منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 18-11-2017, 09:38 PM الصفحة الرئيسية

مدخل أرشيف للعام 2016-2017م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

لن تنفصل دارفور لهذه الأسباب

08-09-2017, 10:26 AM

محمد الحسن حمدنالله
<aمحمد الحسن حمدنالله
تاريخ التسجيل: 14-01-2016
مجموع المشاركات: 529

للتواصل معنا

FaceBook
تويتر Twitter
YouTube


لن تنفصل دارفور لهذه الأسباب

    10:26 AM September, 08 2017

    سودانيز اون لاين
    محمد الحسن حمدنالله-برستول بريطانيا
    مكتبتى
    رابط مختصر

    كثُر الحديث مؤخراً عن إمكانية إنفصال دارفور عن السودان وقيام دولة مستقلِّة في الإقليم وساق أصحاب هذا الطرح الكثير من الشواهد التي تدعم وجهة نظرهم و في الواقع دارفور تملك مقومات الدولة من ناحية التاريخ والجغرافيا والثروات والإنسان فدافور كانت دولة مستقلِّة حتي العام ١٩١٦ وموقعها الجغرافي مميّز وثرواتها الزراعية والحيوانية والمائية والمعدنية هائلة لا بل دارفور مؤهلّة لأن تكون دولة أكثر من دول قائمة فعلاً كدول الجوار مثل أريتريا وأفريقيا الوسطي وتشاد لكن ومع ذلك لن تتفصل دارفور عن السودان لهذه الأسباب
                   |Articles |News |مقالات |بيانات

08-09-2017, 10:37 AM

محمد الحسن حمدنالله
<aمحمد الحسن حمدنالله
تاريخ التسجيل: 14-01-2016
مجموع المشاركات: 529

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: محمد الحسن حمدنالله)

    ليتحقق إنفصال دارفور أول خطوة هي إتفاق غالبية أهل دارفور بمكوناتهم العربية والأفريقية علي موضوع الإنفصال وهو أمر لم يحدث بعد وفي غيابه يصبح موضوع الإنفصال أقرب إلي المستحيل الأمر الثاني وهو أن هاجس الغرب هذه الأيام هو الإرهاب ومحاربة الإرهاب لذلك فالغرب بقيادة أمريكا مشكلة دارفور ما عادت أولوية بالنسبة لهم وإن كان لا محالة من التعاطي معها فمن باب بعبع الأرهاب فإذا كانت الحكومة القائمة حالياً والمسيطرة علي السودان بشكله الحالي تتعاون مع أمريكا والغرب بلا حدود فب مكافحة الإرهاب لدرجة تسليم إسلاميين معارضين لدولهم إذن ما الداعي لخلق دولة جديدة الله وحده أعلم كيف ستكون الحالة الأمنية فيها وحالة دولة جنوب السودان ماثلة؟ وخلق دولة جديدة مضطربة أمنياً يعني بيئة صالحة لتفريخ داعش والقاعدة وكل ما يخشاه الغرب من تطرَف وإرهاب إذن لماذا المغامرة؟
                   |Articles |News |مقالات |بيانات

08-09-2017, 10:51 AM

عبدالعظيم عثمان
<aعبدالعظيم عثمان
تاريخ التسجيل: 29-06-2006
مجموع المشاركات: 4234

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: محمد الحسن حمدنالله)


    سلامات محمد الحسن

    موضوع الإنفصال وربطه بمصالح أمريكا والغرب
    ما أتوقع دي قراية صحيحة

    ما يمنع الإنفصال هو الإدارة الرشيدة للدولة
    وأن يكون مركز هذه الدوله يعبر عن مصالح الجميـع
    وأن تقف الدولة بقوانينها ومؤسساتها علي مسافة واحدة من الجميـع
    دا الشيء الوحيد اللي ممكن يمنع إنفصال دارفور أو النيل الأزرق أو جنوب كردفان
    أو شرق السودان
    الرهان علي الفاعلين الخرجين في منع الإنفصال أتوقع دا هروب
    من تحميل الدولة لمسؤلياتها في تفجير الصراعات ومن مسؤليتها في تسليح
    القبائل ونشر السلاح خارج المؤسسة العسكرية
    مشكلتنا داخلية اذا ما إتحلت مافي قوة خارجية قادرة علي توحيد هذا السودان
    أو الحفاظ عليه متماسكا
                   |Articles |News |مقالات |بيانات

08-09-2017, 12:18 PM

Omer Abdalla Omer
<aOmer Abdalla Omer
تاريخ التسجيل: 02-03-2004
مجموع المشاركات: 3150

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: عبدالعظيم عثمان)

    جنابو محمد الحسن، ما تقطع كتاباتك الجميلة عننا
    التحايا للعيال و الأهل
                   |Articles |News |مقالات |بيانات

08-09-2017, 01:16 PM

اخلاص عبدالرحمن المشرف
<aاخلاص عبدالرحمن المشرف
تاريخ التسجيل: 04-03-2014
مجموع المشاركات: 1705

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: Omer Abdalla Omer)

    السلام عليكم استاذ محمد الحسن حمدنا الله والمتداخلين
    كتبت مداخلة طويلة الا انها ضاعت لنفاذ البطارية
    وقد لخصتها في موضع اخر في بوست الاخ jini
    سؤالي لك لماذا يرفض بعض ابناء دارفور الانفصال ؟
    اذا ضمن لهم الانفصاليون العدل والحرية والمساواة
    وعدم التهميش والوصول للسلطة مثلهم مثل غيرهم

    ودمت


                   |Articles |News |مقالات |بيانات

08-09-2017, 06:03 PM

محمد الحسن حمدنالله
<aمحمد الحسن حمدنالله
تاريخ التسجيل: 14-01-2016
مجموع المشاركات: 529

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: اخلاص عبدالرحمن المشرف)

    العزيرة إخلاص عبدالرحمن المشرف التحية والإحترام الإجابة عن سؤالك لماذ يرفض بعض أبناء دارفور الإنفصال إذا ضمن لهم الإنفصاليون الحرية والعدالة والمساواة وعدم الهميش والوصول إلي السلطة يثير سؤال في المقابل وهو من هم الإنفصاليون الذين يوفرون هذه المطالب؟ هل إتفق أهل دارفور علي الإنفصاليين إبتداءً؟ الإجابة لا إذن من السابق لأوانه سؤال لماذا يرفض بعض أبناء دارفور؟ لأنه لم يتم الإتفاق بعد علي موضوع الإنفصال نفسه لنتقدم في النقاش نفترض صحة السؤال ونفترض أن الإنفصاليين هم الحركات المسلحة بوضعها الحالي هل ستوفر هذه الحركات عدالة وحرية ومساواة لأهل دارفور وهي عجزت عن توفير هذه المبادئ داخل الحركات المسلحة نفسها ونتيجة لذلك تناسلت الإنشقاقات والحركات! هذا النقد للحركات لا يضيف أي قيمة إيجابية للمليشيات المسلحة الموالية للحكومة فهي ليست بأفضل حالاً لذلك المخرج في ظني هو وصول أهل دارفور ولتكن غالبيتهم إلي إتفاق سلام فيما بينهم ومن بعد التقرير بشأن مصير إقليم دارفور سواء يبقي كجزء من السودان أم يستقل كدولة عندها ليس أمام المركز من خيار سوي الخضوع لرأي أهل دارفور
                   |Articles |News |مقالات |بيانات

08-09-2017, 05:13 PM

محمد الحسن حمدنالله
<aمحمد الحسن حمدنالله
تاريخ التسجيل: 14-01-2016
مجموع المشاركات: 529

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: Omer Abdalla Omer)

    الوجيه عمر عبدالله عمر التحايا والأشواق والقلوب شواهد بالأمس كنا في ذكراك مع الأخ محمد عثمان ونسأل عن أخبارك وفي البال تلك الليلة من ذات الليالي التي جمعتنا والإخوة الكرام آدم أبوبكر ومحمد طاهر وشخصكم بالمنزل بليتون شرق لندن سعيد بوجودك هنا التحايا للأسرة وخاصة الحبيب محمد طاهر وأسرته في فرنسا
                   |Articles |News |مقالات |بيانات

08-09-2017, 03:23 PM

محمد الحسن حمدنالله
<aمحمد الحسن حمدنالله
تاريخ التسجيل: 14-01-2016
مجموع المشاركات: 529

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: عبدالعظيم عثمان)

    العزيز عبدالعظيم عثمان التحية والإحترام أوافقك فيما ذكرت في أن أساس المشكلة داخلي يتمثّل في سوء إدارة المركز لشؤون السودان ولحل المشكلة يجب مخاطبة هذا الأمر من جانبي تفاديت ذكر هذا الأمر لأنه من المعلوم بالضرورة ولم أذهب للعامل الخارجي في تحقيق مسألة الإنفصال إلا بعد أن إستوفيت العامل الداخلي حقه بذكره كسبب أول ألا وهو إتفاق مكونات دارفور عربية وغير عربية علي موضوع الإنفصال الأمر الذي لم يتحقق بعد وأراه العامل الأهم علي الإطلاق في هذاالأمر
                   |Articles |News |مقالات |بيانات

08-09-2017, 04:10 PM

جمال ود القوز
<aجمال ود القوز
تاريخ التسجيل: 25-01-2013
مجموع المشاركات: 3602

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: محمد الحسن حمدنالله)

    غايتو المفروض الشماليين يستفيدوا من التجارب السابقة ..
    أنا غايتو شخصيا أتوقع بشدة ولا أستبعد انفصال دارفور ..
    زمان قلنا الجنوبيين عمرهم ما راح يوافقوا على الانفصال ..
    فأدهشنا الجنوبيين بتصويتهم بنسبة الجمتنا وأسكتتنا ..
    راهنا على نخب الجنوب المستنيرة ومن انه ستختلف ..
    قراءتها لراهن الوضع السياسي وقتئذ عن الناس العاديين ..
    لكن خيبت آمالنا تلك النخب الجنوبية واتضح انها مثلها ..
    مثل رجل الشارع الجنوبي العادي ممكن جدا تتأثروتجري ..
    وراء أي ترويج غربي ذا غرض وتتفاعل معه عاطفيا ..
    وتصوت للانفصال أعتقدنا ان تلك النخب تعلم ان السودان ..
    ليس ملك الكيزان وليسوا مخلدين في السلطة لكن اتضح ..
    إنه مشكل الجنوبيين ليس الكيزان ولا حتى الاسلام السياسي ..
    بل مشكلتهم كانت كرههم للشمال النيلي وبكافة أطيافه ..
    السياسية يعني ما حيفرق معاهم كتير اسلامي او شيوعي ..
    المهم إنه شمالي جلابي ودي المشكلة ببساطة الحتخلي ..
    دارفور تنفصل فما حقو نراهن كتير على عدم احتمال ..
    انفصال دارفور لانه جابز ومحتمل جدا فجهزوا شعوركم ..
    من هسه لان الضغط البتمارسه الحركات المسلحة على النظام ..
    واثارتها لمشكل دارفور في محافل الغرب هو الحيخلي الغرب ..
    يضع الجزرة من جديد على العصا للنظام فيا يوافقوا على ..
    استفتاء جديد أو الغرب حيهدد بأنه حيشيل النظام من الحكم ..
    فبنفس الطريق بتاع انفصال الجنوب سيأتي انفصال دارفور ..
                   |Articles |News |مقالات |بيانات

