|
دعواتكم لزميلنا المفكر د.الباقر العفيف بالشفاء العاجل
|
|
 Re: أغرب سيك ( عندهم تلاتة آسات وسيكناهم ) (Re: Haytham Ghaly)
|
| Quote: آتو مرتين استلم زميلي |
سلامات خالد
تعرف السيك دي جات قدر بس للمساكين ديل, لأنو طريقة حتة الأتو غلط كونه يمسك زميلك معناها لعبت الآس أو الشايب في المرة الأولى و في التانية لعبت كرت ما سينير
ودا غلط لزول عايز يجيب تسمية حداشر وعنده سبعة أتو
اللهم إلاّ لو كانت كروتهم الوقعت في اليد الأولى اغرتك بي كدا وإن كان برضو احتمال تضيع اللعبة وارد باعتبار السينير مسك بيه زميلك كان ممكن يكون عند واحد فيهم.
| |
  
|
|
|
|
|
|
|
|
Re: أغرب سيك ( عندهم تلاتة آسات وسيكناهم ) (Re: الحاج حمد الحاج)
|
تحياتي خالد السيد ...والاخوات والاخوة ....الوست لعبة حظ وذكاء وتوفيق ....انا اديك اسنة بوضع تاني وبي ورق اقوي مما تتصور .....انت يساري ...القبول حقي ...عندك اس شايب بت ولد عشرة هارت .....عندك اس شايب بت ديناري ..عندك اس شايب بت اسود وعندك شايب ولد شيرية ...وتاخد اسنافيك ذي السلا عليكم بي ورقك دا ...بجيك للشرح وعاوز اشوف قدراتك الوستوية اولآ بسؤال بسيط ...تسمي كم بالورق دا ...التسمية طبعآ بتبدا منك .....
شكرا كتير
| |
|
|
|
|
|
|
|
|
|
Re: أغرب سيك ( عندهم تلاتة آسات وسيكناهم ) (Re: عبد الرحمن عبد المجيد طه)
|
Quote: سلامات خالد تعرف السيك دي جات قدر بس للمساكين ديل, لأنو طريقة حتة الأتو غلط كونه يمسك زميلك معناها لعبت الآس أو الشايب في المرة الأولى و في التانية لعبت كرت ما سينير ودا غلط لزول عايز يجيب تسمية حداشر وعنده سبعة أتو اللهم إلاّ لو كانت كروتهم الوقعت في اليد الأولى اغرتك بي كدا وإن كان برضو احتمال تضيع اللعبة وارد باعتبار السينير مسك بيه زميلك كان ممكن يكون عند واحد فيهم
|
كلامك سليم ياهندسه
هو قابل زميلو فى الاتو (7+4) وكان ممكن يكون عند الطرف التانى الكرت السنير ولحظهم طلع عند زميلو وهو بدورو عرف انه الجماعه خلوا من الاتو عشان كده دور بوهيه تانيه
بس عايزين عبد الرحمن يشرح لينا كيف تجى سيك مع ورق زى ده
Quote: تحياتي خالد السيد ...والاخوات والاخوة ....الوست لعبة حظ وذكاء وتوفيق ....انا اديك اسنة بوضع تاني وبي ورق اقوي مما تتصور .....انت يساري ...القبول حقي ...عندك اس شايب بت ولد عشرة هارت .....عندك اس شايب بت ديناري ..عندك اس شايب بت اسود وعندك شايب ولد شيرية ...وتاخد اسنافيك ذي السلا عليكم بي ورقك دا ...بجيك للشرح وعاوز اشوف قدراتك الوستوية اولآ بسؤال بسيط ...تسمي كم بالورق دا ...التسمية طبعآ بتبدا منك ..... شكرا كتير
