بعد تغزو وتجاهد يمكن تطلع ليك بي 70 عب وسبعين أمة خواجية حمراااااااء أمريكية موش انت داير ليك واحدة صفراء ؟ تسر الناظرين ؟ ترجع ليك بي 70 واحدة .. امريكية .. لاتينية .. ايطالية واحدة تعصر ليك ضهرك واحدة تفلّيك وعب يمسح ليك ضهرك وإذا طقتك فلسة تبيع ليك عبين تسترزق
والله صحي
08-13-2017, 05:18 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
هو تبيع ذاتو لشنو يا ابو سن ! قال ليك (رجعة واحدة تجي راجع ليك بدولات كتيرة خلاص) يعني نغشى لينا بنكين تلاتة أي واحد يطلع ليه بي كم مليون دولار وهي ذاتو العب دة حيكون سايق ليه فورد ولا شيفروليه والأمة بتكون سايقة ليكزس .. دي استراليا يا عمك قايلنا ماشين نغزو ليبيريا ؟
أنا طبعاً في البداية قلت يا ربي قروش الزول بتكون حلال ؟ يعني ننهب البلد كلها من طرف ؟ تاني قلت هو ذااااااتو في روحه حلال خليها قروشه :)
لكن بالنسبة للبيع لو زهجت من عبيدك ما ممكن نعمل سوق اليكتروني دة قال ليك الداما تفلّليك يعني احتمال الشامبو ذاتو يكون حرام عندو وقال ليك عب يمسح ليك ضهرك بالزيت يعني ساونا وجاكوزي والحركات دي ما معانا .. فمعناها حنكون شايلين سيوف القرن السابع ونجدع الموبايلات وكدة
08-13-2017, 05:49 AM
عمر أبوعاقلة عمر أبوعاقلة
تاريخ التسجيل: 04-11-2016
مجموع المشاركات: 1321
الزول دا عايش برة الواقع عديل كدة يحلم ويخدر هسع دا ما داعشي مفتوحة له المنابر وبرضو الناس البتسال ليه اولادنا وبناتنا بمشو سوريا وليبيا والعراق، .......... لما تغيب الديمقراطية ويسود الخطاب الواحد الغيبي التغيبي؛ زي الزول الارعن دا يلقى هواو ويضري عيشو ويصبح هذا الاناء الفارغ اعلى صوتا واكتر ضجيجا؛ ................ شكرا حبيبنا محمد عمر(او كما اصر)...
08-13-2017, 06:32 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
ياخ الدورة دي شيخ محمد مصطفى درعها درعة كبيرة خلاص!! هو عادي بدرعها لكن المرّة دي بالغ, قال الجهاد من مصادر الاقتصاد في الاسلام, عمرنا دا كله بنعرف الجهاد لنشر الدعوة او رد العدوان و كتب القتال وهو كره لكم يجي يطلعه مسألة اقتصاد و كسب مادي!!
08-13-2017, 07:29 AM
أحمد الشايقي أحمد الشايقي
تاريخ التسجيل: 08-08-2004
مجموع المشاركات: 14611
Quote: قال الجهاد من مصادر الاقتصاد في الاسلام, عمرنا دا كله بنعرف الجهاد لنشر الدعوة او رد العدوان و كتب القتال وهو كره لكم يجي يطلعه مسألة اقتصاد و كسب مادي!!
المؤلم جداً في الفيديو لما يقول ليك انت قالوا ليك الرسول (ص) كان شغال شنو؟ رزقه من الكفار ديل الإجابة التلقائية على سؤاله دة بعد شرحه حتكون شغال همباتي .. والعياذ بالله وحاشاك حبيبي رسول الله عليك أفضل السلام لكن هو بقودك للفهم دة بدون ما يستصحب معاهو أي سياق تاريخي أو اجتماعي زي كأنه قافلة ابو سفيان هديك ليها قاطعة الشارع
Quote: قال : أمريكية حمراااااااااا ..... طيب يا خوي السودانيـة الزرقاااااااااااااء عيبها شنو ؟؟؟
أيوة طلع عقدة اللون جواهو بدون أي اجتهاد أو حتى جملة استدراكية
Quote: قال : تطلع ليك بكم دولار .... طيب يا خوي داك الزمان لما نحنا (المعنى يعني) ... نتغلب ... على الجماعة ديل ... الدولار دا دحين لي داك ... الوكت ... باقيلك ببقى عنده قيمـة ؟؟؟
هو ما عاوز يتغلب باقتصاد وانتاج لكن هو عاوزهم هم ينتجوا ودولاراتهم تمشي السماء ونحن نشيل سيوفنا نقلعها ومعاها الإيطاليات كمان :)
08-13-2017, 09:20 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
{ اتغطي يا حرمة اتغطي } والله ياكيم كارادشيان ماعارفة المصيبة المنتظراك قال 70 قال اها جهزنا السيف البتاااااار وكيم كارداشيان وايفانكا ترامب باقي لينا 68 الواحد كلما يصحو من النوم يلقى نفسه رجع مائة سنة ضوئية !!!!
