مع الدولار وربك يستر ما يمشي يلحقه تاني.

Quote: والله ناس الكهرباء. ما تقح ليهم ينشفوا ريقك اسمع كلامي ولو ما داير الذنوب نحنا بنشيل ليك الذنب وندفع نيابة عنك لكين برضو حقنا برة

وبعدين الاستشارة كويسة ممكن أعتبرك مستشار مالي وفني ..
قبل اسبوعين اشتريت 3 طبلون كهرباء 12 خط ماركة شنايدر الفرنسية الواحد بي 530 ريال(أغلى نوع تقريبا)،
الكاشير كان سوداني وقال لي ديل أحسن نوع في السعودية وبشتغلن عادي في السودان
أمبارح وصلن هناك والكهربائي قال لي ديل الا تبلهن وتشرب مويتهن .. ما بشتغلن هنا..
كدي شوف لي ليهن صرفة ، وشوف لي الكيبل الاماراتي ، وشوف لي بتاع سراميك سوداني وحقك بصلك في الخاص.

Quote: الكيبل المطلوب مقاس 35 ملم نحاس ( مسلح ) شركة الكهرباء بتطلب منك تأمينه بطريقتك ومعاهو قاطع 100 أمبير مع الصندوق ( عدد 2 ) أسعاره الأسبوع الفات في شارع الحرية من 280 جنيه إلى 330 جنيه للمتر حسب النوعية ( جود ، جياد ، الشروق ) ده عن تجربة ( الأسبوع الفات )

Quote: اخي عمر اذا اشتريت السلك من اي مكان ـ بعيد عن مستودعهم ـ عندهم بند او اجراء ـ سميه ما شئت ـ يلزمك بدفع سعر الكشف بالمتر على السلك مضروب في عدد الامتار في النهاية تجد الاسعار شبه متقاربة.. واتا فزت بالجودة الخليجية . التوقيع: صاحب تجربة 2014م .

Quote: عندي كبيل طوله 40 متر مسلح فيهو تلاته فرد نار 35 مللي , والفردة الرابعة 16 مللي للأرضي, اشتريتو من السعودية . لو بينفع معاك تعال لي في قفا دكان بكري من السماسرة وناس البيحضر دق التقا بيتعشى . وبالنسبة للطبلون ما تشتغل بي خستكات الكرهبائي . الطبلون يعتبر شأن داخلي ولا تشترط شركة الك رهبة نوع معين. أهم شيئ المفاتيح والقواطع تكون نوعية جيدة .