كتابة الدكاترة

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 19-07-2018, 06:25 PM الصفحة الرئيسية

مدخل أرشيف للعام 2016-2017م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
02-04-2017, 07:20 AM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 18643

للتواصل معنا

FaceBook
تويتر Twitter
YouTube


كتابة الدكاترة
                   |Articles |News |مقالات |بيانات

02-04-2017, 07:32 AM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 18643

للتواصل معنا

FaceBook
تويتر Twitter
YouTube


Re: كتابة الدكاترة (Re: عبدالحفيظ ابوسن)

    كم تجربة مرت بي اذكر واحدة حديثة وواحدة قديمة
    الدكتور كتب ليك ورشتة . وانا ساكن في حي علي اشهر شارع بكوستي . شارع الدويم
    قلب المدينة تكثر فيه العيادات والصيدليات وجمب السوق
    شلت الورشتة ولفيت بيها . بالحساب في حلتنا في 9 صيدليات
    كلهن قالوا مافي
    مرات من نظرة عابرة
    مافي
    ومرات الصيدلي يقزع فيها و
    مافي
    المهم وانا بسأل وماشي علي صيدليات المسشفي برضو ما بعيد
    وبرضو مافي
    واحد صيدلي مسك الورشتة وقرأ بي صوت مسموع اسم الدواء
    وقال لي
    ما عندنا والله
    ظنيت وطلع ظني في محلو
    قلت ليهو
    عليك الله أكتب لي اسم الدواء في ورقة بخط واضح
    وقد كان
    لياقة مني رجعت لكل الصيدليات الجمبنا ولقيتو عند سبعة منهم
    وما خليتهم ساي اتفشيت فيهم واديتهم محاضرة بالدليل بالفرق بين
    مافي وما قدرت اقرا الاسم
                   |Articles |News |مقالات |بيانات

02-04-2017, 08:09 AM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 18643

للتواصل معنا

FaceBook
تويتر Twitter
YouTube


Re: كتابة الدكاترة (Re: عبدالحفيظ ابوسن)

    بعض الادوية اسماءها متشابهة ويحدث الخلط للصيدلي
    الصيدلي برضو مفروض يقول ما عرفت اقراهو
    بعض الاطباء يطالبون المريض بأنو يجيب الدوا ليهو اول حتي يستعملو .
                   |Articles |News |مقالات |بيانات

02-04-2017, 02:51 PM

أيمن الفاضل
<aأيمن الفاضل
تاريخ التسجيل: 12-01-2013
مجموع المشاركات: 971

للتواصل معنا

FaceBook
تويتر Twitter
YouTube


Re: كتابة الدكاترة (Re: عبدالحفيظ ابوسن)

    عبد الحفيظ كيفك
    الله لا حوجك للدكاترة إن شاء الله

    الحل بسيط جداً
    الروشتة تنطبع بي طابعة بدل كتابة اليد
    والكمبيوتر وطابعتو تكلفتهم ما كتيرة بالنسبة للدخل بتاع الدكاترة
                   |Articles |News |مقالات |بيانات

02-04-2017, 03:30 PM

معاوية الزبير
<aمعاوية الزبير
تاريخ التسجيل: 07-02-2003
مجموع المشاركات: 7415

للتواصل معنا

FaceBook
تويتر Twitter
YouTube


Re: كتابة الدكاترة (Re: أيمن الفاضل)

    والله يا أيمن بتبالغ
    فضل ليك تقول حقو يطبعوها زي كروت الزفاف
    والعاقبة عندكم في المسرات
    معقول ياخ
    والصفوف الماليه حوش الدكتور دا يوزعوا ليهم بلح!
                   |Articles |News |مقالات |بيانات

02-04-2017, 03:36 PM

أحمد الشايقي
<aأحمد الشايقي
تاريخ التسجيل: 08-08-2004
مجموع المشاركات: 14257

للتواصل معنا

FaceBook
تويتر Twitter
YouTube


Re: كتابة الدكاترة (Re: أيمن الفاضل)



