منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 09-20-2017, 01:09 PM الصفحة الرئيسية

المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

لأصدقائي المغتربين الطيبين البسطاء، تعظيم سلام!!!!

07-15-2017, 12:09 PM

عبدالمنعم الطيب حسن
<aعبدالمنعم الطيب حسن
تاريخ التسجيل: 11-15-2012
مجموع المشاركات: 2478

للتواصل معنا

FaceBook
تويتر Twitter
YouTube


لأصدقائي المغتربين الطيبين البسطاء، تعظيم سلام!!!!

    12:09 PM July, 15 2017

    سودانيز اون لاين
    عبدالمنعم الطيب حسن-السعودية؛ الرياض
    مكتبتى
    رابط مختصر

    اول المضحيين؛
    واول الملامين؛
    ولطيبتهم الكل يعطي نفسه الحق بان يستجوبهم!!!
    بالله عشرين سنة سويت شنو؟
    طيب المصاريف الراتبة-غير الطواري- خلال العشرين دي ليه ما بتحسبا!!!

    ...........................
    بوست محجوز لاثبات فضلهم وانسانيتهم وتضحيتهم؛
    شايف في حملة شماتة وسخرية؛
    تجاه التطورات الاخيرة التي حصلت في مغترباتهم المختلفة؛؛
                   |Articles |News |مقالات |بيانات

07-15-2017, 01:14 PM

عبد العزيز محمد عمر

تاريخ التسجيل: 02-16-2013
مجموع المشاركات: 2627

للتواصل معنا

FaceBook
تويتر Twitter
YouTube


Re: لأصدقائي المغتربين الطيبين البسطاء، تعظي (Re: عبدالمنعم الطيب حسن)


    اخونا احمد المقدم البدين في الدمام أول ما جيت جاء زارني في الشقة وقال لي ارح نطلع شوية
    وبارك لي القدوم للسعودية وتمنى لي طيب المقام... وقالي نالسودان دا تقول حوض رملة .
    قدر ما تكب ما بينفع.. المهم أثناء التجوال قال لي انه حنمشي للميكانيكي سامع لي صوت في السيارة
    سلمنا السيارة والميكانيكي نزل تحتها... وابتدينا ندردش شويتين.. في الحتة دي اخونا المقدم كان بيقول
    لي أنه ناس السودان بيحسبوا راتبك .. ويطلعوا مصاريفك ويختوا انك وفرت كم.. قلت ليهو كيف.؟
    قال لي قول انو راتبك الفين وخمسمية ريال.. بيقولوا الزول دا أكل منها 500 ريال، ورسل 500 ريال،
    وووفر 1500 ريال، يضربوها في السنة يقولوا الزول دا عنده سنوياً 18000 ريال ..
    في سنتين 36000 ريال ويحولوها ليك بالسوداني .ويطلعوك مليونير...
    في اللحظة دي الميكانيكي طلع من تحت السيارة .. وقال ليهو العادم منتهي ولازم تغيروا... ودا بيكلفك
    300 ريال... صاحبي المقدم عاين لي وقال لي :
    ( هسع ال 300 ريال دي ناس السودان ما حاسبينها لي)..

    لنا الله ونحمد الله أن هذا كان قدرنا


    الشغيل
                   |Articles |News |مقالات |بيانات

07-15-2017, 02:45 PM

عبدالمنعم الطيب حسن
<aعبدالمنعم الطيب حسن
تاريخ التسجيل: 11-15-2012
مجموع المشاركات: 2478

للتواصل معنا

FaceBook
تويتر Twitter
YouTube


Re: لأصدقائي المغتربين الطيبين البسطاء، تعظي (Re: عبد العزيز محمد عمر)

    شكرا عبدالعزيز الشغيل
    ساعود لمداخلتك القيمة،
    ...................
    ياخ ديل ملحوا الارض؛
    وبنوا الضل والضرا؛
    استعدلوا ضهر الشعب اللعوج
    في وقت تنصلت فيه الحكومة عن واجباتها وافترت؛
    عالجوا
    كسوا
    علموا
    ومرات برسلوا مصاريف فنجرة ساكت للناس القاعدين هناك؛
    لا يخلو بيت سوداني من مغترب؛
    ليه تشمت في اخوك وسندك
    وقد جارت عليهو ايّام
    كانت جائرة دوما عليك؛
    ........
    ساعود
    الوجع كتير؛
    لكن شقي الحال يقع في الغربة!!!
                   |Articles |News |مقالات |بيانات