08-09-2017, 04:27 PM

جمال ود القوز
<aجمال ود القوز
تاريخ التسجيل: 25-01-2013
مجموع المشاركات: 3602

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: جمال ود القوز)

    طبعا الناس بتراهن كتير على عرب دارفور ومن انهم سيكونوا ضد الانفصال دي معادلة أعتقد حتتغير وما حتستمر كتير لانه تحالف النظام مع عرب دارفور مبني على مصالح معينة فمن الممكن ان تنتفي هذه المصالح فيتنقلب الآية ويكون تصويتهم للانفصال هم ايضا وحيكونوا الكفة الحترجح الانفصال وفيما بعد برضو حيكونوا نواة الاقتتال لمحاولتهم السيطرة على حكم دارفور ضد الاثنيات الأخرى يعني نموذج الجنوب في طريقة لأن يتكرر وما موقف موسى هلال الأخير ضد النظام بعيد عن الأذهان بعدين سيطرة النظام حاليا على دارفور لو تم تحييد ناس حميدتي وموسى هلال ستكون صفرية لاتوجد أي سيطرة للجيش السوداني على أقليم دارفور وتم تهميشه واضعاف دوره وجعله كومبارس وما اعتقد في زول بيتصور الجيش حيقدر يبسط سيطرته على الاقليم من جديد .
                   |Articles |News |مقالات |بيانات

08-09-2017, 07:35 PM

محمد الحسن حمدنالله
<aمحمد الحسن حمدنالله
تاريخ التسجيل: 14-01-2016
مجموع المشاركات: 529

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: جمال ود القوز)

    العزيز جمال ود القوز التحية والإحترام مع إحترامي لرأيك لكن مقاربة إنفصال دارفور مع إنفصال الجنوب تكاد تكون منع منعدمة إذا إستثنينا الظلم الواقع علي المنطقتين من المركز كعامل مشترك فسكان جنوب السودان علي كثرة إختلافاتهم السياسية إلا أن معظمهم كان يتوق إلي شكل من أشكال الإستقلال بالقرار السياسي منذ زمانٍ بعيد غذي هذا الطموح نقض المواثيق المتتالي من الحكومات في الشمال إلي أن إنتهي الأمر إلي نتيجته الطبيعية وهي إستقلال جنوب السودان وأنا لا أوافق بأن الجنوبيين كانوا يكرهون الشمال لكنهم كانوا يكرهون السياسة الشمالية تجاه الجنوب التي لم تكن عادلة وهذا حقهم أما الموضوع في دارفور فمختلف لأن مكونات دارفور نفسها لم تتفق علي موضوع الإنفصال ولم تصل لإتفاق سلام يجمع بينها ويوحِّد كلمتها وأنا لا أستبعد حدوث هذا ولو حدث ذلك فإن موضوع الإنفصال من عدمه يصبح قرارهم مجتمعين إن شاؤوا بقوا في السودان الموحّد وإن شاؤوا إنفصلوا
                   |Articles |News |مقالات |بيانات

08-09-2017, 04:34 PM

Salah Zubeir
<aSalah Zubeir
تاريخ التسجيل: 17-08-2015
مجموع المشاركات: 1570

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: محمد الحسن حمدنالله)

    تحياتي أخ محمد الحسن ...
    Quote: إتفاق مكونات دارفور عربية وغير عربية علي موضوع الإنفصال الأمر الذي لم يتحقق بعد وأراه العامل الأهم علي الإطلاق في هذاالأمر

    ما بين القبائل العربية وقبائل الزرقه ما صنع الحداد ...
    بداية الحرب 2003 تمكنت حركة تحرير السودان
    بقيادة عبدالواحد/اركو والمكونه من الفور والزغاوة
    من بسط سيطرتها على مناطق واسعة في شمال
    وجنوب دارفور وعاثو قتل واغتصاب وهتك
    الأعراض في ديار القبائل العربية ... جنود ما
    يسمي بالدعم السريع وحرس الحدود وهم
    ابناء تلك القبائل يحملون زكريات عن تلك
    الفترة تقشعر لها الأبدان ... تمكنت الحكومة
    من تجميعهم وتغيير مسماهم من جنجويد
    الي الدعم السريع ورويدا" رويدا" بدأت في
    سن القوانين التي تحكم سلوكهم.
    فترة مسمي الجنجويد كانت فترة الانتقام
    المباشر والشبيه لما حدث لأهلهم ... أما
    فترة الدعم السريع فكانت للتصدي للقوة
    الأساسية للحركات المتمردة حيث تمت
    هزيمتها بمساعدة الجيش ....
    الغباين بين الطرفين كبيرة وعظيمة تمنع
    الإتفاق على أي من الخيارات.
                   |Articles |News |مقالات |بيانات

08-09-2017, 08:23 PM

اخلاص عبدالرحمن المشرف
<aاخلاص عبدالرحمن المشرف
تاريخ التسجيل: 04-03-2014
مجموع المشاركات: 1705

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: Salah Zubeir)

    نفس الكلام اتقال بالنسبة للجنوب
    قلنا الدينكا ح يبيدوا الباقين
    قلنا بكرهوا بعض اكثر من الشمال
    وفي نيفاشا غازي العتباني الوحيد شبه الواعي قال حدود 1956
    انفصلوا وابادوا بعض والامم المتحدة والمجتمع الدولي يشجب ويدين
    ويرسل الاغاثة ،حتي مصر عملت جسر جوي ،ف شنو موسي هلال
    الطائرات مستعدة لضربه و السلاح من القبائل العربية سيجمع
    ومثلما وقع نائب الرئيس علي عثمان سيوقع نائب الرئيس حسبو
    عبدالرحمن
    ما أشبه الليلة بالبارحة
                   |Articles |News |مقالات |بيانات

08-09-2017, 10:15 PM

محمد الحسن حمدنالله
<aمحمد الحسن حمدنالله
تاريخ التسجيل: 14-01-2016
مجموع المشاركات: 529

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: اخلاص عبدالرحمن المشرف)

    العزيزة إخلاص ليس هناك وجه شبه بين ما حدث في الجنوب وما يحدث اليوم في دارفور ولا أعتقد أن الحكومة ستدخل في مواجهة عسكرية موسي هلال ولا أعتقد أنها تستطيع تجريد القبائل العربية من السلاح فالذي يترتب علي مواجهة موسي هلال ونزع السلاح بالقوة هو حدوث فوضي لن تستطيع الحكومة السيطرة عليها وربما تحالف موسي هلال مع الحركات المسلحة وهو الكابوس الذي تخشي الحكومة حدوثه
                   |Articles |News |مقالات |بيانات

08-09-2017, 09:01 PM

محمد الحسن حمدنالله
<aمحمد الحسن حمدنالله
تاريخ التسجيل: 14-01-2016
مجموع المشاركات: 529

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: Salah Zubeir)

    العزيز Salah Zubeir التحية والإحترام بين القبائل العربية والقبائل غير العربية مشاكل وبين القبائل العربية نفسها مشاكل وهذه المشاكل لمن يقرأ تاريخ دارفور قديمة وليست جديدة لكن الجديد هذه المرة هو دخول الحكومة كطرف في النزاع بدلاً عن أن تكون طرفاً محايداً يلجأ إليه الخصوم مما عقّد المشكلة ومع ذلك أخي صلاح ناس دارفور عندهم مثل يفيض حكمة مفاده أن المشاكل ما بتدوم ولابد أن يصل الناس إلي صلح يوماً ما وهذا ممكن جداً لو تركت الحكومة أهل دارفور لحالهم لكنها تعلم أن إتحاد أهل دارفور خطر عليها لذلك ستستمر في دق الأسافين بينهم نعم إرتكبت الحركات المسلحة تجاوزات بحق المدنيين وكذلك فعلت المليشيات التابعة للحكومة أياً كان أسمها
                   |Articles |News |مقالات |بيانات

09-09-2017, 02:15 AM

Elsanosi Badr
<aElsanosi Badr
تاريخ التسجيل: 29-03-2008
مجموع المشاركات: 3900

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: محمد الحسن حمدنالله)

    تعرف يا استاذ محمد الحسن من الطرائف ان ناس دارفور انفسهم ما قاعدين يتحدثوا عن الانفصال!!
    وفكرة الانفصال ذاتها ما موجوده حتي عند منتسبي اكثر الحركات تطرفا!! اليس ذلك مدهشا ان تجد مروجي فكرة الانفصال هم اكثر الناس بعدا عن قضايا دارفور!!

    لا اعرف لماذا يروج البعض لفكرة الانفصال المزعومة؟! هل هو الضيق بمكونات السودان المختلفة ام هو التوق نحو وحدانية الرؤيا التي لن تتحقق حتي بين ابناء الاسرة الواحدة ام هي العنصرية المستترة التي يعاني منها البعض؟!!

    الحقيقة يا محمد انا شخصيا ما عندي اي فكرة عن اي تيار يتبني فكرة الانفصال . لانو فكرة الانفصال زاتها فكرة موغلة في التفاصيل. وحتي في عند صناع القرار في العالم لم اجد شخص يتحدث عن انفال دارفور فالفكرة ذاتها مفزعة وما هينة بالنسبة لصانع القرار الدولي.

    طبعا يا محمد احنا السودانيين عندنا السبهللية في تناول المواضيع الهامة وعندنا قدرة عظيمة في جعلها قابلة للمضغ وحتي البلع ناشفه، كما عندنا قدرة هائلة في تبني الاحلام الزائفة ومحاولة تطبيقها علي ارض الواقع دون نجاح.

    السؤال المحيرني وداير اسالو للناس البيطرحو فكرة الانفصال هو انو دارفور دي حتنفصل من وين وحدودها وين مثلا؟! ودارفور دي حتنفصل كيف يعني هل حتنفصل عرقيا ولا جغرافيا ؟!! بمعني ادق هل حتنفصل دارفور قبائليا ولا ومناطقيا؟.


    اعتقد معظم الناس البتتكلم عن الانفصال معرفتها التراكمية عن السودان تكونت من ٨٩ وانت جاي.
                   |Articles |News |مقالات |بيانات

09-09-2017, 04:04 AM

Kabar
<aKabar
تاريخ التسجيل: 26-11-2002
مجموع المشاركات: 15382

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: Elsanosi Badr)

    ول ابا محمد الحسن حمدنا الله..حبابك يا صديقي
    وحباب ضيوفك هنا..
    كتر خيرك على هذا الخيط..
    ولقد كتبت خاطرة صغيرة في بوست صديقنا جني..

    قلت فيها:

    صحيح دارفور (ونادينا من قبل باستقلال غرب السودان : كردفان ودارفور) قد تملك مكونات دولة من ناحية موارد وثروات..ولكنها تفتقد عناصر اخرى مهمة..مثلا في حالة الجنوب كان هناك برنامج واضح يقوم على فكرة السودان الجديد ودولة علمانية ولقد كان هذا البرنامج الأرضية الفكرية والأيدولوجية لإنفصال الجنوب ، في نفس الوقت كان هناك تنظيم سياسي واحد وهو الحركة الشعبية وقد حظي بالتفاف كبير حوله ، وايضا القيادة الكارزمية القوية مثل جون قرنق وارثه..فالشعب في الجنوب كان في حالة شبه اجماع تام ساهمت في سهولة استقلال الجنوب عن الدولة السودانية..
    هذه العناصر والمكونات مفقودة في حالة دارفور ، فالحركات المسلحة عديدة ولا تستطيع ان تتفق على برنامج واحد وقيادة واحدة تحظئ باجماع حولها من قبل كل او غالبية سكان دارفور ، ايضا لا يوجد برنامج فكري وايدولوجي واضح يمكن الإلتفاف حوله والقبول به لتكوين دولة مستقلة..

