يا بكري .. بالله أضيف لينا خانة ( القبيلة ) في البروفايل ☹️

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 23-06-2018, 05:48 AM الصفحة الرئيسية

مدخل أرشيف للعام 2016-2017م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
30-12-2016, 05:39 AM

يحي قباني
<aيحي قباني
تاريخ التسجيل: 20-08-2012
مجموع المشاركات: 12100

للتواصل معنا

FaceBook
تويتر Twitter
YouTube


يا بكري .. بالله أضيف لينا خانة ( القبيلة ) في البروفايل ☹️

    04:39 AM December, 30 2016

    سودانيز اون لاين
    يحي قباني-فى الدنيا العجيبة
    مكتبتى
    رابط مختصر

    و يا ريت كمان خانة لوجع الهوية ...

    و خانة مكتوب فيها هل انت ( عنصري ) و قدامها مربعين .. نعم أم لا

    ياخ طلعتوا دينا و صليبنا و زيتنا ...

    ارحمونا يرحمكم الله ...

    و الله كترت لامن مسخت ...

    و الله العظيم ما حتقوم للسودان ده اَي قايمة

    طالما الي الان متعنصرين ضد بعض و كارهين اصولنا ...



                   |Articles |News |مقالات |بيانات

30-12-2016, 05:47 AM

يحي قباني
<aيحي قباني
تاريخ التسجيل: 20-08-2012
مجموع المشاركات: 12100

للتواصل معنا

FaceBook
تويتر Twitter
YouTube


Re: يا بكري .. بالله أضيف لينا خانة ( القبيلة ) ف (Re: يحي قباني)

    و لو مافي محلة في الصفحة

    الغي مكان الإقامة .. لانه ما فارق ...

    المهم الجهوية لزوم العنصرية ...
                   |Articles |News |مقالات |بيانات

30-12-2016, 05:53 AM

يحي قباني
<aيحي قباني
تاريخ التسجيل: 20-08-2012
مجموع المشاركات: 12100

للتواصل معنا

FaceBook
تويتر Twitter
YouTube


Re: يا بكري .. بالله أضيف لينا خانة ( القبيلة ) ف (Re: يحي قباني)

    حتي في قناتي في اليوتيوب

    الفيديو الأكثر مشاهدة و اكثر تعليقات 153,000 مشاهدة ...

    حلقة من سير و اخبار للبروف عبد الله الطيب

    عنوانها أصول أهل السودان !!!

    بالله الناس بتتغالط و تتنابذ هناك ليها ٣ سنوات !!
                   |Articles |News |مقالات |بيانات

30-12-2016, 06:09 AM

عثمان حسن عثمان
<aعثمان حسن عثمان
تاريخ التسجيل: 08-10-2016
مجموع المشاركات: 129

للتواصل معنا

FaceBook
تويتر Twitter
YouTube


Re: يا بكري .. بالله أضيف لينا خانة ( القبيلة ) ف (Re: يحي قباني)


    اليوم لفتت نظري كلمات حزينة و غضب يكاد أن ينفجر بين ثنايا كتابات اثنين من أهدأ الكتاب. صديقي الأستاذ فضيلي جماع الذي يحمل السودان
    في كل خلايا جسمه و قد عرفته عن قرب و صديق اسفيري آخر لم أتشرف بمعرفته في الواقع و لكن منذ دخولي سودانيزأونلاين أقرأ له و أكاد
    أقول أنا أعرفه من زمان و لاحظت أن كتاباته هادية و متزنة كما صديقي فضيلي. اليوم تفاجأت بأن الإثنين يكتبون بحزن و بغضب و السبب هو محاولة
    بذر بذور العنصرية و الجهوية بيننا فهذا لعمري هي الكارثة بعينها. الجهوية و العنصرية من معاول الهدم و النظام يستخدمهما عمداً ضمن سياسة
    فرق تسد. فلنعش جميعاً إخوة فأنا مثلا عندما عملت مع الأستاذ فضيلي لم أحس لحظة أننا ننتمي لجهتين مختلفتين من السودان فقد كان و مازال
    صديقي و نعم الصديق الذي أفتخر به. رجاءً فليراجع الجميع كتاباته فالذي أغضب فضيلي و يحيى القباني ليس بالأمر الهين. أقول لصديقي فضيلي
    لا تقرأ لصحفي الغفلة اسحاق فضل الله لتحافظ على صحتك يا صديقي. وتحية لصديقي الإسفيري يحيىقباني الذي أتمنى أن ألتقيه في الواقع
                   |Articles |News |مقالات |بيانات

30-12-2016, 06:15 AM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 18274

للتواصل معنا

FaceBook
تويتر Twitter
YouTube


Re: يا بكري .. بالله أضيف لينا خانة ( القبيلة ) ف (Re: عثمان حسن عثمان)

    شردنا يا يحي من البورد
    دة تمييع للصراع
    الصراع في السودان واضح ولافيهو لبس
    ناس عندها السلطة وكل دخل البلد
    وناس لاتملك شئ
    العنصرية ما مشكلة السودان ولا الجندرة
    دي كلها قضايا انعكاس لقضية الظلم والفساد
    احسن تغير الحنفية كلها ولا تربطها بي خيط
    ليه عند كل قضية مفصلية ومنعطف و حركة ثورية متقدمة تكثر مثل هذه القضايا
    انا غايتو شىردت وبقيت اعاين
    نقوم نفتح خشمنا نتبستف زي بستفة ود المشرف امس
                   |Articles |News |مقالات |بيانات

30-12-2016, 10:13 AM

Deng
<aDeng
تاريخ التسجيل: 28-11-2002
مجموع المشاركات: 45981

للتواصل معنا

FaceBook
تويتر Twitter
YouTube


Re: يا بكري .. بالله أضيف لينا خانة ( القبيلة ) ف (Re: عبدالحفيظ ابوسن)

    "ياخ طلعتوا دينا و صليبنا و زيتنا ..."

    الأخ يحى قباني.

    أستخدام بعض المسلمين لكلمة الصليب بمثل هذه الطريقة فيها تحقير وأستخفاف واضح بالمسيحية.
                   |Articles |News |مقالات |بيانات

30-12-2016, 10:20 AM

adil amin
<aadil amin
تاريخ التسجيل: 01-08-2002
مجموع المشاركات: 15838

للتواصل معنا

FaceBook
تويتر Twitter
YouTube


Re: يا بكري .. بالله أضيف لينا خانة ( القبيلة ) ف (Re: Deng)

    القبيلة في السودان تشكل 90% من المجتمع السوداني وهي حقيقة واقع وليس لها علاقة بالعنصرية
    وكان احصاء الحركة الشعبية قائم على ذكر القبيلة والدين
    لانه توجد شيء يسمى قبائل سودانية في الاقاليم الستة ولها تمثيل نسبي في المركز
    ويوجد في المركز غير ذلك فئات اجتماعية تسببت في كل كوارث السودان باحتضناها للايدولجيات والانقلابات المدعومة من مصر وافسدت الديمقراطية السودانية من انقلاب 1958 وانقلاب نميري ثم انقلاب البشير 1989 الذى شوه السودان تماما
    عملية القبيلة مهمة جدا جدا في اي احصاء سوداني
    وقانون الجنسية المعتمد من 1957
    السوداني بي الميلاد جنسية خضراء
    والسوداني بالتجنس جنسية بينة
    في المركز ما عاجبكم القبائل
    رجعو الاقاليم والحكم الاقليمي اللامركزي في السودان...وكل زول يقعد محل يرتاح
                   |Articles |News |مقالات |بيانات

30-12-2016, 01:53 PM

يحي قباني
<aيحي قباني
تاريخ التسجيل: 20-08-2012
مجموع المشاركات: 12100

للتواصل معنا

FaceBook
تويتر Twitter
YouTube


Re: يا بكري .. بالله أضيف لينا خانة ( القبيلة ) ف (Re: adil amin)

    Quote: "ياخ طلعتوا دينا و صليبنا و زيتنا ..."

    الأخ يحى قباني.

    أستخدام بعض المسلمين لكلمة الصليب بمثل هذه الطريقة فيها تحقير وأستخفاف واضح بالمسيحية

    تصدقني يا دينق لو قلت ليك انها مقصودة في البوست ده بالذات و ما زلة لسان ...

    اخترت دينّــا بالاول و صليبنا و زيتنا لانه ده كلامنا الما كان الناس بتاخدو باي منحى استخفافي او عنصري ...

    انا القدامك ده اعز صديق لي مسيحي ... فانا ما بكتب عشوائي ...