|
| |
|
|
|
|
|
|
|
|
|
Re: أغرب سيك ( عندهم تلاتة آسات وسيكناهم ) (Re: عماد قريش)
|
Quote: بس عايزين عبد الرحمن يشرح لينا كيف تجى سيك مع ورق زى ده
|
احتمالات ممكن لكن عمليا صعب ( راجع المداخلة التحت )
طيب اديك واحد تانية
ممكن اديكم اس شايب دامة في التلات بوهيات وبعد داك اوزع باقي الورق بطريقة معينة وتتسيكو ذي الترتيب
| |
|
|
|
|
|
|
|
|
|
Re: أغرب سيك ( عندهم تلاتة آسات وسيكناهم ) (Re: Khalid Elsayed)
|
اخونا عبد الرحمن التسمية الصاح 12
احتمالات ممكن : ممكن أذا عندك ستة شيريا سنير عشرة وزميلك خمسة شيريا فيهم آس دامة وعندك سبعة اسود(او ديناري) سنير بلي وزميلك مبوش الاسود (او الديناري )
عمليا صعبة:
- توزيعة الورق نفسو
- يكون عندك سبعة وستة وتقوم تلعب بال
Quote: حياتي خالد السيد ...والاخوات والاخوة ....الوست لعبة حظ وذكاء وتوفيق ....انا اديك اسنة بوضع تاني وبي ورق اقوي مما تتصور .....انت يساري ...القبول حقي ...عندك اس شايب بت ولد عشرة هارت .....عندك اس شايب بت ديناري ..عندك اس شايب بت اسود وعندك شايب ولد شيرية ...وتاخد اسنافيك ذي السلا عليكم بي ورقك دا ...بجيك للشرح وعاوز اشوف قدراتك الوستوية اولآ بسؤال بسيط ...تسمي كم بالورق دا ...التسمية طبعآ بتبدا منك .....
المصدر : andlt;a href="http://sudaneseonline.com/cgi-bin/sdb/2bb.cgi؟seq=postandboard=490andmsg=1488188612andrn=13[/QUOTE" target=_selfandgt;Re: أغرب سيك ( عندهم تلاتة آسات وسيكناهم ) Re: أغرب سيك ( عندهم تلاتة آسات وسيكناهم ) ]
| |
|
|
|
|
|
|
|
|
|
Re: أغرب سيك ( عندهم تلاتة آسات وسيكناهم ) (Re: Khalid Elsayed)
|
زمليو: باص ( تلاتة هارت ، خمسة شيريا فيهم آس دامة ، واحد اسود ، اربعة ديناري) - تسمية خاطئة
-----------------------------------------------------------------------------------------------------
موش خاطئة وبس دي خاطئة كاذبة ولو كان معانا لنسفعن بالناصية ناصية كاذبة خاطئة
الوست دا عيشة وليس مجرد لعبة دي فيها حياة او موت
.
.
حكايات الوست والاسنة مثيرة جدا ومدهشة
بوست اروع من رائع ذاتو يا خالد
.
.
