نشطاء المعارضة بالقاهرة يخونون الوطن نهارا" جهارا"

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 13-11-2018, 11:17 PM الصفحة الرئيسية

مدخل أرشيف للعام 2016-2017م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
26-04-2017, 10:36 AM

Salah Zubeir
<aSalah Zubeir
تاريخ التسجيل: 17-08-2015
مجموع المشاركات: 2231

للتواصل معنا

FaceBook
تويتر Twitter
YouTube


نشطاء المعارضة بالقاهرة يخونون الوطن نهارا" جهارا"

    10:36 AM April, 26 2017

    سودانيز اون لاين
    Salah Zubeir-UAE
    مكتبتى
    رابط مختصر

    كتب المعارض بالقاهرة احمد محمد بشير في بوست غريبة SOS :-
    Quote: عمل جميل يقوم به النشطاء بالتعاون مع المخابرات المصرية في القاهر من اجل حصر ازيال البشير وعملاءه في القاهر وستظهر نتائجه قريبا ... كلهم مصيرهم الطرد ... لتصبح الجالية نظيفة ومعافاه من امثال غريبة و المطبلاتية. يلااا ارجعوا لبشيركم واقعدوا معاه في الخرطوم... مكان ليس القاهرة و الترطيبة ياحثالة روح ضوق المعاناة البيعانيها المواطن داخل البلد.

    نشطاء المعارضة بالقاهرة (يعملون) مع المخابرات المصرية لكنس القاهرة من
    السودانيين المؤيدين للحكومة والضرورية السودانيين الذين لا ينضمون إليهم وإبعادهم من قاهرة (الترطيب) الي خرطوم (المعاناة) ...
    لك الله أيها الشعب السوداني الصابر ...
                   |Articles |News |مقالات |بيانات

26-04-2017, 11:56 AM

sadig mirghani

تاريخ التسجيل: 03-03-2014
مجموع المشاركات: 2378

للتواصل معنا

FaceBook
تويتر Twitter
YouTube


Re: نشطاء المعارضة بالقاهرة يخونون الوطن نها� (Re: Salah Zubeir)

    بالله دا كلام دا ياصلاح
    الله يرحم الشريف حسين الهندي
                   |Articles |News |مقالات |بيانات

26-04-2017, 01:19 PM

ناصر حسين محمد

تاريخ التسجيل: 09-01-2013
مجموع المشاركات: 5193

للتواصل معنا

FaceBook
تويتر Twitter
YouTube


Re: نشطاء المعارضة بالقاهرة يخونون الوطن نها� (Re: sadig mirghani)

    أخي صلاح
    ليس فقط معارضي القاهرة
    صدقني كافة المعارضين في اي مكان لا يفرقون بين الوطن والنظام
    ولو الامر بايديهم لعاثو فسادا حتى يثور الانسان وياتي لهم بثورة جاهزة

                   |Articles |News |مقالات |بيانات

26-04-2017, 01:26 PM

sadig mirghani

تاريخ التسجيل: 03-03-2014
مجموع المشاركات: 2378

للتواصل معنا

FaceBook
تويتر Twitter
YouTube


Re: نشطاء المعارضة بالقاهرة يخونون الوطن نها� (Re: Salah Zubeir)

    أخ ناصر
    باعتبارك معارض سابق
    هل كان لديك تنسيق مع جهات اجنببة؟
    سؤال وجيه مش
                   |Articles |News |مقالات |بيانات

26-04-2017, 04:19 PM

Salah Zubeir
<aSalah Zubeir
تاريخ التسجيل: 17-08-2015
مجموع المشاركات: 2231

للتواصل معنا

FaceBook
تويتر Twitter
YouTube


Re: نشطاء المعارضة بالقاهرة يخونون الوطن نها� (Re: sadig mirghani)

    Quote: يلااا ارجعوا لبشيركم واقعدوا معاه في الخرطوم... مكانكم ليس القاهرة و الترطيبة ياحثالة روح ضوق المعاناة البيعانيها المواطن داخل البلد.

    أنا سوداني اما" وابا" عن جد لا عندي شغلة مع حكومة لا عندي شغلة مع معارضة لكن هذا البلد السودان فوق حدقات العيون ... عشت خارج السودان للعمل أكثر من ثلاثة عقود زرت فيها الكثير الكثير من بلاد العالم شرقها وغربها شمالها وجنوبها ... وزرت القاهرة المزدهرة مرتين في مطلع التسعينيات (مش القاهرة التي تأكل مخرجاتها الان) ورفضت العودة إليها لاختلافات جينية (بالسوداني كدا ما قسمو معاي وبالمصري مبروم مع مبروم ما يلفش) ... في خلال هذه الفترة لم أغب عن السودان لمدة عام كامل (12 شهر) .... زرتها لمدة أكثر من شهر وزرتها لمدة أقل من يومين (طقت في راسي نهار الخميس وصلتا الخرطوم 9 بالليل ورجعت مكان عملي صباح السبت) .... زرت الخرطوم في كل أوقات السنة صيف شتاء خريف وأشتاق جدا" لموسم الهبوب اللونا بني ومايل للسواد وهي تزحف نحو الخرطوم من ناحية البطانه ... استمتع واشتاق جدا" للنوم في الخرطوم (في الحوش أو السطوح) أو القرية وأنا ملتفحا" السماء وهنالك فرق بين الإثنين ... ملتزم جدا" بي عاداتنا الإجتماعية في الفرح والموت والكرم والتكافل والجودية والرجالة والفراسة وفي ذلك نبذل الغالي والنفيس واسفار صعيد وسافل واستهلك في سبيل ذلك أوقات غالية جدا" ... وأنا بالخارج اشتاق لي لمة فطور فيها صحنين واحد مليان فول مصلح من مجاميعه والتاني مليان طماطم بالدكوة والبصل الأخضر والشطة الخدرا ملتفين حولينا كل الاعزاء الي قلبك .... الكثير الكثير من تفاصيل الحياة الجميلة والممتعة والتي افتقدها بشدة حال ارتفعت الطائرة فوق الخرطوم ... هذا هو ديدني طوال وجودي خارج السودان منذ ثمانينات القرن الماضي... تبدلت حكومات وجسمت الإنقاذ والحياة هي كما هي نعم هنالك صعوبات جمة أتت بها الانقاذ
    ولكن هذا الشعب العظيم تغلب عليها وفي كل صباح جديد يملأهو التفاؤل
    بغد أفضل وأحسن من الأمس ... مصر والقاهرة وسكانها فيهم المرطب وفيهم الذي يعاني ليل نهار وكذلك الخرطوم .... العمل الجميل الذي تقومون
    به مع مخابرات بلد اجنبي ضد سودانيين مثلكم عار وعار كبير جدا" عليكم وخيانة باينة ضد السودان الوطن والشعب تستحقون عليها الموت لأنكم بذرة
    فاسدة معفنة لا تستحق الحياة .
    الصادق تحياتي .. اهو زي ما شايف بس بجاحة ابوالدقيق ...
    ناصر مرحب بيك واتمني يكون رجوعك من هذه الشرذمة للسودان الوطن ...
                   |Articles |News |مقالات |بيانات