    و زي مداخلتك دي يا دينق هي البتولد التفكير العنصري ... فارجوا ان لا نعمق الامر باي منحى غيرالأنا قصدته ...

    هو انو اهل السودان واحد ... بدون عقد و بدون تحريف و استخفاف ...
                   |Articles |News |مقالات |بيانات

30-12-2016, 02:11 PM

Kabar
<aKabar
تاريخ التسجيل: 26-11-2002
مجموع المشاركات: 15955

للتواصل معنا

FaceBook
تويتر Twitter
YouTube


Re: يا بكري .. بالله أضيف لينا خانة ( القبيلة ) ف (Re: يحي قباني)



    هههه..
    يا صديقي ما يطق ليك عرق في السهلة ساكت ، ياهم ديل ناس امسودان اليوم كده ، صحي زمان كانوا جمال لكن اليوم قباحة وشنه بالباب العديل..!!

    وانا بقترح شريطين ، واحد فيهو منو القاعد يعصد العصيدة بكرعينو ومنو لأ
    وشريط تاني منو السكن قطية ومنو لأ..!

    عارف يا يحي ، في الواتساب ، سمعت لي شريط قبل شوية عملتو بنية سودانية اسمها عايدة موسى من كمبالا ، البنية حركة شعبية عديييل ، وبترد على تسجيل جعفر ابراهيم..ياخي لو سمعت حديثها ، على بالحلال تقوم تتمرد وتمشي الجبال وتقول ليهم سوا لي قطية عشان افر بجلدي من القبح الحايم اليومين ديل..!!
    احتسب ساكت يا قريبي (كبر مركب مكنة كوز لوري سفنجة وحلان في ذات رملة)..!!!
    كبر
                   |Articles |News |مقالات |بيانات

30-12-2016, 02:48 PM

اميرة السيد

تاريخ التسجيل: 09-07-2010
مجموع المشاركات: 5598

للتواصل معنا

FaceBook
تويتر Twitter
YouTube


Re: يا بكري .. بالله أضيف لينا خانة ( القبيلة ) ف (Re: Kabar)

    عزيزي الفاضل دينق..
    يا اخوي يعني انت ما شفت في كلام ود قباني غير كلمة صليبنا..
    وهو ابتدا بالاول بكلمة دينا....وكلمة دينا هو قاصد بيه دينه الاسلامي
    ولكنه بيعتبر السودان يجمع الكل المسلمين والمسيحيين وعشان كده كمان
    زاد كلمة وصليبنا....اما كلمة زيتنا دي...فشرحتها لي المسنوحة امتثال وقالت
    الكلمة دي دائما بيقولوها وقت الزهجة الشديدة البتفقع المرارة...ويبدو ان ود قباني
    بلغ به السيل الزبى من كثرة كلمات العنصرية الحايمة اليومين دول في المنبر العام...
    وطبعا عنده الف حق...وحق...
    عشان كده ما تاول كلام ود قباني تاويل تاني وضع كلامه في موضعه الصحيح وما حتلقى
    اي ازدراء بالدين المسيحي ..بل بالعكس تكريم وتبجيل بالدين المسيحي وسيدنا عيسى المسيح
    والذي نعتبره من اولي العزم من الرسل ونؤمن به ايمانا صادقا....
    وطبعا هو جاب ليك الكلام من الاخر وقال ليك ان اعز اصدقائه مسيحي....
    والله يديك الصحة والعافية..
    اسفة ود قباني خطفت منك الكلام...واسفة اذا شطحت في الكلام وكتبت كلام خارم بارم
    ولكن هذا ما جادت به نفسي وما فهمته من الجملة...
    والله يديك الصحة والعافية...


                   |Articles |News |مقالات |بيانات

31-12-2016, 02:39 AM

يحي قباني
<aيحي قباني
تاريخ التسجيل: 20-08-2012
مجموع المشاركات: 12100

للتواصل معنا

FaceBook
تويتر Twitter
YouTube


Re: يا بكري .. بالله أضيف لينا خانة ( القبيلة ) ف (Re: Kabar)

    Quote: يا صديقي ما يطق ليك عرق في السهلة ساكت ، ياهم ديل ناس امسودان اليوم كده ، صحي زمان كانوا جمال لكن اليوم قباحة وشنه بالباب العديل..!!

    وانا بقترح شريطين ، واحد فيهو منو القاعد يعصد العصيدة بكرعينو ومنو لأ
    وشريط تاني منو السكن قطية ومنو لأ..!

    عارف يا يحي ، في الواتساب ، سمعت لي شريط قبل شوية عملتو بنية سودانية اسمها عايدة موسى من كمبالا ، البنية حركة شعبية عديييل ، وبترد على تسجيل جعفر ابراهيم..ياخي لو سمعت حديثها ،
    على بالحلال تقوم تتمرد وتمشي الجبال وتقول ليهم سوا لي قطية عشان افر بجلدي من القبح الحايم اليومين ديل..!!
    احتسب ساكت يا قريبي (كبر مركب مكنة كوز لوري سفنجة وحلان في ذات رملة)..!!!
    كبر

    يا كبر يا صيقي ...

    القصة عامة و شاملة كل الناس ...

    و المسألة في نظري ما مسألة انا من وين و انت من وين ...

    المسألة مسألة عادات و تجانس بين طباع الناس ...

    في جلسة كانت في رحاب صديقي الجميل احمد الفرجوني بعد ندوة عن الغناء ابدع يها الفرجوني كعادته ...

    لم تنتهي الجلسة بالتأكيد الا و النقاش البادئ بغناء الوسط و غناء ام درمان ... و عدم اتاحة الفرصة لآدم شاش كما اصر اخونا شنقراي ...

    ثم تحول الموضوع لى القبلية كالعادة ... و عندها سألني اخونا شمس الدين السنوسي قائلاً :

    انت هسي يا قباني كان جيت طلبت ايد اختك بتزوجها لي ؟

    فأجبت بسؤال :

    قلت ليهو انت طيب كان جيت انا ده لي اهلك بتزوجوني اختكم ... و لا بتقولوا ده شنو ( الحلبي ) ود امدرمان كمان جاي يعرس بتنا ...

    لا بعرف طباعنا لا بعرف كيف يعز بتنا بالاتعودت عليهو ..

    سكت و لم يجبني ...

    اذا يا كبر هي ليست اكثر من كيمياء و ذلك لكبر حجم البلد وتعدد قبائله ...

    و لكن لا انكر ان هناك نعرة غبية ان منطقة ارقى من منطقة و كذلك مشكلة النكران الدائم لزنوجة دماءنا جميعاً ....

    لو كل سوداني خت الرحمن في قلبه و قال ان شراييني دي دمها غالبيته دم افروزنجي ... و جيناتي نفس الشي ...

    بعد داك الجينات دي تعزف طمبور تنقر نقاره ما فاااارقه ...

    الله يهدي الجميع ان شاء الله ...


                   |Articles |News |مقالات |بيانات

30-12-2016, 11:26 PM

يحي قباني
<aيحي قباني
تاريخ التسجيل: 20-08-2012
مجموع المشاركات: 12100

للتواصل معنا

FaceBook
تويتر Twitter
YouTube


Re: يا بكري .. بالله أضيف لينا خانة ( القبيلة ) فيظ (Re: عبدالحفيظ ابوسن)

    Quote: شردنا يا يحي من البورد
    دة تمييع للصراع
    الصراع في السودان واضح ولافيهو لبس
    ناس عندها السلطة وكل دخل البلد
    وناس لاتملك شئ
    العنصرية ما مشكلة السودان ولا الجندرة
    دي كلها قضايا انعكاس لقضية الظلم والفساد
    احسن تغير الحنفية كلها ولا تربطها بي خيط
    ليه عند كل قضية مفصلية ومنعطف و حركة ثورية متقدمة تكثر مثل هذه القضايا
    انا غايتو شىردت وبقيت اعاين
    نقوم نفتح خشمنا نتبستف زي بستفة ود المشرف امس

    و الله يا حفيظ مشكلة السودان واضحة ما دايره اي تفسير

    لكن ياخي موضوع العنصرية أتأصل جوة الناس بي طريقة مؤسفة و بايخة

    و حكومة السجم طبعا زادت النار حطب

    بس لو انت و انا شردنا و بقينا نعاين ... الحل شنو سمح!؟

    مش اخير نحاربها على قدر عرفتنا للبلد و لا شنو يا صاحب ؟
                   |Articles |News |مقالات |بيانات

30-12-2016, 06:48 PM

يحي قباني
<aيحي قباني
تاريخ التسجيل: 20-08-2012
مجموع المشاركات: 12100

للتواصل معنا

FaceBook
تويتر Twitter
YouTube


Re: يا بكري .. بالله أضيف لينا خانة ( القبيلة ) ف (Re: عثمان حسن عثمان)

