|
دعواتكم لزميلنا المفكر د.الباقر العفيف بالشفاء العاجل
|
|
 Re: أمكي... فردوس ولاية نهر النيل المجهول (Re: Ahmed Elsadig)
|
والله يا دكتور هشام انت بتنكت لينا مناطق أول مرة نسمع بيها (أمكي) أول مرة أسمع بيها مع إني رباطابي بس مولود في عطبرة ولم أذهب لأبي حمد جزيرة مقرات إلا مرة واحدة مع صديق لي يدعى عصام شميم
جميل أن يوثق أمثالك يا ملك التوثيق العطبراوي لهذه الأماكن .
دمت ودام أهل أمكي بكل خير .
| |
  
|
|
|
|
|
|
|
|
Re: أمكي... فردوس ولاية نهر النيل المجهول (Re: الهادي الشغيل)
|
شكرا د.هشام عباس للتوثيق لمنطقة جميلة من مناطق الرباطاب و حقيقة ليست أمكي وحدها بل أن الكثير من مناطقنا بالرباطاب لها ميزات سياحية لم تجد الاهتمام و طبعا كما تعلم كل مناطق الرباطاب عانت و ما زالت تعاني من الاهمال بالرغم من ان مناطق الرباطاب من الناحية الاقتصادية تمثل الآن مورد هام للذهب الذي سد جزء كبير من الفجوة التي احدثها انفصال الجنوب و عائدات البترول.أتمنى ان تجد مناطق الرباطاب القليل من الاهتمام.
لك كل التحايا و شكرا على هذا البوست.
| |
|
|
|
|
|
|
|
|
|
Re: أمكي... فردوس ولاية نهر النيل المجهول (Re: ياسر بيناوي)
|
ثاء العمدة/ محمد ود بيناوي (1)
عمدة عمودية امكي وعتمور بدار الرباطاب بالسودان
لشاعر الرباطاب/ مصطفى الحاج موسى
كم حليت مشاكل و كم سترت عيوب
خربانة العبوس يا أب أحمد (2) الحبوب
كل الكان عديل الليله صار مقلوب
و الزول ما بيفوت الفي الأزل مكتوب
الليله الحديث يا دوب خرب يا دوب
ما دام المحنك وسدوهو الطوب
يا قمر السبوع ليه غبت من واديك
يا أب عاشه الهمام طال اشتياقنا عليك
بكت عتمور قبال أمكي ما تبكيك
تمامة الشوره يا الكان اعتمادنا عليك
ناصع بالبياض واضح كتاب ماضيك
ما حامت شكوك من يومك التبيت
أب آمنه العليك طاردين ضيوف الليل
أب كفا خريف حاشاهو ماهو بخيل
ثابت قلبو أثبت من جبل توتيل
بارز في الرجال في الحكمه باعو طويل
ما سوا الزرايب شتلو باقي سبيل
مصوبر في الدرب منو العشامه تكيل
طيب السمعه اسمك ما ذكر بي شين
سيد الكلمه في ساعة العمد جالسين
منزلة الضيوف يا عاوج الدربين (3)
اتقفل الدرب يا دوبو للبينين
دخري الحوبه في ساعة الرجاله تبين
القوي والضعيف قدامو متساوين
أب رايا سديد كان للرجال هداي
سلالة ود نصر (4) كان للضعيف تاتاى
ديل أهل الحراته الكمل السراى
توريقهم يصن طول الوكت صحاى
أجاويد البلد أهل الفكر والراى
خلاص الطوف غرق و اتكسر العداى
(1) العمدة ودبيناوي - اللهم ارحمه وادخله جنة الرضوان - عمدة عمودية امكي وعتمور بدار الرباطاب بمحافظة أبو حمد بولاية نهر النيل بالإقليم الشمالي بالسودان. معروف بالشهامة و الكرم و الحكمة والرأي السديد،مقيم في البينين بأمكي بدار الرباطاب.
(2) أب أحمد: أحمد ود العمدة، أحد أبناء العمدة ود بيناوي، و هو أستاذي وأستاذ الجيل أحمد محمد بيناوي، ناظر مدرسة أمكي الأم، تتلمذ على يديه الكثير من أبناء منطقة الرباطاب بالسودان، وخاصة أبناء منطقتي أمكي وعتمور، فجزاه الله عنا خير الجزاء.
(3) الدربين: يقصد بالدربين في دار الرباطاب بالسودان (الدرب الفوق وهو درب الشارع طريق العربات- السيارات -) و (الدرب التحت و هو درب الحمير ). وهكذا موقعهما في التخطيط العمراني لقرى دار الرباطاب بالسودان: درب الشارع ثم أرض السواقي ثم درب الحمير ثم المساكن ونهر النيل.
(4) ومن سلالة العمد في عمودية عتمور بدار الرباطاب بالسودان على سبيل المثال: العمدة الحاج محمد نصر بيناوي والعمدة بيناوي محمد فرنيب والعمدة صلاح ود رباط .. وغيرهم.
| |
|
|
|
|
|
|
| |
د. هشام عباس
Hassan Farah
ياسر بيناوي
Ahmed Elsadig
الحاج حمد الحاج
ولياب
فيس بوك
تويتر
انستقرام
يوتيوب
بنتيريست