|
دعواتكم لزميلنا المفكر د.الباقر العفيف بالشفاء العاجل
|
|
 Re: أميرة سودانية تقيم عزاء وبعده تأبين لحصان (Re: محمد المسلمي)
|
سلام يا jafar hashim ولعلك طيب
الأميرة سودانية وسبق لها ان أقامت ديربي من مالها الخاص كلفها 250 مليون بالقديم
وسبق لها ان شاركت في ديربي في القاهرة واصطحبت معها المشجعين والإدارين كله
علي حسابها طيران وسكن وخلافه وأحرزت كما ذكروا المركز الثاني
------
وكمان ملقبنها علي اسم أميرة أردنية
الكتابة مسؤولية والمصدر من متابعات شخصية
| |
 
|
|
|
|
|
|
|
|
Re: أميرة سودانية تقيم عزاء وبعده تأبين لحصان (Re: محمد المسلمي)
|
سلام يا jafar hashim ولعلك طيب
الأميرة سودانية وسبق لها ان أقامت ديربي من مالها الخاص كلفها 250 مليون بالقديم
وسبق لها ان شاركت في ديربي في القاهرة واصطحبت معها المشجعين والإدارين كله
علي حسابها طيران وسكن وخلافه وأحرزت كما ذكروا المركز الثاني
------
وكمان ملقبنها علي اسم أميرة أردنية
الكتابة مسؤولية والمصدر من متابعات شخصية
| |
|
|
|
|
|
|
|
|
|
Re: أميرة سودانية تقيم عزاء وبعده تأبين لحصان (Re: محمد المسلمي)
|
Quote:
اوعى تكون كمان بتلوم لوما عزوها فيه؟
سلامات يا حاج |
ابوحتوت سلام ياصاحب .. تصدق الراجل من أمريكا خاطب التأبين وقام بالواجب مع زوجته الأميرة .. وغايتوا لو انت كنت في البلد كنت حضرت التأبين لانه الأميرة ابوها كان نجم كبير في سيد البلد ومدرب قدير ... اها بعد فك التشفير ده قصرت معاك 😂😂😂😂😂😂😂😂😜😜😜😜😜😜😜😜😜
| |
|
|
|
|
|
|
|
|
|
Re: أميرة سودانية تقيم عزاء وبعده تأبين لحصان (Re: على تاج الدين على)
|
محمد المسلمي...
شكرا خليتني بت عطبرة....ومن الصباح بسمات
تقول لي..بختك عملوكي مواطنة عطبراوية ..وكان
عطبرة دولة مستقلة داخل السودان...
...وعندي تعليقين...ناس المهدي ما بيسموا بناتهم الاميرات
عشان جدهم محمد احمد المهدي ما كان ملك...
وبعدين هسع انت وصفت لينا الاميرة دي وصف واضح واظن بعض
الاعضاء عرفوا اسمها بالكامل واصلها وفصلها....واتذكرت نكتة واحد
بيقول في لغز...قال شخص كان مدير لجامعة الخرطوم وكان اديب
وكاتب وشاعر وعالم والحرف الاول من اسمه البروفيسور عبد الله الطيب
تعرفوهو منو؟؟
شكرا محمد المسلمي بوست ظريف...ودمه خفيف...
لكن السؤال المهم ..هل فعلا القصة دي حقيقية...
