منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 19-11-2017, 09:41 PM الصفحة الرئيسية

مدخل أرشيف للعام 2016-2017م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

من هم أدعياء الوطنية, بتاعين المزايدات الإسفيرية و الأجندة العروبية؟

27-07-2016, 07:06 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 28405

للتواصل معنا

FaceBook
تويتر Twitter
YouTube


من هم أدعياء الوطنية, بتاعين المزايدات الإسفيرية و الأجندة العروبية؟

    08:06 PM July, 27 2016

    سودانيز اون لاين
    محمد البشرى الخضر-العين-الإمارات
    مكتبتى
    رابط مختصر

    ما متابع بدقة بصراحة, لكن لفت نظري في اليومين الفاتن كتابات منسوبة للسيد الإمام و ياسر عرمان و جبريل ابراهيم تدور حول وتبرر الاتفاق على التوقيع على خارطة طريق امبيكي
    يبدو ان مخاض هذا الإتفاق كان عسيرا جدا, والصوت المعترض عليه كان عالي هذا ما بدا لي من كتابات القادة أعلاه و الحدة الظاهرة في اشارتهم لهؤلاء البعض
    السيد الإمام استهل رسالته التي أسماها رسالة وصال بالفقرة التالية :
    Quote: أدعياء الوطنية هواة الإفراط يوهمون الناس أن مجرد الحوار هو تفريط في حقوق الشعب السوداني، وأن التطلع لمخرج سلمي من حيث هو تفريط في المصلحة الوطنية.
    ثم كتب التالي
    Quote: كل الذين يتعنترون في المزاد السياسي الآن شاركوا نظام الطغيان في بعض المراحل وفي بعض المواقع السياسية، أو التشريعية، أو الإدارية، وأقسموا معه على عهد واحد.
    على ما فيها من غمز من قناة مشاركة البعض للحكومة كما في استحقاق نيفاشا مثالا

    أما الدكتور جبريل فقد ذيّل مقاله بالتالي:
    Quote: و لكننا نقول لهم أتركوا الهتاف في البيوت و المكاتب، و المزايدات الإسفيرية التي لا تزيد المعارضة إلا تفككاً. أنزلوا إلى الشارع، و عهدنا لكم أننا سنكون معكم في مقدّمة الصفوف لا في مؤخّرتها
    هذه العبارة وردت في فقرة موجهة لزملائهم في المعارضة الذين يحلو لهم تقسيم الناس لفسطاط للتسوية وآخر لإسقاط النظام!

    ثم كتب الأمين العام للحركو الشعبية الرفيق ياسر عرمان فقد كتب في خضم مقال طويل مليئ بالتبريرات و التطمينات و الحديث عن ثوابت الحركة ... إلخ,كتب التالي
    Quote: الحديث السلبي حول الحركة الشعبية من الذي يحاولون وضع أجندة العروبة بديلاً للأجندة السودانوية ووحدة السودان على أساس التنوع، شاكلة هذا الحديث مسئولة عن حروب السودان الطويلة وهو حديث إستعلائي عنصري لن يوحد المعارضة أو السودان، رفضناه بالأمس وسوف نرفضه اليوم وغداً، ولانريد الدخول في معارك الدرجة الثانية، فلدينا قضايا أهم ونفضل التصدي للنظام بدلاً عن تبديد طاقاتنا فيما لايفيد.


    يبدو لي من الكتابات أعلاه أن هناك ملامح ضيق من على ما يبدو انه نقد شديد وجه لأصحاب الراي القائل بالتوقيع على خارطة الطريق من الرافضين لها
    لا ادري ولم اتابع تفاصيل التفاوض وما دار و كيف تم الاتفاق لكن هذه الكتابات وما بها من ضيق و ردود واشارات لا تخلو من قسوة للحلفاء اثارت انتباهي و فضولي
    السؤال الآن من هم الموافقون على التوقيع و الانضمام لمسار الحوار ومن أولائك المتخندقين و الرافضين, عبد الواحد بالطبع معلوم لكنه ليس المعني بتلك الاشارات فهولم ينضم لأي من الاتفاقيات او التحالفات لا الفجر لا نداء السودان لا أي شيئ آخر وموقفه ياهو من اول يوم لا تغيير فيه
    يبقى المعنيين هنا هم اعضاء في نداء السودان على الأقل.
    وما موقف مني لم يصادفني بيان او خطاب له.


    روابط المقالات :

    رسالة وصال - السيدالإمام

    في الطريق إلى خارطة الطريق - دكتور جبريل ابراهيم

    ماذا دار في باريس - الكومريد ياسر عرمان
                   |Articles |News |مقالات |بيانات

27-07-2016, 08:03 PM

حيدر حسن ميرغني

تاريخ التسجيل: 19-04-2005
مجموع المشاركات: 19717

للتواصل معنا

FaceBook
تويتر Twitter
YouTube


Re: من هم أدعياء الوطنية, بتاعين المزايدات ال� (Re: محمد البشرى الخضر)

    سلامات ود البشرى
    ديل كلهم حار بيهم الدليل
    مداح لاقى درويش :))
    -
    تحس بيهم كأنهم بتكلموا من داخل بئر
                   |Articles |News |مقالات |بيانات

28-07-2016, 06:05 AM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 28405

للتواصل معنا

FaceBook
تويتر Twitter
YouTube


Re: من هم أدعياء الوطنية, بتاعين المزايدات ال� (Re: حيدر حسن ميرغني)