08-13-2017, 10:57 AM
Mohamed Adam Mohamed Adam
تاريخ التسجيل: 01-21-2004
مجموع المشاركات: 5443
الزول دا صادق مع نفسو مع ربو اكتر من المتأسلمين الزينا! يعني هو، مسلم أصلي ما مزور. كذلك..... ماقال اي كلام خارج عقيدة الإسلام عشان مانلومو وكمان الزاد تصالحو مع نفسو قام دعم ليك كلامو بحديث نبويّ شريف!
هل فيكم من ينقض حديث النبيء الرسول القال فيهو رزقو تحت رمحو!! او فيكم من ينقض كتاب الله الذي يبشر المجاهدين بزواجهم من الحور العين، الفيهن قاصرات الطرف لم يطمثهن إنس قبلهم ولا جان!!.
مامفروض نلوم فضيلة الشيخ ود المصطفي لأن المسلم بيؤمن بان الحور العين بيض جميلات وعليه دائما بيحب عن الأمريكينات النصرانيات، اللاتينات زي ما كان اسلافه حبو الروميات، والاسبانيات!!.
لم نسمع قط لا في الكتاب ولا في السنه ان المسلم لما يموت يقدموا ليهو حوريع سوداء او فطساء الانف!! وعليه.. شيخنا اعلاه مسلم حقيقي ودا الدين الورثناه وتربينا تحت كنفه بيعتقد كدا!! بيعتقد.. ح يأتي اليوم الفيه المسلم يجاهد الكفار وبالذات اليهود والنصاري ويكوش علي نسائهم وممتلكاتهم من الغلمان والاموال. يبقي يكون الشيخ ود مصطفي ومن هم علي شاكلته، اكثر الناس إتباعا لتعاليم الدين من جهاد وغيره!!!
08-13-2017, 09:38 AM
نعمات عماد نعمات عماد
تاريخ التسجيل: 03-08-2014
مجموع المشاركات: 11404
Quote: لا لا ما قصي, البرنس .. البرنس ود عطبرة داك المعجب بالشيخ ويقلده
أيوة البرنس معلنها عديييييييييل قال تلميذه لكن قصي داك الموضوع شكلو حايص ليه قام فتح بوست لماذا تخشى المعارضة استخدام مصطلح "الجهاد" في وجه ما تعتقده ظلما ؟ أحمد الشايقي فك الباص من نص الملعب وحافظ بشير زلق ليه الفيديو في النص في البداية قصي قال ليهم شفت المقطع في الفيسبوك وبجي أعلق عليه تاني قال ليهم هوووووي البوست بتاعي دة عن مصطلحات وبس :)
Quote: يا أحمد اكتب الترجمة على الفيديو بالإنجليزي و رسلو لي عمك طرمب و خالتك فاتو بن سودا.
ها زولة ترامب اليشوف ليه طريقة يشرد بيها قبل ما العربان يتكاتلوا في ايفانكا غايتو بالشفتو عليهم أيام زيارتها لو خليفة المسلمين ما قسمها ليهم بالأيام ممكن يعملوا فيها حرب أهلية :)
من يقول بغير ما يقول به محمد مصطفى عبدالقادر فهو لا يعرف الشريعة أقرأ لعبدالحي يوسف أيضا على islamweb فتواه
Quote: فالرق باق حكمه لم ينسخ؛ لأن النسخ لا يعرف إلا من جهة الكتاب والسنة، وذلك بأن يرفع الحكم الثابت بخطاب متقدم بخطاب آخر متراخٍ عنه
http://iswy.co/e4s4f[/QUOTEhttp://iswy.co/e4s4f[/QUOTE] لكن، ولحسن الحظ، وكما قرّر الأستاذ محمود محمد طه بصريح نص لا مرية فيه "الإسلام برسالته الأولى لا يصلح لأنسانية القرآن العشرين" فـ الإسلام رسالتان الأولى ويمثلها محمد مصطفى عبدالقادر وعبدالحي يوسف وأضرابهم و رسالة ثانية قعّد وبوّب لها الأستاذ محمود محمد طه ليس هنالك منزلة أخرى، بين المنزلتين، تتيح لم يتوهمها أنه آمن، اذا كان يدّعي الإسلام، فيحدثنا عن الوسطية وعن أن هذا لا يمثل الإسلام الخ الخ إذا أردتم أي اسلام، اليوم بغير ما قعّد وبوّب له الأستاذ محمود محمد طه، فعليكم بداعش بغير هذا فلا تظنن أنك يمكن أن تجمّل الإسلام بما ليس منه أو فيه رفعت الأقلام وجفت الصحف alfikra.org
08-13-2017, 11:54 AM
عبد المنعم سيد احمد عبد المنعم سيد احمد
تاريخ التسجيل: 10-13-2003
مجموع المشاركات: 11824
يا هواري ياخي ارتقي لي مستوى القرن السابع ياخ نحن شايلين السيوف وراكبين الحصين يعني ثقافتنا ومعاييرنا ناس ومأكمة يضيق الباب عنها تقوم تقع لي في عصعصة الهوليوديين دي !
