|
دعواتكم لزميلنا المفكر د.الباقر العفيف بالشفاء العاجل
|
|
 Re: أجود ما يمكن شراؤه من تبغ ... تبغغغغغغغغغغ (Re: يحي قباني)
|
آي والله يا قباني
مارلبورو بتذكر
وساكيننا بيهو في المجلات ذات الغلاف الملون المصقول
وبنسون اند هدجز
اند دي عرفنا معناها قبل يدرسونا الانجليزي
بعدينك السجاير كان قشرة في الحفلات واماكن اخري كما يقول صديقي امرق علبة البنسون والولاعة الناس ترقد سلطة
قال ليهو اديني سجارتك دي ابشر بيها واجيبها ليك راجعة
| |
 
|
|
|
|
|
|
|
|
Re: أجود ما يمكن شراؤه من تبغ ... تبغغغغغغغغغغ (Re: muntasir)
|
شكرا يا يحي
ذكرتني يا خ
كنا في الابتدائية ومنتظرين ندخل الثانوي عشان ندخن
وكان المسؤولين في البلد لما يزوروا الوالد ونجيب القهوة طوالي تطلع علبة
البنسـون (منتج انجليزي مكتوب عليه .. صنع خصيصاً للسودان) .. كنا بلـد
ومرات كدا عمك مدير كبير يطلع الكدوس وعلبة التبغ الفاخرة
الكدوس في خشمة وطالع باللاندروفر أخر متعة وجنصصة
كنا نقول متين نصل المرحلة دي .. أها وصلناها وما لقيناها
والاعلانات لي مارلبورو بالخيل والحبال انشوطة والكاوبوي يلف الحبل
ويرميه طوالي على رقبة الحصان البري
متعة ياخ
أحمد الشايقي
| |
|
|
|
|
|
|
|
|
Re: أجود ما يمكن شراؤه من تبغ ... تبغغغغغغغغغغ (Re: أحمد الشايقي)
|
| Quote: تبغ فرجينيا ذو السلالة الفائقة أجود ما يمكن شراؤه من تبغ ،يا سلام ياخ لسة متذكرها من كم سنة حقوا الواحد يرفع قضية عليهم صدق أربعة من الكابويات بتاعين مارلبوروMarlboro man ماتوا بي أمراض ناتجة من التدخين |
انت يا مونتا كنت بتدخن ؟
انا غايتو اول سجارة عمري 12 سنة ...
كانت أبو نخلة ... شربتها في اخر فرع في شدرة الجوافة الفي بيتنا ...
و الكبريته ربطتها فوق الفرع ...
بالله دوختها متذكرها لي يوم الليلة ...
انتهينا زماااان من القصة دي ... و الخواجات زاتو عقدونا في حنانا ...
| |
|
|
|
|
|
|
|
|
|
Re: أجود ما يمكن شراؤه من تبغ ... تبغغغغغغغغغغ (Re: يحي قباني)
|
مرة ركبنا حميرنا ماشين لزواج في الحلة الجنبنا مسافة خمسة ستة كيلوا.
وصلنا هناك وربطنا الحمير في اقرب دومة وقدلنا على مكان العرس.
بجاي بجاي قالوا لينا ماعنهم حفلة.
طيب رقيص عروس في؟
برضو قالوا مافي،
صاحبي محجوب سب دين وقال لهم :" طيب علبة برنجينا دي نشربها ليكم وين؟"
| |
|
|
|
|
|
|
|
|
|
Re: أجود ما يمكن شراؤه من تبغ ... تبغغغغغغغغغغ (Re: MOHAMMED ELSHEIKH)
|
تعال إلى حيث النكهة ======== مارلبورو
أجود ما يمكن شراؤه من تبغ === روثمان
دخّن الذهب ============ بينسون
كل سجارة عندها الثيمة بتاعتها ..... لحدي ما نميري منع إعلانات السيجاير
في الحفلات كنا بندخّن كنت أو سالم زي ما كنا بننطقها (ديل أكثر وجاهة وفيهم زيادة قشرة)
تجيب المحن يا قباني
| |
|
|
|
|
|
|
|
|
|
Re: أجود ما يمكن شراؤه من تبغ ... تبغغغغغغغغغغ (Re: أبوبكر عباس)
|
Quote: شكرا يا يحي
ذكرتني يا خ
كنا في الابتدائية ومنتظرين ندخل الثانوي عشان ندخن
وكان المسؤولين في البلد لما يزوروا الوالد ونجيب القهوة طوالي تطلع علبة
البنسـون (منتج انجليزي مكتوب عليه .. صنع خصيصاً للسودان) .. كنا بلـد
ومرات كدا عمك مدير كبير يطلع الكدوس وعلبة التبغ الفاخرة
الكدوس في خشمة وطالع باللاندروفر أخر متعة وجنصصة
كنا نقول متين نصل المرحلة دي .. أها وصلناها وما لقيناها
والاعلانات لي مارلبورو بالخيل والحبال انشوطة والكاوبوي يلف الحبل
ويرميه طوالي على رقبة الحصان البري
متعة ياخ
أحمد الشايقي |
سعادة المستشار يا حبيبنا ...
و الله كانت متعة ... و الدنيا كانت رايقة ...
الغريب في الامر انو المارلبورو على كترة اعلاناتو ما كان عنده سوق ...
