منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 16-12-2017, 05:13 AM الصفحة الرئيسية

مدخل أرشيف للعام 2016-2017م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

كرهنا الغربة

23-02-2017, 01:40 PM

عباس الدسيس
<aعباس الدسيس
تاريخ التسجيل: 11-10-2012
مجموع المشاركات: 3342

للتواصل معنا

FaceBook
تويتر Twitter
YouTube


كرهنا الغربة

    01:40 PM February, 23 2017

    سودانيز اون لاين
    عباس الدسيس-Saudia
    مكتبتى
    رابط مختصر

    الحل شنو هنا نار والسودان نار الله الكبري
    معانا زميلنا سعودي الضهر الله اكبر اجيك اتاوق في المكتب يلا الصلاة
    العصر الله اكبر يلا الصلاة
    بعدين بقولا بنهره تكون مندمج في سودانيز و ل الفيس مع موضوع تسمع ..الصلاااااااااااة
    لما تتخلع اها يوم زهجان ناديتو وقلت ليهو يا ابو الشباب ارجوك فكني من نهرتك انا شيعي ..فتح خشمو ومشي مني
    قام مسك ليهو موضوع تاني بمر مكتبي خلال اليوم قريب عشرة مرات وبنهره السلاااااااااااااااام عليييييييييكم
    الزول دا صوتو اخت فيك خلعه لما قلبك اشتغل بالخطوات السريعه ذكرني خلعه مرة كنا في زالنجي والكهرباء بوقفوها الساعة عشرة
    وكنت راقد بره في السرير ورافع رجلي في الحيطه وبغني ومافي زول معاي في الميز والجو سخانه وقاعد بالبنطلون بدون قميص و ل فنيلة داخليه
    ومنبسط مية قيراط ومنطرب فجأة احس ليك جمب الكلوة حاجة ساقطه تتلصق فيني ومرة تزح اقيف من الغنا افتح خشمي تتلصق فيني وتزح ثلاثة اربعة مرات
    اها قلته الله الليلة امانه ما مات راجل البتاع البتلصق دا ثعبان اتخارج منو كيف
    جمعت قواي واتنفضت من السرير لقيت روحي طاير في الهواء اردلب وقعت في الواطه اليدين اتظلطن واضربت في راسي كلو ما حسيت بيهو افتش للبطارية عشان اشوف الثعبان
    تصدقو لقيت دا الحزام بتاع البنطلون كان مفكوك وراس الحزام الحديد.
    نرجع لي زول السلاااااااااااااااام عليييييييييكم الليلة خلعني بيها ذكرتني بتاعت الحازام
    ناديتو بهدؤ .... يا حبيبنا قصة الصلاة انتهينا منها جبتا ليك حاجة تانية اهدوها من الحوامه تبيت بره
    عليك الله فكني من سلامك دا ياخ احنا في عهد الصحابه كل نص ساعة سلام
    بعدين ياخ انت عندك سيئات عايز تلقطا فيني انا
    كرهتنا الواحد ما اقعد بصفاء
    اها الزول دا خلي كل حاجة واتلايق فيني قال اشرح ليهو حكاية اهدوها من الحوامه تبيت بره
    نطلع الاعلانات ونواصل
                   |Articles |News |مقالات |بيانات

23-02-2017, 01:54 PM

Khalid Elsayed
<aKhalid Elsayed
تاريخ التسجيل: 25-01-2017
مجموع المشاركات: 496

للتواصل معنا

FaceBook
تويتر Twitter
YouTube


Re: كرهنا الغربة (Re: عباس الدسيس)

    ههههههههههههههههههههههههههههههههههه
    مرة في السعودية وقت صلاة العصر مطوع شبكني الصلاة الصلاة يا سوداني (كررا مرتين التقول مكتوب في وشي .. لا يصلي ) .. بكل برود قلت ليهو على سفر
                   |Articles |News |مقالات |بيانات

23-02-2017, 02:36 PM

علي عبدالوهاب عثمان

تاريخ التسجيل: 17-01-2013
مجموع المشاركات: 6163

للتواصل معنا

FaceBook
تويتر Twitter
YouTube


Re: كرهنا الغربة (Re: Khalid Elsayed)

    حبيبنا الدسيس .. مودتي .. بوست مريح ويريح الاعصاب .. خلينا نتونس شوية ..
    كان عام 1983م ضبط شديد جداً لمواقيت الصلوات ..
    جمعيتنا ( ناس ضواحي الدنيا ) كانت في شارع الريل .. قريبي جاء من الطائف
    لزوم التسوق في البطحاء إستعداد للسفر .. دخلنا السوق قبل صلاة العصر .. قبل ضربة البداية للتسوق
    وقبل الاذان .. صلاة .. صلاة .. الناس قفلوا المحلات .. وبنفس الطريقة صلاة المغرب ( في الصيف الليل سريع )
    وعندما اقتراب صلاء العشاء قريبي خلاص الضغط مليون .. جاء المطوع ينادي صلاة صلاة ..
    قريبي خلاص زهجان .. قال ليه (( بعد صلاة العشاء حتقول شنو تاني )) المطوع إشتبك معاه ..
    وزمان اي كلام مع المطوع مغادرة على طول .. تدخلت كوسيط .. وقلت ليه (( زول ده شوية مخه تعبان يتكلم أحياناً خارج النطاق - ليس على المريض حرج ))
    كلمت قريبي بالنوبية عشان يعمل شوية حركات بسيطة كده .. صدق المطوع وقال ( ربنا يشفيه )
    المهم المطوع إقتنع وسامحه ..
    الجماعة لمن رجعنا الجمعية عقدوا إجتماع طاريء ( وحذروه بعدم الرد على المطاوعة وتنفيذ أوامرهم .. الدنيا أكل عيش ) مع أن أيام نميري كان أرحم

    شكراً دسيس ..
                   |Articles |News |مقالات |بيانات

23-02-2017, 03:01 PM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 15864

للتواصل معنا

FaceBook
تويتر Twitter
YouTube


Re: كرهنا الغربة (Re: علي عبدالوهاب عثمان)

    صحبي الله يطراهو بالخير
    قال
    ابوي بصحيني صلاة الصبح للصلاة
    الدنيا شتاء
    بمرق ادفق الموية من الابريق نظام اتوضيت وكدة
    وبخش جوة البطانية واسمعو الاقامة والصلاة
                   |Articles |News |مقالات |بيانات

23-02-2017, 03:23 PM

جلالدونا
<aجلالدونا
تاريخ التسجيل: 26-04-2014
مجموع المشاركات: 5322

للتواصل معنا

FaceBook
تويتر Twitter
YouTube


Re: كرهنا الغربة (Re: عبدالحفيظ ابوسن)

    خالتى الله يرحما و يحسن إليها
    كان بعد ما تختم صلاتا تقول
    اللهم صلّى على المرسلين و المرسلات و النبيين و النبيات
    نقول ليها :ياخالة مافى مرة رسول ولّ نبى
    تقول : لأ فى بس انتو يا صىف الرجال حاقرين بيهن
                   |Articles |News |مقالات |بيانات

23-02-2017, 04:27 PM

أحمد محمد عمر

تاريخ التسجيل: 03-03-2010
مجموع المشاركات: 2195

للتواصل معنا

FaceBook
تويتر Twitter
YouTube


Re: كرهنا الغربة (Re: جلالدونا)

    أيام الجامعة كنا مؤجرين لينا بيت في الثورة .. نحن طلبة عزابة مساكين عندنا فرد زير ومكسر ومليس بي اسمنت ولا ببرد ذاتو
    جارنا راجل ضكران ما عندو اولاد وبناته مؤدبات أدب شديد لمن عوارة .. النوع الما برفع عينه في الشارع داك
    جات ليك علينا أيام سخانة تلحم .. بتجي داخل البيت عرقان وعفنان وهدومك كلها سايلة موية وما شايف أي حاجة قدامك
    أها بنات عمك دة اول ما يسمعو حركتنا في البيت برفعوا ليهم جركانة تلج في الحيطة بدون أي كلام .. شغل التجارة الصامتة داك
    نحن نشيلها التلج نكسره في الجردل ونرجع الجركانة الحيطة ونقعد نشرب منه لحدي المغرب .. مافي حاجة بتهون علينا السخانة غير تلج بنات عمك ديل
    بقينا لمن نجي من الجامعة قبل ما نغير هدومنا ذاتو نقيف عنيه تحت الحيطة ونتكلم مع بعض بصوت عالي نظام نحن جينا وكدة
    دقايق مافي بتكون جركانة التلج في الحيطة محل بنتكلم
    اليوم داك عندنا زميلنا كبير في العمر متجرس من السخانة داير يموت شغال لينا بس متيييين نصل البيت ونشرب تلج عمك .. جرى دخل البيت قدامنا وقبل ما نوصل بقى قاعد تحت الحيطة ويلغلغ عامل فيها بتكلم مع زول عشان يسمعوهو .. بس سمع ليك صوت الحاجة في الحيطة اتختت جمبو وطاخ مد ليك يدو يقبض الجركانة أكان يسمع ليك نااااااو والكديسة طايرة في وشه

    غايتو اليوم داك بعد ما جات ما الكديسة جرت وشردت من المجنون البقابض فيها دة وبعد ما الجركانة جات نحن ما فينا واحد قادر يقوم من الواطة عشان يشيلها .. بس ماسكين بطونا وراقدين في الواطة نضحك
                   |Articles |News |مقالات |بيانات

24-02-2017, 10:45 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 7983

للتواصل معنا

FaceBook
تويتر Twitter
YouTube


Re: كرهنا الغربة (Re: أحمد محمد عمر)

    Quote: قال ليه (( بعد صلاة العشاء حتقول شنو تاني ))

