منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 11-12-2017, 08:00 AM الصفحة الرئيسية

مدخل أرشيف للعام 2016-2017م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

منوعات ابداعية (شعر،غناء،أدب،دراما)

13-11-2016, 03:00 AM

المعز عبدالمتعال
<aالمعز عبدالمتعال
تاريخ التسجيل: 10-06-2011
مجموع المشاركات: 437

للتواصل معنا

FaceBook
تويتر Twitter
YouTube


منوعات ابداعية (شعر،غناء،أدب،دراما)

    03:00 AM November, 13 2016

    سودانيز اون لاين
    المعز عبدالمتعال-الولايات المتحدة ، ولاية كونيتيكت
    مكتبتى
    رابط مختصر

    بسم الله نبدأ

    ومع حميد ينطلق الابداع وهو القائل

    يا زارع حياتي صدود، عذابي معاك اني غمامة، و انت كركي لا محدود

    او كما قال

    عيشكن ياقماري عليٌ
    أنا القطت تقي دنياي
    وعشكن ابني بي إيدي
    أنا البين الرياح جاي جاي
    شرطاٍ ماتقوقن لي
    قوقيي يبهلن عيني
    ويوقد في دواخلي اساي
    " منو العزّ الحبيب ما لاك
    وقدس لي عيونو السود
    أكان سويت غناك في عود
    كان خدر ملا الواطة
    وكان فوّح عبير وورود
    وما كان الزمن طاطا
    لا وقع انحزم وأقود "

