|
دعواتكم لزميلنا المفكر د.الباقر العفيف بالشفاء العاجل
|
|
 Re: أخبار المصري الجلدوه 18 سوداني في لندن شنو (Re: حمزاوي)
|
Quote: سرعة انتشار الفيديو
والتمرير عبر كافة القروبات السودانية
في حلقات مفقودة تبحث عن إجابات
وصاحب العقل يميز |
سلامات ابوروضة ... اها يكون الحصل شنو في رأيك؟
مؤامرة من تنظيم العالمية مثلا لشغل السودانيين وكدا ولاّ الحاصل شنو
| |
  
|
|
|
|
|
|
|
 Re: أخبار المصري الجلدوه 18 سوداني في لندن شنو (Re: حمزاوي)
|
الحصل يا حمزاوي
بائع سجائر مصري ملتحي يبدأ تسجيل فيديو
بالبسملة والصلاة على النبي
ثم ينتقد سياسات بعض دول الخليج تجاه مصر
ومن بعد ذلك ينهال
على السودانيين نبذ
شي عنصرية وشي إهانة امات
وبعد ذلك انتشر الفيديو كما تنتشر النار في الهشيم
وتطوع الكثيرين بنشر هذا الفيديو
وأصدرت التصريحات
وتحركت حملات أدوات التواصل الاجتماعية الانتقامية
ولم تهدأ إلا بتسجيلات توضح تبني السفارة السودانية للموضوع
والقائم بالشؤون القانونية
ثم أعقب كل ذلك بتصريحات وتوضيحات
بأن المصري تم ضربه ضرب مبرح
وقامت السلطة باستلام عدد 18 سوداني
ونقل المصري للمستشفى
واليوم برضه كانت حكايات وحكايات
ولا زالت الأخبار تتوالى
| |
|
|
|
|
|
|
|
|
|
Re: أخبار المصري الجلدوه 18 سوداني في لندن شنو (Re: فرح الطاهر ابو روضة)
|
Quote:
لماذا اختار السودانيين بالذات
بما يمس الشرف والعرض والإساءة للهوية السودانية
هل لانها تمثل موضوعات ذات حساسية عالية
لكل السودانين دون سؤاهم
|
يا وهييييييط خش الضل عليك الله وما تركب حمير الضيفان ساااهي ( )
الزول دا في كلامو لم يخص السودانيين دون غيرهم
تحدث عن السعودية وقطر ايضا
ليه السودانيين فاروا وحلفوا يدقوه ..
دا السؤال المحتاج اجابة ....
كلمة عبيد دي بترفع الادرينالين في السودان .. ليه؟!
شاحد الله يجيك مقنع الكاشفات ود الباهي ويخلي ريحتك طير طير
المهم يخربني كان فهمته الشاهد ومناسبة البوست :)
| |
|
|
|
|
|
|
|
|
|
Re: أخبار المصري الجلدوه 18 سوداني في لندن شنو (Re: سامي عطا المنان)
|
الرواية الأولى بتقول المصري اندق وفي 18 سوداني محتجزين
الرواية التانية انه السودانين مشوا للمصري في المحل وليد منهم
ولسه منتظرنو
الرواية التالتة
انه المصري موجود في مكان عملو ومواصل عادي
المهم يا سامي كل الحكايات دي ممكن
ما لم يحققه الفيديو حتى الآن أن تتناوله الصحف الخليجية أو ناشطين خليجين
ودي حسب استنتاحاتي يا سامي أحد أهم أهداف الفيديو ده
المهم نتابع وننتظر
| |
|
|
|
|
|
|
|
|
|
Re: أخبار المصري الجلدوه 18 سوداني في لندن شنو (Re: فرح الطاهر ابو روضة)
|
كتب أحد الأصدقاء من كتاب لنعوم تشومسكي رد على موضوع مطروح للنقاش
إستراتيجية الإلهاء:
هذه الإستراتيجية عنصر أساسي في التحكّم بالمجتمعات، وهي تتمثل في تحويل انتباه الرّأي العام عن المشاكل الهامّة والتغييرات التي تقرّرها النّخب السياسية والاقتصادية، ويتمّ ذلك عبر وابل متواصل من الإلهاءات والمعلومات التافهة. إستراتيجية الإلهاء ضروريّة أيضا لمنع العامة من الاهتمام بالمعارف الضروريّة في ميادين مثل العلوم، الاقتصاد، علم النفس، بيولوجيا الأعصاب و علم الحواسيب. "حافظ على تشتّت اهتمامات العامة، بعيدا عن المشاكل الاجتماعية الحقيقية، واجعل هذه الاهتمامات موجهة نحو مواضيع ليست ذات أهمية حقيقيّة. اجعل الشعب منشغلا، منشغلا، منشغلا، دون أن يكون له أي وقت للتفكير، وحتى يعود للضيعة مع بقيّة الحيوانات." (مقتطف من كتاب أسلحة صامتة لحروب هادئة)