    أخونا وداب سن

    كويس الحديث على الدكاترة وكويس انك بديت تكتب عن كتابة الدكاترة

    طبعا هي واحدة من المشاكل مع الأطباء السودانيين وليس كل المشاكل

    الكتابة للروشتة من مستوى الخدمة اللي بيقدمها الطبيب واحتمال الخطأ في قراءة الصيدلي للروشتة يمكن أن يؤدي لمترتبات جسيمة على المريض

    الغريب انه الغالبية العظمى من الأطباء كتابتهم على الروشتات سيئة للغاية وقراءتها صعبة للغاية والخطأ فيها من أسهل ما يكون

    الأدوية نفسها عددها أصبح خرافي ولها فرعيات بالنسبة لنوع الدواء الواحد وحتى الخلط في فرعيات دواء واحد يمكن أن يحدث فرقاً سيئاً على المريض

    اعتقد انه وزاراتنا وتعليمنا الطبي مقصرين في التنبيه لهذا الأمر وأطباؤنا هذه واحدة من مشاكلهم وليست الكل

    احد ارقى المستشفيات الخاصة بالسعودية مستشفى الدكتور سليمان الحبيب يربط الأطباء بشبكة كمبيوتر مع الصيدليات ويعطيك الطبيب تذكرة صغيرة بها رقم لتذهب للصيدلي

    فيصرف لك الادوية المكتوبة بلا كلام ... ويطبع لك تذكرة لاصقة مكتوبة بالعربي والانجليزي عليها اسم الدواء ووصفة الدواء والجرعات

    تلصق على العبوة لصـق

    لا تتصور مدى سهولة تعاطي هذه الادوية وبالذات مع الأطفال ....

    لك كل تحية

    أحمد الشايقي
                   |Articles |News |مقالات |بيانات

02-04-2017, 03:45 PM

عمر التاج
<aعمر التاج
تاريخ التسجيل: 08-02-2008
مجموع المشاركات: 6449

للتواصل معنا

FaceBook
تويتر Twitter
YouTube


Re: كتابة الدكاترة (Re: أيمن الفاضل)

    ازيك يا عبد الحفيظ ، وماك طيب
    في نوع من الدكاترة بقعر الكتابة كدة لامن يخرجها من لغة الخواجة
    والنوع ده لو طبعها ليك بالكمبيوتر برضو ما تتقري
    لكن في واحدين فاهمين ،
    يخليك تقرا الروتشة وتحفظها
    وتسمعها للصيدلي
    وديل هم وجهاء نشر المعرفة.
    النوع الاول بذكرني بنكتة الطبيب البرسل لزوجته جواب ،
    تقوم تشيله توديه للصيدلي عشان يقراه ليها
                   |Articles |News |مقالات |بيانات

02-04-2017, 05:13 PM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 18643

للتواصل معنا

FaceBook
تويتر Twitter
YouTube


Re: كتابة الدكاترة (Re: عمر التاج)

    صعبة يا ايمن وما عملية
    الاسهل يكتبو بخط واضح بس
                   |Articles |News |مقالات |بيانات

02-04-2017, 05:21 PM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 18643

للتواصل معنا

FaceBook
تويتر Twitter
YouTube


Re: كتابة الدكاترة (Re: عبدالحفيظ ابوسن)

    تعرف يا معاوية قبل فترة قريت كلام اظنو من امريكا حول التوجيه للاطباء بكتابة الورشتة بخط مقروء
    المهم بفتش في قوقل لقيت كمية من المقالات تتحدث عن خط الاطباء السئ . ونماذج وصور وقصص
    ف خليني اعتذر ل ايمن
    فعلا لقيت ورشتة مكتوبة بكمبيوتر . واضحة وسهلة
    وفي كلام عن الورشتة الالكترونية
    عذرا ايمن
                   |Articles |News |مقالات |بيانات

02-04-2017, 05:42 PM

Basamat Alsheikh

تاريخ التسجيل: 15-08-2015
مجموع المشاركات: 2580

للتواصل معنا

FaceBook
تويتر Twitter
YouTube


Re: كتابة الدكاترة (Re: أيمن الفاضل)

    الاستاذ عبد الحفيظ

    في نيويورك الامر بيختلف ...