    وتاني قال

    ﻗﻠﺖ ﺃﻧﺪﻫِﻚ ..
    ﺧُﻒ ﻣﻦ ﻳﺸِﻂ ﺍﻟﺮﻳﺢ
    ﻧﺪﻳﻬﺘﻲ
    ﻋﻠﻰ ﺻﻨﺎﻗﻴﺮ ﺍﻟﺸﺘﺎﺕ .
    ﻭﻳﺠﻬﺠﻚ ..
    ﻋﻦ ﺟﻴﻬﺘﻲ ﺃﺑﻮ ﺍﻟﺘﻲْ ﺗﻲْ
    ﺳﻨﻴﻦ ﺗﺒﺮﻱ ﺍﻟﺴﺮﺍﺏ
    ﻭﻳﺪﻫﺪﻫﻚ .
    ﻳﺪﺧﻞ ﻋﻠﻴﻚ ﺍﻟﻠﻴﻞ ﺑﺮﺍﻙ
    ﺃﺏ ﻟﻤﺒﺔ ﺑﻴﻨﻮ ﻳﺘﻮِّﻫﻚ ..
    ﺃﻭ ﺗﺸﺪﻫﻚ ..
    ﻋﻨِّﻲ ﺍﻟﻤﺪﻥ ...
    ﻓﻴﻬﺎ ﺍﻟﺴﺤﺮ ﻭﺍﻟﻜُﻀُّﺒُﻦ
    ﻓﻴﻬﺎ ﺍﻟﻌﻮﺍﺭﺽ
    ﺗﻨﺠﻬﻚ ..
    ... ... ...
    ﺗﻨﻀﺐ ﻣﻮﺍﻧﺊ ﺍﻟﻠﻘﻴﺎ ..
    ﺗﻨﻜﺒِﺖ ﺍﻟﺒﺤﺎﺭ
    ﺑﻴﻨﺎﺗﻨﺎ ﺻُﻦ ..
    ﺃﻭ ﺗﻨﺴﻬﻚ .
    ﻭﻳﻦ ﺳﺎﻛﻨﻴﻬﺎ
    ﻣﻦ ﺍﻟﺪﺭﺭ
    ﻭﺍﻟﻠﻮﻟﻲ ﻭﺍﻟﻤﺮﺟﺎﻥ ..
    ﺧﻼﺹ ﺧﻠﺖ ﺍﻟﺪﻳﺎﺭ
    ﻣﻦ ﺃﺳﻤﻲ ﻃﺎﺋﺮ
    ﻭﻣﻦ ﻏﺼﻦ ..
    ﺍﻟﻄﻴﻦ ﻣﻜﻔَّﻦ ﺑﺎﻟﻤﻠﺢ
    ﻛﻤﻜﺎﻡ ﻣﻦ ﺍﻟﺼﺪﻑ ..
    ﺍﻟﻤﺤﺎﺭ
    ﻣﺎ ﺑﻴﻦ ﺣﺰﻥ
    ﻭﺍﻟﺘﺎﻧﻲ ﻳﻨﺸﻜَّﻦ ﺣﺰﻥ
    ﻭﺃﻧﺎ ﻳﺎ ﻓﻨﺎﺭ
    ﺃﺷﻮﺍﻗﻲ
    ﺗﺤﺘﻲ ﻭﻓﻮﻗﻲ ﻧﺎﺭ ..
    ﻣﺎ ﻣﻦ ﻗﻄﻦ ..
    ﻣﺎ ﻣﻦ ﻣﻮﺍﺷﻲ ﻭﻣﻦ ﺻﻤﻎ
    ﻻﻣﻦ ﻋﻤﺎﺭ ...
    ﻭﺗﺠﻲ ﺍﻟﺴﻔﻦ ..
    ﺳﻴﺴﻴﻖ ﺧﻄﺎﻳﺎ ﻋﻠﻰ ﺍﻟﺮﺻﻴﻒ
    ﻣﺤﺾ ﺇﻧﺘﻈﺎﺭ
    ﺭﻣﺾ ﺇﺻﻄﺒﺎﺭ
    ﻭِﻫْﺪﻳﺐ ﺳﺨﻦ ..
    ﻣﺎ ﻣﻦ ﺇﺷﺎﺭﺓ
    ﻭﻣﻦ ﻗﻄﺎﺭ
    ﻭﺗﺠﻲ ﺍﻟﺒﺸﺎﺭﺓ
    ﺃﻭ ﺍﻟﺨﺒﺎﺭ
    ... ... ...
    ﺷﺎﺧﻦ ﻗﺮﻯ ﻭﺑﺎﺧﻦ ﻣﺪﻥ
    ﺩﺍﺥ ﺍﻷﺩﻳﻢ ..
    ﻓﺘﺤﺖ ﺟﺮﺍﺣﻮ ﻛﺮﻛِّﻲ
    ﻣﻦ ﻛُﺘﺮ ﺍﻟﻨﺰﻳﻒ ..
    ﺇﻧﻘﻨﻘﺘﻦ ﻓﻮﻕ ﺍﻟﺘﺮﺍﺏ
    ﻛُﺒّﺔ ﻣﻮﺍﺳﻢ ﻣﻦ ﻫﺸﻴﻢ
    ﻧﻮﻧﻦ ﻟﻴﺎﻟﻲ ﺍﻟﺼﻴﻒ ﺧﺮﺍﺏ
    ﺃﺿﺮﺏ ﻋﻦ ﺍﻟﻤﻄﺮ
    ﺍﻟﺨﺮﻳﻒ
    ﺣﺮﺩﻥ ﺳﺤﺎﺑﺎﺗﻮ ﺍﻹﻓﻖ
    ﻧﻔﺾ ﺍﻟﺴﺤﺎﺑﺎﺕ ﻣﻦ ﻏﻠﺐ
    ﻃﻴﻨﺎ ﺍﻟﻘﺪﻳﻢ
    ﻫﺎﺝ ﻏﺮﺑﺔ ﻓﻲ ﺍﻟﻄﻴﻦ
    ﺍﻟﺸﺠﺮ ، ﺭﻓﺲ ﺍﻟﻨﺴﻴﻢ
    ﻗﻄﻊ ﺍﻷﺗﺮ ﻫﻤﺲ ﺍﻟﻌﺼﺎﻓﻴﺮ
    ﺍﻟﺤﻨﻮﻥ
    ﻭﺑﺪﺕ ﺗﺸﻚ
    ﻛﻞ ﺍﻟﻐﺼﻮﻥ
    ﻣﺘﻌﻔﻔﺔ ﻭﻣﺘﺄﻓﻔﺔ
    ﻣﻦ ﻃﻴﺮﺓ ﺧﺎﻧﺖ ﺟﻨﺴﻬﺎ
    ﻭﺑﺎﻋﺖ ﻣﻌﺰﺓ ﻧﻔﺴﻬﺎ
    ﻭﺑﺮﺕ ﺍﻟﺼﻘﻮﺭ ﺍﻟﻤﺘﺮﻓﺔ
    ﺷﻘﻴﺶ ﺗﻐﻮﺭ ﺗﻨﻀﻨﺒﻪ
    ﻭﺷﻘﻴﺶ ﺗﺮﻙ ؟!
    ﻳﻨﺠﻴﻨﻲ ﻣﻦ
    ﻭﺣﻞ ﺍﻟﺴﻘﻮﻁ
    ﻋﺸﻘﺎً ﺳﻤﺎﺑﻚ
    ﻭﻧﺰَّﻫﻚ ؟ ..؟
    ؟؟؟ ... ؟؟؟ ... ؟؟؟ ...
    ﺑﺎ ﺑﺖ ﻓﻲ ﺃﻳﺎﻡ ﺗﻨﺘﻬﻚ ..
    ﺣﻠﻢ ﺍﻟﻐﻔﺎﺭﻱ
    ﻭﺗﺴﻔﻬﻚ
    ﺷﺎﻥ ﺇﻧﺤﻴﺎﺯﻙ
    ﻟﻠﻐﺒﺶ
    ﺣﺒِّﻚ ﺿﺮﺍﻋﻪ
    ﺍﻟﻤﺎﺏ ﻳﻐﺶ
    ﻋﺸﻘﻚ ﺷﻌﺎﻋﻪ
    ﺍﻟﻮﻳﻦ ﻳﺨﺶ
    ﺷﺎﻳﻞ ﺑﺸﺎﺭﺍﺕ ﺍﻟﺪﻏﺶ
    ﻟﻲ ﺃﻱِّ ﺣﺘَّﺔ
    ﺑﺘﺸﺒﻬﻚ ..
    ... ... ...
    ﻳﺎ ﺑﺖ ﺩﻱ ﺃﻳﺎﻡ
    ﻣﻦ ﺟﻔﺎ
    ﺑﺮﺩﻥ ﻛﻮﺍﻧﻲ ﺍﻟﻠﻘﻴﺎ
    ﻣﻦ ﺑﻌﺪ ﺍﻟﺪﻓﺎ
    ﺧﻨﻘﺖ ﻣﻮﺍﻋﻴﺪﻱ ﺍﻟﺤﺸﻚ
    ﺣﻠﻖ ﺍﻟﻮﻓﺎ
    ﻳﺎ ﺃﻡ ﺍﻟﻤﺴﺎﻫﺮﻳﻦ ﺍﻟﻨﻬﺎﺭ
    ﻣﻴﻠﻚ ﻋﻠﻯﺎﻟﺘﺤﺖ
    ﺍﻟﻜﺘﺎﺭ
    ﻓﻮﻕ ﺧﻠَّﻪ ﻗِﻠَّﺔ
    ﺑﺘﻜﺮﻫﻚ .
    ... ... ...
    ﻭﺑﻴﻦ ﻣﺨﺮﺝ ﺍﻟﺸﻮﻕ ﻣﻦ ﺣﺸﺎﻳﺎ
    ﻭﻣﺪﺧﻠﻚ
