|
|
|
 Re: آمنتو بي الله (Re: عبدالحفيظ ابوسن)
|
زول بفهمها طايرة
وبرضو عندو معلومات من باطن الارض
ما هو سر الحملة المسعورة علي مصر
واتس
فيس
مواقع
حاجات تدهشك
خرجت بغتة
انا شخصيا شكيت والله
راينا في بعض المنتجات المصرية قلناهو قبل كدة ولم نجد اذنا صاغية
اتفاقية مياه النيل
سد النهضة
ووقفنا ضد دعوة الكاروري لتوطين المصريين في الشمالية
وكتير
لكن بلغة موضوعية
القصة هسة بقت فوبيا عديل
هو في ايه
| |
 
|
|
|
|
|
|
|
|
Re: آمنتو بي الله (Re: عبدالحفيظ ابوسن)
|
كيفك يا ابوسن
مصر خافت من التقارب السوداني الخليجي وخائفة أكتر انو يمتد ويشمل اثيوبيا وجتوب السودان
والجقلبة دي كلها لا اهرامات ولا حاجة ياها الموية دي
بس السودانيين ما حريفين في إدارة الأزمات واللعب على المتناقضات ومستعجلين لترجيح الكفة
والمصريين فاهمين اللعبة دي وعايزين يشتتوا تركيز السودانيين عشان ما يحققوا مكاسب كبيرة من التقارب دا
تذكر لما كان العكس ما جايبين سيرة للسودان ومركزين بس في الدعم الخليجي
بس هم كمان ما بترادو ساي كدا لله
| |
|
|
|
|
|
|
|
|
|
Re: آمنتو بي الله (Re: حمد عبد الغفار عمر)
|
والله يا حمد
بي ليمونة ما بتبلعو لي
لكن كتير الكلام دة
وبستهين بعقولنا
مصر من زمان من زمن ناصر دايرة تختنا تحت اباطا
الحكومات عندها قول والشعب عندو قول
الحكومة لعبت علي وتر حساس وخطير
لا ملكونا حقيقة ولا خلونا لذكاوتنا
نحن كدة بنكاجرم
عارفينهم موضوعهم لعبة قردية
لعبة وداخلها غش
وبأكلونا البالوظة
عارفينهم
| |
|
|
|
|
|
|
|
|
|
Re: آمنتو بي الله (Re: عبدالحفيظ ابوسن)
|
اخونا عبدالحفيظ ......سلامات .....
الحملة من تأليف وإخراج تنظيم الاخوان المسلمين ...الذي يقود الحملة المسعورة ضد مصر ....لخلخلة نظام السيسي ....ويقوم بدور البطولة بعض مشيخات الخليج ....والكمبارس نظامنا لقاها فرصة لصرف النظر عن أزماته وشال الدلوكة ونزل في الدارة يبث المقاطع التي يعلم أنها تمس كرامة السودانيين وكبريائهم ...محاولآ لحشدهم في جانبه او تحييدهم او اشغالهم بملهاة جديدة الي حين .....دول الخليج خسرت في حروبها المفتعلة في سوريا واليمن ..وتبحث عن مخارج ...وغضبهم علي سيسي مصر تتعدد دوافعه ...قطر خسرت بإبعاد مرسي وجماعته وكانت ترجو ونأمل من ورائهم الكتير ....ولاد عبدالعزيز لن يغفروا السيسي تمنعه عن مساعدتهم بجيشه في اليمن....بجانب وقوفه مع نظام بشار في سوريا نوعآ ما .....علي كل حال نظام البشير مثل المومس تفتح لكل من يطرق علي الباب ...ومشيخات النفط وجدت راقصآ لمقطوعاتها المنكرة ولا يهم نشازه وابليس لو حكم مصر لما حكمها باسوأ من حكم السيسي ولكن السيسي له حسنة وحيدة هي أنه أفضل لمصر من عصابة الاخوان المسلمين !!!!! .......الفلم قديم ومكرر وساذج والبشير من يهود يهود آل سعود .....الي مقاول انفار لتوريد الجند للعمل تحت إمرة آل سعود والحساب بالدولار ...ربنا يلطف بنا جميعآ
| |
|
|
|
|
|
|
|
|
|
Re: آمنتو بي الله (Re: عبد الرحمن عبد المجيد طه)
|
يا عمّك الأوّل فا الأوّل
ما تراه حملة على مصر ما هو إلاّ رد فعل
كان موضوع الأغذية الملوّثة فا من أخرجه للعلن هو الإعلام المصري إثر تداعيات قرار أمريكي بحظر استيراد الفراولة ثم عندما اتخّذ السودان قرار فنّي لا سياسي استهانوا بينا في اعلامهم وتكرّرت عبارة (حتّى السودان)
ثانيا موضوع الأهرامات الإعلام المصري من بدأ الموضوع بتناولهم السخيف و المسيئ لزيارة الشيخة موزا
وقبل ذلك تسجيل الواتساب للمصري الجاهل من لندن
فا لو بحثت في جذور كل شيئ ح تلقى انو الموضوع لا يتجاوز رد الفعل
لكن هل هناك جهات معينة مثل الأمن السوداني او الاخوان المسلمين مستفيدين من اثارة الموضوع أم لا دي ما بقدر افتي فيها