مبروك الاسنة لكن وقعت في ناس قمري ساهي
تحياتي لك ولضيوف الكرام
| |
|
|
|
|
|
|
|
|
|
Re: أغرب سيك ( عندهم تلاتة آسات وسيكناهم ) (Re: عبدالله ود البوش)
|
| Quote: تحياتي خالد السيد ...والاخوات والاخوة ....الوست لعبة حظ وذكاء وتوفيق ....انا اديك اسنة بوضع تاني وبي ورق اقوي مما تتصور .....انت يساري ...القبول حقي ...عندك اس شايب بت ولد عشرة هارت .....عندك اس شايب بت ديناري ..عندك اس شايب بت اسود وعندك شايب ولد شيرية ...وتاخد اسنافيك ذي السلا عليكم بي ورقك دا ...بجيك للشرح وعاوز اشوف قدراتك الوستوية اولآ بسؤال بسيط ...تسمي كم بالورق دا ...التسمية طبعآ بتبدا منك ..... شكرا كتير |
مع أن السؤا لخالد لكن بعد إذنه وإذنك نحاول
التسمية التقليدية 11 طبعا بحساب الأيادي, لكّنها غلط لأنها ح تضلل زميلك لو البعدك علّى 12 زميلك يضطر يقفّلها 13, ولو مشت الحداشر صاحب القبول غالبا ح يلعبها
لذا الأفضل تسمّي 8 أو مربوطة (لتشجيع الزميل وكان لعبوك بتجيبها حتى ل لعبت ب 3 اتو ) وطالما الورق القوي عندك ما في زول بتشجع يعلاها وممكن جدا صاحب القبول يطمع و يلعّبك
يلاّ لو لعبها صاحب القبول ممكن تتسيّك لو طلع متقاسم الشيريا مع زميله و الزميل عنده الآس و الدامة و متبادلين الفقدان في البهيات التانية و واحد فيهم أو الإتنين عندهم الأسود أو الديناري طويل مع تبادل الجلد يبوّشوا الهارت
| |
|
|
|
|
|
|
|
|
|
Re: أغرب سيك ( عندهم تلاتة آسات وسيكناهم ) (Re: محمد البشرى الخضر)
|
ود البشرى ظاهر عليك زول حريف وست لكن ما بتكون احرف مني انا وزميلي حسن الفاضل له الرحمة لعبناها في قهوة الزيبق
عاين لي جاي
اسنا في البال لا تنسى
اخطر واعظم اسنا جبناها في الحاج عبدالباقي قامت معشقة من البداية ووصلت حسن الفاضل قبولو لعبها 13
وشات بدامة هارت وانا عندي الاس وورقتين الفي يميني رمى كرت صغير وانا انفخ يدي واتج ليك دامة زميلي لمن التربيزة انفجخت
واتضح انو الخصم عندو شايب معلق وذلك حسبما توقعت قام على حيلو وقال لي اتا شفت الشايب
حلفت طلاق ما شفتو وكلنا حلفنا يخت شايبو ويواصل غصبا عنو
وزوووووووووووووووووووووووووط حقتك ذاتا ولك ان تتصور الحفلة
.
.
البوست دا لذيذ ياخ
| |
|
|
|
|
|
|
|
|
|
Re: أغرب سيك ( عندهم تلاتة آسات وسيكناهم ) (Re: محمد البشرى الخضر)
|
يا ود البشرى والله زي ما قلت ليك بالزبط كدا
وطبعا ليس عبطا ولا خبطة حظ
وزي ما قاليك هيثم غالي
اللعبة من بدايتها قامت مولعة نار عشرة وانا قلت حداشر والبعدي قال 13
وحسن الفاضل لعب
وبحساب بسيط اي زول فينا عندو بهية طويلة
ويا هيثم انا قلت ليك عندي كرتين مع آس الهارت
وبحسبة بسيطة افترضت زولي لعب بستة او سبعة
وانا عندي تلاتة يعني تسعة او عشرة
الباقي اربعة او تلاتة عندهم
طبعا بالتاكيد الشايب ما عند زميلي ولا عندي انا