    هلا حيدرنا
    كدي نتجاوز المرارة الظاهرة في المقالات
    تغليب الحوار كخيار أول على السلاح افتكر امر ايجابي باشتراطاته لكن ما يبقى كباقي الحوارات و المفاوضات التي تنتهي بمناصب هلامية في القصر ويستمر النظام في فساده و استبداده زي ما هو
    هل سيكون افراط منا في التفاؤل إن استبشرنا خير وأملنا في تغيير حقيقي قادم ؟
                   |Articles |News |مقالات |بيانات

28-07-2016, 06:33 AM

جلالدونا
<aجلالدونا
تاريخ التسجيل: 26-04-2014
مجموع المشاركات: 5192

للتواصل معنا

FaceBook
تويتر Twitter
YouTube


Re: من هم أدعياء الوطنية, بتاعين المزايدات ال� (Re: محمد البشرى الخضر)

    معقولة يا ود الخدر
    بعد 27 سنة رصاص مدوّر
    يجونا بى حوار و ما حوار
    وين حقوق ميّات الالاف الماتو لا ايدم لا كراعم
    حصد ارواحم الرصاص الملعلع بينم
    من زمن سلّم مفاتيح البلد تسلم
    كل المتحاورون قد اجرموا فى حق هذا الشعب
    كان انقاذ كان حركات مسلحة كان احزاب
    اى اتفاق بدون محاكمتهم على ما اقترفوه
    يعد استهتارا بدم المواطن المسكين الزيي و زيّك
    القصاص اولا ثم الحوار
                   |Articles |News |مقالات |بيانات

28-07-2016, 07:00 AM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 28405

للتواصل معنا

FaceBook
تويتر Twitter
YouTube


Re: من هم أدعياء الوطنية, بتاعين المزايدات ال� (Re: جلالدونا)

    Quote: القصاص أولا ثم الحوار
    يا جلّي إن نفّذت القصص ح تحاور منو طيب ما كمبلت وكدا!
    طيّب بعد مئات الآلاف الماتوا لا ايدهم لا كراعهم في سبيل الوصولللقدرة على تحقيق القصاص و اتضح صعوبة ذلك في الظروف الحالية
    ماذا ترى, يتواصل النزيف وتقدّم مئات آلاف الأرواح لخمسة وعشرين سنة قادمة أم ماذا؟
    نعم اتفق معك لا لحوار المناصب و الترضيات و اقرار الوضع لكن نعم لحوار التغيير الحقيقي الذي يعصم الدماء و تضمنه و ترعاه القوى الدولية

    وأهديك بالمناسبة السعيدة دي الجزء الأخير من حديث دكتور جبريل
    Quote: و لكننا نقول لهم أتركوا الهتاف في البيوت و المكاتب، و المزايدات الإسفيرية التي لا تزيد المعارضة إلا تفككاً. أنزلوا إلى الشارع، و عهدنا لكم أننا سنكون معكم في مقدّمة الصفوف لا في مؤخّرتها. و أخيراً لا تطالبوننا بوقف الحرب في الوقت الذي تدعوننا فيه إلى عدم الجلوس إلى النظام، فلا يمكن وقف الحرب إلا بجلوس الأطراف المتقاتلة إلى بعضها.
                   |Articles |News |مقالات |بيانات

28-07-2016, 07:40 AM

مني عمسيب
<aمني عمسيب
تاريخ التسجيل: 22-08-2012
مجموع المشاركات: 14380

للتواصل معنا

FaceBook
تويتر Twitter
YouTube


Re: من هم أدعياء الوطنية, بتاعين المزايدات ال� (Re: محمد البشرى الخضر)


    ود البشري .. سلام يغشاك ومن معك ..

    Quote: نعم اتفق معك لا لحوار المناصب و الترضيات و اقرار الوضع لكن
    نعم لحوار التغيير الحقيقي الذي يعصم الدماء و تضمنه و ترعاه القوى الدولية

    ودا رأي الحركة الشعبية يا ود البشري عدم الاستجابة
    للحوار المرخرخ كحوار الوثبة ومقاطعته بدون تردد ..
    ناس الحركة دايرين حوار متكافئ دون انقاص . وافتكر
    هم اصدق من غيرهم لانهم يحملون اجندتهم السياسية ..
    واسلحتهم وارواحعم في يدهم لاسترداد الحقوق لاهلها
    والكويس اسه الوساطة الامريكة هي المراقب الحقيقي
    دون الاتحاد الافريقي المنحاز لشلته من المفسدين !!!!
    عمومآ بضغوط الجانب الامريكي الحركة ما حاتتنازل
    من موقفها الصلب كما فعلت في الحوار السابق الذي
    حسبته مقطوعة الطارئ الانقاذ شروط تعجيزية !!!
    وحاتعمل الحركة لكي تؤكد مصداقيتها في الحوار ..
    تجنبآ للضغوط الخارجية بسياسة وصل الكضاب للباب
    ومن غير تنازل عن مبأدئها .

    عمومآ الايام حبلي بالمفيد وانا من المنتظرين ..

    عاشت الحركة الشعبية صاحبة المبأدي الصلبة قيادة وقاعدة .