والله يديك الصحة والعافية
| |
|
|
|
|
|
|
|
|
|
Re: أميرة سودانية تقيم عزاء وبعده تأبين لحصان (Re: محمد المسلمي)
|
كتب المسلمي :-
(الاستاذ عبدالحافظ خضر سلام
ياخ الأميرة سكلبت وجوعرت جنس مجوعرة فقدها كبير خلاص 😂😂😂 )
والله ما عارف الزول او الزولة الدخل لى مره بتبكي وجا نشرها للناس - فهموا شنو وبستفيد شنو من انو يسخر من مشاعر البشر
زمان لما واحد يموت ليهو حصانو البترزق منو ولا حمارو الرافع كراعو وقاضي غرضو ولا غنمايتو البتسقسه واطفاله شاى الصباح
الناس كانت بتجى تواسيهو وتقيف معاهو .. في البهدى ليهو غنماية .. في البديهو حصان حمار ولو بالتقسيط ولاالمقاضة
فمسالة المواساة في فقد حيوان اليف عايش معاك ما حاجه جديدة
والحزن وحتى البكاء لفقدهم ما حاجه جديدة
ولما يكون حصان مثلا حق سبق واصيل ومقيم تقيييم عالى ..ما اعتقد فيها مشكله لو صاحبته نظمت ليه تابين تحكى فيه عن قيمة هذا الحصان
وبعنى ليها شنو .. واكيد المدعوييين حا يكونوا ناس مهتمين زيها بالحصين واهميتها بالنسبه ليهم
مره من المرات ماتت لى جداده وهى بتضع في بيضه .. كمية الألم والحزن الشفته فيها .. والعشتو انا .. ما غاب عنى لحدى اليوم
وكأني شايفها قدامي ... بكيت عليها عدييييل
عندنا عقده اذا جازت التسمية - عقده سودانية حول اظهار المشاعر ده أولا ........ وبنسخر من الزول الببكي في فقد اى حاجه
تاني حاجه عندنا عقده ضد الناس الوضعها المالي ميسور .. دائما نسخر من فلان الحبا على البلاط .. وفلان الاكل الشكولاته وهو صغير
وناس فلان البودوهم المدرسة بى العربيه .. بنسخر منهم ونعتبرهم فعل شاذ على قواعد مجتمعنا الفقير الوسخان
والغريب الواحد فينا اول ما يبدا يشتغل شغل كويس ببدا يفكر في توصيل أولاده بى عربيه او في توفير الكماليات ليهم .. وبرضو في عمل بلاط للبيت
من حقها والله تبكي على حصانها ---- من غير سخرية
ومن حقها والله تتقبل العزاء ----- من غير سخرية
ومن حقها كمان تأبن الحصان وتعدد مناقبه وافضاله عليها ... برضو من غير سخرية
تحياتي
| |
|
|
|
|
|
|
|
|
|
Re: أميرة سودانية تقيم عزاء وبعده تأبين لحصان (Re: محمد المسلمي)
|
وضاح عبدالرحمن جابر سلام وشاكر مشاركتك
لكن اسمع كلامي ده لم توفق في ردّك
1/ لاتوجد اي نوع من الحسادة وأخلاقه فنعم الله عَلِينا كثيرة جدا جدا والحمدلله منحنا بسطة في المال والصحة وماعلينا الا الشكر
2/ البوست الغرض منه ليس السخرية ولكن لعكس حالة في البلد ان الناس تختلف في وضعها فيها من يتعب من اجل المعيشة وفيها
من ينفق ملايين الجنيهات يوميا من اجل إشباع رغبته في الخيل أوخلافه ورسالة واضحة جدا ان السودان ليس فقر وبس
3/ لم آمنع الحزن او البكاء وإنما ذكرته لتوضيح الصورة الحقيقية وبعدين كونك تحزن علي جدادتك او حيوانك فهذه طبيعة
البشر ولكن إقامة عزاء وقراءة قران دي يطرشنا ماسمعنا بيها الا عند الأميرة دي
4/ من حقي ان اكتب ما أراه صحيح دون تجريح اوذكر اسماء ومن حق الزملاء والقراء متابعة حالة مثل التي ذكرت أعلاه
ويعلموا حال السودان من ناحية اخري
| |
|
|
|
|
|
|
|
|
|
Re: أميرة سودانية تقيم عزاء وبعده تأبين لحصان (Re: محمد المسلمي)
|
ممكن يا ود ابو الريش توصف لينا او تشرح لينا
الرحمتات دي شنو....والله اول مرة اسمع بالرحمتات..
..وطبعا بالنسبة للحزن على وفاة الكلاب دي مسالة
عادية في امريكا....نسبة لوفاء الكلب لصاحبه...
وتوجد مقابر خاصة للكلاب والقطط...لكن اول مرة
نسمع الحزن علة موت الحصين....
والله يديكم الصحة والعافية
| |
|
|
|
|
|
|
|
|
|
Re: أميرة سودانية تقيم عزاء وبعده تأبين لحصان (Re: اميرة السيد)
|
Quote: ممكن يا ود ابو الريش توصف لينا او تشرح لينا
الرحمتات دي شنو....والله اول مرة اسمع بالرحمتات..