    هههههههه ,,,
    ده زى هاشم ,, اعمامه غسبوهو يتزوج بت عمه وهو ما عاوزها وماداير يقول السبب وكت عمه عصر عليهو قال ليهو:
    ياعمى البت دى كبيرة وشينة ,, عمه قال ليهو: ياهاشم انت اول واحد
    يتزوج مرا اكبر منه؟ ,, النبى ما اتزوج السيدة خديجة وهى أكبر منو!!
    هاشم قال لى عمه: أها ياعمى أنا والنبى تانى منو؟
    *****
    طبعاً عمه جَلاَّ حكاية شينة دى زى الجماعة البقتبسوا من كلامك ويخلوا
    الباقى ,,,,,
                   |Articles |News |مقالات |بيانات

25-02-2017, 05:37 AM

Basamat Alsheikh

تاريخ التسجيل: 15-08-2015
مجموع المشاركات: 2356

للتواصل معنا

FaceBook
تويتر Twitter
YouTube


Re: كرهنا الغربة (Re: عبدالعزيز الفاضلابى)

    ود الفاضلاب
    دي ما سبقك عليها زول...
    عباس الدسيس
    شكرا ياخي ..والله انت بالبوست ده مرقتنا من الزهج
    وخليتنا نضحك بهستيريا.بوست فعلا ظريف جدا..من بيت
    الكلاوي
    ودمت بالف خير
                   |Articles |News |مقالات |بيانات

25-02-2017, 06:33 AM

عبد العزيز محمد عمر

تاريخ التسجيل: 16-02-2013
مجموع المشاركات: 2667

للتواصل معنا

FaceBook
تويتر Twitter
YouTube


Re: كرهنا الغربة (Re: Basamat Alsheikh)



    قبل كدا الجماعة ديل عكشوني ليك في الدمام بعد الأذان بدقيقة واحدة بس ..

    اليوم داك صلوا بينا في مركز الهيئة العشاء الساعة حداشر بالليل ..

    بالسور الطوييييلة ....


    يا ربي اسمي لسه مكتوب عندهم ..؟؟



    .
                   |Articles |News |مقالات |بيانات

26-02-2017, 05:06 AM

عباس الدسيس
<aعباس الدسيس
تاريخ التسجيل: 11-10-2012
مجموع المشاركات: 3342

للتواصل معنا

FaceBook
تويتر Twitter
YouTube


Re: كرهنا الغربة (Re: عبد العزيز محمد عمر)

    Quote:
    ههههههههههههههههههههههههههههههههههه مرة في السعودية وقت صلاة العصر مطوع شبكني الصلاة الصلاة يا سوداني (كررا مرتين التقول مكتوب في وشي .. لا يصلي ) .. بكل برود قلت ليهو على سفر


    خالد يا وجيه اخبارك
    انت من الناس اللذيذين عجبتني دخلتك الحلوة علي سودانيز
    اول ما جينا السعودية كان النت جديد اشتغلت في مؤسسة عندها مقاهي ومحلات نت
    وقت الصلاة كنا بنقفل المقهي ونقعد جوه بكابسونا المطوعه اخمونا نمشي اكتبونا تعهدات
    ونقعد نصلي المغرب والعشاء حتي افكونا
    ربنا اكرمني بشغله احسن منها خليت المقهي
    الجماعه بكلموني قالو المطوعه مرة جو عملو كشة قبضوهم قعدو اقلبو في المقهي تحت فوق قالو السوداني وين
    الجماعه حاولو اقنعوهم السوداني خلي الشغل ما قتنعو خالص في النهاية وقت ما لقوني فكو الجماعه ومشو
                   |Articles |News |مقالات |بيانات

26-02-2017, 05:27 AM

الطيب رحمه قريمان
<aالطيب رحمه قريمان
تاريخ التسجيل: 21-03-2008
مجموع المشاركات: 12477

للتواصل معنا

FaceBook
تويتر Twitter
YouTube


Re: كرهنا الغربة (Re: عباس الدسيس)

    عياس الدسيس .. تحياتى و تقديرى .. الايام دى .. تمشى المستشفى .. تتكلم انجليزى .. يقولوا لك .. انت من South Africa .. لما تقول .. اى .. يقول لك و اش تبى .. و لما تقول له من امريكا او كندا .. يقولوا لك .. و النعم .. كناية عن الترحاب

    (عدل بواسطة الطيب رحمه قريمان on 26-02-2017, 06:03 AM)

                   |Articles |News |مقالات |بيانات

26-02-2017, 05:44 AM

عباس الدسيس
<aعباس الدسيس
تاريخ التسجيل: 11-10-2012
مجموع المشاركات: 3342

للتواصل معنا

FaceBook
تويتر Twitter
YouTube


Re: كرهنا الغربة (Re: عباس الدسيس)

    Quote:
    حبيبنا الدسيس .. مودتي .. بوست مريح ويريح الاعصاب .. خلينا نتونس شوية ..

    علي سلام يا حبيبنا
    الله اريحك دنيا واخره
    عندنا واحد صاحبنا من اولاد الدباغه مدني كان زميلنا في الابتدائية والخلوة من اولاد اهلنا الفلاته ملقبنو ببريحك كان صغير لو قلت ليهو اي حاجة بقول ليك بريحك
    اها بريحك دا خلي المدرسة من الابتدائية حسي عندو لاندكرورز وعماره واعمال تجارية اشتغل ((كتبا)) وهي اختصار لشبكوشي
    واختصار لرتينزات وبالعربي تمشي ليهو لو عندك مشكلة اعمل ليك كتابة اخطر من زول في مدني كان اسمو عوض حصحاصة
    عوض دا تخصصو كورة بس كان بتاع نادي الاهلي مدني بكون شغال وقت الكوره رطانه وشايل حصحاص لما اجدع ليك الحصحاصة في الحيطه الكوره هناك بتخش قون
    بريحك مرة في اجازاتي لقيتو صدفه قدام بيتو حق الله بق الله بعد السلام حلف ادخل معاهو البيت
    نشرب في الشاي نتونس والزكريات زمان جاء ولدو قال ليهو في نسوان عايزنك قال ليهو انا موقف الاعمال حتي تنتهي زيارة عباس
    وانا ماشي منو الراجل عايز اخدمني قال لي يا عباس عندك اي زول كان في السعودية و ل هنا عامل معاك لكلكة ومشاكل عشان نوضوب ليك
    قلت ليهو الحمد لله مافي اي شخشخه الراجل مصر ما ممكن يا عباس الانبياء عندهم مشاكل انت اصلو شنو
    وقت شوفتو مصر قلت ليهو طيب يا بريحك عندي المدام عايزك تعمل لي حاجة ليها لو قلته ليها اي كلام تقول لي حاضر
    تعال هنا حاضر امشي هنا حاضر ما تقولي كدا حاضر ما تسألني من الماهيه حاضر جيبي الفيزا العندك حاضر لو شغلك ما جاب نتيجة تكون زول فشنك
    بريحك فتح خشمو وقعد اعاين لي قال لي يا عباس اول مرة اجيني شغل زي دا النسوان بكتبو الرجال انت عايز تكتب المراة والله دي صعبه
                   |Articles |News |مقالات |بيانات

26-02-2017, 05:51 AM

عباس الدسيس
<aعباس الدسيس
تاريخ التسجيل: 11-10-2012
مجموع المشاركات: 3342

للتواصل معنا

FaceBook
تويتر Twitter
YouTube


Re: كرهنا الغربة (Re: عباس الدسيس)

    Quote:
    صحبي الله يطراهو بالخير قال ابوي بصحيني صلاة الصبح للصلاة الدنيا شتاء بمرق ادفق الموية من الابريق نظام اتوضيت وكدة وبخش جوة البطانية واسمعو الاقامة والصلاة


    حباب الناظر ودابوسن
    مرات كثيرة في حاجات بعملها انا
    لما اكتب في النت بقول صاحبي
    صحبي حلوة خلاس زي حكاية امريكا مع المؤتمر الوطني
    اخبارك يا حبيبنا
                   |Articles |News |مقالات |بيانات

26-02-2017, 05:54 AM

عباس الدسيس
<aعباس الدسيس
تاريخ التسجيل: 11-10-2012
مجموع المشاركات: 3342

للتواصل معنا

FaceBook
تويتر Twitter
YouTube


Re: كرهنا الغربة (Re: عباس الدسيس)

    Quote:
    خالتى الله يرحما و يحسن إليها كان بعد ما تختم صلاتا تقول اللهم صلّى على المرسلين و المرسلات و النبيين و النبيات نقول ليها :ياخالة مافى مرة رسول ولّ نبى تقول : لأ فى بس انتو يا صىف الرجال حاقرين بيهن


    جلادونا يا وجيه اخبارك
    انت بطريقتك دي شوية بتبقي مستنير
    اشتقنا لي دخلاتك الظريفه
    تحياتي وتقديري
                   |Articles |News |مقالات |بيانات

26-02-2017, 06:10 AM

عباس الدسيس
<aعباس الدسيس
تاريخ التسجيل: 11-10-2012
مجموع المشاركات: 3342

للتواصل معنا

FaceBook
تويتر Twitter
YouTube


Re: كرهنا الغربة (Re: عباس الدسيس)

    Quote:
    نحن نشيلها التلج نكسره في الجردل ونرجع الجركانة الحيطة ونقعد نشرب منه لحدي المغرب


    احمد محمد عمر اخبارك يا حبيبنا
    في الويك اند الجمعه والسبت ما بفتح النت خالص
    بقراء في مداخلتك اليوم الصباح جاني مهندس زميلنا في الشركة معاهو المدير حقو زول اتربينا سواء في مدني عشرة واهل
    عشان ادخل واسطه للمدير الاداري عندو معاهو شغله وقال بكل الطرق منها كسير الثلج الراجل ما عمل ليهو حاجة ومطانشو
    طبعا وظيفة مدير اداري مسعودة وهو راجل حنكوش
    وقال لي من ضمن كسير الثلج عزمتو زواج ود اخت في السودان والتذكرة علي ود اختي برضو معانا مهندس هنا
    باندهاشة قلت ليهو يازول انت مجنون تعزمو شنو عرس حقنا في السودان
    لما حسي انو خرب الموضوع بالعيزومة قال لي : والله انا عايزو اجي السودان عشان ن............
    نط المدير حقو عندو لجنة ومشكله مع الراء
    قال ليهو: بتبايغ ياخ الزوي دا يو عميتا ليهو كدا بتييحو هو اصيو عايز كدا
    من الصباح الضحك شرطني
    الدردير دا المهندس سيف لو متابع البوست
                   |Articles |News |مقالات |بيانات