    اولا ما في حاجة اسمها دوا مافي ....

    ثانيا الدكتور ما بيكتب ليك روشتة تشيلها وتلف بيها الاجزاخانات ولكنه بيرسل

    اسم الدواء مباشرة للاجزخانة الانت بتتعامل معاها عبر الانترنت ولمن تصل الاجزخانة

    الدواء جاهز في انتظارك ...

    مش احتمال قريب في السودان نحصل المرحلة دي!!!؟

    ..بعدين الشغالين في الاجزخانات في السودان ما كلهم خريجين كلية الصيدلة

    لان فيهم بياعين بس ...والصيادلة خريجي كلية الصيدلة اساسا هم دكاترة

    وتخصصوا صيدلة وهم بيعرفوا كتابة الدكاترة....اما البياعين الما قروا صيدلة

    ما بيعرفوا ...عشان كده بيقولوا ليك الدواء ما عندنا..

    مع وافر التحيات
    امتثال


                   |Articles |News |مقالات |بيانات

03-04-2017, 06:04 AM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 18643

للتواصل معنا

FaceBook
تويتر Twitter
YouTube


Re: كتابة الدكاترة (Re: Basamat Alsheikh)

    مرحبا
    الشايقي
    بسمات
    نفس الفكرة . محتاجة بالضرورة خدمة نت ودكتور يكتبها . الدكاترة المشهورين ما فاضين لكتابة الورشتة لكثرة المرضي
    إلا يكون شغال معاهو زول . يكتب ليك الورشتة وتمشي المكتب التاني يرسلوها
    فكرة ايمن اسهل . لا نت ولا اجزخانة محددة
    تشيل الورشتة المكتب التاني يطبعوها ليك
                   |Articles |News |مقالات |بيانات

03-04-2017, 06:34 AM

أحمد محمد عمر

تاريخ التسجيل: 03-03-2010
مجموع المشاركات: 2706

للتواصل معنا

FaceBook
تويتر Twitter
YouTube


Re: كتابة الدكاترة (Re: عبدالحفيظ ابوسن)

    السؤال ونحن في زمان شافع الابتدائي فيه شايل سمارت فون البخلينا نكتب باليد شنو ؟
    ووين تاريخ المريض؟ هل يعقل الدكتور يعتمد على كلام المريض الما متخصص براهو بدون ما يشوف تشخيصات الأطباء المشى ليهم قبله!
    برنامج واحد لمستشفى يتعمل ويتعمم على كل المستشفيات والمستوصفات الخاصة والطبيب تاني يكتب على كمبيوتره ويضغط طباعة أو حتى ولا يطبع ذاتو .. يمشي المريض يقدم بطاقته للصيدلي والصيدلي يشيك على السيستم ويديهو الدواء بتاعه

    الحركة الفوق دي تكلفتها كم ؟
    * بحسب شوف عيني أي طبيب مشيت ليه في السنتين الأخيرات عندو كمبيوتر وطابعة في مكتبه ومعاهن لابتوب وآيباد كمان .. وما اعتقد كمبيوتر في الطوارئ يشكل عبء مادي على إدارة المستشفيات .. تذاكر زيارات المرضى لنصف يوم بتجيبو
    * برمجة النظام الفوق دة عملية سهلة جداً وما فيه أي خدع أو صعوبات 5 مبرمجين من البياخدو الملايين الكتيرة في مشروع الحكومة الالكترونية لو قعدوا ليه شهرين ممكن يظبطوهو من الصفر .. لاحظ أنا ما قلت يستعينوا ببرامج جاهزة لأنه دي قد تكلف قروش رغم إنها ما فايتة الـ 100 ألف دولار بس الموضوع بسيط ما بحتاج غير خريج كمبيوتر عندو شوية خبرة في البرمجة وديل قاعدين أكتر من الهم في القلب في برج الاتصالات وبياخدوا مرتبات مهولة وشغالين تنظير بس
    * تشغيل النظام واستضافته على سيرفر موحد عشان يشمل جميع مستشفيات السودان .. يعني كلها تكون مربوطة مع بعض والبكتبوا ليه علاج في ام برمبيطة يصرفوا في طوكر عادي .. شايفينها حركة كبيرة موش ؟ لكن هي أسهل من شراب الموية أي مبرمج صغيروني نفس البرنامج الفوق داك بإضافة كود بسيط ممكن يخلي البرنامج لعدد غير محدود من المستشفيات
    طيب قروش السيرفر وإدارته نظامها كيف ؟ المركز القومي للمعلومات عندو سيرفر حكومي جاهز وشغال مجاناً للمواقع الحكومية .. يعني الاستضافة ما بتكلف ولا مليم

