متى تبدأ حيــــاااتي؟!

نعى اليم ...... سودانيز اون لاين دوت كم تحتسب الزميل معاوية التوم محمد طه فى رحمه الله
الاستاذ معاوية التوم في ذمة الله
رابطة الاعلاميين بالسعودية تحتسب الاعلامي معاوية التوم محمد طه
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 09-12-2018, 08:40 PM الصفحة الرئيسية

مدخل أرشيف للعام 2016-2017م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
23-03-2017, 02:20 PM

معاوية الزبير
<aمعاوية الزبير
تاريخ التسجيل: 07-02-2003
مجموع المشاركات: 7826

للتواصل معنا

FaceBook
تويتر Twitter
YouTube


متى تبدأ حيــــاااتي؟!

    02:20 PM March, 23 2017

    سودانيز اون لاين
    معاوية الزبير-الدوحة
    مكتبتى
    رابط مختصر

    "للجامعة الصبح وللسوق بعد العصر وللتعب اليومي جميع الوقت.. فمتى يبدأ نهاري!"
    مهدي عامل
    ---
    طول عمري بتخيل يوميات حياة -محددة ومضمونة- لمّا أكبر
    أرجع من الشغل الساعة 2 معاي الجرايد
    (مافي أي كتب وَكِت داك، لأسباب فكرية وضعف النظر و زهج المخ)
    اتغدى وأبدأ أتصفح، وأغمد
    أصحى ألقى الشاي برد،، أنساهو
    آخد دُش منعش وأشيل كراسي أقعد بَرّه (برّه الفاتحة على الميدان)
    نتونس ونضحك والمساء نمشي حتة -أي حتة ياخ، أنا بدفع- ونرجع الساعة 9
    أشوف باقي النشرة وجزء من سهرتنا الليلة .. أنوم
    و.. بكرة برضو كما سبق
    فيها حاجة دي ؟!

    الآن وقد انطوت 55 سنة
    ودخان قاطرة العمر يتسحّب للخلف عكس سير السنين
    مغطيا أشباح المحطات الـ يلُوحن لي غماماتن من بعيد
    ولم يحصل شيء من هذا..
    قلت أكتب ليكم يمكن ألقى الزيـي فيكم

    أما إنتو يا بتاعين الكم و 20 سنة ديل اقعدوا اتعاوروا كده لمّن تلحقوني
                   |Articles |News |مقالات |بيانات

23-03-2017, 03:45 PM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 20191

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: معاوية الزبير)

    فجأة اكتشفت انني صرت كبيرا
    توفي عمي عوض ابوسن آخر الاعمام رحيلا قبل عام
    كنت في المقابر للدفن بربك
    جاء واحد من نسابة عمي من كوستي
    شال معاي الفاتحة فقد كنت مطرفا لاستقبال اتصال
    شال معاي الفاتحة
    وسألني
    وين الناس الكبار
    رديت عليه بسرعة متناهية
    زي منو
    فأرتبك
    قلت ليهو
    اكبر مننا مافي
    رغم الوفاة إلا ان ردي لازمني اياما
    يانا بقينا كبار الاسرة
    ناس الفاتحة والعقد
    بقينا كبار رغم احساسي
    لسة بدري
    باغتنا الزمان يا صديقي
                   |Articles |News |مقالات |بيانات

23-03-2017, 03:55 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30849

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: عبدالحفيظ ابوسن)

    في الإجازة الأخيرة أي بتاع أمجاد تاكسي كمساري ست شاي حتى التذكرجي بتاع استاد الهلال شابكني ليك يا خال و يا حاج ويا عمّنا !!
    في الأول كنت بستغرب بعد شوية بقيت اقول الشباب شباب القلب
    البقول لي يا خال برد ليه في سرّي يخلخل ضروسك والبقول يا عمّنا بقول عمى كباسة أمّا بتاع يا حاج فا : تحج بي قرعة !
                   |Articles |News |مقالات |بيانات

23-03-2017, 04:26 PM

sadig mirghani

تاريخ التسجيل: 03-03-2014
مجموع المشاركات: 2379

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: معاوية الزبير)

    المهم ماتضيع زمنك في وظيفة
    لانها عبودية القرن العشرين
    وتقعد بعداك تبكي وتتعاور
    عوارة الكبر شينة
    ذكرتني نكتة الالماني والسوداني
    السأل الطالب السوداني أمنياتك بعد التخرج شنو
    قال ليهو اتوظف واعرس وابني بيت
    صاحبك الالماني اتعجب!!
    قال ليهو ياخ انا ما سألتك من حقك
    انا سألتك عن امنياتك
                   |Articles |News |مقالات |بيانات

23-03-2017, 04:36 PM

عمر سعيد علي
<aعمر سعيد علي
تاريخ التسجيل: 20-08-2015
مجموع المشاركات: 270

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: sadig mirghani)


    كتب sadig mirghani :
    (قال ليهو اتوظف واعرس وابني بيت صاحبك الالماني اتعجب!! قال ليهو ياخ انا ما سألتك من حقك انا سألتك عن امنياتك)

    هههها . . المشكله الحقوق دي بتستهلك عمر السوداني كلو . .
    الامنيات عايزة عمر تاني . .
                   |Articles |News |مقالات |بيانات

23-03-2017, 04:37 PM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7540

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: sadig mirghani)

    كيفكم

    معاوية انت بتتكلم عن حياة الموظفين الكلاسيكية في ستينات وسبعينات القرن المنصرم والمنصرم دي مهمة جدا

    ودي هسة عشان تعيش ساعة منها محتاج تعصر ثلاثة شهور وتصفيها عشان تطلع منها الساعة دي

    كبرنا وضاعت احلامنا وانتو كبرتو زتو حلا

    أنا الحاجتين الاتنين الاتحققوا ما خططت ليهم العرس والاغتراب

    أما باقي الأحلام ضاع في لحظة تحقيقها عندما أصبح تحقيقها لا يعني شيئا

                   |Articles |News |مقالات |بيانات

23-03-2017, 07:44 PM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 1428

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: حمد عبد الغفار عمر)

    وحات التوم ود بانقا، هسع دي وأنا جاي من دوار الساعة - الاياب السودانية- الشارقة،
    تبلورت في راسي فكرة بوست قريبة من فكرة البوست دا، حتى بالإمارة فيهو مداخلة عن معاوية الزبير في الطيارة وصورتو في خيال روحو.
    كنت داير اسميهو: لون أساسي
                   |Articles |News |مقالات |بيانات

23-03-2017, 07:42 PM

Nasser Amin

تاريخ التسجيل: 07-02-2017
مجموع المشاركات: 1074

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: sadig mirghani)

    سلام الاخ معاوية و الاخوة الاكارم
    كتب صادق ميرغني:
    Quote: المهم ماتضيع زمنك في وظيفة لانها عبودية القرن العشرين

    صدقت و الله ... الوظيفة و الحياة الرتيبة اتخيل لي من اسباب الخرف المبكر والتدهور الجد الجد
    بجي بعد التقاعد او فقدان الوظيفة لاي سبب...
    الخواجات عكسنا ببدأو الفسحة و الانطلاق وحياة جديدة بعد التقاعد وده مهم للصحة النفسية و الذهنية و الجسمانية.
                   |Articles |News |مقالات |بيانات

24-03-2017, 09:05 AM

معاوية الزبير
<aمعاوية الزبير
تاريخ التسجيل: 07-02-2003
مجموع المشاركات: 7826

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: Nasser Amin)

    (شال معاي الفاتحة وسألني
    وين الناس الكبار
    )
    كويس إنو برّاك بالفاتحة وما قرا ليك إنا أعطيناك الكوثر
    لكن بالتأكيد الزول دا يا عبد الحفيظ بكون من جيل ناس كرومة
    وما سمع بي ناس زيدان إبراهيم
    حتى ميزات الكُبُر ما لاقنها يا حبيب
                   |Articles |News |مقالات |بيانات

24-03-2017, 09:22 AM

معاوية الزبير
<aمعاوية الزبير
تاريخ التسجيل: 07-02-2003
مجموع المشاركات: 7826

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: معاوية الزبير)

    (في الإجازة الأخيرة أي بتاع أمجاد تاكسي كمساري ست شاي
    حتى التذكرجي بتاع استاد الهلال شابكني ليك يا خال و يا حاج ويا عمّنا !!
    )
    أنا زاتي الكلام دا مريت بيهو يا ود البشرى لكن قبل 10 سنوات، لاحظ عشرة!
    ورغم ذلك اتفاجأت بيهو
    في الأول قريبي دفعتي قال لي عادي
    شباب الزمن دا بقولوا يا خال ويا عمك
    قلت ليهو طيب ويا حاج دي؟! فبُهِتَ قريبي (الحاج)