    ﻛﻮﺭﻛﺘﻠﻚ ..
    ﻣﺎ ﺟﺎﻧﻲ ﺭﺩ
    ﺧﺒِّﻴﺖ ﺧﻄﺎﻳﺎ ﺇﺳﺘﻌﺠﻠﻚ
    ﻗﺒﻞ ﺍﻟﻤﻠﻚ
    ﻏﻠﻤﺎﻧﻮ
    ﻣﺎ ﺗﺎﺧﺪﻙ ﺳﺒﻴﺔ
    ﻭﺗﺴﺘﺒﻴﺢ ﻟﻲ ﻣﻨﺰﻟﻚ
    ﺣﺎﻃﻮﻧﻲ ﺩٌﻗْﺪُﻕْ
    ﻣﻠﺘﺤﻴﻦ
    ﺟﺎﻃﻮﻧﻲ ﺑﻴﻦ ﻣﻠِّﺔ ﻭﺻﺒﺮ
    ... ... ...
    ﻛﻮﺭﻛﺘﻠﻚ ..
    ﻳﺎ ﺃﻡ ﺍﻟﺴﻤُﺮ
    ﻋﻠِّﻲ ﺍﻟﻤﺘﺎﺭﻳﺲ ﺍﻟﺤُﻤُﺮ
    ﻗﺒﻞ ﺍﻟﻤﻄﺎﻣﻴﺲ ﺗﻮﺻﻠﻚ ؟؟
    ﻛﻮﺭﻛﺘﻠﻚ ..
    ﻳﺎ ﺃﻡ ﺍﻟﺨُﺪُﺭ
    ﺗﺎﻧﻲ ﻭﻫِﻠِﻚ ؟؟
    ﻭﻳﻦ ﺑﻨﺪﻗﻴﺘﻚ ﻭﻳﻦ ؟؟!؟؟
    ﺻﺮﺥ
    ﻫﻴﻜﻞ ﺣﻤﺎﻣﺔ ﻋﻠﻰ ﺳﻠﻚ !..
    ... ... ... ... ...
    ﻭﺇﻧﺸﺮَّ ﻓﻲ ﻭﺍﺩﻱ ﺍﻟﺰﻣﻦ
    ﺣﻠﻔﻲ ﺍﻟﺤﺰﻥ ..
    ﺷﺎﺑﻚ ﺿﺤﻚ
    ﺩﻋﺖ ﺍﻟﺼﺤﺎﺭﻯ
    ﻋﻠﻰ ﺟﺮﻭﻑ ﻓﺮﺣﻲ ﺍﻟﺒﻮﺍﺭ
    ﻏﺮﺑﺔ ﻭﻏُﺒُﻦ
    ﺻُﺮﻣﺔ ﻭﺣﺼﺎﺭ
    ﻇﻠﻤﺔ ﻭﺩﻭﺍﺭ
    ﻳﺎ ﻗﻠﺒﻲ ﺣﺎﺭ
    ﻭﺃﺑﻚ .. ﺃﺑِﻚ
    ﻭﻳﻦ ﺑﻨﺪﻗﻴﺘﻚ ﻭﻳﻦ ؟؟!
    ﻧﺨﺞ ﻫﻴﻜﻞ ﺣﻤﺎﻣﺔ
    ﻋﻠﻰ ﺳﻠﻚ ؟
    ﺃﺧﻔﻴﻜﻲ ..
    ﻭﻻَّ ﺃﻭﺿﺤﻚ
    ﺇﻧﺘﻲ ﺍﻟﻤﻮﺍﻟﻔﺔ ﻋﻠﻰ ﺍﻟﻔﺮﻳﻖ
    ﻻ ﻟﻴﻞ ﻛﻼﺑﻮ ﺑﺘﻨﺒﺤﻚ ..
    ﻻ ﻛﻠﻤﺔ ﺯﻱ ﺭﺍﻳﺶ ﺣﺮﻳﻖ
    ﺗﻐﻠﻂ ﻋﻠﻴﻜﻲ ..
    ﻭﺗﺠﺮﺣﻚ
    ﻳﺎﻭﻻَّ
    ﻗﺒﻞ ﺃﻭﻝ ﺷﻌﺎﻉ
    ﺃﻃﻔﺎﻟﻮ ﺗﻨﺴﺎﺑﻖ ﺳﺮﺍﻉ
    ﺣﻴﻦ ﺗﻠﻤﺤﻚ
    ﺗﺘﻤﻮَّﺣِﻚ ..
    ﻛﻔِّﻴﻚ ﻏﺼﻦ
    ﺗﺘﻤﺮﺟﺤﻚ ..
    ﺗﺼﻌﺪ ﺇﻟﻴﻚ
    ﻣﻦ ﺭﺍﺣﺔ ﺇﻳﺪﻳﻚ
    ﺍﻟﻤﻮﺭﻗﺔ
    ﻭﻟﻲ ﻣﺴﺮﺣﻚ
    ﻭﻳﺎ ﺻﺎﺭَّﺓ ﻓﻲ ﺻﺪﺭﻙ
    ﻭﻓﺎ
    ﻳﺎ ﻗﺒﻠﺔ ﻣﻦ ﺛﻐﺮﻙ
    ﻛﻔﻰ
    ﺗﺒﺮﺍﻛﻲ ﺃﺭﻳﺠﺎﺕ ﺍﻟﺰﻫﻮﺭ
    ﻧﺴﻢ ﺍﻷﻧﺎﺷﻴﺪ
    ﻳﻨﻔﺤﻚ
    ... ... ...
    ﺗﺪﻳﻜﻲ ﺃﺻﻮﺍﺗﻪ ﺍﻟﻄﻴﻮﺭ
    ﺃﺳﻘﻂ ﺩﻣﻮﻋﻲ
    ﻭﺃﺭﺷِّﺤﻚ
    ﺑﺎﺳﻢ ﺍﻟﻌﺮﻕ
    ﻗﻄﺮ ﺍﻟﻨﺪﻯ
    ﺧﻠْﻖ ﺍﻟﺼﻔﻖ
    ﻃﻮﻝ ﺍﻟﻤﺪﻯ
    ﻓﻲ ﺍﻟﻬﻤﺒﺮﻳﺐ ﺍﻟﺠﺎﻳﻲ ﺣﻖ..
    ﻏﻴﻤﺔ ﻭﺩﻋﺎﺷﺔ
    ﺃﻭ ﺃﺭﺷﺤﻚ
    ﻓﻮﻕ ﺣﻴﺮﺗﻲ
    ﺭﺃﻱ
    ﻭﻳﻔﺮِّﺣﻚ
    ﻳﺎ ﺷﺎﺭﺣﺔ ﺻﺪﺭ
    ﺍﻟﻴﺸﺮﺣﻚ
    ... ... ...
    ... ... ...
    ﺑﺎﻟﻄﻤﻲ ﻣﻦ ﻓﻴﺾ ﺇﺷﺘﻬﺎﻱ
    ﺃﺭﻗﻮﻕ ﻋﻨﺎﻱ
    ﻣﺎﺭﻭﻕ ﻏﻨﺎﻱ
    ﻧﺒﺮﻭ ﺭﺟﺎﻱ
    ﺣﺎﺣﺎﻱ ﺻﺤﺎﻱ
    ﺃﺭﻗﺪ ﻋﻠﻴَّﺎ ﻗﻔﺎ
    ﻭﻋﻠﻴﻜﻲ
    ﺃﻋﺒِّﻲ ﺳﻌﻦ ﺍﻟﺼﺒﺮِ ﺑﻴﻜﻲ
    ﺃﺭﺑِّﻲ ﻟﻴﻜﻲ
    ﻭﺃﺟﻴِّﻬِﻚ
    ... ... ...
    ﺑﺎﻷﺭﺑﻞ ..
    ﺍﻟﻮﺍﺳﻮﻕ .. ﺇﻳﺪﻱ
    ﺃﻣﺸﺎﻁ ﺭﺅﺍﻳﺎ ..
    ﺃﺳﺮِّﺣﻚ
    ﺑﻌﺮﻕ ﺷﻘﺎﻳﺎ
    ﺃﺭﻳِّﺤِﻚ
    ﻓﻮﻕ ﺇﻧﺘﻲ ﺳﻤﺤﺔ
    ﺃﺳﻤِّﺤِﻚ ..
    ﺑﺮﻫﻖ ﻟﻘﺎﻳﺎ .. ﺃﺭﻳِّﺤﻚ
    ﺗﺤﺘﺎﺭ ﻋﻴﻮﻥ ﺍﻟﻤﻮﻳﺔ
    ﻓﻴﻚ
    ﻳﺎ ,, ﺍﻟﻠﻪ ,,
    ﺇﻻَّ ﻳﺸﺒِّﻬﻚ
    ﺷﺠﺮ ﺍﻟﺤﻘﻴﻘﺔ
    -ﺍﻟﻤﺎﺣﺼﻞ
    ﻣﻦ ﺗﺎﻻ ﻋﺎﺭﺽ ﺟﻬﺠﻚ -
    -ﻭﺇﻥ ﺩﻫﺪﻫﻚ -
    ﻋﻠﻰ ﺃﻭﺟﻬﻚ !!
    ﻃﻴﺮ ﺍﻟﻌﺸﻢ ﻓﻴﻬﻮ ﺇﺳﺘﺮﺍﺡ
    ﻳﺨﻔﺲ
    ﻗﺒُﻞ ﺟﻴﺔ ﺍﻟﺮﻳﺎﺡ
    ﻣﺮﺳﺎﻟﻮ ﻳﺠﺮﻱ ﻳﻨﺒﻬﻚ