    كبر
                   |Articles |News |مقالات |بيانات

09-09-2017, 04:07 AM

Kabar
<aKabar
تاريخ التسجيل: 26-11-2002
مجموع المشاركات: 15382

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: Kabar)


    ول ابا السنوسي..حبابك يا صديقي
    كتر خيرك على الإضاءة حول الهدف من فكرة اثارة انفصال دارفور..
    يبدو يا صديقي ان هناك فقدان للبوصلة:
    القوى التي تسمي نفسها معارضة ، كانت تشكي لطوب الأرض من تسليح القبائل العربية ، والآن حينما بدأت فكرة تجميع هذا السلاح اخذت تلك القوى الموقف المناهض والمطالبة ببقاء هذا السلاح ، وان نزعه يعني بداهة سيطرة الحركات المسلحة وبالتالي المطالبة بانفصال دارفور..يعني اهلنا ناس القوى السياسية المعارضة يبحثون عن ظل ليختبئون خلفه..والظل هنا هو سلاح القبائل في غرب السودان..وهذه مكاييل معوجة للغاية..!

    البعض يا صديقي طالما فشل في اسقاط نظام الجبهة الإسلامية ، فلابد من فركشة السودان حتة حتة..!

    اتفق معك كل حركات دارفور المسلحة ، في اقصى تجليات تطرفها لم يطالب اي منها باستقلال دارفور ..بل كانت ولازالت حركات تتحدث عن قضايا السودان وحل قضايا دارفور في اطار حل قضايا السودان الموحد..!

    في جنوب كردفان ، بعد الإنشقاق ، يحاول جناح عبد العزيز الحلو ان يرفع سقف التفاوض بالحديث عن تقرير مصير ، وعبد العزيز الحلو اكثر من يعلم بان النوبة تعتقد جزما بان السودان ملكها وانها شعوب اصيلة في السودان ولن تتركه..وهو موقف الأستاذ يوسف كوه منذ عشرات السنين التي مضت..!

    صحيح هناك سودانيين وسودانيات يتمنون زوال هذا السودان طالما تحكمه الجبهة الإسلامية ، ولكن هذا لن يحدث باخوي واخوك..

    يسقط النظام اهلا وسهلا..يجئ نظام اخر اهلا وسهلا ..ولكن الحديث عن تقسيم السودان فهذا حديث لن يقسم..!

    ودمت..
    كبر
                   |Articles |News |مقالات |بيانات

09-09-2017, 05:57 AM

Elsanosi Badr
<aElsanosi Badr
تاريخ التسجيل: 29-03-2008
مجموع المشاركات: 3900

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: Kabar)

    الصديق واستاذنا كبر تحياتنا

    تعرف ياكبر كثير من اللت والعجن الحاصل في السودان ده نتاج غياب المعلومة والعلم، ففي مسألة انفصال دارفور هناك سبهللية في الطرح وهذه السبهللية ليست لها طرح مقنع.
    هناك معلومة يتم تداولها من قبل العامة ان دارفور انضمت للسودان عام ١٩١٦ ويتناسي البعض ان بورتسودان زاتها اضيفت للسودان بعد ١٩١٨ وههناك سواكن وغيرها من المدن والمديريات تم اضافتها مؤخرا.
    ويستند مروجي فكرة انفصال _وعلي فكرة انهم في الغالب لا تربطهم اي علاقة بقضايا دارفور_ يستند طرح هؤلاء علي فكرة الانضمام مؤخرا، ولو حرك هؤلاء عقولهم قليلا فسيجدوا ان الحكم التركي الذي سبق ذلك بقرن لم يستطع فصل الوجدان السوداني وكانت دارفور ضمن ما يعرف بالسودان الحالي، فالمهدي ذهب الي غرب السودان ولم يذهب الي ارتيريا ولم يذهب الي مصر ولكنه ذهب الي غرب السودان لان الثقافة والطرق سالكة وهنالك الامتدات الاسرية علي طول الطريق، لم تكن تلك العوامل متوفرة علي الطريق مع اثيوبيا مثلا او ارتيريا.
    ةالناظر الي دعاة الانفصال تحركهم الاحباطات المتكررة والملازمة للبعض.

    فكرة انفصال اي بقعة تحركها عوامل من بينها الدين والعرق، والاتنين ديل لم لم يكونان الاساس في قضايا دارفور، ففكرة الاسلاموعروبية هي المحرك الاساسي لانفصال الجنوب وحتي الاسلاموعروبية كانت مستترة ولم تظهر الي السطح بوضوح الا في عهد الاسلاميين الغيهب.
    الدول التي تنشأ فيها فكرة الانفصال تكون هناك فوارق عرقية واضحة والمجتمع تحدده ملامح قوميات واضحة تكون عرضة للاختبار في اي لحظة. لكن في السودان الحالي وبعد انفصال الجنوب لا توجد قوميات عرقية ذات ملامح واضحة والحديث عن قوميات مثل النوبية الزنجية مقابل العربية ده حديث وترف دكاكيني لا يخلو من سبهللية واستلاب واضح .

    فالشعب السوداني يعيش حالة من الانفصام وهو مرض يصيب المجتمعات، فالمجتمع يمرض كما يمرض البدن، ومن اعراض مرض المجتمعات السودانية هي حالة الاستلاب والتغريب التي يعيشها السودانيين، فتجد مثلا شخص يتبني قضية فلسطين ويجعلها محور حياته ولا يلتفت الي قضايا بني جلدته وهم الاقرب شكلا وثقافة.

    بخصوص ركوب بعض احزاب اليسار مشاكل الهامش ومحاولة تعليبها عرقيا وتسويقها عالميا للنيل من النظام الحاكم هي احد الطرق لتدمير المجتمعات.
    بعض من اليساريين اكثر عنصرية واستلابا من الاسلاميين وهم جزء من الازمة التي نعيشها اليوم.

    كثير من المعارضين راح ليهم الدرب فطفقوا يبحثوا عن تدمير السودان بدل تدمير الكيزان، اكثر ما يحيرني هو قوة عين البعض في الطرح السبهللي القائم علي فرضية انو دارفور دي حتنفصل، والسؤال البيطرح روحو دارفور دي حتنفصل من وين وكيف؟!!


    الجنوب عرفناهو انفصل عرقيا، وده كان خطأ يعني لو انت دينكاوي معناتو اتا جنوبي!!! اها ناس دارفور ديل بيعرفوهم كيفن؟!!
    يعني لو دايرين ينفصلوا اعتقد 90% من سكان العاصمة ديل هم من دارفور ومن الذي اسس امدرمان ومن الذي اسس مدني ؟!! واذا قالوا عايزين يفصلوا دارفور قبائليا فهناك قبيلة مثل الرزيقات مثلا تتواجد من شرق دارفور في شريط مقوس الي حدود الدندر وهذا الشريط متصل تماما وموجودين في تلك المناطق منذ تاسيس السلطنة الزرقاء ، اها ديل ح تفصلهم كيف؟!!
    الم اقل ان فكرة الانفصال مزعجة ومفزعة في نفس الوقت حتي عند صانع القرار الدولي لكن تقول شنو مع الطرح السبهللي ده.

    الغريبة ياكبر لم اسمع قط فكرة الانفصال دي من الغربيين لانو هم عارفين تعيقداتها وعدم واقعيتها؟!!
    الشي الملاحظ ان اكثر الذين يروجون لانقصال وتشتيت السودان هم الذين لا يعرفون عن السودان ولم يقوموا بزيارة مناطقه المختلفة، الواحد قاعد ودارع نفسو في خيمة انو هو نخبة وبيفكر التفكير السطحي ده. ياخي علي الاقل كان يشغلو روحهم في الاحصاءات وتوزيع السكان وغيرهم من الداتا التي تجعل التفكير في مثل هذه الاشياء اكثر واقعية
                   |Articles |News |مقالات |بيانات

09-09-2017, 06:13 AM

علاء سيداحمد
<aعلاء سيداحمد
تاريخ التسجيل: 28-03-2013
مجموع المشاركات: 5569

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: Elsanosi Badr)

    انفصال دارفور مسألة وقت ليس الا
    اذا لم تنفصل اليوم حـتـمـاً ستنفصل غدا بعد ذهاب هذا النظام ومجئ نظام آخر
    حيث سيرفع حميدتى وغيره من حملة السلاح فوهات مدافعهم مطالبين بالانفصال تماما مثلما فعل الاخوة فى جنوب السودان .

    (عدل بواسطة علاء سيداحمد on 09-09-2017, 06:15 AM)

                   |Articles |News |مقالات |بيانات

09-09-2017, 06:26 AM

Elsanosi Badr
<aElsanosi Badr
تاريخ التسجيل: 29-03-2008
مجموع المشاركات: 3900

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: علاء سيداحمد)

    والله شر البلية ما يضحك فعلا.
    حميدتي ده بيمثل شنو لما يقرب ال٢٠ مليون الانتا بتاكد انفصالهم بزول جابو البشير عشان يحميهو!!
    ودارفور دي اها ح تنفصل كيف ومن وين؟!!
    يا جماعة قولو كلام متماسك ويدخلو العقل، يعني هسيع حميدتي ده يقول داير ينفصل يعني كررررررر نشق البلد ونفصلو ولا الدبارة شنو؟!!

    اما اذا كنت بتعبر عن امنياتك فده من حقك تتمني قدر ما تقدر.

    (عدل بواسطة Elsanosi Badr on 09-09-2017, 06:33 AM)

                   |Articles |News |مقالات |بيانات

09-09-2017, 06:32 AM

اخلاص عبدالرحمن المشرف
<aاخلاص عبدالرحمن المشرف
تاريخ التسجيل: 04-03-2014
مجموع المشاركات: 1705

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: علاء سيداحمد)

    انفصال دارفور كارثة لذا نسأل وليس من باب تمني الانفصال
    جمع السلاح من محارب و الاخرينمدججين بالسلاح دونها خرط القتاد لأي
    عاقل ، الحكومة بتفكر كيف ما بعرف
    بس الواحد يقول يا مثبت العقل والدين ثبتنا
                   |Articles |News |مقالات |بيانات

09-09-2017, 07:00 AM

Elsanosi Badr
<aElsanosi Badr
تاريخ التسجيل: 29-03-2008
مجموع المشاركات: 3900

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: اخلاص عبدالرحمن المشرف)

    تعرفي يا استاذتنا اخلاص في دول كتيرة كده بيكون فيها حالة اللاحرب واللاسلم دي والسودان من ضمن الجوقة دي.

    كتير من السودانيين بيعبروا عن احباطهم بتمني الانفصال ولسان حالهم بيقول خليهم ينفصلو ويريحونا!!

    طبعا زي ما زكرت فوق السودان زيو وزي بورندي والصومال بعد انفصال الجنوب تاني مافي اي انفصال!
    والناس تقعد تتحارب كده في الفارغة متمردين في طاولة مفاوضات وجيش في ادارة عمليات لحدي ما يقيض الله يوما يشفي فيه البلد من حالة الانفصام دي. ومن اعراض حالة الانفصام هي تمني انفصال جزء من الوطن بداعي محاربة ومعارضة الحاكم.

