|
دعواتكم لزميلنا المفكر د.الباقر العفيف بالشفاء العاجل
|
|
 Re: أعوذ بالله من معارضة المعارضة .. (Re: معتصم الطاهر)
|
النصيحة لي الله يا سمعة ..
أول مرة تكتب ليك كلام فيهو فايدة ..
ــــــــــــــــــــــــــــــــــــــــ
نبصم معاك بالعشرة ..
ده طرح غريب وعجيب يثير الغثيان ..
الماقادر يساعد الناس ديل أحسن ليهو ينقطهم بي سكاته ..
مافي داعي للمواعظ الجوفاء التي ترتكز على أرضية هلامية ..
ومشاعر حنق لا يمكن قراءتها إلا من باب الغيرة والمكايدات السياسية ..
أنا للآن ما قدرت أعرف الما عاجب منسوبي الأحزاب الأخرى شنو !! ..
وهم أصلا دايرين يقولوا شنو وحيعملوا شنو !! ..
كلو كلام ما مقنع ..
ناس المؤتمر السوداني هم من يقارع النظام حالياً ..
ولا أحد سواهم ..
عشان بعدين لمن يجي وقت الحصاد مافي زول يجي يتسلبط ..
فمن كدّ وزرع هو من سيحصد ..
ولا عزاء للآخرين ..
حكاية نحن شغالين بي تحت تحت دي ..
كلام ما بملا بطن ..
حزب ضحى بالصف الأول كله ..
ولم يتفاجأ ولم يتراجع ..
بل دفع بالصف الثاني ..
الكان مجهز نفسه لخطوة الاعتقالات ..
بعد ده كله يجي واحد يقول ليك كاني ماني ..
ده كلام ده بالله ..
| |
 
|
|
|
|
|
|
|
|
Re: أعوذ بالله من معارضة المعارضة .. (Re: جمال ود القوز)
|
الاخوة :
الباقر عثمان
معتصم الطاهر
جمال ود القوز
لكم التحية و السلام ..
يجب ان لا نبخس تضحيات ذلك الشخص الذي يقبل بصدره مكشوفاً امام آلة النظام الباطشة ..
من السهل ان ندعوا الناس الى النزول الى الشارع لكن من الصعب اتخاذ قرار النزول خاصةً للقياديين منّا..
هنالك عُرف ساد بطريقة سالبة وهو ان الناس لا يطالبون رؤساء الاحزاب ان ينزلوا الى الشارع لكأنما وظيفة النزول الى الشارع و التظاهر هذه مخصصة للبؤساء منا.
انا لا انتمي الى حزب المؤتمر السوداني لكني كمواطن ارى فيه نفسي عندما ارى رئيسه يعتقل و صف قيادته الاول كذلك , حينها ينتابني شعور قوي بان هؤلاء الناس جزء مني و يستشعرون معاناتي لانهم في سبيل الوقوف معي كمواطن بسيط دخلوا السجون و لم يبالوا ..
| |
|
|
|
|
|
|
|
|
|
Re: أعوذ بالله من معارضة المعارضة .. (Re: جمال ود القوز)
|
Quote:
انا للآن ما قدرت أعرف الما عاجب منسوبي الأحزاب الأخرى شنو !! ..
وهم أصلا دايرين يقولوا شنو وحيعملوا شنو !! ..
كلو كلام ما مقنع ..
ناس المؤتمر السوداني هم من يقارع النظام حالياً ..
ولا أحد سواهم ..
عشان بعدين لمن يجي وقت الحصاد مافي زول يجي يتسلبط ..
فمن كدّ وزرع هو من سيحصد ..
ولا عزاء للآخرين ..
حكاية نحن شغالين بي تحت تحت دي ..
كلام ما بملا بطن ..
حزب ضحى بالصف الأول كله ..
ولم يتفاجأ ولم يتراجع ..
بل دفع بالصف الثاني ..
الكان مجهز نفسه لخطوة الاعتقالات .. |
الصمت للبعض افضل من انتقاد الىخرين
وحزب المؤتمر يعمل
والاخرون - الذين تحسبهم معك - ينتقدون ..
الشارع مفتوح ..
| |
|
|
|
|
|
|
|
|
Re: أعوذ بالله من معارضة المعارضة .. (Re: معتصم الطاهر)
|
ناس المؤتمر السوداني هم من يقارع النظام حالياً .. ولا أحد سواهم .. عشان بعدين لمن يجي وقت الحصاد مافي زول يجي يتسلبط .. فمن كدّ وزرع هو من سيحصد .. ولا عزاء للآخرين ..