07-15-2017, 06:16 PM

عبدالمنعم الطيب حسن
<aعبدالمنعم الطيب حسن
تاريخ التسجيل: 11-15-2012
مجموع المشاركات: 2478

للتواصل معنا

FaceBook
تويتر Twitter
YouTube


Re: لأصدقائي المغتربين الطيبين البسطاء، تعظي (Re: عبدالمنعم الطيب حسن)

    عارف يا الشغيل يا اخوي؛
    البسوي المغتربين ديل هوالواجب فقط...
    لا يرجون منه جزاءا ولا شكورا،،،،
    ولا حتى اعتراف؛
    تسوي الواجب؛ وترجى الله في الخروج النهائي..
    ألما بحسبو لينا كتير؛ بحسبو السنين بس
    وبنسوا اي خطابات؛ ثم مسكولات؛
    وواتسابات؛
    وينتظرون الشماتات؛
    ليه بس؟
    غريبة مش!!!
    ينسون؛
    ساعات الدوام الطويلة
    والمشاوير والزحمات؛ والغربة الكؤود؛
    والله اكتر ما يؤلمني منظر متغرب
    أنفق سنوات عمره لأسرة ممتدة؛ والتفت لنفسه اخيراً
    وهو يصارع الأمراض لتوصيل تلميذ لمدرسة؛
    ووداع بنته في المطار؛
    او استقبال ابنه العايد لتجديد الإقامة،ثم المغادرة
    بشق الانفس، كما الحضور....
    يا لهم من مكافحين حتى الرمق قبل الأخير؛
    ثم يا لهم من نبلاء خيرين؛ عفيفين؛
    أصدقائي المغتربين؛
    كلكم ليكم القومة؛
    والانحناء ....
    ولكم احترامي؛

    ......
    ساعود
                   |Articles |News |مقالات |بيانات

07-16-2017, 08:30 AM

عبدالمنعم الطيب حسن
<aعبدالمنعم الطيب حسن
تاريخ التسجيل: 11-15-2012
مجموع المشاركات: 2478

للتواصل معنا

FaceBook
تويتر Twitter
YouTube


Re: لأصدقائي المغتربين الطيبين البسطاء، تعظي (Re: عبدالمنعم الطيب حسن)

    اهلنا يشلعوا؛
    والحكومة تضبح وتسلخ فينا!!!!
    دفعونا لامن فترنا؛
    حتى لم يعد هنالك شيئا ندفعه؛
    دفعونا رسوم مغادرة؛
    ورسوم قدوم؛
    وترعتي الرهد وكنانة؛
    وشريان الشمال...
    ووريد الجنوب,,,
    الزكاة الفضائية؛؛؛
    اتاتوات اتاوات!!!
    ورمتنا عضم؛ حكومة الجن دي!!!
    بالله لو فيها رجل واحد فيها رشيد؛
    لسمح للمغربين الراجعين غصب للظرف الحرن؛
    لسمح لهم بدخول سياراتهم الشخصية مقابل مبلغ رمزي بالعملة الحرة؛
    بعد السنين دي كلها لا يستطيعون الشحططة مع الركشات؛ وان كانت مكيفة!!!
    ودا اقل جزاءا يقدم لهم من دولة حملوا عنها العب سنينيا طوال!!!
    ليه تدفعهم جمارك عالية بالعملة السودانية المنهارة اصلا؛
    بعدين الحكومة الورق السوداني المنهار دا عاوزا بيهوشنو؟
    ما هي قاعدة تطبع!!!!
    ساكت برا تغطية؛؛؛
    سلام؛
    ساعود؛
                   |Articles |News |مقالات |بيانات

07-17-2017, 08:37 AM

عبدالمنعم الطيب حسن
<aعبدالمنعم الطيب حسن
تاريخ التسجيل: 11-15-2012
مجموع المشاركات: 2478

للتواصل معنا

FaceBook
تويتر Twitter
YouTube


Re: لأصدقائي المغتربين الطيبين البسطاء، تعظي (Re: عبدالمنعم الطيب حسن)

    هلا باحبابي الكرام الطيبين المغتربين
    والله عارف
    الفيكنا مكفينا
    فقد اتسع الرتق على الراتق والمرتوق
    بس انها
    إثبات حقوق ومواقف
    وفش غباين
    تعالوا أبها الفقراء الا من الحب
    تعالوا أيها الطيبين
    سلام
    ساعود
                   |Articles |News |مقالات |بيانات

07-17-2017, 09:09 AM

عبداللطيف خليل محمد على
<aعبداللطيف خليل محمد على
تاريخ التسجيل: 09-01-2004
مجموع المشاركات: 3481

للتواصل معنا

FaceBook
تويتر Twitter
YouTube


Re: لأصدقائي المغتربين الطيبين البسطاء، تعظي (Re: عبدالمنعم الطيب حسن)


    منعم :

    شكراً جزيلاً ..