    ولك الشكر يا البشري ,,
                   |Articles |News |مقالات |بيانات

28-07-2016, 08:18 AM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 28405

للتواصل معنا

FaceBook
تويتر Twitter
YouTube


Re: من هم أدعياء الوطنية, بتاعين المزايدات ال� (Re: مني عمسيب)

    وعليكم السلام بت عمسيب
    بعض الـ - و الوصف لعرمان -
    Quote: الذي يحاولون وضع أجندة العروبة بديلاً للأجندة السودانوية ووحدة السودان على أساس التنوع
    ما عاجبهن الكلام دا, وشايفين التوقيع على الخارطة مهما كانت الضمانات و التعديلات ما أكثر من تنازل عن المبادئ و بيع للثوابت
    عموما زي ما قلتي يا خبر بفلوس .
                   |Articles |News |مقالات |بيانات

30-07-2016, 05:55 AM

اخلاص عبدالرحمن المشرف
<aاخلاص عبدالرحمن المشرف
تاريخ التسجيل: 04-03-2014
مجموع المشاركات: 1705

للتواصل معنا

FaceBook
تويتر Twitter
YouTube


Re: من هم أدعياء الوطنية, بتاعين المزايدات ال� (Re: محمد البشرى الخضر)

    العالم الجديد اتضحت معالمه وكيري لافروف بدل سايكس بيكو
    ج السودان ندمو الأمريكان عليه
    واظن الملف الان لدي روسيا
    ما لا يدرك كله لا يترك كله
                   |Articles |News |مقالات |بيانات

30-07-2016, 08:49 PM

عثمان عووضة
<aعثمان عووضة
تاريخ التسجيل: 02-06-2004
مجموع المشاركات: 461

للتواصل معنا

FaceBook
تويتر Twitter
YouTube


Re: من هم أدعياء الوطنية, بتاعين المزايدات ال� (Re: اخلاص عبدالرحمن المشرف)

    تاني احيييي يا مصاريني
    ياخي الكيزان ديل من قولة تيت قالوا
    السودان دا حقهم براهم لا شريك لهم
    بدوا باعدام كل من قال بغم
    واستلموا الخدمة المدنية عبر ما سموه
    بالصالح العام
    كوزنو الجيش وكل القوات النظامية بما في
    ذلك حرس الصيد والحدود
    بقية الجرائم خلوها بعيد هسي
    يبقی. السوال:
    الناس البیحلمو بالتغییر عن طریق الحوار دیل
    بي صحهم؟
    يعني جادين في الكلام دا؟
    والله بعد الخراب دا كلو لو اصلو الحوار
    بيخلي الكيزان ديل قاعدين بدون حساب وعقاب
    يبقی دا طرفنا منو
                   |Articles |News |مقالات |بيانات

30-07-2016, 08:57 PM

Salah Zubeir
<aSalah Zubeir
تاريخ التسجيل: 17-08-2015
مجموع المشاركات: 1576

للتواصل معنا

FaceBook
تويتر Twitter
YouTube


Re: من هم أدعياء الوطنية, بتاعين المزايدات ال� (Re: عثمان عووضة)

    ود عووضة عايز تخورن البوست دا برضك؟
    غايتو إتا وأبوحسين ناس مشبوهين؟ عندي تلاتة مداخلات
    في بوستيك مشن الخور زنبهن شنو هسع. ههههه
                   |Articles |News |مقالات |بيانات

30-07-2016, 09:29 PM

عثمان عووضة
<aعثمان عووضة
تاريخ التسجيل: 02-06-2004
مجموع المشاركات: 461

للتواصل معنا

FaceBook
تويتر Twitter
YouTube


Re: من هم أدعياء الوطنية, بتاعين المزايدات ال� (Re: Salah Zubeir)

    ما شفتهن والله یا ود الزبیر
    یا یکون منو الخوررن😈
                   |Articles |News |مقالات |بيانات

30-07-2016, 10:09 PM

Haytham Ghaly

تاريخ التسجيل: 20-01-2013
مجموع المشاركات: 3140

للتواصل معنا

FaceBook
تويتر Twitter
YouTube


Re: من هم أدعياء الوطنية, بتاعين المزايدات ال� (Re: عثمان عووضة)

    سلام للجميع

    هي البلد البعملو ليها خارطة طريق واتفاقيات وحوارات دي زاااتا وينا يا ود البشرى

    البلد خلاس راحت في حق الله وماتت

    الدولار الليلة 15200 ولا امل في انتاج يرفع الجنيه ويعدل الحال

    كل الجعجعة والسخف الحاصل كان من معارضة او حكومة المواطن ما مستفيد منو بل متضرر

    الناس انطحنت يا ود البشرى وزمان بقولو اتعصرنا لامن جبنا الزيت اسع بقى مافي زيت

    الناس اتعصرت وانطحنت وبقت عبارة عن اجساد بلا روح
    الله يكون في عون الشعب المطحون بين مرحاكة الحكومة وحجر طاحونة المعارضة العطلانة وبطلانة
                   |Articles |News |مقالات |بيانات

31-07-2016, 03:50 AM

عثمان عووضة
<aعثمان عووضة
تاريخ التسجيل: 02-06-2004
مجموع المشاركات: 461

للتواصل معنا

FaceBook
تويتر Twitter
YouTube


Re: من هم أدعياء الوطنية, بتاعين المزايدات ال� (Re: Haytham Ghaly)

    Up
                   |Articles |News |مقالات |بيانات

31-07-2016, 04:09 AM

اخلاص عبدالرحمن المشرف
<aاخلاص عبدالرحمن المشرف
تاريخ التسجيل: 04-03-2014
مجموع المشاركات: 1705

للتواصل معنا

FaceBook
تويتر Twitter
YouTube


Re: من هم أدعياء الوطنية, بتاعين المزايدات ال� (Re: عثمان عووضة)