    تعرفي المتفرس في وجوه الناس السودانيين (كلهم) ومن بينهم الذين يتمنون الانفصال لا يلاحظ تباينات ولكن حالة الاستلاب والتغريب ومرض الانفصام المجتمعي هي التي تجعل من الفوارق الغير موجوده ارضية للتباين.
                   |Articles |News |مقالات |بيانات

09-09-2017, 07:28 AM

Kabar
<aKabar
تاريخ التسجيل: 26-11-2002
مجموع المشاركات: 15382

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: علاء سيداحمد)


    ول ابا السنوسي..حبابك يا صديقي
    امبارح احد الأصدقاء نشر الكترونيا نسخة من كتاب ابو القاسم حاج حمد ..الجزء الثاني (السودان و المازق التأريخي)..شعرت بغربة حقيقية يا صديقي ، والكتاب فيهو تاريخ وحكايات تاريخية امينة وهي توثيق لحقب السودان في السبعين او الثمانين سنة الماضية..وشعرت بان التأريخ المذكور ليس هو تاريخ السودان ، بقدر ما هو تاريخ الخرطوم ، وتحديدا نخبة الصوالين الخرطومية (طبقة الأفندية على قول دكتور خالد حسين الكد)..!

    التغريب والإنفصام الذي نراه الآن يا صديقي هو تغريب وتشويه ما تسمى بالنخبة السودانية ، خصوصا المعارضة ، التي فشلت في انجاز مشروعها ولم يتبقى لها الإ حراق خراج الروح ساكت..!

    فعلا الغرب ، وكما اشار صديقنا محمد الحسن ، ليس في حساباته انفصال دارفور..وشعللت حروب دارفور في بدايتها ، لو وجدنا من يكتب تاريخ تلك اللحظات بموضوعية وعقلانية.. سيلاحظ ان الغرب شعلل قضية دارفور وحروبها كفزاعة تساعد في انفصال الجنوب..واليوم الغرب يعض اصابع الندم في مسألة انفصال الجنوب..لأن الأمور مشت في طريق اخر تماما..!!

    اما الواقع والحسابات والإحصاءات..فياصديقي هذه معطيات بعيدة كل البعد عن ذهنية الخطب القيافة والتجييش العاطفي..الناس يا صاحب دايرين يفصلوا دارفور بنداءات اشبه بالـــ
    Calling
    بتاع اركان النقاش الكان زمان بنشوفو في الجامعة..!!
    قلت لي داتا يا السنوسي؟..ياخي لمن اقرا حاجات (مجاهدات) ناس الحكامة جولي فلنت وغيرها من باحثي الغرب اللائي والذين جابوا مناطق اهلنا هناك ونكتوا المعلومات وكتبوا يثقفوا اهلهم في الغرب..الواحد ام ظريط بتسد حلقو..!!

    عليك الله شوف جنس الوجيع و الغبينة دي يا السنوسي..ناس تتغرب وتتبهدل عشان تبحث عن الحقيقة..ونحن في امسودان..الواحد يقرا ليهو نص كتاب ويجي يملا الخلق فقر وتنظير مجوبك..!!

    التحية لكل كتاب وباحثي الغرب الحضاري..ممن تنكب المشقات والمكابدات بحثا عن الحقيقة..وما كتبته جولي فلنت عن حرب القبائل في دارفور..ومحاولة انصاف الخلق دي والتبصير عن مآسيهم..اجعص مثقف سوداني ما يقدر يكتب ربعو..ناهيك عن الخلائق (وانتا تعرف معنى الخليقة يا صاحب) المسماة نخبة سياسية معارضة في امسودان..!!

    في اخر سبعة سنين يا صديقي وعينا الدرس..فجبهات الدواس ليست هي فقط جبهة حكم الكيزان ، فهناك جبهات اخرى اخطر واعمق غدرا..!

    كتر خيرك..

    كبر
                   |Articles |News |مقالات |بيانات

09-09-2017, 07:31 AM

Kabar
<aKabar
تاريخ التسجيل: 26-11-2002
مجموع المشاركات: 15382

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: Kabar)


    كتب علاء سيد احمد:

    Quote:
    انفصال دارفور مسألة وقت ليس الا
    اذا لم ينفصل اليوم حـتـمـاً سينفصل غدا بعد ذهاب هذا النظام ومجئ نظام آخر
    حيث سيرفع حميدتى وغيره من حملة السلاح فوهات مدافعهم مطالبين بالانفصال
    تماما مثلما فعل الاخوة فى جنوب السودان .


    علاء..حبابك يا صديقي
    كل سنة وانت طيب..
    وبعد..
    والله يا علاء ، يا صديقي ، كلامك ده حيرني..لا عرفتو تريقة..ولا حسد ..ولا يأس و################..!

    ان كانت المسألة مسألة وقت..ومالو..ننتظر معاك..!!!!

    يعني حميدتي لو حضر لغاية اسقاط النظام ، باقي ليك يقنع من الغنيمة بدارفور بس؟..ليه ما يمسك امسودان دي كلها؟..ولا ناقص حاجة؟

    زمان يا صديقي ، في المنابر السودانية ومن ضمنها هذا المنبر..كنا بنحذر ناس تراجي وعبد المنعم سليمان ومحمد الزاهد (غلاة المتطرفين من ناس غرب السودان) من العنصرية المضادة..وكانوا بيطلعونا خونة واولاد ايه ما عارف عشان بنقول ليهم :الجعليين ليسوا هم فقط عمر البشيرونافع علي نافع ومحمد ابراهيم عبد الجليل..والشوايقة ليسوا هم فقط على عثمان وعوض الجاز وعلي كرتي، والدناقلة ليسوا هم فقط عبد الرحيم محمد حسين وبكري حسن صالح ومصطفى عثمان ، وناس بحر ابيض ليسوا هم فقط عبد الحليم المتعافي وابراهيم غندور..!!

    واليوم ، نفس صحابنا بعاينوا ساكت..اختصار دارفور بكل عظمتها ، والقبائل العربية بكل بهائها ، بيتم اختصار ده كلو في نفرين فقط: موسى هلال وقايد الحرس بتاعو حميدتي..!!!

    واقولها بكل صدق يا صديقي ، لك ولغيرك ، خليك من دارفور بشعوبها المتعددة والمتنوعة ، قبيلة الرزيقات فقط بشقيها ابالة وبقارة..هلال وحميدتي اجزاء صغيرة للغاية منها..!!

    المحنة الآن يا صديقي ليست في انفصال دارفور..وانما في النخبة الحردانة التي تسمى نفسها معارضة..انفصل الجنوب صفقت..تنفصل دارفور تصفق..تنفصل جبال النوبة تصفق..تنفصل الأنقسنا تصفق ..تنفصل البجا تصفق..وده كلو غيظا من نظام الجبهة الإسلامية..فهل هذه وطنية؟..


    كبر
                   |Articles |News |مقالات |بيانات

09-09-2017, 08:23 AM

عمر سعيد علي
<aعمر سعيد علي
تاريخ التسجيل: 20-08-2015
مجموع المشاركات: 220

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: Kabar)

    كتب السنوسي بدر :
    (فالشعب السوداني يعيش حالة من الانفصام وهو مرض يصيب المجتمعات، فالمجتمع يمرض كما يمرض البدن، ومن اعراض مرض المجتمعات السودانية هي حالة الاستلاب والتغريب التي يعيشها السودانيين، فتجد مثلا شخص يتبني قضية فلسطين ويجعلها محور حياته ولا يلتفت الي قضايا بني جلدته وهم الاقرب شكلا وثقافة. )

                   |Articles |News |مقالات |بيانات

09-09-2017, 09:24 AM

Kabar
<aKabar
تاريخ التسجيل: 26-11-2002
مجموع المشاركات: 15382

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: عمر سعيد علي)


    كتبت اخلاص:
    Quote:
    جمع السلاح من محارب و الاخرينمدججين بالسلاح دونها خرط القتاد لأي
    عاقل ، الحكومة بتفكر كيف ما بعرف


    بت ابا اخلاص..حبابك يا صديقتي
    كل سنة وانت طيبة..

    ضحكتيني يا اخلاص..لأنو شكلك مركبة مكنة ول ابا بريمة..!!!!!

    خليك من جمع السلاح ، ونعاين لإنتشار السلاح..!

    صديقنا ول ابا السنوسي قال لينا كلمة مفتاحية (داتا)..!

    انتشار السلاح يا اخلاص ، تحديدا في غرب السودان ودي الحتة التي ازعم معرفة اثار الظاهرة فيها ، عدد من الأرامل مافي زول او منظمة عارفة عددهن كم وظروفهن شنو بالضبط..نساء يا اخلاص ولعشرات السنين بقن الأب والأم والمعيل الإقتصادي..!
    هدر تربوي (اناث وذكور) مافي زول او منظمة عارف عددهم كم وظروفهم شنو..!
    هل تصدقي يا اخلاص..حتى اللحظة التي اتحدث فيها معك هنا ..في نساء في مناطق انتشار السلاح لازلن بيلدنا بولادة الحبل..!!!!!!!

    فمظنة فائدة جمع السلاح..نحن بنحسبها بمعطيات زي دي..!

    ومافي مشكلة لو كل السودان دايرينا نستمر في حمل السلاح ما عندنا مشكلة..بس المعطيات دي تتوضع في الحساب ..يعني يكون ليها اعتبار في السياسات العامة..!

    السلاح اتشال مش عشان المناطق ديك ..وانما عشان طفلة تلقى فرصة تمشي مدرستها في الخرطوم ولا بورتسودان ولا كسلا ولا عطبرة..من غير شوشرة..!

    فليه ما تكون طفلة زيها تمشي مدرستها في غشفروا ولا بارك الله ولا وساطة ولا الغزالة جاوزت..من غير شوشرة..؟!!!!!

    ده فهمي من حكاية الدفاع عن حملة جمع السلاح..!!

    ودمت..
    كبر
                   |Articles |News |مقالات |بيانات

09-09-2017, 10:52 AM

علاء سيداحمد
<aعلاء سيداحمد
تاريخ التسجيل: 28-03-2013
مجموع المشاركات: 5569

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: Kabar)

    Quote: علاء..حبابك يا صديقي
    كل سنة وانت طيب..
    وبعد..
    والله يا علاء ، يا صديقي ، كلامك ده حيرني..لا عرفتو تريقة..ولا حسد ..ولا يأس و################..!

    ان كانت المسألة مسألة وقت..ومالو..ننتظر معاك..!!!!

