لماذا تغادر؟؟ سهير عبد الرحيم

شرح مفصل و معلومات للتقديم للوتري 2020
فتحي الضو في أستراليا
التحالف الديمقراطي بمنطقة ديلمارفا يدعوكم لحضور احتفاله بالذكري 54 لثورة اكتوبر
Etihad Airways APAC
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 18-10-2018, 05:52 PM الصفحة الرئيسية

مدخل أرشيف للعام 2016-2017م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
07-10-2016, 04:25 PM

Yasir Elsharif
<aYasir Elsharif
تاريخ التسجيل: 09-12-2002
مجموع المشاركات: 26938

للتواصل معنا

FaceBook
تويتر Twitter
YouTube


لماذا تغادر؟؟ سهير عبد الرحيم

    03:25 PM October, 07 2016

    سودانيز اون لاين
    Yasir Elsharif-Germany
    مكتبتى
    رابط مختصر

    أعمدة الرأي
    خلف الاسوار
    سهير عبدالرحيم
    لماذا تغادر

    جاء في الأخبار أنّ وزير الصحة بولاية الخرطوم البروفيسور مامون حمّيدة ، صَرّحَ بأنّه سيُغادر مقعده كوزيرٍ للصحة بعد شهرين من الآن ، كما علّق حمّيدة على إضراب الأطباء خلال الأيام الماضية بأنّه إضرابٌ سياسيٌّ ليس إلاّ.
    والسُّؤال الذي يفرض نفسه لماذا يغادر الوزير مامون حمّيدة الوزارة؟!..
    ماتخلِّيك قاعد معانا شوية يا عَم مامون.. أهو نحن مُتونِّسين بيك وبوجُودك..!!وشوفتك بالدنيا كلها.....
    لماذا تغادر بعد شهرين مالسه بدري..!! يعني نحنا صبرنا على الإنقاذ 27 سنة مَا حانصبر عليك أنت.. مَعقولة يارَاجل..!!
    ثُمّ لماذا أصلاً تغادر يا حمّيدة..إنت أصلاً الزيّك منو...؟
    !لماذا تغادر وانت وزير وتاجر ودكتور ومُقدِّم برنامج وسبعة صنائع والبخت ضائع في مُؤسّسات الحكومة بس..!
    لماذا تغادر والزيتونة تتوسّع وتتجمّل ومستشفى الخرطوم تنكمش وتُجفّف......لماذا تغادر والمستشفى الأكاديمي ينجب ابناً غير شرعي هو مستشفى التميز..في حين تحتضر المستشفيات الحكومية بنات الحلال..!
    لماذا تغادر وأنت تُرسخ للعلاج الطبقي والتعليم الطبقي...!!
    لماذا تغادر ومرضى السرطان يُهاجرون إلى ود مدني بحثاًعن العلاج الكيميائي بعد تعطل الجهاز الوحيد في مستشفى الذرة بالخرطوم..؟!
    طيِّب أقول ليك حاجة..... والله نحنا أصلاً ما حاننساك ومُستحيل ننساك.....كيف ننساك بس.....انت.. انت بتتنسي..تررم تررم..ما انت روحنا وحبنا..مع الاعتذار لشاعر الأغنية.
    حتى لو استقلت يا حمُيدة..كيف ينساك المرضى الذين يهرولون بين المستشفيات بحثاً عن أساسيات الإسعاف في أقسام الطوارئ.....كيف ينساك المُواطن الذي يشتري القطن والشاش والبنج والإبرة من الصيدليات لتضميد جرحه أو خياطته....... كيف ينساك من يحملون مريضهم داخل درداقة بين المستشفيات بحثاً عن أنبوبة أوكسجين أو سرير في عنبر أو زول ساااااي يقول ليهم الله يجيركم..!
    كيف ينساك من يتسوّلون حق الدواء في ظل عجز الحكومة وفقر المستشفيات وبرنامج النصب المُسمى التأمين الصحي والذي لا تغطي مَظلّته عورة فشلكم.. كيف ينساك المرضى والأدوية إمّا مغشوشة أو معدومة أو مُتاحة بأرقام فلكية..!
    ثم لماذا تعزي إضراب الأطباء إلى أنه إضرابٌ سياسيٌّ......يعني الطبيب من هؤلاء يستحمل البهدلة والمُرتّب الضعيف والبيئة السيئة وكمان الضرب من قِبل المُواطنين والقوات النظامية ويستحمل أنه أنت وزيره وخشمو مايفتحو..!
    خارج السور:
    والله حاتوحشنا الضفادع!!
                   |Articles |News |مقالات |بيانات