    يا ود شيخ عووضة. القارح ود البشري ده مما قال لي بالحيل بقيت ما بعارضو في كلام الامام
    والسياسه مدابره
    البشير ما دام سيف الجنائية في رأسو ف ح يكاتل لآخر نفس
    والشعب لازمن. يلقي طريق وقيادة
                   |Articles |News |مقالات |بيانات

31-07-2016, 04:42 AM

عثمان عووضة
<aعثمان عووضة
تاريخ التسجيل: 02-06-2004
مجموع المشاركات: 461

للتواصل معنا

FaceBook
تويتر Twitter
YouTube


Re: من هم أدعياء الوطنية, بتاعين المزايدات ال� (Re: اخلاص عبدالرحمن المشرف)

    بت المشرف يا بت امي والله الجنائية هسي
    الليلة دي لو قبضت البشير وحاكمتو ما بتبرد
    بطني ولآ بطن الملايين من ابناء الشعب السوداني
    ما حك جلدك مثل ظفرك
    القول الماثور دا. ماعديل وواضح
    تاني شنو؟
    هو. ذاتو ما قبل كدا قال. لينا الراجل يطالعنا الخلا
    دي خارطة الطريق حقهم
    نحنا حقتنا وينا؟
    ....
    ود البشری دا صاحبي. وحقاني شديد والله 😉

                   |Articles |News |مقالات |بيانات

31-07-2016, 04:45 AM

محمد أبوالعزائم أبوالريش
<aمحمد أبوالعزائم أبوالريش
تاريخ التسجيل: 30-08-2006
مجموع المشاركات: 12598

للتواصل معنا

FaceBook
تويتر Twitter
YouTube


Re: من هم أدعياء الوطنية, بتاعين المزايدات ال� (Re: اخلاص عبدالرحمن المشرف)


    مرحب ود البشرى،
    Quote: تغليب الحوار كخيار أول على السلاح افتكر امر ايجابي باشتراطاته لكن ما يبقى كباقي الحوارات و المفاوضات التي تنتهي بمناصب هلامية في القصر ويستمر النظام في فساده و استبداده زي ما هو
    هل سيكون افراط منا في التفاؤل إن استبشرنا خير وأملنا في تغيير حقيقي قادم ؟

    نحن لسة حنجرب؟
    من قولة تيت وبعد لحظات الإنقلاب الأولى، الناس المحبطين من سياسات الصادق المهدي كانوا بيقولوا قرفنا من الحكومة، خلينا ندي الجماعة ديل فرصة ....... ومن ديك وعيك.
    زي الكلام ده كلّف البلد ضياع حياة أجيال ..... حنضيّح كمان حياة كم جيل؟

    المداخلة دي طبعاً بعد ما تهديني الجزء الأخير من كلام د. جبريل. :)
                   |Articles |News |مقالات |بيانات

31-07-2016, 05:02 AM

عثمان عووضة
<aعثمان عووضة
تاريخ التسجيل: 02-06-2004
مجموع المشاركات: 461

للتواصل معنا

FaceBook
تويتر Twitter
YouTube


Re: من هم أدعياء الوطنية, بتاعين المزايدات ال� (Re: محمد أبوالعزائم أبوالريش)

    ابو حتحوت انا غايتو مع كلام ابو الريش
    دا
    انا وأبو الريش بنايد الحوار لكين ما مع الناس
    ديل
    ياخي قالوا في المثل حاور ابليس ولا تحاور الكوز😉
    هسي في منبر بكري العامر دا جرب حاور ليك كوز
    يمين الله يا استكك. يا دخلك بي حمد ومرقك بي
    بني شنو كدا ما عارف...بتاعة مكة ديك😆
                   |Articles |News |مقالات |بيانات

31-07-2016, 05:19 AM

aydaroos
<aaydaroos
تاريخ التسجيل: 29-06-2005
مجموع المشاركات: 2964

للتواصل معنا

FaceBook
تويتر Twitter
YouTube


Re: من هم أدعياء الوطنية, بتاعين المزايدات ال� (Re: عثمان عووضة)

    كيف يا ود البشرى تحياتي ليك ولمن معك من الأحباء بالعين ولكل ناس سودانيز بالإمارات
    بخصوص سؤالك تحديداً
    بما إنو المعارضة بقت مجموعتين: جماعة نداء السودان فيها حزب الأمة والحركات وناس تانين، وقوى الإجماع الوطني وفيها الشيوعي والبعث وآخرين
    اها ناس نداء السودان مع خارطة الطريق بتعديلاتها كما يقولون، وناس الإجماع رايهم أن ما اتفق عليه من إجراءات لا يضمن الحوار ولا تطبيق مخرجاته وهم يطرحون خيار اسقاط النظام عن طريق الإنتفاضة.
    اها اكتر ناس بي يشنعو على نداء السودان وحزب الأمة وباقي المتحالفين معه هم ناس البعث.
    ومن هنا جاءت العروبية وادعياء الوطنية.
                   |Articles |News |مقالات |بيانات

31-07-2016, 07:40 AM

د.محمد حسن
<aد.محمد حسن
تاريخ التسجيل: 05-09-2006
مجموع المشاركات: 15007

للتواصل معنا

FaceBook
تويتر Twitter
YouTube


Re: من هم أدعياء الوطنية, بتاعين المزايدات ال� (Re: aydaroos)

    ود البشرى كل عام وانت بالف خير
    معايدة بين العيدين

    اختصر ليك الحكاية

    الطريق الى الوطن وعر
    مساره الوحيد المواطن وليس القصر
                   |Articles |News |مقالات |بيانات