اذن لو كان عند الفي يميني كان طوالي لعبو لانو بالكثير بكون في اتنين
وهو جدع كرت معناها كل الحسابات الشايب في يساري
اذن لو كان في كرتين ياكل حلالا بلالا وبدون مغصة
ولذلك قررت الهبوط الاضطراري واللعبة لا تحتمل اي غلطة
واصلا انا وزميلي المرحوم بنلعب سنين طويلة وعندنا مقولة العب للاسنة حتى ياكلو يد
وتاااااااااخ فجخت الطربيزة
وعلى بالطلاق لا شفت شايب ولا لمحتو ولا من طبعي المتاوقة في ورق الغير لانو اخلاقي في الكشتينة عالية
وعندنا الوست دا جزء لا يتجزأ من عيشتنا
شفت كيف ؟
وفعلا حاج عبدالباقي قام على حيلو وداير ادكها وكل الناس الحولنا هددوا حاج عبدالباقي لو دكاها تاني ما يجي القهوة
وزوووووووووووووووووط كانت لا تنسى
| |
|
|
|
|
|
|
|
|
|
Re: أغرب سيك ( عندهم تلاتة آسات وسيكناهم ) (Re: عبدالله ود البوش)
|
هي السيك كدا يا ود البوش اللعب التقليدي مابجيبها لا بد من حركةحركتين مجنونات أومقص غير تقليدي ناس تمانية وتسعة آس
زي السيك موضوع البوست لولا حتة الأتو التانية التي تبدو خطأ لأول وهلة ما كان الزميل استلم وساق بوهيته
طبعا احلك لحظات السيك لما يبدأ صاحب اللعبة يبوّش البوهية العندك فيها المرّاقة مع كل بوشة ضربات القلب بتزيد وتتعرّق و تضيق عليك الأرض بما رحبت
خاصة وانت بتحسب باقي ليه كم أتو وباقي ليه كم كرت في إيده ومع كل بوشة يسقط مع الكرت جزءمن فؤادك خاصة حين يبدأ الشباب الشمشرجية يتحاوموا بي ورا ويعاينوا لي بعض و يكتموا الضحكات و يتغامزوا عارفين كان واحد فتح خشموا بتدكّها و تقوم
لا حول ولا وقوّة إلّا بالله .. لحظات عصيبة لا نتمنّاها لحبيب ولا صديق
| |
|
|
|
|
|
|
|
|
|
Re: أغرب سيك ( عندهم تلاتة آسات وسيكناهم ) (Re: Haytham Ghaly)
|
Quote:
وشات بدامة هارت وانا عندي الاس وورقتين الفي يميني رمى كرت صغير
وانا انفخ يدي واتج ليك دامة زميلي لمن التربيزة انفجخت واتضح انو الخصم عندو شايب معلق
|
زميلي طالما بدا لي بي دامة معناتها ماعنده الشايب وكايس الآس ..
طالما الآس عندي وزميله ما عنده شايب والا كان عِلا بيهو ..
خوفاً من يضيع شايبو في مقص الآتو ..
وبدون أي تفكير أنا شخصياً كنت حأعلى دامة زميلي ..
لانه الشايب خلاص اتعرف وين ..
وحسب الآتو المعاي احتمال الشايب ده ..
يكون معلّق بي جاي كبير جداً خصوصاً انه زميله ما مبوّش آتو ..
غايتو في اللعبات الزي دي أصلاً ما حينفع الزول يدقس ..
وأقل تفنيسه حتدي الجماعة ديل مرّاقة من الاسنا ..
لكن يا ود البوش اتصرفت صاح .. والجماعة اكلو تبن ..
غايتو انا كان حصل لي موقف الجماعة ديل ..
يمين ادكها زي الما حصل حاجة .. هههههههههه ..
واليحصل يحصل ...
| |
|
|
|
|
|
|
|
|
|
Re: أغرب سيك ( عندهم تلاتة آسات وسيكناهم ) (Re: جمال ود القوز)
|
Quote: وحسب الآتو المعاي احتمال الشايب ده ..
يكون معلّق بي جاي كبير جداً خصوصاً انه زميله ما مبوّش آتو ..