07-10-2016, 06:46 PM

عليش الريدة
<aعليش الريدة
تاريخ التسجيل: 17-08-2015
مجموع المشاركات: 1637

للتواصل معنا

FaceBook
تويتر Twitter
YouTube


Re: لماذا تغادر؟؟ سهير عبد الرحيم (Re: Yasir Elsharif)

    والله نحنا أصلاً ما حاننساك ومُستحيل ننساك.....كيف ننساك بس.....انت.. انت بتتنسي..تررم تررم..ما انت روحنا وحبنا..مع الاعتذار لشاعر الأغنية.
    ــــــــــــــــــــــــــــــــــــــــ

    هن احتمالين :
    يا إما الإستاذة دي سابقا زمنا..
    وللا
    كهربتا زائدة..
                   |Articles |News |مقالات |بيانات

07-10-2016, 07:44 PM

جمال ود القوز
<aجمال ود القوز
تاريخ التسجيل: 25-01-2013
مجموع المشاركات: 4354

للتواصل معنا

FaceBook
تويتر Twitter
YouTube


Re: لماذا تغادر؟؟ سهير عبد الرحيم (Re: عليش الريدة)


    غايتو اول مره المره الرايح ليها راجل دي تكتب كلام فيهو فايدة ..
    بعدين مامون حميدة ده يغادر يمشي وين !!..
    لازم يقعد يحضر آخر الدافوري السواهو ده .. ويحضر ضربات الجزاء ..
    ولازمن كمان يجيبو معاهو على محمود بتاع المالية داكـ ..
    وعبد الرحمن الخضر .. والي الخرطوم ..
    الناس ديل ما يمشوا بعيد ابداً .. والناس تحافظ عليهم ..
    لأنهم ثروة قومية وناس مميزين ودورهم لن ينساهو المواطن ..
    فلابد من منحهم مكافأة نهاية خدمة معتبرة ..
    هم قايلين الناس حتنسى بجاحتهم وقلة ادبهم ديكـ ..
    تعسوا وخاب رجائهم ..
    لن ننسى ورب الكعبة ..



                   |Articles |News |مقالات |بيانات

07-10-2016, 08:36 PM

Yasir Elsharif
<aYasir Elsharif
تاريخ التسجيل: 09-12-2002
مجموع المشاركات: 26938

للتواصل معنا

FaceBook
تويتر Twitter
YouTube


Re: لماذا تغادر؟؟ سهير عبد الرحيم (Re: جمال ود القوز)

    إيه رأيك في الكلام بتاع الصحفية سهير هنا يا ود القوز؟؟

    http://www.mrkzgulf.com/http://www.mrkzgulf.com/
                   |Articles |News |مقالات |بيانات

07-10-2016, 09:05 PM

Hatim Alhwary
<aHatim Alhwary
تاريخ التسجيل: 23-01-2013
مجموع المشاركات: 1998

للتواصل معنا

FaceBook
تويتر Twitter
YouTube


Re: لماذا تغادر؟؟ سهير عبد الرحيم (Re: Yasir Elsharif)

    لووول
    غايتو لديحة لداحة

    ودي صحافة يعني؟

    غايتو بلد بقت ما معروف النصيح من المجنتر
    وكلو قاعد بكتب
                   |Articles |News |مقالات |بيانات

07-10-2016, 09:39 PM

جمال ود القوز
<aجمال ود القوز
تاريخ التسجيل: 25-01-2013
مجموع المشاركات: 4354

للتواصل معنا

FaceBook
تويتر Twitter
YouTube


Re: لماذا تغادر؟؟ سهير عبد الرحيم (Re: Yasir Elsharif)