    يعني حميدتي لو حضر لغاية اسقاط النظام ، باقي ليك يقنع من الغنيمة بدارفور بس؟..ليه ما يمسك امسودان دي كلها؟..ولا ناقص حاجة؟



    مرحبا صديقى كبر

    والله يا صاحب المسألة ما مسألة تريقة ولا حسد ولا امنيات ولا يأس
    بل اقرأ الواقع الذى اوصلنا اليه البشير !! .. والمشكلة ليست فى حميدتى لوحده ابدا انما النظرة شاملة لجميع حملة السلاح
    والله وانا اقسم صادقا القادم بالذى نراه اســـوأ مما نتخيل ,
    انا اقرأ الواقع وربنا يكضب الشينة ..
                   |Articles |News |مقالات |بيانات

09-09-2017, 11:05 AM

اخلاص عبدالرحمن المشرف
<aاخلاص عبدالرحمن المشرف
تاريخ التسجيل: 04-03-2014
مجموع المشاركات: 1705

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: علاء سيداحمد)

    اهلآ بالغالي كبر والسلام منك يصل ل ود ابا بريمة صديق المرأة
    السلاح يجمع من الجميع حسب ترتيبات أمنية وتتم عمليات دمج
    للجميع ، حركات وقبائل ، الشباب ده بعد شال سلاح لازموا توعية وتطمئن
    يضموا للجيش حسب ترتيبات خاصة ، تذكر تمرد الجنوب ، الفرقة ال اتمردت
    وحرب قرنق ، نحن عندنا تجارب ما نرميها عرض الحائط والا حاقت بنا الندامة
                   |Articles |News |مقالات |بيانات

09-09-2017, 11:06 AM

علاء سيداحمد
<aعلاء سيداحمد
تاريخ التسجيل: 28-03-2013
مجموع المشاركات: 5569

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: علاء سيداحمد)

    كتب السنوسى بدر

    Quote:
    فالشعب السوداني يعيش حالة من الانفصام وهو مرض يصيب المجتمعات، فالمجتمع يمرض كما يمرض البدن، ومن اعراض مرض المجتمعات السودانية هي حالة الاستلاب والتغريب التي يعيشها السودانيين، فتجد مثلا شخص يتبني قضية فلسطين ويجعلها محور حياته ولا يلتفت الي قضايا بني جلدته وهم الاقرب شكلا وثقافة.


    تحياتى اخى السنوسى

    لهدم الفكرة التى تتبناها فى المقتبس اعلاه :
    من الذى يتبنى قضية فلسطين ؟؟ اليس من يتبنونها هم اهل السلطة منذ مجيئهم المشئوم ؟؟
    ليس هناك سودانى واحد اقول واحد خارج منظومة السلطة يتبنى القضية الفلسطينية !!!!!
    والنظام اصلا تبنى قضية فلسطين نيــابة عن التنظيم الدولى للاخوان المسلمين وليس اصـــالة عن نفسها !!
    وفعلا النظام تبنى قضية فلسلطين وجعلها محور بقائها فى السلطة وترك اهم القضايا اى الاهتمام بقضايا المواطن السودانى المغلوب على امره
    اسوأ شئ ان تترك الفيل وتطعن فى ظله .
    ----
                   |Articles |News |مقالات |بيانات

09-09-2017, 02:42 PM

محمد الحسن حمدنالله
<aمحمد الحسن حمدنالله
تاريخ التسجيل: 14-01-2016
مجموع المشاركات: 529

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: عمر سعيد علي)

    العزيز عمر سعيد علي التحية. الإحترام مرحب بيك وبمتابعتك
                   |Articles |News |مقالات |بيانات

09-09-2017, 01:54 PM

محمد الحسن حمدنالله
<aمحمد الحسن حمدنالله
تاريخ التسجيل: 14-01-2016
مجموع المشاركات: 529

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: علاء سيداحمد)

    العزيز علاء سيدأحمد التحية والإحترام بقي هذا النظام أو ذهب ستبقي معادلة دارفور قائمة وهي إستبعاد حدوث إنفصال دون موافقة أغلبية مكونات دارفور من القبائل العربية وغير العربية وفي ظل التشتت الموجود حالياً يصعب أن يتفق الناس في دارفور علي الإنفصال
                   |Articles |News |مقالات |بيانات

09-09-2017, 12:17 PM

محمد الحسن حمدنالله
<aمحمد الحسن حمدنالله
تاريخ التسجيل: 14-01-2016
مجموع المشاركات: 529

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: Kabar)

    الصديق العزيز ول أبا Kabar التحية والإحترام سعيد بوجودك هنا وسعيد بمداخلاتك ذات القيمة المضافة وأراك قد أصبت كبد الحقيقة عندما ذكرت وبحق غياب القيادة الموّحدة والمشروع في دارفور فالحركات المسلحة نفسها لم تتفق علي برنامج يجعل منها جسماً واحداً بل تناسلت منها عدد من الحركات الأمر نفسه ينطبق علي القبائل العربية المشغولة بضرب رقاب بعضها البعض والمستفيد هو المركز

    (عدل بواسطة محمد الحسن حمدنالله on 09-09-2017, 02:48 PM)

                   |Articles |News |مقالات |بيانات

09-09-2017, 11:04 AM

محمد الحسن حمدنالله
<aمحمد الحسن حمدنالله
تاريخ التسجيل: 14-01-2016
مجموع المشاركات: 529

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: Elsanosi Badr)

    العزيز Alsanosi Badr التحية والإحترام شاكر مداخلتك الثرّة التي أجد نفسي متفقاً معك فيها ولعل أهم النقاط التي حوتها مداخلتك المهمة هو أن الداعين إلي إنفصال دارفور اليوم هم أقلية وإن لوّحت بعض الحركات بهذا الكرت غير مرة ولكنه تلويح تكتيكي لرفع سقف المطالب في المفاوضات وليس إستراتيجي علي أن الدعوة إلي الإنفصال وإن كان صوتها خافت الآن ينبغي التصدي لها بجدية ومخاطبة المشاكل التي أنتجتها أمر آخر باعث علي القلق والإنزعاج وهو أن الولاء للقبيلة في دارفور أكبر من الولاء لدارفور وللوطن وللإسلام نفسه هذا الواقع المؤلم ليس قاصراً علي الجهلاء بل هو أكثر وضوحاً عند المتعلمين والمثقفين والقادة السياسين فالكل في دارفور اليوم إلا من رحم ربي ينظر إلي مشكلة دارفور من ثقب نظرة القبيلة إن غوت القبيلة غوى وأن ترشد القبيلة يرشد! لذلك وفي ظروف بهذه الميوعة الأمنية والسياسية فالوضع مفتوح علي كل الإحتمالات لكن لن يقع إنفصالاً في دارفور غير مجمع عليه وهو إحتمال بعيد حتي الآن

    (عدل بواسطة محمد الحسن حمدنالله on 09-09-2017, 11:08 AM)

                   |Articles |News |مقالات |بيانات

09-09-2017, 11:25 AM

اخلاص عبدالرحمن المشرف
<aاخلاص عبدالرحمن المشرف
تاريخ التسجيل: 04-03-2014
مجموع المشاركات: 1705

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: محمد الحسن حمدنالله)

    غايتو انفصال تو وبضبانتها
    مجموعة واحدة تمتلك السلاح تقرأ جماعة الحلو
    تعطي حكم ذاتي توطد خلاله حكمها وتقمع خصومها ولما تقوي تنفصل
    يا جماعة معقول
    غايتو مثلث حمدي ده تطير عيشتو


                   |Articles |News |مقالات |بيانات

09-09-2017, 01:08 PM

جمال ود القوز
<aجمال ود القوز
تاريخ التسجيل: 25-01-2013
مجموع المشاركات: 3602

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: اخلاص عبدالرحمن المشرف)

    Quote: زمان يا صديقي ، في المنابر السودانية ومن ضمنها هذا المنبر..كنا بنحذر ناس تراجي وعبد المنعم سليمان ومحمد الزاهد (غلاة المتطرفين من ناس غرب السودان) من العنصرية المضادة..وكانوا بيطلعونا خونة واولاد ايه ما عارف عشان بنقول ليهم :الجعليين ليسوا هم فقط عمر البشيرونافع علي نافع ومحمد ابراهيم عبد الجليل..والشوايقة ليسوا هم فقط على عثمان وعوض الجاز وعلي كرتي، والدناقلة ليسوا هم فقط عبد الرحيم محمد حسين وبكري حسن صالح ومصطفى عثمان ، وناس بحر ابيض ليسوا هم فقط عبد الحليم المتعافي وابراهيم غندور..!!
    Quote: البعض يا صديقي طالما فشل في اسقاط نظام الجبهة الإسلامية ، فلابد من فركشة السودان حتة حتة..!
    استاذنا كبر ..
    أهو انت وضعت يدك على الجرح المنوسر والحجيب الانفصال المامتوقعنوا الكثيرين ضحى ونصة نهار بعدين الغرب ياكبر بيعلن ندم ظاهري ولا علاقة له بمايضمره منظروه وساستة فاكيد لازم يظهروا ليك الندم والحسرة ويبكوا ليك بدموع التماسيح ولو كانوا ندمانين بالجد كانوا لحقوا الجنوب العدم نفاخ النار ده هل عملوا شيء لايقاف الحرب في الجنوب دورهم كان شنو مثلا ؟ ولا حاجة شالوا ليهم كرسي وقاعدين يتفرجوا هذا أقصى مافعلوه مع الشجب والادانة والتنديد طبعا طيب الوافق الحركة الشعبية ومهد ليها الطريق وفتح اضانه عشان يسمع مطلبها بالانفصال منو ؟ مش ياهو الغرب ده . الهدد نظام الكيزان في الخرطوم منو ؟ مش ياهو الغرب ده ذاتو ولا واحد تاني ! الغرب ياسيدي شغال في مسألة انفصال دارفور دي ما دايره ليها كتير تفكير ليه ؟ لانه مابيدعم الحركات المسلحة بالمال ويجيب ليها السلاح ويشونها ويوفر الحماية لقادتها في الغرب اعتباطا أو بلاش أو لوجه الله .. أكيد عنده مآرب وخطط لي قدام في المنطقة عايز ينفذها ولن تتحق خططه دي الا بانفصال السودان ويتفرتق حتة حتة والحيساعده هم أبناء تلك المناطق تماما كما حدث في جنوب السودان القاعدين يتفرجوا فيهو وهو بيحرق ده انت تفتكر انفصال الجنوب ده كان بلاش ؟ كان مدفوع القيمة لبعض قادة الحركة الشعبية في ناس قبضت وعبت البنوك بره عشان انسان الجنوب يخش المهلكة الشغالة هسه دي وده كمان حيحصل في دارفور في محفزات عشان الشغلانة دي تتم .
    نجي للعنصرية المضادة ودي أكيد في تزايد وهذا ليس شغل سبهللة ساي او شغل عفوي ده شغل مدروس والناس الشغالين عنصرية ديل ناس مأجرين وقابضين حقهم عشان يشعلوا العنصرية دي ويخلوا دور العنصرية المضادة أقوى بالاستفزاز وجر الشكل والكلام البيخلي البعض يقول ليك طيب طالما الناس ديل تعبانين وبيجأروا بالشكوى ونحن كمان تعبانين الجابرنا على بعض شنو ؟ ما ننفصل ونرتاح وهم كمان يرتاحوا ! وده بالظبط المطلوب والمقصود من مسألة رفع سقف العنصرية لاقصى مدى ليرتفع ضده طوفان العنصرية المضادة الحتجيب الانفصال يبقى العنصرية هناك من يريد تغذيتها واشعال نيرانها لانه حتما في النهاية حتكون عامل مهم جدا في تحقيق الانفصال ورد الفعل كما تعلم بيوازي الفعل وبيكون تأثيره مدمر أكثر لانه بيكون في الجهة الاضعف الانطلق منها حركة الفعل فهل حركات دارفور هل عندها القدرة انها تتحمل كوارث الانفصال ؟ هل حيقدروا يتحولوا من حملة سلاح وخراب ودمار لبناء وتعمير دولة وادارة دوواين ونظام دولة واقامة حياة معقولة يعيش الناس في ظلها ده هو التساؤل المفروض الناس تخته في اذهانها وهي بتنفخ في نيران العنصرية ليل نهار لفتح باب مناقشة امر انفصال دارفور فهل هم مستعدين للكلام ده ولا كلام حيكون نفخ في فاضي وكلام مجاني وغير مسؤول زي العملوهو ساسة الجنوب ودفع ثمنه المواطن الجنوبي البسيط المالاقي هسه ياكل وحياتة مهددة وموته بقى اضمن من زمن حرب الشمال مع الجنوب وبقى عنصرية فاقت عنصرية الشماليين كثيرا ؟ !! بعدين حكاية إنه الحركات المسلحة ما عندها فكرة او مطالب بانفصال الاقليم ده كلام يحتاج لكثير من الأدلة والبراهين لان الواقع ما بيدعمه ولا بي هللة فحقو البينطلق من فهم زي ده يراجع نفسه ويرجع يشوف لي ورا ويراجع موقف الحركات جيدا . وبالمناسبة انا براهن على عرب درافور ديل يكونوا اول معول حيشتغل للانفصال وحتشوف كلامي ده واهو موسى هلال حيبدا ليك أول لبنة عارف وقوف موسى هلال وحميدتي ضد نظام الخرطوم الماعنده وجود في دارفور يعني شنو ؟ يعني انفصال راسو عديل .
    ولا يفوتني أن أهنئك على قراءتك الجيدة للساحة السياسية في السودان رغم بعدك فطرحك قديما وحديثا فيه الكثير من الاستشراف للقادم وينظر له بنظره حصيفة جدا ومتوازنة وان لم يعجب هذا الكثيرين ممن يقفوا ضد ما ترتأيه من باب الاحلام والأهواء التي يريدون تحقيقها على تراب سودان لا وجود له لانه حيكون اتفرتق حتة حتة ولحق أمات طه وهذا لن ينقتص من انك في الطريق الصحيح وان رؤيتك فيها كثير من الرزانة والنظر بروية وأنأة لساحتنا السياسية السودانية بعد ده كله برضو انا شايف ان لم تنتفي كثير من الأسباب الماثلة امامنا عيانا بيانا فسيحدث انفصال لاقليم دارفور فالناس تجهز شعورها من ضو أحسن عشان ما تتفاجأ بعدين بالذات البينثروا بذور العنصرية وبيغذوا نيران الفرقة والشتات بالذات في اوساط السايبر المطلوق في السهلة ده اليجهزوا نفسهم ويتحزموا للجاي لانه جد سيء وأكثر سوءا مما يتخيل الكثيرين وأسوأ من الحاصل هسه ده بكتير طبعا حيجي البعض ويقولوا ليك اصلا مافي أسوأ من الحاصل هسه ده ولا يتظروا ويشوفوا هل حرب الجنوب قبل أم بعد الانفصال كانت أسوا واكثر دمارا يبقى هم ونحن بنراهن على عامل الزمن عشان نعرف سوء القادم وخطورته عموما انفصال دارفور قادم لا محالة فاحسن نتكرب من هسه وكل زول يعرف هو قاعد يقول في شنو ومآلات كلامه حتكون شنو لي قدام ؟!! .. دمت يأخ والمتابعين ..

