كالقري يا ابكر ادم: عن سوداني اسمو عبد الكريم رجب..!!

شرح مفصل و معلومات للتقديم للوتري 2020
فتحي الضو في أستراليا
التحالف الديمقراطي بمنطقة ديلمارفا يدعوكم لحضور احتفاله بالذكري 54 لثورة اكتوبر
Etihad Airways APAC
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 18-10-2018, 06:51 PM الصفحة الرئيسية

مدخل أرشيف للعام 2016-2017م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
24-08-2016, 12:17 PM

Kabar
<aKabar
تاريخ التسجيل: 26-11-2002
مجموع المشاركات: 16392

للتواصل معنا

FaceBook
تويتر Twitter
YouTube


كالقري يا ابكر ادم: عن سوداني اسمو عبد الكريم رجب..!!

    12:17 PM August, 24 2016

    سودانيز اون لاين
    Kabar-كـــندا
    مكتبتى
    رابط مختصر


    صديقي العزيز..دكتور ابكر ادم اسماعيل..
    تحيات..وعيد اضحي يجدك بخير والأسرة ، وبعد..

    عارف يا حبيب..لمن حصل الإنقسام ، او ما نسميه باستقلال الجنوب..كان بالخاطر..خلق كتيرة.. الخلق التي نبحث عن موقعها من الإعراب (كما حدثنا احد ابطال رواية الطريق الى المدن المستحيلة) فاقتبس عبارته صديقنا المرحوم ، الشيوعي النبيل ، نزار جلاب عليه السلام ، فاخذ يردد العبارة ويرددها الى ان فهمنا مؤخرا ما يقصد.. وربما قصد الكاتب في ذات نفسه..!

    لحظة الإنفصال/الإستقلال..كان بالخاطر خلق..امثال كوماندر أيي ، كوماندر اكيج ، ميري نون ، شقيقتها الفنانة لوشيا ،الفنانة سميرة ،شقيقتها ، الفنانة نازك ، ريجينا ، روز ، بابوو ، فلورا..نفيسة ..خلق كتيرة يا صاحب.. اهمهم جميعا ، صديقنا الخلوق عبد الكريم سعيد رجب..!

    هل تعلم يا ابكر..ان عبد الكريم هو اخر ملامح السوداني الحق؟..السوداني الذي يتحدث لغة الدينكا بكل تفريعاتها (قوقريال ، جورشول ، بور ، نقوك..زاندي ، كريش ، باريا ..مابان..الخ) ، وفي نفس الوكت يتحدث لغة المحس/الدناقلة ، وتحت تحت الكاركو والكدر والكدرو..!!ثم عربي امسودان بتاع ناس بحري ، حلة حمد ، حلة خوجلي..وبقية عربي امسودان الواحد ده..!!

    ياخي زول كلما تشتط وتتطرف في الدنيا دي ، يرجعك بالبسمة اليقين..!

    يضحك و يقول لي : ول ابا ، كن طرت وكن ركيت ياكا جنقاي (دينكاوي)..!

    اتنرفز واقول ليهو: يا كريم يا عمك ، الروووب يااخ..حبوبتي دينكاوية..!
    يقول : مش مهم ، المهم ابقى سوداني ياعمك ، وعشان ما تتعقد ياخي انا حبوبتي جلابية عدييييييييييييييييييييييييل..من حلة حمد ود ام مريوم..!!

    يخرب مطنك يا كريم ، انتا قاعد تتكلم عن ياتو بلد يا اخينا؟

    يقول ليك: البلد الجيت منها انت وانا وغيرنا..!!
    التحية لأخونا الفنان الجميل عبد الكريم رجب.. ولأسرتها ، مدام محاسن ، واطفاله بنين وبنات..!!
                   |Articles |News |مقالات |بيانات

24-08-2016, 12:19 PM

Kabar
<aKabar
تاريخ التسجيل: 26-11-2002
مجموع المشاركات: 16392

للتواصل معنا

FaceBook
تويتر Twitter
YouTube


Re: كالقري يا ابكر ادم: عن سوداني اسمو عبد الك� (Re: Kabar)