وعليكم السلام استاذ عبد المنعم سيد أحمد ولدي في سادسة أمس بسأل فيني عن المسيح الدجال وعيسى الحيكتلو والمهدي المنتظر وما عارف شنو في البداية داير اقول ليه ما تصدق أي حاجة إلا ترد في القرآن بشكل واضح وصريح قام فاجأني ليك بإنه ما بيسأل فيني من راسه بيقرأ لي من كتاب الاسلامية حق المدرسة طبعاً غيرت الموضوع وما حبيت ألخبط ليه راسه بمآخذي على قصص المسيح الدجال دي بس بتمنى إنه مناهج التربية الاسلامية ما يكون فيها ما يجعل الطالب حائر بين العلم والقصة المخالفة للقواعد العلمية .. مافي حوجة للموضوع دة في عمره دة على الأقل
Quote: ليس هنالك منزلة أخرى، بين المنزلتين، تتيح لم يتوهمها أنه آمن، اذا كان يدّعي الإسلام، فيحدثنا عن الوسطية وعن أن هذا لا يمثل الإسلام الخ الخ إذا أردتم أي اسلام، اليوم بغير ما قعّد وبوّب له الأستاذ محمود محمد طه، فعليكم بداعش بغير هذا فلا تظنن أنك يمكن أن تجمّل الإسلام بما ليس منه أو فيه
سلامات استاذ عبد الله نعم الاستاذ محمود عنده اجتهاداته البتنزل الاسلام في قرننا الحالي .. بس ذلك لا يجعل منه الوحيد أنا شخصياً مقتنع تماماً باجتهادات عدنان ابراهيم ورأيه الواضح القاطع حول الرق وانتشار الاسلام بالسيف واعتقد إنه استطاع تفسير كل الاشكاليات الأخلاقية ضمن إطارها التاريخي والاجتماعي والظروف اللي دعت ليها
Quote: شيخنا اعلاه مسلم حقيقي ودا الدين الورثناه وتربينا تحت كنفه بيعتقد كدا!! بيعتقد.. ح يأتي اليوم الفيه المسلم يجاهد الكفار وبالذات اليهود والنصاري ويكوش علي نسائهم وممتلكاتهم من الغلمان والاموال. يبقي يكون الشيخ ود مصطفي ومن هم علي شاكلته، اكثر الناس إتباعا لتعاليم الدين من جهاد وغيره!!!
الموضوع ما اسلام حق وإنما النوع دة بعزّل من الدين ما يأتي على هواه يعني نوع محمد مصطفى دة ممكن يهيج فيك وانت حالق دقنك عشان الحديث واضح بحسب فهمه اعفو اللحى ولا تشبهوا باليهود والنصارى رغم إنه في حديث واضح برضو (خالفوا اليهود والنصارى فإنهم لا يصلون في نعالهم ولا خفافهم) لكن عااااادي بقلع نعلاته برة المسجد أنا عندي في البخاري باب كااااااامل اسمه باب الاستنجاء بالحجارة .. أها مالهم بستخدموا السايفون والصرف الصحي !!
كوني أطلع الأحداث من سياقها الزماني والمكاني في مسألة الرق والجهاد معناها لازم اطبق كل ما ذكر أعلاه بحذافيره
تعلن القوات المسلحة قسم التخلص من الفائض عن توفر تشكيلات من الغنائم البشرية من الجنسين بالمستودعات بمختلف الأحجام والألوان ممن إجتازوا معاينة السلاح الطبي . توجد باقات مشكلة جاهزة . على الراغبين تقديم الطلبات وملء الإستمارات .
ودامت الإنتصارات
(عدل بواسطة Amin Eltaib on 08-13-2017, 06:37 PM) (عدل بواسطة Amin Eltaib on 08-13-2017, 07:10 PM)
08-13-2017, 02:23 PM
elhilayla elhilayla
تاريخ التسجيل: 02-05-2002
مجموع المشاركات: 5555
الأخ أحمد أهكذا يسود الدين؟ وبين الشعوب التي عقدت العزم لتعيش على سطح القمر في العقد القادم؟ ونحن في ماذا؟
Quote:
بعد تغزو وتجاهد يمكن تطلع ليك بي 70 عب وسبعين أمة خواجية حمراااااااء أمريكية موش انت داير ليك واحدة صفراء ؟ تسر الناظرين ؟ ترجع ليك بي 70 واحدة .. امريكية .. لاتينية .. ايطالية واحدة تعصر ليك ضهرك واحدة تفلّيك وعب يمسح ليك ضهرك وإذا طقتك فلسة تبيع ليك عبين تسترزق
أدوا أمريكا حس الشاف الزول دا بكرة في واشنطن دي سي ما كضب ____ الحليلة
08-13-2017, 02:49 PM
أحمد الشايقي أحمد الشايقي
تاريخ التسجيل: 08-08-2004
مجموع المشاركات: 14611
Quote: يا هواري ياخي ارتقي لي مستوى القرن السابع ياخ نحن شايلين السيوف وراكبين الحصين يعني ثقافتنا ومعاييرنا ناس ومأكمة يضيق الباب عنها تقوم تقع لي في عصعصة الهوليوديين دي !