26-02-2017, 06:11 AM

عباس الدسيس
<aعباس الدسيس
تاريخ التسجيل: 11-10-2012
مجموع المشاركات: 3342

للتواصل معنا

FaceBook
تويتر Twitter
YouTube


Re: كرهنا الغربة (Re: عباس الدسيس)

    Quote:
    هههههههه ,,, ده زى هاشم ,, اعمامه غسبوهو يتزوج بت عمه وهو ما عاوزها وماداير يقول السبب وكت عمه عصر عليهو قال ليهو: ياعمى البت دى كبيرة وشينة ,, عمه قال ليهو: ياهاشم انت اول واحد يتزوج مرا اكبر منه؟ ,, النبى ما اتزوج السيدة خديجة وهى أكبر منو!! هاشم قال لى عمه: أها ياعمى أنا والنبى تانى منو؟ ***** طبعاً عمه جَلاَّ حكاية شينة دى زى الجماعة البقتبسوا من كلامك ويخلوا الباقى ,,,,,



    حلوة وملعوبة يا عزو
    اخبارك يا حبيبنا
                   |Articles |News |مقالات |بيانات

26-02-2017, 07:21 AM

ياسر السر
<aياسر السر
تاريخ التسجيل: 06-08-2010
مجموع المشاركات: 2696

للتواصل معنا

FaceBook
تويتر Twitter
YouTube


Re: كرهنا الغربة (Re: عباس الدسيس)

    سلام من الله عليك يا عبس وعودا حميدا مستطاب للبوستات المريحة ولينا زمن نفتش ليك وجيتنا الليلة ...
    غايتو يا عبس موضوع عزومة عرس السودان دي بالغتو فيها وموضوع المهندس الالجن باااالغت في انا غايتو عرفتو بالله سلامي وتحياتي ليهو ,,
    على العموم واصل في هذا البوست الظريف ,,, لكن يا خوي كلنا زهجنا من الغربة بس بعد ده عايزنك تعمل لينا دراسة جدوى للعودة الطوعية للوطن ولي مشروع عليهو القيمة كده ..


    تحياتي : ياسر العيلفون .....
                   |Articles |News |مقالات |بيانات

26-02-2017, 06:19 AM

عباس الدسيس
<aعباس الدسيس
تاريخ التسجيل: 11-10-2012
مجموع المشاركات: 3342

للتواصل معنا

FaceBook
تويتر Twitter
YouTube


Re: كرهنا الغربة (Re: عباس الدسيس)

    Quote:
    ود الفاضلاب دي ما سبقك عليها زول... عباس الدسيس شكرا ياخي ..والله انت بالبوست ده مرقتنا من الزهج وخليتنا نضحك بهستيريا.بوست فعلا ظريف جدا..من بيت الكلاوي ودمت بالف خير


    بتنا بسمات اخبارك يا عسل
    كثر خيرك وبارك الله فيك للزيارة
    طبعا الجكس النضيف بتاع سودانيز نادر ما ادخل مفترعاتي
    برقاء من بره واشتت
    لانو احيانا فيها تفلتات
    ما عدا بت عمسيب بتدينا زيات مرة مرة
    اهو كسبناك انتي
    شاكر ومقدر
                   |Articles |News |مقالات |بيانات

26-02-2017, 06:32 AM

عباس الدسيس
<aعباس الدسيس
تاريخ التسجيل: 11-10-2012
مجموع المشاركات: 3342

للتواصل معنا

FaceBook
تويتر Twitter
YouTube


Re: كرهنا الغربة (Re: عباس الدسيس)

    Quote:
    قبل كدا الجماعة ديل عكشوني ليك في الدمام بعد الأذان بدقيقة واحدة بس .. اليوم داك صلوا بينا في مركز الهيئة العشاء الساعة حداشر بالليل .. بالسور الطوييييلة .... يا ربي اسمي لسه مكتوب عندهم ..؟؟


    عبدالعزيز سلام
    الكلام دا حصل لي اول ما جينا السعودية كنت اكثر زول بمسكوني الجماعه ديل
    يوم انا في السوق قبل المغرب في محل كمبيوتر والزحمة كثيرة ومصر اخلص قبل الصلاة عشان ما ندخل في العشاء
    اتعكلته في البائع بصورة غريبه فجأة كبسو علينا اخوك في باب تاني شتت بيهو جري عديل
    اها بتاع الهيئة حرقتو جريتي قال لي يا سوداني والله اليوم تروح السماء انا وراك رفع جلابيتو وجاء طاير وراي
    الباب الثاني فاتح في شارع الظلط وبعدو في جبل قطعت الشارع وطلعت في الجبل فوق اعاين ليهم
    بعد ما رفعو الجماعه مشو بالعربية عملو يو تيرن بالاشارة وجوني في الجبل
    لما شفتهم والراجل سمين قعد اقول انزل تعال عملت ما سامعو زولك رفع الجلابية وجاء طالع علي الجبل
    خليتو قطع نص المسافة وجريت قطعت الظلط تاني
    ركبو العربية ومشو لفو الاشارة تاني وجوني
    برضو قطعت الظلط وطلعت الجبل
    ياخ الزول دا قال كلمة قعدته اموت من الضحك وركب العربية ومشي
    قال لي ك.........
                   |Articles |News |مقالات |بيانات

26-02-2017, 06:44 AM

عباس الدسيس
<aعباس الدسيس
تاريخ التسجيل: 11-10-2012
مجموع المشاركات: 3342

للتواصل معنا

FaceBook
تويتر Twitter
YouTube


Re: كرهنا الغربة (Re: عباس الدسيس)

    Quote:
    عياس الدسيس .. تحياتى و تقديرى .. الايام دى .. تمشى المستشفى .. تتكلم انجليزى .. يقولوا لك .. انت من South Africa .. لما تقول .. اى .. يقول لك و اش تبى .. و لما تقول له من امريكا او كندا .. يقولوا لك .. و النعم .. كناية عن الترحاب


    الطيب رحمة قريمان
    اخبارك يا حبيبنا
    والله كلام وليد الحسين فيك صاح
    قبل ما اسافر امريكا كان معاي في الرياض قاعدين في مقهي
    ومعانا الجميعابي وحافظ نيالا جات سيرتك في موضوع كدا
    اها انا انبريت للموضوع وللحقيقه كنت زعلان منك في حكاية المنافي
    وعايز اقول فيك مالم يقوله مالك
    طوالي وليد باغتني
    قال لي قريمان دا يا عباس رجل فاضل جدا ومهذب بغض النظر عن موقفو
    وراجل عقلاني حكاية الحرب هي السبب الرئيسي لموقفو الجديد
    باي طريقة عايز الحروبات تقيف ولو حتي بتنازلات كبيرة
    وانا متاكد في يوم من الايام بقع ليهو الكلام كويس
    يا صديق اعتزر ليك عن ملاحقتي في البوستات السابقة
    واحترم رايك
                   |Articles |News |مقالات |بيانات

27-02-2017, 05:59 AM

Khalid Elsayed
<aKhalid Elsayed
تاريخ التسجيل: 25-01-2017
مجموع المشاركات: 496

للتواصل معنا

FaceBook
تويتر Twitter
YouTube


Re: كرهنا الغربة (Re: عباس الدسيس)

    تسلم يا حبوب جماعة بلدياتنا سواقين شاحنات ساكنين عزابة في القصيم ( وما وادراك ما القصيم ) بجو مهدودين ناس نوم والصلاة في تلتلة ( جمع ساي ) لم فيهم مطوع جارهم : انو ليه ما بتجو الصلاة في الجامع، قالو ليهو يا شيخ نحن ناس سفر وما بنكون متواجدين اغلب الوقت .. عمك طلع لايوق قال ليهم لمن تكونو مسافرين تجو تكلموني ، بلدياتنا ختوها ليهو .. بقو كلو يوم الساعة اتنين صباحا يجو يدقو ليهو الجرس يا شيخ نحن مسافرين الحين دعواتك ياشيخ

    (عدل بواسطة Khalid Elsayed on 27-02-2017, 06:14 AM)

                   |Articles |News |مقالات |بيانات

26-02-2017, 06:54 AM

ياسر منصور عثمان
<aياسر منصور عثمان
تاريخ التسجيل: 16-01-2013
مجموع المشاركات: 4471

للتواصل معنا

FaceBook
تويتر Twitter
YouTube


Re: كرهنا الغربة (Re: عباس الدسيس)

    سلام عباس وضيوفه الاكارم

    واحد قريبنا جا مغترب في مكة
    اخد فترة وخلاااااص روحو طلعت
    يوم هو والجماعة ماشين على الجامع
    واحد فيهم سألو(متوضي؟)
    قال ليهو ايوه متوضي..
    قال ليهو يا اخي جدد الوضوء...
    صاحبنا وقف وقال ليهم (يا اخوانا دي وقعة شنو الوقعنا فيها دي؟؟ جدد الجواز ...جدد الاقامة... جدد الوضوء).


                   |Articles |News |مقالات |بيانات

26-02-2017, 08:25 AM

الطاهر الطاهر
<aالطاهر الطاهر
تاريخ التسجيل: 28-02-2014
مجموع المشاركات: 391

للتواصل معنا

FaceBook
تويتر Twitter
YouTube


Re: كرهنا الغربة (Re: ياسر منصور عثمان)

    الدسيس علك طيب يابا ..
    عندي ود عمي شافع شليق و قايم شفت من يومو كان عمرو مابين 13 الى 14 سنه
    عمنا جاهو صلاة الفجر صحاهو للصلاة والدنيا كان شتاء