    بالنسبة لناس سودانيز وغيرهم: اخونا الفنان عبد الكريم رجب..هو الذي كان يساكن الكاتب السوداني العظيم ابكر ادم اسماعيل ، ايام البحث عن نشر روايته (الطريق الى المدن المستحيلة) و (احلام في بلاد الشمس ) ، في مدينة كالقري ، عاصر عبد الكريم رجب ، ميلاد رواية ابكر ادم اسماعيل (الضفة الأخرى) ، والأهم ، صورة البروفايل تبع ابكر ادم ، والتي تظهر في سودانيز اونلاين ، وبعض غلاف روايات ابكر ، هي من تصوير صديقنا واخونا النبيل عبد الكريم رجب..!!
                   |Articles |News |مقالات |بيانات

24-08-2016, 12:21 PM

Kabar
<aKabar
تاريخ التسجيل: 26-11-2002
مجموع المشاركات: 16392

للتواصل معنا

FaceBook
تويتر Twitter
YouTube


Re: كالقري يا ابكر ادم: عن سوداني اسمو عبد الك� (Re: Kabar)






    هذا الفيديو ..سنة 2013 ، يعني بعد فرز المعيشة السياسية ، لكن نشهد انو الحفلة كانت بتاعة عرس لأهلنا الدينكا..وناس الحفلة لم يختاروا بوب مارلي أو برنس او راب.. وانما اختاروا مزاج عادي.. مزاج منى القوز ، طه سليمان ، حمادة بنات..الخ..!
    هل هم خايفين من حد؟ بالطبع لأ..
    هل هم بيجاملوا في حد؟ بالطبع لأ..
    كانوا بيقولوا ذاتهم من غير اجندة خفية ومماحكات ايدلوجيا ما جايبة همها..!
    ثم..
    اين صاحبنا عبد الكريم رجب من كل ذلك؟
                   |Articles |News |مقالات |بيانات

24-08-2016, 12:23 PM

Kabar
<aKabar
تاريخ التسجيل: 26-11-2002
مجموع المشاركات: 16392

للتواصل معنا

FaceBook
تويتر Twitter
YouTube


Re: كالقري يا ابكر ادم: عن سوداني اسمو عبد الك� (Re: Kabar)


    صديقنا عبد الكريم رجب ، رجل انيق ويحب الأناقة ، ولقد ادخلني في موقف محرج/سمح شديد للغاية ذات يوم..!
    كانت حفلة اقامتها رابطة دارفور..وعبد الكريم جا متأخر شوية ..ومن كل خلق الله ..قام جاني ومسكني من يدي وقال لي ارح معاي نعزل بنات عشان يرقصن معانا..!
    وانا يا مؤمن يا مصدق..مشيت معاهو..اخترنا زولتين ..شرطا من دارفور..!
    الرقص كان حاجة عجيبة.. نحن الأربعة في نص الصالة..
    Slow dance
    يخرب مطنك يا عبد الكريم..!
    رقصنا ، ولمن انتهي الرقص ، جريتو بره الصالة ، ياخي قربت اقبقبو..نظام شكلة وكده.. وقلت ليهو: يازول انت مجنون؟..ده شنو البتسوي فيهوده..دي عروض ناس ياعمك..شنو الحقارة دي؟!
    اشعل سيجارة روثمان ، قال لي: مش انتو ناس كردفان ، عندكم البت بتسرح وبتكون كاشفة نهدها؟
    قلت ليهو: نعم حاصل ، لكن علاقتو شنو بالهباب السويتو ده؟ ياخي ديل عوين رجال وممكن يدخلونا في حيص بيص..!
    ضحك عبد الكريم رجب ، وقال: ليه ما يكون الرقص بالطريق دي ، نظام انو بتحلف ليهم انك ما ح تخونهم في العرض أو المال..!!
    استغربت من غرابة منطقو ، وولعت سيجارة..!!
                   |Articles |News |مقالات |بيانات