27-04-2017, 03:27 AM

كمال الدين يوسف
<aكمال الدين يوسف
تاريخ التسجيل: 21-04-2014
مجموع المشاركات: 272

للتواصل معنا

FaceBook
تويتر Twitter
YouTube


Re: نشطاء المعارضة بالقاهرة يخونون الوطن نها� (Re: Salah Zubeir)

    ليس غريبا على هذه المعارضة اليتيمة
                   |Articles |News |مقالات |بيانات

27-04-2017, 07:13 AM

Salah Zubeir
<aSalah Zubeir
تاريخ التسجيل: 17-08-2015
مجموع المشاركات: 2231

للتواصل معنا

FaceBook
تويتر Twitter
YouTube


Re: نشطاء المعارضة بالقاهرة يخونون الوطن نها� (Re: كمال الدين يوسف)

    تعريف الخيانة العظمي المبذول في الأسافير :-
    الخيانة العظمى توجه هذه التهمة إلى من يتخابر مع دولة أجنبية بهدف تقويض الأمن والاستقرار في بلاده، يتامر ويقاتل مع طرف آخر ضد بلاده وشعبه، يتخابر مع دول أخرى عدوَّه مُـسَـرِّبَــاً لها أسرار الدولة , هي بضعة أمثلة شائعة لما يمكن إعتباره خيانة عظمى. وتكون العقوبة العادية على هذه الخيانة هي الإعدام أو السجن المؤبد. ويُسمَّى الشخصُ المتهمُ بالخيانة العظمى في العادة خائناً.
                   |Articles |News |مقالات |بيانات

27-04-2017, 04:12 PM

Salah Zubeir
<aSalah Zubeir
تاريخ التسجيل: 17-08-2015
مجموع المشاركات: 2231

للتواصل معنا

FaceBook
تويتر Twitter
YouTube


Re: نشطاء المعارضة بالقاهرة يخونون الوطن نها� (Re: Salah Zubeir)

    Quote: عمل جميل يقوم به النشطاء بالتعاون مع المخابرات المصرية في القاهر من اجل حصر ازيال البشير وعملاءه في القاهر وستظهر نتائجه قريبا ... كلهم مصيرهم الطرد

    ما قمتم به من (عمل جميل) يا نشطاء المعارضة بالقاهرة هو :-
    1 :- القبول بالتعاون مع المخابرات المصرية يعني الولوغ في
    حياض الخيانة بكامل ارادتكم في ظل وجود خيار عدم التعاون ...
    انتم تفخرون بالتعاون معهم.
    2 :- لن ترضي المخابرات المصرية من عملائها الحصول علي
    معلومات (حمام ميت) وإنما تطلب معلومات تستفيد منها في
    حربها المعلنة ضد السودان الوطن ... يعني العميل يجي يقول
    صلاح غريبة عميل لي حكومة البشير ارجوكم ابعدوهو حا
    يقولو ليك نحنا عارفنو ومش شغلك نبعدو ولا نخليهو.
    وفي الغالب الأعم لن يبعدوهو لانو عندو شغل لازم يتمو.
    المخابرات المصرية ترصد كل السودانيين الداخلين
    لمصر وعارفاهم بالإسم وكل المعلومات التي تخصهم
    وعارفا منو مع الحكومة ومنو مع المعارضة ودا من
    أبجديات العمل المخابراتي لحماية الدول.
    يبقي ما هو العمل الجميل الذي يقوم به نشطاء المعارضة
    بالتعاون مع المخابرات المصرية ...... الجماعة ديل اقرو
    بأنو بقومو بي عمل (جميل) بالتعاون مع المخابرات المصرية.....
                   |Articles |News |مقالات |بيانات

27-04-2017, 10:01 PM

على تاج الدين على
<aعلى تاج الدين على
تاريخ التسجيل: 25-10-2008
مجموع المشاركات: 2213

للتواصل معنا

FaceBook
تويتر Twitter
YouTube


Re: نشطاء المعارضة بالقاهرة يخونون الوطن نها� (Re: Salah Zubeir)

    سلااااام...معظم المعارضين السودانيين ديل عندهم قضية شخصية مع النظام ابحث وراء كل معارض بهدو تجده احيل للصالح العام او احيل فرد من افراد اسرته كان مصدر انتفاع او منضوى لحزب من الاحزاب التى كانت تستاثر بالسلطة فى اخرحكومة قبل مجئ هذا النظام وهكذا دواليك وهذه ليست قاعدة على اطلاقيتها قد تجد قليل يعارض لاجل حياة كريمة لشعبه ومتجرد للمصلحة العامة ومهموم بطموحات وتطلعات الناس البسطاء..ولكن الاغلبية من الفئة ذات المصالح الضيقة ومن ثم لا يجدون حرجا ان يخونو وطنهم فى سبيل مصالحهم الخاصة والسودانيين معظمهم ايضا تعتريهم ضعف النزعة والحمية الوطنية ..ولا يفرقون بين المصالح العليا لوطنهم وبين النظام الحاكم واهوائهم الشخصية..شى مقرف بحق

    (عدل بواسطة على تاج الدين على on 27-04-2017, 10:04 PM)

                   |Articles |News |مقالات |بيانات

28-04-2017, 12:37 PM

Salah Zubeir
<aSalah Zubeir
تاريخ التسجيل: 17-08-2015
مجموع المشاركات: 2231

للتواصل معنا

FaceBook
تويتر Twitter
YouTube


Re: نشطاء المعارضة بالقاهرة يخونون الوطن نها� (Re: على تاج الدين على)

    كتب الناشط المعارض أحمد محمد بشير في بوست غريبة SOS :-
    Quote: اخر الاخبار من شباب القاهرة
    تم رصد قروبات فيسبوك يديرها صلاح غريبة وكتابات ومداخلات سابقة له تناول فيها الشأن المصري وبالتعاون مع صحفية مصرية مشهورة لصيقة بالشأن السوداني. الجدير بالذكرر ان ضابط المخابرات المصرية استغرب وجود شخص متعاوون مع حكوومة البشير على الااراضي المصررية دون رقابة. ووعد الضاببط لرفع القضيية الى الجهااتت العليا. انتظروا الاحداث مسااء اليوم او بعد انتهاء اجازة الاسبوع

    (مسااء اليوم) إنتهت أمس ... يبقي ننتظر الاحداث لغاية الأحد ومن عندي لغاية الخميس ... مافي أحداث ولا بطيخ وضابط المخابرات دا واحد صايع
    ممسكم بيض الحماره ... غايتو بجاحتكم بجاحة السواد والرماد.

                   |Articles |News |مقالات |بيانات

28-04-2017, 01:52 PM

محمد حيدر المشرف

تاريخ التسجيل: 20-06-2007
مجموع المشاركات: 19108

للتواصل معنا

FaceBook
تويتر Twitter
YouTube


Re: نشطاء المعارضة بالقاهرة يخونون الوطن نها� (Re: Salah Zubeir)


    بحسب ما نقلته هنا يا صلاح .. هذا عمل قبيح جدا.
                   |Articles |News |مقالات |بيانات