السلام على الجميع
أذكر في هبة سبتمبر كدت أكتب خاطرة قريبة من كدا لمن لاحظت إنو أي حزب بيحاول يسوق لمعتقلينو - ويمكن الرجوع لبوستات المنبر العام في الوكت داك-
قصة السلبطة دي هي المأخره قيام الثورة فالقوى السياسية السودانية في ظني ما عندها قناعة ببرنامج ديمقراطي من أجل الوطن بقدر ما هي عند البعض حسابات مجد شخصي - أعلم أن هذا التعميم مُخل جداً-
القيادات الآن تفرز نفسها والمؤتمر السوداني أثبت إنحيازو للجماهير وتقدم الصفوف ويجب على المؤمنين بالتغيير الديمقراطي والباحثين عن وطن يعبر عن الجميع دعم هذا الخيار والوقوف خلفهم وفي توازي معهم وبالتأكيد الفجر القادم سيعبر عن الجميع.
| |
|
|
|
|
|
|
|
|
|
Re: أعوذ بالله من معارضة المعارضة .. (Re: حيدر حسن ميرغني)
|
ياسمعة
سلامات
الهدف واحد
زي ما انت بتقدر المعارضة ومابتدور ليها الشين
معارضي المعارضة جلهم مابدورو الشين للمعارضة
يبقى الفرق في معيار الشين ده شنو
انت بتشوف النبذي والضرب على المعارضة ياهو الشين
ومعارضي المعارضة بشوفو المرمطة والعنت البتلاقيهو المعارضة ياهو الشين ويمكن تلافيهو بدلا عن المعارك التي تضر المعارضة ولا تاثر في النظام
يعني كلنا دايرين السمح للمعارضة
بس انت (بتحنن للفرح)
ومعارضي المعارضة بطعنو (حقن) مؤلمة
Quote:
من لديه أشكال للتحرك أفضل من من تحركوا.. فليتقدم ويمارسها
|
فياعزيزي الباقر
دي المشكلة في تقدم
المعارضة فارضة نفسها وهي الممثلة فعليا لانها تستحوذ على الاعلام واهتمام الوسطاء واهتمام النظام
فالشغلانة ما تتقدم ساي
قبل يتقدمو الناس البتقصدهم ديل كلم المعارضة تتراجع وتفض ايديها من الشغلانة
| |
|
|
|
|
|
|
|
|
|
Re: أعوذ بالله من معارضة المعارضة .. (Re: ناصر حسين محمد)
|
الآخ الفاضل اسماعيل عبدالله..
تحية وأحترام...
معارضتنا لا تخلو من الاخطاء..
والاخطاء المريعة ايضا..
خاصة الذين تسببوا فى هذه الازمة التى يعيشها السودان اليوم حينما كانوا فى السلطة...
ثم سلموا سلطة ديمقراطية للعسكر..
ثم أخطاء حاملى السلاح..
ولكن...
كل هذا لا يمنع أن يكون النقد للمعارضة بناء..
تستفيد من اخطائها وتعدل ما أعوج منها..
ولكن المعارضة ابتليت بأناس اسوأ من الموالين للانقاذ..
وهم تخصصهم ضرب المعارضين دون فرز..
وبلا بصيرة..
لذلك ترى فى بعض الاحيان..
أناس كانوا فى قمة المعارضة..
وضحكوا بحياتهم وبكل ما يملكون من أجل السودان..
ومن خلال المعارضة...
فجأة..
تسمع ان هذا الشخص قد ترك المعارضة وانضم للحكومة..
كيف ذلك ؟
هذا لآن المعارض المذكور قد تعرض لضغوط فوق طاقته أو طاقتها..
حتى عجز عن الاستمرار .
ولا اقول ان هناك مبررا للانضمام لهكذا حكومة..
ولكننا بشر..
وصعاليك المعارضة..
اسوأ من أمن البشير...
| |
|
|
|
|
|
|
|
|
|
Re: أعوذ بالله من معارضة المعارضة .. (Re: اسماعيل عبد الله محمد)
|
| Quote: اخر شكرهم و وخرب شكره لهم بكلمة (ولكن).. |
لا يمكنني نقل ما كتبه هنا ولكن ..
هو موجود في الصفحة الاولى على المنبر ويمكن قراءته بسهولة بالغة بدلا عن البصم الجاهز على صحة ما أورده اسماعيل ..
( ولكن) التي كتبتها لم تخصم (تخرب بلغة اسماعيل) شكر حزب المؤتمر السوداني .. هي متعلقة بطرح الاستاذ فضيلي.. والكتابة كلها (المقال لو جازت التسمية) رد على مقالته (شكرا لحزب المؤتمر السوداني).
ليس فيما كتبته انا اي كلام باهت في حق المناضلين الشرفاء كما قرر اسماعيل وهو ظالم. ولست من معارضي المعارضة .. ولم اكن في يوم من هؤلاء .. واكثر من ذلك .. سيماء معارضة المعارضة بادية اكثر عند من يتهمون المعارضة الآن بالبؤس ولا يخرجون منها الا حزب المؤتمر السوداني لو تدبر الناس هذا المعني.
| |
|
|
|
|
|
|
| |
اسماعيل عبد الله محمد
Elbagir Osman
معتصم الطاهر
جمال ود القوز
محمد حامد
حيدر حسن ميرغني
ناصر حسين محمد
nour tawir
محمد حيدر المشرف
فيس بوك
تويتر
انستقرام
يوتيوب
بنتيريست