    Quote:
    اليوم لفتت نظري كلمات حزينة و غضب يكاد أن ينفجر بين ثنايا كتابات اثنين من أهدأ الكتاب. صديقي الأستاذ فضيلي جماع الذي يحمل السودان
    في كل خلايا جسمه و قد عرفته عن قرب و صديق اسفيري آخر لم أتشرف بمعرفته في الواقع و لكن منذ دخولي سودانيزأونلاين أقرأ له و أكاد
    أقول أنا أعرفه من زمان و لاحظت أن كتاباته هادية و متزنة كما صديقي فضيلي. اليوم تفاجأت بأن الإثنين يكتبون بحزن و بغضب و السبب هو محاولة
    بذر بذور العنصرية و الجهوية بيننا فهذا لعمري هي الكارثة بعينها. الجهوية و العنصرية من معاول الهدم و النظام يستخدمهما عمداً ضمن سياسة
    فرق تسد. فلنعش جميعاً إخوة فأنا مثلا عندما عملت مع الأستاذ فضيلي لم أحس لحظة أننا ننتمي لجهتين مختلفتين من السودان فقد كان و مازال
    صديقي و نعم الصديق الذي أفتخر به. رجاءً فليراجع الجميع كتاباته فالذي أغضب فضيلي و يحيى القباني ليس بالأمر الهين. أقول لصديقي فضيلي
    لا تقرأ لصحفي الغفلة اسحاق فضل الله لتحافظ على صحتك يا صديقي. وتحية لصديقي الإسفيري يحيىقباني الذي أتمنى أن ألتقيه في الواقع


    تحياتي النواضر لك اخي عثمان

    ياخي الشي فات الحد ...

    و أصبحنا نتربص لبعضنا البعض ...

    لم أكن احلم ان يأتيني يوم ارى فيه أبناء السودان يتناحرون و يتنابذون بهويتهم و اصولهم ...

    تخطى الكثيرين في العالم نقطة العنصرية و أصبحوا لا يروا الانسان بلونه او اصله

    و نحن ما زلنا نتشبث بالعباس و بالفضل و ننكر دماءنا الآفروزنجية و نرى من هم ليسوا من ( جهتنا ) أدنى و اذل ...

    عشنا وسط كل أهل السودان من شرقه و غربه و جنوبه و شماله ووسطه و مسلموه و مسيحيوه و يهوده

    لم نرى او نسمع ما نراه و نسمعه اليوم ...

    العالم يتقدم و نحن نتسابق في الرجوع الى الخلف ...
                   |Articles |News |مقالات |بيانات

30-12-2016, 02:31 PM

محمد حيدر المشرف
<aمحمد حيدر المشرف
تاريخ التسجيل: 20-06-2007
مجموع المشاركات: 18516

للتواصل معنا

FaceBook
تويتر Twitter
YouTube


Re: يا بكري .. بالله أضيف لينا خانة ( القبيلة ) ف (Re: يحي قباني)

    نقوم نفتح خشمنا نتبستف زي بستفة ود المشرف امس

    آآآخ يا حفيظ ياخي ..

    تعرف !!

    الليلة قلت ارفع البوست داك ..
    تاني قلت ياخ انا مالي ومال مشاكل سودانيزاونلاين دي وتعقيدات الكتابة ..
    المهم قفلت المنبر وده اول بوست اقراهو ..
    وغالبا ما حأقرأ غيرو ...
    احتمال بوست استاذنا فضيلي .. إحتمال !!
                   |Articles |News |مقالات |بيانات

30-12-2016, 03:45 PM

Deng
<aDeng
تاريخ التسجيل: 28-11-2002
مجموع المشاركات: 45981

للتواصل معنا

FaceBook
تويتر Twitter
YouTube


Re: يا بكري .. بالله أضيف لينا خانة ( القبيلة ) ف (Re: محمد حيدر المشرف)


    يحى قباني وأميرة السيد.

    القصة ليس ركوب راس وليس عناد، لمن زول مسيحي يقول لك الكلمة دي تعتبر إهانة الى المسيحين، يجب أن تفهومها كده، وأنا أطالب بقية المسيحين اللي في النبر أن يأتوا ويدلوا بدلوهم أيضا في هذا الأمر. هذه العبارة لديها تاريخ وموروث ثقافي قديم، والغرض من أستعاملها واضح وضوح الشمس.

    وما تنسوا أنا جاي من السودان زيكم تماما، ولدت وأتربيت هناك وبعرف الناس بتقصد شنوا بالأستخدام ده.

    ويا يحى قباني

    لو أنت بتعقد أن مداخلتي هذا تعتبرها "بتولد التفكير العنصري" فواضح جدا بأنك لم تتعرف جيدا على المسيحين في السودان، لأنك لو كنت بتعرفهم جيدا لما أستخدمت كلمة الصليب بمثل هذه الطريقة المهينة لهم.

    من أهم المشاكل العنصرية والعرقية والثقافية والدينية هي أن هنالك عدد كبير ن السودانين لم يتعايشوا مع أخوتهم السودانين من أصحاب الديانات والأعراق المختلفة الموجودة في السودان.
                   |Articles |News |مقالات |بيانات

30-12-2016, 05:08 PM

اميرة السيد

تاريخ التسجيل: 09-07-2010
مجموع المشاركات: 5598

للتواصل معنا

FaceBook
تويتر Twitter
YouTube


Re: يا بكري .. بالله أضيف لينا خانة ( القبيلة ) ف (Re: Deng)

    عزيزنا الفاضل محمد حيدر المشرف
    كمان حلفناك تحاول تقرا بوست ود الشغيل عن توثيق
    تاريخ عطبرة. ...لان المسنوحة العطبراوية بسمات تسلمت
    اليوم كتاب عن عطبرة ويؤرخ لمدينة الحديد الصلب والنار
    وستبدا بترجمة الكتاب قريبا وستجد في محتويات الكتاب
    بعضا من تاريخ السودان الحديث...اضافة الى ان البوست
    يجرك لحنين السودان....وحتى اذا انت ما من عطبرة زينا
    ستستمتع بالبوست ...وتعرف التعايش السلمي كان كيف
    في عطبرة بين المسلمين والمسيحيين وبين الشايقية
    والدناقلة والمحس والكواهلة والرباطاب والدارفوريين
    والكردفانيين وجميع قبائل السودان التي كانت تعيش
    كالاهل تماما في الحي الواحد....
    والله يديك الصحة والعافية


                   |Articles |News |مقالات |بيانات

30-12-2016, 08:33 PM

sadig mirghani

تاريخ التسجيل: 03-03-2014
مجموع المشاركات: 2318

للتواصل معنا

FaceBook
تويتر Twitter
YouTube


Re: يا بكري .. بالله أضيف لينا خانة ( القبيلة ) ف (Re: يحي قباني)

    ود قباني
    قلبي معاك
    اتفهمت غلط
    مع انوا نواياك سليمة
    لكن
    لابأس بالقوم......
                   |Articles |News |مقالات |بيانات

31-12-2016, 04:09 AM

adil amin
<aadil amin
تاريخ التسجيل: 01-08-2002
مجموع المشاركات: 15838

للتواصل معنا

FaceBook
تويتر Twitter
YouTube


Re: يا بكري .. بالله أضيف لينا خانة ( القبيلة ) ف (Re: sadig mirghani)

    اقتباس-
    وانا بقترح شريطين ، واحد فيهو منو القاعد يعصد العصيدة بكرعينو ومنو لأ
    وشريط تاني منو السكن قطية ومنو لأ..!-انتهى الاقتباس