لكن الواضح لي أن السودان لم يبدأ حملة الإساءات إنّما استجاب لها وهذا طبيعي
| |
|
|
|
|
|
|
|
|
Re: آمنتو بي الله (Re: عبدالحفيظ ابوسن)
|
يا ود البشري
ما قلنا شي
ولا سكيت منو البادي
لكن مش انت شايف الحملة مسعورة وبشكل منظم
من متين نحن بنتكلم عن سوء المنتجات المصرية
لماذا الآن بهذه الشراسة
| |
|
|
|
|
|
|
|
|
|
Re: آمنتو بي الله (Re: عبدالحفيظ ابوسن)
|
دا زمن الميديا المفتوحة و الساهلة يا ود اب سن
لولا استهزاءهم بالسودان و مقولة (حتى السودان قاطعتنا) ما كنت سترى نفس رد الفعل
من المهم البحث عن الجذور بدل استسهال اللجوء لنظرية المؤامرة
| |
|
|
|
|
|
|
|
|
|
Re: آمنتو بي الله (Re: محمد البشرى الخضر)
|
طيب قبل كم يوم في عرب قوت تالانت سخروا سخرية مريرة من مشترك سوداني وبلغة عنصرية فجة ومباشرة
ما شفت رد فعل كدة
ناس الحكومة نبذونا وقالوا شحادين وقالوا اتكالين وانا ذات نفسي جبت كم تصريح مهين لينا من قبل مسؤولين ولا حصل رد فعل لهذه التصريحات رغم الميديا المفتوحة
انا
مع الرد
الرد الذي يثبت لهم اننا افضل منهم ولا نردح ردحي الحواري المصرية
واننا نشبه نفسنا في طريقة ردنا عليهم
مش مشاجرة
وحرب كلامية ساذجة
انا لا احب الحكومات المصرية ابدا فهي لم تكن يوما سندا لنا . لكني لن افقد موضوعيتي معهم . ليس من اجلهم فهم لا يستحقون ولكني اضن بنفسي ان انحدر لدرك العوالم والرداحات
| |
|
|
|
|
|
|
|
|
|
Re: آمنتو بي الله (Re: عبدالحفيظ ابوسن)
|
الاخ محمد البشري .....لم اقل أن السودان يقود حملة ضد مصر ...او حتي مشترك في حملة مزعومة ...قلت ان نظام الخرطوم مجرد كومبارس وأقل ...وابطال الحملة هم السعودية وقطر ولكل اسبابه ......
| |
|
|
|
|
|
|
|
|
|
Re: آمنتو بي الله (Re: عبد الرحمن عبد المجيد طه)
|
اها يا عبدالرحمن عشان كدة قلت داير واحد من
الضربو للنملة منكير
يفهمنا
ارفض ان اكون دمية غبية
او
مسرح عرائس
السودان اولا واخيرا
الناس دي تنبح حلايب ليها كم سنة
حلايب مسألة سيادة
وقرينا تصريحات بعض المسؤولين حولها
وان بعض الخونة يريدون افساد العلاقة الازلية
وهي قضية لا ترقي لي شنو
ووو
نحن كشعب ماسكين قضيتنا وما بنقع في الهوروب
| |
|
|
|
|
|
|
|
|
|
Re: آمنتو بي الله (Re: عبدالحفيظ ابوسن)
|
مصر دولة جارة
ومنطق السياسة والامن والاقتصاد وغيرو بقول مفروض علاقتنا تكون طيبة معاها
طيبة علي شريطة عدم الوصايا
شريطة الندية
شريطة المصالح المشتركة
السيادة
عدم التدخل
جارك في البيت تضرك عداوته وتنفعك مصالحته خلي دولة لها آلاف الكيلومترات المفتوحة بينكم
| |
|
|
|
|
|
|
|
|
|
Re: آمنتو بي الله (Re: عبدالحفيظ ابوسن)
|
سلامات اخونا عبدالحفيظ وضيوفك الأفاضل.
من وجهة نظر خاصه، مياه النيل ليست بالمشكله المباشره والتي تؤرق مضاجع مصر، وإنما هنالك مشكله أخري تسبب اكثر إزعاجٱ لمصر بل تعتبرها مسألة حياة وموت ألا وهي ان مصر:
فقدت موقعها الإستراتيجي كوسيط ظل يتاجر بقضايا ، الشرق الأوسط، العالم الإسلامي والقاره الإفريقيه وبين الدول الكبري وذلك منذ زمن!
مصر منذ آماد بعيده كانت تقتات علي قضايا تلك المناطق وتقبض الثمن بأسهل مايكون!!
الآن ظهر لها منافس شرس وخطير، وهو دولة قطر والتي سحبت البساط من تحت أقدام مصر ام الدنيا!!!..
جمال عبدالناصر كان عندو مقوله مشهوره عن دولة قطر يقول:
دويلة قطر عباره عن نقطه علي خريطة العالم!
تلك الدويله الآن جهجهت سير باكات مصر !!!
لكن...
دعونا نمر علي بعض الأدوار التي لعبتها قطر مما زاد حنق مصر عليها:
قطر صارت تقتسم نفوذ عالميه مع الدول الكبري Hegemonies
١/ دولة قطر الصغيره، دخلت مصر بإعلامها، أموالها، وعلاقاتها الدوليه وكانت فاعله ومؤثره في تغير نظام مصر أم الدنيا وتم طرد مبارك وجماعته والزج بهم في السجون.