    إحساسنا بالعمر دا عندو علاقة بـ(النسبية والزمن) يا بشرى لكن ما بقدر أشرح
    أخوك مساق أدبي
                   |Articles |News |مقالات |بيانات

24-03-2017, 09:37 AM

معاوية الزبير
<aمعاوية الزبير
تاريخ التسجيل: 07-02-2003
مجموع المشاركات: 7826

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: معاوية الزبير)

    (ذكرتني نكتة الالماني والسودانيالسأل الطالب السوداني أمنياتك بعد التخرج شنوقال ليهو اتوظف واعرس وابني بيت
    أنا قايلك كنت ح تحكي بتاعت صاحب نابليون
    القال ليهو يا زول انت حكايتك شنو شغال في الناس كونكرنغ
    تغزو بلد وتطلع لبلد تاني، داير تصل لشنو؟
    ابن بونابرت قاليهو بعد أغزو العالم دا كلو بستريح
    ثم أقعد على كرسي في حديقتي واتفرج على الأطفال يلعبوا
    هسع دا ما ياهو الكرسي بتاعي يا صادق مرغني؟
    الفرق بيت عمك نابو داك فاتح على ضاحية باريسية
    وكرسيني في حي النصر كوستي

    (عدل بواسطة معاوية الزبير on 24-03-2017, 09:38 AM)

                   |Articles |News |مقالات |بيانات

24-03-2017, 09:49 AM

معاوية الزبير
<aمعاوية الزبير
تاريخ التسجيل: 07-02-2003
مجموع المشاركات: 7826

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: معاوية الزبير)

    (. . المشكله الحقوق دي بتستهلك عمر السوداني كلو . .
    الامنيات عايزة عمر تاني . .

    أمنيات شنو يا عمر سعيد ياخ
    هي كلها غمدة بي جريدة وانت بتسمع برنامج عالم الرياضة
    سجل هدف الهلال علي قاقرين و عادل للمريخ جاد الله
    أمنيات دي لو قلت عايز أحج آخر عمري
                   |Articles |News |مقالات |بيانات

24-03-2017, 03:38 PM

معاوية الزبير
<aمعاوية الزبير
تاريخ التسجيل: 07-02-2003
مجموع المشاركات: 7826

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: معاوية الزبير)

    (أنا الحاجتين الاتنين الاتحققوا ما خططت ليهم العرس والاغتراب
    أما باقي الأحلام ضاع في لحظة تحقيقها عندما أصبح تحقيقها لا يعني شيئا
    )
    حكيم والله يا حمد
    آآي أحلامي بتاعت جيل السبعينات أيام كان حال الآباء هو قمة أحلام الصبيان
    هسع أولادنا ما عارفننا بنعمل في شنو زاتو

    (ودي هسة عشان تعيش ساعة منها محتاج تعصر ثلاثة شهور وتصفيها عشان تطلع منها الساعة دي )
    مبالغة لكن
    كلما كبرت الأحلام ضاقت فتحات المصفى
                   |Articles |News |مقالات |بيانات

24-03-2017, 07:02 PM

معاوية الزبير
<aمعاوية الزبير
تاريخ التسجيل: 07-02-2003
مجموع المشاركات: 7826

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: معاوية الزبير)

    (كنت داير اسميهو: لون أساسي)
    لون أساسي ومحلات الثياب السودانية في الشارقة
    يا له من استلهام، كان حا يكون بوست تحفة يا بكور
    (حتى بالإمارة فيهو مداخلة عن معاوية الزبير في الطيارة وصورتو في خيال روحو.)
    بمناسبة المداخلة ديك فعلا يا شباب وشابات ألستم جميعا تضعون صورة عمرية لأنفسكم
    قد لا تتطابق مع نظرة الآخرين لكم؟
    خلاصة القصة لِمَن لم يطلع على المداخلة
    إنو شاب قابلني في المطار قال لي شايفك وين
    قلت ليهو كوستي الشارقة الدوحة
    قال أبداً
    قلت ليهو يمكن قرينا سوا في الزقازيق
    المرأه الكانت واقفة معاهو طلعت أمو، قالت لي
    أجي! هو كمان قدرك ولّ لحم سدرك
    عمر الأم هذه في نظري كان كم و40 سنة
    والحكاية دي حصلت قبل سنتين
    يعني كنت عمريا اكبر من أمه
    ومن أبوهو زاتو بالتأكيد
                   |Articles |News |مقالات |بيانات

24-03-2017, 07:21 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8171

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: معاوية الزبير)

    Quote: : متى تبدأ حيــــاااتي؟!

    سلام ياصديقى
    سؤالك ده ذكَّرنى ودعمى كنا فى نادى الاتحاد الفاضلاب
    وعندنا برامج ترفيهى من ضمن فقراته تدخل ايدك فى القبُّعة
    وتسحب ورقة وانت وحظك كان وقع ليك سؤال تجاوب مهما كان محرج
    وكان مكتوب فيها غنِّى لازم تغنى وهكذا.
    اها ودعمنا ده سحب ورقة لقا مكتوب فيها: متى تحس انك حيوان.؟
    فاجاب بدون تردد او تفكير فقال: بعد الساعة اتنين (ظهراً)
    ودى طبعاً الساعة اللى بجى فيها الوالد من الشغل وتبدأ الاوامر:
    ياولد البهايم ديل ما دخَّلتهن الضل ليه؟ ومايتبع ذلك من كلمتين فى الاجناب.
    ياولد البهايم دي عطشانة ليه العطش الـ ينشِف ريقك.
    يا ولد ادَّلى الجزيرة جيب قش البهايم.
    ياولد امش الحواشة ارمى التيراب يمشى عصَبَك.
    وطبعاً الاوامر دى كلها لازم تتنفَذ ساعة باقى الاولاد فى التمرين.
                   |Articles |News |مقالات |بيانات

24-03-2017, 07:32 PM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 20191

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: عبدالعزيز الفاضلابى)

    عجبتني حتة عمرك الفي تقديرك
    اها دي
    الآخرون هم الجحيم
    الشايب الما بخجل
    لسة قايل نفسو صغير
    ما بتناسب مع سنك ودي بتكتفك في مواقع كتيرة
    يقوموا شنو يحبطوك جدا ويخلوك تستلم عمر داخلك ما حقك
                   |Articles |News |مقالات |بيانات

24-03-2017, 07:37 PM

جمال ود القوز
<aجمال ود القوز
تاريخ التسجيل: 25-01-2013
مجموع المشاركات: 4523

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: معاوية الزبير)

    في الحافلة والدنيا زحمة وحر ..
    الكمساري قال لواحدة موظفة جاية زهجانة ودمها فاير ..
    يا خالة الحساب .. هههههه ..
    والله عينك ما تشوف إلا النور ..
    مرقنا الكمساري من بين أيديها بي كرامة البليلة ..
    أصلاً أبت تسكت كل شوية تقول ليهو صبي أب فقره زيك كده ..
    أنا ألداهو .. هههه .. والناس تهديها وتضحك وهي رافضة تسكت ..
    وانا نازل قلت ليهو بتبالغ يأخ ..
    دي شكلها موظفة كبرت وما أظنها تزوجت حتى ..
    فكيف تجي انت تقول ليها يا خالة ..
    والله الناس كان فكوها ليك كان أكلتكـ وعضعضتك بي سنونا ..
    خلي عندك شوية نظر .. قعد يضحك وقال لي طيب يا خال .. ههههه ..
    فضحكنا سوياً وذهبت .. قلت ليهو دي مافيها مشكلة ومرحب ود أختي ..

    زمان كان الكماسرة فاهمين ..
    ومهما كانن النسوان الراكبات كبار في السن ..
    الكمساري يقول ليهن هوي يا بنات افتحوا الطريق الناس يمروا ..
    والله هوا تلقى الممر ده انفتح ..
    فالكمساري الغشيم ده جاي يقول لي واحدة موظفة دمها فاير يا خالة ..
    قالت ليهو يخلل ضروسك .. شوف الغبيان العميان ده بالله ... هههههه ..
    وفعلا والله هو غبيان وعميان ..
    خالة شنو كمان في الحر اليزلط والزحمة ديك ..
    المفروض يقول ليها يا بتي .. ههههه ..