    والله تاخذ اوسكار يا كبر
    كمان الزول ما مشلخ
    وما بعرف الكنتوش والساقية
    برضه...تصنيف
    طبعا البوست يدل على الضحالة
    لانه قصة تدمير القبيلة والادارة الاهلية التي بنى عليها الانجليز ديموقراطية وست منستر وايضا الدين السوداني الختمية والانصار والجمهوريين التي اتبنت عليها احزاب السودان الوطنية الحقيقية بواسطة الانجليز الاذكياء البصنعو الطائرة الايرباص
    دمروها خدم المركز وبروز الصاغ صلاح سالم بواسطة الايدولجيات المصرية المشبوهة والوافدة من قوميين عرب وشيوعيين -انقلاب 1969 واخوان ممسلمين انقلاب 1989
    والسؤال
    هل الناصرية والشيوعية او الاخوان المسلمين بضاعة خان الخليلي المصرية البشعة دي احسن من الختمية و الانصار والجمهوريين والجنوبيين...ام شعور بالدونية يكتنف شعور بالدونية حيال فئة اجتماعية محددة موجودة في المركز فقط ولا توجد في الاقاليم اطلاقا ..لان الاقاليم قبائل في معظما ...
    ومصر دي ..البتتمسخر لحدي اليوم بي السودان والسودانيين وشايفيننا بقعة جغرافية ساكت..هل تنتج
    الديمقراطية
    الفدرالية
    الاشتراكية
    ويا حبيب القصة واضحة...والنقاش لازال ضحل وغبي كمان
    والسؤال
    هل العلم المرفوع هسة ده بتاع الاستقلال ؟؟ وين راح علم الاستقلال
    وهل المصريين اذكى واوعى واحسن من الانجليز مثلا الذين يصنعو الطائرة الاير باص
    القصة تتعالج في اطار
    علم النفس الاجتماعي ونعرف من هم اهل المركز في السودان وكيف تشكل المركز من دخول الاتراك 1821 ولحدي 2016
    ومشكلة التخلف في السودان تعالج في اطار الفدرالية التي رفضها بروز المركز ويجهضوها عبر العصور وبواسطة وادوات مصر الرخيصة في السودان
    تعالج في علم الاقتصاد السياسي
    القبيلة جزء اساسي في هوية السودانيين الشاملة
                   |Articles |News |مقالات |بيانات

31-12-2016, 04:18 AM

يحي قباني
<aيحي قباني
تاريخ التسجيل: 20-08-2012
مجموع المشاركات: 12100

للتواصل معنا

FaceBook
تويتر Twitter
YouTube


Re: يا بكري .. بالله أضيف لينا خانة ( القبيلة ) ف (Re: adil amin)

    Quote: الليلة قلت ارفع البوست داك ..
    تاني قلت ياخ انا مالي ومال مشاكل سودانيزاونلاين دي وتعقيدات الكتابة ..
    المهم قفلت المنبر وده اول بوست اقراهو ..
    وغالبا ما حأقرأ غيرو ...
    احتمال بوست استاذنا فضيلي .. إحتمال !!


    :)
                   |Articles |News |مقالات |بيانات

31-12-2016, 04:32 AM

يحي قباني
<aيحي قباني
تاريخ التسجيل: 20-08-2012
مجموع المشاركات: 12100

للتواصل معنا

FaceBook
تويتر Twitter
YouTube


Re: يا بكري .. بالله أضيف لينا خانة ( القبيلة ) ف (Re: يحي قباني)

    Quote: اسفة ود قباني خطفت منك الكلام...واسفة اذا شطحت في الكلام وكتبت كلام خارم بارم
    ولكن هذا ما جادت به نفسي وما فهمته من الجملة...

    بالعكس يا بتنا ...

    فهمتي الكلام زي ما انا قصدته تماماً ... اخير من ناس كتااار ...😏🙄
                   |Articles |News |مقالات |بيانات

31-12-2016, 05:19 AM

يحي قباني
<aيحي قباني
تاريخ التسجيل: 20-08-2012
مجموع المشاركات: 12100

للتواصل معنا

FaceBook
تويتر Twitter
YouTube


Re: يا بكري .. بالله أضيف لينا خانة ( القبيلة ) ف (Re: يحي قباني)

    Quote: ود قباني
    قلبي معاك
    اتفهمت غلط
    مع انوا نواياك سليمة
    لكن
    لابأس بالقوم......

    سلامة قلبك ياخي ...

    الكلام النية يا صادق ...:)

    ولا شنو ...
                   |Articles |News |مقالات |بيانات

31-12-2016, 09:50 AM

حامد بدري
<aحامد بدري
تاريخ التسجيل: 10-03-2013
مجموع المشاركات: 2534

للتواصل معنا

FaceBook
تويتر Twitter
YouTube


Re: يا بكري .. بالله أضيف لينا خانة ( القبيلة ) ف (Re: يحي قباني)

    صباح المحبة للناس الاحبة
    تاني نتابعك في اليوتيوب بس
    ناس مدني مادايرين كتاب زي عطبرة مدني استحالة تلقا واحد يسالك من وين في الاهل مدرسة متحركة في التعايش والتمازج بين مكونات المجتمع السوداني

                   |Articles |News |مقالات |بيانات

31-12-2016, 04:27 PM

يحي قباني
<aيحي قباني
تاريخ التسجيل: 20-08-2012
مجموع المشاركات: 12100

للتواصل معنا

FaceBook
تويتر Twitter
YouTube


Re: يا بكري .. بالله أضيف لينا خانة ( القبيلة ) ف (Re: حامد بدري)

    Quote: صباح المحبة للناس الاحبة
    تاني نتابعك في اليوتيوب بس
    ناس مدني مادايرين كتاب زي عطبرة مدني استحالة تلقا واحد يسالك من وين في الاهل مدرسة متحركة في التعايش والتمازج بين مكونات المجتمع السوداني

    و الله الناس كلها ما كانت دايرة كتاب يا حامد ياخوي ...

    انحنا عشنا في مدني و قرينا فوقها و في بورتسودان ... و عشنا في واو و في كسلا و في كبكبية و الفاشر ...

    كلام زي الحاصل الان ده ما شفناهو ...
                   |Articles |News |مقالات |بيانات

01-01-2017, 06:35 AM

يحي قباني
<aيحي قباني
تاريخ التسجيل: 20-08-2012
مجموع المشاركات: 12100

للتواصل معنا

FaceBook
تويتر Twitter
YouTube


Re: يا بكري .. بالله أضيف لينا خانة ( القبيلة ) ف (Re: يحي قباني)

    الناس المدورة لعن الصليب لعن الصليب

    كدي وروني لعن الصليب وين في البوست ده

    و بالمرة اشرحوا لينا " طلّع صليبنا " معناتها شنو

    ياخ أقروا ما تباروا ... و تطلعوا ايمان صليبنا ساكت ....

                   |Articles |News |مقالات |بيانات

03-01-2017, 01:31 AM

AMNA MUKHTAR
<aAMNA MUKHTAR
تاريخ التسجيل: 31-07-2005
مجموع المشاركات: 11627

للتواصل معنا

FaceBook
تويتر Twitter
YouTube


Re: يا بكري .. بالله أضيف لينا خانة ( القبيلة ) ف (Re: يحي قباني)

    Quote: و زي مداخلتك دي يا دينق هي البتولد التفكير العنصري ... فارجوا ان لا نعمق الامر باي منحى غيرالأنا قصدته ...

    هو انو اهل السودان واحد ... بدون عقد و بدون تحريف و استخفاف ...

    يا أخ يحيى قباني .
    أسمح لي أقول ليك إنت حالم كبير .
    ياتو سودان دا إنت البتتكلم عنه ؟!!
    أمال الحروب المدورة من قبل ما نتولد دي سببها شنو ؟
    خليك واقعي ياخي وأسمع كلام أستاذ عادل أمين حول القبيلة .
    إنت فاكر السودان دا كله أغاني حقيبة ..وبرتكان ورمان .. وعالم محلقة في العلالي ووسط السحاب والنجوم والنيل والقمر ؟

    بعدين شنو شابكنا : العنصرية دي حالة ذهنية ..وشنو ما عارفة ..
    شكلك كدا ببقى زي العنصريين اللما زول يحتج على عنصريتهم ..يقوموا يقولوا الزول دا معقد ساي ..أو عنده عقده من أصله .

    هسه مثلا مثلا يعني ترضى زول يقول ليك إنت زعلان من القبائل علشان حلبي ملقط وما ود قبائل مثلا ؟!

    أوعى تفهم كلامي دا غلط ..دا كلام برئ جدا ..فأوعى ذهنك يمشي لبعييييد .
                   |Articles |News |مقالات |بيانات

03-01-2017, 02:37 AM

يحي قباني
<aيحي قباني
تاريخ التسجيل: 20-08-2012
مجموع المشاركات: 12100

للتواصل معنا

FaceBook
تويتر Twitter
YouTube


Re: يا بكري .. بالله أضيف لينا خانة ( القبيلة ) ف (Re: AMNA MUKHTAR)

    Quote: أوعى تفهم كلامي دا غلط ..دا كلام برئ جدا ..فأوعى ذهنك يمشي لبعييييد .

    لا .. افهمه غلط كيف ...

    بالعكس فهمته تماما يا ستي ...

    كتر خيرك على المداخلة ...

    على فكرة ... السودان ارحب من نظرتك المتشائمة ليهو ...