    الموضوع مادام بالبساطة دي ليه ناس وزارة الاتصالات والمعلومات ما فكروا فيه !
    أسألني دبل
    أقسم بالله بعرف زملاء شغالين في الحكومة الالكترونية قعدت معاهم بدل المرة مية .. الناس دي نست البرمجة ذاتا .. شغالين تنظير وإدارة وبيع كلام وقعدات مع وزراء وولاة والذي منه .. ما بنتجوا أي حاجة لأنه خربانة من كبارها .. وأقسم بالله عندهم بدل العربية اتنين بغيروهن كل سنتين تلاتة والما بنى عمارته في الخرطوم شغال يبني هسة
    دة ما حسد ربنا يبارك ليهم في رزقهم ويزيدهم اكتر واكتر لكن داير اقول ليك إنه القوى العاملة موجودة بس ناقصة إدارة تقنية واعية
                   |Articles |News |مقالات |بيانات

03-04-2017, 08:44 AM

عثمان الأمام

تاريخ التسجيل: 17-05-2013
مجموع المشاركات: 1032

للتواصل معنا

FaceBook
تويتر Twitter
YouTube


Re: كتابة الدكاترة (Re: أحمد محمد عمر)

    سلامات أبوسن وضيوفو

    الخط السئ في الروشتات أعتقد مشكلة عالمية تقريبا" والسبب الرئيسي
    أعتقد مشكلة الزمن والحاجة التانية التعود وكتابة الصنف عشرات المرات
    في اليوم!

    في السودان عمل شبكة لربط الصيدلية والمعمل وحفظ الملفات صعبة جدا"
    وعالية التكلفة وحتى دول الخليج الغنية تواجه مشكلة في تطبيقها رغم تطور
    السجل المدني والتسجيل الطبي بها وقلة عدد السكان مقارنة بالسودان.

    الحل الأمثل في المرحلة الحالية أعتقد الزام الصيدليات عدم صرف أي دواء
    بدون روشتة طبية وأي روشتة طبية يجب أن يكون بها أسم الطبيب أو العيادة
    ورقم تلفون للاتصال الفوري في حال تعثر قراءة الروشتة وعلى الأطباء كتابة
    الروشتة بطريقة يسهل قراءتها على الأقل الأدوية قليلة التداول .
                   |Articles |News |مقالات |بيانات

05-04-2017, 09:46 AM

أحمد محمد عمر

تاريخ التسجيل: 03-03-2010
مجموع المشاركات: 2706

للتواصل معنا

FaceBook
تويتر Twitter
YouTube


Re: كتابة الدكاترة (Re: عثمان الأمام)

    Quote: في السودان عمل شبكة لربط الصيدلية والمعمل وحفظ الملفات صعبة جدا" وعالية التكلفة وحتى دول الخليج الغنية تواجه مشكلة في تطبيقها رغم تطور السجل المدني والتسجيل الطبي بها وقلة عدد السكان مقارنة بالسودان.
    من ناحية برمجة ما صعبة
    عادي قاعدة البيانات تكون على النت وأي صيدلية ومعمل يعملوا تسجيل اونلاين زي عضويات المنتديات ويتم اعتمادها وتفعيل عضوياتها من الجهة المخصة وتظهر ليها شاشاتها
    دول الخليج ما غالبها التطبيق البرمجي لكن غالباً بتكون عندهم سياسات واجراءات تنظيمية هي المخلياهم ما مطبقينها بدليل وجود نظام زي نظام نور بتاع المدارس في السعودية أكبر من نظام المستشفيات دة بي 20 مرة
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de