31-07-2016, 09:29 AM

الصادق عبدالله الحسن
<aالصادق عبدالله الحسن
تاريخ التسجيل: 26-02-2013
مجموع المشاركات: 2571

للتواصل معنا

FaceBook
تويتر Twitter
YouTube


Re: من هم أدعياء الوطنية, بتاعين المزايدات ال� (Re: د.محمد حسن)

    =
    Quote: الله يكون في عون الشعب المطحون بين مرحاكة الحكومة وحجر طاحونة المعارضة العطلانة وبطلانة
    كان الله في عون السودان، كما قال الأخ هيثم غالي.
    الحكومة هي مجرد ضبع هزيل ارتخت واعوجَّت رُكبه وأفلس ولم يعد يقوى على الصيد
    لكن غزلان أحزاب المعارضة اعتادت وعلى مدى عقود من المفاوضات و "وفود المنافي"
    أن تأتيه فُرادى، وتتقدم خانعة إلي الضبع في وكره، تسقيه من ضرعها ولبنها
    وتُطعمه من شحمها ولحمها ودمها نتيجة لأنانيتها وجبنها وعَمَى بصيرتها.



    تحياتي لكم أخي محمد البشرى ولكافة الزملاء الأعزاء
    ...
    ..
    .
                   |Articles |News |مقالات |بيانات

02-08-2016, 06:11 AM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 28405

للتواصل معنا

FaceBook
تويتر Twitter
YouTube


Re: من هم أدعياء الوطنية, بتاعين المزايدات ال� (Re: الصادق عبدالله الحسن)

    شكرا جزيلا يا شباب على المرور و التعليق
    أخلاص, عوّوضة يا عّمّك, ود الزبير, هيثم يا غالي, أبو الريش, عمدة, دكتور محمد حسن و الصادق عبدالله

    Quote: يبقی. السوال:
    الناس البیحلمو بالتغییر عن طریق الحوار دیل
    بي صحهم؟
    يعني جادين في الكلام دا؟
    والله بعد الخراب دا كلو لو اصلو الحوار
    بيخلي الكيزان ديل قاعدين بدون حساب وعقاب
    يبقی دا طرفنا منو
    عوّوضة يا عمّك, الأرضة جرّبت الحجر زي ما قالوا, من يرى في الحوار وسيلة للتغيير ما تنسى انّه جرّب حمل السلاح و من قبل جرّب المعارضة المدنية السلمية ولم يحالفه النجاح
    طبعا الحوار الذي اتحدّث عنه ليس الحوار الديكوري الذي ينتهي بمنصب مساعد رئيس و الحال في حاله, الحوار زاتو خشم بيوت, الحوار الفوقه فائدة هو الذي سيفضي لتغيير حقيقي في طريقة النظام في الحكم و مصحوب بضامنين لهم القدرة على الضغط على النظام و إلزامه بتنفيذ الاتفاقيات
    وإلاّ فالمسالة لن تكون سوى ضياع مزيد من الزمن

    لكن النقطة المهمة وين يا عمّك: هي في مدى اخلاقية أن تحدّد للناس خياراتهم و تحديدا مسالة حمل السلاح و انت بعيد عنها, و تخوين الناس و القدح و المزايدة على وطنيّتهم في حال اتخاذهم لخيارات لا تتفق معك
    المرارة و الحدة التي لمستها في كتابات القادة و المشار اليها في صدر البوست و اشارات مثل اشارة السيد الإمام لأدعياء الوطنية الذين منهم من فاوض بل وشارك النظام من قبل و حديث جبريل تعكس النقطة التي اتحدث عنها
    معارضة ومقارعة النظام بل و الوطنية عموما ليس لها كتالوج أو مرشد بخطوات واحد اتنين تلاتة للتقيد بها, هي بحر واسع كل يقف على الشاطئ الذي يراه الأصح دون أن يخطّئ أو يقلل من قدرمواقف الآخرين.

    هيثمنا يا غالي, البلد في حال صعب بالحيل لكن يبقى الأمل أنها لا تضيق إلاّ لتفرج, وأن دوام الحال من المحال هذه سنن الله في أرضه وخلقه
    مشكلتنا الرئيسة في النظام الحالي, زواله أو تغييره تغييرا جذريا وإجباره على التنازل إن تعذّرت إزالته هي بداية الحل الحقيقي, للوصول لهذه النتيجة يسلك الناس طرق ومنهجيات مختلفة
    تختلف لكنّها تتلاقى في الهدف النهائي و يحدوها نفس الأمل.
    خلّي إيمانك بالله ثم شعبك قوي.

    Quote: يا ود شيخ عووضة. القارح ود البشري ده مما قال لي بالحيل بقيت ما بعارضو في كلام الامام
    ههههه يا اخلاص انت لسّة واقفة في محطّة واحد دي! فاتك القطار اختي .. فاتك القطار :)



    Quote: زي الكلام ده كلّف البلد ضياع حياة أجيال ..... حنضيّح كمان حياة كم جيل؟
    ولسّة ح نجرّب و نجرّب و نجرّب إلى أن نصل يا ابو الريش
    بالذات الناس الشالت و شايلة السلاح والناس الشايلين حجر و الشايلين لافتة و الماسكين كيبورد, كل واحد يجرّب الوسيلة البتناسبه و التي يراها سليمة طالما الهدف متفق عليه
    و العايز يغيّر من سلاح لكيبورد أو العكس بي راحته دي في النهاية تقديراته, ما في واحد يقدر يقول دا الصاح المطلق ودا الخطأ المطلق
    و الضيّع حياة الأجيال ابدا ما كلام ندّي الجماعة دي فرصة لأنّهم ما اخدوا فرصتهم من زول بل قلعوها قلع