    صديق عزيز جا السعودية قبل 14 عام ..
    14 سنة ..
    14 حول .. بالتمام و الكمال ..

    شغال ( 7 ايام في الاسبوع ) بعائد لا بأس به ..
    خرج 3 اشقاء و شقيقة واحدة من الجامعات في تخصصات مختلفة .

    و كل مرتبو بتحول السودان الا جزء يسير كمصروف عادي جدا يستر الحال ..

    و شيد للأسرة بيت محترم ..
    في حي راقي ..

    و على حسابه :
    حج من حج
    و اعتمر من اعتمر
    و زار من زار .. من أفراد أسرته ..

    ابدا لم يبخل بشي .. ( أساسيات و كماليات ... و ترفيه )

    قال لي : انا ماشي اجازة .. لكن و الله عنقريب انوم فيه ما عندي .
    و هو الذي كدح 14 سنة متواصلة ..

    قال لأمو : يا حاجة انا جاي السودان و تاني ما راجع السعودية !!!

    قالت ليه : كر يا ولدي .. كيف تجي و أنا لسة ما ضقت شقا غربتك ؟




                   |Articles |News |مقالات |بيانات

07-17-2017, 02:53 PM

عبدالمنعم الطيب حسن
<aعبدالمنعم الطيب حسن
تاريخ التسجيل: 11-15-2012
مجموع المشاركات: 2478

للتواصل معنا

FaceBook
تويتر Twitter
YouTube


Re: لأصدقائي المغتربين الطيبين البسطاء، تعظي (Re: عبداللطيف خليل محمد على)

    تصدق يا لطيف،
    اغرورقت عيناي بالدموع وانا اقرأ اخر عبارات مداخلتك....
    ياخ دا نكران جميل،
    وجحود مبالغة....
    والطعنة عميقة وحادة ومتقيحة تبقي....
    خاصة عندما تجي من اقرب الأقربين
    ياخ الناس البيقادي ديل اتعودوا علي الملح؛
    وخلوا خشمنا ملح ملح..

    اجاج وعدم اعتراف ومبالغة


    سمح الصبر
                   |Articles |News |مقالات |بيانات

07-17-2017, 03:24 PM

Zakaria Fadel
<aZakaria Fadel
تاريخ التسجيل: 01-24-2013
مجموع المشاركات: 552

للتواصل معنا

FaceBook
تويتر Twitter
YouTube


Re: لأصدقائي المغتربين الطيبين البسطاء، تعظي (Re: عبدالمنعم الطيب حسن)

    الاخ الكريم عبد المنعم
    حتى لا تؤخذ مداخلتي بفهم لا اقصده أوضح بأنني مغترب طيلة عمر الإنقاذ

    نعم غالبية المغتربين هم من ذكرت
    ولكن هناك عدد لابأس به يلحق بالمغتربين صفات ليست جيدة باي حال من الأحوال
    هناك من يرسم صورة مغايرة تماما للوضع الذي يعيشه
    وهناك من يتول الصرف وهو لا يملك القدرة لذلك حتى لا يشعر بالدونية
    وهناك من اغترب و نسى أهله تماما
    وهناك من سعى لجمع المال حتى ( يصرف) سالكا طرقا غير شرعية

    ليست هناك معادلة ثابتة يمكن تطبيقها على الكل
    فلنثمن دور الأمثلة التي ذكرت و نسال الله لهم خير الثواب
    ولندعوا للأمثلة التي ذكرتها انا بالهداية للطريق القويم
    ولنأمل من كل مغترب ان يكون خير سفير لاهله و بلده
                   |Articles |News |مقالات |بيانات

07-17-2017, 04:30 PM

محمد الأمين موسى
<aمحمد الأمين موسى
تاريخ التسجيل: 10-30-2005
مجموع المشاركات: 3308

للتواصل معنا

FaceBook
تويتر Twitter
YouTube


Re: لأصدقائي المغتربين الطيبين البسطاء، تعظي (Re: Zakaria Fadel)