    مقال تعبان زيو وزي كثير من مقالاتها ..
    هسه المجلس التعبان ده ..
    حيقدر يغير شنو في الظلم والفقر والفساد الفي البلد ..
    ولاّ ده تحميل للمجلس بما لا يحتمل ..
    عشان ستي سهير تقدر تمررفكرتها العاضة والمجلية عن الزنا والزناة ..
    ما ياهو مجلس حسبة أو مجمع فقه ..
    زيو وزي جماعة الحسبة والفقه أو أياً كان مسماهم في الدول الاخرى ..
    فهل مطلوب منهم لعب دور اكثر من الأدوار والمهام الموكلة إليهم ..
    مثل وقت دخول وقت رمضان والاعياد والاهله والأضحية ..
    وهكذا امور تعتبر من ضمن مهام مجالس الفقه المعروفة ..
    بعدين الجماعة ديل غلطوا في شنو ؟ ..
    قالوا مايغيروا الحدود الكلام ده الغلط فيهو شنو !! .
    .ولاّ ستي سهير عايزه تتريق على الدين ..
    ولا ترى اهمية للحاجات الفارغة الزي دي ..
    ولا ترى لها لازمة أو أن يعملوا ليها مجلس من أساسه ..
    هل المطلوب من المشايخ ديل عشان ترضى عنهم ست سهير ..
    هل مطلوب منهم يمشوا يقبضوا ليها كل الناس البيزنوا ..
    ويرجموهم بدلاً عن الشنق كما قرر مجلس الوزراء ..
    أم هل المطلوب ان يوافقوا على الشنق بدلاً من الرجم مثلاً ..
    ولاّ المطلوب منهم يبدوا رأيهم كمواطنين في الفقر والفساد ..
    ولاّ المطلوب منهم شنو بالظبط ..
    الوليه دي احسن ليها تزح من حاجات الدين دي ..
    وتكتب في ناس مامون حميدة الهاردين فشافيش الناس ..
    وتسيبها من الزناة إن شاء الله يدقوهم في فندكـ ..
    غايتو كان طارت السما الولية دي رايح ليها راجل ..
    عشان كده مابتقدر تزح من الحتات دي ..
    والله أنا ذاتي استغربت كيف سهير غيرت تخصصها ..
    لمن كتبت عن مامون حميدة وانهيار الصحة ..
    وخلت الحتة البين السره والركبة ..

    لنا الله يأخ .......

    (عدل بواسطة جمال ود القوز on 07-10-2016, 10:22 PM)
    (عدل بواسطة جمال ود القوز on 07-10-2016, 10:53 PM)

                   |Articles |News |مقالات |بيانات

08-10-2016, 12:09 PM

اميرة السيد

تاريخ التسجيل: 09-07-2010
مجموع المشاركات: 5598

للتواصل معنا

FaceBook
تويتر Twitter
YouTube


Re: لماذا تغادر؟؟ سهير عبد الرحيم (Re: جمال ود القوز)

    والله يا جماعة الصحفية سهير دي حيرتنا....
    لمن نبذت رجال السودان بكلمات نتنة وشينة
    هاجمناها هجوما شديدا...وانا بالذات هاجمتها
    هجوم شديد لانها تطاولت واساءت اساءة بالغة
    لرجال السودان دون وحه حق..وبقت تقارنخم
    برجال لبنان..وشتان ما بين الاثنين..

    لكن هنا وفي هذا المقال اتغيرت وابدعت...مقال
    قوي وكانها صحفية متمرسة ..ويبدو ان لكل جواد
    كبوة....وان مقالها ضد رجال السودان كبوة...
    ونرجو ان تقوم وتكتب لينا مقال تعتذر فيه لرجال
    السودان المعروفين وسط شعوب العالم بالشهامة والكرم
    والمروءة والتفاني....وذلك حتى يعود اعجبابنا بكتاباتها
    القوية والمفيدة....
    والله يديكم الصحة والعافية
                   |Articles |News |مقالات |بيانات

08-10-2016, 01:39 PM

Yasir Elsharif
<aYasir Elsharif
تاريخ التسجيل: 09-12-2002
مجموع المشاركات: 26938

للتواصل معنا

FaceBook
تويتر Twitter
YouTube


Re: لماذا تغادر؟؟ سهير عبد الرحيم (Re: اميرة السيد)

    سلامات يا أميرة السيد
    وشكرا لك على التفصيل بخصوص مقال سابق لم أقرأه بعد، ولكني أثق في تقييمك وعشمي أن تكون كما قلت أنت "كبوة" من الكاتبة الصحفية سهير عبد الرحيم، وآمل أن تكتب ما هو جدير بمثلها في الاعتذار للشعب السوداني رجالا ونساء لأن ما يمس الرجل السوداني يمس الرجال والنساء وما يمس المرأة السودانية يمس كذلك الرجال والنساء.

    ياسر
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de