    الله يغير ما في النفوس بس ...
                   |Articles |News |مقالات |بيانات

03-01-2017, 05:29 AM

Basamat Alsheikh

تاريخ التسجيل: 15-08-2015
مجموع المشاركات: 2528

للتواصل معنا

FaceBook
تويتر Twitter
YouTube


Re: يا بكري .. بالله أضيف لينا خانة ( القبيلة ) ف (Re: يحي قباني)

    حبيبنا حامد بدريود ودمدني..
    ..ناس مدني ضروري يكتبوا كتاب عنهم اذا مدني فعلا كانت مدرسة في التعايش السلمي والتمازج بين المجتمعات المختلفة
    عشان الناس تعرف هذه الحقيقة الرائعة..
    .انا بقول الكلام ده عشان فهمت من كلامك انك بتقرق او قول بتعترض على كتاب عطبرة مدينة الحديد والنار الحنبدا نترجمه
    ابنداء من يوم غد....
    وكمان ندعوك دعوة خاصة لزيارة البوست التوثيقي لزهرة المدائن الكتبه ود الشغيل عشان تشوف التمازج التمام بين المجتنعات السودانية المختلفة....
    وكيف كانت الصحبةا لطيبة والمودة بين الناس جميعا....وكيف كان الاقباط المسيحيين يشاركون المسلمين فراحهم واتراحهم حتى انك تجد المسيحي
    يجي بيت البكا ويقرا الفاتحة في صيوان العزاء وبصوت عالي لتقديم العزاء في وفاة قريب لصديقه المسلم الاتربى معاهو في حي واحد...
    .وانا بهدي ليك هنا اغنية ...
    بس ما قادرة انزلها عشان بكتب من تلفوني...لكن بنزلها بكره
    ودمت بالف خير وصحة وعافية..

    .قائد البوست يحى قباني سلام وتحية ...وشفنا النبرات احتدت وقلنا نخفف من الحدة باغنية تهدئ النفوس .
    .فان فورات الدم لا تهدئها إلا الموسيقى...
    ونحن لمن المناقشات بيناتنا تحتد بسبب السياسة بنطلب من غاليتنا الموسيقار امتثال تعزف لينا الشاغلين فؤادي تايهين فايقين..
    .ودمت بالف خير وصحة وعافية

    (عدل بواسطة Basamat Alsheikh on 03-01-2017, 03:52 PM)

                   |Articles |News |مقالات |بيانات

03-01-2017, 01:22 PM

Yousuf Taha

تاريخ التسجيل: 03-05-2013
مجموع المشاركات: 480

للتواصل معنا

FaceBook
تويتر Twitter
YouTube


Re: يا بكري .. بالله أضيف لينا خانة ( القبيلة ) ف (Re: Basamat Alsheikh)

    استاذ قباني
    والله صراحة اول مرة اشوفك زعلان ياخي
    انت وشيخ العرب ود اب سن من الناس الكتابتهم عندها رونق في المنبر دا
    انصحك بالابتعاد من الحاجات البتهيج المصران دي وتختى البوستات المليئة بالقيح والصديد العنصري
    وتستمر في حاجاتك السمحة عشان القيح دا ما يتمدد اكثر مما ينبغي هنا
    ياعمنا خليك ومتعنا ببوستاتك الجميلة ولا تأبه للغربان والبوم الذين يسعون لخراب البلد

    واصل في الجمال وواتجاوز القبح كمرحلة في حياتك

    تحياتي
                   |Articles |News |مقالات |بيانات

03-01-2017, 04:04 PM

Basamat Alsheikh

تاريخ التسجيل: 15-08-2015
مجموع المشاركات: 2528

للتواصل معنا

FaceBook
تويتر Twitter
YouTube


Re: يا بكري .. بالله أضيف لينا خانة ( القبيلة ) ف (Re: Yousuf Taha)

    حامد بدري اسمع الأغنية دي وورينا رأيك..
    اغنية إلى مسيحية حسناء
    ودمت بالف خير



    يا سلوة المحزون ( مسيحية )
    كلمات \ أ. محمد علي طه
    غناء \أ. حسن خليفة العطبراوي
    يا سلوة المحزون ... يا قيثارة القلب الجريح
    يا درة فاقت على الاتراب... بالقد المليح
    يا زهرة أنفاسها كالعطر... عَبَّقَ بالضريح
    أهوى جمالكِ والشعور يزينه القول الصريح
    قد هزني منك الجمال فجئت بالشعر الفصيح
    فترفقي يا هذه .. فالناس من جسدٍ وروح
    وبحق بطرس يا فتاتي .. من شفى الرجل الكسيح
    وبمريم العذراء .. والأحبار والراعي الصليح
    وبماري جرجس والصليب وبالكنيسة والمسيح
    بالقس بالمطران .. بالجرس المرن على السطوح
    بمعاهد الرهبان بالدير المقدس .. بالمسوح
    برسائل الميلاد .. بالشجر المنور .. بالصبوح
    بقداسة البابا المعمد .. بالمسوح وبالذبيح
    أن ترحمي متعذباً يهواكي في حُبٍ .. صحيح
    متى يتم لقاءنا ... في شاطئ النيل الفسيح
    والموج والصفصاف والقمر المطل على السفوح
    أنين ساقية تدور .. وصوت مزمار يصيح
    بدت نجوم الفجر بالأضواءفي الافق تلوح
    وتجئ شقشقة الطيور كرنة الوتر الذبيح
    هناك ينبعث السرور على النفوس فتستريح

    (عدل بواسطة Basamat Alsheikh on 03-01-2017, 04:09 PM)
    (عدل بواسطة Basamat Alsheikh on 03-01-2017, 04:11 PM)

                   |Articles |News |مقالات |بيانات

03-01-2017, 04:27 PM

Basamat Alsheikh

تاريخ التسجيل: 15-08-2015
مجموع المشاركات: 2528

للتواصل معنا

FaceBook
تويتر Twitter
YouTube


Re: يا بكري .. بالله أضيف لينا خانة ( القبيلة ) ف (Re: Basamat Alsheikh)

    عمنا وحبيبنا يحى قباني
    اسمع نصيحة يوسف طه وشوف قال ليك شنو:"
    قال: انصحك بالإبتعاد عن الحاجات البتهيج المصران وتفقع المرارة وواصل في الجمال ومتعنا ببوستاتك الجميلة...

    وكمان ما تنسى كلام المسنوح عبد الحفيظ ابو سن ...
    وهذا ما كتبه في البوست المعنون: اها وقفنا وين:
    الحسنة معطت شنب اللسد
    الدنيا عمرها اقصر من غضبنا علي احدهم
    ألزمت نفسي أن لا أرد مساءة بمساءة
    امرق
    امرق بس من النت حتي أكون قادرا علي تجاوز لحظة الغضب بزعل والله
    واتنفخ تيوة
    لكن لنتجاوز من اجل انفسنا
    فنحن لا نستحق سوء الخلق
    وزي ما بقول ود اب سن
    في زول بعد ما مات قالوا حليلو النباذ

    وانا متاكدة يا يحى قباني اذا سمعت النصيحتين ديل ما يكون عندك ضغط دم
    ولا مرارتك حتنفقع..
    وكان ما مصدقنا وكان مغالطنا اسأل الزونية الرامية فوق بيتنا
    ودمت بالف خير وصحة وعافية

    (عدل بواسطة Basamat Alsheikh on 03-01-2017, 04:35 PM)

                   |Articles |News |مقالات |بيانات

03-01-2017, 04:33 PM

Elmoiz Abunura
<aElmoiz Abunura
تاريخ التسجيل: 30-04-2005
مجموع المشاركات: 5839

للتواصل معنا

FaceBook
تويتر Twitter
YouTube


Re: يا بكري .. بالله أضيف لينا خانة ( القبيلة ) ف (Re: Basamat Alsheikh)

    سلامات ياقبانى

    كل عام وانت بخير ياصديق انت و اسرتك الكريمه

    نعم القبيلة جزء من تكوين السودان و لكن هذا لايعنى القبول بالتعصب القبلى, والجهوى, و العنصرية و كراهية الاخر المختلف قبليا و اثنيا