|
دا في حالة انو ود البوش عندو اقل شي اربعة كروت من الاتو
لانو ممكن يحسبا انو زميلو لاعب بي 7 اتو والخصم اليمين ود البوش ما بوش
كدا معناها الشايب معلق عند اليسار ود البوش
لكن ود البوش عندو تلاتة اتو بس اذاً احتمالات المقص عند اليمين اكبر من احتمالات ان الشايب واقف عند اليسار
خصوصاً زي ما قلت قبل كدا انو التسمية الاولى قامت من يمين ود البوش
سلامات ود القوز
هههه غايتو يتخيل لي دي خرمة قيم ساي
| |
|
|
|
|
|
|
|
|
|
Re: أغرب سيك ( عندهم تلاتة آسات وسيكناهم ) (Re: Haytham Ghaly)
|
تعرف ياود البوش نفس حكايتك دى حصلت معانا برضو زميلى شات بت هارت وانا
قرضتها بالاس يمينى واحد اسمو الفاضل الفرق الوحيد بينو وبين ناسك ديل انو كان زول حريف قالى
على الطلاق الزول الوراك قرصك وكشحا وقام جارى شهيدى زميل البورد احمد الياس
انا قايتو يا ود البشرى ما اسيكتا الا من دكتور معتز مصطفى دفعت ود عمنا فاروق يس والله
دا احرف منو مالاقانى فى حياتى بالله فى زول بعرفو ول سمع بيهو يعضض كلامى دا
| |
|
|
|
|
|
|
|
|
|
Re: أغرب سيك ( عندهم تلاتة آسات وسيكناهم ) (Re: عبدالله ود البوش)
|
Quote: ذن لو كان عند الفي يميني كان طوالي لعبو لانو بالكثير بكون في اتنين وهو جدع كرت معناها كل الحسابات الشايب في يساري اذن لو كان في كرتين ياكل حلالا بلالا وبدون مغصة ولذلك قررت الهبوط الاضطراري واللعبة لا تحتمل اي غلطة واصلا انا وزميلي المرحوم بنلعب سنين طويلة وعندنا مقولة العب للاسنة حتى ياكلو يد
|
دا اللعب البجيب السيك
| |
|
|
|
|
|
|
|
|
|
Re: أغرب سيك ( عندهم تلاتة آسات وسيكناهم ) (Re: محمد البشرى الخضر)
|
Quote: ا ود البوش انت عندي مصدّق باي ديفولت لكن النصيحه ليك يا الله ما بلعتها تعلى دامة زميلك بالإحساس ساي ولو أنا محله بدكّها واقوم أمش طوالي غايتو لخاطر الغلاط كدا بقول تكون لمحت الشايب اثناء التوزيع ولاّ حاجة :)
ا |
ممكن زميلك يكون لاعب بي بوهية طويلة وتكون لاحظت انو على اليمينك ما عندو الشايب ( من تعابير وشو .. مرقتو للكرت )
| |
|
|
|
|
|
|
|
|
|
Re: أغرب سيك ( عندهم تلاتة آسات وسيكناهم ) (Re: عبدالله ود البوش)
|
Quote: واتضح انو الخصم عندو شايب معلق وذلك حسبما توقعت قام على حيلو وقال لي اتا شفت الشايب حلفت طلاق ما شفتو وكلنا حلفنا يخت شايبو ويواصل غصبا عنو
|
تعرف يا ود البوش امتع حاجة في الوست الخرخرة البلا سبب ( حقت العصرة ديك )
فردتنا جنو جنو انو يتسيك اها اللعبة ماشة على السيك والجماعة صانين .. في واحد احدث بصوت عالي ( بفعل حلة القطر قام والبهارات ) فردتنا ما كضب طوالي كشحا قال شنو سيك مكشوفة
| |
|
|
|
|
|
|
|
|
|
Re: أغرب سيك ( عندهم تلاتة آسات وسيكناهم ) (Re: محمد البشرى الخضر)
|