28-04-2017, 02:13 PM

طلحة عبدالله

تاريخ التسجيل: 14-09-2007
مجموع المشاركات: 15449

للتواصل معنا

FaceBook
تويتر Twitter
YouTube


Re: نشطاء المعارضة بالقاهرة يخونون الوطن نها� (Re: محمد حيدر المشرف)


    Quote: مش القاهرة التي تأكل مخرجاتها الان

    مخرجاتها تختلف عن مخرجات شعبها يا صلاح .. خد بالك خخخخخخ
    عجبتني الخاطرة الاقتبس منها العبارة الفوق دي خصوصا حتة لما
    تمشي والكتاحة تزرك زرة زرزور ههههههههه
                   |Articles |News |مقالات |بيانات

28-04-2017, 03:20 PM

Bashasha
<aBashasha
تاريخ التسجيل: 08-10-2003
مجموع المشاركات: 19038

للتواصل معنا

FaceBook
تويتر Twitter
YouTube


Re: نشطاء المعارضة بالقاهرة يخونون الوطن نها� (Re: طلحة عبدالله)



    عرفنا عمالة المعارضة، ماذا عن نظامك المجرم الفاسد الفاسق؟

    بعادي في اسيادو ليه؟

    مش عشان خاطر عيون اذلام الخديوي حسن البنا؟

    لو ده حاصل فهل هذه وطنية ام عمالة، والسودان الي يومنا هذا مصري؟

    في شنو في سودانك ده ما مصري من اساسو؟

    يا لنكتة مفردات عمالة ووطنية علي لسان ازلام، حسن البنا، عبدالناصر، ابن العثيمين، صدام حسين، الاسد، وحتي قذاف الدم!

    قال وطنية قال!
                   |Articles |News |مقالات |بيانات

28-04-2017, 03:45 PM

كمال عباس

تاريخ التسجيل: 06-03-2009
مجموع المشاركات: 14176

للتواصل معنا

FaceBook
تويتر Twitter
YouTube


Re: نشطاء المعارضة بالقاهرة يخونون الوطن نها� (Re: Bashasha)

    لماذا لا تتحدث عن عملاء القاهرة من المنتميين لنظام الإنقاذ؟
    القاهرة لا إعتقد إنها ستطرد البيه صلاح غريبة وإنما قد تطرد أو تضيق علي من يبلغون عنه !
    مسألة تصفيات الخصومات السياسية -عبر التبليغ للسلطات الاجنبية تقوم به كوادر الجبهة الإسلامية في السعودية
    والخليج منذ العهد المايوي و ترحيل معارضين من مصر والخليج شاهد علي هذا !
    من وشي بشيخ الامين وزج به في سجون الخليج ؟ومن وشي بالدقير
    وأعاده للسودان ؟ من وشي بمحرر الراكوبة وليد حسين وأدي لسجنه بالسعودية؟
    أسلوب الوشايات وقطع الأرزاق مرفوض بالخارج بمثل ماهو مرفوض داخل السودان !!
    *
    أكثر ضحايا الوشايات والإستعانة بمخابرات الخارج هم المعارضين !
    * ملحوظة أكثر من يقف مع مصر الرسمية هو كادر المؤتمر الوطني صلاح غريبة !
    *وأكثر رهن مواردنا لمصر وأرتهن لمصر الرسمية هو نظام الإنقاذ وعمر البشير تحديدا!
    _البشير هو منح مصر المحتلة لترابنا أراضي زراعية
    وأهداها الأبقار
    وأهدي عشرات السيارات والالاف الدولار لمنتخبها الكروي
    وهو من فرط في حلايب لصالحها
    هل تجرؤ علي وصفه بالخيانة والتفريط لصالح مصر ؟
                   |Articles |News |مقالات |بيانات

28-04-2017, 04:24 PM

Salah Zubeir
<aSalah Zubeir
تاريخ التسجيل: 17-08-2015
مجموع المشاركات: 2231

للتواصل معنا

FaceBook
تويتر Twitter
YouTube


Re: نشطاء المعارضة بالقاهرة يخونون الوطن نها� (Re: كمال عباس)

    الأخ كمال الدين يوسف تشكر علي المرور وما اظن هذه الشرذمة تعاني
    اليتم فقط ولا أظن ابو المعارضة الشريف الهندي يرضي بأن يكونو
    هؤلاء من صلبه ....

    الأخ علي تاج الدين مرحب بك وفعلا" لا قولا" شيء مقرف.

    دكتورنا المشرف إتا ميزان الموية والخيت في المنبر دا ساعة تقول
    فعل قبيح جدا" فهو مؤكد كذلك.

    طلحة ياخي الناس ديل مخرجاتم كتيرة اقلاها تأثيرا" هي البشرية ...
    إتا عارف اكتر حاجة مستفزة وخلتني اكتب هذه الخاطرة هو افتخار
    هذا المعتوه بي ترطيبة القاهرة ومعاناة الخرطوم ...

    اعتذر عن جمعكم في مداخلة واحدة لأسباب فنية (almost 4 per day)


                   |Articles |News |مقالات |بيانات

29-04-2017, 07:08 AM

Salah Zubeir
<aSalah Zubeir
تاريخ التسجيل: 17-08-2015
مجموع المشاركات: 2231

للتواصل معنا

FaceBook
تويتر Twitter
YouTube


Re: نشطاء المعارضة بالقاهرة يخونون الوطن نها� (Re: كمال عباس)

    Quote: لماذا لا تتحدث عن عملاء القاهرة من المنتميين لنظام الإنقاذ؟

    اخ كمال تحياتي ...
    عملاء القاهرة من الانقاذ لينا اكتر من شهر بندق في صلاح
    غريبة دق العيش مالك ما جيت سألت سؤالك دا بالمقلوب.
    دا أولا"
    ثانيا" زول اتبرع براهو وجا قال انا شغال مع المخابرات
    المصرية ... دا موضوع البوست ... وواضح انك ما قلتا
    رايك فيهو يعني مداخلتك دي كلها اوف بوينت لأنك قتا
    حي الله كلام لو قالو ليك هات دليل واحد عليهو ما حا
    تقدر تجيبو ... بس بهمنا رايك في كلام احمد محمد بشير
    الناشط المعارض بالقاهرة الواضح دا ... عندو 4 مداخلات
    في بوست صلاح غريبة SOS امشي اقرأهم كويس وان
    بقيت لسع عايز تدافع عنو تعال يابا اردح زي ردحيك ألفي
    مداخلتك هنا ... غايتو اي زول يجي يدافع ولا يدلس في
    الكلام الواضح دا يمشي يفتش محاسن وين عشان تكب
    ليهو حرجل بدون سكر.
                   |Articles |News |مقالات |بيانات

28-04-2017, 05:26 PM

Salah Zubeir
<aSalah Zubeir
تاريخ التسجيل: 17-08-2015
مجموع المشاركات: 2231

للتواصل معنا

FaceBook
تويتر Twitter
YouTube


Re: نشطاء المعارضة بالقاهرة يخونون الوطن نها� (Re: Bashasha)

    Quote: عرفنا عمالة المعارضة، ماذا عن نظامك المجرم الفاسد الفاسق؟ بعادي في اسيادو ليه؟