    ﺷﺘﻠﻚ ﻋﻦ ﺍﻟﺸﺪﺭ ﺍﻟﻜﺒﺎﺭ
    ﻓﻴﻬﻮ ﺍﻟﺼﻤﻎ
    ﻻ ﻳﺸﺪﻫﻚ
    ... ...
    ﺃﺧﻔﻴﻜﻲ ﻭﻻَّ
    ﺃﻭﺿﺤﻚ ؟
    ﺃﺧﻔﻴﻜﻲ ﻓﻲ ﻟﻐﺔ ﺍﻟﻮﺿﻮﺡ
    ﻣﺎﺑﻴﻦ ﺣﺒﻴﺒﻴﻦ
    ﻳﻮﺕ ﺳﻮﻯ
    ﺑﻴﻨﺎﺕ ﻣﺴﺎﻣﺎﺕ ﺍﻟﻮﻟﻪ
    ﻭﺇﻧﺰﻳﻢ ﺷﻌﻴﺮﺍﺕ ﺍﻟﻬﻮﻯ
    ﻓﻲ ﺍﻟﻔﻴﻜﻲ
    ﻓﻲ ﺳﺮ ﺍﻟﻤﻄﺮ
    ﺑﻴﻦ ﻟﻬﻔﺔ ﺍﻟﻄﻴﻦ
    ﻭﺍﻟﺮﻭﻯ
    ﻧﻴﺔ ﺍﻟﺮﺣﻴﻖ ﻃﻠﻖ ﺍﻟﺸﺠﺮ
    ﺳﺎﻋﺔ ﺧﻼﺹ
    ﺷﻴﻠﻮ ﺇﺳﺘﻮﻯ
    ﺃﺩﻫﺸﻨﻲ ﻓﻴﻜﻲ
    ﺍﻟﻤﺤﺘﻮﻯ
    ﺃﺟﻬﺸﻨﻲ ﻛﻴﻒ ﺧﺎﻭﻳﺘﻲ
    ﺑﻴﻦ ﺑﺮﺩ ﺍﻟﺼﺤﺎﺭﻱ
    ﻭﺑﻴﻦ ﻫﺠﻴﺮ ﺍﻹﺳﺘﻮﺍﺀ
    ﻭﻛﻴﻔﻦ ﺃﺭﻳﺠﻚ ﻛﺎﻟﺮﺅﻯ
    ﻓﺎﺝ ..
    ﻳﺘﻨﻘﻞ ﻋﻜﺲ ﺍﻟﻬﻮﺍﺀ؟؟
    ﻳﺎ ﺑﺖ ﻋﺸﺎﻥ ﺭﻳﻘﺔ ﻭﻃﻦ
    ﺗﻨﻔﻚَّ
    ﻛﻢ ﺑﺎﺗﺖ ﻗﻮﻯ
    ﻣﺎ ﺿﺎﻋﺖ ﺍﻵﻻﻡ ﺳﺪﻯً
    ﻭﺁﻣﺎﻟﻨﺎ
    ﻣﺎ ﺷﺎﻟﻪ ﺍﻟﻬﻮﺍ
    ﻻ ﺑﺪَّ ﻳﺠﻤﻌﻨﺎ ﺍﻟﺰﻣﻦ ..
    ﻣﺎ ﻫﻮ ﺍﻟﻠﻲ ﻓﺮَّﻗﻨﺎ
    ﻭﺇﺫﻥ -:
    ﻻﺑﺪَّ ﻭﺇﻥ
    ﻃﺎﻝ ﺍﻟﻨﻮﻯ
    ﺗﺮﺣﻞ ﺻﻬﺎﺩﻳﺐ ﺍﻟﻤﺤﻦ
    ﻳﻨﺒﺾ ﻋﻠﻰ ﺍﻟﻘﻠﺒﻴﻦ
    ﻣﻜﻦ
    ﻃﻴَّﺐ ﺧﻼﻧﺎ ﺍﻹﻧﻤﻜﻦ
    ﺗﻀﺤﻚ ﻋﺘﺎﻣﻴﺮﻭ
    ﺍﻟﺒﻜﻦ
    ﻳﺨﻀﺮ ﺣﺸﺎﻫﺎ ﺍﻹﻧﺸﻮﻯ
    ... ... ...
    ﻭﺩﻱ ﻟﻠﺮﻋﻴﺔ ﻳﻌﺸِّﺒَﻦ
    ﺗﻠﺪ ﺍﻟﺴﻌﻴﺔ ﻳﺠﻲ ﺍﻟﻠﺒﻦ
    ﻟﻲ ﺟﻤﻠﺔ ﺃﻃﻔﺎﻝ ﺍﻟﻮﻃﻦ..
    ﺻﻔَّﺮ ﻗﻤﺢ ,,, ﺩﻧﺪﺡ ﺩﺧﻦ
    ﺑﺪَّﻉ ﺻﻤﻎ .. ﻓﻘَّﻊ ﻗﻄﻦ
    ﻭﺩَّﻥ ﺳﻔﻦ .. ﺟﺎﺑﻦ ﺳﻔﻦ
    ﻻ ﺻﺮﻣﺔ ﻻ ﺑﻴﺘﺔ ﻗﻮﻯ
    ﻟﻴﻞ ﺍﻟﺘﺠﺎﺭﻳﺢ ﻭﺇﻧﻄﻮﻯ
    ﺣﺴَّﻦ ﻗﺮﻯ .. ﻭﺭﻗﺼﻦ ﻣﺪﻥ
    ﺃﺑﻨﻮﺱ ﻭﻧﺨﻠﺔ ..
    ﺳﻮﺍ ﺳﻮﺍ
    ﻻ ﺑﻨﺪﻗﻴﺔ ﺗﻘﻮﻡ ﺳِﻮﻯ
    ﺗﺤﺮِﺱ ﺿﻬﺮﻧﺎ ﻣﻦ ﺍﻟﻐﺒﻦ
    ﺃﻧﺎ ﻭﺇﻧﺘﻲ
    ﻻ ﺧﻮﻑ ﻻ ﺣﺰﻥ
    ﻳﻤﻼﻧﺎ ﺗﺎﻧﻲ ﻭﻻﺟﻮﻯ
    ﺗﻠﻘﻴﻨﻲ ﻭﻻَّ
    ﺃﻟﻘﺎﻙ ﺩﻭﺍ
    .... .... ....
    ﺗﺒﺘﺴﻤﻲ
    ﺃﻓﺪِّﺭ
    ﺩﻣﻌﺘﻲ
    ﻗﺪّﺍﻡ ﺃﺣﺪِّﺭ
    ﻏﻨﻴﺘﻲ
    ﺃﻃﻠﻊ ﻧﺸﻴﺪ
    ﻓﻲ ﺭﺟﻌﺘﻲ
    ﺃﻧﺰﻝ ﺟﺪﻳﺪ
    ﻟﻲ ﺩﻧﻴﺘﻲ
    ﻗﺎﺩِﻝ
    ﻣﻔﺘِّﺢ ﺻﺪﺭﻱ
    ﻟﻴﻚ
    ﺗﻨﺪﺳِّﻲ ﺑﻴﻦ ﺣﻨﻴَّﺘﻲ
    ﺇﻧﺨﺒَّﻰ ﻓﻴﻜﻲ ..
    ﺇﻧﺘﻲ ﺍﻟﻠﺘﻲ ؟؟!
    ﻭﺃﻗﻠﺪ ﻋﻴﻨﻴﻚ ..
    ﻵﺧﺮ ﻧﻔﺲ
    ﻓﻲ ﻣﺮﻭﺓ ﺍﻟﺮﻳﺪ
    ﺍﻟﺤﺮﺱ ﻓﻲ ﻏﺮﺑﺘﻲ
    ﻛﻴﻔﻨﻲ ﻟﻴﻚ ..
    ﻭﺇﻧﺘﻲ ﺍﻟﻌﻠﻴﻚ
    ﻳﻮﺕ ﺭﻛَّﺘﻲ ..
    ﻳﺎ ﺷﻮﻕ ﺧﻄﺎﻳﺎ ..
    ﻭﺳﻜَّﺘﻲ
    ... ... ...
    ﺃﻧﺪﻩ ﺷﺪﻳﺪ ..
    ﻭﺃﻭﺿﺤﻚ ..
    ﻏﺎﺑﺔ ﺣﺮﺍﺯ
    ﺗﺤﺖ ﺍﻟﺮﺯﺍﺯ
    ﺿﻠِّﻚ ﻣﻼﺫ
    ﺃﻫﻠﻲ ﺍﻟﻌﺰﺍﺯ
    ﻗﺎﺑﺾ ﻗّﺒِﺾ
    ﺳﺎﺑﻊ ﺃﺭﺽ
    ﻋِﺮْﻗِﻚ ﺣﻘﻴﻘﺔ
    ﻭﻻ ﻣﺠﺎﺯ
    ... ... ...
    ﻣﻬﻤﺎ ﺍﻟﻤﺤﻞ
    ﻣﻬﻤﺎ ﺍﻟﻤﻄﺮ
    ﻇﻠﻢَ ﺍﻟﺮﻳﺎﺡ
    ﺣﻤِّﻰ ﺍﻟﺨﻄﺮ
    ﺗﻨﻤﻘَّﻰ ﻓﻴﻜﻲ
    ﻭﺗﻨﺒﺤﻚ ..
    ﺑﺘﺤﺘﺤﺖ ﺃﻏﺼﺎﻧﻚ
    ﺟﺮﺍﺡ ..
    ﻟﻜﻦ ﻣﺤﺎﻝ
    ﺃﻥ ﺗﻄﺮﺣﻚ ؟؟
    .
    الابيات دي جميلة لحد مدهش