| |
|
|
|
|
|
|
|
|
|
Re: أخبار المصري الجلدوه 18 سوداني في لندن شنو (Re: فرح الطاهر ابو روضة)
|
صباح الخير
المصرييين كلهم ربطة معلم وبي اجهزة اعلاموم شايلين حسّنا وماقاعدين نرد عليهم ونظرات التعالي والاستعداء المجاني ده عامل احتقان لي ناس كتار واقرب مثال ماحصل مع الجزائر
وماعندو علاقة بي نظام حاكم وبي امانة اكتر شعب غالبيتو عولاق ودنئ وقليل نخوة ومروة وطولت لسان في الفاضي ولامن يردو ليهم وبي ايو طريقة يقعدو يولولو هم بكرهونا لي وعملنالهوم ايه
بنكرهكم من عمايلكم ياااخ
ابو روضة اتا بتكتب سااااي ولو زول قاليك حاجة طوالي تلصق ليو كوز وارزقي
ولو اتا ومعاك على دفع شايفين انو كلمة تودينا وكلمة تجيبنا مدحا او ذما احب اقولييكم بالعكس ياااخ على الدين متواضعييين وماقاعدين نهتم بالميديا زي المصريين وفي مليون قضية هم بتناولوها ويكبروها ونحنا مطنشييين والمصرييين ديل بمختلف اشكالوم لو واحد جاب سييرة امو ونبزها مابنفعل لكن مصر والمصرييين تلقاووو قايم بي نمرة خمسة ودي الحسنة الوحيدة فوقوم عكسنا طبعا لانو شوفنا بكون الكيزان قالو شنو وعثمان سيد الدكان قال شنو
| |
|
|
|
|
|
|
|
|
 Re: أخبار المصري الجلدوه 18 سوداني في لندن شنو (Re: حامد بدري)
|
يا حامد بدري
يعني هسي انت يا حامد بدري عملت ساتر عشان ما أقول ليك يا كوز
ههههههههههه ياخ والله دي بالغت فيها
داخل السطر
انت بتكتب في سودانيات يا حامد واتلاقينا هنا برضه
حصل أنا قلت ليك يا كوز أو لمحت بذلك
اذا الإجابة لا
لأنك ماكوز
والمتاكد منه تماما أي عضو انا قلت ليه كوز
يا فعلا كوز
أو سلكو سلوك كيزان
المهم انا متفق
معاك في حكاية كراهية المصريين للسودانيبن دي
من كم يوم تحدثت بعض الصحف عن اكتشافات أثرية جديدة بمنطقة البجراوية
وانتقلت المستقلة الي هناك وبثث برنامج من عدة حلقات
طلعت الصحافة المصرية
تسأل الحكومة المصرية عن الآثار الفرعونية المصرية الموجودة في السودان
شفت كيف انحنا متفقين
| |
|
|
|
|
|
|
|
|
|
Re: أخبار المصري الجلدوه 18 سوداني في لندن شنو (Re: الامين موسى البشاري)
|
يا البشاري انا عارف
انت قلت شنو
وقلنا ليك صاح المصري ما تحدث عن السودانيين براهم
عمل ليه وش بأمية
وبرضه قلت حكاية الهوية والعرض دي حساسة عند السودانين
ده القلتو انت ولا غيرو في شي مكتوب بالحبر السري
لو ياهو
لو ملاحظ في مداخلتك الأولى كررت كلام اصلا انا قلتو
وأضفت عليه سؤال
هل اختار المصري بائع الصحف هوية الشعب السوداني وما يمس
عرضه من فراغ
السؤال ده مع مجموعة أسئلة في بداية البوست لسه ما وجدت ردود
غير الانتهازي ود الباوقة قال عليها
تنميط
المهم
يا انت الشايلك حمار النوم
يا في حاجة حارقاك في البوست ده عايز تكبها
وعشان ما تقعد تنطط زي الراكب ليك في ياي
ياخ كبها عليك الأمان
| |
|
|
|
|
|
|
|
|
|
Re: أخبار المصري الجلدوه 18 سوداني في لندن شنو (Re: فرح الطاهر ابو روضة)
|
اخر الأخبار من مدينة برايتون
المصري سيتم طرده من المملكة المتحدة بإعتباره مهاجر غير شرعي وسيحاكم بتهمة التحريض
علي الكراهية ولن يقدم السودانيون الذين ضربوه لأي محاكمة كما نددت منظمات المجتمع المدني
البريطانية بما جاء في فحوي الفيديو وطالبت بترحيل المصري
تحصل موقع ( الكوتش ) على آخر تطورات الموقف من انجلترا حول المصري الذي أساء إساءات
بالغة للسودان وعدد من دول الخليج، في مقطع ( فيديو ) وتعرض بعدها لإعتداء من بعض السودانيين
في مدينة برايتون القريبة من لندن والتي يقيم ويعمل فيها في أحد محلات بيع السجاير.