يا أحمد محمد عمر الشيخ حدد وظائف معينة للإماء الخواجيات و هي عصير الضهر و تفلية الشعر. الوظائف دي ما عندها أي علاقة بالمأكمة و لا بحُق العاج و لذلك لا دور لها في المفاضلة بين الإماء.. حتى تفلية الشعر دي ربما تكون عليها بعض القيود، و أنا حأرسل للشيخ أسألو: "هل يجوز للمسلم الغير مقمل إمتلاك أمة خواجية للتفلية؟"
هسة في ذمتك الحمرة الاباها المهدي وحباها المصطفى ومعاها الصفار الفاقع البسر الناظرين ديل تشوفن كيف وانت بفلوا فيك من وراء ولا بعصروا في ضهرك وانت راقد ووشك في السرير ؟ أكان الموضوع تفلية وعصير ضهر براهو ما كان الشيخ مرقها بينا في استراليا البعيدة ديك كان فكانا في الكنغو الديمقراطية حيث الجكس أبو عضلات تبش :)
Quote: هل يجوز للمسلم الغير مقمل إمتلاك أمة خواجية للتفلية؟
تعرف يا احمد الشايقي الزول دة قال الجواهو والدين البتمناهو الناس بكل تأكيد قامت عليه في الفيديو دة وأكيد الانتقاد حيتواصل بس مع الأسف زي ما قالوا احمد ادم وعبد الله عثمان فوق .. مافي زول يقدر ينكر عليه الكلام دة من ناحية دينية ولو كان فيه شوية فرقة كان هسة فيديوهات ابوبكر آداب ومزمل فقيري تتطاقش
08-13-2017, 03:12 PM
Deng Deng
تاريخ التسجيل: 11-28-2002
مجموع المشاركات: 52687
ما كتبه الأخ (Mohamed Adam) كلام مهم جدا، وأنا كنت عاوز أكتب كلام مشابه له. شايف الجميع أتخذوا من هذا الفيديو مجرد دعابة أو فكاهة سخيفة، ولكن يجب أن تعلموا أن هنالك تعاليم إسلامية تتفق في ما ذهب اليهالشيخ محمد مصطفى عبد القادر.
يا الحليلة الدين أكان نشره بقيف على تهريج ومنابزات محمد مصطفى وشتائمه هو وأتباعه كان حده التلاتة سنين الأوائل بعد الهجرة الدين ساد بي (ولو كنت فظاً غليظ القلب لانفضوا من حولك)
سلامات دينق القرآن ما فيه أي دعوة للاسترقاق والسنة بتتعامل مع أحداث تتاخد ضمن سياقها التاريخي والاجتماعي السائد آنذاك ما بتمسك واقع حربي عمرو 14 قرن وتجي تطبقه بحذافيره في القرن الواحد وعشرين
Quote: لإسلام رسالتان الأولى ويمثلها محمد مصطفى عبدالقادر وعبدالحي يوسف وأضرابهم و رسالة ثانية قعّد وبوّب لها الأستاذ محمود محمد طه ليس هنالك منزلة أخرى، بين المنزلتين، تتيح لم يتوهمها أنه آمن، اذا كان يدّعي الإسلام، فيحدثنا عن الوسطية وعن أن هذا لا يمثل الإسلام الخ الخ إذا أردتم أي اسلام، اليوم بغير ما قعّد وبوّب له الأستاذ محمود محمد طه، فعليكم بداعش بغير هذا فلا تظنن أنك يمكن أن تجمّل الإسلام بما ليس منه أو فيه رفعت الأقلام وجفت الصحف
يا دكتور عبد الله اصبحتم زي البائع المتجول شايل بقجته في ضهره متى ما لقى لمّة يفرش بقجته عايز يبيع بضاعته! عندنا منزلة بين منولة الجنريتر دا و بين منزلة ترك الصلاة البنعرفها دي و الاستعاضة عنها بالأصالة ولاّ شنو كدا وراضين بيها و بإذن الله تدخّلنا الجنة برضاء الله ورحمته بدون ما نتطرف شرقا مثل محمد مصطفى ولا غربا مثلكم
الشي التاني منهج محمد مصطفى رغم البقول فيه دا كله لكنه لا يجتمع مع عبد الحي يوسف ويختلف معه اختلاف اساسي رغم كل ما قال عن الجهاد لكنه لا يقره الا تحت حاكم و بأمره عكس عبد الحي الذي لا يرى بأسا في جهاد بن لادن ولا يراه خروج كما يفعل منهج محمد مصطفى فا و انت تكاور و تلم فرّز برضك
08-13-2017, 05:45 PM
أيمن الفاضل أيمن الفاضل
تاريخ التسجيل: 01-12-2013
مجموع المشاركات: 1013
Quote: ولكن يجب أن تعلموا أن هنالك تعاليم إسلامية تتفق في ما ذهب اليهالشيخ محمد مصطفى عبد القادر