    سنوات العمر يا معاوية تتسرب من بين الايدي ..
    كحبات مسبحة تكر انفلاتاً فلا تحسها تنسلت منك ..
    وفجاة تلقى نفسك بقيت خال وعم ..وحتى جد ..
    فلا تنتبه إلا حين يناديك أحدهم بيا خال ..
    فتحس بها وبوقعها .. ولا تحس بانك كبرت للدرجة دي ..
    اختى تصغرني بعام . تزوجت من المتوسط ..
    فانجبت باكرا فأصبحنا خيلان .. لشباب في الجامعة ..
    مع إنه اولادنا لسه صغار لكن عادي جدا نتقبلها ونفرح بها ..
    اللذيذة مرة واحد من الشباب ديل قال لي أمي ..
    وهي في جمع من الحريم في مناسبة .. يا حبوبة ..
    والله جات البيت نهزرتو ومسحت بيهو الأرض ..
    قالت ليهو اياك تاني قدام الناس تقول لي يا حبوبة ..
    قلنا ليها نان يا أمُا يقول ليك يا شنو ..
    يا أخت مثلاً .. فانفجرت ضاحكة .. هههههههه ..
    لقد هرمنا يأخ ...
                   |Articles |News |مقالات |بيانات

25-03-2017, 02:11 AM

معاوية الزبير
<aمعاوية الزبير
تاريخ التسجيل: 07-02-2003
مجموع المشاركات: 7826

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: جمال ود القوز)

    ( الوظيفة و الحياة الرتيبة اتخيل لي من اسباب الخرف المبكر
    والتدهور الجد الجد بجي بعد التقاعد او فقدان الوظيفة لاي سبب...

    بتفق معاك جزئيا يا ناصر
    حسب تجربتي أن إهمال العائلة والمقربين للشخص المتقاعد
    عامل كبير ومساعد على الخرف وتدهور الصحة سريعا
    ومن تجربتي أيضا رأيت أن كبار السن الذين يتزوجون للمرة الثانية
    و هم في سن كبيرة، تتأخر لديهم هذه الأعراض
    وأعزو ذلك للاهتمام الأكثر الذي توليه الزوجة الثانية لزوجها العجوز

    دي ما دعوة للزواج التاني
                   |Articles |News |مقالات |بيانات

25-03-2017, 02:39 AM

معاوية الزبير
<aمعاوية الزبير
تاريخ التسجيل: 07-02-2003
مجموع المشاركات: 7826

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: معاوية الزبير)

    (وطبعاً الاوامر دى كلها لازم تتنفَذ ساعة باقى الاولاد فى التمرين. )
    كلامك دا يا صديقي الفاضلابي يحيلني إلى ذكرى حزينة
    في أحد الأيام -الكلام دا سنة 78 في قمة إدمان الدافوري- كان عمي متغدي معانا
    ومع حلول وقت الذهاب للدافوري طلب مني أكوي ليهو جلابية وعراقي حقاتو
    زهجت وكلفتّهم ليهو
    تاني طلب مني أمشي معاهو بيت زول ما كان بعرف مكانو بالظبط
    "زاد زهجي.."
    لأنو وقت التمرين جاء والبيت العايزو بعيد
    المهم بعدين مشيت حصلت باقي التمرين
    في مساء ذلك اليوم أصيب عمي بأزمة قلبية وفارق الحياة وهو في منتصف الأربعين من عمره
    عرفت بعد ذلك إنو كان بوزع في قروش جمعية كان ماسكها عشان يتخلص من المسؤولية
    لأنو قال حاسي بدنو أجله (والله جد)
    منذ تلك اللحظة ولا أزال نادم على زهجي منو في ذلك اليوم
    كان زول لذيذ ومحبوب وسط زملائه في السكة حديد في كوستي
    بسبب سخريته الرباطابية اللاذعة
    الله يرحمو
                   |Articles |News |مقالات |بيانات

25-03-2017, 03:06 AM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: معاوية الزبير)

    ليك طول العمر ياشفيف
    وللرب الحمد والشكر ان مد في اجالنا
    قبل ايام شيخ مصري كان بتكلم عن حديث الرسول (ص)
    (أعمار أمتي ما بين الستين والسبعين)
    قال اي واحد تجاوز السبعين ربنا بيدلّعو :))
    -
    حليل الزمانات الكانت امهل والمعايش الكانت اسهل على قول حميّد

                   |Articles |News |مقالات |بيانات

25-03-2017, 03:08 AM

معاوية الزبير
<aمعاوية الزبير
تاريخ التسجيل: 07-02-2003
مجموع المشاركات: 7826

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: حيدر حسن ميرغني)

    (سنوات العمر يا معاوية تتسرب من بين الايدي ..
    كحبات مسبحة تكر انفلاتاً فلا تحسها تنسلت منك ..
    وفجاة تلقى نفسك بقيت خال وعم ..وحتى جد ..
    فلا تنتبه إلا حين يناديك أحدهم بيا خال ..
    فتحس بها وبوقعها .. ولا تحس بانك كبرت للدرجة دي ..
    )
    تمام يا ود القوز
    البضيِّع العمر هو انتظار يوم بكرة الأحلى
    وهذا يصرفك عن الاستمتاع بيومك الأنت فيهو

    اعمل لحياتك وكأنك تموت غدا
    عكس ظاهر المقولة السائدة ذات المعنى الديني
                   |Articles |News |مقالات |بيانات

25-03-2017, 03:33 AM

Basamat Alsheikh

تاريخ التسجيل: 15-08-2015
مجموع المشاركات: 2593

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: معاوية الزبير)

    مما ولدوني او قول مما اتعلمت اقرا ما قريت كلام اجمل من الكلام المكتوب في البوست ده....
    .ووافر التحيات لصاحب البوست والضيوف الذين اثروا البوست بحكاوي عصارةتجاربهم الحياتية....اما قصة الموظفة الاخلاقها كانت ضايقة ومسكت في الكمساري لمن قال ليها يا خالة فهي فعلا من واقع الحياة....الرجال ربما يحكوا عن الكبر بسماحة وخفة دم .اما المراة فلا يمكن ان تعترف ابداان الكبر اصابها وانها اصبحت خالة وعمة وام وحبوبة .اما بمناسبة بونابرت..فيقال ان نابليون بونابرت عندما وافتته المنية وشعر بدنو اجلهجمع ابناؤه وقال لهم عندما تضعوني في التابوت وتسيروا بي للمقابر اخرجوا جيب بونطلوني خارج التابوت....فقالوا له ولماذا نفعل ذاك.فقال لهم حتى يعلم الكل ان نابليون بونابرت الذي ملك نصف العالم وكان يمتلك كل شئ يتمناه في هذه الدنيا خرج من هذه الدنيا صفر اليدين وجيبه خالي ليس فيه شئ...وهذا يعطينا درس ان هذه الدنيا ما هي الا ذكرى طيبة يتركها الانسان خلفه ، سوي غادر الدنياصغيرا او كبيرا...
    ما عاوزة اقلب ليكم البوست الظريف هم..لكن...
    ..لكن الحقيقة بتقول ان الغربيين بيستمتعوا بحياتهم بعد التقاعد بعد ان يبلغوا ٦٥ سنة..وفي السودان تلقى الواحد عمره يا دوبك ٥٥ سنة يقول خلاص انا عجزت وما قادر اطلع من البيت..ونحن بنشوف العجائز فوق ال ٧٠ سنة في السنترال بارك وهم يركضون ويلعبون ويضحكون من الاعماق وكانهم شباب في العشرين.
    ..وطمنوا نفسكم بان الشباب شباب القلب
    .مع وافر التحيات..امتثال

    (عدل بواسطة Basamat Alsheikh on 25-03-2017, 06:06 AM)

                   |Articles |News |مقالات |بيانات

25-03-2017, 03:39 AM

معاوية الزبير
<aمعاوية الزبير
تاريخ التسجيل: 07-02-2003
مجموع المشاركات: 7826

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: Basamat Alsheikh)

    (قبل ايام شيخ مصري كان بتكلم عن حديث الرسول (ص)
    (أعمار أمتي ما بين الستين والسبعين)
    قال اي واحد تجاوز السبعين ربنا بيدلّعو
    )
    عمك الشيخ دا يا حيدر عايز المسلمين يرتدّوا ولّ شنو
    يمين نحن عندنا حبوباتنا في البلد شدة ما كبرن
    لمّن يكونن راقدات في العنقريب ما تفرزن من الكرّاب
                   |Articles |News |مقالات |بيانات

25-03-2017, 04:16 AM

معاوية الزبير
<aمعاوية الزبير
تاريخ التسجيل: 07-02-2003
مجموع المشاركات: 7826

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: معاوية الزبير)