و طبعا طعم البنسون الخصيص لا يعلى عليه ...
| |
|
|
|
|
|
|
|
|
|
Re: أجود ما يمكن شراؤه من تبغ ... تبغغغغغغغغغغ (Re: يحي قباني)
|
Quote: مرة ركبنا حميرنا ماشين لزواج في الحلة الجنبنا مسافة خمسة ستة كيلوا.
وصلنا هناك وربطنا الحمير في اقرب دومة وقدلنا على مكان العرس.
بجاي بجاي قالوا لينا ماعنهم حفلة.
طيب رقيص عروس في؟
برضو قالوا مافي،
صاحبي محجوب سب دين وقال لهم :" طيب علبة برنجينا دي نشربها ليكم وين؟" |
ود الشيخ يا دفعة ...
و الله البرنجي سمح ... لكن علبته العاملة زي مفحضة حبوبتي كان شكلها ما سياحي ...
| |
|
|
|
|
|
|
|
|
|
Re: أجود ما يمكن شراؤه من تبغ ... تبغغغغغغغغغغ (Re: يحي قباني)
|
Quote: تعال إلى حيث النكهة ======== مارلبورو
أجود ما يمكن شراؤه من تبغ === روثمان
دخّن الذهب ============ بينسون
كل سجارة عندها الثيمة بتاعتها ..... لحدي ما نميري منع إعلانات السيجاير
في الحفلات كنا بندخّن كنت أو سالم زي ما كنا بننطقها (ديل أكثر وجاهة وفيهم زيادة قشرة)
تجيب المحن يا قباني |
وين يا عجوز ...
كنا بنجيب سجاير الموور البنية للبنوت ... بنكهة النعناع ...
و كان كانن شوية متفتحات ... علبة سايدر على جنب كده ...
تتذكر كشة عمك حسن عبيد الشايقة رحمه الله ... كان يشمشم الاصابعين ...
بالله بقينا نجيب مشبك غسيل او الملقاط حق البنات في جيبنا نمسك بيهو السجارة في الفسحة ...
| |
|
|
|
|
|
|
|
|
|
Re: أجود ما يمكن شراؤه من تبغ ... تبغغغغغغغغغغ (Re: يحي قباني)
|
| Quote: فيكم زول دخن سجاير دينار ؟ |
دعايتو بتقول (دخن دينار .. تلقاهو شعار) ... أو حاجة قريبة من كده.
| Quote: الله بقينا نجيب مشبك غسيل او الملقاط حق البنات في جيبنا نمسك بيهو السجارة في الفسحة ... |
بالله كنتو بتدخنو بالمشبك؟
أنا كنت ماخدها أبسط من كده.
كنت بمسك السجارة بالشمال ... وعمك بيشم اليد اليمين بس.
| |
|
|
|
|
|
|
|
|
|
Re: أجود ما يمكن شراؤه من تبغ ... تبغغغغغغغغغغ (Re: عمر أبوعاقلة)
|
Quote: ابو نخلة و بحاري ديل أول أمبارح القريبة دي يا الصادق ..
فيكم زول دخن سجاير دينار ؟
😊 |
محمد محمود يا صديقي ...
انحنا كنا ناس قمشة ... و كت العدم ...
أي تباكو تلف و انتهينا ...
يمين مرة كان في سجاير فلت فرنساوي اسمو جيتان ...
تلفها زي القمشة ... راسك تلف زي المسطول ...
| |
|
|
|
|
|
|
|
|
|
Re: أجود ما يمكن شراؤه من تبغ ... تبغغغغغغغغغغ (Re: يحي قباني)
|
Quote: الروثمان كان طائرة مقلعة ويقول:
روثمان كينج سايز تأتيكم طازجة من لندن
في نهاية السبعينات كنّا في منتخب الجزيرة لصغار الكرة الطائرة، ومدني كانت مهووسة بالفولي
المهم:
:البشوت كرة خارج الميدان بنقول ليهو:طازجة أو روثمان |
وين يا بكور ...
الروثمان كان جميل لكن ما لحق البينسون ...
تتذكر غنا القعدات ...
احرق البينسون ... حسابو علي ...
الليلة يا كمال* ... حسابو علي
دايراك تعال ... حسابو علي ...
و تغلب الهلال ... تلاتة لففف
كمال طبعا كمال عبد الوهاب سيد الاسم الله اديهو العافية ...
| |
|
|
|
|
|
|
|
|
|
Re: أجود ما يمكن شراؤه من تبغ ... تبغغغغغغغغغغ (Re: يحي قباني)
|
قبانى سلام
اذكر فى دعاية السينما .. إعلان سجاير بصوت حمدى بدر الدين الله يديهو الصحه والعافية
أذكر منه .. "التبغ الفريجينى الفاخر" الفاء تنطق V .. وفى آخر الإعلان .. تعال للفتر ستبقى للنكهة
يخيل لى كان سجاير روثمان
أها الفرجينى ما عرفتها مقصود بيها تبغ ولاية فرجينيا الأمريكية إلا لما جينا أمريكا
ما عارف زمان كيف كان سجاير أمريكا لكن الآن بيقد السدور وبيعطنوه نكوتين
من أجل الإدمان عليه
| |
|
|
|
|
|
|
| |
يحي قباني
عبدالحفيظ ابوسن
أحمد الشايقي
MOHAMMED ELSHEIKH
محمد أبوالعزائم أبوالريش
الصادق اسماعيل
محمد محمود محمد
عمر أبوعاقلة
احمد الشيخ
فيس بوك
تويتر
انستقرام
يوتيوب
بنتيريست