24-08-2016, 12:28 PM

Kabar
<aKabar
تاريخ التسجيل: 26-11-2002
مجموع المشاركات: 16392

للتواصل معنا

FaceBook
تويتر Twitter
YouTube


Re: كالقري يا ابكر ادم: عن سوداني اسمو عبد الك� (Re: Kabar)





    نرجع للفيديو..حفلة سنة 2013 في مدينة كالقري ، حفل عرس لأحد اصدقائنا الدينكا.. وعبد الكريم رجب ، الزول الفنان ، الزول السوداني الأصيل ، حرص ان يكون حاجة مختلفة.. فهو الذي يرتدي اغرب لبس في هذا الحفل.. جلابية انصار ، عمة مكتول عزبها (عمة انصار).. ويرقص ويجامل..!

    في احد اللقطات يتحدث عبد الكريم قريبا من زولة سودانية..وقد يفهم البعض ان هذا القرب هو مجرد اسفاف واستهبال وصعلكة..لكن في عرف عبد الكريم رجب..هو امر بعيد المعاني والمرامي.. فالزولة التي تحدث اليه عبد الكريم بصورة حميمة..هي زولة من جبال النوبة..قادرين تتخيلوا روحكم في حفلة دينكا؟..فالرجل كان يزيل المسافات.. ويذوب الجليد.. ويريد ان يرسل لتلك الصديقة رسالة مفادها : لا تشعري بالغربة فانت وسط اهلك..!!

    ومؤكد ، عبد الكريم يفعلها مع أي سودانية اخرى ، أو اي سوداني ، فهو الرجل الوحيد الذي يراقب مثل تلك المناسبات.. ثم ينطلق بحثا عمن يشعرون بالغربة ، رجالا او نساءا ، ليقول لهم:انتم وسط اهلكم ، وفي نفس الوقت يلتفت ليجامل ، احد امهاتنا من عجايز الدينكا ، ويحدثها بلغتها ، ليؤكد لها انها ليست غريبة..!!

    تحية لأصدقاء الجمال..مولانا مديت.. صديقنا الخلوق ابراهام ، صديقنا الجميل طارق محمد عثمان ، صديقنا ملاك..

    وتحية خاصة لأخر سوداني ، بتشوف فيهو ملامح امسودان المفقودة الي الأبد.. الفنان عبد الكريم رجب.. وبت ابا محاسن ، والصغار..ديل بالتحديد ليهم كل الحب ..!!

    كبر
                   |Articles |News |مقالات |بيانات

26-08-2016, 07:03 PM

Aamer Hussin
<aAamer Hussin
تاريخ التسجيل: 05-04-2016
مجموع المشاركات: 87

للتواصل معنا

FaceBook
تويتر Twitter
YouTube


Re: كالقري يا ابكر ادم: عن سوداني اسمو عبد الك� (Re: Kabar)

    الاخ العزيز استاذ كبر
    كم امتعتنا بهذه السياحة الجميلة فى بستان السودان الوطن الجميل الذى يزدان فى دواخلنا دوما
    ونبتهج ونبتهل متمنين عودة الايام الجميلة بذات العبق والروعة وشكرا جزيلا لهذا الفنان الذى
    تجسد ملامحه وجه هذا الوطن الجميل
    كم يحدونى الامل ان نسترجع بعض من ملامحنا التى افتقدناها ودائما ما ياخذنى تفكيرى فى البحث
    عن استزراع شخصية الفنان عبد الكريم فى كل شخص يحمل تقاطيع هذا البلد الجميل
    شكرا لك على مصابيح الضياء التى كنا نظنها قد خبات وانقطع الامل والرجاء فى استرجاعها

    عامر
                   |Articles |News |مقالات |بيانات

27-08-2016, 01:02 AM

munswor almophtah
<amunswor almophtah
تاريخ التسجيل: 02-12-2004
مجموع المشاركات: 19112

للتواصل معنا

FaceBook
تويتر Twitter
YouTube


Re: كالقري يا ابكر ادم: عن سوداني اسمو عبد الك� (Re: Aamer Hussin)