    شكرا لامتداحك البوست ومشاركاتَه يا امتثال
    والحقيقة الكثير من المشاركات غيّرت وجه المداخلة الرئيسية التشاؤمية
    إلى وجه متفائل
    (الحقيقة بتقول ان الغربيين بيستمتعوا بحياتهم بعد التقاعد بعد ان يبلغوا ٦٥ سنة..
    وفي السودان تلقى الواحد عمره يا دوبك ٥٥ سنة يقول خلاص انا عجزت وما قادر اطلع
    من البيت..ونحن بنشوف العجائز فوق ال ٧٠ سنة في السنترال بارك وهم يركضون ويلعبون
    ويضحكون من الاعماق وكانهم شباب في العشرين
    )
    حياة الضنك في السودان تدفع الناس لاعتزال الحياة في سن مبكرة من أجل إراحة الجسد
    لذلك كلما كانت الحياة سهلة كلما كانت نهاياتها سعيدة وتغري بالمزيد من الحركة
    لاعتصار كل جميل فيها
    الغريبة جدودنا وحبوباتنا زمان كانوا بعمروا كتير ويعملوا حتى آخر سنوات العمر
    جدي كان يخطب في الناس في المسجد ويعقد القرانات وعمره تجاوز التسعين
    يمشي المسجد في الفجر متوكئا على عصاه النحيفة وذاكرته الحادة
                   |Articles |News |مقالات |بيانات

25-03-2017, 04:39 AM

محمد الكامل عبد الحليم
<aمحمد الكامل عبد الحليم
تاريخ التسجيل: 04-11-2009
مجموع المشاركات: 1966

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: معاوية الزبير)


    تحية

    هل الحاجة هي التي تلون الاحساس ....من اين يخرج المعني؟

    وماذا يفيد المعني دون احساس...

    الزمن لا يلون الاحساس لأنه حقيقة واحدة ...

    اذن حاول تلوين احساسك..
                   |Articles |News |مقالات |بيانات

25-03-2017, 04:42 AM

أحمد محمد عمر

تاريخ التسجيل: 03-03-2010
مجموع المشاركات: 2774

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: معاوية الزبير)

    سن الأربعين شغالة تأشر لي تعال تعال وانا عامل فيها ما شايف .. مستمتع بالصبينة شديد
    راكب البص من مدني للخرطوم في المقعد القدامي المدام ومعاها بنتي وعلى شمالهم نسوان شباب اتنين وانا وراهم معاي الأولاد
    جاء ولد عمر بدايات الجامعة كدة وشكلو دايش ما عارف مكان ارقام المقاعد شاف زوجتي ومعاها البت الصغيرة افتكرو دة المقعد الفاضي وبقى متردد قام اتكلم مع زوجتي قال ليها يا خالة دة المقعد 31 ؟
    المرة بعد ما دايرة ترفع راسها تتكلم معاهو لما استوعبت كلمة يا خالة فرد دنقيرة مع الموبايل وهو يحاول يلفت فيها يا خالة يا خالة وهي نهااااائي ما شغالة بيه
    أنا الضحك كتلني وبقيت اكورك ليها بي صوت عالي يا خالة الولد بتكلم معاك والنسوان الاتنين بدن يفهمن في الحكاية ويلفتن في بعض
    الولد المسكين حس بي إنه في ورطة قام طوالي بقى ماشي سريع على مقدمة البص وانا أكورك ليه يا ابو الشباب تعال نشوف ليك مقعدك .. يا فردة يا دفعة
    ووجهت الكلام لزوجتي : شفتي! قلت ليه يا دفعة ولا اعترض
    اتكلمت مع بنتي قلت ليها تعالي اقعدي مع اخوانك انا داير اتونس مع الخالة دي
    لما قمنا أنا وبنتي نتبادل المقاعد النسوان الاتنين انفجرن فيني واحدة قالت لي لكن ووب علييييييي منك حقاااارتك عينة التانية قالت لي والله حقو الواحد يفرطق ليك راسك بالشنطة دي البنية جاهلة وصغيرة نحن بنلداها يخلخل ضروسك دي
    المدام رفعت راسها من الموبايل بعد تلتلة وتعب قالت ليهم خلوهو بنظمو في البيت
    قلت ليهم شفتو حنية الخالات !
                   |Articles |News |مقالات |بيانات

25-03-2017, 04:59 AM

معاوية الزبير
<aمعاوية الزبير
تاريخ التسجيل: 07-02-2003
مجموع المشاركات: 7826

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: أحمد محمد عمر)

    غايتو عبد الحفيظ أبو سن طلع أحسن واحد فيكم
    اقروا مداخلته مرة تانية
    (توفي عمي عوض ابوسن آخر الاعمام رحيلا قبل عام
    كنت في المقابر للدفن بربك
    جاء واحد من نسابة عمي من كوستي
    شال معاي الفاتحة فقد كنت مطرفا لاستقبال اتصال
    شال معاي الفاتحة
    وسألني
    وين الناس الكبار
    رديت عليه بسرعة متناهية
    زي منو
    فأرتبك
    قلت ليهو
    اكبر مننا مافي
    )
    ربنا يرحم العم عوض ويغفر له
    أبو عبد الوهاب يا عبد الحفيظ؟
                   |Articles |News |مقالات |بيانات

25-03-2017, 05:10 AM

يحي قباني
<aيحي قباني
تاريخ التسجيل: 20-08-2012
مجموع المشاركات: 12730

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: معاوية الزبير)

    يا معاوية ...

    لما كنا قريبين لنهاية الاربعينات ( زمان ) ... :)

    كنت بتكلم بالتلفون مع صديقي العزيز خيري عبد الرحمن ...

    كان بشتكي من كتر السفريات للشغل ... و كمية الكورسات البسافر ليها ...

    قلت ليهو معليش ياخي ( داير اكابرو ) ... الحاجات دي كويسة تختها في السي في حقتك ...

    ضحك ضحك شديد و اتخيلت نغازاتوا لمسوا بعضعن ...

    قال لي سي في شنو يا معلم ... و الله السي في عمري ده الا اقدمها لي ربنا بعد ده ...
                   |Articles |News |مقالات |بيانات

25-03-2017, 05:02 AM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: أحمد محمد عمر)

    لمّن يكونن راقدات في العنقريب ما تفرزن من الكرّاب
    __________
    لا وكمان لما يجن نديداتهن وهن راقدات في العنقريب يعملن غمرانات
    قد يذكرنّهن بالموت :))
    عشان كده الختيارات لمّن يتزوجوا بمن هن اصغر منهم
    سنونهم المكسرات بتقوم تاني
                   |Articles |News |مقالات |بيانات

25-03-2017, 05:32 AM

يحي قباني
<aيحي قباني
تاريخ التسجيل: 20-08-2012
مجموع المشاركات: 12730

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: حيدر حسن ميرغني)

    كويس كده يا معاوية ... اها طبلوه ...

    ياخ طبلتين في الراس في ٢٤ ساعة ...

    بكري بقي سلفي خلي بالك ...

    و ما بنوم ...
                   |Articles |News |مقالات |بيانات

25-03-2017, 06:17 AM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 20191

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: يحي قباني)

    نعم
    والد عبدالوهاب يا معاوية
    تعرف تلك المحادثة العابرة خلتني اعاين بشكل مختلف للامور
    يعني انا واحد من الذين يحددون مسار العلاقة الاسرية الممتدة
    علاقتي مع اولاد وبنات اخواني تغلب عليها الحميمية والصداقة والمداعبة فتجعل من الصعب مرات فرض رأي تربوي محدد
    يعني مازي علاقتي مع اعمامي فيها هيبة الاحترام المفرط
    نحن او انا يا معاوية
    صرت من الذين يحددون مصائر البعض . يعني البوافق او ارفض زواج
    ولا قول نرفع الفراش الليلة ولا بكرة
    ولا
    استلمنا ولم نكن مستعدين
                   |Articles |News |مقالات |بيانات

25-03-2017, 09:15 AM

عمر أبوعاقلة
<aعمر أبوعاقلة
تاريخ التسجيل: 11-04-2016
مجموع المشاركات: 851

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: معاوية الزبير)

    سلام يا معاوية .. ولك طولة العمر ان شاء الله

    تصدق سألت نفسي السؤال دا في الغربة دشليون مرة
    إنه لمتين أحلامي دي صاريها في (دلقون) وكل ليلة أتبت عليها قبل أنوم
    أتفقدها حلماً حلماً (بما فيها برنامج عالم الرياضة وقعدة برة)
    وأقوم الصباح نفس البرنامج .. الجري .. المدارس .. الدوام والكفيل

    وصلت لحقيقة أنها: هي هكذا .. مصرورة .. تتبت عليها .. تختها تحت مخدتك وتنوم
    حتى بالامارة آخر اجازة لي للبلد (غلبني أتونس مع الناس) وتحس نغمة ونستي نشاذ
    غايتو الوحيدة القدرت عليها هي حتة (أنا البدفع ياخ)