    قال ليه :
    " يابوي انا مجنب "
                   |Articles |News |مقالات |بيانات

26-02-2017, 09:38 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5310

للتواصل معنا

FaceBook
تويتر Twitter
YouTube


Re: كرهنا الغربة (Re: الطاهر الطاهر)

    red]ايام تلفونات الهلل بالسعودية ..
    كنت مع زملاء ثلاثة في الموية على طريق الرياض الطائف
    وماشين لزميل في منطقة اسمها ام الدوم
    وكلنا بدون سيارات
    اها وجدنا تلفون الهلل وكان طالع جديد يومها
    مواعيدنا بالضبط كانت مع صلاة الظهر
    وطبعا لو فتح معاك الخط للسودان
    وخاصة وانت تتحدث مع الحبيبة بعد غياب
    تاني الا تكمل ريالاتك كلها
    والمصيبة هذا النوع من الهواتف ببلع الريالات بصورة عجيبة جدا
    ا ها نشوف ليك سيارة المطوع ..
    الدقن تجر بالواطاة .. صل .. صل .. صلوا يامسلمين
    وفجأة يقيف عندنا يازول يازول { بالمايكرفون ليه ماتصلون ؟؟ }
    قلنا ليهو ان شاء الله ح نصلي لأننا مسافرين
    قلنا نتصل وندخل الجامع اها سالنا .. مسافرين وين ؟؟
    قلنا ليه { أم الدوم } { 30 ك من المنطقة دي }
    اها .. كم تدفون يارجاجيل ؟؟
    قلنا ليهو نحن الثلاثة بنديك 50 ريال
    فيكم الخير تموها 60 ريال !!!
    قلنا ماعندنا الا خمسين
    طوالي ركبنا في عربية { الجامع } الهيئة من الموية الى ام الدوم
    المشكلة لاهو صلى
    ولا خلانا نصلي !!!!! قال { صل } قال :

                   |Articles |News |مقالات |بيانات

26-02-2017, 10:06 AM

عبدالله ود البوش
<aعبدالله ود البوش
تاريخ التسجيل: 12-08-2009
مجموع المشاركات: 6621

للتواصل معنا

FaceBook
تويتر Twitter
YouTube


Re: كرهنا الغربة (Re: ابوحراز)

    جيت جاري قت الزول خلاص على العديلة شايل اهلو
    اقوم القاهو كلو زوغان من الصلاة
    .
    .
    الابو صحا الولد لصلاة الفجر وطلع الجامع قاليهو الحقني
    الولد نام راجع وبعد شوية سمع كركبة الباب لمن ابوهو رجع من الجامع قام مخلوع
    وبالخلعة شال عباية امو اتغتى بيها من الصقط قايلها ملاية
    وطوالي سجد عشان يوهم ابوهو انو بصلي
    ابوهو طق طقاهو في صلبو وقال .... مجرمة ما قلتي الدورة لسع هههههههههههههههه
    .
    .
    الله يازاك يا الدسيس خليتنا نخرمج
    عاين لي جاي
    البوست دا دايرين نتكلم فيهو حسب العنوان حقو
    تشجيعا للعودة للسودان الجميل
    الماشي ورح والقاعد تح
                   |Articles |News |مقالات |بيانات

26-02-2017, 10:11 AM

عبدالله ود البوش
<aعبدالله ود البوش
تاريخ التسجيل: 12-08-2009
مجموع المشاركات: 6621

للتواصل معنا

FaceBook
تويتر Twitter
YouTube


Re: كرهنا الغربة (Re: عبدالله ود البوش)

    غايتو خلاص انا ماش
    واي زول في عمرنا دا مفروض يشيل اهلو
    خلاص كفاية اصلو شنو هو شبع ؟
    اب حراز ارحكاكا
    الدرديري ورحكاكا
    الخ
    الخ
                   |Articles |News |مقالات |بيانات

26-02-2017, 10:28 AM

Yousuf Taha

تاريخ التسجيل: 03-05-2013
مجموع المشاركات: 472

للتواصل معنا

FaceBook
تويتر Twitter
YouTube


Re: كرهنا الغربة (Re: عبدالله ود البوش)

    قلت لي المطوع قال ليك شنو بعد الهرولة من الزلط للجبل
    هههههههههههههههههههههههههههههههههههههههه
    لو في مكانه كان عملت حركة اليد ديك يخ انت غياظ ههههههههههههههههههههههههه


    دسيس والله انت فعلا دسيس
                   |Articles |News |مقالات |بيانات

26-02-2017, 12:07 PM

حسن محمد عمر
<aحسن محمد عمر
تاريخ التسجيل: 01-04-2016
مجموع المشاركات: 96

للتواصل معنا

FaceBook
تويتر Twitter
YouTube


Re: كرهنا الغربة (Re: عبدالله ود البوش)

    أستاذ / عباس يديك العافسة ويكفيك شر العين الطافية لأنو مرات كدة الكمبيوتر بعمل عمايلو من كثرت التركيز فيهو عارف يادسيس البوست بتاعك دا طلعنى من حالة شبه نفسية تجبنى لساعات كدة لحدى ماأوزع المرتب كلو عمرك ياعباس سمعت زول يجيهو( مغص ) بوم الراتب عنوان البوست الظريف دا مامفروض يكون (كرهنا الغربة) لأنو بصراحة كدة فى أخوان لينا بتمنوا غربتنا دى الماهنتنا لا والله هنتنا وهنتنا الليلة عاد إتحمل كلامى لأنى منكرب فى الرياض دى لسنين عددا والحمدلله القريشات القليلة البنلقاها طوالى (نلبعها )وننتظر الراتب الجاى والحمدلله الحال ماشى رغم العثرات والبلاوى البتظهر ليك (فجعة) ياخى دى ما فجأة دى مزمنة الطلبات فى إزدياد والراتب ثابت والعواصف من حواليه هههه ياجبل مايهزك ريح على قول أخوانا الفلسطينيين المهم ياعبس أخير لينا الغربة من الحال البنسمع فيهو فى السودان كل شىء متوفر إلا الكاش ( الكنجالات ) والأسعار فوق فوق يادسيس يخيل لى العلة فى النفوس وليست فى الفلوس صحيح بعضنا تلاقى مظهره ماشاء الله على سنجة عشرة وساكن فى أفخم عمارة وراكب حاجة كدة إسمها عربية والحمدلله وشانق الكرفتة والبدلة عبدالواحد والحمدلله وفى نص الشهر (يمد قرعتو ) لأمين الصندوق فى الشركة نظام( دينى حاول حس بي ) بعدما تقطع فيهو قصيدةمن عينة أنت رجل والرجال كثير وإنت ياقائل العثرات ولولاك كنا شحاتين فى المساجد ودا كلو عشان خمسمياية تقرضها أم العيال فى أقل من ساعتين فى أسواق العثيم وبعد دا نحمد الله ونشكره الأمور ماشة والديون زايدة وربك فراج صحيح ربما نكون كرهنا الوضع دا من الضغوط الزائدة بس مابنكره العربة وإلا الحكاية حاتجوط جوطة شديدة مافى حل ياأستاذ سوى الصبر وحبل الصبر طويل ربك يفرجها زمان كنت لقول بس تمتحن البنية للجامعة ونتخارج كلنا للسودان سبحان الله السنين فى البلد دى ماشاء الله تبارك الله سريعة الظاهر شكلى أنا أبدأ قراية وأشوف لى مدرسة أدخالها عشان نتصبر بيها شوية عن الصلاة أخوى عباس بتفق معاك فى تسارع الأوقات لكن لولا الصلاة دى كان الواحد جن عديل والحمدلله على نعمة أداء الفريضة أهى دى بالذات أحلى وأجمل حاجة فى غربتنا دى إنك تؤدى فريضتك بإطمئنان وخشوع دا غير العمرة والحج والزيارة وديل براهم بالدنيا أستاذ عباس أخير لينا نتصالح مع غربتنا دى ولك ودى وتقديرى
                   |Articles |News |مقالات |بيانات

26-02-2017, 10:31 AM

Hassan Farah
<aHassan Farah
تاريخ التسجيل: 29-08-2016
مجموع المشاركات: 1498

للتواصل معنا

FaceBook
تويتر Twitter
YouTube


Re: كرهنا الغربة (Re: عباس الدسيس)

    (جمعت قواي واتنفضت من السرير لقيت روحي طاير في الهواء اردلب وقعت في الواطه اليدين اتظلطن واضربت في راسي كلو ما حسيت بيهو افتش للبطارية عشان اشوف الثعبان تصدقو لقيت دا الحزام بتاع البنطلون كان مفكوك وراس الحزام الحديد.
    المصدر : http://sudaneseonline.com/board/490/msg/%d9%83%d8%b1%d9%87%d9%86%d8%a7-%d8%a7%d9%84%d8%ba%d8%b1%d8%a8%d8%a9-1487857220.html
    -------------------------------------------------------------------------------------------------------------------------------------------------------------------------------------------------------------------------------------
    عباس الدسيس ياخى ضحكتنى لامن قطعت قلبى ههههههههه
                   |Articles |News |مقالات |بيانات

26-02-2017, 11:09 AM

البرنس ود عطبرة
<aالبرنس ود عطبرة
تاريخ التسجيل: 09-01-2017
مجموع المشاركات: 1234

للتواصل معنا

FaceBook
تويتر Twitter
YouTube


Re: كرهنا الغربة (Re: عباس الدسيس)

    السعودية بلد عبادة جد
    ربنا يلحق كل الدول نفس المنهج وخصوصا عندنا هنا في السودان