    نشأت انا و جيلى الذى دخل المدارس الاولية فى مطلع الستنات من القرن المنصرم وعشنا فى العاصمة المثلثة انذاك, كوستى, عطبرة, و بزيارات واجازات لمناطق اهلى فى رفاعة ابوسن, و الكاملين, و باقى مدن و قرى الجزيرة ولم يكن الرابط القبلى يمثل اي معيار للصداقة او لهوية الشخص, بل كنت تعرف باسمك , مدرستك " نحن ياقبانى اولاد الاميرية", محل عمل والدك, فكنت من اولاد الجامعة فى الستينات, واولاد السكة حديد فى السبعينات, ناديك الرياضى, وعندما كبرنا فى المرحلة الثانوية و كنت نشط فى العمل السياسى اصبح لونك السياسى جزء من تعريف الناس لك منذ ايامى فى عطبرة الثانوية فى مطلع السبعينات, مرورا بجامعة بغداد, وانتهاء بلاهاى, واميركا, وكذلك مهنتى اصبحت جزء من هويتى.
    لذلك ياقبانى اقاربك نادر و الفضلى محمود الفضلى رغم اننا درسنا معا لمرحلتين دراسيات لايعرفون اصولى القبلية الا اذا قرأوا ماكتبة استاذ الاجيال ابوسليم عن استاذه و صنوه فى العلم و المعرفه , جدى لامى د. مكى شبيكه او ماكتبه المؤرخ الاستاذ عثمان حمدالله, والد الشهيد فاروق عن ال ابونوره فى رفاعة
    عندما كنت طفل صغير كنت اظن شيخ حلمى ابوسن هوجد لى وقريب لاهلى لصداقته لجد والدتى, و زميله فى كتاب شيخ بابكر بدرى, شيخ محمد شبيكه. و ربما كان هذا شعورك لكثير من الجدود, والاعمام, والاخوال الذين زاملوا اهلك من اسرة قبانى الممتده مهنيا, وفى العمل العام

    لنردد معا يايحى

    جعلي و شايقي و دنقلاوي ايه فايداني
    غير خلقت خلاف خلت اخوي عاداني
    خلو خبرنا يسري مع البعيد والداني
    يكفي النيل ابونا و الجنس سوداني

    مع ودى وتقديرى
                   |Articles |News |مقالات |بيانات

03-01-2017, 04:53 PM

Basamat Alsheikh

تاريخ التسجيل: 15-08-2015
مجموع المشاركات: 2528

للتواصل معنا

FaceBook
تويتر Twitter
YouTube


Re: يا بكري .. بالله أضيف لينا خانة ( القبيلة ) ف (Re: Elmoiz Abunura)

    انا آسفة جدا يا يحي قباني
    صاحب البوست .. وقلعنا منك البوست زي ما بيقولو..
    وعاوز اوصل الرسالة دي للأستاذ المعز ابو نورة من
    الأميرة اميرة بت مصطفى السيد..لغاية ما تجي بنفسها وترد..
    وهي تقول له:"::
    .. والله يا المعز ود ابو نورة انا ما عايزة اقول ليك يا بختك من وجهة النظر القبلية
    لأن البوست نفسه يقول دعو التعصب والقبلبة لانها منتنة...
    ولكن اقول لك يا بختك لأنك حفيد المؤرخ الدكتور مكي الطيب شبيكة...
    وهو رمز من رومز العلم ورمز من رموز السودان .. وهو أول من نال درجة الدكتوراة
    في السودان.. وهو أول من ال درجة الاستاذية ( البروفيسور) في السودان..
    قرأنا له كتب ومن بينها السودان عبر القرون... ومن اراد ان يستزيد من معرفة التاريخ السوداني
    فعليه بكتب المؤرخ السوداني مكي شبيكة... فانت محظوظ وان عليك بشكر الله لأنك حفيد
    علم من أعلام السودان .. والالاف من ابناء السودان وبنات السودان تتلمذوا على يده وصاروا
    ايضا اعلام ورموز في السودان... ويا ريت اذا فتحت لينا بوست تكلمنا فيه عن مكي شبيكة المؤرخ..
    والله يديك الصحة والعافية
    ( انتهت رسالة اميرة)..\

    يا يحى
    حاولنا ان نميل بالبوست إلى ناحية الجمال والحسن وابتعدنا عن الموضوع .. فمعذرة يا رجل يا دوغري..
    ودمت بالف خير وصحة وعافية
                   |Articles |News |مقالات |بيانات

04-01-2017, 01:32 AM

يحي قباني
<aيحي قباني
تاريخ التسجيل: 20-08-2012
مجموع المشاركات: 12100

للتواصل معنا

FaceBook
تويتر Twitter
YouTube


Re: يا بكري .. بالله أضيف لينا خانة ( القبيلة ) ف (Re: Basamat Alsheikh)

    التحية لكل الحلوين ... و الحلوات طبعا :)

    اسمحوا لي ارد على الجميل المعز أبو نورة ...

    Quote: نعم القبيلة جزء من تكوين السودان و لكن هذا لايعنى القبول بالتعصب القبلى, والجهوى, و العنصرية و كراهية الاخر المختلف قبليا و اثنيا


    كل عام و انت بخير و الاسرة جميع يا صديقي ...

    وصلت لقناعة تامة ... بعد قراءة بعض الردود ممن يجاهرون بنبذهم للعنصرية العرقية و الدينية ... ( امنه و دينق ) عشان دينق ما يقول همز و لمز تاني ...

    ان المسألة كامنة في نفوسهم ... إحساس عكسي بالعنصرية صادر منهم تجاه من يتصورون انهم يتعنصرون عليهم ...

    إحساس متكرر سمعته كثيرا من بعض اهل الشرق و الغرب و الجنوب موجه لاهل الشمال ... و يا للعجب اهل الخرطوم و امدرملن و مستمعي الحقيبة كمان ...

    أقول لهم ... حقيقةً لا يجب على أي احد ان يتطاول على بشر مثله ... و لكن أيضا لا يجب ان يتقاصر أي احد تجاه أي بشر مثله ...

    و دمت بخير يا صديقي ...

    و ليساعدنا الله جميعاً على تجاوز الفتن ...
                   |Articles |News |مقالات |بيانات

04-01-2017, 02:16 AM

AMNA MUKHTAR
<aAMNA MUKHTAR
تاريخ التسجيل: 31-07-2005
مجموع المشاركات: 11627

للتواصل معنا

FaceBook
تويتر Twitter
YouTube


Re: يا بكري .. بالله أضيف لينا خانة ( القبيلة ) ف (Re: يحي قباني)

    قصدك نحنا ( معقدين ) يا يحيى ...أو بنعاني من ( وجع هوية ) على قولك ..
    آي قولها ..ماهي أصلا التهمة المفضلة ضد كل من يطالب بمراعاة الحساسية اللفظية والتعبيرية تجاه الآخر ، وكذلك مراعاة التنوع الديني والإثني والنوعي ..وعدم النظر إليه كوصمة أو عار .. فغني عن القول أنه ليس كذلك إلا في خيال العنصريين البسيط والمحدود .
    وكذلك من السذاجة محاولة إلغاء القبيلة من الوجود بحجة القضاء على العنصرية ..والحديث يطول حول هذه النقطة بالذات .

    خليك كول ياخي ..
    إنت فاتح ليك موضوع كبير اتكتبت فيهو مجلدات ..وعايز تتناوله بتبسيط مخل .
    وأنا شخصيا رديت ليك برضه ( بتبسيط ) ..لأنه من مداخلاتك في بوست طه وتكرارك لعبارة ما معناها إنه ( العنصرية حالة ذهنية ) ..عرفت أن الزواية البتنظر عبرها للموضوع لا تتعدى بساطة بوستاتك بتاعة الغنا والحقيبة .

    لكن كمان ما تؤآخذنا ..فما كل الناس بتجي هنا بس علشان الطرب والغنا وروقة البال .
    فدا على حسب علمي بورد جماهيري تطرح فيه قضايا ساخنة جدا بل ملهلبة عديل .
    فزي ما إنت مزاجك طرب ، نحنا كمان بنجي هنا وبنستقطع من زمننا وقروشنا علشان نتناقش في حاجات تانية ما شرط تكون من إهتماماتك .

    هسه أفتح ليك بوست غنا شوف لو أعتبه ليك .
    لكن غني عن القول إنه من حقي أتابع البوستات البشوف إنها تلامس سبب جيتي هنا ..ومن ضمنها بوستك دا .

    أما الغنا والحقيبة ..فممكن أمشي أرقص وأسكسك وأكشف وأعرض في المكانات البحب أسمعهم فيها .
    وفي النهاية الناس أذواق ومزاجات..طالما راعوا لبعضهم كبشر في حاجاتهم .