Quote: ع أن السؤا لخالد لكن بعد إذنه وإذنك نحاول التسمية التقليدية 11 طبعا بحساب الأيادي, لكّنها غلط لأنها ح تضلل زميلك لو البعدك علّى 12 زميلك يضطر يقفّلها 13, ولو مشت الحداشر صاحب القبول غالبا ح يلعبها لذا الأفضل تسمّي 8 أو مربوطة (لتشجيع الزميل وكان لعبوك بتجيبها حتى ل لعبت ب 3 اتو ) وطالما الورق القوي عندك ما في زول بتشجع يعلاها وممكن جدا صاحب القبول يطمع و يلعّبك يلاّ لو لعبها صاحب القبول ممكن تتسيّك لو طلع متقاسم الشيريا مع زميله و الزميل عنده الآس و الدامة و متبادلين الفقدان في البهيات التانية و واحد فيهم أو الإتنين عندهم الأسود أو الديناري طويل مع تبادل الجلد يبوّشوا الهارت
|
معلم والله ..استراتيجة شاملة
| |
|
|
|
|
|
|
|
|
|
Re: أغرب سيك ( عندهم تلاتة آسات وسيكناهم ) (Re: عبدالله ود البوش)
|
Quote:
موش خاطئة وبس دي خاطئة كاذبة ولو كان معانا لنسفعن بالناصية ناصية كاذبة خاطئة الوست دا عيشة وليس مجرد لعبة دي فيها حياة او موت . . حكايات الوست والاسنة مثيرة جدا ومدهشة بوست اروع من رائع ذاتو يا خالد . . مبروك الاسنة لكن وقعت في ناس قمري ساهي تحياتي لك ولضيوف الكرام
ا |
ههههههههههههههههههههه
صدقت امتع اللحظات هي لمة الوست
| |
|
|
|
|
|
|
|
|
|
Re: أغرب سيك ( عندهم تلاتة آسات وسيكناهم ) (Re: Khalid Elsayed)
|
بعدين ياخالد
انت ماسكاك ام فريحانة ولاشنو
اهم شى في السيك شيل الحال
مفروض تجيب الاسماء ومكان وتاريخ الميلاد والاسم يكون رباعى ولوحريف تجبيب اسم الامات
ونحن عرب جزيرة واجب العزاء مابنقصر فهى تب خسمتك بشيخ امى الحرم بت على تجدع لينا
ارقام جولات المسيكين
| |
|
|
|
|
|
|
|
|
|
Re: أغرب سيك ( عندهم تلاتة آسات وسيكناهم ) (Re: Khalid Elsayed)
|
غايتو من مدخلاتكم الفوق دى ... اتصح لى انو كلكم كيشة
حتى المجنونة بت الناس دى ماب تعرفو تلعبوها
فى مثال اخونا عبدالرحمن الاسكور ليهو دور كبير فى الاسنا و فى التسمبة
لى سبب بسيط ... لو لعبوها بياخد الاسنا برضو
اقول قولى هذا و انا ما بعرف ألعب الوست
| |
|
|
|
|
|
|
|
|
|
Re: أغرب سيك ( عندهم تلاتة آسات وسيكناهم ) (Re: عبدالله ود البوش)
|
Quote: بالحيل عندهم ( في مستشفى حمد ) انا برسل الاسامي وانت فتش
ابشر مكتبى قريب من مستشفى حمد بنمش انا وولدى لبيد باقى الحيوان تسبب لى في سيك قبل سنة
وانا لعبت مع جدو ماتسيكت واذكر والحديث ذو شجون كان والدى محمد الامير متعه الله بالصحة
والعافية يعمل في قطر وجرت العادة في بيت العزابة بتاع ناس اربجى انو يوم الخميس والجمعة حريق
ووالدى حريف في الحريق قمت اقترحت على الشباب اليوم نلعب وست وفى ذهنى ان الوست لعبة
حديثة والحاج مابكون ناقشها بدينا نفرز في الجوز الحاج جلس معنا قلت له ياحاج ماعندك طريقة اليوم اللعب
وست قالى ياولدى اكلنا منو عيش ههههههههههههه
| |
|
|
|
|
|
|
|
|
|
Re: أغرب سيك ( عندهم تلاتة آسات وسيكناهم ) (Re: بدر الدين الأمير)
|
حبيبنا خالد .. مودتي ..