٢/ كذلك كانت احد شركاء فرنسا عندما ترددت فرنسا من دخول مالي لوحدها فوجدت تشجيع مادي ومعنوي من دولة قطر مما جعل فرنسا وبكل ثقه تقاسمها النفوذ مثلها ومثل بريطانيا او امريكا الكتف بالكتف وخرجت قطر بسمعه دوليه أكثر مما نتصور بالذات الدول الغربيه.
٣/ قطر دخلت مع الحلفاء ليبيا وكانت مشاركه في طرد القذافي وكانت شريك مهم للحلفاء بليبيا بقيادة ماما امريكا بل تقاسمت ومازالت تتقاسم حصتها من النفط الليبي هناك
٤/ قطر الآن متواجده بسوريا، العراق، اليمن وبثقلها الدوبلماسي ، الإعلامي والإقتصادي!
٥/ قطر (قناة الجزيره) موجوده في كل قارات العالم صغيرها وكبيرها تصنع في الأحداث العالميه وبشكل يومي!
٦/ قطر الآن تقود وساطات توكل إليها من الأمم المتحده وبعض التنظيمات العالميه الاخري وإتفاقية الدوحه التي جمعت بين الحكومه وثوار دارفور شاهد علي فعالية هذه الدوله وأهليتها في لعب هكذا ادوار(تمرين للدوبلماسيه القطريه).
٧/ قطر الغاز الطبيعي ودا موضوع كافي لان يجعل مصر تشيط غضبٱ وتبكي علي اطلال ماضيها كما تبكي الآن علي أطلال اجدادها الفراعنه!
وهنالك أمور اخري قد لا اجد الزمن الكافي لسردها تؤكد علي تنامي دور قطر وتراجع دور مصر.
٩/ قطر الآن زاحفه علي إستثمارات الطاقه المتجدده وغزو أفريقيا(مياه، طاقه بديله) لتسهل العمليه للجماعه الكبار !
١٠/ قطر اليوم كدوله منفتحه علي كل العالم وهذا يعني بها كل العقول العالميه في حين نجد مصر مقفوله فقط للعقول المصريه وشتان مابين هذا وذاك من حيث التجارب الإنسانيه التي تصب في تنمية وإدارة الدوله!
١١/ الآن دولة قطر بثقلها في السودان وفي معظم دول افريقيا لتتأكد من أن مصر لاتتعدي حدودها الجنوبيه وهذا يجعل مصر حانقه اكثر من قطر وليس من السودان.
١٢/ دولة قطر بريادة قناة الجزيره دخلت اليمن مع تحالف السعوديه وكانت بافغانستان، الباكستان زمان الحرب الامريكيه عاي طالبان ومازالت قطر هناك!
مصر الآن راجعه للخلف بمعدلات خرافيه(إقتصاد معظمه قائم علي أكتاف أجدادهم الفراعنه لم ينموه ولم يطوروه، تعليم تجاوزه الزمن، سياسات داخليه وخارجيه غير مستقره، الدين كله قشور مما ينعكس سلبٱ علي الرأي العام، نظام حكم غير مواكب لتقلبات الحاضر،إعلام غير محايد...) كل تلك السلبيات المصريه نجدها عند الجانب القطري تعتبر إيجابيات وبإمتياز!
|
| |
|
|
|
|
|
|
|
|
|
Re: آمنتو بي الله (Re: عبد الرحمن عبد المجيد طه)
|
سلامات ود اب سن وزواره الأفاصل ..
مع احترامي كم مرة سمعنا مرضى رجعو من مصر و اكتشفو أنهم فقدو كلية مع ذلك ظللنا ساكنين ..
خلى مصري يجي السودان وتنشال منو كلية ..
شوف لو ما الاعلام المصري فضحنا في أركان الدنيا الأربعة ..
ياخي ديل عشان مشجعين كورة فلعو ليهم باص بالحجارة قالو يصحو ليهم رئيسم !
بعدين هسه واسائل التواصل دي خلت الكتوف تتلاحق ما زي زمان الناس اسيرة الاعلامهم بس .
| |
|
|
|
|
|
|
|
|
|
Re: آمنتو بي الله (Re: محمد على طه الملك)
|
عفوا أخ عبد الرحمن, تعليقي كان على حديث ابو سن رغم انه جاء تحت مداخلتك فبدا كأمه تناولها, لك العتبى
يا ود أب سن رغم ان المقطع الاشرت ليه بتاع عرب قوت تالنت لم ينتشر كما انتشررت مقاطع استهزاء الإعلام المصري بالسودان في حادثتي المقاطعة و الأهرامات لتقارن رد الفعل لكن هذا لا يعني أن الحملة ضد مصر مفتعله او تخدم اجندة ما لآخرين .
ببساطة إن كان فعلا هناك مؤامرة فهذا يعني تواطؤ إعلام مصر فيها!! وهذا ما لا يقبله العقل بالطبع.
مسالة الردود على اهانات المسؤولين الإنقاذيين رغم أنه حينها انتظمت في الأسافير و الميديا المفتوحة ما يشابه ردود الفعل الآن إلاّ أن المقارنة أيضا ليست في محلّها, فالإساءة التي تأتي من الغريب وموجهه لك من حيث انّك سوداني يختلف وقعها عن الإساءة السياسية ممّن يشاركك الجنسية.