    ﻭﺃﻧﺎ ﻳﺎ ﻓﻨﺎﺭ
    ﺃﺷﻮﺍﻗﻲ
    ﺗﺤﺘﻲ ﻭﻓﻮﻗﻲ ﻧﺎﺭ ..
    ﻣﺎ ﻣﻦ ﻗﻄﻦ ..
    ﻣﺎ ﻣﻦ ﻣﻮﺍﺷﻲ ﻭﻣﻦ ﺻﻤﻎ
    ﻻﻣﻦ ﻋﻤﺎﺭ ...
    ﻭﺗﺠﻲ ﺍﻟﺴﻔﻦ ..
    ﺳﻴﺴﻴﻖ ﺧﻄﺎﻳﺎ ﻋﻠﻰ ﺍﻟﺮﺻﻴﻒ
    ﻣﺤﺾ ﺇﻧﺘﻈﺎﺭ
    ﺭﻣﺾ ﺇﺻﻄﺒﺎﺭ
    ﻭِﻫْﺪﻳﺐ ﺳﺨﻦ ..
    ﻣﺎ ﻣﻦ ﺇﺷﺎﺭﺓ
    ﻭﻣﻦ ﻗﻄﺎﺭ
    ﻭﺗﺠﻲ ﺍﻟﺒﺸﺎﺭﺓ
    ﺃﻭ ﺍﻟﺨﺒﺎﺭ