    عزيزنا بشاشا هيمسلف .... ياخي زارتنا البركة ... حا ارد علي
    كلامك المكوت دا بالتفصيل وما تبقي من مداخلتك فهو شوية
    تاريخ وغباين شايله في ضهرك وحمتا بيها في كتير من البوستات .....
    (عرفنا عمالة المعارضة) ... هههه يا زول دا نعتبرو اعتراف منك
    بصفتك عضو معاهم ولا ما معاهم .... انا شخصيا" لم اتطرق
    للمعارضة كلها ولكن ناشطي المعارضة بالقاهرة قالو نحنا عملاء
    للمخابرات المصرية بي وضوح شديد جدا" وليس لنا إلا ان نصدقهم.
    (نظامك) الكاف دا إنتا (عزيزنا بشاشا) مشمول فيهو ولا رميت
    جواز (نظامك) دا بدري وبقيت يانكي ... غايتو إذا بقيت يانكي
    بختك بس حبيت اقول ليك اي واحد من المعارضة العميلة دي
    (علي حسب كلامك) شايل الجواز السوداني عمليا" هو تبع
    النظام في الخرطوم .
    (النظام المجرم الفاسد الفاسق) أتفق معك ... بس يظل نظام
    كل السودانيين شاء من شاء وابي من أبي يا قول ياسر عرفات ...
    (بعادي في اسيادو ليه) يا زول ها المصريين ديل اسياد في
    مخيلتك إتا براك ديل من نحنا سغار كنا بنقول عليهم حلبي
    حمريطي السيادة يلقوها وين ... بي صراحة إتا محتاج تجي
    منطقة الشرق الأوسط دي شوية مش ضروري السودان
    عارفك ما بتقدر ... امشي اي بلد تاني غير مصر واسأل عن
    المصريين عشان تتعافى شوية من البقجة بتاعت العقد
    الشايله فوق ضهرك دا وتعرف قيمة المصريين عند كافة
    الشعوب العربية.
    تحياتي
                   |Articles |News |مقالات |بيانات

28-04-2017, 06:32 PM

جمال ود القوز
<aجمال ود القوز
تاريخ التسجيل: 25-01-2013
مجموع المشاركات: 4435

للتواصل معنا

FaceBook
تويتر Twitter
YouTube


Re: نشطاء المعارضة بالقاهرة يخونون الوطن نها� (Re: Salah Zubeir)

    هل تسرب اليأس لبعض شرائح المعارضة وفشلت في احداث أي تغيير ..
    لدرجة إنها اصبحت ترى انه السودان أصبح ملك للمؤتمر الوطني ..
    فأصبح لديها هذا الخلط المريع .. بين الوطن والنظام ..
    الحاصل من بعض منسوبي المعارضة خيانة راسا عديل ..
    ولا مسمى آخر لما يحدث منهم .. أتصل بهم الجرأة لهذا الحد !! ..
    حقا اتى علينا الزمن الذي يتم فيه بيع الوطن بما فيه ..
    من أجل ان يحدث تغيير !!! .. عشنا وشفنا غايتو ...

                   |Articles |News |مقالات |بيانات

28-04-2017, 09:49 PM

سيف النصر محي الدين
<aسيف النصر محي الدين
تاريخ التسجيل: 12-04-2011
مجموع المشاركات: 8517

للتواصل معنا

FaceBook
تويتر Twitter
YouTube


Re: نشطاء المعارضة بالقاهرة يخونون الوطن نها� (Re: جمال ود القوز)

    ناس المؤتمر الوطني في جدة عادي ببلغوا الأمن السعودي
    باي نشاط سياسي معارض و بتبرعوا بقوائم فيها اسماء ناشطين
    في مواضيع مثل السدود و دارفور و غيرها.
                   |Articles |News |مقالات |بيانات

29-04-2017, 03:34 AM

Bashasha
<aBashasha
تاريخ التسجيل: 08-10-2003
مجموع المشاركات: 19038

للتواصل معنا

FaceBook
تويتر Twitter
YouTube


Re: نشطاء المعارضة بالقاهرة يخونون الوطن نها� (Re: سيف النصر محي الدين)

    ياصلاح نظام الجلابة وليس كل السودانيين ده، مصري!

    شن قولك؟

    الدويلة بي حالا مصرية، شن قولك؟

    والاهما عداء النظام لي اسيادو في مصر منطلقو مصري عديل كده ولا علاقة له بالسودان او السودانيين!

    نعم العجاجة دي كلها عشان خاطر عيون اذلام الخديوي حسن البنا تحديدا!

    بخلاف كده لايمكن نظام حاكم في سودان ممصر يفتح خشمو بي كلمة ضد مصر كقاعدة اطلاقا!

    نعم النظام مصري والمعارضة مصرية وهذه حقيقة!
                   |Articles |News |مقالات |بيانات

29-04-2017, 08:20 AM

Salah Zubeir
<aSalah Zubeir
تاريخ التسجيل: 17-08-2015
مجموع المشاركات: 2231

للتواصل معنا

FaceBook
تويتر Twitter
YouTube


Re: نشطاء المعارضة بالقاهرة يخونون الوطن نها� (Re: سيف النصر محي الدين)

    Quote: ناس المؤتمر الوطني في جدة عادي ببلغوا الأمن السعودي باي نشاط سياسي معارض و بتبرعوا بقوائم فيها اسماء ناشطين في مواضيع مثل السدود و دارفور و غيرها.

    فقدتا المنطق يا دكتور ... متن البوست دا انا قتا الناشط المعارض بالقاهرة احمد محمد بشير قال .... يبقي يا تجيب اسم واحد مؤتمرجي وتقولو
    الكلام المكوت دا ... يا مافي داعي ترمي الكلام ساي كدا علي عواهنو
    كاصطفاف ولا معارض داير يدافع عن معارض آخر .... هسع ممكن
    أذكر ليك 10 اسماء لي معارضين (وشيوعيين كمان) ليهم عشرات
    السنين في المملكة وبيعارضو ليل نهار ومعارضتم نجارة وخراطة
    ساي ... نوع عاااااجل وصور ..... وهلماجرا ... صلي علي النبي يا دكتور؟
                   |Articles |News |مقالات |بيانات

29-04-2017, 12:44 PM

سيف النصر محي الدين
<aسيف النصر محي الدين
تاريخ التسجيل: 12-04-2011
مجموع المشاركات: 8517

للتواصل معنا

FaceBook
تويتر Twitter
YouTube


Re: نشطاء المعارضة بالقاهرة يخونون الوطن نها� (Re: Salah Zubeir)

    يا صلاح انا كنت في جدة لسنوات طويلة و عارف زي ما معظم الناس هناك
    عارفين انو الكيزان بتعاونوا مع الامن السعودي. اديك حادثة انا اختبرتها عن قرب
    و هي ندوة عن السدود في المنطقة النوبية كان من المفترض ان تقوم متزامنة في
    جدة و في الرياض الامن السعودي تواجد في مكان الندوتين -استراحات عادية من النوع
    الباجروه الناس لمناسباتهم يعني ما قاعات مؤتمرات او فندق او ما شابه- و تم اعتقال
    كل من لديه صلة بتنظيم النشاط و استكتابهم تعهدات بعدم مزاولة اي نشاط مماثل.
    و قد سبق كل ذلك تهديدات من ناس المؤتمر الوطني بانهم سيوقفون الندوتين..الخ
    و في ناس تم اعتقالهم و ابعادهم بسبب التبليغ عنهم.
    الحاجات دي يا صلاح ما بوستات اتكتبت في المنبر عشان اكوتها و اجيبها هنا لكنها
    حدثت بالفعل للاسف.
                   |Articles |News |مقالات |بيانات