ماقادر ابلع فكرة افراغ الشعور الوطني الذي يرفض ما يمس كرامته من معناه و تجييره باعتباره يخدم اجندة آخرين بهذه البساطة
| |
|
|
|
|
|
|
|
|
|
Re: آمنتو بي الله (Re: محمد البشرى الخضر)
|
عشان نساعد الزول الكحَّل النملة و حنّنا يا اب سن
نسأل: متى بدأ الفساد في تصنيع الأغذية في مصر ؟
و ما هي وكم عدد الحالات المرَضية في السودان
التي ثبت أن سببها الأغذية المصرية المُفسَدة ؟
| |
|
|
|
|
|
|
|
|
|
Re: آمنتو بي الله (Re: عمر سعيد علي)
|
لربما يكون الأخ عبدالحفيظ يقصد شيء و أنا (لفحت )الكلام و سقته لجانب آخر..لكن ما بيضر ..
.....و دائما الكلام بيكون حمّال اوجه...الكلام ده عشان أجد مخرج قانوني لي نفسي..
المشكلة إنه لما يكون في شيء ضاغط عليك و عايز تقوله و تلقى موضوع سااكت فيه ريحة لي موضوعك تقوم طوالي تكبّه.
معليش استحملنا في اللفحي ده ....عارف قلبك كبير.
| |
|
|
|
|
|
|
|
|
|
Re: آمنتو بي الله (Re: عبدالحفيظ ابوسن)
|
قال سفير السودان بمصر عبد المحمود عبد الحليم، إن الإعلام المصري شن حملة ممنهجة ضد السودان، وخلق جوًا سيئًا ومحبطًا للعلاقات بين البلدين امتد إلى جمهور السوشيال ميديا، الذي سخر من التاريخ السوداني.
وأضاف عبد الحليم في مداخلة هاتفية مع الإعلامي خيري رمضان في برنامج “آخر النهار” المُذاع عبر فضائية “النهار”: “تصريحات وزير الإعلام السوداني عن مصر مبررة، فبعض نواب البرلمان تحدثوا سلبيًا ضد السودان واتهموا البشير أنه يجب أن يذهب إلى مصح عقلي، وهناك محافظ قال إن السودان أرض الكوليرا، ولدينا رصد كامل لمسؤولين مصريين تطاولوا على السودان، لا يمكن أن نلوم وزير الإعلام السوداني”.+
وتابع: “السوداني تهاجمه، لكن لا تحط من كرامته وخياراته، فهذا يثير أي سوداني حتى المسؤولين”.
ودعا السفير، إعلام البلدين لتوخي الحذر، قائلًا: “ما يعز وينصر مصر ينصر السودان”.
ورد خيري، بأن التعامل بين الحكومات يجب أن يتم عبر المنابر الرسمية، ولو هناك تجاوز يجب أن يتقدم للخارجية المصرية بنقل وجهة النظر السودانية”.
وعن توتر في العلاقات المصرية السودانية بسبب ما يزعم أنه مساعدات مصرية لجنوب السودان، قال السفير: “هذه شائعات تم ترويجها، وساهم فيها الإعلام المصري، العلاقات الرسمية لا يمكن أن تتأثر”.
وكان وزير الإعلام السوداني قال إن السودان لديه أهرامات أعرق من أهرامات مصر، وهو ما أثار غضب الإعلامي خيري رمضان.
أحلام عبد الرحمن
| |
|
|
|
|
|
|
|
|
|
Re: آمنتو بي الله (Re: عبدالحفيظ ابوسن)
|
| Quote: والكمبارس نظامنا لقاها فرصة لصرف النظر عن أزماته وشال الدلوكة ونزل في الدارة يبث المقاطع التي يعلم أنها تمس كرامة السودانيين وكبريائهم |
يعني انت متفق إنك في مقاطع بتمس كرامة السودانيين لكن رافض إثارتها !!!
عمل هذه المقاطع نفسه ما مشكلة لكن إعادة بثها بواسطةنظام الإخوان المسلمين هو المشكلة ؟!!
_______
سلامات للجميع
| |
|
|
|
|
|
|
|
|
|
Re: آمنتو بي الله (Re: Shaker Hamid)
|
الاطماع المصرية في السودان معقدة ومتشعبة
فرض وصاية .. وتبعية .. واطماع في الارض وفي المياه وكسوق وكعمق استراتيجي ووووو
ومصر كانت داعمة لكل السلطات الديكتاتورية في السودان .. وكانت سببا في وأد الديمقراطية هنا
قطر مصالحها في السودان واضحة ومباشرة ومعروفة
ببقا
موقفنا نحن
لن يعتلي احدهم ظهرك ما لم تنحني له
هم يريدون ذلك المهم في نظري ماذا نريد نحن
كيف لنا ان نستفيد كوطن من علاقاتنا الدولية . وعلي اي اسس
اقول نستفيد كدولة وليس افراد او مجموعات
مصر مهددة جدا من قبل قطر والامارات .. مهدد دورها كدولة محورية في المنطقة . هذا امر يخصها
رغم ان موقف اعلامها قصر نظر منها . مصر مستفيدة جدا من السودان . حداشر طيارة يوميا تهبط في القاهرة قادمة من السودان غير البصات والبواخر
المهم
موقفنا نحن وليس موقفهم
التنابذ الطفولي الساذج وفبركة الاخبار لن يخلق سياسة خارجية جيدة . بل سيرضي الرغبات الشعبية
نريد علاقة جوار تحفظ للدولتين سيادتهما
ونريد علاقة صداقة مع قطر من اجل مصلحة السودان وسيادته
لا نستجديهم ولا نرض بالذل
ولن ندافع عن شعورنا الوطني فلسنا متهمين
بل تلك مزايدة نرفضها
| |
|
|
|
|
|
|
|
|
|
Re: آمنتو بي الله (Re: عبدالحفيظ ابوسن)
|
يا حبيبنا أب سن دا البوست التاني أقراهو
ليك دون أن أعرف انت عايز تقول شنو واللا الفكرة
شنو ..؟؟؟؟؟؟؟؟؟؟؟؟؟؟؟
المصاروة القاعدين ينشتموا هنا وفي أي مكان
قلوا أدبهم وشتموا السودان وشعبه وأرضه ردحا
من الزمن والناس مطولا ليهم البال ومادين حبال الصبر
لغاية ما وصلوا حد انقطع فيهو الحبل دا .. عشان
كدا قاموا عليهم القومة الانت شايفا دي..