    -----------------------------------

    بمناسبة الصلاة دي كنا طلبه (مطوعين) ساكنين عزابة في اركويت ايام الجامعة
    جاء صديقي عطبراوي ساكن في داخلية معاه صديقه من ناس الجزيرة اتحادي ديمقراطي خايف يجوه في الداخلية يعتقلوه
    وكان اليوم خميس تم فيه احراق مكاتب اتحاد طلاب هندسة الشودان من قبل التجميع
    وقال لي : صاحبي دا خلوه معاكم خايفين يسوقوه من الداخلية ناس الامن !!! قلت ليه ابشر بالخير
    بدأنا بصلاة العشاء في الجامع وبعدها الصبح في الجامع والجمعة في الجامع والعصر في الجامع والغرب في الجامع
    ونحن راجعين صابي دا قال لي : والله يا اخوي انا فكرت امشي داخليتي واسلم نفسي للامن من صلاتكم الكتيرة دي
    وبعدين قال لي عاوز اسألك انت الصلاة دا برا الجامع ما بقبلوها ليكم ولا شنو ؟؟؟؟
    قعدت اضحك وقلت ليه اتق الله يا شيخ !!!!!
                   |Articles |News |مقالات |بيانات

26-02-2017, 11:45 AM

عباس الدسيس
<aعباس الدسيس
تاريخ التسجيل: 11-10-2012
مجموع المشاركات: 3342

للتواصل معنا

FaceBook
تويتر Twitter
YouTube


Re: كرهنا الغربة (Re: البرنس ود عطبرة)

    Quote:
    سلام من الله عليك يا عبس وعودا حميدا مستطاب للبوستات المريحة ولينا زمن نفتش ليك وجيتنا الليلة ... غايتو يا عبس موضوع عزومة عرس السودان دي بالغتو فيها وموضوع المهندس الالجن باااالغت في انا غايتو عرفتو بالله سلامي وتحياتي ليهو ,, على العموم واصل في هذا البوست الظريف ,,, لكن يا خوي كلنا زهجنا من الغربة بس بعد ده عايزنك تعمل لينا دراسة جدوى للعودة الطوعية للوطن ولي مشروع عليهو القيمة كده .. تحياتي : ياسر العيلفون .....


    ياسر يا حبيبنا اخبارك والاسرة الكريمة
    الزول العرفتو احكي ليك عنو موقفين:
    1/ مهندس معاهو في القسم نزل اجازة السودان وهو راجع جاب معاهو صاعوط لكل زول ربع كيلو
    وزع الصاعوط اداهو ربع زي الجماعه ثاني يوم جاني المهندس زعلان اشكي منو قال لي صاحبك جبتا ليهو الصاعوط الليلة رجعو لي ومعاهو ربع كيس صغير ممطر
    انا محرج جدا ليه عمل كدا وختيت في بالي زول قال ليهو وشاية
    انا قلت ليهو الزول دا رغم عن دراستو في اوربا وعمل هناك ماجستير عندو هوس من صغير وكنا في الحي لو شاكلو زول ساكت بعد الشكله اقول ليك الشكل بنقدر عليهو الله استر ما اكتبنا عند فلاتي
    الراجل قال لي حرام عليك معقوله اجيب ليهو صاعوط فيهو كتابة
    اها مشيت قلت ليهو حركتك العملتها مع الراجل دا جبانة ليه رجعت ليهو الصاعوط ودا كلو كوم الكيس الصغير ممطر دا شنو الجبتو ليهو؟؟؟
    قال لي اقعد نقول ليك القصة
    الزول دا جاب لي ربع كيلو صاح اها اول يوم عملت لي منو كيس جيت المكتب انا سافي منو اربعة مرات هو شحدني سفة تسعة مرات
    يعني الربع الجابو براهو بسفو مني وانا جني وجن زول اجيب ليك حاجة وانتظرك لما تنزل اجازة تجيب ليهو زي ما جاب ليك دي حركات نسوان
    بعدين انا فكرته هو اجيب لي ربع اسفو مني وانا اجيب ليهو ربع كسبان هو عشان كدي رجعت الصاعوط الفلت وباقي الممطر وكل زول اقيف في حدو
    الثانية:
    المدير المالي من جنسية عربية اخري عندو معاهو مشاكل بالايميلات مشكلة المدير المالي بعمل صورة لرئيس مجلس الادارة
    وهو جنو وجن الادارة العليا بجقلب طوالي جاء في المكتب اشكي لي منو صادف فلبيني رئيس قسم اخر جاء مكتبي عشان اشركو في الونسة قلب انجليزي
    طلع الفلبيني اكثر زول زهجان من المدير المالي في نهاية الكلام الفلبيني قال ليهو الحل شنو مع الزول دا
    صاحبك رفع راسو وقال ليهو انا عندي حل.............................
    الزول دا اقطع ليهو تذكرة واسوقو السودان عندنا العتالة بتاعين الصوامع في القضارف الواحد عضلتو زي البامبي
    أاجر واحد فيهم امسكو إ..............
    الفلبين لي حسي مندهش من الحل دا
                   |Articles |News |مقالات |بيانات

26-02-2017, 11:55 AM

عباس الدسيس
<aعباس الدسيس
تاريخ التسجيل: 11-10-2012
مجموع المشاركات: 3342

للتواصل معنا

FaceBook
تويتر Twitter
YouTube


Re: كرهنا الغربة (Re: عباس الدسيس)

    Quote:
    سلام عباس وضيوفه الاكارم واحد قريبنا جا مغترب في مكة اخد فترة وخلاااااص روحو طلعت يوم هو والجماعة ماشين على الجامع واحد فيهم سألو(متوضي؟) قال ليهو ايوه متوضي.. قال ليهو يا اخي جدد الوضوء... صاحبنا وقف وقال ليهم (يا اخوانا دي وقعة شنو الوقعنا فيها دي؟؟ جدد الجواز ...جدد الاقامة... جدد الوضوء).


    ياسر سلام يا حبيبنا
    مرة ماشي فاتحه مع صاحبي بيتو بعيد مني كل زول راكب عربيتو وعارفين محل الفاتحه وين
    الراجل نكون ماشين كويس فجأة اخش لي بزقاق المسألة اتكررت كثير لما وصلنا محل الفاتحه
    قلت ليهو يا زول انت مجنون و ل شنو بتكابس بينا في الزقاقات
    قال لي المجنون انت بلد بقت كلها غرامات
    الرخصة تتاخر غرامة الاقامة تتاخر غرامة تجيب زول زيارة اتاخر غرامة تمشي بسرعة غرامة تلف يمين في الاشارة حمرا غرامة
    انا بتزاوغ بيك من الاشارات يا وهم
                   |Articles |News |مقالات |بيانات

26-02-2017, 12:04 PM

Elmosley
<aElmosley
تاريخ التسجيل: 14-03-2002
مجموع المشاركات: 33968

للتواصل معنا

FaceBook
تويتر Twitter
YouTube


Re: كرهنا الغربة (Re: عباس الدسيس)

    وانحنا ترمب
    كل يوم مغلبنا
    We will make America great again
    يعني ناصعة البياض
    اها لاقيني بي غادي
    ههههههه
                   |Articles |News |مقالات |بيانات

26-02-2017, 12:21 PM

عبدالله ود البوش
<aعبدالله ود البوش
تاريخ التسجيل: 12-08-2009
مجموع المشاركات: 6621

للتواصل معنا

FaceBook
تويتر Twitter
YouTube


Re: كرهنا الغربة (Re: Elmosley)

    اها لاقيني بي غادي
    ـــــــــــــــــــــــــــــــــــــــــــــــــ
    بلاقيك انا يا استاذ الموصلي
    عباس دا زول ونسة ساكت
    هو قاليك طفر ونط في الجبل وتلب تاني قطع الظلط جري
    وحاشوهو بهناك تاني طفر الزلط وطلع الجبل لمن المطوع اداهو ملاح
    دا برجع دا ؟ هههههههه
    على الطلاق كان انا كان لحقتو الغتس ود ام زقدة
    والبوسط دا دايرنو افكار للرجعة طلع ملاح لوبا ساكت
                   |Articles |News |مقالات |بيانات

26-02-2017, 12:19 PM

محمد مجيدو
<aمحمد مجيدو
تاريخ التسجيل: 06-07-2013
مجموع المشاركات: 1955

للتواصل معنا

FaceBook
تويتر Twitter
YouTube


Re: كرهنا الغربة (Re: عباس الدسيس)


    يا ريكس ....... يا لذيذ يا رايق .. وانا مزاجي متعكر ...

    كان في سوداني بيأم المصلين اذا غاب الامام السعودي الرئيسي ...
    والسوداني دا قرايتو طويلة .. والمصلين زهجانين من الحكاية دي..
    اها يوم على حظهم الكعب السوداني دا صلى بالجماعة لتغيب الامام ...
    وقال كدا سحب بيهم في الركعة الاولى ....
    وفي الركعة التانية وهو جاري نور طويل .... نسى تكملة الاية ..
    وبقى يردد في الاية عشان واحد من الجماعة الوراء يتمها ليو ...
    والجماعة مطنشين ... ولا واحد معبرو ...
    قام واح من اليمنين الكبار ديل ... قال بصوت عاالي ..
    ولا واحد ما يعلموو ..