    ولا عزاء لأبو سن في رايته التي يمسك بها وإن لم يكن مستعداً

    مودتي للجميع
                   |Articles |News |مقالات |بيانات

25-03-2017, 10:15 AM

طلحة عبدالله

تاريخ التسجيل: 14-09-2007
مجموع المشاركات: 15449

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: عمر أبوعاقلة)

    إلى ود الزبير والفي عمرو
    يا أخوانا انتوا مستسلمين ومتشائمين كدا ليي ؟
    كدا بترسموا لينا صورة قاتمة لعمرنا الجايي
    بعد أكتر من خمستاشر سنة إن الله حيانا والموت خلانا.
    إنتفضوا واتمردوا على الكهولة المكنكشة في تلابيب أفكاركم
    دي ..
    القدركم مازال يلعب في الكورة وجناح كمان ..
    شنو أول ما الواحد فيكم وصل الخمسين بدأ يلاوز ؟
    الشباب شباب القلب والتفكير اللي هو سبب النجاح ..
    فكروا كيف تستحلبوا الحيوية الكامنة جوة البني آدم وما عارفا ..
    الفي عمركم دا يا ود الزبير طلق سنين الاغتراب
    ومشي اشتري ليهو مزرعة شغال فيها 26 ساعة
    في اليوم بلا كلل أو ملل وبنشاط يحسدوا عليهو
    شافع عمرو 15 سنة ..
    متعة الحياة تبدأ بعد الخمسين وانت ماش ..
    أمامكم إذا مد الله في أعمارك عشرين تلتين
    سنة للاستمتاع بما فاتكم ..
    قولوا خير واتوكلوا ع الله وسيبوا الانهزامية دي..
    ما تكرهونا ياخ .
                   |Articles |News |مقالات |بيانات

25-03-2017, 10:02 AM

sadig mirghani

تاريخ التسجيل: 03-03-2014
مجموع المشاركات: 2379

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: معاوية الزبير)

    قلنا ليكم مؤتمر بورداب في الخرطوم ظروري
    عشان النفيسة بتاعتكم دي
    تعالو البلد علي باليمين نرحب بيكم ونونسكم
    ونرجعكم كيوم ولدتكم امهاتكم
    اعمل ليكم لمة في البيت الكبير في ود ارو
    اكل سوداني بحت
    ونعمل عيد الام الحقيقية
    أم رقيقة
    امنا الربتنا والكبرتنا
    واصرف لي كل زول فيكم نبق وقونقليز ولالوب
    ودوم للسغار والبنيات
    وبنشكها كوتشينة للصباح
    وشاي لبن مقنن
    وزلابية تقول ياغربتي
    وموية زير ساااقطة
    وناس الخيال الواسع برضو نعزهم
    وناس المويات عندنا ليهم آبرري لذيذ
    بي مزازتو
    وعسلية برضك
    انتو بس قولو خير وتعالو صادين
    والباقي هين
                   |Articles |News |مقالات |بيانات

25-03-2017, 10:25 AM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 20191

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: sadig mirghani)

    هههه ابوعاقلة
    في الغربة كبر سنك يخصك اظنو
    هنا كبرك يخص كمية من خلق الله
    الماعندو كبير يشوف ليهو كبير
    مفروض تبقا رزين وعاقل وحلال مشاكل
    تنحرم من حاجات ونشاطات كتيرة لا تليق بوضعك
    انا غايتو جاهل صغير مغرور واقف في صف ظننته طويلا حسب العمر . شكلي سرحت فجأة لقيت نفسي اول الصف تصدق
    لو كنت قايل نفسي قريب كان سألت القدامي عن متطلبات المرحلة
    مرات بتمر علي مواقف وبستحضر روحي ابي واشوفو بتصرف كيف كأني اقتفي اثره رغم عامل التغيرات البشمل عوامل كتيرة
                   |Articles |News |مقالات |بيانات

25-03-2017, 02:02 PM

فردوس جامع
<aفردوس جامع
تاريخ التسجيل: 28-09-2011
مجموع المشاركات: 1167

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: عبدالحفيظ ابوسن)

    متى تبدأ حياااتي؟
    سؤال أظنه يراود كل الأعمار... بأحلام مختلفة ...
    و من ثم ينسرب العمر و نحن في خضم معافرتنا لحلم المرحلة العمرية.
    أقول ليك كيف...
    بنتي في الإبتدائي بتقول إنها ما قادرة نتنظر تكبر عشان تعمل و تعمل و تعمل...
    ذكرتني روحي و أنا صغيرة لما يقولوا لي لما تبقي كبيرة...

    و تستمر مراودة الأحلام و نستمر في تحقيقها إذا ما أوتينا الفرصة و نُرجئ بعضها الذي قد يتحقق في وقت آخر أو ربما لا ...
    و تظل روحنا تواقة لمرافئ الحلم القادم و هكذا دواليك...
    .......................
    على صعيد ال خؤولة و العمومة هههه
    أظن بتعتمد على حاجتين...
    تقديرك لعمر القائل و تعودنا على سماع الكلمة.
    لو القائل/قائلة في تقديرنا قريبين مننا في العمر يبقى شينة منهم هههه
    التاني ... تعودناعلى سماع الكلمة
    أنا زي ود القوز... بقيت خالة و كان عمري تسعة سنين. أها إتعودت :)
    و صراحة في الجيل الحالي ده في شباب كان ما حضرنا ولادتهم كان نقول أكبر مننا

    .........................................

    على صعيد آخر الشباب شباب القلب :)
    و يا ود أبوسن
    ما تركن لي ال قالب ال لقيت روحك مصبوب فيه على حين غرة ... قرر في حيواتهم و أرفض و أقبل و كل شيء لكن عيش حياتك
    مرات كتيرة بشوف نظرة المجتمع للشيء المعين غلط ... أها نتماهي معاها ولا نعيش حياتنا ال أصلاً هي مرة وااااحدة و الله واحد :)

    تحياتي لكم جميعاً وللعزيز معاوية الزبير الشكر على إتاحته لينا فرصة الإندياح ....
                   |Articles |News |مقالات |بيانات

25-03-2017, 03:03 PM

Basamat Alsheikh

تاريخ التسجيل: 15-08-2015
مجموع المشاركات: 2593

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: فردوس جامع)

    جبنا بنابرنا وصنقرنا معاكم اصلنا نسينا البسمة ونسينا الضحكة من زمن..
    انا بقيت خالة...ولمن ود اختي يناديني يا خالة...دمي يفور...ويقوم يقول لي ..هسع
    يا خالة انتي لمن نقول ليك يا خالة تكشري وشك ولمن تبقي ام وولدك او بنتك يناديكي يا امي
    ..حتزعلي برضه.
    بقول ليه كلمة امي دي بتفرق كتير من خالة ...كلمة امي دي اجمل كلمة في الدنيا وما بمل من سماعها..
    .وبصراحة انا معجبة بالاستاذة الاعلامية المناضلة نور تاور...جابو اليها صور احفادها ونادوها يا حبوبة ..
    .ولكنها نشرت فينا الفرحة وهي تضع صور احفادها في بروفايلها...اللهم احفظهم يا رب من كل عين.
    وتحياتي لها ..
    مع وافر الاحترام لصاحب البوست وضيوفه الذين احاطونا وغمرونا بالفرح والسرور والفكاهة..امتثال

    (عدل بواسطة Basamat Alsheikh on 26-03-2017, 03:20 AM)

                   |Articles |News |مقالات |بيانات

25-03-2017, 03:39 PM

أحمد محمد عمر

تاريخ التسجيل: 03-03-2010
مجموع المشاركات: 2774

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: Basamat Alsheikh)

    عبارة ابو سن بتاعة لم نكن مستعدين ذكرتني الخلعة الدخلتني وانا في منتصف العشرينات وما كنت مستعد ليها