    (عدل بواسطة جمال ود القوز on 09-09-2017, 03:19 PM)

                   |Articles |News |مقالات |بيانات

09-09-2017, 02:41 PM

عبدالعظيم عثمان
<aعبدالعظيم عثمان
تاريخ التسجيل: 29-06-2006
مجموع المشاركات: 4234

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: جمال ود القوز)

    الأخوان السنوسي وكبر سلامات

    سيتفتت السودان بسبب السياسة وعدم إدارك أهل المركز "بمن فيهم من أهل دارفور"
    أن السودان لا يحكم بهذه الطريقه .. وأن تأجيج الصراعات ودخول الدولة ومؤسساتها
    في الصراع بين القبائل سيعجل بالإنقسام

    سياسات الحكومة الخاطئة هي من ستقود الي الإنفصال في دارفور وفي غير دارفور
    دي النقطة الرئيسية (الرهان علي الخلافات الداخليه بين أهل الإقليم لا أتوقع أن يمنع الإنفصال)
                   |Articles |News |مقالات |بيانات

10-09-2017, 02:36 AM

Elsanosi Badr
<aElsanosi Badr
تاريخ التسجيل: 29-03-2008
مجموع المشاركات: 3900

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: عبدالعظيم عثمان)

    Quote:
    من الذى يتبنى قضية فلسطين ؟؟ اليس من يتبنونها هم اهل السلطة منذ مجيئهم المشئوم ؟؟
    ليس هناك سودانى واحد اقول واحد خارج منظومة السلطة يتبنى القضية الفلسطينية !!!!!
    والنظام اصلا تبنى قضية فلسطين نيــابة عن التنظيم الدولى للاخوان المسلمين وليس اصـــالة عن نفسها !!
    وفعلا النظام تبنى قضية فلسلطين وجعلها محور بقائها فى السلطة وترك اهم القضايا اى الاهتمام بقضايا المواطن السودانى المغلوب على امره
    اسوأ شئ ان تترك الفيل وتطعن فى ظله .
    ----
    انا جني وجن الزول الما بذاكر ويجي يكتب كلام زي ده،
    يا اخي الكريم مسالة الاستلاب والتغريب التي اول من مرض بها هم المثقفاتية من الذين استبد بهم المرض اعلنوا تبنيهم لقضايا فلسطين وما مؤتمر اللأت الثلاث وتغيير العلم ، وحتي الكشات التي قامت بها انظمة سابقة للاسلامين اليس ذلك دليلا علي تبني قضايا الغير والهروب من قضية الزول البيشبهو في المرايا. الناس الكانو بيخرجو ا في الشوارع وبيهتفوا بفلسطين ولم يخرجوا ضد الكشات والكوامر التي تقل المهمشين وبتكبهم خارج حدود العاصمة ومعاهم عسكري بقربينة ديل كانو كيزان او اسلاميين؟!!
    الم اقل ان معظم من يروج لفكرة الانفصال معرفتهم التراكمية حول قضايا السودان حصيلتها بدأت من عهد الكيزان ده. !!


    اخي الكريم مسألة تبني انفصال دارفور من قبل اصحاب الصوالين الذين طردهم الاسلاميين من البلد كلو كلو ماهي الا فزع وحالة من الهلع من ان يحكمهم زول ولدوهو بالحبل او زول عندو لكنه وبيتكلم العربية مكسرة وممكن كان بيفطر بمريسة ولكنه جاهد وتعلم في راكوبة .
    لقد تغير الزمن تماما وما يزال البعض من خلف الصوالين وهو يعاني من مرض الانفصام ولم يصدق انه حان الوقت ان يعرفوا انفسهم ويفيقوا ان الزول الممكن يحكمهم ده بيشبهم في الشكل المورفولجي تماما ولا اختلاف في ذلك .

    دعني اقول ليك حاجة مهمة وهي ان تغمض عينيك وتري ان الشمالية او النيل الازرق او القضارف انهم ممكن ينفصلوا او يفصلوهم وتتخيل معي ان يشحن الناس علي الهوية والسحنة والعرق الي هناك!! انت متخيل ذلك وهل هو اقرب الي الواقع من انفصال او فصل دارفور؟!!

                   |Articles |News |مقالات |بيانات

10-09-2017, 04:57 AM

اخلاص عبدالرحمن المشرف
<aاخلاص عبدالرحمن المشرف
تاريخ التسجيل: 04-03-2014
مجموع المشاركات: 1705

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: Elsanosi Badr)

    السلام عليكم
    هذا منقول من بوست جني
    حتي تكتمل الصورة


    ذذذالسلام عليكم
    شكرآ jini علي هذا البوست
    دخلت بوست حمدنا الله وكتبت مداخلة طويلة طارت لان البطارية ما انتبهت لها
    المهم كتبت اربعة اسباب للانفصال هي الغبن ،طموح بعض المجموعات ،مصالح
    دول الجوار والقوي الدوليه ،ضعف وسوء ادارة الدولة السودانية ولما اتيت لاسباب بقاء
    الاقليم بدأت بفشل الجنوب الا انني وجدت هذا الامر لم يؤثر سلبآ الا علي انسان الجنوب
    بل ان بعض دون الجوار قد استفادت مما حصل ثم قلت لعل سكان الاقليم لا يوافقون
    ( عرب و زرقة ) الا انها لم تصمد للتمحيص خاصة وان الحكومة تميل الي فصل الاقليم
    بعد ان فصلت الجنوب ولم تتضرر واستغلت انسان دارفور في كسر شوكة الجنوب الذي
    كان يستطيع ان يصل حتي العاصمة لولا مواتر ود ابراهيم ومن استعان بهم ،

    تلن يمنع انفصال دارفور الا رحمة ربي
                   |Articles |News |مقالات |بيانات

10-09-2017, 05:41 AM

Kabar
<aKabar
تاريخ التسجيل: 26-11-2002
مجموع المشاركات: 15382

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: Elsanosi Badr)


    جمال..حبابك يا صديقي
    كتر خيرك على المطايبة..
    ولقد اثرت نقاط عديدة محتاجة للرد بالتفصيل..وسوف اتناولها بقدر الوقت المتاح..

    اولا: يا صديقي خراب السودان هو مسئولية النخبة السودانية سواءا معارضة او حكومة ، فالسودان ما عندو وجيع نوهائي..والناس دي كلها شغالة قدر ظروفك او رزق اليوم باليوم ، وكلهم ما عندهم مخيال اجتماعي خلاق عشان يستوعب الماضي والحاضر ويصنع المستقبل..
    ثانيا: حرب دارفور ، في البدء اخترعها الغرب الحضاري لأسباب منها ان تساعد في تسهيل وتسليك عملية انفصال الجنوب..ليه الجنوب؟ لأنو الجنوب فيهو بترول كتير للغاية ..والبترول ده محط انظار القوى العظمى (الصين وامريكا)..وعشان امريكا تمنع تمدد الصين ..اجتهدت في فصل الجنوب وفي نفس الوكت رمت بذرتها في دارفور عبر اختراع حرب دارفور..!!

    ثالثا: دارفور و كردفان غنية بالثروات ، خصوصا البترول واليورانيوم (يورانيوم السودان من اجود الأنواع)..فكرة حرب دارفور:العرب يبيدوا ام زرقة..ثم يرجعوا العرب يبيدوا روحهم..وبالتالي الأرض تقعد خلاء وفاضية عشان تسهل استغلال الثروات ده نفس السناريو الدار في افغانستان والعراق وسوريا وليبيا..فشل السناريو في الجنوب..لأن بترول الجنوب مرتبط بخط ترحيل يمر بالسودان ، وبناء خطوط نقل جديدة مكلف للغاية..عشان كده دي الحتة البتخليني اقول الغرب ندمان على فصل الجنوب لأنو كان متوقع ثروات ساهلة وسايبة ولم يتيسر هذا الأمر..كل هذه المؤامرات..النخبة السودانية مشتركة فيها بنسبة خمسين في المأئة سواءا نخبة حاكمة او معارضة..يعني الإتنين بيلعبوا دور المخالب القذرة..حصل سألت نفسك ليه قادة الحركات الكبار وقادة الحكومة الكبار ما قاعدين يموتوا؟..لأنهم بيحموا بعضهم البعض وهناك جهات اخرى بتحميمهم عشان يستمروا في اداء ادوارهم..!