صاح يا دينق وهناك تعاليم أخرى تختلف معه كل واحد بيمسك في التعاليم البتشبه أخلاقه المسالم بيمسك في تعاليم السلام والتسامح والمجرم بيلقى اراء مناسبة لي فهمه للحياة
08-13-2017, 06:56 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
المهرج المدعو محمد مصطفى ...اخد الكلام دا من الوهابي الحويني وتسجيل الحيويني قديم منذ سنوات موجود في اليوتيوب كهذا التسجيل وغيره أنا كنت شاهدته زمان فيديو ... ولكن الأن لم أجد غير صوتي فقط وهذا تشويه للإسلام واختزال للإسلام في صورة ناقصة ومشوهة ورعناء لم تفقه المقصد الإساس من الجهاد
08-13-2017, 08:46 PM
منتصر عبد الباسط منتصر عبد الباسط
تاريخ التسجيل: 06-24-2011
مجموع المشاركات: 4630
ثم أن هناك شي مهم جداً جداً هو أن الرق والاسترقاق ليس إلا عرف من الأعراف وليس من الأمور دعى لها الدين الإسلامي بل العكس ...أن الله سبحانه وتعالى كان يعلم بأن نظام الرق يقدر له الله عز وجل أن ينتهي العمل به في لاحق الأزمان وهو زماننا هذا... وهذا نجده في سورة محمد .. قال الله تعالى في سورة محمد : فَإِذَا لَقِيتُمُ الَّذِينَ كَفَرُوا فَضَرْبَ الرِّقَابِ حَتَّىٰ إِذَا أَثْخَنتُمُوهُمْ فَشُدُّوا الْوَثَاقَ فَإِمَّا مَنًّا بَعْدُ وَإِمَّا فِدَاءً حَتَّىٰ تَضَعَ الْحَرْبُ أَوْزَارَهَا ۚ نلاحظ أن الله سبحانه وتعالى لم يذكر خيار الاسترقاق بين الخيارات في التعامل مع الاسير ..فقط ذكر خيار المن وهو العفو بلا مقابل والفداء وهو الاطلاق بمقابل ...أما الاسترقاق فلم يذكر ... وما حدث كان يمارس باعتباره عرف عالمي متى ما تركه العالم تركه المسلمين ..
هؤلاء المهابيل يتجاهلون شي مهم جداً وهو أن نظام الرق تعامل معه المسلمون ونصوص التشريع الإسلامي باعتباره عرف وهو من باب التعامل بالمثل فمتى ما ترك العالم نظام الرق تركه المسلمون بل جعل الله العتق وتحرير المملوك من الرق من أعظم القربات التي يرضاها الله ويجزي عليها بالأجر الجزيل ويكفر بها السيئات العظام.... فكيف يرضى الله من المسلم أن يسترق الأسرى في وقت ترك العالم نظام الرق وهو ما ينسجم مع مقاصد الدين؟؟؟!!! هل الإسلام بهذا التحجر أم عقول هؤلاء هي المتحجرة !! والشي العجيب أن القرآن لم يأمر باسترقاق الأسير ولا في أي أية واحدة من الآيات وتجد في الإنجيل عشرات النصوص التي تأمر باسترقاق وسبي الأسرى فلماذا ترك النصارى الاسترقاق والسبي ونصوص كتبهم المقدسة لديهم تأمرهم بذلك ؟؟ ونحن المسلمين لم تأمرنا نصوص القرآن باستراقاق وسبي الأسير ومع ذلك تشن علينا هذه الدعاوي ؟! وهؤلاء الجهلة والرعن التكفيريين والكذابين لا يمثلون الإسلام ولا نصوص الإسلام ثم أن العالم تعاهد على ترك العمل بالرق وتراضى العالم كله على ذلك ... والله سبحانه وتعالى أمر بالوفاء بالعهود والتزام العرف قال الله تعالى في الأمر بالتزام العرف في سورة الأعراف : ((خُذِ الْعَفْوَ وَأْمُرْ بِالْعُرْفِ وَأَعْرِضْ عَنِ الْجَاهِلِينَ (199))) وكذلك أمر الله سبحانه وتعالى بالوفاء بالعهود والمواثيق قال الله تعالى: ﴿ وَأَوْفُوا بِالْعَهْدِ إِنَّ الْعَهْدَ كَانَ مَسْئُولًا ﴾ فممارسة الاسترقاق لأسير الحرب يكون جريمة في الإسلام لأن الإسلام ليس جامداً بل له قوانين وضوابط ليست متقيدة بحال ثابت أو ظروف ثابتة وهؤلاء المتحجرون الحمقى كالحويني وهذا المهرج المدعو محمد مصطفى لا يمثلون الإسلام إلا في عين وفهم من يكفر بالإسلام ويجهل الإسلام أوعند الأحمق الذي لا يفقه شيئاً