    ه ل
    Quote: بخصوص سؤالك تحديداً
    بما إنو المعارضة بقت مجموعتين: جماعة نداء السودان فيها حزب الأمة والحركات وناس تانين، وقوى الإجماع الوطني وفيها الشيوعي والبعث وآخرين
    اها ناس نداء السودان مع خارطة الطريق بتعديلاتها كما يقولون، وناس الإجماع رايهم أن ما اتفق عليه من إجراءات لا يضمن الحوار ولا تطبيق مخرجاته وهم يطرحون خيار اسقاط النظام عن طريق الإنتفاضة.
    اها اكتر ناس بي يشنعو على نداء السودان وحزب الأمة وباقي المتحالفين معه هم ناس البعث.
    ومن هنا جاءت العروبية وادعياء الوطنية.
    هلا يا عمدة ومشكور كتير ياخ على الاجابة
    انا زاتي ممّا قريت العروبية دي قلبي اكلني قلت ديل ناس البعث, أصلهم بعرفوا للمناقرة و الشخبتة في الحيط :)
    غايتو صدق جبريل رغم مساخته, الرافض الخيار المتوفّر اليقدّم البديل و ينزل و يحرّك الشارع بدل النقّة و حمل قلم - تقرا كيبورد - التصحيح من علٍ

    وعليكم السلام يا دوك وكل سنة وانت طيب
    ورغم وعورة الطريق لكن لابد له من نهاية, هذا ما علّمنا له التاريخ

    هلا الصادق ومشكور على الفيديو

                   |Articles |News |مقالات |بيانات

02-08-2016, 11:04 AM

عثمان عووضة
<aعثمان عووضة
تاريخ التسجيل: 02-06-2004
مجموع المشاركات: 461

للتواصل معنا

FaceBook
تويتر Twitter
YouTube


Re: من هم أدعياء الوطنية, بتاعين المزايدات ال� (Re: محمد البشرى الخضر)

    كلامك علی الراس والعین یا ابوحتحوت بس في حاجة انا متأكد انها ما غایبة عليك:الكيزان لن يقبلوا بحوار يفضي لتغيير حقيقي ولن يقبلوا بضامنين لهم القدرة علی الضغط
    الحاجة التانية يا محمد الناس ديل لو عايزين نوع الحوار اللي في بالي وبالك كانوا قعدوا
    في البرلمان. المنتخب وحاوروا الناس بدل واحد يمشي السجن حبيسا والتاني
    يمشي القصر رئيسا ويدخلونا نحنا في اضان وزة وهسي دايرين يشيلوا الوزة
    ويدخلوها لينا في اضاننا.
    ياخي ديل ماتقبلوا بعض وسووها مفاصلة وبطيخ
    تعبنا يا محمد ياخ
    تعبنا وقلنا الروب
    هذا مع تحيات واحترام ابو حسين😂😂

    (عدل بواسطة عثمان عووضة on 02-08-2016, 11:35 AM)
    (عدل بواسطة عثمان عووضة on 02-08-2016, 11:41 AM)

                   |Articles |News |مقالات |بيانات

10-08-2016, 05:30 AM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 28405

للتواصل معنا

FaceBook
تويتر Twitter
YouTube


Re: من هم أدعياء الوطنية, بتاعين المزايدات ال� (Re: عثمان عووضة)

    لماذا يصوّر رافضي المفاوضات أن التوقيع على الخارطة بل و التفاوض من الأساس مكسب للنظام وخسارة للمعارضة فقط!
    نفس الضغوط التي تعرّضت لها المعارضة تعرّض لها النظام قبلها بس الفرق أنه فرش سريع ووافق على التفاوض, لو كان النظام قويا و مالك زمام أمره وقادر على سحق المقاومة العسكرية كما يوهمنا بين صيف وآخر هل كان استجاب لدعوات التفاوض؟ بل هل كان سيدعوا لحوار من الأساس إذا كان فعلا كما قالت تراجي حزب مسيطر و غالبنا عسكريا!!
    النظام مضغوط و قبوله المفاوضات أحد اسبابه كان المقاومة و المعارضة خاصة المسلّحة هذه حقيقة
    بعدين ياخ ما جاية أنا قاعد في مهجري آمن على حياتي و عيالي ولو نسبيا, أنظّر و أحذر وأورّي الناس تعمل وما تعمل شنو لا وكمان أخوّن من حمل السلاح إن كان تقديراته قالت له ضعه أرضا ولو لحين
    هذا غير أخلاقي.
    من حمل السلاح ما شاورني وأخذ إذني عندما قرّر حمله كذلك الآن ليس لس قول في قراره إن رأى إلقاؤه, ليس لي أن ازايد عليه و أخوّنه.
    في الوطنية و المعارضة متسّع, من يرى في التفاوض نكوص عن المعارضة فالمجال أمامه مفتوح و الخيارات كذلك, لا أحد فرض عليه شيئ

    والآن و بعد أن أصبح أمر التوقيع على الخارطة المذكورة أمرا واقعا و ستبدأ أو بدأت بالفعل المفاوضات
    لابد أن يكون الجميع واقعيين و يتعاملوا بحكمة, الهتاف و التخوين و الجوطة الإسفيرية و المقالات الطويلة بعد دا مو نافعة ولا في ليها فائدة
    الآن المعركة معركة سلام, لو تحقّق بالفعل الكل سيكسب خاصة المتضررين المباشرين في مناطق النار, و الجزء الثاني من المعركة هدفه استعادة الديمقراطية و الحقوق و تحجيم تمدد و تسلط النظام بأكبر قدر ممكن ودي لعمري معركة طويلة وتحتاج تضافر ودعم الجميع


                   |Articles |News |مقالات |بيانات

10-08-2016, 06:29 AM

اخلاص عبدالرحمن المشرف
<aاخلاص عبدالرحمن المشرف
تاريخ التسجيل: 04-03-2014
مجموع المشاركات: 1705