29-04-2017, 01:33 PM

سيف النصر محي الدين
<aسيف النصر محي الدين
تاريخ التسجيل: 12-04-2011
مجموع المشاركات: 8517

للتواصل معنا

FaceBook
تويتر Twitter
YouTube


Re: نشطاء المعارضة بالقاهرة يخونون الوطن نها� (Re: سيف النصر محي الدين)

    طبعا الفعل من الطرفين محل استهجاني و احتقاري
                   |Articles |News |مقالات |بيانات

29-04-2017, 01:35 PM

كمال عباس

تاريخ التسجيل: 06-03-2009
مجموع المشاركات: 14176

للتواصل معنا

FaceBook
تويتر Twitter
YouTube


Re: نشطاء المعارضة بالقاهرة يخونون الوطن نها� (Re: سيف النصر محي الدين)

    كتب صلاح زبير
    س وان بقيت لسع عايز تدافع عنو تعال يابا اردح زي ردحيك ألفي مداخلتك هنا ... غايتو اي زول يجي يدافع ولا يدلس في الكلام الواضح دا يمشي يفتش محاسن وين عشان تكب ليهو حرجل بدون سكر. المصدر :
    دا إسفاف وهتر لايحمل إي قيمة معرفية! متي وأين دافعت عن أحمد البشير ؟ أنا لم أقرأ البوست المعني ! ولكني رفضت الوشاية وقطع الأرزاق وأدنتها ! * بعدين إن كان يهمك أمر وكنت مبدئيا لكنت أدنت رمز الخيانة والمفرط الأول في التراب والوطن قلنا!
    أكثر رهن مواردنا لمصر وأرتهن لمصر الرسمية هو نظام الإنقاذ وعمر البشير تحديدا! _البشير هو منح مصر المحتلة لترابنا أراضي زراعية وأهداها الأبقار وأهدي عشرات السيارات والالاف الدولار لمنتخبها الكروي وهو من فرط في حلايب لصالحها هل تجرؤ علي وصفه بالخيانة والتفريط لصالح مصر ؟
    وأضفنا !مسألة تصفيات الخصومات السياسية -عبر التبليغ للسلطات الاجنبية تقوم به كوادر الجبهة الإسلامية في السعودية والخليج منذ العهد المايوي و ترحيل معارضين من مصر والخليج شاهد علي هذا ! من وشي بشيخ الامين وزج به في سجون الخليج ؟ومن وشي بالدقير وأعاده للسودان ؟ من وشي بمحرر الراكوبة وليد حسين وأدي لسجنه بالسعودية؟ أسلوب الوشايات وقطع الأرزاق مرفوض بالخارج بمثل ماهو مرفوض داخل السودان !! * أكثر ضحايا الوشايات والإستعانة بمخابرات الخارج هم المعارضين !)) :
    إن كنت لاتقدر علي مواجهة السوداني ومن فرط بالفعل والعمل في سيادة وتراب البلد وخان الوطن فأنت غير مؤهل للحديث في هذا الأمر وتصبح إنتقائي وغير مبدئي =تعاين في الفيل وطعن في ظله !
    حاشية وعلي الرغم من خلافنا مع غريبة فقد أدنا تهديد حياته وندين إي وشاية به هذا علي الرغم من أن المنطق يقول أن الدوائر المختصة المصرية يخدم خطها ويزود عن مصر الرسمية وبالتالي القاهرة لا إعتقد إنها ستطرد البيه صلاح غريبة وإنما قد تطرد أو تضيق علي من يبلغون عنه !! :
                   |Articles |News |مقالات |بيانات

29-04-2017, 04:28 PM

Salah Zubeir
<aSalah Zubeir
تاريخ التسجيل: 17-08-2015
مجموع المشاركات: 2231

للتواصل معنا

FaceBook
تويتر Twitter
YouTube


Re: نشطاء المعارضة بالقاهرة يخونون الوطن نها� (Re: كمال عباس)

    Quote: نشطاء المعارضة بالقاهرة يخونون الوطن نهارا" جهارا"

    يا اخ كمال ... دا عنوان البوست ...
    Quote: كتب المعارض بالقاهرة احمد محمد بشير في بوست غريبة SOS :- Quote: عمل جميل يقوم به النشطاء بالتعاون مع المخابرات المصرية في القاهر من اجل حصر ازيال البشير وعملاءه في القاهر وستظهر نتائجه قريبا ... كلهم مصيرهم الطرد ... لتصبح الجالية نظيفة ومعافاه من امثال غريبة و المطبلاتية. يلااا ارجعوا لبشيركم واقعدوا معاه في الخرطوم... مكان ليس القاهرة و الترطيبة ياحثالة روح ضوق المعاناة البيعانيها المواطن داخل البلد.

    نشطاء المعارضة بالقاهرة (يعملون) مع المخابرات المصرية لكنس القاهرة من السودانيين المؤيدين للحكومة والضرورية السودانيين الذين لا ينضمون إليهم وإبعادهم من قاهرة (الترطيب) الي خرطوم (المعاناة) ... لك الله أيها الشعب السوداني الصابر ...

    ودا متن البوست المن المفترض نتناقش حولهم ... الكلام دا صحيح ولا عندك فهم تاني ...
    Quote: دا إسفاف وهتر لايحمل إي قيمة معرفية!

    عندك مداخلتين في البوست دا ... ختهم قدامك وفتش أي علاقة
    بينهم وبين محتوي البوست عشان تعرف الإسفاف والهتر وعدم
    المعرفة بأصولو.
    Quote: ولكني رفضت الوشاية وقطع الأرزاق وأدنتها !

    لع لم يحصل ذلك ... رفضت الوشاية فقط ...
    Quote: بعدين إن كان يهمك أمر وكنت مبدئيا لكنت أدنت رمز
    الخيانة والمفرط الأول في التراب والوطن قلنا!

    انتا عايزني أدين عمر البشير عشان ناشطي المعارضة باعو نفسم
    للمخابرات المصرية ولا الفهم كل ما سوداني برا البلد يغلط نقوم
    أول حاجة ندين البشير برضو عايز ما نهاتر ....
    باقي كلامك كالعادة اوف بوينت ممكن تفتح بوست وتعنونو بي
    عمر البشير وليك علي نجي نلخو ليك.
    تحياتي.
                   |Articles |News |مقالات |بيانات

30-04-2017, 06:13 AM

Salah Zubeir
<aSalah Zubeir
تاريخ التسجيل: 17-08-2015
مجموع المشاركات: 2231

للتواصل معنا

FaceBook
تويتر Twitter
YouTube


Re: نشطاء المعارضة بالقاهرة يخونون الوطن نها� (Re: جمال ود القوز)

    Quote: هل تسرب اليأس لبعض شرائح المعارضة وفشلت في أحداث اي تغيير

    ود القوز يا صاحب ... أشك في إنو ناشطي المعارضة بالقاهرة
    يكونو شريحة من المعارضة المسؤولة الملتزمة تجاه الوطن
    وشعبه ... ديل شايفين العيشة داخل السودان منقصة وعيب
    ومعاناة ... فيبقي إذا دانت لهم كراسي الحكم غدا" ما مستعدين
    يجو ويخلو الترطيبة بتاعت القاهرة.
    تحياتي يا زول يا سمح ...