    الأخ كبر ذلك التطريب العالى بتلك اللغه الراقصه والنزاعه للفرح حتى لمن لا
    يستوعبها كما ينبغى، ولم لا، والأحباش يذوبون عشقاً فى القمر بوبا، وفى سال
    من شعرها الذهب، والممبو السودانى وغير ذلك من الفنون لا بل الصومال وشمال
    نايجيريا عابرا حتى غينيا بيساو وغينيا كوناكرى ولم تنجُ
    من ذلك باركينو فاسو ومالى، أثرٌ قوى من الغرب إلى الشرق أما جنوب
    السودان سيظل جنوباٌ للسودان ولا يمكن له أن ينفصل عنه مهما غزته شرق
    أفريقيا ببضاعاتها المختلفه إثيوبيا، كينيا، يوغنده، أو وسط وجنوب أفريقيا كزائير
    والكنغو فاللغه فى المركز هى لغة عربى جوبا واللغه العربيه التى
    إرتحلت مع من رحل تغذية لتلك السائده والمزاج مازال شمالياً والهوى كذلك
    والفنون هى المسيطره والعشق الرياضى فالهلال والمريخ فى زهن الكل
    ووردى وسيد خليفه وكابلى والجابرى عشاق الكل والمسرح ورواده والتقليه
    والنعيميه والسكسكانيه والشعيريه وكذا الحنه والخمره والدلكه والطلح ياخ
    والثياب حتى الطهور رحل جنوباً قاتل الله من زرع ذلك فقد عايشت هولاء
    الإخوة حقا منذ أكثر من 27 عاما وكنت لصيقاً بهم أعرف تفاصيلهم كلها ولا
    أغيب عن مناسبةً لديهم أبدا سلاطين كبول أتيم وويك مامير ومليث
    حتى مارتن مجوت ومن النوير سمعان وال وبيتر قينج وقارويش وكاركوث
    وناروين ونامكال واشول واموك ودودو واسنطا وغيرهم وغيرهم
    ولم يكن وقتها وجوداً للشماليين فيأتوننا فى الضحيه وفى رمضان ونذهب لهم
    فى الكريماس وعندما بدأت أفواج الشماليين تتقاطر للمدينه ولاحظوا
    الإنسجام والتفاعل قال من يظن أنه حركة شعبيه وأنه أولى بتلك الحميمية
    منى بأن منصور من أمن الحكومه وكوز ذلكم الجهلول خريج سادسه إبتدائى
    والذى قابلناه بالبيضاء ولكنه أراد أن يضع النجاسة فى الإناء
    الذى أحسنا إليه فيه ولكنهم قالوا له لو منصور شيخ الترابى ذاته أو شيخ أبوزيد
    أو البشير ذات نفسه نحن لا نقبل أن تقول فيه ذلك وأخبرونى بذلك
    وأمطرته بما يستحق وقتها وبعد أن علم أنى أعرف ياسر سعيد وعادل فيصل
    وإبراهيم سعيد وعباس عمر صنفنى شيوعى ثم إتصل بياسر يستفسره عنى فقال
    له ياسر منصور صديقى وهذا تلفونى أعطه له وفعلا
    سلمنى التلفون وياسر كان بأريتريا وقتها والحرب فى أوجها فلم أتصل بياسر ولم
    أعطى رقمه لأحد خشيةً أن يحدث له شيئا وأكون فى موضع شك فالرجاله تحتم
    على ذلك والأخلاق السليمه، فيا كبر إن مأساة الإنفصال الإستخباراتى والذى
    راح ضحية له قائد ثورته قبل أن يتهنأ
    بما نال من مكانة فى الدوله ومن خلفه راحت قبائل وما زالت تروح
    وكل ذلك نتيجة للثوريه غير الواعيه وللعاطفه غير المدركه لحقائق
    الأشياء حتى بان الضرر الآن الضرر الذى لا ولن يغيب عن أمثال أبكر
    آدم إسماعيل ولا عن غيره وحتى أبكر الآن خارج الحدث حائرا فى كل
    المشهد وأتمنى أن يقرأ الواقع ثانية ويكون جزءً من كتابة مسودة المستقبل
    الذى يصنع السلام شمالاً وجنوباَ.

    ولك السلام يا كبر

    منصور
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de