    راجع خريطة صناعة البترول في السودان ، وح تندهش لمن تكتشف انو اعنف القتال والصراع والنزاع يدور في حيز هذه الخريطة..ولك ان تسأل نفسك ليه شمال كردفان خالية تماما من التمرد؟..لأنو دي الحتة الفيها الصمغ العربي ..والصمغ هو السلعة الوحيدة في طيلة سنوات الحظر الإقتصادي الأمريكي على السودان طوالي بيتم استثناء الصمغ العربي وحماية الحقول التي تنتجه..!!!!

    وجود القبائل العربية في كردفان ودارفور..هو الخرب الرصة على المخطط الأمريكي المدعوم من قبل فرنسا وبريطانيا والإتحاد الأوربي..!!!
    وهو نفسه الوجود الذي يمنع فكرة انفصال دارفور..لحسابات معقدة للغاية..اقلاها امريكا لن تستطيع ان تقنعهم بالإنفصال..!

    اصلاح الدولة السودانية ، بعد الخراب الذي حدث ، عملية سهلة للغاية..وتحتاج ارادة جادة وتطوير الأدوات والأفكار..!
    وبالطبع لن يكون الحل في انفصال أي جزء من السودان الفضل..

    وسوف اعود لبقية النقاط..
    ودمت..
    كبر
                   |Articles |News |مقالات |بيانات

10-09-2017, 05:44 AM

Kabar
<aKabar
تاريخ التسجيل: 26-11-2002
مجموع المشاركات: 15382

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: Kabar)


    عبد العظيم..حبابك يا صديق

    بداية ، سؤال يا صديقي: هل انت مع انفصال دارفور أو أي جزء من السودان الحالي؟..

    تعقيبا على كلامك:
    طيب العلاج شنو يا عبد العظيم؟..يعني الناس تقبل بالترويج للإنفصال والتفتيت ؟..

    الحكومات سياستها خاطئة ، وطريقة ادراتها خاطئة..فهل ده بيعني انو الناس تقول ليها علي وعلى اعدائي وتفتت السودان؟..

    الحكومة يا عبد العظيم دايرة السودان يتفتت..هل انت عندك نفس الرغبة؟..

    الحاجة الوحيدة يا صديقي ، الغايبة عن كل الناس ، خصوصا النخبة..انو السودان منذ الإستقلال حكمت عليه القوى الدولية العظمى بانو يكون في حالة اللااستقرار..لأنو استقرارو بيعني الفرق للكثير من هذه القوى..وفي نفس الوقت أي استقلال للسودان بصورة حقيقية ح يخرب الرصة للكثيرين..!

    عشان كده مافي سوداني بيفكر في السودان كبلد غني وممكن يكون رقم بين الدول..وانما كل وقتنا مشغولين بالغبائن الذاتية وخصوماتنا السياسية المؤقتة..ما عندنا حرمات وخطوط حمراء تميز بين المصالح العليا والمصالح الآنية..!

    ويظل السؤال القائم: ما هو العلاج؟..

    والى الإجابة على ذلك..لن يحدث انفصال في دارفور او جنوب كردفان او النيل الأزرق..!!

    ودمت..
    كبر
                   |Articles |News |مقالات |بيانات

10-09-2017, 07:11 AM

بدرالدين بابكر مصطفى
<aبدرالدين بابكر مصطفى
تاريخ التسجيل: 24-06-2013
مجموع المشاركات: 1341

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: Kabar)

    والله أكتر زول فيكم فاهم القصة دي بي ضبانتا جمال القوز دا
    دارفور حتنفصل .. عاجلاً أم آجلاً
    وممكن الموضوع دا يكون فيهو فايدة عظيمة للطرفين ..
    وممكن يكون نقمة كبيرة للطرفين
    يا جماعة السودان دا حقو تأجروا ليهو شركة تحكمو وتحاسبوهم بالراتب وترتاحو
    ياخ عادي جيبوا شركة .. خلوها تدير البلد وأدوهم رواتبهم زيهم زي أي موظفين
    لأننا فاشلين .. وأغبياء ما قادرين نحكم بلدنا زي الناس

                   |Articles |News |مقالات |بيانات

10-09-2017, 07:29 AM

محمد الحسن حمدنالله
<aمحمد الحسن حمدنالله
تاريخ التسجيل: 14-01-2016
مجموع المشاركات: 529

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: بدرالدين بابكر مصطفى)

    العزيز بدالدين مصطفي بابكر التحية والإحترام شاكر المرور الإضافة فشل النخبة السودانية في إدارة السودان لايحتاج إلي دليل والشواهد تستعصي علي الحصر وحل مشكلات السودان ليس مستحيلاً إذا ما صدقت النوايا وجلس السودانيون مع بعض للوصول إلي إتفاق الحد الأدني الباقي هيِّن
                   |Articles |News |مقالات |بيانات

10-09-2017, 08:35 AM

عبدالعظيم عثمان
<aعبدالعظيم عثمان
تاريخ التسجيل: 29-06-2006
مجموع المشاركات: 4234

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: محمد الحسن حمدنالله)



    Quote: الحكومات سياستها خاطئة ، وطريقة ادراتها خاطئة..فهل ده بيعني انو الناس تقول ليها علي وعلى اعدائي وتفتت السودان؟..

    الحكومة يا عبد العظيم دايرة السودان يتفتت..هل انت عندك نفس الرغبة؟..


    سلامات يا كبـر

    طيب إذا كان ذلك كذلك وجهوا سهامكم للحكومة
    خلونا نشوف الطريقه البتخلص البلد من فساد وفشل الحكومة
    إنتقاد المعارضة والحركات لن يمنع الإنفصال
    ما يمنع الإنفصال هو التصدي لسياسات الحكومة في تمزيق السودان
                   |Articles |News |مقالات |بيانات

10-09-2017, 08:50 AM

علاء سيداحمد
<aعلاء سيداحمد
تاريخ التسجيل: 28-03-2013
مجموع المشاركات: 5569

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: عبدالعظيم عثمان)

    Quote: يا جماعة السودان دا حقو تأجروا ليهو شركة تحكمو وتحاسبوهم بالراتب وترتاحو
    ياخ عادي جيبوا شركة .. خلوها تدير البلد وأدوهم رواتبهم زيهم زي أي موظفين
    لأننا فاشلين .. وأغبياء ما قادرين نحكم بلدنا زي الناس


    وليه يأجرو ليهو شركة ؟؟ هل من قلة الكوادر الادارية مثلا او قلة العقول التى ترسم وتخطط للحال وللمستقبل ؟؟
    والله مافى فاشلين فى السودان الا الكيزان ومن يناصرونهم من الارزقية والانتهازيين والذين اوصلوا البلاد الى درك سحيق .
    المطلوب هو ذهاب هؤلاء الفاشلين ومن سيأتى بعدهم حــتماً سيكون افضل منهم وسيراعى الله فى البلاد والعباد اكثر منهم .
    اهم شئ يورونا عرض اكتافهم .
                   |Articles |News |مقالات |بيانات

10-09-2017, 08:54 AM

بدرالدين بابكر مصطفى
<aبدرالدين بابكر مصطفى
تاريخ التسجيل: 24-06-2013
مجموع المشاركات: 1341

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: علاء سيداحمد)

    وليه يأجرو ليهو شركة ؟؟ هل من قلة الكوادر الادارية مثلا او قلة العقول التى ترسم وتخطط للحال وللمستقبل ؟؟
    والله مافى فاشلين فى السودان الا الكيزان ومن يناصرونهم من الارزقية والانتهازيين والذين اوصلوا البلاد الى درك سحيق .
    المطلوب هو ذهاب هؤلاء الفاشلين ومن سيأتى بعدهم حــتماً سيكون افضل منهم وسيراعى الله فى البلاد والعباد اكثر منهم .
    اهم شئ يورونا عرض اكتافهم .

    يا زول كدي قول لي نظام حكم السودان وكان ناجح
    من المهدية ولا يومك دا ..
    كل الحكومات الوطنية الحكمتنا كانت فاشلة
    ما نغش نفسنا ساكت .. نحن فالحين في الدمار .. في العمار ما عندنا أي بصارة
    بس يغنوا لينا ونقعد نتداوس لامن نكمل بعض ..
    ياخ ثقافتنا زاتا ثقافة فشل ولا تخدم التنمية والسلام على الإطلاق ..
    نحن الواحد بغنوا ليهو ضربك يفتح الهامة ويمرق المخ .. وتلقاهو فرحان ينطط زي الككو ..
                   |Articles |News |مقالات |بيانات

10-09-2017, 11:43 AM

علي عبدالوهاب عثمان

تاريخ التسجيل: 17-01-2013
مجموع المشاركات: 6022

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: بدرالدين بابكر مصطفى)

    مع التحية لحبيبنا صاحب البوست ..
    وشكراً للاخوان كبر وسنوسي على الاثراء
    هل الانفصال جغرافيا فقط .. عندما أنفصل الجنوب تم إرسال كل الجنوبيين إلى وطنهم
    اليوم حقيقة أهل دارفور هم السودان نشاطاً وتعداداًَ ..
    مثال من منطقتي في اقصي شمال بعد مدينة دنقلا شمالاً ..
    أبناء دارفور هم المتحكمين في التجارة وكذلك الذهب وبأعداد أحيان قدر السكان
    وهم بصراحة خلقوا نشاط تجاري منقطع النظير وتحركت المنطقة وإصبحت المشاريع فيها ذات جدوى
    وأكاد أجزم أنهم إستقروا في المنطقة وأصبحت لهم مخططات سكنية ..
    إمام المسجد والخطيب في قريتنا من هؤلاء الاخوة الكرام
    فوالله لم نرى منهم غير المصلحة وإزدهار المنطقة .. حتى بلغ إيجار الدكان في سوق البرقيق بالملايين
    وهكذا على إمتداد المحس والسكوت وحلفا
    وربما هكذا في باقي الوطن لأنني صراحة ليست لدي المعرفة بالكثير من المناطق على إمتداد الوطن ..
    فقط أتحدث عن الواقع لدينا
    في حالة الانفصال كيف سيتم إرجاع هؤلاء إلى دارفور أو إلى اصولهم ..
    حسب ملاحظتي المتواضعة وقراءتي لمنطقتنا أن أهل دارفور هم معظم سكان السودان
    وهنالك مشاكل كثيرة سوف تصاحب الانفصال .. رسم الحدود .. الميناء .. إلخ
    وحتماًَ وعملياً هم من سيمسكون دفة الامور في السودان من خلال اي إنتخابات حرة
    وهل أفضل لهم الانفراد بدرافور أو أن يؤول كل السودان لهم كنتيجة حتمية للتعداد السكاني ؟
    اليوم نيالا تعدادها مليون ونصف وكل الولاية الشمالية حوالي 780 ألف والغلبة في الآخر للتعداد
    نظام one man one vote
    تأكدوا تماماً أن أهل دارفور إذا تماسكوا وتوحدوا سيؤول كل الوطن لهم ..