    Quote: طبعا الفعل من الطرفين محل استهجاني و احتقاري

    دا كلام واضح وفي المليان ... تشكر يا دكتور سيف علي التوضيح.

    اخونا بشاشا لسع بيعك في خديوي والبنا وما أدراك ...
    يا حبيب إتا الظاهر غادرتا المنطقة حقتنا دي من زمن جمال
    عبدالناصر ... ياخي الشعب العربي من المحيط للخليج واقع
    في حب كراهية المصريين يبقي التاريخ والجغرافيا والثقافة
    وام كلثوم وحليم وحافظ وأحمد شوقي ونجيب محفوظ لم
    يشفعوا لهم يبقي وين تأثيرم ولا الحكاية معانده.
                   |Articles |News |مقالات |بيانات

30-04-2017, 12:56 PM

كمال عباس

تاريخ التسجيل: 06-03-2009
مجموع المشاركات: 14176

للتواصل معنا

FaceBook
تويتر Twitter
YouTube


Re: نشطاء المعارضة بالقاهرة يخونون الوطن نها� (Re: Salah Zubeir)

    صلاح غريبة ليس وحده وهذا هو راي وزير الخارجية السابق والقيادي بالمؤتمر الوطني الدكتور مصطفى عثمان
    (مصر هى رائدة التسامح وهى موطن العيش المشترك لأهل الأديان والثقافات المختلفة وهى مؤهلة لأن تقود هذا العمل لتحقيق الأمن والاستقرار بين بنى البشر.)

    http://www.elbalad.news/2741112http://www.elbalad.news/2741112
                   |Articles |News |مقالات |بيانات

01-05-2017, 06:49 PM

Salah Zubeir
<aSalah Zubeir
تاريخ التسجيل: 17-08-2015
مجموع المشاركات: 2231

للتواصل معنا

FaceBook
تويتر Twitter
YouTube


Re: نشطاء المعارضة بالقاهرة يخونون الوطن نها� (Re: كمال عباس)

    احمد محمد بشير قال :-
    Quote: عمل جميل يقوم به النشطاء بالتعاون مع المخابرات المصرية في القاهرة

    النضال درب بتاع رجال ساعة تمشي فيهو تبقي راجل للنهاية ...
    إنتا هسع تعلن خيانتك للوطن مش حكومة الإنقاذ بالفم المليان ...
    باكر بيمسكوك وحا تتمسك مهما طال الزمن وفي وجود الإنقاذ
    أو أي حكومة تانية ... الجماعة بتاعنك ما يجو يفتحو بوست
    يقولو امك عايزة تنتحر وانك علي مشارف الجنون ...
    السويتو دا عقوبتو الموت عدييييل ... أثبت وأكل نارك وابقي راجل.
    كتب أحمد محمد بشير مخاطبا" غريبه :-
    Quote: وارجي الراجيك

    دا كلام في الهجايص ... إنتا وغريبة تعوسو نفس العواسا ...
    إتا دقيقك فيترتة وغريبه فينو ...
    بعتو السودان الوطن والشعب بي ترطيبة في القاهرة ... ما اتفههكم.

    حرقك وين يا بتا .....
                   |Articles |News |مقالات |بيانات

02-05-2017, 06:11 AM

Salah Zubeir
<aSalah Zubeir
تاريخ التسجيل: 17-08-2015
مجموع المشاركات: 2231

للتواصل معنا

FaceBook
تويتر Twitter
YouTube


Re: نشطاء المعارضة بالقاهرة يخونون الوطن نها� (Re: Salah Zubeir)

    يا بطا ... هههه ... وأنا أقووووول هبشتك وين ... ههههه
    Quote: هسع ممكن أذكر ليك 10 اسماء لي معارضين (وشيوعيين كمان) ليهم عشرات السنين في المملكة وبيعارضو ليل نهار ومعارضتم نجارة وخراطة ساي ... نوع عاااااجل وصور ..... وهلماجرا ...

    ياخي دي حقنة خفيفه في العضل بتاع يدك الشمال ... مافي داعي
    تنفعل قدر دا وكمان تجيب معاك بتاع البنقز ... لامن تلقي الحقنة
    كبيرة ودايرين يدوك ليها في ج.......ك تعال افتح بوست وجيب
    معاك طقم الأوركسترا كلو ... تمام سعادتك؟ ؟ ؟ !!!
                   |Articles |News |مقالات |بيانات

02-05-2017, 10:22 AM

nour tawir
<anour tawir
تاريخ التسجيل: 16-08-2004
مجموع المشاركات: 16007

للتواصل معنا

FaceBook
تويتر Twitter
YouTube


Re: نشطاء المعارضة بالقاهرة يخونون الوطن نها� (Re: Salah Zubeir)



    ليس فقط معارضي القاهرة صدقني كافة المعارضين في اي مكان لا يفرقون بين الوطن والنظام ولو الامر بايديهم لعاثو فسادا حتى يثور الانسان وياتي لهم بثورة جاهزة
    ....

    أتق الله يا ناصر حسين..
    ما هكذا تورد الابل...
                   |Articles |News |مقالات |بيانات

02-05-2017, 10:34 AM

ياسر منصور عثمان
<aياسر منصور عثمان
تاريخ التسجيل: 16-01-2013
مجموع المشاركات: 4485

للتواصل معنا

FaceBook
تويتر Twitter
YouTube


Re: نشطاء المعارضة بالقاهرة يخونون الوطن نها� (Re: Salah Zubeir)

    من لا يفرق بين الدولة والنظام
    عليها ان يراجع موقفه...

    مع ودي
                   |Articles |News |مقالات |بيانات

02-05-2017, 11:27 AM

هشام المجمر
<aهشام المجمر
تاريخ التسجيل: 04-12-2004
مجموع المشاركات: 9532

للتواصل معنا

FaceBook
تويتر Twitter
YouTube


Re: نشطاء المعارضة بالقاهرة يخونون الوطن نها� (Re: ياسر منصور عثمان)

    اولا

    نشطاء المعارضة فى القاهرة كيف جاز لك ان تجمعهم فى سلة و احدة و تاخذهم بجريرة فرد ....
    هل علمت علم اليقين أن كل نشطاء المعارضة يقفون نفس موقف كاتب التعليق اياه؟
    لا يجوز التعميم ابدا

    لكن يا اخي تعال اقول ليك

    نحن لما حدث الانقلاب كنا مهندسين نعمل فى القطاع الحكومي
    انا مثلا كنت اعمل فى الهيئة القومية لمياه المدن

    امن قبنا و بلغ عننا هم زملائنا المهندسين الكيزان
    الذى جهز قوائم تشريدنا من العمل هم نفس الزملاء