    ودي برضو،

    ﻳﺎ ﺑﺖ ﺩﻱ ﺃﻳﺎﻡ
    ﻣﻦ ﺟﻔﺎ
    ﺑﺮﺩﻥ ﻛﻮﺍﻧﻲ ﺍﻟﻠﻘﻴﺎ
    ﻣﻦ ﺑﻌﺪ ﺍﻟﺪﻓﺎ
    ﺧﻨﻘﺖ ﻣﻮﺍﻋﻴﺪﻱ ﺍﻟﺤﺸﻚ
    ﺣﻠﻖ ﺍﻟﻮﻓﺎ

    وكيف نتكلم عن حميد من غير ما نجيب سيرة السرة بت عوض الكريم

    جات داخُلِي ، زيْ مرْقَةْ غضَبْ
    من جُوف حليم في زمن صعبْ
    رَمَت السلامْ زيْ شنْطَة من كتفْ المسافر بي تَعَبْ .
    زيْ رُدخَة ربّ
    الله يا ربّ
    قعدت على طرف العنيقريب المحاذي الواطة
    ضايرت التراب كُسر العويش الفوقو شالت باصبعه
    وشخَتتْ شخِيت...

    ومن اجمل ما صدح به

    كل ما تباعد بيننا عوارض .. كل ما هواك يا طيبة مكنّي

    يا سلام لما ناداها
    وبين مخرج الشوق من حشايا
    ومدخلك
    كوركتلك ..
    ما جاني رد
    خبِّيت خطايا إستعجلك
    قبل الملك
    غلمانو
    ما تاخدك سبية
    وتستبيح لي منزلك
    حاطوني دٌقْدُقْ
    ملتحين
    جاطوني بين ملِّة وصبر
    ... ... ...
    كوركتلك ..
    يا أم السمُر
    علِّي المتاريس الحُمُر
    قبل المطاميس توصلك ؟؟
    كوركتلك ..
    يا أم الخُدُر
    تاني وهِلِك ؟؟
    وين بندقيتك وين ؟؟!؟؟
    صرخ
    هيكل حمامة على سلك ..!
    ... ... ... ... ...
    وإنشرَّ في وادي الزمن
    حلفي الحزن ..
    شابك ضحك
    دعت الصحارى
    على جروف فرحي البوار
    غربة وغُبُن
    صُرمة وحصار
    ظلمة ودوار
    يا قلبي حار
    وأبك .. أبِك
    وين بندقيتك وين ؟؟!
    نخج هيكل حمامة
    على سلك ؟
    أخفيكي ..
    ولاَّ أوضحك
    إنتي الموالفة على الفريق
    لا ليل كلابو بتنبحك ..
    لا كلمة زي رايش حريق
    تغلط عليكي ..
    وتجرحك
    ياولاَّ
    قبل أول شعاع
    أطفالو تنسابق سراع
    حين تلمحك
    تتموَّحِك ..
    كفِّيك غصن
    تتمرجحك ..
    تصعد إليك
    من راحة إيديك
    المورقة
    ولي مسرحك
    ويا صارَّة في صدرك
    وفا
    يا قبلة من ثغرك
    كفى
    تبراكي أريجات الزهور
    نسم الأناشيد
    ينفحك
    ... ... ...
    تديكي أصواته الطيور
    أسقط دموعي
    وأرشِّحك
    باسم العرق
    قطر الندى
    خلْق الصفق
    طول المدى
    في الهمبريب الجايي حق..
    غيمة ودعاشة
    أو أرشحك
    فوق حيرتي
    رأي
    ويفرِّحك
    يا شارحة صدر
    اليشرحك
    ... ... ...
    ... ... ...
    بالطمي من فيض إشتهاي
    أرقوق عناي
    ماروق غناي
    نبرو رجاي
    حاحاي صحاي
    أرقد عليَّا قفا
    وعليكي
    أعبِّي سعن الصبرِ بيكي
    أربِّي ليكي
    وأجيِّهِك
    ... ... ...
    بالأربل ..
    الواسوق .. إيدي
    أمشاط رؤايا ..
    أسرِّحك
    بعرق شقايا
    أريِّحِك
    فوق إنتي سمحة
    أسمِّحِك ..
    برهق لقايا .. أريِّحك
    تحتار عيون الموية
    فيك
    يا ,, الله ,,
    إلاَّ يشبِّهك
    شجر الحقيقة
    -الماحصل
    من تالا عارض جهجك -
    -وإن دهدهك -
    على أوجهك !!
    طير العشم فيهو إستراح
    يخفس
    قبُل جية الرياح
    مرسالو يجري ينبهك
    شتلك عن الشدر الكبار
    فيهو الصمغ
    لا يشدهك
    ... ...
    أخفيكي ولاَّ
    أوضحك ؟
    أخفيكي في لغة الوضوح
    مابين حبيبين
    يوت سوى
    بينات مسامات الوله
    وإنزيم شعيرات الهوى
    في الفيكي
    في سر المطر
    بين لهفة الطين
    والروى
    نية الرحيق طلق الشجر
    ساعة خلاص
    شيلو إستوى
    أدهشني فيكي
    المحتوى
    أدهشني كيف خاويتي
    بين برد الصحاري
    وبين هجير الإستواء
    وكيفن أريجك كالرؤى
    فاج ..
    يتنقل عكس الهواء؟؟

    يا بت عشان ريقة وطن
    تنفكَّ
    كم باتت قوى
    ما ضاعت الآلام سدىً
    وآمالنا
    ما شاله الهوا
    لا بدَّ يجمعنا الزمن ..
    ما هو اللي فرَّقنا
    وإذن :-
    لابدَّ وإن
    طال النوى
    ترحل صهاديب المحن
    ينبض على القلبين
    مكن
    طيَّب خلانا الإنمكن
    تضحك عتاميرو
    البكن
    يخضر حشاها الإنشوى
    ... ... ...
    ودي للرعية يعشِّبَن
    تلد السعية يجي اللبن
    لي جملة أطفال الوطن..
    صفَّر قمح ,,, دندح دخن
    بدَّع صمغ .. فقَّع قطن
    ودَّن سفن .. جابن سفن
    لا صرمة لا بيتة قوى
    ليل التجاريح وإنطوى
    حسَّن قرى .. ورقصن مدن
    أبنوس ونخلة ..
    سوا سوا
    لا بندقية تقوم سِوى
    تحرِس ضهرنا من الغبن
    أنا وإنتي
    لا خوف لا حزن
    يملانا تاني ولاجوى
    تلقيني ولاَّ
    ألقاك دوا
    .... .... ....
    تبتسمي
    أفدِّر
    دمعتي
    قدّام أحدِّر
    غنيتي
    أطلع نشيد
    في رجعتي
    أنزل جديد
    لي دنيتي
    قادِل
    مفتِّح صدري
    ليك
    تندسِّي بين حنيَّتي
    إنخبَّى فيكي ..
    إنتي اللتي ؟؟!
    وأقلد عينيك ..
    لآخر نفس
    في مروة الريد
    الحرس في غربتي
    كيفني ليك ..
    وإنتي العليك
    يوت ركَّتي ..
    يا شوق خطايا ..
    وسكَّتي
    ... ... ...
    أنده شديد ..
    وأوضحك ..
    غابة حراز
    تحت الرزاز
    ضلِّك ملاذ
    أهلي العزاز
    قابض قّبِض
    سابع أرض
    عِرْقِك حقيقة
    ولا مجاز
    ... ... ...
    مهما المحل
    مهما المطر
    ظلمَ الرياح
    حمِّى الخطر
    تنمقَّى فيكي
    وتنبحك ..
    بتحتحت أغصانك
    جراح ..
    لكن محال
    أن تطرحك ؟؟

    اما قصائد الضوء و جهجة التساب و مصابيح السماء التامة و طشيش و مجموعة نورا فمتروكة لكم
                   |Articles |News |مقالات |بيانات

13-11-2016, 03:02 AM

المعز عبدالمتعال
<aالمعز عبدالمتعال
تاريخ التسجيل: 10-06-2011
مجموع المشاركات: 437

للتواصل معنا

FaceBook
تويتر Twitter
YouTube


Re: منوعات ابداعية (شعر،غناء،أدب،دراما) (Re: المعز عبدالمتعال)