Quote: قال الله تعالى في سورة محمد : فَإِذَا لَقِيتُمُ الَّذِينَ كَفَرُوا فَضَرْبَ الرِّقَابِ حَتَّىٰ إِذَا أَثْخَنتُمُوهُمْ فَشُدُّوا الْوَثَاقَ فَإِمَّا مَنًّا بَعْدُ وَإِمَّا فِدَاءً حَتَّىٰ تَضَعَ الْحَرْبُ أَوْزَارَهَا ۚ نلاحظ أن الله سبحانه وتعالى لم يذكر خيار الاسترقاق بين الخيارات في التعامل مع الاسير ..فقط ذكر خيار المن وهو العفو بلا مقابل والفداء وهو الاطلاق بمقابل
ومقيدة بفترة زمنية يا منتصر (حتى تضع الحرب أوزارها) يعني دة إجراء حربي ينتهي بنهاية الحرب وكمان في آية أوضح من كدة (مَا كَانَ لِنَبِيٍّ أَن يَكُونَ لَهُ أَسْرَىٰ حَتَّىٰ يُثْخِنَ فِي الْأَرْضِ ۚ تُرِيدُونَ عَرَضَ الدُّنْيَا وَاللَّهُ يُرِيدُ الْآخِرَةَ ۗ وَاللَّهُ عَزِيزٌ حَكِيمٌ) دي بتقفل الباب وراء الاسترزاق من الجهاد والله أعلم
___________ غايتو د. عدنان ابراهيم أجره عظيم خلاص لأني كنت في طريقي للإلحاد بخطوات مهرولة عديل قبل أبدأ اسمع ليه وللحقيقة الاستاذ محمود برضو أجاب لي على تساؤلات حالت بيني وبين الإلحاد بس ما زي عدنان
08-14-2017, 05:42 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
Quote: وهو من باب التعامل بالمثل فمتى ما ترك العالم نظام الرق تركه المسلمون بل جعل الله العتق وتحرير المملوك من الرق من أعظم القربات التي يرضاها الله ويجزي عليها بالأجر الجزيل ويكفر بها السيئات العظام.... فكيف يرضى الله من المسلم أن يسترق الأسرى في وقت ترك العالم نظام الرق وهو ما ينسجم مع مقاصد الدين؟؟؟!!! +++ ونحن المسلمين لم تأمرنا نصوص القرآن باستراقاق وسبي الأسير ومع ذلك تشن علينا هذه الدعاوي ؟! وهؤلاء الجهلة والرعن التكفيريين والكذابين لا يمثلون الإسلام ولا نصوص الإسلام
العالم ترك الرق وصار جريمة دولية بتعريف الأمم المتحدة فهل يترك المسلمون الجهاد؟ وهو الباب المفتوح للرق والسبي.
ثم أن (أعظم القربات) هذه تتطلب (قرابين) مثلها مثل الأضحية، لا بد لها من مربي وراعي وبائع وسوق.
كاترين دينوف كيف معاك؟ أظن فيها باقي وبتضحي ليك.
08-14-2017, 06:15 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
الباقي 67 !!! اهم شيء الزولة دي يكون عندها فكرة عن البامية المفروكة وكمان تكون بتعرف { تسكلب } في البكيات
عندنا واحد كان عنده جلطة في المخ مرات بيتكلم ومرات بيشطح بعيد وكان في مستشفى الشرطة والله دخلت دكتورة ماشاء الله عليها .. ماتقدر تعاين فيها الا تقول الصلاة على النبي اها سالناهو دي عرفتها ؟؟ طوالي نسى موضوع الجلطة وقال دي ميمونة مرتي والله المستشفى كله انفقع بالضحك بما في ذلك ميمونة نفسها والتي ردت عليه ميمونة لو زي دي بتعرسك انت ياكحيان !!!!
ما اجمل المرأة السودانية يمكن بهذه الابتسامة ساعدت كثيرا في تكسير الجلطة ومنحتنا الفرح وسط غابات كثيفة من الحزن قال نيكول كيدمان قال
08-14-2017, 02:46 PM
وضاحة وضاحة
تاريخ التسجيل: 01-16-2005
مجموع المشاركات: 9116
Quote: لباقي 67 !!! اهم شيء الزولة دي يكون عندها فكرة عن البامية المفروكة وكمان تكون بتعرف { تسكلب } في البكيات
عندنا واحد كان عنده جلطة في المخ مرات بيتكلم ومرات بيشطح بعيد وكان في مستشفى الشرطة والله دخلت دكتورة ماشاء الله عليها .. ماتقدر تعاين فيها الا تقول الصلاة على النبي اها سالناهو دي عرفتها ؟؟ طوالي نسى موضوع الجلطة وقال دي ميمونة مرتي والله المستشفى كله انفقع بالضحك بما في ذلك ميمونة نفسها والتي ردت عليه ميمونة لو زي دي بتعرسك انت ياكحيان !!!!