    أنا عرست عمري 26 سنة .. بدري بدري وصلت لي إنه ما حأعمل قروش ولا حأجهز لي عرس ولا حاجة وأنا كدة كدة صارف على البيت عشان كدة خشيت بالرجالة ساي .. أها أنا مصر استمتع بشبابي زي ما قال الكتاب عشان كدة دخلت ليك في المغامرة دي والمدام لسة ما اتخرجت من الجامعة
    بعد شهر كدة من العرس ونحن لسة معسلين اسمع ليك عمي بدق في الباب بعكازه ويكورك لي امي يا حاجة قولي لي احمد دة يجهز سريع عشان ماشي نخطب لي ود عمه .. المدام عارفاني بحب الصبينة فقعتها ضحكة وبقت تطلع في الجلابية والطاقية وشغالة لي يلا يا حاج ما تأخر الناس
    أمي داخلة تكتم في الضحكة وشغالة لي الهايس واقفة قدام باب البيت الكبير واعمامك كلهم ركبوا يلا البس سريع
    وانا ميت من الغيظ اقول ليها ود عمي دة اكبر مني بي عشرة سنين امشي اخطب ليه أنا ! وهي الخطوبات شغلة الناس الكبار
    تضحك وتشتغل لي أجي أجي أجي ! انت بعد دة بقيت ابو عيال وزول عقد
    بعديها بي اسبوع برضو جاتني أمي قالت لي بت عمتك جايينها ناس خطوبة وحيعقدوا طوالي أجهز عشان تكون هناك بدري قلت ليها ايوة بمشي أجهز معاهم الأكل والخضارات ونوزع الضيافة وكدة
    قالت لي وييييين دة ! دي شغلة العزابة الصغار انت تدرع عمة وتقعد في الصالون مع الناس الكبار
    طبعاً جطت ليك فيها جنس جوطة والمدام ميتة من الضحك شغال ليها يمة أنا دفعتي هديلك ليهم مشركين في شارع المدارس لبنات الثانوي وحايمين في الحلة بالبرمودات
    قالت لي هم عزابة يعملوا العاوزينو لكن انت تلبس الجلابية والعمة وما بعيد يبقوك وكيل العروس

    طبعاً لحسن الحظ رحلت من الحلة طوالي لمدة كم سنة كدة لحدي ما الناس نست اللاعب الجديد في رصة رجال العقد ورجعت شباب تاني
                   |Articles |News |مقالات |بيانات

25-03-2017, 04:17 PM

معاوية الزبير
<aمعاوية الزبير
تاريخ التسجيل: 07-02-2003
مجموع المشاركات: 7826

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: أحمد محمد عمر)

    (الزمن لا يلون الاحساس لأنه حقيقة واحدة ...
    اذن حاول تلوين احساسك..
    )
    والله صعبتها علينا شديد يا محمد الكامل
    قصدك اتظاهر بالشباب وأنا في المشيب!
    عموما ننتظر منك المزيد
                   |Articles |News |مقالات |بيانات

25-03-2017, 04:27 PM

معاوية الزبير
<aمعاوية الزبير
تاريخ التسجيل: 07-02-2003
مجموع المشاركات: 7826

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: معاوية الزبير)

    (جاء ولد عمر بدايات الجامعة كدة وشكلو دايش ما عارف مكان ارقام المقاعد
    شاف زوجتي ومعاها البت الصغيرة افتكرو دة المقعد الفاضي وبقى متردد
    قام اتكلم مع زوجتي قال ليها يا خالة دة المقعد 31 ؟
    )
    في الحالة دي با احمد عمر أظن الحكاية ثقافة جديدة و كده
    نحن ما منتشرة عندنا كلمة لو سمحتي
    أها يقوم يقول ليها يا أخت وهي معاها بنتها! ما جايه
    يا خالة هنا أشبه باللقب، زي ما الطالب دا بقول في الجامعة يا أستاذ
    (أنا عرست عمري 26 سنة )
    بي قصتك الفي مداخلتك التانية بكون الخطب ليك عمره 10
                   |Articles |News |مقالات |بيانات

25-03-2017, 04:49 PM

معاوية الزبير
<aمعاوية الزبير
تاريخ التسجيل: 07-02-2003
مجموع المشاركات: 7826

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: معاوية الزبير)

    (لما كنا قريبين لنهاية الاربعينات ( زمان ) ... :))
    يعني زي سنة 1947 كدا يا قباني ههه

    ياخ طول الأمل دا زاتو ما كويس
    قرينا القصة المروية حول أسماء بنت أبي بكر وحفصة بنت عمر
    الأولى قالت للتانية: أبي من شدة يقينه بحدوث الموت في أي لحظة
    كان إذا خرج صباحا لا يضمن رجوعه في المساء
    السيدة حفصة قالت ليها: يا ابنة طويل الأمل
    أنا والدي إذا أخرجَ نفَسَهُ لا يضمن رجوعه إلى صدره
                   |Articles |News |مقالات |بيانات

25-03-2017, 04:58 PM

معاوية الزبير
<aمعاوية الزبير
تاريخ التسجيل: 07-02-2003
مجموع المشاركات: 7826

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: معاوية الزبير)

    (لا وكمان لما يجن نديداتهن وهن راقدات في العنقريب يعملن غمرانات )
    أنا يا حيدر أمي الله يرحمها كانت لمّا تسمع بموت واحدة من نديداتها تقول لينا:
    ما فَضَل مننا شيء

    الحياة حلوة ياخ ما بتتفات مهما كبرنا
    ومن هنا جاء حُب الوالدين للحفيد لأنو بيعطيهم إحساس بامتداد لعمرهم
    امتداد جديد في شكل طفل صغير لسع راجياهو سنين طويلة من العمر
    وهكذا
                   |Articles |News |مقالات |بيانات

25-03-2017, 05:11 PM

معاوية الزبير
<aمعاوية الزبير
تاريخ التسجيل: 07-02-2003
مجموع المشاركات: 7826

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: معاوية الزبير)

    (غايتو الوحيدة القدرت عليها هي حتة (أنا البدفع ياخ))
    بالتأكيد يا أبو عاقلة فهمت قصدي شنو من الكلمة دي
    فيها تمني لعودة الماضي والاستمتاع به حتى لو دفعت 100 جنيه للاستمتاع ده
    وفي ذات الوقت تخيُّل للمستقبل الكنت بتمناهو
    (الحتة دي تستدعي أبو داؤود في عودة قلبِ راحل: الكنت بتمناهو ليهو)

    (حتى بالامارة آخر اجازة لي للبلد (غلبني أتونس مع الناس) وتحس نغمة ونستي نشاذ)
    غايتو أنا ما بحس بالاتساق في الونسة إلا لما أكون قاعد مع أبو سن في دكانو في السوق
    مش عشان دفعة واحدة ومدينة واحدة وكده، أبداً، إنما لزمالة المنبر
    الزمالة دي أصبحت تلوّن حياتنا زي ما قال ود المدير
                   |Articles |News |مقالات |بيانات

25-03-2017, 08:58 PM

عبدالعظيم عثمان
<aعبدالعظيم عثمان
تاريخ التسجيل: 29-06-2006
مجموع المشاركات: 5161

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: معاوية الزبير)

    سلامات ود الزبير

    تبدأ حياتنا عندما تتحق أحلامنا
    الحياة الإجتماعية التي نعيشها مرهقه جدا
    وإلتزاماتها كثيرة جدا

    مشكلتنا كلنا موظفين وأولاد موظفين يعني محور الحياة حول الشغل
    والتقاعد ونهاية الخدمة ومكافأة نهاية الخدمة والحج وبناء البيت بين هذه وتلك
    فواتح وبكيات ومقابر وحوالات وإلتزامات ماليه تكسر الضهر ..

    السوداني في الغربه يعيش الأمريـن بين تحقيق أحلامه وبداية حياته وبين إستمرار إلتزاماته
    تجاه الأسره الممتدة في السودان .. غير قادر علي تحمل المصاريف والفواتير العاليه
    وغير قادر تحمل المساهمة الإجتماعية للأهل في السودان .. يعني يا ود الزبير
    عليك بقيام الليل والصلاة عشان ما تطلع لا دنيا ولا أخره
    الحج وعملية العيون وترجي الكريم في الكريبه
                   |Articles |News |مقالات |بيانات

27-03-2017, 01:21 AM

معاوية الزبير
<aمعاوية الزبير
تاريخ التسجيل: 07-02-2003
مجموع المشاركات: 7826

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: عبدالعظيم عثمان)

    (إلى ود الزبير والفي عمرويا أخوانا انتوا مستسلمين ومتشائمين كدا ليي ؟
    كدا بترسموا لينا صورة قاتمة لعمرنا الجايي بعد أكتر من خمستاشر سنة إن الله حيانا والموت خلانا.
    )
    أها يا طلحة مداخلتك دي بتلمس واحدة من جهات البوست وهي
    نظرة الإنسان إلى عمره أو إحساسه بعمره
    شبكيتي محتفظة بصورة أخيرة لي تعود إلى عمري في سن الـ 30
    لا شعوريا أتعامل مع نفسي ومع من حولي على هذا الأساس
    يوم قابلتك في نادي العين في لمة الاحتفاء بالأديب (الشاب) حبيب نورة كان ذلك في أكتوبر 2011
    اتخيلتك دفعتي، تجي هسع تقول أصغر مننا بـ 15 سنة ؟

