|
|
|
 Re: هنا إشادة بمداخلة للمستنير أبي بكر عباس (Re: محمد حيدر المشرف)
|
يا مشرف، يا اخي، بصفتك مثقف يساري كبير، كنا نظن أنك سوف تأتي لهذا البوست شايل معاولك للحفر، ما معقولة تكتفي بهذا المرور الباهت!!هسع أنا من قبيل محتار، هل المستنير الكبير محمد سليمان دا داير يشكرني حقيقي؟! ولّ حافر لي حفرة في نص الكلام دا ويمكن يكون مصنفني يساري؟ ولّ داير يدردق اليساريين ديل للبوست دا عبر مشاركتي المستنيرة المقتبسة؟!المهم، كل الاحتمالات مفتوحة وكذلك مشاركاتي المتوقعة هنا!!!تناقض كثير من اليساريين هنا فيما يخص المرأة لا يحتاج لبحث،لكن كدي خلونا نبحّت عن عويس شويّة، لحدي ما الشرك دا يجيب لينا متبرع
| |
 
|
|
|
|
|
|
|
 Re: هنا إشادة بمداخلة للمستنير أبي بكر عباس (Re: محمد المسلمي)
|
بكور طالما البوست مفتوح باسمك لدي سؤال ..انت امريكي الجنسيه ام كانت مجرد مزحه ...ما فهمت غرضك من بوست ( الجواز) الشهير ..لو مزحه خبرني بغرضها فتشت عن البوست وكنت عايز اسالك فيه لكن لم اجده ..لديك طريقتك في نقد اليسار واليمين لكن احيانا تصعب علينا الرؤيه ..
| |
|
|
|
|
|
|
|
|
|
Re: هنا إشادة بمداخلة للمستنير أبي بكر عباس (Re: Muhib)
|
يا محب، لم تكن مزحة بمعناها الحرفي، لم احصل على الجواز الامريكي بعد، لكن الفكرة جاتني بعد انت تحصلت زوجتي على الجواز وحضرت معها المراسيم وأداء القسم، فرأيت في ذلك اشكال في احتفاظها بالجواز السوداني، وحبيت بعد ذلك اثارة هذا الاشكال بشكل هزليقسم الجواز الامريكي يتناقض مع مسلمات سودانية اسلامية!!دا كان غرضي والغرض مرض
| |
|
|
|
|
|
|
|
|
|
Re: هنا إشادة بمداخلة للمستنير أبي بكر عباس (Re: أبوبكر عباس)
|
مرور باهت ؟!! والله العظيم انت راجل لذيذ يا ابابكر وذو طرفه. حفر شنو ومعاول شنو آ زول والتناقض الاساسي هنا يكمن في كاريكتورية مشهد اللحية الداقة بطن الكيبورد .. هذه يا صديقنا أبابكر تمثل التناقض الأبرز في العالم .. تجي تقول لي تناقض خطاب اليسار وتراجي واستبطان وبطيخ؟!! تعرف كان تعليقي الأول يدور حول بؤس اليمين الدجال وهو يبحث عن ضالته في افواه البقر .. اها ابيت ارسلو .. قلت ابوبكر ده ممكن يظن -وهو آثم- انو هو المعني بفم البقرة .المهم .. لا معاول عندي وما كنت يساريا مثقفا لاحفر.. أحفروا انتو يا حلوين .. كن بخير.
| |
|
|
|
|
|
|
|
|
Re: هنا إشادة بمداخلة للمستنير أبي بكر عباس (Re: Mohamed E. Seliaman)
|
سلام المستنير الكبير محمّد سليمان،
يا أخي، البوست دا ما في زول جايهو تاني!
دحين خليني أستغل فرصة الصفاء بتاعتك دي، وأسألك آخر سؤال لي بالمنبر دا، باقي ناوي أتوقف نهائيا عن الكتابة، والمرّة دي ما زي المرات السابقات؛ ما ح أتراجع.
السؤال سألتو لصديقك العدو محمّد حسبو، ولمحمّد قرشي عباس
السؤال ليس له علاقة بالبوست، لكن إجابتك عليه تهمني جدا جدا
وعليك الله، ما ترد لي السؤال، وأقبل الأجابة في الخاص:
س: كيف تيقن محمّد سليمان أن القرآن نزل من عند الله ولم يقم بتأليفه بشر؟
| |
|
|
|
|
|
|
|
|
|
Re: هنا إشادة بمداخلة للمستنير أبي بكر عباس (Re: أبوبكر عباس)
|
الأخ الدكتور/ محمد الحسن سليمان،
السلام عليكم ورحمة الله وبركاته،، وكل عام وأنتم بخير ..
ووينك أيها الرجلُ؟
أهي فرصة، نطايبك، ونستذكر مع المستنيرين: ال فات مات .. و أخونا ال سقّا مات ..
يا أبابكر: قُل ليهو قُل ليهو:
دَعْ عنكَ لومي ..!