    بل ان بعضهم شارك فى التعذيب الذى تم لزملاء العمل وهذه جرائم مثبتة و منشورة

    رقم هذا كان العديد منهم يعمل معنا فى الامارات و نعرف انتمائه الحزبي و بعضهم نعرف انه يعمل بالامن ولم نقم بابلاغ سلطات الامارات التى كانت تعاديهم...موقف مبدئي اتخذه التجمع الديمقراطي حينها ان لا يتسبب احد منا فى ترحيل اي سوداني
    لكن خد عندك شوف العكس
    عندما تحسنت علاقات الامارات بالسودان تمت الشكوة ضد العديد من نشطاء المعارضة هناك و تم ابعادهم من الامارات و على راسهم اخونا عمر الدقير رئيس حزب المؤتمر الحقيقى و ليس المؤتمر الوطنى

    فبالله عليك لو كنت صادقا و ليس لديك انتماء سياسي عليك ان تعرف ان اجرام عملاء هذا النظام ضد السودانيين فى الداخل و الخارج اكبر بمليون مرة من هذه السطور البائسة التى كتبت من قلت انه من نشطاء المعارضة بالقاهرة

    اخيرا
    الذى خان قسمه العسكرى و قام بانقلاب عسكرى لصالح حزب سياسي معين بماذا تسميه؟



                   |Articles |News |مقالات |بيانات

02-05-2017, 01:23 PM

خالد حاكم
<aخالد حاكم
تاريخ التسجيل: 25-08-2007
مجموع المشاركات: 3397

للتواصل معنا

FaceBook
تويتر Twitter
YouTube


Re: نشطاء المعارضة بالقاهرة يخونون الوطن نها� (Re: هشام المجمر)

    سلام يا صلاح الزبير

    مع انو الوشاية ضد اناس ما خيانة للوطن .. لكن مبدئيا اسلوب مرفوض ومدان
    لكن فى المقابل رايك شنو فى نظام طالب المصريين بالهجرة الى شمال السودان من اجل حل ضائقتهم السكانية بحجة شمال السودان خالية من السكان ؟

                   |Articles |News |مقالات |بيانات

02-05-2017, 03:30 PM

Salah Zubeir
<aSalah Zubeir
تاريخ التسجيل: 17-08-2015
مجموع المشاركات: 2231

للتواصل معنا

FaceBook
تويتر Twitter
YouTube


Re: نشطاء المعارضة بالقاهرة يخونون الوطن نها� (Re: خالد حاكم)

    أختنا بت الرجال ... نور بت تاور .... شرفتينا ونورتينا...

    ألمك ياسر جني منصور ... تحياتي ...
    Quote: من لا يفرق بين الدولة والنظام عليها ان يراجع موقفه...

    ديل جاطت عندهم الأمور ... غايتو الورقة الوحيدة التي يمتلكها
    المصريون للضغط علي السودان هي نوع بتاع الترطيبة دا ...
    المسكين بكرة يركبو قندران وعلي جحيم الخرطوم ... وفي
    ظل تسارع الأحداث بين الخرطوم والقاهرة اظنو الرهط كلو
    حا يشرف عما قريب.

    اخونا خالد حاكم مرحب بيك ....

    Quote: مع انو الوشاية ضد اناس ما خيانة للوطن

    يا خالد يا خوي دي ما وشاية ضد ناس ... دا تعاون مع مخابرات
    بلد اجنبي بالعربي الناس ديل بتجسسو لمصلحة المخابرات المصرية.
    Quote: كن فى المقابل رايك شنو فى نظام طالب المصريين بالهجرة الى شمال السودان من اجل حل ضائقتهم السكانية بحجة شمال السودان خالية من السكان ؟

    واللهي يا خالد الكلام دا ما سمعتا بيهو إلا في الأسافير ... لكن لو
    حقيقي كان جونا العميان شايل المكسر وفي المقدمة تلقي عمك
    السيسي زاتو.
    تحياتي.
    اعتذر لجمعكم في مداخلة واحدة لأسباب فنية.
                   |Articles |News |مقالات |بيانات

02-05-2017, 02:53 PM

Salah Zubeir
<aSalah Zubeir
تاريخ التسجيل: 17-08-2015
مجموع المشاركات: 2231

للتواصل معنا

FaceBook
تويتر Twitter
YouTube


Re: نشطاء المعارضة بالقاهرة يخونون الوطن نها� (Re: هشام المجمر)

    مرحب بيك هشام ...
    Quote: نشطاء المعارضة فى القاهرة كيف جاز لك ان تجمعهم فى سلة
    واحدة و تاخذهم بجريرة فرد ....

    كدي نقرأ كلام احمد محمد بشير القال فيهو :-
    Quote: عمل جميل يقوم به النشطاء بالتعاون مع المخابرات المصرية في القاهرة

    طبعا" انا لا جمعتا ولا إتبليت علي أي أحد... الكلام واضح
    والجمع لا لبس فيه والمصيبة الكبري انو مافي واحد من
    نشطاء القاهرة جا طالع ونفي.

    Quote: هل علمت علم اليقين أن كل نشطاء المعارضة يقفون نفس موقف كاتب التعليق اياه؟
    لا يجوز التعميم ابدا

    نعم كل نشطاء القاهرة متورطين علي حسب كلام احمد
    بشير وبعد ستة أيام من فتح البوست دا ولم ينفي أحد.
    بصفة عامة التعميم مخل لكن في هذه الحاله لا اظنه كذلك.

    في ما تبقي من مداخلتك دعنا نتفق انو التنافس السياسي
    بين (السودانيين) لا غبار عليه فإذا كان حزبكم هو الممسك
    بمقاليد الأمور فالتطهير والتشريد سوف يطال منافسيكم
    كما هو معلوم. المصيبة في التعاون مع مخابرات بلد اجنبي.
    بالنسبة للأمن الإماراتي فقد تحصل علي قاعدة بيانات تطال
    كل من يعيش داخل الدولة ... وبحكم عملي الطويل داخل
    مناطق البترول وما نتعرض له من استجوابات للحصول علي
    التصريح الأمني للدخول وهذا حقهم الطبيعي للحفاظ علي
    منشآتهم الحيوية.
    قبل الختام اخي هشام رأيك في زهو وافتخار احمد بشير
    بي ترطيبة القاهرة و جحيم المعيشة في الخرطوم ...