    تعديل لإضافة تاريخ المناسبة

    (عدل بواسطة معاوية الزبير on 27-03-2017, 01:25 AM)

                   |Articles |News |مقالات |بيانات

27-03-2017, 01:34 AM

معاوية الزبير
<aمعاوية الزبير
تاريخ التسجيل: 07-02-2003
مجموع المشاركات: 7826

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: معاوية الزبير)

    حاجة تانية يا طلحة
    انت شابكنا المستنير دا ظهر متين في المنبر وهل هو شخصية وهمية
    وأنا قلت ليك قبل كدا الزول دا كان معاي في الاحتفالية السابقة
    ومعنا زميل البورد الضايعة كلمة سرو هاشم الحسن

    خُد (من مداخلة الزميل abas):
    وقد كان الحضور من البورداب
    محمد سيد احمد
    عباس محمود
    دكتور احمد امين
    محمد البشري
    طلحه عبد الله
    الضيوف معاوية الزبير
    حبيب نورا
    دكتور اسامه عبد الحليم
    ابوبكر عباس
    دكتور هاشم احمد الحسن
    ومن ادراة النادي السوداني بالعين
    دكتور تاج السر جعفر
    عبد اللطيف شريف
    بابكر سليمان
    علي بشير
    محمد سعيد
    داؤود سليمان الكوتش
    استاذ مامون ابوزيد
    عثمان الحسين عثمان
    عباس علي محمد
    محمد احمد عركي
    عثمان الفحيل

    بس المستنير كان حينها شخصية باهتة لا تلفت الأنظار
                   |Articles |News |مقالات |بيانات

27-03-2017, 01:43 AM

معاوية الزبير
<aمعاوية الزبير
تاريخ التسجيل: 07-02-2003
مجموع المشاركات: 7826

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: معاوية الزبير)

    (قلنا ليكم مؤتمر بورداب في الخرطوم ظروري
    عشان النفيسة بتاعتكم دي
    تعالو البلد علي باليمين نرحب بيكم ونونسكم
    ونرجعكم كيوم ولدتكم امهاتكم
    اعمل ليكم لمة في البيت الكبير في ود ارو
    )
    إغراءاتك حلوة يا صادق مرغني
    لكن هل ممكن تنفذها لينا في إجازة و عودة؟
    ضروري يعني جيّة بلا عودة؟
                   |Articles |News |مقالات |بيانات

27-03-2017, 02:01 AM

معاوية الزبير
<aمعاوية الزبير
تاريخ التسجيل: 07-02-2003
مجموع المشاركات: 7826

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: معاوية الزبير)

    (في الغربة كبر سنك يخصك اظنو
    هنا كبرك يخص كمية من خلق الله
    الماعندو كبير يشوف ليهو كبير
    مفروض تبقا رزين وعاقل وحلال مشاكل
    تنحرم من حاجات ونشاطات كتيرة
    )
    في الغربة تتساوى الأعمار يا أبو سن، ما عارف السبب شنو
    ربما الهوائل المسكوت عنها التي تجمعكم في الغربة تدعو لنسيان فوارق العمر

    لكن مرة انتبهت لحاجة
    يوم فتحو التقديم للشرطة والجيش في قطر قبل سنتين تلاته
    وكان من شروط التقديم ألا يتجاوز العمر 26 سنة
    في بيت عزابة قابلت واحد جاي يقدم، سألتو مولود سنة كم
    قال سنة 95
    قلت لأصحابي معقول في ناس مولودين سنة 95؟!
    عندي شعور إنو الناس دي كلها مولودة بالكتير في سنة كم و 70
                   |Articles |News |مقالات |بيانات

27-03-2017, 02:47 PM

حماد الطاهر عبدالله
<aحماد الطاهر عبدالله
تاريخ التسجيل: 29-06-2006
مجموع المشاركات: 2159

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: معاوية الزبير)

    Quote: يخلخل ضروسك
    عمى كباسة
    تحج بي قرعة !

    تجهيز أسلحة عند اللزوم وكده.
                   |Articles |News |مقالات |بيانات

27-03-2017, 03:11 PM

Basamat Alsheikh

تاريخ التسجيل: 15-08-2015
مجموع المشاركات: 2593

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: حماد الطاهر عبدالله)

    قلت لأصحابي معقول في ناس مولودين سنة 95؟!
    اl
    معاوية الزبير صاحب البوست
    ايوه في يا معاوية..
    انا مولودة في تاريخ قريب من تاريخك ده. مولودة سنة 1992م..
    وانت طمأنتنا باننا لسع في طور الشباب... مع فارق حساب الزمن بالنسبة للبنت والولد.
    اما الإجابة على سؤالك في عنوان البوست: متى تبدأ حياتي؟!
    فغن الإجابة تحتلف باختلاف سكن السائل:
    فالأوروبيون والأمريكان تبدأ حياتهم عندما يبلغ احدهم سن الستين عاما وتنتهي حياتهم بالموت
    اما الأفارقة والعرب فإن الحياة تبدأ عندهم في سن 16 سنة وتنتهي في سن الـ55 سنة حتى ولو
    هم أحياء يرزقون فهم يتوقفون عن أي حركة او اي نشاط بعد هذا السن .
    مع وافر التحيات. امتثال
                   |Articles |News |مقالات |بيانات

27-03-2017, 03:48 PM

طارق عبد الله
<aطارق عبد الله
تاريخ التسجيل: 30-06-2016
مجموع المشاركات: 272

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: معاوية الزبير)

    بوست فيه دلالات عميقة برغم بساطة موضوعه.
    اللافت ان مفهوم الحياة نفسه متفاوت بين الشعوب حسب الثقافة والتربية وايضاً يدخل فيها الوضع الاقتصادي. زي ماقالت امتثال الحياة تبدأ عادة بعد الأربعين بالنسبة للغربيين لأنهم وبسبب السيستم هناك بيكونوا وصلوا لاستقرار معين والدولة تشاركه مسؤولية اطفاله وبعد سن معين يستقلوا بأنفسهم، فمافي حاجة ماسة للتوفير المادي بالشكل الموجود في دولنا. اما الشرقيين والأفارقة فهم في حالة نهم وركض وراء المال لنفسه ولأولاده ولأسرته الممتدة ولمرحلة مابعد التقاعد وووووالخ واخرتها يلقى العمر فات وما استمتع بالشئ الكثير منه. عموما الحديث ذو شجون ولسه متابعين،،،،،
                   |Articles |News |مقالات |بيانات

27-03-2017, 04:02 PM

طلحة عبدالله

تاريخ التسجيل: 14-09-2007
مجموع المشاركات: 15449

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: طارق عبد الله)

    Quote: اتخيلتك دفعتي

    لا بس ما قدر دا يا ود الزبير
    أيوة انت لسة صغير لكن بس ما لدرجة تكون دفعتي ..
    معقولة بس ؟؟؟
    لو قلت لي اتخيلت نفسي أكبر منك بخمسة سنة بتكون معقولة شوية ..
    لكن دفعتي مرة واحدة كدا دا تطفيف خخخخخخخخخ .
    .............
    المستجير كان خجول واللا شنو الزمن داك ؟

    (عدل بواسطة طلحة عبدالله on 27-03-2017, 04:30 PM)

                   |Articles |News |مقالات |بيانات

27-03-2017, 04:06 PM

ناصر حسين محمد

تاريخ التسجيل: 09-01-2013
مجموع المشاركات: 5205

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: طلحة عبدالله)

    اجمل البوستات على الاطلاق

    أنا أكيد انو البوست ده ضرب وتر حساس في الجميع


    حاجة كده مابين شجون واماني

    انا طلعت منو بدفعة معنوية لمراجعة حساباتي واتخاذ خطوات في سبيل العودة لسكة احلامي في الحياة
                   |Articles |News |مقالات |بيانات

27-03-2017, 04:44 PM

معاوية الزبير
<aمعاوية الزبير
تاريخ التسجيل: 07-02-2003
مجموع المشاركات: 7826

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: ناصر حسين محمد)

    بسبب ساعات العمل الطويلة صباحا والتعب اليومي بعداك (ههه.. دي عودة لمطلع البوست)
    سأعود لاحقا للتداخل مع المداخلات الدسمة من
    العزيزات
    فردوس جامع
    امتثال

    والأعزاء
    أحمد م عمر
    عبد العظيم عثمان
    حماد الطاهر
    طارق عبد الله
    طلحة
    ناصر حسين

    ومن يرغب في التحسر أو التأمل أو إعطاء دفقة أمل
                   |Articles |News |مقالات |بيانات

28-03-2017, 01:29 AM

معاوية الزبير
<aمعاوية الزبير
تاريخ التسجيل: 07-02-2003
مجموع المشاركات: 7826

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: معاوية الزبير)