الشرع ذاتو حلل رد الظلم والعدوان يا خينا .
.................
أشتموا المصاروة ما شتموكم تصحوا .
| |
|
|
|
|
|
|
|
|
|
Re: آمنتو بي الله (Re: عبدالحفيظ ابوسن)
|
سلام أبو سن وضيوفك ..
كتب الأخ عبدالرحمن عبدالمجيد ...
((((((( وابطال الحملة هم السعودية وقطر ولكل اسبابه ......)))))
_______________________________
انا لا اعتقد ان السعودية تقود حملة ضد مصر ..
فهي كانت قد أوقفت النفط عن مصر في الشهور الماضية
والان تم إعادة تسلميها الشحنات النفطية كاملة ..
كما أعلن وزير التخطيط المصري عمرو دراج أن بلاده تتفاوض مع السعودية
للحصول على قرض بقيمة 500 مليون دولار لتمويل عجز الموازنة وإن التوقيع سيتم خلال الأيام المقبلة.
المصدر جريدة الرياض امس الاثنين
تحياتي ,,
| |
|
|
|
|
|
|
|
|
|
Re: آمنتو بي الله (Re: محمد مجيدو)
|
اوووو طلحة
تعرف يا صاحب شكلي بقيت اجليها واقفة رغم اني بحاول اشوت في القون
ومتخيل نفسي ابنت ما وسعتني لغتي ومعرفتي
بوست التحرش كان حول تجربة اشراقة في ان تكتب عن تجربة حقيقة ومعاصر . وبي ادلتها . في محاولة لمحاربة هذه الظاهرة بكشف التحرش وفضح المتحرش . واشراقة فقط نموذج
وهنا
مصر لي الليلة بعض كتابها يطالبوا بي استعمارنا واننا نتبع لهم . ويتدخلون في الشأن الخاص لنا برضاء قادتنا . وحتي المنتجات الهسة بنحارب فيها ما جديدة . ولا حلايب ولا ولا
قنواتهم شغالة نبذ وبعض كتابها . وبالمناسبة برضو في قنوات مصرية بتنبذ مصر بواسطة مصريين جزء منهم ناس خمسطاشر مايو وجزء ناس مبارك وجزء ناس مرسي وجزء ليبرالي
اها
نحن اشتهرنا بالفكر والموضوعية في التحليل السياسي والمنطق
شنو البخلينا ندخل مجال النبذ والردحي
ما بشبهنا
| |
|
|
|
|
|
|
|
|
 Re: آمنتو بي الله (Re: محمد مجيدو)
|
تحياتي الإخوة الكرام ......الاخ محمد آدم تكلم باسهاب عن رؤيته المشكلة وركز علي انحسار الدور المصري وتمدد الدور القطري ....الدور القطري تمدد بعد أن تلفحت قطر بثوب التنظيم الاسلامي ....وقبله كانت مجرد ( أوضة وصالة )!!! كما يصفها الاعلام المصري طويل اللسان ......وحكاية قطر مع التمدد بدأت عام ١٩٩٥ مع التغيير الناعم في هرم السلطة وإحلال الابن مكان أبيه ....وهناك همس مكتوم يقول إن كل الخطط والترتيبات لذلك التغيير تمت داخل السفارة السودانية بالدوحة وهناك جهات معارضة سودانية تعرف ذلك ....!!!!!! وانحسار الدور المصري بدأ عام ١٩٦٧ .....وانحناءة عبدالناصر لتحية الملك فيصل في منزل المحجوب بالخرطوم توطئة للتهدئة وطلبآ للمدد .........لكن مصر لم تقر ونعترف بانحسار دورها واستمرت في تبجحها الاعلامي واساليب الأجهزة الخفية .....قطر كانت نسيآ منسيآ قبل أن تتحجب ..وتحف الشوارب وتعلو اللحي .......وتسلط لسانها عبر الجزيرة علي الدول التي شاخت او تظنها كذلك. وتطرح نفسها بديلآ فتيآ للكهول. ...وقد عانت منها حتي دول الخليج .....
الاخ احمد محمد عمر ....هذا ما اعنيه ...ونظام الخرطوم وجد فرصة وهو غير معني بكرامة السودانيين او مهتم للرد علي صفاقة الاعلام المصري ...لكنه يتظاهر لحشد البعض أن الهاء الآخرين عن متاعبه المتعددة ...