.................
مع التحايا للجميع
| |
|
|
|
|
|
|
|
|
|
Re: هنا إشادة بمداخلة للمستنير أبي بكر عباس (Re: محمد أبوجودة)
|
يا أبابكر عباس،
لو لم يكن من طرف "الاستنارة" إلّا هذا النسج غير ال هلهل! من أمثال:
| Quote: س: كيف تيقن محمّد سليمان أن القرآن نزل من عند الله ولم يقم بتأليفه بشر؟ |
فإنني أراك، جدّ مُستنير، ولكَ علامة
..................
أراهن أن عودة أحدهم، ربما تأخّرت إلى المغيب!
| |
|
|
|
|
|
|
|
|
|
Re: هنا إشادة بمداخلة للمستنير أبي بكر عباس (Re: أبوبكر عباس)
|
س: كيف تيقن محمّد سليمان أن القرآن نزل من عند الله ولم يقم بتأليفه بشر؟
هههه
بخيت شواف
بخيت دا كان مع الناس بتحروا هلال رمضان
قام شاف الهلال في جهة .. قال ليهم داك الهلال
قالوا ليه والله ما شاء الله شوااااف يا بخيت
قام قال ليهم وداك تاني هلال
هههههههه
| |
|
|
|
|
|
|
|
|
|
Re: هنا إشادة بمداخلة للمستنير أبي بكر عباس (Re: احمد الشيخ)
|
يا أحمد الشيخ،
فهمت مرمى مداخلتك
أقول ليك:
ليك حق دنياك هادية لا بتشيل هم لا بتتعب
أحس انني استهلكت نفسي هنا بشكل ممكن يؤثر على صحتي، لذلك قررت الذهاب، وفي نفسي شيء من حتى تركته هنا من غير مناسبة
السؤال دا استهلك من عمري الكثير، وادور حوله زي المجنون!!
محمد سليمان دا يمتلك مقدرات حوار عقليه لم اراها في أحد من كل الذين تحاورت معهم أو قرأت لهم
يمتلك شيء افتقده وهو:
Critcal thinking skills
فشنو، خلي لي هلالي دا هنا، يمكن محمد سليمان يقول " لبخيتك " دي سبيبة ساكت عالقة قدام عينك، أو يكون فعلا إنشق القمر
-----
القصة بتاعتك المتوارثة تحمل رايش عنصري
| |
|
|
|
|
|
|
|
|
|
Re: هنا إشادة بمداخلة للمستنير أبي بكر عباس (Re: محمد المسلمي)
|
وعليكم السلام، أخانا محمد البشرى
| Quote: على بال ما يجي المغيب و يأتي أحدهم هذا لم لا تدلي دلوك في موضوع سؤال المستنير |
إن كنتُ سأدلو بدلوي، ف لمَ كان تساؤلي إذن؟
............................
ما خايلة فوقك جندي استطلاع! وعلى الأقل ما تكون "طابية" فلكل طابية سِنّمارها.
| |
|
|
|
|
|
|
|
|
|
Re: هنا إشادة بمداخلة للمستنير أبي بكر عباس (Re: محمد أبوجودة)
|
الاخ محمد سليمان ..
لك التحية ولضيوفك الكرام ..
معذرة :
| Quote: ﻳﻔﻴﺾ ﺍﻟﻨﻴﻞ ﻧﺤﻴﺾ ﻧﺤﻦَ... ﻳﻈﻞ ﺣﺎﻝ ﺍﻟﺒﻠﺪ ﻭﺍﻗﻒ...ﺗﻘﻊ ﻣﺤﻨة... |
لا انتوا حضتوا ولا فاض النيل .. وحال البلد وقف لما وقع .. والمحنة بقت محن !
اها وكيف الخلاص ؟؟؟؟؟؟
وعرفنا تناقض اليسار وان شاء الله يبقي يمين . بس نفسي اعرف انت شايت علي وين ؟
ولك الاحترام .
| |
|
|
|
|
|
|
|
|
|
Re: هنا إشادة بمداخلة للمستنير أبي بكر عباس (Re: محمد البشرى الخضر)
|
| Quote: شكلك زعلت يا اباجودة, ولا يهمك يا عم, لك العتبى حتى ترضى |
احتمال برضو!
لكن لا والله، ما زعلتَ منّك ولاشئ ..