..وطبعا بالنسبة للحزن على وفاة الكلاب دي مسالة
عادية في امريكا....نسبة لوفاء الكلب لصاحبه...
وتوجد مقابر خاصة للكلاب والقطط...لكن اول مرة
نسمع الحزن علة موت الحصين....
والله يديكم الصحة والعافية |
الرحمتات اصلها من الرحمة ... في السودان و ليمة حسب الإمكانيات في نهاية رمضان ( الجمعة اليتيمة ...)
و في مصر تقريبا هي عيش و فطير مخبوز و معاهم اكل بشيلوهوا لزيارة القبور في رمضان و غير رمضان و يدوهوا للمساكين ...
اها طيب يا اميرة ... بتعرفي ( الكرمتات ) ؟
| |
|
|
|
|
|
|
|
|
Re: أميرة سودانية تقيم عزاء وبعده تأبين لحصان (Re: يحي قباني)
|
| Quote: وليمة حسب الإمكانيات في نهاية رمضان ( الجمعة اليتيمة ...) |
كلام عمك ده هو الصحيح، والأكل ده يتم تقديمه للأطفال البيكونوا طول الليل لافين على البيوت ويغنوا أهازيج خاصة بالمناسبة.
يبقى السأل: هل الحصان بيعملوا ليهو (رحمتات) يكون بس سمع الكلمة وما عارف معناها.
| |
|
|
|
|
|
|
|
|
|
Re: أميرة سودانية تقيم عزاء وبعده تأبين لحصان (Re: محمد المسلمي)
|
فكانت ليلة ليلاء ...
ضربته الخمسين الأولى ... فالثانية ... فالسادسة ... ويعتبر ذلك رقم قياسي ان تضرب شخص واحد 6 خمسينات في ليلة واحده ...
و عند الساعة الثالثة الا ربع صباحاً قررنا الذهاب الى منازلنا و لكن صدقي ( ك ) الذي لا يشبع أساسا من اللعب
اصر على ان نلعب عشره اخيره و كانت ( الكرمتات ) الرابعة اكراماً له و لميطيه ...
و اذا بنا نسحب و أخيرا جلس بيني و بينه صديق ...
ولسوء حظه خرج الصديق في شوتين ... و اصبح صديقي ( ك ) على يساري مرة أخري ...
و قفل الورق ... و احتار صديقي ( ك ) .... وسألني قائلاً:
قافل ؟
فأشرت له بيدي إشارة غير مطمئنة ...
اخذ يفكر ... ثم ( نكش ) البايظ على الأرض و هو من الممنوعات ...
ثم اخرج كرتاً وارجع كرتاً ...
ولأني اعرف كم حريف صديق ( ك ) ...
قفلت له على ورقي النازل و لم ابدل ...
و حينما اقتنع تماماً ... أخرج لي كرتاً و اذا بي انهره ( ألففففففف ) ...
رمى ورقه على الصدنوق و قال لي ( انعل دينك ياخي ) ...
وكانت المرة الأولى التي اسمع تلك المسبة منذ سبعينيات القرن الماضي ...
(QUOTE)
>>>>>>>>>><<<<<<>>>>>>>>>>>>>>>>>>>>>>>>>>>
ود قباني
كلمة الكرمتات دي سمعناها عندك في بوست سابق قديم .. وبوست ظريف جدا
وانا اقتبست منه هذه الفقرة لأن فيها كلمة الكرمتات...
والله يديك الصحة والعافية
| |
|
|
|
|
|
|
| |
محمد المسلمي
ياسر منصور عثمان
Hololy
kamal omer
على محمد على بشير
Gamal Abayazid
محمد البشرى الخضر
محمد فضل الله المكى
عبدالمنعم الطيب حسن
Hani Arabi Mohamed
aosman
على تاج الدين على
Saifaldin Fadlala
وضاح عبدالرحمن جابر
حامد بدري
محمد أبوالعزائم أبوالريش
يحي قباني
فيس بوك
تويتر
انستقرام
يوتيوب
بنتيريست