للتواصل معنا

FaceBook
تويتر Twitter
YouTube


Re: من هم أدعياء الوطنية, بتاعين المزايدات ال� (Re: محمد البشرى الخضر)

    الجوطه لابد منها تبع الحريات وكده واختبار حقيقي لقوة تحمل الرأي الاخر وطالما ما في سلاح الأمور كويسه
    وتحصيل حاصل السؤال عن الامام وهل هو كوز 😃😃😃

    شفت المحن دي يا ود البشري
    كلو من الترابي😄😄😄
                   |Articles |News |مقالات |بيانات

10-08-2016, 07:43 AM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 28405

للتواصل معنا

FaceBook
تويتر Twitter
YouTube


Re: من هم أدعياء الوطنية, بتاعين المزايدات ال� (Re: اخلاص عبدالرحمن المشرف)

    حرية الراي عندها حدود يا دكتورة لا يمكن تتعدى على الآخر وتخونه وتزايد على وطنيته و تحجر عليه حق اتخاذ خياراته وتقولي لي حرية راي.
    واحدة من مشاكلنا كسودانيين اننا كلنا بشكل أو بآخر داخلنا دكتاتور صغير لا يري الناس الا ما يرى
    ومن يخالفنا الرأي و الرؤية فهو إما خائن أو على أحسن الفروض متخاذل

    سيدي الإمام حاشاه الكوزنة
    يخطئ التقدير نعم. لا نتفق معه نعم لكن لا احد يتجرأ عليه ويصمه بالكوزنة ولا بالنضال الكيبوردي - المعادل الموضوعي عندي للكوزنة كإساءة :)

    الله أكبر و لله الحمد :)
                   |Articles |News |مقالات |بيانات

10-08-2016, 07:50 AM

حيدر حسن ميرغني

تاريخ التسجيل: 19-04-2005
مجموع المشاركات: 19717

للتواصل معنا

FaceBook
تويتر Twitter
YouTube


Re: من هم أدعياء الوطنية, بتاعين المزايدات ال� (Re: محمد البشرى الخضر)

    مداخلة ود ادريس دي يا ود البشرى من نافذة الفيس بوك جديرة النقاش
    اراها مختصرة وذات معنى
    Quote: Samiricrc Idris
    حال نداء السودان هو نفس حال الكديسة في النكتة القالت لي صاحبتها الكوشة ديك فيها كديس كعب وشراني. أمس مشيت الصباح اغتصبني، ومشيت بالليل تاني اغتصبني ومشيت الليلة الصباح برضو اغتصبني. هسة ماشة ليهو أشوف فهمو شنو عشان أحددها معاهو.
    الناس دي ما بتتوب من كديس المؤتمر الوطني دة؟ مشو ليهو كم مرة قبل دة؟ في جنيف وفي أسمرا وفي الدوحة وفي أبوجا وفي القاهرة وهلم جرا وتاني هسة ماشين يشوفو فهمو شنو عشان يحددوها معاه.

    "إذا لم تستطع مقاومة الاغتصاب فاستمتع به"
    مثل صيني
    لا أدري ما هو الدافع. أهو العجز عن المقاومة أو ربما هي الرغبة في الاستمتاع؟
                   |Articles |News |مقالات |بيانات

10-08-2016, 07:55 AM

عمر عثمان
<aعمر عثمان
تاريخ التسجيل: 04-08-2008
مجموع المشاركات: 1578

للتواصل معنا

FaceBook
تويتر Twitter
YouTube


Re: من هم أدعياء الوطنية, بتاعين المزايدات ال� (Re: محمد البشرى الخضر)

    Quote: ويدخلونا نحنا في اضان وزة وهسي دايرين يشيلوا الوزة
    ويدخلوها لينا في اضاننا.


    أضحكتني من الصباح
    زي المجنون في المكتب

    استاذ عووووضه
    بكلامك ده
    كان فنشونا
    ما بنرجع
                   |Articles |News |مقالات |بيانات

10-08-2016, 11:54 AM

اخلاص عبدالرحمن المشرف
<aاخلاص عبدالرحمن المشرف
تاريخ التسجيل: 04-03-2014
مجموع المشاركات: 1705

للتواصل معنا

FaceBook
تويتر Twitter
YouTube


Re: من هم أدعياء الوطنية, بتاعين المزايدات ال� (Re: عمر عثمان)

    ح تسمع كتير من ده يا ود البشري طول بالك

    وسكين الضراع دي دسها 😀😀😀😀😅


                   |Articles |News |مقالات |بيانات

10-08-2016, 12:39 PM

فرح الطاهر ابو روضة
<aفرح الطاهر ابو روضة
تاريخ التسجيل: 22-10-2012
مجموع المشاركات: 10102

للتواصل معنا

FaceBook
تويتر Twitter
YouTube


Re: من هم أدعياء الوطنية, بتاعين المزايدات ال� (Re: اخلاص عبدالرحمن المشرف)



    قالوا
    أحسن لينا خير وسيلة للدفاع الهجوم ههههه
    تقريبا
    يا ود البشرى حنشوف انسلاخم واحد يلي الآخر من الخوار
                   |Articles |News |مقالات |بيانات