وعبارتي ( مجلوبة) من عبارة صحفي كبير لصحفي آخر كبير برضو
حيث قال الأول للثاني: [ معركتنا مع (الأصل) أمّا (الظل) فــ لا ]
---------------
يا اخوانّا، الدكتور ده دحين ماقال بِ جي؟
| |
|
|
|
|
|
|
|
|
|
Re: هنا إشادة بمداخلة للمستنير أبي بكر عباس (Re: محمد أبوجودة)
|
الحمد لله انك ما زعلت يا أبا جودة باقي اتحسّست قليلا انا :)
المهم .. سؤالي ليك عن دلوك في بير سؤال المستنير ما كان من باب البيدقة
لانه أبوبكر شكّاك شايل سؤاله دا وحايم بيه من زمن, وكلّنا - المؤمنين بان القرآن كلام الله المنزل على رسوله صلى الله عليه وسلم - معنيين بيه
فكل دلو يُدلى في الموضوع دا فوقه فائدة.
| |
|
|
|
|
|
|
|
|
|
Re: هنا إشادة بمداخلة للمستنير أبي بكر عباس (Re: محمد البشرى الخضر)
|
Quote: .... أبوبكر شكّاك شايل سؤاله دا وحايم بيه من زمن,
وكلّنا - المؤمنين بان القرآن كلام الله المنزل على رسوله صلى الله عليه وسلم - معنيين بيه
فكل دلو يُدلى في الموضوع دا فوقه فائدة. |
شكراً عزيزي ود البشرى،
وبمناسبة معنيين دي!
فقد ذكّرتني مقولة للجاحظ..
ففي تعليقه الجزل، أشار أبوعثمان عمرو بن بحر الجاحظ، في واحدة من "رسائله" أنّه من
البلاء على الإسلام، أن أيّ مُسلِم يرى أنه ال معنيّ بالرّد على أهل الكتاب، بل و ال مُعَطِّلَة! والزنادقة و ال مُلحدين. إلخ,,
لسنا - على الأقل شخصي الضعيف- من المَعنيين بالرّدّ على ال مُتَجَهِّمَة و ال مُتَبَرِّمة وال مُتَشَرِّمة دياناتهم! لا سيما في
سودانيز ده .. هه
ولسان حالنا: كُل شاة مُعَلَّقة من عصبتها ال ورا
..........
| |
|
|
|
|
|
|
|
|
|
Re: هنا إشادة بمداخلة للمستنير أبي بكر عباس (Re: محمد أبوجودة)
|
Quote: لسنا - على الأقل شخصي الضعيف- من المَعنيين بالرّدّ على ال مُتَجَهِّمَة و ال مُتَبَرِّمة وال مُتَشَرِّمة دياناتهم! لا سيما في
سودانيز ده .. هه |
حتى أننا يا أبا جودة، نحن الزنادقة ديل -على الأقل شخصي الزنديق الضعيف- زاهدين في ردودٍ من العوام لا تسمن ولا تغني من شوق
| |
|
|
|
|
|
|
|
|
|
Re: هنا إشادة بمداخلة للمستنير أبي بكر عباس (Re: ahmedona)
|
| Quote: حتى أننا يا أبا جودة، نحن الزنادقة ديل -على الأقل شخصي الزنديق الضعيف- زاهدين في ردودٍ من العوام لا تسمن ولا تغني من شوق |
إذن فليس لها، إلّاه
ولكن يا عزيزي، فإنه من البؤس أن يكون المرء - في الزندقة - ضعيف!
.............................
مع ذلك فلن أقرأ " مداخلتك " دي كطفرة نافرة من كتاب " لجم العوام " .. ف للعوام حوبتهم.
| |
|
|
|
|
|
|
|
|
|
Re: هنا إشادة بمداخلة للمستنير أبي بكر عباس (Re: محمد أبوجودة)
|
أرأيتَ إن هديتُك لواحد من شخصَين كاتبين ناجرين جاريَيْن - ولو ! - على تخوم تساؤلك ده
ولا أضمن ردّة فعل أدناهما تجاه تساؤلك، أو العقابيل عليك!!
...............................
قيل أن الناس لهجتْ في شدّة حِلْمِ الأحنف بن قيس، وصار التميميّون يفرّون في أحاديثهم مع الناس عن حِلمِ سيّدهم وحكمته الشاسعة
فاضّغن عليه بعض صعاليك العرب وسار إليه والأحنف في مجلسِه على كُرسي خيزران والتميميون جلوس حوله، فطلمه (لامن رماه على قفاه)
أدرك الأحنف، مقصود الصعلوك، فمنع قومه من الرّد عليه، ثم قال له: لمَ لطمتني؟ قال الصعلوك (أقيلا الزنديق بضعف! هه): كرّهتونا
أنك سيد العرب سيد الشي ذاتا ..!! فقال له الأحنف: لستُ بسيِّد العرب، ولكن سيّدهم هو "فلان" ...!
فراح الصعلوك "بِ سراع" ثم لطم "فلان" في مجلسه، فقطعوا يده
ونجا منها الأحنف ال مُستنير!
| |
|
|
|
|
|
|
| |
Mohamed E. Seliaman
ABUHUSSEIN
حيدر حسن ميرغني
محمد حيدر المشرف
أبوبكر عباس
محمد المسلمي
Muhib
Hafiz Bashir
محمد أبوجودة
احمد الشيخ
محمد البشرى الخضر
مني عمسيب
ahmedona
فيس بوك
تويتر
انستقرام
يوتيوب
بنتيريست