لعب الكوتشينه عموماً مهم جداً عندنا في الجمعيات في السعودية ..
جمعيتنا دائماً يوم جمعة يكون فيها عزاء .. رفع الفراش بعد العشاء
تلاحظ الناس في ضيق حتى الفراش .. وبعد داك فرش الكوتشينه
إكتشفنا أن الكوتشينه في الجمعية تساعد على بقاء الشباب داخل الجمعية
الخروج من الجمعية معناها مصاريف وتفتيش ودوريات وخاصة في جدة شوية الامور صعبة
ودفاتر التسجيل عندنا مأرشفة .. محفوظة من فترات ..
في جماعة الويست في غرفة .. هم الاكثر هدوءاً وأنسجام
وناس كومكان في غرفة أخرى .. كواريك وضجيج .. كمان يعتبروا الويست خاص الافندية ..
لعب الكوتشينه عموماً ملاذ آمن في الغربة بل هو تجسيد للوطن وتجمع الشباب
شكراً .. خالد ..
ونوجه الدعوة من هنا للامير بدرالدين عن زيارته لمدينة جدة .. عمرة أو زيارة
للقاء في جمعيتنا ما بين منتخبنا ومنتخب أربجي ..
مودتي يا لامير ..
| |
|
|
|
|
|
|
|
|
|
Re: أغرب سيك ( عندهم تلاتة آسات وسيكناهم ) (Re: علي عبدالوهاب عثمان)
|
حبيبنا ود عبدالوهاب
من طرايف الوست هنا في الدوحة
مرة كنا لاعبين وكان زميلى عادل سالم والضدنا كمال سالم والمسيرى ضحية الحريكة
التسمية طلعت من عندى مربوطة ضحية قال باص ونا وعادل شايلين حال وغياظين المهم
التسمية عند كمال والقبول عند شقيقو عادل زميلى وكمال ورقو في رباطة واحدة قام
كمال سمى 14 والصالون مزدحم بالشمشارين ياكمال كيف الكلام دا قال اى اكان
ماجبت 14 نزلونى ماينص 14 والشمشارين يكوركو قول الروب ياكمال قال مابقول لكن
على طلاق ياعادل اخوى مابتلعبها هههههههههههههههههههه
| |
|
|
|
|
|
|
|
|
|
Re: أغرب سيك ( عندهم تلاتة آسات وسيكناهم ) (Re: جلالدونا)
|
Quote: التسمية الاولي : تسعة ( ستة ديناري فيهم آس شايب ، آس هارت معاهو تلاتة كروت ، واحد اسود واتنين شيريا ) - تسمية صحيحة
|
بالرغم من إني بطلت الويست لي زي طاشر سنة كده، لكني مستغرب إنكم كلكم فوتو أهم حاجة في نظري كانت سبب السيك المباشر، أولا التسمية الأولى خاظئة مية المية،
التسعة دي لمن تقوم من الزول البادية منو التسمية زي التمانية مفروض تكون عندك فيها مراقات في تلاتة بوهيات على الأقل لو ما الأربعة (بمراعاة كل المقصات المحتملة)،
الزول ده تسميتو باااااااص، (تكون تسميتك تسعة لو بدت من زميلك مربوطة والعلي يمينك قال تمانيه. مافي سبب واااحد يخليهو والتسمية قايمة منو يقول تسعة، ويدرعها لي زميلو
في رقبتو دي، زميلو بعد داك لوقال تلطاشر (ولازم يقول تلطاشر) يكون عمل العليهو وبعد داك لو إتسيك تكون إسناء قضاء وقدر موش زي دي لأنها كده غباء وقدر.
| |
|
|
|
|
|
|
|
|
|
Re: أغرب سيك ( عندهم تلاتة آسات وسيكناهم ) (Re: كمال حسن)
|
أولا التسمية الأولى خاظئة مية المية، التسعة دي لمن تقوم من الزول البادية منو التسمية زي التمانية مفروض تكون عندك فيها مراقات في تلاتة بوهيات على الأقل لو ما الأربعة (بمراعاة كل المقصات المحتملة)، الزول ده تسميتو باااااااص،
.............................................................................................................