الاخ محمد مجيدو ...السعودية إعادت شحن النفط عبر ارامكو بعد إشارة الاب الروحي ....!!! والحقيقة نحتاج لفهم شفرة دافنشي وإجادة التفرج علي تحريك حجارة الشطرنج لنستوعب ما يدور ....
| |
|
|
|
|
|
|
|
|
|
Re: آمنتو بي الله (Re: عبد الرحمن عبد المجيد طه)
|
Quote: شنو البخلينا ندخل مجال النبذ والردحي ما بشبهنا
|
رد الظلم والعدوان يا حبيب .. تماما كما أمر الشرع ..
ما بشبهنا كونه نبدأ بالإساءة والتريقة والسخرية على
الغير .. معروفين بتواضعنا ونبلنا الخ الخ .. لكن دا
لا يعني أن نكون حمير يركب علينا البسوى والما بسوى .
ما بشبهنا دي يا أب سن جابتنا تحت ولسة ح تجيبنا أكتر
ما لم نغيرا ولو من باب:
(إِنَّ الله لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ ).
| |
|
|
|
|
|
|
|
|
|
Re: آمنتو بي الله (Re: طلحة عبدالله)
|
سلام اب سن و الضيوف الكرام
العلاقات السودانية المصرية لم تكن يوما طبيعية و صحية لانها لم تبني علي اسس صحيحة.
و العلاقة مختلة من الاساس فالمصريين ينظرون للسودان نظرة دونية و انه كان يوما ما من املاكهم و يتحسرون علي تفريطهم فيه
و الان ينظرون علي اساس انه الحديقة الخلفية لمصر و دائما مصر الرسمية تنظر للسودان كملف أمني و انقلاب الانقاذ ظنوا انه انقلابهم فهم تآمروا علي ديمقراطيتنا المؤودة ...
العلاقة تحتاج الي تعريف جديد بعيد عن لغة العواطف و الشعارات مبنية علي الندية و المصالح المشتركة و حسن الجوار و عدم التدخل في الشئون الداخلية..
| |
|
|
|
|
|
|
|
|
|
Re: آمنتو بي الله (Re: طلحة عبدالله)
|
الجابنا تحت يا طلحة اخوي ما السكات
الجابنا تحت سؤ السياسات الخارجية وارتباطها بمصالح فردية
الجابنا تحت تغليب المصلحة الشخصية علي المصلحة العامة
اما نحن الشعب
معروفين كنماذج فردية وجماعية خارج الوطن و داخله
نضيفين ووطنين
وما بنرضي الذلة ولا الحقارة
| |
|
|
|
|
|
|
|
|
|
Re: آمنتو بي الله (Re: عبد الرحمن عبد المجيد طه)
|
ياريت لو كان الدور المصري في السودان واقف على المسار السياسي ..
تصدقو المصريين شايلين توكيلات عدد من الشركات العالمية نيابة عن السودان ..
تصدقو أو ما تصدقو أزمة مشروع الجزيرة كأكبر مشروع مروي من النيل ومحاولة تقليل منفعته وراءه الفي بالي وبالكم ..
تصدقو او ما تصدقو أي حراك سوداني تنموي اقتصادي نحو العالم الخارجي متابع عن قرب من الفي بالي وبالكم ويتدخلون فيه ..
تصدقو أو لا تصدقو أن مصر لازالت تعتقد أن اي شيء يخص السودان لازما يمر من تحت أنفها ..
ؤ زي ما قال عبد الحفيظ مصر دائما كانت محرضة وداعمة للأنظمة العسكرية في السودان ..
بس دا ما بمنعني أقول الشعب المصري أفضل شعب يعمل لمصلحتة الوطنية ولو كان بايدو كان نقل أي شيء في الدنيا لبلدو.
| |
|
|
|
|
|
|
|
|
|
Re: آمنتو بي الله (Re: محمد على طه الملك)
|
تسلم الملك
اها قالوا وزيرنا ووزيرهم ضربوا لي بعض . ما عارف الضرب اول منو
اتطايبو واتسالمو وقالوا لازم يقعدوا في الواطة مع بعض لأنو ولأنو العلاقة ازلية وووو
وادانوا التفلتات الاعلامية الشعبية شفت كيف
وما بعيد يطلعو مادة تدين كل من يتعرض لتلك العلاقة
اها الناس بتكسكس لي ورا ولا بتقيف دوت
نشوف
| |
|
|
|
|
|
|
|
|
|
Re: آمنتو بي الله (Re: عبدالحفيظ ابوسن)
|
وما الري المصري منكم ببعيد
ياود الملك
شوف مصر تلبت السودان ومشت الجنوب
وتحاول تغيير الواقع على ارض الجنوب
بعيدا عن تأثير تقرير الcnn
نظام الخرطوم
بيلاوي ويعافر النظام المصري في ليبيا
لانتزاع دور اقليمي
وتقربيا انتزع اعتراف امريكا والاتحاد الاوروبي
النظام المصري احرج نظام الخرطوم في تدخله
في الشأن الاثيوبي محاولة منه لعرقلة قيام السد
وتغيير النظام القائم بافتعال تظاهرات عرقية بين
الاوروميو والامهرا.