أهم هذه التطورات والمعلومات، ان مجلس الجالية السودانية في لندن تأكد من عدم وجود سودانيين
محتجزين لدى الشرطة على خلفية اعتدائهم على هذا المسيء، وان ( العلقة ) التي تعرض لها لم يشارك
فيها 18 شخصاً، بل هم 4 أشخاص من الذين تعرفوا عليه بعد رحلة بحث ناجحة، حيث عُثر عليه مختبئاً
في مدينة برايتون بعد أن تعمد الغياب عن العمل عندما شعر بالبحث عنه وأضطر لمغادرة مسكنه الذي تم
التعرف عليه أيضاً من صاحب المحل الذي يعمل فيه، ورغم ذلك تم العثور عليه وضربه، ومن المفارقات
ان صاحب المحل الذي يعمل فيه من أقباط السودان واستنكر الفعل الذي قام به هذا المصري.
المعلومة المهمة الثانية ان الشرطة الانجليزية استلمت ( الفيديو ) وسوف يتم ترجمته بواسطة متخصصين
من الشرطة نفسها وفقا للبلاغ الرسمي الذي قام بفتحه مجلس الجالية السودانية في لندن مساء الاحد 26 فبراير
بمركز شرطة بادنغتون بالرقم التالى CWRT00964184.
وعلى صعيد آخر، تعالت أصوات الاستنكار والتنديد بما أقدم عليه هذا الشخص، وبادر مجلس الجالية المصرية
في لندن بتقديم اعتذارات كثيرة وقرر رئيس الجالية المصرية بلندن زيارة دار الجالية السودانية بلندن لتقديم اعتذار
رسمى بوجود الرابطة النوبية السودانية والرابطة النويية المصرية وعدد من الجاليات بالمدن البريطانية الأخرى،
وتم الترحيب بهذا التصرف من مجلس الجالية المصرية وفي نفس الوقت تم التأكيد على الاستمرار في القضية لدى
الشرطة البريطانية وعدم مناقشة أي تنازل من الجاليات السودانية ببريطانيا عن البلاغ والملاحقة القانونية لهذا
الشخص وتم تخصيص فريق من القانونيين السودانيين لمتابعة الأمر بمتابعة من رئيس الجالية السودانية في لندن المهندس محمد الفاتح النعيم.
:::::::
| |
|
|
|
|
|
|
|
|
|
Re: أخبار المصري الجلدوه 18 سوداني في لندن شنو (Re: فرح الطاهر ابو روضة)
|
طلعت مؤامرة من الأخوان اولاد الهرمة !!
أقترح عشان ننفّسها ليهم و نفوت عليهن الفرصة ناس الجالية يسحبوا البلاغ و يمشي وفد منهم يعتذر للمصري عن الجلدة ويعملوا ليلة تكريم يحييها الكورال أبو حجاب :)
يا ابوروضة مؤامرة شنو الله يهديك,الغرض منها شنو و الفايدة الح تعود على الأخوان شنو بالضبط
| |
|
|
|
|
|
|
|
|
|
Re: أخبار المصري الجلدوه 18 سوداني في لندن شنو (Re: محمد البشرى الخضر)
|
انت أسخر زي ما عايز يا ود البشرى
وانا مع الهرج والمرج وتضارب المعلومات والإصرار على هذا
النشر بل واتهام بعض المؤتمرجية للمخابرات المصرية بأنها وراء الفيديو
بأن لإخوان مصر وكيزان السودان يد في هذا الفيديو
من إنتاجه الي توزيعه وتضارب المعلومات بشأن مصير المصري
وال 18 سوداني
انخفضوا الي 4
وأخيرا لا شي كيف
لإخوان مصر مصلحة في ذلك الأمر الذي يدفعهم بتكليف أي مصري
هارب من مصر بلعب هذا الدور
وكيزان السودان برضه لهم أهداف
المانع شنو برفض الاحتمال ده يا ود البشرى
والخلي المخابرات المصرية تقف وراء العمل دون اعتراض منك
ويبري ساحة الكيزان شنو
| |
|
|
|
|
|
|
| |
فرح الطاهر ابو روضة
محمد البشرى الخضر
الامين موسى البشاري
سامي عطا المنان
قسم الفضيل مضوي محمد
حامد بدري
ابراهيم عبد الوهاب
عثمان حسن المتعارض
فيس بوك
تويتر
انستقرام
يوتيوب
بنتيريست