    Quote: يلااا ارجعوا لبشيركم واقعدوا معاه في الخرطوم... مكانكم ليس القاهرة و الترطيبة ياحثالة روح ضوق المعاناة البيعانيها المواطن داخل البلد

    تحياتي
                   |Articles |News |مقالات |بيانات

03-05-2017, 04:44 AM

هشام المجمر
<aهشام المجمر
تاريخ التسجيل: 04-12-2004
مجموع المشاركات: 9532

للتواصل معنا

FaceBook
تويتر Twitter
YouTube


Re: نشطاء المعارضة بالقاهرة يخونون الوطن نها� (Re: Salah Zubeir)


    تحياتي مرة اخرى صلاح

    Quote: نعم كل نشطاء القاهرة متورطين علي حسب كلام احمد
    بشير وبعد ستة أيام من فتح البوست دا ولم ينفي أحد.
    بصفة عامة التعميم مخل لكن في هذه الحاله لا اظنه كذلك


    للاسف لم تاتي بدليل يمكن قبوله ان نشطاء المعارضة بالقاهرة يعملون مع المخابرات المصرية لطرد المنتمون للنظام من مصر........
    اولا نشطاء المعارضة بمصر ليسو بجسم واحد...اتنين حتى لو كانو جسما واحدا هل لديك اى اثبات ان احمد بسير عين ناطقا باسمهم...لا ترمى الكلام على عواهنه يا صلاح ....عندما تكتب هنا عن اشياء و كانها حقائق يجب أن تاتي بالدليل ولسوء حظك كلام احمد بشير لا يعد دليلا فهو لا يعبر الا عن نفسه فقط

    اما بخصوص أن مسالة الفصل و التشريد مسالة تحدث بسبب التنافس السياسي فانا لا اوافقك الرأي فالتشريد من العمل و الاعتقال انتهاك جسيم لحقوق الانسان لا يقع ضمن دائرة التنافس السياسي السلمي......و الذى يرتكب مثل هذه الافعال مجرم يجب محاسبته

    اخيرا دون زعل من كتابتك لهذا البوست أرى انك تكتب فى السياسة و انت غير متعمق فيها و لم تسبر غور بحورها بعد و انا لا ارى في ذلك عيبا...العيب ان تستمر بنفس المنوال ...الامور لا تاخذ بمثل هذا الطرح المخل يا صلاح
                   |Articles |News |مقالات |بيانات

03-05-2017, 06:45 AM

Salah Zubeir
<aSalah Zubeir
تاريخ التسجيل: 17-08-2015
مجموع المشاركات: 2231

للتواصل معنا

FaceBook
تويتر Twitter
YouTube


Re: نشطاء المعارضة بالقاهرة يخونون الوطن نها� (Re: هشام المجمر)

    تحياتي هشام ....
    Quote: للاسف لم تاتي بدليل يمكن قبوله ان نشطاء المعارضة بالقاهرة يعملون مع المخابرات المصرية لطرد المنتمون للنظام من مصر........ اولا نشطاء المعارضة بمصر ليسو بجسم واحد...اتنين حتى لو كانو جسما واحدا هل لديك اى اثبات ان احمد بسير عين ناطقا باسمهم...لا ترمى الكلام على عواهنه يا صلاح ....عندما تكتب هنا عن اشياء و كانها حقائق يجب أن تاتي بالدليل ولسوء حظك كلام احمد بشير لا يعد دليلا فهو لا يعبر الا عن نفسه فقط

    1 :- في المحكمة يعتبر الإعتراف (سيد) الأدلة ... انا ما عارف
    إنتا بدافع عن شنو بالظبط بي حكاية مافي دليل ... كلام أحمد
    بشير واضح وضوح الشمس.
    2 :- عواهن شنو ودليل شنو وكأنها حقائق شنو ... الزول دا
    إعترف ومعه النشطاء بالتعاون مع المخابرات المصرية.
    3 :- إذا كنتا في القاهرة ومعك بعض النشطاء ما عليك إلا
    أن تتبرأ من هذا المدعو أحمد بشير ونشطاءه ... ويا دار
    ما دخلك شر.
    Quote: اما بخصوص أن مسالة الفصل و التشريد مسالة تحدث بسبب التنافس السياسي فانا لا اوافقك الرأي فالتشريد من العمل و الاعتقال انتهاك جسيم لحقوق الانسان لا يقع ضمن دائرة التنافس السياسي السلمي......و الذى يرتكب مثل هذه الافعال مجرم يجب محاسبته

    اتفق معك فيما قام به الكيزان من تشريد واعتقالات
    وأنهم مجرمون يجب محاسبتهم وارجو أن تتفق معي
    بأن ما قام به الشيوعيين العام 1970 أثناء حملة التطهير
    في الخدمة المدنية باحلال العناصر الشيوعية محل
    العناصر الخبرة التي دربها الانجليز كان ذلك أكبر جريمة
    ترتكب في حق الوطن ويعاني منها إلي اليوم ...
    Quote: اخيرا دون زعل من كتابتك لهذا البوست أرى انك تكتب فى السياسة و انت غير متعمق فيها و لم تسبر غور بحورها بعد و انا لا ارى في ذلك عيبا...العيب ان تستمر بنفس المنوال ...الامور لا تاخذ بمثل هذا الطرح المخل يا صلاح

    يا هشام يا خوي سياسة شنو ... انا عندي إيمان
    قاطع بأنو السياسة في (السودان فقط) مهنة من لا
    مهنه له والسياسيين في السودان طبقة عواطلية طفيلية
    فاسدة متبلده ويشهد علي ذلك سودان اليوم . وبدون
    رياء اشكرك بوصفي غير متعمق في سياستنا ولم أسبر
    غورها بعد.
    أخي هشام علي حسب ما فهمت لقد عشت في الإمارات
    وقطر ... كل أفراد الطبقة الحاكمة في الخليج لهم أعمالهم
    وشركاتهم الخاصة التي يقضون فيها جل تفكيرهم ووقتهم
    لينتجو ويخلقو الوظائف للعامه ما دام الكل من وزراء
    ومديرين وموظفين يقوم بواجبه في إدارة الدولة
    والمبدع الشيخ محمد بن راشد يعمل لديه الآلاف حول العالم.
    والإنجازات في الخليج لا تحتاج لشهادة مني أو منك.
    وفي مقدمة هذه الإنجازات هي تطور الإنسان الخليجي في
    فهمه للحياة وتسخيره للإنتاج بمقابل مادي يعتبر الأعلي في
    العالم بعيدا" عن امراضنا وبعض أمراض العصر من اسلام
    سياسي وشيوعية اشتراكية وكوكتيل الحركات المسلحة.
    تحياتي
                   |Articles |News |مقالات |بيانات

04-05-2017, 11:59 PM

خالد حاكم
<aخالد حاكم
تاريخ التسجيل: 25-08-2007
مجموع المشاركات: 3397

للتواصل معنا

FaceBook
تويتر Twitter
YouTube


Re: نشطاء المعارضة بالقاهرة يخونون الوطن نها� (Re: Salah Zubeir)

    سلام يا صلاح

    كيف ما سمعت دعوة حكومة المؤتمر الوطنى للمصريين باحتلال شمال السودان بحجة انها خالية من السكان ؟

    اكتب فى اليوتوب ( كرتي : علي لسان البشير يدعو المصريين للايستيطان في الولاية الشمالية ) وحتلقى كرتى يتحث للاعلام المصرى
    بالمناسبة نفس الكلام ده قالو برضو عبدالرحيم محمد حسين فى مركز الاهرام عند زيارته لمصر فى عام 2004 وفى الزمن داك كان وزير للداخلية
    معليش فشلت فى انى انقل ليك الفيديو هنا
                   |Articles |News |مقالات |بيانات

07-05-2017, 09:45 AM

Salah Zubeir
<aSalah Zubeir
تاريخ التسجيل: 17-08-2015
مجموع المشاركات: 2231

للتواصل معنا

FaceBook
تويتر Twitter
YouTube


Re: نشطاء المعارضة بالقاهرة يخونون الوطن نها� (Re: خالد حاكم)

    Hang on
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de