|
دعواتكم لزميلنا المفكر د.الباقر العفيف بالشفاء العاجل
|
|
 Re: إقتراح ,, اسم جديد للمنبر العام (Re: ABUHUSSEIN)
|
ابوحسين سلامات ,, يارجل ياطيب
ياخ كان للَّففان الناس دى لفَّت نامن فترت
المشكلة يلفوا كدييييى وكت يفترو يقعدو
اول مايلقولُن رِويحة تانى يقوموا يلِفوا
نحن زااااتنا راسنا لفَّ من لففانُم
اقول ليك نسمى:
رَازَّة وْنَطَّاحة
| |
 
|
|
|
|
|
|
|
|
Re: إقتراح ,, اسم جديد للمنبر العام (Re: محمد البشرى الخضر)
|
الحبيب ودالبشرى ,, كل سنة وانت وحتوت طيبين وكل من
حواه جمعكم العامر
| Quote: نسميه منبر (قالوا) |
يكفينا شر قلنا وقالوا ,,
نسميهو منبر ,, شبهينا واتلاقينا
| Quote: ومبروك (قالوا) قلّصتوا فارق النقاط مع الهلال لي تسعة بدل عشرة :) |
بالله انت مبارى اخبار هلال مريخ؟ فى زول ياكل باسطة ويحلّى بى فول؟
كنت داير اقول ليك لسه بتشاهد هلا مريخ لكن لقيتك قلت لى (قالوا) شفت (عمَّك) تفتيحة كيف؟
فى مثل بنطبق على حالتك دى لكن الدنيا ستة من شوال وابوحسين بكون صايم
| |
|
|
|
|
|
|
|
|
|
Re: إقتراح ,, اسم جديد للمنبر العام (Re: محمد البشرى الخضر)
|
Quote: لقيت امها مافي جزء من نكتة غير لائقة يا فاضلابي
فا شنو... أخدها كدا بدون تفاصيل,, |
ده حكمك انت ,, فشنو ,,, شوت النكتة وخلينا نحكم نحن,
كمان داير تصادر حريتنا فى الحكم على النُّكَت ,, ياهو الفضل!
ياكافى البلا ماسمعت بحاجة اسمها الخاص ولا الواتساب؟
حقو بالمناسبة دى نسمى المنبر المصادرة او التأميم
والتأميم دى بت عم التكميم.
| |
|
|
|
|
|
|
|
|
|
Re: إقتراح ,, اسم جديد للمنبر العام (Re: محمد البشرى الخضر)
|
وشنو رايك نسميه فقعة المرارة..
او فقعت مرارتي...
عشان بعض بوستات المنبر بتفقع المرارة...وبعض التعليقات
بتطفش عباقرة في المنبر..
وبعدين وبالمناسبة يا ود الفاضلاب سعف النخيل ما كتير ومرات
بتلقى نخلة فيها خمسة سعفات بس...
لكن عدد حبات الرمال كتيرة...
وبراميل من الود..زي ما بيقول ود الباوقة...
الباوقة دي ما جنبكم...
ودمت بالف خير
| |
|
|
|
|
|
|
|
|
|
Re: إقتراح ,, اسم جديد للمنبر العام (Re: محمد احمد القاضي)
|
هلا ببنتنا ,, بت الشيخ عبدالرحيم
العبرة ليس بالكثرة ,, العبرة بالمحنَّة
النخلة تحتها ولدنا وبتمرها تغذينا
وتحتها ولد المسيح عليه السلام
ومن سعفها صنعت امهاتنا الهبابة
والقفة والمعلاق والمصلاية والعتنيبة
والسباتة حيث رقصت العرائس
الرملة غير تكتِّحنا وتكندك عيونا فيها شنو؟
Quote: وشنو رايك نسميه فقعة المرارة..
او فقعت مرارتي... |
فقع المرارة حاصل ,, ولولا بعضكم هنا
لانفقع الفشفاش ايضاً ,, وبما اننا رغم فقع المرارة
نتعاطى هذا المنبر فحقو نسميه:
مجبورة خادم الفكى على الصلاة
| |
|
|
|
|
|
|
| |
عبدالعزيز الفاضلابى
ABUHUSSEIN
محمد البشرى الخضر
وضاحة
عماد الشبلي
حمد إبراهيم محمد
معاوية المدير
الصادق عبدالله الحسن
محمد احمد القاضي
فيس بوك
تويتر
انستقرام
يوتيوب
بنتيريست