    عااالم بطااالــــــــــــــــــــــــة


                   |Articles |News |مقالات |بيانات

26-02-2017, 01:17 PM

عباس الدسيس
<aعباس الدسيس
تاريخ التسجيل: 11-10-2012
مجموع المشاركات: 3342

للتواصل معنا

FaceBook
تويتر Twitter
YouTube


Re: كرهنا الغربة (Re: محمد مجيدو)

    Quote:
    " يابوي انا مجنب "

    الطاهر سلام
    الولد ما فضل ليهو الا اقول انا مقرش
    دا عمل روحو قندران عديل قال مجنب
    تحياتي وتقديري
                   |Articles |News |مقالات |بيانات

26-02-2017, 01:24 PM

عباس الدسيس
<aعباس الدسيس
تاريخ التسجيل: 11-10-2012
مجموع المشاركات: 3342

للتواصل معنا

FaceBook
تويتر Twitter
YouTube


Re: كرهنا الغربة (Re: عباس الدسيس)

    Quote:
    طوالي ركبنا في عربية { الجامع } الهيئة من الموية الى ام الدوم المشكلة لاهو صلى ولا خلانا نصلي !!!!! قال { صل } قال :


    العمدة ابحراز
    اخبارك يا حبيبنا
    غايتو لو دا أنا ما بركب
    بقول الزول ممكن اغدر بي
    عندي قريبي زمن عمرة وزوغه
    قعد هنا سنتين من شدة ما شبع قروش شارك ليهو واحد في مكتب مقاولات
    حضر ليهو شكله في مطعم بتاعت سودانيين والشرطه جات قال ليهم يا جماعه ((باركوها))
    العسكري قال ليهو يا باركوها انت حاضر الشكله
    قال ليهو ايوا
    العسكري قال ليهو اركب
    زولك لقي روحو في بورتسودان
    الراجل المشاركو قال معقول الزول دا ما عندو اقامة
    تحياتي وتقديري
                   |Articles |News |مقالات |بيانات

27-02-2017, 04:25 AM

عباس الدسيس
<aعباس الدسيس
تاريخ التسجيل: 11-10-2012
مجموع المشاركات: 3342

للتواصل معنا

FaceBook
تويتر Twitter
YouTube


Re: كرهنا الغربة (Re: عباس الدسيس)

    Quote:
    الله يازاك يا الدسيس خليتنا نخرمج عاين لي جاي البوست دا دايرين نتكلم فيهو حسب العنوان حقو تشجيعا للعودة للسودان الجميل الماشي ورح والقاعد تح



    ود البوش يا حبيبنا اخبارك والعيال
    الشايفو انا والله كان ترجع براك
    اي زول نقول ليهو العوده الجماعية اقول ليك نجرب السنة الاولي والثانية بعدها نقرر
    شوف الانفزارة
    في ناس لو قلعوهم قلع ما ارجعو
    تح بتلقاها بالكوم
    تحياتي وتقديري
                   |Articles |News |مقالات |بيانات

27-02-2017, 04:36 AM

عباس الدسيس
<aعباس الدسيس
تاريخ التسجيل: 11-10-2012
مجموع المشاركات: 3342

للتواصل معنا

FaceBook
تويتر Twitter
YouTube


Re: كرهنا الغربة (Re: عباس الدسيس)

    Quote:
    غايتو خلاص انا ماش واي زول في عمرنا دا مفروض يشيل اهلو خلاص كفاية اصلو شنو هو شبع ؟ اب حراز ارحكاكا الدرديري ورحكاكا الخ الخ


    ود البوش
    في المدارس بقابل واحد ناقشتو في حكاية الرجعه
    قال لي يا زول رجعت شنو كان قرصت بنسفر الاولاد ونقعد احنا انشاءالله بلباساتنا
    والعربية بنبيعها نشتري عجلة
    والسكن بنسكن زي سكن الهنود في قطر سراير دبل
    وختمها لي بنكتت الواتساب البتقول
    واحد شغال في شركة وناس الشركة ما عايزنو
    من موظف كل مرة انزلوهو درجة
    حتي وصل مراسلة ثم غفير
    قال ليهم والله انا معاكم لحدي لو.......
                   |Articles |News |مقالات |بيانات

27-02-2017, 04:44 AM

عباس الدسيس
<aعباس الدسيس
تاريخ التسجيل: 11-10-2012
مجموع المشاركات: 3342

للتواصل معنا

FaceBook
تويتر Twitter
YouTube


Re: كرهنا الغربة (Re: عباس الدسيس)

    Quote:
    عباس الدسيس ياخى ضحكتنى لامن قطعت قلبى ههههههههه


    اخبارك يا بروف حسن فرح
    ياخ شوقنا بحر
    ياحليل ايام زمان
    مع خالص ودي وتقديري
                   |Articles |News |مقالات |بيانات

27-02-2017, 04:49 AM

عباس الدسيس
<aعباس الدسيس
تاريخ التسجيل: 11-10-2012
مجموع المشاركات: 3342

للتواصل معنا

FaceBook
تويتر Twitter
YouTube


Re: كرهنا الغربة (Re: عباس الدسيس)

    Quote:
    السعودية بلد عبادة جد ربنا يلحق كل الدول نفس المنهج وخصوصا عندنا هنا في السودان ----------------------------------- بمناسبة الصلاة دي كنا طلبه (مطوعين) ساكنين عزابة في اركويت ايام الجامعة جاء صديقي عطبراوي ساكن في داخلية معاه صديقه من ناس الجزيرة اتحادي ديمقراطي خايف يجوه في الداخلية يعتقلوه وكان اليوم خميس تم فيه احراق مكاتب اتحاد طلاب هندسة الشودان من قبل التجميع وقال لي : صاحبي دا خلوه معاكم خايفين يسوقوه من الداخلية ناس الامن !!! قلت ليه ابشر بالخير بدأنا بصلاة العشاء في الجامع وبعدها الصبح في الجامع والجمعة في الجامع والعصر في الجامع والغرب في الجامع ونحن راجعين صابي دا قال لي : والله يا اخوي انا فكرت امشي داخليتي واسلم نفسي للامن من صلاتكم الكتيرة دي وبعدين قال لي عاوز اسألك انت الصلاة دا برا الجامع ما بقبلوها ليكم ولا شنو ؟؟؟؟ قعدت اضحك وقلت ليه اتق الله يا شيخ !!!!!



    البرنس ود عطبرة اخبارك يا حبيبنا
    فعلا السعودية بتحفظ الانسان من اشياء كثيرة ومعاصي
    والاهم الصلوات في مواعيدها وبالمسجد ودي من الاشياء الايجابية واحسن من الاغتراب ولم القروش
    ومع العمرة والصلوات الانسان بصبح مبرمج عليها
    17 سنة ما مر عام ما مشيت عمرة دا لو ما مرتين
    والحج كما يقول الشايقية شاي لبن كب واسكت
    ربنا اعظم الاجر
    مع خالص التقدير
                   |Articles |News |مقالات |بيانات

27-02-2017, 04:38 AM

عباس الدسيس
<aعباس الدسيس
تاريخ التسجيل: 11-10-2012
مجموع المشاركات: 3342

للتواصل معنا

FaceBook
تويتر Twitter
YouTube


Re: كرهنا الغربة (Re: عباس الدسيس)

    Quote:
    قلت لي المطوع قال ليك شنو بعد الهرولة من الزلط للجبل هههههههههههههههههههههههههههههههههههههههه لو في مكانه كان عملت حركة اليد ديك يخ انت غياظ ههههههههههههههههههههههههه دسيس والله انت فعلا دسيس



    حبيبنا يوسف اخبارك
    الفترة ديك كنا بتاعين مجازفات
    حسي الفينا كملت
    الدرج لو طلعتو قلبك اضرب
    تحياتي وتقديري
                   |Articles |News |مقالات |بيانات

27-02-2017, 04:42 AM

عباس الدسيس
<aعباس الدسيس
تاريخ التسجيل: 11-10-2012
مجموع المشاركات: 3342

للتواصل معنا

FaceBook
تويتر Twitter
YouTube


Re: كرهنا الغربة (Re: عباس الدسيس)

    Quote:
    أستاذ / عباس يديك العافسة ويكفيك شر العين الطافية لأنو مرات كدة الكمبيوتر بعمل عمايلو من كثرت التركيز فيهو عارف يادسيس البوست بتاعك دا طلعنى من حالة شبه نفسية تجبنى لساعات كدة لحدى ماأوزع المرتب كلو عمرك ياعباس سمعت زول يجيهو( مغص ) بوم الراتب عنوان البوست الظريف دا مامفروض يكون (كرهنا الغربة) لأنو بصراحة كدة فى أخوان لينا بتمنوا غربتنا دى الماهنتنا لا والله هنتنا وهنتنا الليلة عاد إتحمل كلامى لأنى منكرب فى الرياض دى لسنين عددا والحمدلله القريشات القليلة البنلقاها طوالى (نلبعها )وننتظر الراتب الجاى والحمدلله الحال ماشى رغم العثرات والبلاوى البتظهر ليك (فجعة) ياخى دى ما فجأة دى مزمنة الطلبات فى إزدياد والراتب ثابت والعواصف من حواليه هههه ياجبل مايهزك ريح على قول أخوانا الفلسطينيين المهم ياعبس أخير لينا الغربة من الحال البنسمع فيهو فى السودان كل شىء متوفر إلا الكاش ( الكنجالات ) والأسعار فوق فوق يادسيس يخيل لى العلة فى النفوس وليست فى الفلوس صحيح بعضنا تلاقى مظهره ماشاء الله على سنجة عشرة وساكن فى أفخم عمارة وراكب حاجة كدة إسمها عربية والحمدلله وشانق الكرفتة والبدلة عبدالواحد والحمدلله وفى نص الشهر (يمد قرعتو ) لأمين الصندوق فى الشركة نظام( دينى حاول حس بي ) بعدما تقطع فيهو قصيدةمن عينة أنت رجل والرجال كثير وإنت ياقائل العثرات ولولاك كنا شحاتين فى المساجد ودا كلو عشان خمسمياية تقرضها أم العيال فى أقل من ساعتين فى أسواق العثيم وبعد دا نحمد الله ونشكره الأمور ماشة والديون زايدة وربك فراج صحيح ربما نكون كرهنا الوضع دا من الضغوط الزائدة بس مابنكره العربة وإلا الحكاية حاتجوط جوطة شديدة مافى حل ياأستاذ سوى الصبر وحبل الصبر طويل ربك يفرجها زمان كنت لقول بس تمتحن البنية للجامعة ونتخارج كلنا للسودان سبحان الله السنين فى البلد دى ماشاء الله تبارك الله سريعة الظاهر شكلى أنا أبدأ قراية وأشوف لى مدرسة أدخالها عشان نتصبر بيها شوية عن الصلاة أخوى عباس بتفق معاك فى تسارع الأوقات لكن لولا الصلاة دى كان الواحد جن عديل والحمدلله على نعمة أداء الفريضة أهى دى بالذات أحلى وأجمل حاجة فى غربتنا دى إنك تؤدى فريضتك بإطمئنان وخشوع دا غير العمرة والحج والزيارة وديل براهم بالدنيا أستاذ عباس أخير لينا نتصالح مع غربتنا دى ولك ودى وتقديرى