    يا الله

    ﺃﺧﻔﻴﻜﻲ ﻭﻻَّ
    ﺃﻭﺿﺤﻚ ؟
    ﺃﺧﻔﻴﻜﻲ ﻓﻲ ﻟﻐﺔ ﺍﻟﻮﺿﻮﺡ
    ﻣﺎﺑﻴﻦ ﺣﺒﻴﺒﻴﻦ
    ﻳﻮﺕ ﺳﻮﻯ
    ﺑﻴﻨﺎﺕ ﻣﺴﺎﻣﺎﺕ ﺍﻟﻮﻟﻪ
    ﻭﺇﻧﺰﻳﻢ ﺷﻌﻴﺮﺍﺕ ﺍﻟﻬﻮﻯ
    ﻓﻲ ﺍﻟﻔﻴﻜﻲ
    ﻓﻲ ﺳﺮ ﺍﻟﻤﻄﺮ
    ﺑﻴﻦ ﻟﻬﻔﺔ ﺍﻟﻄﻴﻦ
    ﻭﺍﻟﺮﻭﻯ
    ﻧﻴﺔ ﺍﻟﺮﺣﻴﻖ ﻃﻠﻖ ﺍﻟﺸﺠﺮ
    ﺳﺎﻋﺔ ﺧﻼﺹ
    ﺷﻴﻠﻮ ﺇﺳﺘﻮﻯ
    ﺃﺩﻫﺸﻨﻲ ﻓﻴﻜﻲ
    ﺍﻟﻤﺤﺘﻮﻯ
    ﺃﺟﻬﺸﻨﻲ ﻛﻴﻒ ﺧﺎﻭﻳﺘﻲ
    ﺑﻴﻦ ﺑﺮﺩ ﺍﻟﺼﺤﺎﺭﻱ
    ﻭﺑﻴﻦ ﻫﺠﻴﺮ ﺍﻹﺳﺘﻮﺍﺀ
                   |Articles |News |مقالات |بيانات

13-11-2016, 03:22 AM

المعز عبدالمتعال
<aالمعز عبدالمتعال
تاريخ التسجيل: 10-06-2011
مجموع المشاركات: 437

للتواصل معنا

FaceBook
تويتر Twitter
YouTube


Re: منوعات ابداعية (شعر،غناء،أدب،دراما) (Re: المعز عبدالمتعال)

    حميد لديه قدرة مدهشة لمغازلة الطبيعة بمفردة بسيطة عمقتها لهجته الشايقية الموغلة في الحنين
    (كنا غلابة و ليل و ربابة)

    له الرحمة
                   |Articles |News |مقالات |بيانات

13-11-2016, 03:28 AM

المعز عبدالمتعال
<aالمعز عبدالمتعال
تاريخ التسجيل: 10-06-2011
مجموع المشاركات: 437

للتواصل معنا

FaceBook
تويتر Twitter
YouTube


Re: منوعات ابداعية (شعر،غناء،أدب،دراما) (Re: المعز عبدالمتعال)

    مرثيتي في حميد

    حميد...كما البركان عاش بداخلي وتفجر...شعراً ...ونبضاً...وبهاء
    جآني خبر موت حميد كصاعقة أحسست أن ألأرض اهتزت من تحتي ثم أختفت، هناك شي في حلقي يحاول الخروج، لعها عبرة، ساقاياي تيبستا، أجفاني تورمت فجأةً، تحسّست رأسي ونظارتي الطبية كي أستعد لمواجهة مآسأتي...كل شي موجود ماعدا ألأرض.. تماهت من تحتي وأختفت....
    عرفت نفسي من خلاله كان مرآة روحي ، صوته يرن في داخلي مع كل ضياء، كما البركان عاش بداخلي وتفجر...شعراً ...ونبضاً...وبهاء ، كان شفيفاَ و نقياً كما الماء قوياً وواضحاً كالشمس ، كان مرهفاً وعذباً، كان كما ألأشجار روعة وكما الطير رقة ، كان حنوناً عطوفاً مدهشاً حالماً يشع ذكاء،
    علمني حميد كيف أعشق شعاع الشمس وكيف أعتلي نخيل الكلام، كيف أغازل ضياء النجوم وكيف اقاوم ضباب الخوف وكيف أرى رغم العتمة.
    علمني حميد أن أسمي معاني الحب هو حب الوطن، علمني حميد أن هذه الأرض حُبلي بالحلال، قال لي ان هناك علاقة شرعية بين كبد السماء و رحم ألأرض..وهذا المطر.....قال لي أن هذه البذرة هي القاسم المشترك بين السماء وبين ألأرض.
    ساواصل
                   |Articles |News |مقالات |بيانات

13-11-2016, 03:35 AM

المعز عبدالمتعال
<aالمعز عبدالمتعال
تاريخ التسجيل: 10-06-2011
مجموع المشاركات: 437

للتواصل معنا

FaceBook
تويتر Twitter
YouTube


Re: منوعات ابداعية (شعر،غناء،أدب،دراما) (Re: المعز عبدالمتعال)

    مصطفي سيد احمد، ما اروعه، ياريت لو واحد ينزل لينا (تسجيل نضيف) ل اغنية إصطفيت جرحك براك وهي من اجمل اغاني مصطفي سيد احمد

    كلمات اغنية إصطفيت جرحك براك
    للشاعر الرائع د. طلال دفع الله


    وإصطفيت جرحك براك
    وتر إنتباهك والنغم
    ضفة تزرع فى الشروق
    وضفة بتقاوم الألم
    شمعة الأمل التهِد ليل الكوابيس
    زمن الودار
    شامخة بتعاند فى صدى الليل
    الهياج الإحتضار
    صاح إنتباهك فى الزمن
    لما أصطفاك
    قدر العصافير .. الرحيل
    غدر الشِباك شوك المتاهات .. الدوار
    تحتك نسيج الليل .. طويل
    الأناشيد الماخدة من حِزم الشعاع
    نار البدايات البتول
    للسحابات التلوِّح قوس قزح
    بُشْرَة هطول
    ولى ضِيا القمر المقرّح
    ضد قوانين الأفول
    ليك يا آخر الخيول
    فرس الرِهان الما كبا
    وهج الشموس الإشتعال ..
    وإنكسار المستحيل
    شقيتو بى سيل الحروف
    الطالعة دابا من الصدف .. مجرى البحر
    تيارو والموج الرجوع
    أديتو حيل مدّو الزمان كان إنحسر
    غيرت فى الزمن الملامح
    طعم الكلام .. لون الغُنا
    وطبع البذور .. كيميا التراب
    طقس المطر
    صاح إنتباهك فى المكان
    زهو السنابل بالقموح
    وإجتراحك لى لسان لغة الجموح
    وكتين يتوه بين السكات
    وسيف القيود .. الإرتهان
    شمس الحقيقة .. ال .. آه ..
    بقت منفى ونزوح
    وأقتباسك للصبر لغة اليقين
    بإنقسامك فى الزمن
    وإنصهارك
    وإقتسام الآهة بينك والمحن
    وإنتصارك لى صباحاً بكرة طالع
    من مدارات الصهيل
    يا صباحك
    لما تنداح ضفة جراحك .. بالشجن
    وتقلِد الزمن العديل
    يا جراحك
    لما تفرد غيم جناحك
    فوق عذابات الوطن
                   |Articles |News |مقالات |بيانات

13-11-2016, 03:40 AM

المعز عبدالمتعال
<aالمعز عبدالمتعال
تاريخ التسجيل: 10-06-2011
مجموع المشاركات: 437

للتواصل معنا

FaceBook
تويتر Twitter
YouTube


Re: منوعات ابداعية (شعر،غناء،أدب،دراما) (Re: المعز عبدالمتعال)

    في الذكرى العشرون لرحيل مصطفى سيد احمد. اتكاءة على حائط المبكي الطويل.