    Quote: حكومة الجن دي!!!
    بالله لو فيها رجل واحد فيها رشيد؛
    لسمح للمغربين الراجعين غصب للظرف الحرن؛
    لسمح لهم بدخول سياراتهم الشخصية مقابل مبلغ رمزي بالعملة الحرة؛


    تعرف يا عبدالمنعم لو فيها رجل رشيد حقا لسمح لهم بإدخال سياراتهم معفية تماما من الجمارك والرسوم كتعبير بسيط عن العرفان بالجميل.
    تعرف فضل مغتربي السعودية لم يقتصر فقط على أهلهم، بل تجاوزه للحكومة بشكل أوضح. فلولا قنصلية جدة لما قامت للإدارة القنصلية بالخارجية قائمة في عهد الإنقاذ، لأن جل السفارات تصلها منصرفاتها من مداخيل قنصلية جدة.
    أنا أشبه فضل مغتربي السعودية على بقية المغتربين كفضل سيدنا أبي بكر الصديق على بقية الصحابة.
                   |Articles |News |مقالات |بيانات

07-18-2017, 09:33 AM

عبدالمنعم الطيب حسن
<aعبدالمنعم الطيب حسن
تاريخ التسجيل: 11-15-2012
مجموع المشاركات: 2478

للتواصل معنا

FaceBook
تويتر Twitter
YouTube


Re: لأصدقائي المغتربين الطيبين البسطاء، تعظي (Re: محمد الأمين موسى)

    الاخ محمد الأمين موسى
    شكرا للمرورالقول ما قلت
    ليس هنالك رشيدا في هذه الحكومة وفِي هذا الحزب
    ديل العاقل فيهم بتيرب بالبليلة؛
    موضوع السيارات دا ذو شجون
    لكن غالبا ما يبيع العايد نهائيا للوطن
    سيارته بتراب الفلوس هنا
    لانه لا قبل له بالموديل
    ولو داخل الموديل
    لا قبل له بالجمارك،
    وهي باي حسابات أحسن من كتير من السيارات
    الحايمة في البلد الهاملة ديك


    ........
    المغتربين ضهرهم اعوج
    وقشة واحدة تقصمه،
    الحكومة تشيل وتردم في القش؛
    ....
    سلام
                   |Articles |News |مقالات |بيانات

07-17-2017, 04:47 PM

عبدالمنعم الطيب حسن
<aعبدالمنعم الطيب حسن
تاريخ التسجيل: 11-15-2012
مجموع المشاركات: 2478

للتواصل معنا

FaceBook
تويتر Twitter
YouTube


Re: لأصدقائي المغتربين الطيبين البسطاء، تعظي (Re: Zakaria Fadel)

    هلا زكريا
    شرفت البوست....
    نعم طالما ذكرت ان غالبية المغتربين سمحين!!
    لكن لا اعتقد السالب عدد مقدر؛
    كونها ظاهرة هؤلاء المنفلتين هم شواذ لها....
    والشواذ ومن في حكمهم لا حكم عليهم؛
    ولا قياس!

    تسلم صديقي المغترب؛


    ...........................
    حرية
    سلام وعدالة
    والعريجاء لي مراحا؛
                   |Articles |News |مقالات |بيانات

07-18-2017, 09:52 AM

علي عبدالوهاب عثمان

تاريخ التسجيل: 01-17-2013
مجموع المشاركات: 5606

للتواصل معنا

FaceBook
تويتر Twitter
YouTube


Re: لأصدقائي المغتربين الطيبين البسطاء، تعظي (Re: عبدالمنعم الطيب حسن)

    حبيبنا عبدالمنعم .. مودتي ..
    كم من المدارس والمرافق الصحية تم بناؤها عن طريق المغتربين
    فنحن على إمتداد دنقلا وعبر جمعياتنا في دول الاغتراب أنجزنا أكثر من الحكومة ..
    تخيل ما تم جمعه من التبرعات وقيمة المعدات التي تم تزويد جامعة دنقلا عند إنشائها بلغت
    أكثر 600 الف ريال وأنا كنت قريب من اللجنة التي قامت بهذه المهمة
    بالاضافة إلى قسم الكلى في مستشفى دنقلا .. والاسعاف
    وايضاً في مستشفى البرقيق ( غرف عمليات ، غسيل الكلى ، العناية المركزة )
    قام بها جمعيات أبناء كرمة البلد وبعض الميسورين منهم ..
    ولاننسى تجديد المدارس والمساجد .. إلخ ..
    أصبحت هذه من القيم والسلوكيات بالنسبة لنا ..
    العمرة الجماعية للمدرسين من القرى ..
    كشوفات العلاج لغير القادرين .. كشوفات المآتم .. وغالباً ما تكون أسبوعية في الجمعيات
    والكثير .. هذا مثال .. ومازال