في العرف انو اي تسمية اكتر من تسعة ما تمرقك من سيك عشان كدة زميلك مفروض يقبم الوضع حسب ورقو
| |
|
|
|
|
|
|
|
|
|
Re: أغرب سيك ( عندهم تلاتة آسات وسيكناهم ) (Re: ياسر منصور عثمان)
|
سلام يا خالد وناس التربيزة
تعرف الوست مع الحرفنة، التوفيق والإلهام بلعب فيهو دور كبير
يعني مثلا أنا لو كان عندي شايب الهارت في اتنين وكنت قبل زميلك ما برميهو في الدامة لانو بخت 50 % الآس عندك
و50 % يكون عند زميلك أو زميلي لو نجحت، لعبتك سقطت بالأسود والشيرية
كسرة
انا طريقة وصف الورق دي مرات بتعمل لي ورم
مثلا شايب في اتنين تعني شايب ومعاه كرت بس (موش شايب ومعاه كرتين)
شايب في كرت يعني شايب واقف
دامة في ثلاثة معناها دامة ومعاها كرتين
يعني من ضمن كذا كرت
وشكرا
| |
|
|
|
|
|
|
|
|
|
Re: أغرب سيك ( عندهم تلاتة آسات وسيكناهم ) (Re: حمد عبد الغفار عمر)
|
خالد السيد وشركاه
الدراما كلها هنا
زميلي : ألعب ........ شات شايب الهارت
لانه زميلك لو لعب كان السيك اتشتت .. وثانيا لو زميلك ما شات بشايب الهارت
والخصم ما طار بالاس برضو السيك كان راح
زميلك حريف او الخصمين حظهم منيل ودمعهم غلب اللقاط
عموما اصلا السي كدا قسمة ونصيب مافي منو مفر .....
اتخيلت منظر المتسيكين ديل خاصة السكتة الفجائية بعد
مايتفرش الآتو
| |
|
|
|
|
|
|
|
|
|
Re: أغرب سيك ( عندهم تلاتة آسات وسيكناهم ) (Re: Ahmed Yassin)
|
لانه زميلك لو لعب كان السيك اتشتت .. وثانيا لو زميلك ما شات بشايب الهارت والخصم ما طار بالاس برضو السيك كان راح
___________________________________________________________________________________
في الوست اهم حاجة زميلك يكون حريف والاهم تفهم لعبو ..
| |
|
|
|
|
|
|
|
|
|
Re: أغرب سيك ( عندهم تلاتة آسات وسيكناهم ) (Re: حمد عبد الغفار عمر)
|
يعني مثلا أنا لو كان عندي شايب الهارت في اتنين وكنت قبل زميلك ما برميهو في الدامة لانو بخت 50 % الآس عندك و50 % يكون عند زميلك أو زميلي لو نجحت، لعبتك سقطت بالأسود والشيرية
_______________________________________________________________________
بس الخوف من السواقة ( عادي يكون عندي اس دامة بلي في خمسة مثلا ممكن افتح بالدامة )
| |
|
|
|
|
|
|
|
|
| |
Khalid Elsayed
محمد البشرى الخضر
الحاج حمد الحاج
عبد الرحمن عبد المجيد طه
عماد قريش
عبدالله ود البوش
جمال ود القوز
WAD ELGAALI#4
بدر الدين الأمير
جلالدونا
علي عبدالوهاب عثمان
كمال حسن
ياسر منصور عثمان
حمد عبد الغفار عمر
Ahmed Yassin
فيس بوك
تويتر
انستقرام
يوتيوب
بنتيريست