محاولة خروج نظام الخرطوم من العزلة الدولية
والتعاطي من دول الخليج كمن يريد تقسيم الشرهة
او الكعكة الى نصفين وذلك ما لا يريده نظام السيسي
دخول قطر ممثلة في الشيخة موزة على الخط وزيارتها
لآثار السودان وما كتبته في دفتر سجل الزيارات
يرمي الى شيء واحد الرد على النظام المصري في منطقة
الخاصرة الرخوه كون السياحة في مصر تمثل عصب الاقتصاد بجانب اشياء اخرى
توشك على الانهيار.
دخول قطر في تنمية آثار النوبة خطة طويلة الامد وتتبعها
تنمية للبنية التحتية والسياحة بغرض ضرب مصر في صميم
سياحتها مع برامج تاريخية واعلام قوي وممنهج عن سبق السودان التاريخي وثراءه
وتنوعه مما يجعل السودان قبله للسياح والزوار خصما على الشقيقة.
والحديث ذو شجون
| |
|
|
|
|
|
|
|
|
|
Re: آمنتو بي الله (Re: sadig mirghani)
|
يا صادق يا صديق ..
| Quote: دخول قطر في تنمية آثار النوبة خطة طويلة الامد وتتبعها تنمية للبنية التحتية والسياحة بغرض ضرب مصر في صميم سياحتها |
بس في دي ما معاك ..
ياريت الناس تفهم أنو مشروع قطر في ترميم الآثار ودعم البحث والتنقيب وأعداد البنية التحتية ..
لم يكن وراءه جهد حكومي رسمي ولا في بال حكوماتنا شيء من هذا القبيل ..
دي كانت مجهودات من أبناء السودان في قطر نجحوا في لفت نظر الأسرة الحاكمة فكانت الزيارة الأولى لابنة الأمير التي فتحت الأبواب لكل ما تلى.
| |
|
|
|
|
|
|
|
|
|
Re: آمنتو بي الله (Re: محمد على طه الملك)
|
شيخ العرب كيفنك
يازول والله الناس ديل كتروها عدددددديل ياخ
وانا شخصيا شايف انو الناس تواصل تردمهم في القبل الاربعة.................... ولى زمان الدبلوماسية الناعمة العالم دي دي الحلول الديبلوماسية ما مجدية معاها
والشغل العقلاني مابقسم مع الجمهور دا .
اتداخلت في كم صفحة مصرية بطريقة عقلانية يازول عينك ماتشوف الاالنور وقعوا ليك فينا نبذ وشتيمة
الله يعين ياخ بس
تحياتي
| |
|
|
|
|
|
|
|
|
|
Re: آمنتو بي الله (Re: محمد على طه الملك)
|
يا ود اب سن ديل نظامين متشابهين كل منهما يحمى ظهر الآخر ..
زيما تفضلت في كل تاريخ السودان مافي نظام حكم في السودان كان أنفع لمصر زي الحكم المعروف بالتركي والنظم العسكرية بعد الاستقلال .
| |
|
|
|
|
|
|
|
|
|
Re: آمنتو بي الله (Re: طلحة عبدالله)
|
معليش طلحة
حرقت روحك يا حبيب
مرات انا بعنقد
تعرف يا صاحب نحن كشعب موقفنا من مصر ياهو ثابت . اسأل عشرة انفار وحتعرف النتيجة
لكن انا ما بتكلم عننا ابدا
بتكلم علي الهوجة القايمة من قبل اهل السلطة ومجتهدين فيها اجتهاد شديد بجرو فرملة ويرفعو كراعهم من الابنص
ولا بواصلو معانا
نقدنا لعلاقة مصر المشوهة معانا ما سكتنا منها زمان ولن نسكت الان
| |
|
|
|
|
|
|
|
|
|
Re: آمنتو بي الله (Re: عبدالحفيظ ابوسن)
|
تمام با ود أب سن متفقين خالص .
نحن كعشب وبلد ما لينا علاقة بالسياسة في البلدين ..
لما يطلع خنيث يشتمنا دي حقارة وقلة أدب
تستحق الضرب بجزمة قديمة سيدا طالع يا دااب
من حظيرة خنازير مريضة .
................
أشتموا أي حثالة يشتمكم وربنا معاكم
| |
|
|
|
|
|
|
|
|
|
Re: آمنتو بي الله (Re: عبدالحفيظ ابوسن)
|
ود الملك ازيك
آمنتو بالله
لو هيئة تنمية آثار النوبة جهد ابناء السودان في قطر
ياريت يكون كلامك صحيح
ولكن الشيخة موزة استخدمت الزيارة
لصالح ضرب علاقة السودان بمصر
مع ان الزيارة في ظاهرها بريئة
عموما مصر تسير في تدهور سريع
نحن اساسا واقعين الواطة
لكن نشر دعاية الغذاء الملوث بمصر دي
ضربة لي مصر في صميم تجارتها الزراعية
كما وان ايرادات قناة السويس في تناقص
والبترول والغاز يسد العجز الداخلي
اعتقد بأن مصر أخطأت بعدم تحالفها مع
دول الخليج في حرب اليمن
والخليج يرد الصاع صاعين
| |
|
|
|
|
|
|
|
|
|
Re: آمنتو بي الله (Re: sadig mirghani)
|
الأستاذ عبد الحفيظ ابو سن
اعذرني للدخول في البوست والاعتراض على استغرابك للكراهية التي دبت فجأة من قبل السودانيين
تجاه مصر.. ولا اقول الشعب المصري ولكن النظام المصري والإلام الرسمي المصري.. وذلك على الرغم من اني لست عضوة
في منبركم العامر وانما اكتب خلسة بباسويرد بسمات وبعلانية في بوست التوثيق العطبرواي بتصريح منها..