    التحية لصاحب البوست
    وأرجو من الاحباب كبر وسنوسي المزيد من الاثراء


                   |Articles |News |مقالات |بيانات

10-09-2017, 12:49 PM

علاء سيداحمد
<aعلاء سيداحمد
تاريخ التسجيل: 28-03-2013
مجموع المشاركات: 5569

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: علي عبدالوهاب عثمان)

    Quote: كل الحكومات الوطنية الحكمتنا كانت فاشلة
    ما نغش نفسنا ساكت .. نحن فالحين في الدمار .. في العمار ما عندنا أي بصارة


    يا زول انتا جاد فى كلامك دا .. بالمناسبة الكلام دا ياهو نفس منطق الكيزان لتعليق فشلهم على الحكومات السابقة .
    انا عايزك تورينى حكومة دمرت البلاد مثل الكيزان ..
    ليس هناك عاقل يجمع الصالح مع الطالح و يقول بأن كل الحكومات الوطنية السودانية فاشلة !!
    ليست هناك حكومة فاشلة مثل حكومة الكيزان وعلى مر العصور السودانية .
    يازول قول حنك غير دا ..
                   |Articles |News |مقالات |بيانات

10-09-2017, 01:04 PM

محمد الحسن حمدنالله
<aمحمد الحسن حمدنالله
تاريخ التسجيل: 14-01-2016
مجموع المشاركات: 529

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: علي عبدالوهاب عثمان)

    العزيز علي عبدالوهاب عثمان التحية والآحترام شاكر إطلالتك وإضافتك النوعية التي أوافقك عليها تماماً في أن أهل دارفور أفضل حالاً وهم جزء من السودان وليس منفصلين عنه لكن هذا لا يمنع مخاطبة مشاكلهم التي دفعت البعض منهم وإن قلّ في أن يطرح مثل هذا الطرح فكُرة الثلج عادةً تبدأ صغيرة
                   |Articles |News |مقالات |بيانات

10-09-2017, 03:19 PM

Elsanosi Badr
<aElsanosi Badr
تاريخ التسجيل: 29-03-2008
مجموع المشاركات: 3900

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: محمد الحسن حمدنالله)

    Quote: والله أكتر زول فيكم فاهم القصة دي بي ضبانتا جمال القوز دا
    دارفور حتنفصل .. عاجلاً أم آجلاً
    معليش يا جمال القوز لكين دي ما قدرت افوتها كلو كلو.

    ههههه شفتا جنس ده هو السايق البلد...
    ده نوع الكلام ( بتاع) شفتا الزول ده مجضم الشغلانة وده بتاع شنو كده ... ياها زااااتها السبهللية في تناول مواضيع كبيرة واسترخاصها بشكل مخل!!!

    اخونا جمال القوز قلم محترم نعم وشخص خلوق نعم ، ومعرفتو كنز نعم.
    لكين عارف دارفور دي فيها كلامين والاحترام في محلو وما ممكن كتاباتو التي اعدها من باب وجهات النظر الشخصية لانه لحد علمي شخص لا يتبني الخط السياسي للمواضيع
    ولان وجهات النظر الشخصية لا يؤخذ بها في مواضيع كبيرة زي دي.

    فاشنو يا مصطفي نو هارد فييلنق وانفصال دارفور خدها مني استحالة، قد يتحول البلد الي حاجة كده زي الصومال ودي وارده وقد تتحول المعادلة كلو كلو وتتبدل مقاعد متمردين كانوا في الحكم برضو وارد وتبدل اتجاهات تواجد المتمردين الجدد شرقا او شمالا برضو وارد لكن انفصال اي جزء دي بعيدة تماما السبب بسيط يا مصطفي الكترة ... كترة الناس دي في قبل البلد الاربعة وبعضهم هو من اسس مدن الوسط قبل هجرات اهل الشمال الذين يحكمون الان.

    الناس مفروض تقلع عن ترويج حتة انفصال دارفور دي لانو هناك تيار متنامي لفصل الشمالية ويروج له بقوة من قبل سكان البلاد الاصليين وهو ليس في صالح الجميع.

    عشان كده تناول المواضيع الكبيرة دي بالسبهللية دي نتائجها كارثية
                   |Articles |News |مقالات |بيانات

12-09-2017, 11:21 AM

بدرالدين بابكر مصطفى
<aبدرالدين بابكر مصطفى
تاريخ التسجيل: 24-06-2013
مجموع المشاركات: 1341

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: Elsanosi Badr)

    يا علاء .. تحياتي
    حكومة الكيزان فاشلة
    الديمقراطية (1و2) كانت فاشلة
    نميري وجماعتو كانوا فاشلين
    المهدية كانت الفشل بعينه
    أي فشل لأي حكومة هو ما ضروري يكون خربت العمار
    البقيف في محلو وما يحدث أي نقلة برضو فاشل
    اكتر حكومة نفعت البلد هي حكومة الانقليس .. من ناحية تنمية وفرض السلام والاستقرار
                   |Articles |News |مقالات |بيانات

12-09-2017, 11:25 AM

بدرالدين بابكر مصطفى
<aبدرالدين بابكر مصطفى
تاريخ التسجيل: 24-06-2013
مجموع المشاركات: 1341

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: بدرالدين بابكر مصطفى)

    يا السنوسي .. تحياتي العطرات
    ياخ من متين نحن قراراتنا المصيرية قاعدين نتحكم فيها برانا ؟؟
    المشكلة مش في إنو انفصال دارفور كويس معانا ولا ما كويس معانا
    أهو الجنوب انفصل والجنوبيين صوتوا بي 99% للانفصال
    وما كان قرارنا الحر كسودانيين كان شماليين كان جنوبيين
                   |Articles |News |مقالات |بيانات

13-09-2017, 08:43 AM

مدثر صديق
<aمدثر صديق
تاريخ التسجيل: 30-04-2010
مجموع المشاركات: 2982

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: بدرالدين بابكر مصطفى)

    سلام للجميع هنا .......

    اعتقد ان دارفور اصبحت ضمن النسيج الاجتماعى للسودان و اندمجت بنسبة كبيرة مع كل مكونات الشعب السوداني

    لكن ردا على بعض من ذكر ان وا ما فيس زول دعا الى حق تقرير المصير فاشير الى ان منى اركو مناوي و حركته يدعون الى حق تقرير المصير

    و هذه الفقرة هي من ادبيات حركة منى اركو مناوي

    Quote: ب‌) إقرار مبدأ حق تقرير المصير كحق أصيل وأساسي وديمقراطي للشعوب. علي أن يُمارس هذا الحق في مناخ من الشرعية والديمقراطية وتحت إشراف إقليمي ودولي
                   |Articles |News |مقالات |بيانات

13-09-2017, 03:01 PM

محمد الحسن حمدنالله
<aمحمد الحسن حمدنالله
تاريخ التسجيل: 14-01-2016
مجموع المشاركات: 529

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: مدثر صديق)

    العزيز مدثّر صديق التحية والإحترام أوافقك في أن الحركات المسلحة في دارفور أوردت حق تقرير المصير في أدبياتها ومن خلال تصريحات قياداتها الموثقّة في راديو دبنقا وعافية دارفور لكني أعتقد أن إيراد حق تقرير المصير تكتيك تفاوضي لإعلاء سقف المطالب أكثر منه نظرة إستراتيجية لحل مشكلة دارفور لكن هذا لا يمنع من أخذ الأمر بجدية لأن مشكلة دارفور ومشاكل السودان عموماً ما عادت أمراً سودانياً صِرفاً يملك فيه السودانيون الكلمة النهائية
                   |Articles |News |مقالات |بيانات

13-09-2017, 06:17 PM

Elsanosi Badr
<aElsanosi Badr
تاريخ التسجيل: 29-03-2008
مجموع المشاركات: 3900

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: محمد الحسن حمدنالله)

    شكرا العزيز مدثر لايرادك تلك الفقرة

    هذه الفقرة منقولة نص من منفيستو الحركة الشعبية، واذكر في مفاوضات ابوجا الاولي التي لم احضرها كمراقب اكاديمي ذكر لي بعض الاخوة انهم تفاجأوا بها وحتي انها كانت مصدر اندهاش للبعض وفي فترة لاحقة واثناء ندوة تطرقوا لتلك الجزئية وقد عبر بعضهم انهم اساس هذا البلد ومن الاعمدة المكونة له ولكن تقرير المصير قد يعبر عن نظام حكم كونفيدرالي او حتي حكم فيدرالي ولكن لم يتطرق احد لتفسير ذلك علي اساس ان خارطة طريق للانفصال.
    بعض المراقبين تفاجأ بالفقرة وذكر حرفيا وقال هل فكر من نقل تلك العبارة في اجداده الذين ضحوا من اجل هذا الوطن في توشكي وكرري والقلابات وطوكر.

    يقول البعض ان لولا تضحيات الدارفوريين في قبل السودان الاربعة لشارف تعدادهم الي المئات من الملايين في الوقت الراهن
                   |Articles |News |مقالات |بيانات

13-09-2017, 10:28 PM

محمد الحسن حمدنالله
<aمحمد الحسن حمدنالله
تاريخ التسجيل: 14-01-2016
مجموع المشاركات: 529

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: Elsanosi Badr)

    أنا ممنون وشاكر للأحباب السنوسي بدر وكبر وبقية الإخوة والإخوات المتداخلين لإثرائهم للبوست بهذه الآراء النيِّرة والتي إستفدت منها علي المستوي الشخصي كثيراً واضح أن المتداخلين كانت وجهات نظرهم مختلفة حول موضوع إنفصال دارفور لكنهم إتفقوا علي أن قلوبهم علي السودان لذلك فهم مهمون بالمآلات التي يراها كلٌ منهم من زاويته هذا هو المستوي المطلوب من النقاش عندما يُطرح أي موضوع للنقاش وهو خطوة في الإتجاه الصحيح لبناء وطن خيّر ديمقراطي
                   |Articles |News |مقالات |بيانات

15-09-2017, 03:07 AM

Elsanosi Badr
<aElsanosi Badr
تاريخ التسجيل: 29-03-2008
مجموع المشاركات: 3900

للتواصل معنا

FaceBook
تويتر Twitter
YouTube


Re: لن تنفصل دارفور لهذه الأسباب (Re: محمد الحسن حمدنالله)

    شكرا العزيز مدثر لايرادك تلك الفقرة

    هذه الفقرة منقولة نص من منفيستو الحركة الشعبية، واذكر في مفاوضات ابوجا الاولي التي لم احضرها كمراقب اكاديمي ذكر لي بعض الاخوة انهم تفاجأوا بها وحتي انها كانت مصدر اندهاش للبعض وفي فترة لاحقة واثناء ندوة تطرقوا لتلك الجزئية وقد عبر بعضهم انهم اساس هذا البلد ومن الاعمدة المكونة له ولكن تقرير المصير قد يعبر عن نظام حكم كونفيدرالي او حتي حكم فيدرالي ولكن لم يتطرق احد لتفسير ذلك علي اساس ان خارطة طريق للانفصال.
    بعض المراقبين تفاجأ بالفقرة وذكر حرفيا وقال هل فكر من نقل تلك العبارة في اجداده الذين ضحوا من اجل هذا الوطن في توشكي وكرري والقلابات وطوكر.

    يقول البعض ان لولا تضحيات الدارفوريين في قبل السودان الاربعة لشارف تعدادهم الي المئات من الملايين في الوقت الراهن
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de