    _____

    وفي الختام تقبل خالص إعتذاري ..ما عارفة عشان شنو .
    لكن حسيت بتقل في قلبي بسبب الشكل الشاكلته للناس هنا الأيام الفاتت .. :)
                   |Articles |News |مقالات |بيانات

04-01-2017, 02:53 AM

يحي قباني
<aيحي قباني
تاريخ التسجيل: 20-08-2012
مجموع المشاركات: 12100

للتواصل معنا

FaceBook
تويتر Twitter
YouTube


Re: يا بكري .. بالله أضيف لينا خانة ( القبيلة ) ف (Re: AMNA MUKHTAR)

    Quote:
    قصدك نحنا ( معقدين ) يا يحيى ...أو بنعاني من ( وجع هوية ) على قولك ..
    آي قولها ..ماهي أصلا التهمة المفضلة ضد كل من يطالب بمراعاة الحساسية اللفظية والتعبيرية تجاه الآخر ، وكذلك مراعاة التنوع الديني والإثني والنوعي ..وعدم النظر إليه كوصمة أو عار .. فغني عن القول أنه ليس كذلك إلا في خيال العنصريين البسيط والمحدود .
    وكذلك من السذاجة محاولة إلغاء القبيلة من الوجود بحجة القضاء على العنصرية ..والحديث يطول حول هذه النقطة بالذات .

    خليك كول ياخي ..
    إنت فاتح ليك موضوع كبير اتكتبت فيهو مجلدات ..وعايز تتناوله بتبسيط مخل .
    وأنا شخصيا رديت ليك برضه ( بتبسيط ) ..لأنه من مداخلاتك في بوست طه وتكرارك لعبارة ما معناها إنه ( العنصرية حالة ذهنية ) ..عرفت أن الزواية البتنظر عبرها للموضوع لا تتعدى بساطة بوستاتك بتاعة الغنا والحقيبة .

    لكن كمان ما تؤآخذنا ..فما كل الناس بتجي هنا بس علشان الطرب والغنا وروقة البال .
    فدا على حسب علمي بورد جماهيري تطرح فيه قضايا ساخنة جدا بل ملهلبة عديل .
    فزي ما إنت مزاجك طرب ، نحنا كمان بنجي هنا وبنستقطع من زمننا وقروشنا علشان نتناقش في حاجات تانية ما شرط تكون من إهتماماتك .

    هسه أفتح ليك بوست غنا شوف لو أعتبه ليك .
    لكن غني عن القول إنه من حقي أتابع البوستات البشوف إنها تلامس سبب جيتي هنا ..ومن ضمنها بوستك دا .

    أما الغنا والحقيبة ..فممكن أمشي أرقص وأسكسك وأكشف وأعرض في المكانات البحب أسمعهم فيها .
    وفي النهاية الناس أذواق ومزاجات..طالما راعوا لبعضهم كبشر في حاجاتهم .

    _____

    وفي الختام تقبل خالص إعتذاري ..ما عارفة عشان شنو .
    لكن حسيت بتقل في قلبي بسبب الشكل الشاكلته للناس هنا الأيام الفاتت .. :)

    اعتذارك فوق الراس يا آمنة ...

    و انا يا آمنة زول عديل ... لا بلف و لا بدور ...

    و العنصرية انا ما جيت بي جنبها ...

    يا آمنة ... انا اكلت و شربت و عشت سنوات وسط الناس ... عمري ما ميزت زول بي لونه او دينه او قبيلته ...

    و المسألة ما محتاجة تعقيد ... و الغاء القبيلة ما جيت جنبه و الا أكون زول ساي يعني لو انكرت مكونات الوطن ...

    بعدين يعني عشان اهتماماتي بالغنا ... معناتها ما انضم في شي تأني ؟

    رغم اني ما اتولدت ماسك طار في ايدي و لا اكورديون ...

    بالعكس بعتز جدا بمحاولاتي لحفظ جزء من التراث الغنائي ... و الشعري ...

    و عندي اقتناع كامل ان الفن لغة يونيفيرسال زي الحب ... ممكن يكسر الحواجز و التعقيدات ...

    و بقدم ليك دعوة تزورينا في مكتبة الأغنية السودانية ...

    عشان تلقي اهتمامنا ما بس بي اغنية الوسط ...

    بل كل بقاع السودان ... غنا البقارة و الشايقية و الشرق و الجنوب و كل بقاع السودان وثقنا ليهو ...

    فأرجوكي ما تبخسي مجهودات مئات من الناس معاي و تصغرينا لمجرد اننا ناس غنا و بس ...

    وجعك و جعي يا آمنة ...

    و قتل الأبرياء موجع ... لكن لا تأخذينا بجريرة بعض المتخلفين المتعنصرين ياخي ...

    دام الاحترام بيناتنا ... و ربنا يخفف على قلبك ان شاء الله ...
                   |Articles |News |مقالات |بيانات

07-01-2017, 12:46 PM

Hani Arabi Mohamed
<aHani Arabi Mohamed
تاريخ التسجيل: 25-06-2005
مجموع المشاركات: 2008

للتواصل معنا

FaceBook
تويتر Twitter
YouTube


Re: يا بكري .. بالله أضيف لينا خانة ( القبيلة ) ف (Re: يحي قباني)

    تحياتي عمي يحيى

    نحن هنا كائنات مؤقتة - لا أظن أن أحداً منا سيجد فرصة تتعدى 100 عام على هذه الأرض - لماذا نصر أن نثير مشاكل دائماً ونتركها بعدنا لتكبر ؟

                   |Articles |News |مقالات |بيانات

07-01-2017, 02:18 PM

اميرة السيد

تاريخ التسجيل: 09-07-2010
مجموع المشاركات: 5598

للتواصل معنا

FaceBook
تويتر Twitter
YouTube


Re: يا بكري .. بالله أضيف لينا خانة ( القبيلة ) ف (Re: Hani Arabi Mohamed)

    عمنا الفاضل
    الاستاذ يحى ود قباني
    لا اريد هنا ان اشيد بكتاباتك فمعظم اعضاء المنبر العام
    ان لم نقل كلهم يشهدون بانك عفيف اللسان ولم نقرا لك ابدا
    اي شئ من العنصرية والتطرف في كتاباتك وتعليقاتك ...وهناك
    من هم ليسوا اعضاء في المنبر العام يتابعون ايضا مداخلاتك
    واود هنا ان اكتب تعليق صديقة عزيزة وزميلة اسمها امتثال ، وهي
    بالمناسبة مدمنة قراءة المنبر العام ..وتكتب الان وتقول بالحرف الواحد
    وبالنص ::"
    استاذنا يحى قباني
    تحية طيبة واحتراما
    اقرا سودانيز اون لاين كثيرا ومعجبة بكتابات كثير من كتاب المنبر العام
    وادبائه وشعرائه وفنانيه والذين يكتبون في جميع المجالات وانت منهم
    ..
    وفي ردك الاخير للاستاذة امنة مختار قرات هذه الفقرة التي مست شغاف
    قلبي وهي قولك"_عندي اقتناع كامل ان الفن لغة يونيفيرسال زي الحب ممكن
    يكسر الحواجز والتعقيدات"..
    شكرا فقد عبرت هنا تماما عني وعن ما بجيش بدواخلي لان الفن لغة الكون يفهمه
    الكل ولو لم يكن هناك فن في هذه الدنيا لاخترعناه ولو لم يكن هناك فن في هذه
    الدنيا المليانة ماسي ومحن وكوارث لاصبحت الدنيا مسيخة وبايخة.
    نعم نحن نهتم باشياء كثيرة في هذه الدنيا لان الدنيا كلها ليست فن فحسب فنحن
    نهتم بمستقبل بلادنا ومعاناة اهلنا وحياة الناس التي مسخها نظام حاكم ظالم ظلم الكل
    وحاربهم في معيشتهم ولكن الفن جزء لا يتجزا من شعورنا واحساسنا ..
    نحن نحس حتى ان ضربات قلوبنا ونبضاتها، وبقدرة الله سبحانه وتعالى،تتناغم وتتناسق
    بشكل هارموني بديع وسيمفونية رائعة مع احاسيسنا وخطوات سيرنا ومشاعرنا التي تفيض
    انسانية تفرح بفرح الاخرين وتتالم بالم الاخرين وتحزن باحزان الاخرين...وهذه النبضات
    والنغمات هي التي تجعل الحياة جميلة..والله جميل يحب الجمال.
    امتثال..
    (انتهى كلام امتثال)
    ولا تعليق..
    سوى ان اقول لامتثال: انتي والله زولة سمحة في كل شئ
    واقول لعمنا ود قباني؛ والله ياخي انت زول سمح بالحيل..
    والله يديكم الصحة والعافية


                   |Articles |News |مقالات |بيانات

07-01-2017, 02:53 PM

اميرة السيد

تاريخ التسجيل: 09-07-2010
مجموع المشاركات: 5598

للتواصل معنا

FaceBook
تويتر Twitter
YouTube


Re: يا بكري .. بالله أضيف لينا خانة ( القبيلة ) ف (Re: Hani Arabi Mohamed)