10-08-2016, 07:04 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 28405

للتواصل معنا

FaceBook
تويتر Twitter
YouTube


Re: من هم أدعياء الوطنية, بتاعين المزايدات ال� (Re: فرح الطاهر ابو روضة)

    قريتها يا حيدر وحالها كحال المشار إليهم في عنوان البوست و الذين خاطبهم موقعي الخارطة من تتفيه و تجيير خيارات الناس ومواقفهم حسب وجهة النظر الشخصية غض النظر عن ما بها من قصور عن إدراك المطلق

    البال طويل يا دكتورة لا تشيلي هم
    وما في سكين ضراع ياها محبّة إمام أنصار مهدي الله تغني عن اي سكّين

    نعم ممكن جدا يا فرح ترى انسلاخهم أو استمرارهم دا يعتمد على مدى جدية المفاوضات و الأطراف المشاركة فيها ورغبتها في السلام و الوصول لحلول للوضع الشائك و الأهم من ذلك جدية الضامنين و ضغوطهم على الأطراف كلها
    لكن حتى ذلك الحين لانستبق الحوادث و نتشاءم بل نتفاءل, مجرد ايقاف اطلاق النار و فتح مسارات الإغاثة فيه فائدة عظيمة لا تقدر بثمن لمن يعانون و يفتقدون ابسط مقوّمات الحياة التي نتمتّع بها في مهاجرنا و حيثما كنّا
    لذا أثمّن على الأقل هذه البنود من الخارطة و توقيع الحركات المقاتلة عليها ونتفاءل خير و سنجده بإذن الله.

    (عدل بواسطة محمد البشرى الخضر on 10-08-2016, 07:26 PM)

                   |Articles |News |مقالات |بيانات

10-08-2016, 07:48 PM

عمر صديق
<aعمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube


Re: من هم أدعياء الوطنية, بتاعين المزايدات ال� (Re: محمد البشرى الخضر)

    سلامات ياباش مهندس
    وتحياتي

    الكلام دا مقصود بيهو ماتبقي من تحالف قوي الاجماع (الاحزاب اليسارية تحديدا) وهي التي رفضت التوقيع وترفض اي تسوية سياسية



    في احزاب من تحالف قوي الاجماع اصبح اسمها تداء السودان بالداخل ديل مشو اديس والتحقوا بخارطة الطريق
                   |Articles |News |مقالات |بيانات

11-08-2016, 04:10 AM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 28405

للتواصل معنا

FaceBook
تويتر Twitter
YouTube


Re: من هم أدعياء الوطنية, بتاعين المزايدات ال� (Re: عمر صديق)

    هلا يا عمر
    فهمت من قراءات هنا وهناك أن المؤتمر السوداني و البعث - لا ادري ايهم تحديدا - مع التوقيع و الحزب الشيوعي ضد التوقيع
    هل ممكن تفصّل أكتر
                   |Articles |News |مقالات |بيانات

11-08-2016, 06:05 AM

معاوية الزبير
<aمعاوية الزبير
تاريخ التسجيل: 07-02-2003
مجموع المشاركات: 6665

للتواصل معنا

FaceBook
تويتر Twitter
YouTube


Re: من هم أدعياء الوطنية, بتاعين المزايدات ال� (Re: محمد البشرى الخضر)

    الرافضين التوقيع يا ود البشرى هم
    *ما تبقى مما كان يعرف بالتجمع أو الإجماع الوطني وعمليا يعني ذلك قلة قليلة بلا تأثير وعلى رأسهم فاروق أبوعيسى

    *الحزب الشيوعي ينتظر الاستجابة لمطالبه الخاصة بالحريات ..الخ. أي أنه ليس معارضا شرسا للتوقيع من حيث المبدأ

    * جزء من حزب البعث وهو فرع محمد ضياء

    * الوحيد الرافض التوقيع نهائيا هو عبد الواحد نور

    أما المؤتمر السوداني فهو من الموقعين وله مندوبين في أديس

    لكن اسمعها مني: القوى العسكرية الحقيقية الما شغالة لا بالمعارضة ولا بالحكومة هي جيوش حميدتي وموسى هلال
    ثروات مهولة وسلاح أكثر هولا ومقاتلين محترفين ما بعرفوا يمه ارحميني
    عيشتهم تعتمد على الضغط على الزناد لقتل أي كائن يتحرك أمامهم بمجرد ما يتلقوا الأوامر

    حسب (استطلاعاتنا) الشارع السوداني في مجمله ما فاهم أي حاجة من الغلوتيات دي

    مع تمنياتنا بإجازة طيبة
                   |Articles |News |مقالات |بيانات

11-08-2016, 10:08 AM

اخلاص عبدالرحمن المشرف
<aاخلاص عبدالرحمن المشرف
تاريخ التسجيل: 04-03-2014
مجموع المشاركات: 1705

للتواصل معنا

FaceBook
تويتر Twitter
YouTube


Re: من هم أدعياء الوطنية, بتاعين المزايدات ال� (Re: معاوية الزبير)

    زي ما قال لك المحترم معاويه.



    أهم المجموعات هي مجموعة عبدالواحد لسبب بسيط إنّو بمثل المجموعة العرقية الأكبر وهم سكان. المخيمات
    ليت الجميع يعمل علي تقريب وجهات النظر حتي يشارك عبدالواحد

    عبدالواحد هنا انطبقت عليهم غنية ترباس انت المهم
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de