    أكثر شيء تقززت منه .. كان البشير في لقاء وقال ضمن حديثه ( المغتربين مشغولين بتغيير دقات الدهب ) كانت جملة صادمة

    مودتي ..
                   |Articles |News |مقالات |بيانات

07-18-2017, 12:54 PM

عبدالمنعم الطيب حسن
<aعبدالمنعم الطيب حسن
تاريخ التسجيل: 11-15-2012
مجموع المشاركات: 2478

للتواصل معنا

FaceBook
تويتر Twitter
YouTube


Re: لأصدقائي المغتربين الطيبين البسطاء، تعظي (Re: علي عبدالوهاب عثمان)

    هلا صديقنا علي عبدالوهاب
    كتر خيرك؛
    شكرا لاهلنا في الشمال فقد قاموا من زمن طويل؛
    وما زالوا؛
    بأداء دور الدولة وقد تخلت عن شعبها تماما،
    وكذا جموع المغتربين في كل الوطن البتول؛
    .........
    الحكومة من اكبر دقن لأصغر متحلل،
    تفتقر للحساسية تجاه شعبها،
    فقد ألبسونا وأكلونا البيتزاوالهوت دوق؛
    ...
    وافتروا علينا
    ايما افتراءات

    منهم قنعنا
    ......
    مصيبتنا في الاحباب؛ الاهل القراب؛
    الكلنا في الهم سودان؛؛


    وصابرين؛
    ........

    (عدل بواسطة عبدالمنعم الطيب حسن on 07-18-2017, 02:58 PM)

                   |Articles |News |مقالات |بيانات

07-18-2017, 01:07 PM

امتثال عبدالله
<aامتثال عبدالله
تاريخ التسجيل: 05-15-2017
مجموع المشاركات: 457

للتواصل معنا

FaceBook
تويتر Twitter
YouTube


Re: لأصدقائي المغتربين الطيبين البسطاء، تعظي (Re: عبدالمنعم الطيب حسن)

    صديق عزيز جا السعودية قبل 14 عام ..
    14 سنة ..
    14 حول .. بالتمام و الكمال ..

    شغال ( 7 ايام في الاسبوع ) بعائد لا بأس به ..
    خرج 3 اشقاء و شقيقة واحدة من الجامعات في تخصصات مختلفة .

    و كل مرتبو بتحول السودان الا جزء يسير كمصروف عادي جدا يستر الحال ..

    و شيد للأسرة بيت محترم ..
    في حي راقي ..

    و على حسابه :
    حج من حج
    و اعتمر من اعتمر
    و زار من زار .. من أفراد أسرته ..

    ابدا لم يبخل بشي .. ( أساسيات و كماليات ... و ترفيه )

    قال لي : انا ماشي اجازة .. لكن و الله عنقريب انوم فيه ما عندي .
    و هو الذي كدح 14 سنة متواصلة ..

    قال لأمو : يا حاجة انا جاي السودان و تاني ما راجع السعودية !!!

    قالت ليه : كر يا ولدي .. كيف تجي و أنا لسة ما ضقت شقا غربتك ؟

    ......................................................

    عبد اللطيف

    وصفت حال المغتربين وصف دقيق وكاف وشاف.. ولا نزيد

    مع وافر الاحترام
                   |Articles |News |مقالات |بيانات

07-21-2017, 01:50 PM

عبدالمنعم الطيب حسن
<aعبدالمنعم الطيب حسن
تاريخ التسجيل: 11-15-2012
مجموع المشاركات: 2478

للتواصل معنا

FaceBook
تويتر Twitter
YouTube


Re: لأصدقائي المغتربين الطيبين البسطاء، تعظي (Re: امتثال عبدالله)

    ستدور الأيام دورتها
    والمغترب الراجع للوطن
    لم يعد مغتربا الان
    سيتعايش سريعا مع البلد واهلها

    كما الإسفنجية يمتص الاهات ولا يقهر
    هذا المغترب الذي بذل كل عمره للغير
    ماعاوز غير ان تفرشوا له بساط الحب
    وتغتفروا الغياب
    وتباركوا هذه السنين الضائعة
    السطور الاخيرة للاستاذ محمد المكي ابراهيم
    مع بعض تحوير ليناسب المقام
    سلام
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de