    (متى تبدأ حياااتي؟
    سؤال أظنه يراود كل الأعمار... بأحلام مختلفة ...
    و من ثم ينسرب العمر و نحن في خضم معافرتنا لحلم المرحلة العمرية.
    أقول ليك كيف...
    )
    لقد قلتي كيف يا فردوس.. وأوفيتي
    فعلا دي زاوية نظر جديدة لا علاقة لها بالعمر
    فردوس لما كانت صغيرة والآن ابنتها الصغيرة عايزات يحققن حياة يتمنينها
    وأهلهن يقولوا ليهن خلاص بعدين لمّا تكبرن
    هل تعيش فردوس الآن حياة الامرأة الكبيرة التي كانت تتمناها وهي صغيرة؟

    يعني بمعنى من المعاني هل فردوس الآن تمشي الشغل وسط احتفاء وحسد
    من صبيات الحي اللائي يتُـقنَ للحظة التي يصبحن فيها موظفات
    وبعدين ترجع تاخد قيلولة ثم تتهيأ لبرامجها لما بعد الظهر والمساء والسهرة
    هذا إذا أخذنا المثال الذي وضعته في مداخلتي الأولى كنموذج لأحلام رجالية
    يقابله نموذج لأحلام نسائية
    أم أن الزولة دي لسه بتخطط لتحقيق هذا النموذج المشتهى لحياتها عندما تبلغ مستوى النسوية
    (هل النسوية -لغوياُ- تقابل الرجولة، هنا في هذا المقام؟)
    أم أنها كما قالت: (تظل روحنا تواقة لمرافئ الحلم القادم و هكذا دواليك...)
    يراودني الآن سؤال آخر:
    هل حققت أمي قبل أن ترحل مؤخرا حلم حياتها حتى بعد أن وصلت مرحلة إنها شافت
    أحفادها بل وأبناء وبنات أحفادها؟
    لا أظن
    تظل حياتنا أحلاما مستمرة غير منجزة unfulfilled / unachieved
    لا يقطعها إلا رحيلنا لإخلاء المقاعد لحالمين قادمين، في عمر الزهور والأحلام

    اندياح شديد مع ساعات الفجر
                   |Articles |News |مقالات |بيانات

28-03-2017, 02:14 AM

معاوية الزبير
<aمعاوية الزبير
تاريخ التسجيل: 07-02-2003
مجموع المشاركات: 7826

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: معاوية الزبير)

    (بقول ليه كلمة امي دي بتفرق كتير من خالة ...
    كلمة امي دي اجمل كلمة في الدنيا وما بمل من سماعها..
    )
    طبعا يا امتثال
    وأظن حتة الأم دي لا علاقة لها أبداً بالمرحلة العمرية
    لأن الأمومة غريزة تتمنى (الأنثى) إشباعها الآن قبل بكرة، أي دون المرور بالدورة المنطقية لحياتها
    لذلك فهي تختلف عن الأمنيات الأخرى التي يتوق المرء لتحقيقها في نهاية حياته
    أعني بنهاية حياته الاستقرار وليس النهاية البيولوجية
    ببساطة الأمومة عاطفة ينبغي أن تكون متحققة أصلا ومن ثم تسعى المرأة لتحقيق أهدافها الأخرى
    عشان كدا لو رجعتي لأول البوست حا تلقي أنني تجاوزت حتة الأبوة وتكوين الأسرة كأمر طبيعي
    وكتبت عن الحلم الفردي.. حلمي أنا كفرد بعيدا عن حالتي الاجتماعية
    لكنه رغم ذلك حلمٌ لا يتحقق إلا وسط المجتمع والأسرة
    يعني منو الحا يجيب لي الغدا والشاي ومنو الحا اتفرج عليهم لمّا أطلّع الكرسي برّه
    و.. مِنُـنْ الحا أمشي معاهم للسهرة الخ
                   |Articles |News |مقالات |بيانات

30-03-2017, 03:07 PM

معاوية الزبير
<aمعاوية الزبير
تاريخ التسجيل: 07-02-2003
مجموع المشاركات: 7826

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: معاوية الزبير)

    ((قلت لأصحابي معقول في ناس مولودين سنة 95؟!))
    اl
    (ايوه في يا معاوية..
    انا مولودة في تاريخ قريب من تاريخك ده. مولودة سنة 1992م..
    وانت طمأنتنا باننا لسع في طور الشباب... مع فارق حساب الزمن بالنسبة للبنت والولد
    )

    الله يديك طول العمر والسعادة يا امتثال مع الصحة طبعا
    بس أخدي العبرة والعظة من أعمامك وخالاتك الفوق ديل وخير مثال هذه الفقرة من مداخلة فردوس
    (متى تبدأ حياااتي؟
    سؤال أظنه يراود كل الأعمار... بأحلام مختلفة ...
    و من ثم ينسرب العمر و نحن في خضم معافرتنا لحلم المرحلة العمرية.
    )
    العمر ينسرب فعلا ويتسرب أثناء انشغالنا بالحاجات اليومية
    وتأجيل استمتاعنا واستقرارنا لـ"يوم غدٍ" الذي يتحول في غمضة عين إلى "يوم أمس"
                   |Articles |News |مقالات |بيانات

30-03-2017, 03:10 PM

معاوية الزبير
<aمعاوية الزبير
تاريخ التسجيل: 07-02-2003
مجموع المشاركات: 7826

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: معاوية الزبير)

    (أنا عرست عمري 26 سنة .. بدري بدري وصلت لي إنه ما حأعمل قروش ولا حأجهز لي عرس ولا حاجة
    وأنا كدة كدة صارف على البيت عشان كدة خشيت بالرجالة ساي ..
    أها أنا مصر استمتع بشبابي زي ما قال الكتاب عشان كدة دخلت ليك في المغامرة دي
    والمدام لسة ما اتخرجت من الجامعة
    )
    خير ما فعلت يا أحمد
    فإذا لم يكن من الزواج بدٌ أحسن حاجة نتزوج في مرحلة الشباب
    ولو في إمكانية كمان نعقبوا بالحج طوالي، يكون كويس عشان نتفرغ للحياة
                   |Articles |News |مقالات |بيانات

30-03-2017, 03:14 PM

معاوية الزبير
<aمعاوية الزبير
تاريخ التسجيل: 07-02-2003
مجموع المشاركات: 7826

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: معاوية الزبير)

    (تجهيز أسلحة عند اللزوم وكده )
    شكرا عزيزي حماد الطاهر لتشريف البوست
                   |Articles |News |مقالات |بيانات

03-04-2017, 03:52 PM

معاوية الزبير
<aمعاوية الزبير
تاريخ التسجيل: 07-02-2003
مجموع المشاركات: 7826

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: معاوية الزبير)

    مواضيع المنبر الملتهبة في الأيام الفاتت ألهتنا عن متابعة المداخلات الأخيرة في هذا البوست
    أرجو المعذرة للتأخير في الرد
                   |Articles |News |مقالات |بيانات

03-04-2017, 03:54 PM

معاوية الزبير
<aمعاوية الزبير
تاريخ التسجيل: 07-02-2003
مجموع المشاركات: 7826

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: معاوية الزبير)

    (اما الشرقيين والأفارقة فهم في حالة نهم وركض وراء المال لنفسه ولأولاده ولأسرته الممتدة
    ولمرحلة مابعد التقاعد وووووالخ واخرتها يلقى العمر فات وما استمتع بالشئ الكثير منه
    )
    أها يا طارق عبد الله حكاية الركض دي محتاجة شوية انتباهة ووقفة مع الذات
    وأسئلة زي بتاعت إيليا أبو ماضي:
    جئت لا أعلم من أين لكني أتيت ... ولقد أبصرت قدامي طريقا فمشيت
    وسأبقى ماشيا إن شئت هذا أم أبيت
                   |Articles |News |مقالات |بيانات

03-04-2017, 03:57 PM

معاوية الزبير
<aمعاوية الزبير
تاريخ التسجيل: 07-02-2003
مجموع المشاركات: 7826

للتواصل معنا

FaceBook
تويتر Twitter
YouTube


Re: متى تبدأ حيــــاااتي؟! (Re: معاوية الزبير)

    (أكيد انو البوست ده ضرب وتر حساس في الجميع
    حاجة كده مابين شجون واماني
    انا طلعت منو بدفعة معنوية لمراجعة حساباتي
    واتخاذ خطوات في سبيل العودة لسكة احلامي في الحياة
    )
    والله دي فايدة كبيرة يا ناصر حسين
    أن تبدأ متأخرا أفضل من ألا تبدأ حتى النهاية
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de