    حبيبنا حسن محمد عمر اخبارك
    كلامك كلو الحقيقه
    وياهو المنطبق علي كل المغتربين
    البلد هنا قدمت لينا الكثير
    وبل الذي لم نجده في وطننا
    وكان قعدنا نشكرهم وكان مشينا ليهم الشكر
    قلنا من دوشة السياسة والصراعات نفرفش بالبوست
    تحياتي وتقديري
                   |Articles |News |مقالات |بيانات

27-02-2017, 04:53 AM

عباس الدسيس
<aعباس الدسيس
تاريخ التسجيل: 11-10-2012
مجموع المشاركات: 3342

للتواصل معنا

FaceBook
تويتر Twitter
YouTube


Re: كرهنا الغربة (Re: عباس الدسيس)

    Quote:
    وانحنا ترمب كل يوم مغلبنا We will make America great again يعني ناصعة البياض اها لاقيني بي غادي ههههههه




    اووووووووووو حبينا الموصلي اخبارك
    كما قال حبيبنا ود البوش الاقيك وين
    انت زول موسيقي لو فتحت ليك مركز زي الفاتح حسين القروش بتجيك مطر
    غير عدادات التلفزيون والغنا والله انا كان اجي اشتغل معاك بتاع بنقز
    و ل زي عمك المعا ود الامين البدق الرق
    وظيفة فارقنا دربها سوق بضربوك مواهب زيكم مافي
    نعافر هنا لما نشوف اخرتها شنو
    تحياتي وتقديري
                   |Articles |News |مقالات |بيانات

27-02-2017, 04:46 AM

الطيب عباس
<aالطيب عباس
تاريخ التسجيل: 22-09-2015
مجموع المشاركات: 1628

للتواصل معنا

FaceBook
تويتر Twitter
YouTube


Re: كرهنا الغربة (Re: عباس الدسيس)

    سلام يا دسيس .. ياخ ضحكتنا من الصباح اضحك الله سنك ..

    الصلاه فيا مواقف عجيبة ..
    الهنود اي اية فيا الضالين طوالي بجرو بعدها امين
    مع انو ولا الضالين في القرآن الكريم كتيره .. ( بحكم التعويده بتاعت ولاالضالين الفي الفاتحه )المهم مرة الامام بقرا في سورة الواقعه ( واما ان كان من المكذبين الضالين )

    واحد من الترتب ترب الهنود اداها ليك آميـــــــــــــــــن لمن امنتا انا من الضحك

                   |Articles |News |مقالات |بيانات

27-02-2017, 04:57 AM

عباس الدسيس
<aعباس الدسيس
تاريخ التسجيل: 11-10-2012
مجموع المشاركات: 3342

للتواصل معنا

FaceBook
تويتر Twitter
YouTube


Re: كرهنا الغربة (Re: الطيب عباس)

    Quote:
    يا ريكس ....... يا لذيذ يا رايق .. وانا مزاجي متعكر ... كان في سوداني بيأم المصلين اذا غاب الامام السعودي الرئيسي ... والسوداني دا قرايتو طويلة .. والمصلين زهجانين من الحكاية دي.. اها يوم على حظهم الكعب السوداني دا صلى بالجماعة لتغيب الامام ... وقال كدا سحب بيهم في الركعة الاولى .... وفي الركعة التانية وهو جاري نور طويل .... نسى تكملة الاية .. وبقى يردد في الاية عشان واحد من الجماعة الوراء يتمها ليو ... والجماعة مطنشين ... ولا واحد معبرو ... قام واح من اليمنين الكبار ديل ... قال بصوت عاالي .. ولا واحد ما يعلموو .. عااالم بطااالــــــــــــــــــــــــة





    حبيبنا مجيدو اخبارك
    غايتو انت تاني قطر ما برجعك
    اريتنا بحالك انتو عملتو كل شيء
    ولاعبين حسي علي ضربات الجزاء بعد الزمن الاضافي
    اما احنا ناس الجهجهه
    خالص تقديري وتحياتي
                   |Articles |News |مقالات |بيانات

27-02-2017, 05:00 AM

عباس الدسيس
<aعباس الدسيس
تاريخ التسجيل: 11-10-2012
مجموع المشاركات: 3342

للتواصل معنا

FaceBook
تويتر Twitter
YouTube


Re: كرهنا الغربة (Re: الطيب عباس)

    Quote:
    بلاقيك انا يا استاذ الموصلي عباس دا زول ونسة ساكت هو قاليك طفر ونط في الجبل وتلب تاني قطع الظلط جري وحاشوهو بهناك تاني طفر الزلط وطلع الجبل لمن المطوع اداهو ملاح دا برجع دا ؟ هههههههه على الطلاق كان انا كان لحقتو الغتس ود ام زقدة والبوسط دا دايرنو افكار للرجعة طلع ملاح لوبا ساكت


    ود البوش قلبتني عبلانج ههههه
    الموصلي دا امسك فيهو عشرة كان لاقاك هناك
    بالتلفونات ساكت لو لقيت ليك فرقة مدير اعمال بتلقي خمشتك
    من حفلة لي حفلة
    واعمل لينا ارضية كويسه وقت نرجع نشعلق فيك
                   |Articles |News |مقالات |بيانات

27-02-2017, 05:10 AM

عباس الدسيس
<aعباس الدسيس
تاريخ التسجيل: 11-10-2012
مجموع المشاركات: 3342

للتواصل معنا

FaceBook
تويتر Twitter
YouTube


Re: كرهنا الغربة (Re: عباس الدسيس)

    Quote:
    سلام يا دسيس .. ياخ ضحكتنا من الصباح اضحك الله سنك .. الصلاه فيا مواقف عجيبة .. الهنود اي اية فيا الضالين طوالي بجرو بعدها امين مع انو ولا الضالين في القرآن الكريم كتيره .. ( بحكم التعويده بتاعت ولاالضالين الفي الفاتحه )المهم مرة الامام بقرا في سورة الواقعه ( واما ان كان من المكذبين الضالين ) واحد من الترتب ترب الهنود اداها ليك آميـــــــــــــــــن لمن امنتا انا من الضحك


    الطيب سلام يا حبيبنا
    انا حصلت لي مرة مع فلبيني الولد حليوني
    والشعر زي سواد الليل مجدعو في الاكتاف
    اها الظاهر عليهو دخل الاسلام جديد
    واحنا بنصلي في واحد طلع من الصلاة
    الظاهر الوضوء بتاعو انقطع عمل ليهو عملة
    قعدته اجر في الفلبيني عشان اسد الفرقه
    انا شغال معاهو جر وهو انتل في يدو
    عملتها كم مرة والزول معاند مرة من المرات عايز امسك يدو طب مسكته ليك وركو
    بالله بصوت عالي نهرني ايش فيك هذا مسجد هذا صلاة
    والفرقه بيناتنا بقت قاعدة قولت السلام عليكم المسجد كلو اتلفت لي والفلبيني احمر لي
                   |Articles |News |مقالات |بيانات

27-02-2017, 05:27 AM

الطيب عباس
<aالطيب عباس
تاريخ التسجيل: 22-09-2015
مجموع المشاركات: 1628

للتواصل معنا

FaceBook
تويتر Twitter
YouTube


Re: كرهنا الغربة (Re: عباس الدسيس)

    هههههههههههههه قال صقر قريش دا مالو بقابض في الصلاه ههههههههه


    Quote:
    الطيب سلام يا حبيبنا
    انا حصلت لي مرة مع فلبيني الولد حليوني
    والشعر زي سواد الليل مجدعو في الاكتاف
    اها الظاهر عليهو دخل الاسلام جديد
    واحنا بنصلي في واحد طلع من الصلاة
    الظاهر الوضوء بتاعو انقطع عمل ليهو عملة
    قعدته اجر في الفلبيني عشان اسد الفرقه
    انا شغال معاهو جر وهو انتل في يدو
    عملتها كم مرة والزول معاند مرة من المرات عايز امسك يدو طب مسكته ليك وركو
    بالله بصوت عالي نهرني ايش فيك هذا مسجد هذا صلاة
    والفرقه بيناتنا بقت قاعدة قولت السلام عليكم المسجد كلو اتلفت لي والفلبيني احمر لي
                   |Articles |News |مقالات |بيانات

27-02-2017, 08:05 AM

ALWALEED ALSHEIKH

تاريخ التسجيل: 11-01-2013
مجموع المشاركات: 869

للتواصل معنا

FaceBook
تويتر Twitter
YouTube


Re: كرهنا الغربة (Re: الطيب عباس)

    هههههههههههههه الله يجازي محنك يا عباس
    الوقت كلو اطلع فوق لقصة المطوع و انزل تحت لقصة الفلبيني
    تحياتي و اشواقي
                   |Articles |News |مقالات |بيانات

27-02-2017, 08:42 AM

أحمد محمد عمر

تاريخ التسجيل: 03-03-2010
مجموع المشاركات: 2195

للتواصل معنا

FaceBook
تويتر Twitter
YouTube


Re: كرهنا الغربة (Re: ALWALEED ALSHEIKH)