ما اجمل المرأة السودانية يمكن بهذه الابتسامة ساعدت كثيرا في تكسير الجلطة ومنحتنا الفرح وسط غابات كثيفة من الحزن قال نيكول كيدمان قال
غايتوا يا ابو حراز يوم بتكتل ليك زول بالضحك ههههههههههههه بتبالغ الخواجات ديل بحبوا الشكلاتا ماعندهم مانع الواحدة تجيك جارية بلا هاند باك زكرتنى واحد شين عايش في بلاد الكفار قال لى الخواجات ديل مجدعات فى النجيلة هاملات ساى لواحدة تاشر ليها تجيك جارية الغريبة اتزوج منهم هههههههه هاك شوف دا
08-14-2017, 06:45 AM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 7712
كدي زول نجيض يشوف لينا تاريخ العالم سنة 600 م يشوف حياة الناس والعقد الاجتماعي انذاك حسب ما قريت العالم يتحرك في شكل صاعد للاعلي ولكنه مسار لولبي يعني يرتقي للامام ياجماعة قالوا ان عهد الرق كان ثورة للامام مقارنة بالمشاعية البدائية وكذلك الاقطاع بالنسبة للرق ف شنو دي حجوة ام ضبيبنة اي زول يخلي بالو في ورقو انا تبع هوليود
Quote: غايتو انا شايف اخير الاسترزاق من وراء الجهاد ول حكاية كتل الاسرى دي
الآية بالنسبة لي تفسيرها واضح : ما كان لنبي أن يكون له أسرى من أجل الإثخان في الأرض .. يعني التمكين ودي مؤكدة بعبارة تريدون عرض الحياة الدنيا ولو كان الموضوع قتل زي ما صور بعض العلماء ما كانت جات الآية دي بعد آية القتل (يَا أَيُّهَا النَّبِيُّ قُل لِّمَن فِي أَيْدِيكُم مِّنَ الْأَسْرَىٰ إِن يَعْلَمِ اللَّهُ فِي قُلُوبِكُمْ خَيْرًا يُؤْتِكُمْ خَيْرًا مِّمَّا أُخِذَ مِنكُمْ وَيَغْفِرْ لَكُمْ ۗ وَاللَّهُ غَفُورٌ رَّحِيمٌ)
Quote: فتح باب التسجيل في كتيبة اللواء اسفير أحمد، لكن شايف بكري قفلو، يمكن الربط تم...
بوست تشيف وفيديو شيخك جوة المسجد ما تشيف! انت ما كان تبقى قدرها وتقول التجمع في معهد الرشاد بالمناسبة تلميذ معهد الرشاد داك وين ؟ برنس عطبرة .. نعل ما عوجة ! :)
___________ بكري خايف على منبره آ جنا .. بكرة وكالات الاعلام تقول كتيبة داعشية لغزو امريكا تتجمع على منبر مواطن امريكي :)
أيامنا في الجامعة طلع فيلم تايتنك وعثرنا عليه بعد جهد جهيد مشينا حضرناهو مجموووعة كدي في كمبيوتر صاحبنا عذبتنا ليك كيت وينسليت .. واحنا صغيرين ما نعرفش حاجة يا بيه صاحبنا استبد بيه الشجن لمن غلبه - دة ماااا أنا لكن ما بحلف - قام قعد يتوحوح ويطلع في زفرات حاااارة ووسط اووووف كبيرة كدة قال يا ربي ممكن الواحد بعدين يلقى ليه بت زي كيت وينسليت دي ؟ صاحبنا قال ليه هوووووي ها العريبي المقطع دة لمن تكون بتشبه ليوناردو ديكابريو بعد داك فتش لي واحدة بتشبه كيت .. قال كيت قال ! :)
يا السنوسي الزول دة تكفيري وهو أساساً بجاهد في الصوفية من زمان بلسانه دة لكن إن سمع نصيحتي مااااا بقدر على الدراويش ديل خليهو يشوف لينا دولة مسكينة كدة نغزوها في البداية نطلع لينا بي رقيق نبيعو نتسلح بيه كويس حتى نقوم على باقي الناس :)
08-14-2017, 10:28 AM
امير بوب امير بوب
تاريخ التسجيل: 01-02-2013
مجموع المشاركات: 1552
بالله الشخص هذا طبيعي ؟؟ قبل فترة فيديو يتحدث فيه شيخ على انهم ياتون بالأفارقة ليعلمونهم أمور الدين ومن ثم يرجعون الى بلدانهم لينقلوا ما تعلموه لقبائلهم وشعوبهم وكان من بين الحضور في هذه الندوة مجموعة من الأطفال وسال الشيخ سؤالا عاما قائلا : بعض الأفارقة ناتي بهم الى هنا لياخذوا دورات تدريبية في الدين والعقيدة وما معناه وحينما يرجعون الى بلدانهم ............... فقاطعه أحد الأطفال حينما يرجعون الى بلدانهم { يحششون } !!!! اي يتعاطون المخدرات ولم يتمالك الشيخ نفسه من الضحك فلم يتوقع هذه الاجابة
رحمك الله يا { سنغور } ميتا وحياً فقد قلت عبارتك المشهورة والتي بامكانها ان تفتح الملائيين من فوهات الضوء في العقول المظلمة .. ولكن ...... !!!! قال سنغور : يجب علينا أن نتنفس هواء كل القارات في العالم !!!!!!!