الا يكفي ان تحتل دولة جزءا من اراضي دولة اخرى لتدب الكراهية والغل والتشفي ؟
يكفي ان الحكومة المصرية تحتل جزءا من ارض السودان...
واذا كانت الحكومة المصرية تدعي انهم أجروا استفتاء بين السكان الذي ن يقيمون على ارض مثلث حلايب وان السكان
اختاروا ان يكونوا تابعين لمصر... فنقول لهم خذوا سكانكم معكم اذا اختاروا الجنسية المصرية ومبروك عليكم ولكن دعوا ارضنا
ولا تحتلوها بقوة السلاح ونحن نرى في الفضائيات القوات المصرية وهي متحصنة ومتأهبة بالسلاح وكانها تنتظر هجوما من القوات
السودانية .... يعني احتلوا ارض السودان بقوة عين...
ده مش كفاية عشان نثور الثورة دي كلها.
مع وافر التحيات
امتثال
| |
|
|
|
|
|
|
|
|
|
Re: آمنتو بي الله (Re: Basamat Alsheikh)
|
سلام يا ابوسن
ياخ المصريين استسهلوا وصم السودانيين بالعبيد ..
{ الهلال عــــبــــيـــــد من السودان }
للأسف ما عندنا حكومة ترد الاعتبار
جريدة اليوم السابع المصرية بتاريخ اليوم الثلاثاء 21 مارس 2017
تحت عنوان : قرعة الكونفدرالية.. مواجهة مغربية خالصة.. وسموحة يواجه ضحية الأهلى
| |
|
|
|
|
|
|
|
|
|
Re: آمنتو بي الله (Re: علاء سيداحمد)
|
حبابك امتثال
يعني لازم نجي الاول في النبذ ويقولو نحن نباذين اكتر منهم
شوفي
حكومتنا استهانت بينا مع المصرين
المصري يخش الليلة ويخش السوق شغال لا ضرايب لا زكاة لا محلية ويطاردوا في اولاد البلد
السوداني يتهان في مطار القاهرة ودة حصل لي شخصيا
يخش مصر وهسة مطالبين برسوم الاقامة
حكومتنا ما محافظة علي هيبة الوطن
السفير القاعد هناك بسوي في شنو
نحن ما ننبذ ناخد حقنا بس
ونبدا بآلاف المصرين اللافين وسط الاحياء يبيعو للنسوان في البيوت
يتعاملوا بالمثل كأجانب مش كلام علاقة ازلية وبطيخ
حلايب والصيادين البتعرضو ليهم المصرين
وو
النبذ والله ما حقنا
| |
|
|
|
|
|
|
|
|
|
Re: آمنتو بي الله (Re: عبدالحفيظ ابوسن)
|
* اجمل ما في الموضوع في اعتقادي احياء الشعور الوطني عند السودانيين.. لاسيما وان مناسبة احياء هذا الشعور مرتبطة بأمجاد تأريخية كانت تقبع في خزانة النسيان وفي الطرف المهمل من الذاكرة الجمعية ..
* لا اكره المصريين ولكني لن اتعاطف مع غبائهم المطلق عندما يتعلق الامر بوطني ..ناهيك ان يتجلي هذا الغباء في صورة شتائم واساءات ..
* يحتاج المصريون لهزة عميقة وحتى يفيقوا من اوهامهم تجاه السودان ..
* المياة هي المهدد الرئيسي لشعب مصر والذي يعيش تحت مستى الفقر المائي وقد شارف المئة مليون .. نضوب الاراضي الصالحة للزراعة .. الحوجة لاستصلاح الاراضي الجديدة .. هذه عناوين تكفي لان يتخلوا عن عنجهيتهم المفرطة تجاة السودان ..
* اتطلع لعلاقات صحية بين الشعبين.. علاقات غير صحية كما هو الحال غير مرحب بها ..
* اعلام السيسي لا اعلام مرسي هو السبب الرئيسي .. الامر لا علاقة له بتنظيم الاخوان المسلمين لا في السودان ولا في مصر
* لا اعطي التنافس في الادوار الاقليمية والعالمية بين قطر ومصر ادنى وزن .. مصر هي اللاعب الرئيسي في المنطقة والجيش المصري يمثل الرفم الصعب عند الحديث عن امن واستقرار وتوازن القوى في الشرق الاوسط .. امنح مصر دورا اهم من السعودية في هذا الاطار بالتأكيد.
* المصريون يخسرون معاركم بغباء منقطع النظير دونما شك ..
مودتي لحقيظ والذين معه
| |
|
|
|
|
|
|
|
عبدالحفيظ ابوسن
حمد عبد الغفار عمر
حيدر حسن ميرغني
عبد الرحمن عبد المجيد طه
محمد البشرى الخضر
محمد عبد الله الحسين
Mohamed Adam
محمد على طه الملك
معاوية الزبير
ANWAR SAYED IBRAHIM
Shaker Hamid
طلحة عبدالله
محمد مجيدو
Nasser Amin
علاء سيداحمد
محمد حيدر المشرف
فيس بوك
تويتر
انستقرام
يوتيوب
بنتيريست