    شيخ اسامة ألجن واللجنة بتاعته شييينة .. الراء بنطقها ياء عدييييل ما فيها أي محاولة تمييز
    مرة في خطبة الجمعة قال لينا (يتمنعن وهن الياغبات) بقينا ماسكينها أي زول يتكلم عن الجكس نقول ليه والله صحي زي ما قال شيخ اسامة يتمنعن وهن الياغبات
    لي شقاوتنا مرة اتلمينا صلاة المغرب وطوالي اتقدم يصلي بينا .. وشقي الحال القرآن دة كلو ما لقى فيه غير صورة عبس وحلف إلا يكملها في ركعة
    بداها ليك أو يذكي فتنفعه الذكيا والناس بقت تتبسم يمين ويسار على اللجنة بتاعته
    كلها إنها تذكية .. الناس بقت تكتم في الضحكة
    فمن شاء ذكيه .. الجماعة بقو يتراقصو من كتم الضحكة أي واحد تلقى أكاتفيه يطلعن وينزلن
    في صحف مكيمة .. دي خلاااااااص الناس بقى غالبها تب وبقيت تسمع ضحكات خفيفة كدة فلتت من الكتمة والموضوع استحم
    أها واصل وبي صوته العالي داك قال ليك كياااااام بيية ( لي كرام بررة) وحاتك قولة بيية دي الناس كلها فكتها ضحكة وزول واحد بقى واقف على حيله مافي


                   |Articles |News |مقالات |بيانات

27-02-2017, 08:47 AM

أحمد محمد عمر

تاريخ التسجيل: 03-03-2010
مجموع المشاركات: 2195

للتواصل معنا

FaceBook
تويتر Twitter
YouTube


Re: كرهنا الغربة (Re: أحمد محمد عمر)

    مرة برضو اتوضينا كم نفر لصلاة الضهر وعندنا شغل كتير كسلنا من مشوار المصلى قلنا نصلي في مكتب
    الإمام فرش مصلايتو المكتب بقى ما شايلها ودخل جزء منها تحت تربيزة مكتب
    أها من أول سجدة صاحبك داير يقوم من السجود ونسى إنه ساجد تحت تربيزة رفع راسه وتلللل عوق ليك فاخورته
    المشكلة وين! إنه قام حك مؤخرة راسه بي يدو بحركة زي حقة أفلام الكرتون ديك والجماعة غلبتهم الضحكة
    سجد السجدة التانية وتاااااااني نسى التربيزة وتللللل دي تحس بيها جوة قلبك وصاحبك برضو يحك ويبرد فيها بي يدو
    كم نفر كدة فكوها ضحكة واستغفروا وواصلو تاني وبقى أي واحد كاتم الضحكة مستني متييييين الإمام يسلم عشان يفكها
    أها انتهينا الركعة التانية وصاحبك سجد تحت المكتب والجو اتلغم .. أي واحد ساجد ويتهوزز من الضحك وخايفين يعملها تاني
    واحد شقي كدة أول ما حس بالإمام داير يرفع من السجود قال (الليلة لأ ) والإمام رفع وتسمع تللللل
    وحاتك واحد فينا قام من السجود مافي راقدين في الواطة بي امامنا نفرفر ونضحك

                   |Articles |News |مقالات |بيانات

27-02-2017, 10:15 AM

الطيب عباس
<aالطيب عباس
تاريخ التسجيل: 22-09-2015
مجموع المشاركات: 1628

للتواصل معنا

FaceBook
تويتر Twitter
YouTube


Re: كرهنا الغربة (Re: أحمد محمد عمر)

    ههههههههههههههههههههههههههههههههههههههههههههههههههههههههههههههههههههههههه
    احمد عمر مشكور شكرا يا دسيس وانتم تزرعون فينا الابتسامه

    Quote: شيخ اسامة ألجن واللجنة بتاعته شييينة .. الراء بنطقها ياء عدييييل ما فيها أي محاولة تمييز
    مرة في خطبة الجمعة قال لينا (يتمنعن وهن الياغبات) بقينا ماسكينها أي زول يتكلم عن الجكس نقول ليه والله صحي زي ما قال شيخ اسامة يتمنعن وهن الياغبات
    لي شقاوتنا مرة اتلمينا صلاة المغرب وطوالي اتقدم يصلي بينا .. وشقي الحال القرآن دة كلو ما لقى فيه غير صورة عبس وحلف إلا يكملها في ركعة
    بداها ليك أو يذكي فتنفعه الذكيا والناس بقت تتبسم يمين ويسار على اللجنة بتاعته
    كلها إنها تذكية .. الناس بقت تكتم في الضحكة
    فمن شاء ذكيه .. الجماعة بقو يتراقصو من كتم الضحكة أي واحد تلقى أكاتفيه يطلعن وينزلن
    في صحف مكيمة .. دي خلاااااااص الناس بقى غالبها تب وبقيت تسمع ضحكات خفيفة كدة فلتت من الكتمة والموضوع استحم
    أها واصل وبي صوته العالي داك قال ليك كياااااام بيية ( لي كرام بررة) وحاتك قولة بيية دي الناس كلها فكتها ضحكة وزول واحد بقى واقف على حيله مافي
                   |Articles |News |مقالات |بيانات

27-02-2017, 11:25 AM

عباس الدسيس
<aعباس الدسيس
تاريخ التسجيل: 11-10-2012
مجموع المشاركات: 3342

للتواصل معنا

FaceBook
تويتر Twitter
YouTube


Re: كرهنا الغربة (Re: الطيب عباس)

    Quote:
    هههههههههههههه قال صقر قريش دا مالو بقابض في الصلاه ههههههههه

    الطيب صقر قريش شنو الراجل مع المقابضه بتاعتي بقاني ياسر عرمان عديل
                   |Articles |News |مقالات |بيانات

27-02-2017, 11:40 AM

Yousuf Taha

تاريخ التسجيل: 03-05-2013
مجموع المشاركات: 472

للتواصل معنا

FaceBook
تويتر Twitter
YouTube


Re: كرهنا الغربة (Re: عباس الدسيس)

    ههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
    الجنى الفليبيني قايلك مصقرط هههههههههههههههههههههههههههههههههههههههههههه
                   |Articles |News |مقالات |بيانات

06-03-2017, 07:51 AM

عباس الدسيس
<aعباس الدسيس
تاريخ التسجيل: 11-10-2012
مجموع المشاركات: 3342

للتواصل معنا

FaceBook
تويتر Twitter
YouTube


Re: كرهنا الغربة (Re: Yousuf Taha)

    Quote:
    ههههههههههههههههههههههههههههههههههههههههههههههههههههههههههههههههههههههههههههههههههههههههههههههههه الجنى الفليبيني قايلك مصقرط هههههههههههههههههههههههههههههههههههههههههههه


    بالله يا يوسف شوف البقت علينا
    تحياتي وتقديري
                   |Articles |News |مقالات |بيانات

06-03-2017, 07:59 AM

عباس الدسيس
<aعباس الدسيس
تاريخ التسجيل: 11-10-2012
مجموع المشاركات: 3342

للتواصل معنا

FaceBook
تويتر Twitter
YouTube


Re: كرهنا الغربة (Re: عباس الدسيس)

    نواصل
    مع قرفنا من الغربة كمان الجوال حكايتو حكاية من يوم الخميس للسبت ببعد عن النت والجوال
    مليون قروب في الواتس وتتحسس تطلع من القروب عشان الناس ما تزعل
    عايز ليك يوم كامل تمسح في رسائل الواتساب ولو ما كنت حذر في حكاية المشاركات بتتورط زي صاحبنا الرسل صور فاضحه لقروب مولانات
    وتقعد في جوالي انسرق وانا مهكر وقلته اجرب الجوال الصيني
    كمان في ناس الرسائل بتاعين التبرعات علي صندوق الرسائل كل مرة تسمع طن طن طن رسالة شنو ما عارف مرضي الكلي وناس التوحد وادعم بخمسة ريال جمعية شنو.
    الغريبة لمو ليك فيني ناس العقم والفياقرا ياخ كرهونا الجوال مع الغربة
                   |Articles |News |مقالات |بيانات

06-03-2017, 08:20 AM

Yasir Elsharif
<aYasir Elsharif
تاريخ التسجيل: 09-12-2002
مجموع المشاركات: 23775

للتواصل معنا

FaceBook
تويتر Twitter
YouTube


Re: كرهنا الغربة (Re: عباس الدسيس)

    يعني عملت فرمتة كم مرة يا عباس؟؟ ( من وحي إجابتك لود عطبرة البرنس]
    أكيد بتكون عارف حكاية فرمتة السيئات.




    مع تحياتي لك وللجميع
                   |Articles |News |مقالات |بيانات

06-03-2017, 08:46 AM

عثمان الأمام

تاريخ التسجيل: 17-05-2013
مجموع المشاركات: 871

للتواصل معنا

FaceBook
تويتر Twitter
YouTube


Re: كرهنا الغربة (Re: Yasir Elsharif)

    عبس بوست خفيف وظريف
    شرطتونا بالضحك
                   |Articles |News |مقالات |بيانات

06-03-2017, 01:15 PM

عباس الدسيس
<aعباس الدسيس
تاريخ التسجيل: 11-10-2012
مجموع المشاركات: 3342

للتواصل معنا

FaceBook
تويتر Twitter
YouTube


Re: كرهنا الغربة (Re: عثمان الأمام)

    Quote:
    يعني عملت فرمتة كم مرة يا عباس؟؟ ( من وحي إجابتك لود عطبرة البرنس] أكيد بتكون عارف حكاية فرمتة السيئات.

    ياسر سلام يا حبيبنا
    المشكله ما الفرمته غيرنا الهارديسك كم مرة
    برضو محتاجين لانو السيئات مشكلتها هي البتفاجئك
    تحياتي
                   |Articles |News |مقالات |بيانات

06-03-2017, 01:16 PM

عباس الدسيس
<aعباس الدسيس
تاريخ التسجيل: 11-10-2012
مجموع المشاركات: 3342

للتواصل معنا

FaceBook
تويتر Twitter
YouTube


Re: كرهنا الغربة (Re: عثمان الأمام)

    Quote:
    عبس بوست خفيف وظريف شرطتونا بالضحك


    عثمان اخبارك يا حبيبنا
    ابقي اغشانا طوالي
    مع خالص الشكر
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de