    عمنا الفاضل
    الاستاذ يحى ود قباني
    لا اريد هنا ان اشيد بكتاباتك فمعظم اعضاء المنبر العام
    ان لم نقل كلهم يشهدون بانك عفيف اللسان ولم نقرا لك ابدا
    اي شئ من العنصرية والتطرف في كتاباتك وتعليقاتك ...وهناك
    من هم ليسوا اعضاء في المنبر العام يتابعون ايضا مداخلاتك
    واود هنا ان اكتب تعليق صديقة عزيزة وزميلة اسمها امتثال ، وهي
    بالمناسبة مدمنة قراءة المنبر العام ..وتكتب الان وتقول بالحرف الواحد
    وبالنص ::"
    استاذنا يحى قباني
    تحية طيبة واحتراما
    اقرا سودانيز اون لاين كثيرا ومعجبة بكتابات كثير من كتاب المنبر العام
    وادبائه وشعرائه وفنانيه والذين يكتبون في جميع المجالات وانت منهم
    ..
    وفي ردك الاخير للاستاذة امنة مختار قرات هذه الفقرة التي مست شغاف
    قلبي وهي قولك"_عندي اقتناع كامل ان الفن لغة يونيفيرسال زي الحب ممكن
    يكسر الحواجز والتعقيدات"..
    شكرا فقد عبرت هنا تماما عني وعن ما بجيش بدواخلي لان الفن لغة الكون يفهمه
    الكل ولو لم يكن هناك فن في هذه الدنيا لاخترعناه ولو لم يكن هناك فن في هذه
    الدنيا المليانة ماسي ومحن وكوارث لاصبحت الدنيا مسيخة وبايخة.
    نعم نحن نهتم باشياء كثيرة في هذه الدنيا لان الدنيا كلها ليست فن فحسب فنحن
    نهتم بمستقبل بلادنا ومعاناة اهلنا وحياة الناس التي مسخها نظام حاكم ظالم ظلم الكل
    وحاربهم في معيشتهم ولكن الفن جزء لا يتجزا من شعورنا واحساسنا ..
    نحن نحس حتى ان ضربات قلوبنا ونبضاتها، وبقدرة الله سبحانه وتعالى،تتناغم وتتناسق
    بشكل هارموني بديع وسيمفونية رائعة مع احاسيسنا وخطوات سيرنا ومشاعرنا التي تفيض
    انسانية تفرح بفرح الاخرين وتتالم بالم الاخرين وتحزن باحزان الاخرين...وهذه النبضات
    والنغمات هي التي تجعل الحياة جميلة..والله جميل يحب الجمال.
    امتثال..
    (انتهى كلام امتثال)
    ولا تعليق..
    سوى ان اقول لامتثال: انتي والله زولة سمحة في كل شئ
    واقول لعمنا ود قباني؛ والله ياخي انت زول سمح بالحيل..
    والله يديكم الصحة والعافية


                   |Articles |News |مقالات |بيانات

07-01-2017, 03:54 PM

يحي قباني
<aيحي قباني
تاريخ التسجيل: 20-08-2012
مجموع المشاركات: 12100

للتواصل معنا

FaceBook
تويتر Twitter
YouTube


Re: يا بكري .. بالله أضيف لينا خانة ( القبيلة ) ف (Re: Hani Arabi Mohamed)

    Quote: لماذا نصر أن نثير مشاكل دائماً ونتركها بعدنا لتكبر ؟

    تحياتي ولدنا هاني

    لا اعلم ...

    و يحول سؤالك الى جهة الاختصاص من مثيري المشاكل ...
                   |Articles |News |مقالات |بيانات

07-01-2017, 04:10 PM

يحي قباني
<aيحي قباني
تاريخ التسجيل: 20-08-2012
مجموع المشاركات: 12100

للتواصل معنا

FaceBook
تويتر Twitter
YouTube


Re: يا بكري .. بالله أضيف لينا خانة ( القبيلة ) ف (Re: يحي قباني)

    Quote: وفي ردك الاخير للاستاذة امنة مختار قرات هذه الفقرة التي مست شغاف
    قلبي وهي قولك"_عندي اقتناع كامل ان الفن لغة يونيفيرسال زي الحب ممكن
    يكسر الحواجز والتعقيدات"..
    شكرا فقد عبرت هنا تماما عني وعن ما بجيش بدواخلي لان الفن لغة الكون يفهمه
    الكل ولو لم يكن هناك فن في هذه الدنيا لاخترعناه ولو لم يكن هناك فن في هذه
    الدنيا المليانة ماسي ومحن وكوارث لاصبحت الدنيا مسيخة وبايخة.
    نعم نحن نهتم باشياء كثيرة في هذه الدنيا لان الدنيا كلها ليست فن فحسب فنحن
    نهتم بمستقبل بلادنا ومعاناة اهلنا وحياة الناس التي مسخها نظام حاكم ظالم ظلم الكل
    وحاربهم في معيشتهم ولكن الفن جزء لا يتجزا من شعورنا واحساسنا ..
    نحن نحس حتى ان ضربات قلوبنا ونبضاتها، وبقدرة الله سبحانه وتعالى،تتناغم وتتناسق
    بشكل هارموني بديع وسيمفونية رائعة مع احاسيسنا وخطوات سيرنا ومشاعرنا التي تفيض
    انسانية تفرح بفرح الاخرين وتتالم بالم الاخرين وتحزن باحزان الاخرين...وهذه النبضات
    والنغمات هي التي تجعل الحياة جميلة..والله جميل يحب الجمال.
    امتثال..
    (انتهى كلام امتثال)
    ولا تعليق..
    سوى ان اقول لامتثال: انتي والله زولة سمحة في كل شئ
    واقول لعمنا ود قباني؛ والله ياخي انت زول سمح بالحيل..
    والله يديكم الصحة والعافية

    تحية مودة صادقة لك و لبتنا الجميلة امتثال ...

    عمكم قباني عايش في ماضي جميل ... و الباقي ليهو في الدنيا حتماً ما قدر الراح من عمره ...

    ماضي كنا نتعايش فيه جميعاً ... دون التظر الى العرق او الدين او اللون السياسي ...

    نحتمل بعضنا البعض ... نترنم في الكنائس و ننشد في الموالد سوياً ...

    كنت على ثقة ان كمية الجمال الكامن في دواخل جيلنا و ما قبلنا له القدرة على التعايش مع القبح الذي عم العالم ...

    و لكن القبح آثر ان يعطي اهل السودان الجديد النصيب الأكبر ...

    فالخيار بات صعباً ... اما ان تصبح قبيحا ... لتجد لك مكاناً ... او تنزوي خلف استار الجمال ( الواهم ) حسب رؤية القبح السائد ...

    انا افضل ان احشر يوم القيامة و انا اغني عزة في هواك ...

                   |Articles |News |مقالات |بيانات

10-01-2017, 09:02 AM

سفيان عثمان قرضيه
<aسفيان عثمان قرضيه
تاريخ التسجيل: 04-03-2014
مجموع المشاركات: 630

للتواصل معنا

FaceBook
تويتر Twitter
YouTube


Re: يا بكري .. بالله أضيف لينا خانة ( القبيلة ) ف (Re: يحي قباني)

    شئ مؤسف أمر القبلية هذا
    والمحزن أن يأتي من أناس يفترض فيهم حمل مشاعل النور والمعرفة والوعي
                   |Articles |News |مقالات |بيانات

10-01-2017, 09:55 AM

Hatim Alhwary
<aHatim Alhwary
تاريخ التسجيل: 23-01-2013
مجموع المشاركات: 1880

للتواصل معنا

FaceBook
تويتر Twitter
YouTube


Re: يا بكري .. بالله أضيف لينا خانة ( القبيلة ) ف (Re: سفيان عثمان قرضيه)

    Quote: القبيلة في السودان تشكل 90% من المجتمع السوداني وهي حقيقة واقع وليس لها علاقة بالعنصرية


    اوكي ...وطيب دا علاقته شنو بحقوق المواطن الفرد؟

    انتا الدولة دي عايز تبنيها على اي اساس...على حق "المواطن" "الفرد" ول على حق "القبيلة" ؟

    يعني لو افترضنا انو في قبيلة سودانية تمثل اغلبية سكانية في السودان...فهل دا بعطيها الحق مثلا في حقوق او امتيازات تزيد عن اي قبيلة اقلية اخرى في السودان؟

    المرجعية مفروض تكون "للمواطن" الفرد وليس لقبيلته او مجموعته او اثنيته او طائفته

    انتا مواطن سوداني...خلاص انتهى...ماعايزين نعرف قبيلتك ول دينك
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de