08-14-2017, 11:24 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
يا هواري دي وزيرة في بلاد الحرب الفرنجة كاترين دينوف دي زمن بارجريت باردو بقن حبوبات هسة وبارجريت دي بالذات بشغلها تكنس اسطبل الخيول لأنها انتقدت عيد الضحية
08-14-2017, 12:52 PM
جمال ود القوز جمال ود القوز
تاريخ التسجيل: 01-25-2013
مجموع المشاركات: 5925
لا حول ولا قوة الا بالله .. يا جماعة الحكاية شنو ؟! ... والله حقو الواحد يقوم يجاهد فيكم .... ههههه .. أهذا مركز توزيع لبقاق وقرمبوز بني الأصفر والفرنجة ونحن ما جايبين خبر .. الامر ده فيهو اتلاف لأعصابنا ولاخلاقنا .. فيابكري يأخ ما تلحقنا من ناس حافظ ديل ..
لو سمحتوا ,, من يعرف التاريخ العلمى لهذا الرجل المتحدث فى الفيديو يمدنا بيهو عشان نعرف نحن متورين نفسنا مع منو؟ هل درس الرجل شريعة؟ هل درس ايٍّ من علوم القران. هل الرجل ملم بقواعد النحو والصرف؟
08-14-2017, 09:36 PM
Mohamed Adam Mohamed Adam
تاريخ التسجيل: 01-21-2004
مجموع المشاركات: 5443
Quote: لو سمحتوا ,, من يعرف التاريخ العلمى لهذا الرجل المتحدث فى الفيديو يمدنا بيهو عشان نعرف نحن متورين نفسنا مع منو؟ هل درس الرجل شريعة؟ هل درس ايٍّ من علوم القران. هل الرجل ملم بقواعد النحو والصرف؟
أكيد يكون درس كل ما ذكرت وزاد عليهو بأنه متفِقِّهِ دينيا!!!.. اول مرّه أسمع ليهو شريط تيقنت انه رجل عالم ومتبحر في علوم الدين... مسلكه مسلك زول متفقه في الدين!!!
08-14-2017, 09:47 PM
عبدالعزيز الفاضلابى عبدالعزيز الفاضلابى
تاريخ التسجيل: 07-02-2008
مجموع المشاركات: 8199
Quote: ول مرّه أسمع ليهو شريط تيقنت انه رجل عالمومتبحر في علوم الدين..
كيفك يا محمد؟شريط غير ده ,, غايتو انا اول مرة اشاهد له مادة .
بالمناسبة يا محمد أنا سبق ووعدتك ارجع ليك حول رأي وتساؤلات أبديتها انت فى بوست قديم ,, وللأسف لم أتمكن من العودة اليك.فأرجو المعذرة وحَلِّى من الوعد لأننى بصراحة نسيت ماذا كان الموضوعفاصبح شبه مستحيل ان أفى بوعدى لك ,, ولو قدرت تتذكَّر الموضوعأرجو تذكيرى حتى تعيننى على الوفاء وشكراً.
Quote: البنات ديل كلهم محجوزات و بالذات كورتيني دي ... والله صحي 😜
الخواجة أمير بوب الذي يسكن دار الحرب إنت قايل غزوة بريطانيا دي الأسرى بتاعنها منو؟ لو وقعت في ضمن السبعين بتاعني غالبا سأهبك كهدية للأمير المجاهد البرنس ود عطبرة و عشان إنت صاحبي حإتوسط ليك إنو وظايفك تكون قاصرة على مسيح الضهر و بس
Quote: أطالب بحذف هذا البوست وبايقاف أحمد محمد عمر وحافظ بشير ..
جمال ود القوز أنا زعلان من كلامك دا شديد لأنو رغم إنك من المخلفين الذين شغلتهم أموالهم و أهلوهم إلا أنني و بحكم الصداقة التى بيننا حجزت ليك إتنين لاتنيات ذوات دهن ما تخرش المية.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عبدالحفيظ ابوسن
عمر أبوعاقلة
عبدالمنعم الطيب حسن
محمد البشرى الخضر
أحمد الشايقي
ابوحراز
Mohamed Adam
نعمات عماد
Hatim Alhwary
مني عمسيب
عبدالله عثمان
عبد المنعم سيد احمد
elhilayla
Hafiz Bashir
Deng
أيمن الفاضل
حاتم إبراهيم
منتصر عبد الباسط
Bashasha
Elsanosi Badr
وضاحة
جمال ود القوز
علي دفع الله
طلحة عبدالله
عبدالعزيز الفاضلابى
فيس بوك
تويتر
انستقرام
يوتيوب
بنتيريست