    مدخل أول. .ناس ولا انشاوفو. .غنوة انعارفو. .فلان ود فلان ود فلان ود فلان.

    هناك في أبهى ممرات شوارع البرزخ. .يجلس مصطفى على اريكة من ضياء.. .تدمع عيناه وهو يغنى: آه يا نورا ...آه
    دخل حميد و قال لمصطفى في أسى : عليك السلام يا شهيد الغنا..
    مصطفى :من؟؟ حميد.؟؟ بكى مصطفى و نهض وضم حميد بشوق.. أنت هنا؟ و تسمعني؟؟ انتظرت حضورك يا حميد..ولكني تمنيت أن لا تأتي ثم تمهلت..قلت لنفسي ليتك تكتب شعرا اكثر..و ليتهم يسمعوك.. تعال أجلس بجانبي و حدثني..ضم حميد مصطفى بشوق اكثر و قال: كتبت يا مصطفى..كتبت.. فبعدك كانت الحروف بطعم العلقم. كتبت شعرا..و لكنه شعرا بطعم البكاء. و مذاق الموت.
    مصطفى: و ماذا كتبت؟
    حميد: كتبت مصابيح السماء التامنة و طشيش..مرثيتك يا مصطفى. .
    قال مصطفى و الدموع تبلل نظارته السميكة: و كيف حال الوطن؟حميد: اشتكى الجنوب وانفصلت ساق الوطن فتداعى سائر جسد الوطن بالموت و السهر و الرهق و الحمى. .بكى عليك الوطن يا مصطفى،بكى العمال و الموظفون و المزارعون. وبكت الحقول...بكى الطلاب و المعلمون ، بكت الأنهار و الصحراء و الشواطئ. .بكت ست الجيل و بكت بثينة. .بكى سامر و سيد احمد. بكى إبراهيم و بكى القدال و أزهري .بكى عركي و محمد الأمين و بكى معهد الموسيقى بكتك مشاريع الاعاشة. و مشروع الجزيرة. و خطوط السكة حديد...و مصانع الغزل و النسيج..بكتك المدارس و المقاهي و النوادي و مواقف المواصلات.بكى عليك أصدقاؤك .بكت الطيور و بكت غصون الشجر..بكى الأطفال و الشيوخ. .بكى المشردون. و ماسحي الأحذية . بكى المثقفون و المحرومون..بكتك السماء و النجوم ، بكتك الشوارع و المدن..بكتك ود سلفاب و ود الحليو.و الحلاوين بكتك رفاعة .بكتك المناقل و طيبة الشيخ عبد الباقي.بكتك كركوج و سنجة. و الدمازين .بكتك الحصاحيصا و كسلا و سكنات و بورتسودان. .بكتك طابت و مدني و حنتوب..بكتك الأبيض و الفاشر و الجنينة و زالنجى. بكتك بابنوسة و المجلد و الضعين...بكتك حلفا و عبري و دلقو و دنقلا.بكتك جوبا و بور و ملكال..بكتك نوري و الجابرية و تنقاسي ..بكتك عطبرة و شندي و بكتك أم درمان و بكتك بحري و الخرطوم. بكتك قصائدي يا مصطفى. .
    بكى مصطفي و قال : كيف صلى الناس علي؟؟هل نفذوا وصيتي؟؟
    حميد: صلى عليك الشعب و سلم. تحركوا من مطار الخرطوم في موكب مهيب زحفا على الأقدام. . إلى معهد الموسيقى. ثم غرسوك في ود سلفاب. .شجرة ثابتة ..جذعها هناك و فرعها هنا.
    مدخل ثان و أخير.
    حجر الدغش...
    بكى مصطفى كثيرا و قال: حدثني يا صديقي حميد.. ماهي وصيتك للشعب قبل أن تغادر...؟
    حميد: قلت لهم قبل أن أغادر. .أرضا سلاح .وطني البموت و بخلي حي.
    المعز عبد المتعال
    17 يناير 2016
    الولايات المتحدة الأمريكية. نيو بريتن
    الذكرى العشرون لرحيل مصطفى سيد أحمد.
                   |Articles |News |مقالات |بيانات

13-11-2016, 03:52 AM

المعز عبدالمتعال
<aالمعز عبدالمتعال
تاريخ التسجيل: 10-06-2011
مجموع المشاركات: 437

للتواصل معنا

FaceBook
تويتر Twitter
YouTube


Re: منوعات ابداعية (شعر،غناء،أدب،دراما) (Re: المعز عبدالمتعال)

    هنا يذداد الحنين و يعانق التجاني سعيد قوس قزح حينما قال


    عيونك زي سحاب الصيف تجافي بلاد وتسقي بلاد



    قلت أرحل
    التجاني سعيد
    ::: :::
    قلت أرحل ..
    أسوق خطواتي من زولاً نسى الإلفة
    أهوِّم ليل
    أساهر ليل
    أتوه من مرفأ لي مرفأ
    ابدل ريد بعد ريدك
    عشان يمكن يكون اوفي
    رحلت وجيت
    في بعدك لقيت
    كل الأرض منفى
    عيونك زي سحاب الصيف تجافي بلاد وتسقي بلاد
    وزي فرحاً يشيل مني الشقا ويزداد
    وزي كلمات بتتأوّه.. تتوه لمن يجي الميعاد
    ****
    وزي عيدا غشاني وفات عاد عمّ البلد أعياد
    وزي فرح البعيد العاد
    وزي وطناً وكت اشتاقلو برحل ليهو من غير زاد
    بدون عينيك بصبح زول بدون ذكرى وبدون ميلاد
    رحلت وجيت
    في بعدك لقيت
    كل الأرض منفى
    زمان الفُرقة والتجريح بسِيبُو عشان تشيلو الريح
    بسيبو عشان صحيح الذكرى بتّوِّه عمرنا صحيح
    وانتِ معايا لا بندم ولا بقضي العمر تبريح
    أصلو العمر شوقا ، حزنا كان وصبرا كان فسيح وفسيح
    أصلو العمر كان دربا مشيتو كسيح
    وكان غرسا سقيتو بكى وقبضت الريح
    رحلت وجيت
    في بعدك لقيت
    كل الأرض منفى
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de